LIVRE DIXIÈME

cative entr'eux et leursdicts sujects, pour aller, venir , sejourner , retourner et converser, marchander, communicquer et negotice les uns avec Îles autres, ès païs des uns et des autres, librement, franchement et seurement, par mer, par terre , par riviere et eaux douces, tant deçà que delà les monts, et tout ainsi quil est accoustumé faire en temps de bonne, sincere et amiable paix, telle qu'il a pleu à Dieu par sa bonté envoyer et donner auxdits seigneurs princes et à leurs peuples et sujets; défendant et probibant très-expressement à tous, de quelque estat , qualité et condition qu'ils soyent, qu'ils n'ayent à entreprendre , intenter ny innover aucune chose au contraire, sur peine d'estre punis comme infracteurs de paix ct perturbateurs du bien et du repos public.

Faict à Viliers-Costerets le 7 avril 4559. Signé HENRY, et au dessous, DU THIER. »

” Or puis qu’il est ainsi que les amitiés ne peuvent estre conciliées, mesmes entre les grands princes , que par l'assistance que Dieu y apporte, il en resulte que c’est son œuvre, et que cest œuvre rendra de jour à autre de fort excellens et savoureux fruicts à l'advancement et seurté de ceste pauvre republique chrestienne qui a enduré tant et tant d'adversités; que parmy tout cela il est encores necessaire que le prince, par ceste supreme debonnaireté qui reluit de toutes parts en luy, ait souvenance que tous les grands exploicts qu'il a heureusement demeslés ont eu l’assistance de Dieu pour leur guide, mais que la main, l'affection , le sang et les biens de ses sujets et serviteurs, ont esté les instrumens de ceste felicité, et que partant chacun, selon sa portée et condition, doit avoir part au banquet de ceste glorieuse paix, et principalement les princes et les seigneurs estrangers qui ont embrassé la fortune et le service de Sa Majesté , à fin qu'en ce gracieux traictement chaeun soit, par intentions pareilles, mais par proportions differentes, invité à aimer , honnorer et servir Sa Majesté à toutes sortes d'evenemens auxquels les grands cstats sont assujectis par les lois de l'humanité, ]aquelle ne trouvera jamais rien de ferme nv d’arresté qu'en la vie éternelle ; que, parmv

tous ceux qui ont servy Sa Majesté durant ces guerres, il y a plusieurs seigneurs milannois, gennois , picdmontois , astizans , montferrins et autres, qui ont employé et les biens et la vie pour le service de Sa Majesté, et avec tant d'ardeur et devotion , que ce seroit chose de pernicieux et deplorable exemple si, au partir de là, la paix survenante, ils demeuroient sans recompense , et sans l'asseurance qui leur doit estre concedée sur les choses passées par les princes contre lesquels ils ont servy : c'est un devoir lequel oblige et les princes et tous autres à rendre à chacun ce qui luy appartient par une franche disposition et volonté, qui ont pour guyde, ct pour finprincipale.ceste charité que Dieunous a tant et tant recommandée et sans laquelle nos actions demeurent sans merite. Par toutes ces considerations, plus familieres à Sa Majesté qu'à nul autre prince de la terre, le mareschal la supplie très-humblement avoir, et en general et en particulier ; tous ses bons serviteurs en telle recommandation et souvenance, que selon leurs merites ils se puissent ressentir de ses graces et de ses faveurs après tant de pertes , de peiacs et de labeurs, et ne les laisser envieillir et ruyner parmy les espcrances, qui est la seule chose qui ne peut estre ostée aux miserables ; finalement que la majesté des roys representant, comme elle faict, çà bas celle de Dieu, il en resulte qu'ils doivent tascher de rendre à leurs amis, serviteurs etsubjects , cest heur et ceste felicité qui depend de leurs jugemens, puissance et débonnaircté.

Le vingt-deuxiesme avril 1559, le mareschal depescha le general Coyflier vers le roy, le chargeant de remonstrer à Sa Majesté que le jour de la publication de la paix les peuples s'estoient eslevés en plusieurs endroicts, crians vive Savoye ! Saroye! et entre autres dans Thurin , Montcallier , Yvrée et Saviglian ; qu'au contraire de ceux-cy, Quiers avoit faict

toutes demonstrations d'amour et d'affection

envers Sa Majesté, offrans les habitans leurs biens et leurs personnes.

Que les principaux et des villes et de la

noblesse , esmeus par des lettres inconside-

rement escrites de la cour , cstoient des-jà montés à cheval pour aller saluer M. de Sa-

MÉMOIRES DE BOYVIN DU VILLARS

[15591 voye , la pluspart d'eux sans luy en demander congé : par lesquelles demonstrations , et qui augmentent tous les jours, il est aysé à recognoistre que les demolitions des places restituables ne se pourroient faire sans la force et sans argent , et sans ayde de pionniers venans de Dauphinéet Provence, mesmes dans un terme si court qu'est celuy que Sa Majesté a prins.

Que pour remedier à l'un et à l'autre inconvenient , il est necessaire que M. de Sa vove envoye à chacune des villes qui se doivent demolir un gentilhomme des siens, avec auctorité, tant pour contenir les peuples comme pour faire venir une grande quantité de pionniers, pour s'en plustost depescher.

Que s'il cest ainsi que le terme de la demo-

lition ne puisse estre prolongé ou executé par le moyen que dessus , il seroit plus à propos de gratiflier M. ct madame de Savoye de l'entiereté des places , que d'y mettre la main et ne le pouvoir toutes-fois achever, laissans par ce moyen à ces princes une odeur un peu rigoureuse sur ce qu'ils doivent esperer de la genereuse main de Sa Majesté , à la volonté de laquelle le tout est remis, outre que cela leur donneroit occasion de se comporter plus gracieusement envers les places qui demeurent à Sa Majesté.

: Que si la retention des cinq villes est mesurée à la seule enceinte de demie lieue à l'entour de leurs murailles, c'est leur donner une fort estroite prison , et dans laquelle il leur seroit impossible , quoy qu'ils sçeussent faire , de. recouvrer de quoy nourrir ny eux ny les garnisons ; et aussi que ce ne sera doresnavant qu'une pepiniere de disputes et de querelles , soit qu'on sorte plus outre ou que le manant vueille emporter dans la ville le bien qu'il a en la campagne, qui sera recogneue d'autres princes que du roy. D'allcguer que M. de Savoye, d'année en année, pourvoira à ceste incommodité el necessité des vivres , et qu'estant si affectionné qu'il est à Sa Majesté , il aura plus de soing et de respect aux commodités des places de Sa Majesté qu'aux siennes propres ;

Il est veritablement à croire que ce prince, qui a l'ame genereuse , fera encores mieux que tout cela ; mais toutesfois il est homme ,

et, comme tel, subject à mutations et aux vicissitudes des choses humaines, qui ne demeurent jamais gueres arrestées à mesme but; quoy succedant, que deviendroient ces places? car , à dire ouvertement ce qui en est, elles ne despendront pas doresnavant , non de leur propre force , mais de la discretion de M. de Savoye , qui ne s’est pas toutesfois voulu luymesme soumettre à celle du roy, l'ayant bouclé de si près qu'il a faict ,et, par l'accord , retenu à luy l’auctorité de cela mesme qui devoit tout nuement et simplement de-

pendre de Sa Majesté ; chose qui ne fut jamais

practiquée où il s'est traicté de l'estat , voire mesme du pere au fils.

Que cette restrinction , laquelle les serviteurs de Sa Majesté ne peuvent, comment que ce soit, bonnement digerer, leur a donné occasion , non pas de vendre les munitions et vivres qui sont dans les places restituables, comme Sa Majesté vouloit, mais bien de les faire porter dans celles qui luy demeurent, à leur future seureté, ou pour en secourir les affaires selon ce que l'estroict auquel ils sont reduicts le pourra requerir.

Que s’il ne plaist à Sa Majesté envoyer diligemment de l'argent pour casser et pour licentier les gens de guerre , et pour ceux aussi qui ont à demeurer dans les cinq places, il est à craindre qu'ils ne facent quelque grand desordre dans les villes , dont M. et madame de Savoye luy donneroient Ia coulpe, par une opinion qu'ils ont conceue que le mareschal leur est contraire, à ce qui luy en a esté escrit de la cour , et comme on a assez faict recognoistre au secretaire Boyvin lors qu'il en est party, n'ayant toutesfois rien faict

que ce qui appartenoit à un sage negotiateur

et fort fidelle serviteur du roy.

Qu'il plaise à Sa Majesté faire quelque honneur et ordonner aussi entretennement aux gouverneurs des places, capitaines et autres personnes notables quil’ontservy en Piedmont, selon le roolle qui en sera envoyé ; la pluspart desquels seroient autrement contraints d'aller mandier leur pain et chercher leur fortune hors du royaume , au grand mespris et desservice de Sa Majesté ; mais parmy tous ceux-là ceux qui sont bannis , et qu'on à indignement negligé de comprendre aux traictés