LIVRE ONZIÈME

que chacun tascheroit de prendre party avec ami ou ennemi.

Que c’est une remarquable impieté d'avoir acquiescé au vouloir de l'ennemi sur la comprehension et reservation qui devoit estre faicte par le traicté de paix pour tous les bannis de Naples, Sicille, Milan, Gennes et Montferrat, la pluspart desquels avoient courageusement secondé la valeur et la fidelité françoise , et dont toutesfois , sur les mesmes lieux du traicté , Boyvin avoit faict instances infinies; que ce malheur estoit negligemment ou inconsiderément couru, qu'il en faloit corriger le regret et l'amertume par pensions et appoinctemens dignes et du prince et du serviteur ; qu'en faisant autrement ce seroit apertement inviter et les uns et les autres à faire quelque dangereux coup , et dont il ne pourroit estre justement accusable ; et à la verité, celuy qui ne faict le manteau que pour une seule pluye ne sera jamais estimé bon mesnager : à l'enfournement se font les pains cornus.

: Plus grande et plus detestable impieté est celle-là d'avoir, en pareille occasion, abandonné à toute ruyne et les gentils-hommes et les bourgeois de Casal , tous lesquels , en faveur de Sa Majesté, ont contribué à la deffence de la ville les armes, les enfans, les parens et les amis, et couru aux escarmouches au pair des mesmes François ; et toutesfois on a faict si peu de compte de toutes ces vertueuses actions , qu'on a mesprisé , et certes ingratement (soit dict avec correction), de la comprendre daas le traicté de la paix : l'honneur, la conscience et la reputation vouloient toutesfois le contraire; et nous voulons estre aimés et estimés.

Le coronnel des Suisses Apro (petit de corps et gros de cœur) demande, conformement à ce qui luy a cy-devant esté promis, l'entretenement de sa compagnie et en paix et en guerre, protestant fort ouvertement que, là où on luy manquera de parole, qu'il sçaura si bien brouiller les cartes, que sa nation rabattra beaucoup de l'affection qu'elle porte à la France. Il est si habile homme, et de tel credit parmy les siens, qu'il pourroit encor faire pis: si la foy du prince n'oblige,

qu'est-ce qui ke fera?

Que le comte de Beyne s'estant volontairement donné à la France, et lors qu'elle en avoit besoïing, se plaint, aussi bien que les autres, que quoy que ses services soient dignes de recommandation , qu'on n'a toutesfois daigné le comprendre dans le traicté de paix , le contraignant, par ce defaut, ou à vendre à non prix sa place à M. de Savoye, ou à demeurer craintivement enveloppé dans la discretion de luy, qui à offencé par la seule affection et consideration du roy, la reputation de la majesté duquel requiert qu'il soit aidé et soulagé.

Les seigneurs de Sanfré , comte de Desane, d'Ormes, de Rossane , de La Chiusa, de Morette, et plusieurs autres gentils - hommes piedmontois , leurs lieutenans et enseignes, jurqu’au nombre de six vingts, font pareilles plaintes; mais ce qui est plus digne de compassion, et qu'il ne peut representer à Sa Maiesté qu'avec honte et regret, ce sont ces pauvres sieurs de Birague, qui font, entre père, frères, cousins et enfans , le nombre de trente, qui ont tous, par l'espace de trente ou quarante ans, rendu de si grands et de si memorables services , que c'estoit le moins qu'ils devoient esperer que d'estre comprins au traicté de paix, pour la restitution de leurs biens perdus à la seule consideration de Sa Majesté, et que l'afiction dans laquelle ils demeurent injustement enveloppés merite qu'elle leur donne en Lyonnois et en Daulphiné quelques maisons de son domaine d'honneste revenu pour s'y retirer.

- Puis que Dieu pour nos peschés a voulu que , de tant et tant de glorieuses conquestes et victoires , ilne soit demeuré à la France que ces six pauvres places orphelines, il est necessaire de remettre sus celles de Cental et Roques-Parviere, qui respondent à la Provence , et qui sont si abondantes en bleds, qu'elles peuvent nourrir une armée six mois durant ; elles serviront aussi de bride et de

contrecarre aux places que M. de Savoye |

tient sur le haut Piedmont , et le passage asseuré à une armée royalle si elle prenoit ceste roulte.

Sera pareillement necessaire qu'il plaise à Sa Majesté ordonner deniers pour la fortification et pour l'advictuaillement desdictes

MÉMOIRES DE BOYVIN DU VILLARS

cinq places, dans lesquelles à fera cependant jetter ce qui se trouvera dans les places restituables : en faisant et l'un et l'autre, elles dependront, en toute sorte d’evenement , plus d'elles mesmes que d’autruy. Le proverbe dit que qui s'attend à l’escuelle d'autruy est souvent plus mal disné qu'il ne voudroit , et nous n'y sçavons remedier.

Qu'il a tousjours esté attendant, comme il est encores, l'arrivée du gentilhomme que Sa Majesté avoit promis luy depescher , avec instructions fort amples de tout ce qui seroit à faire pour l'execution de la paix , et pour la conservation future des places qu'elle retenoit, sans quoy tout demeuroit suspendu entre la crainte et le danger, d'autant qu'à telle chose se pourroit-il advancer que Sa Majesté l'en reprendroit, et à telle autre aussi qui pourroit apporter du mescontentement au roy d'Espagne et duc de Savoye, et qui seroit rapportée à la passion particuhere da mareschal. s Que , desirant prevenir ces deffaux , depeschoit le secretaire Guesdon vers Sa Majesté, chargé de toutes les amples instractions et memoires que le temps et le propre subject requeroient ; cependant qu'il ne trouvoit ny seur ny raisonnable que Sa Majesté desarmast , au moins jusques à tant que les places restituables fussent entierement demolies et qu'il ne fust aussi arrivé argent pour y tra vailler , et puis payer et licentier les troupes. S'il estoit ainsi, comme aucuns luy escrivoient , que Sa Majesté ne se soucisst guieres de ces demolitions, et que le soin et la charge en deussent tomber sur M. de Savoye , il estoit necessaire que , deslors et sans differer , il ordonnast seurement à ses ministres de diligemment fournir tout ce qu'il faudroit pour ces demolitions , afin que la coulpe n’en fust rejectée sur luy, comme sourdement on faisoit des-jà , tant les envieux se plaisoient à le mettre en mauvais mesnage avec ledict duc.

Que pour gaigner temps il estoit pareillement necessaire d'envoyer aux gouverneurs et capitaines des places et chasteaux à chacun une patente servant de descharge pour la reddition de la place , et au mareschal une gencrale sur tout ce qu'il aura à faire et à traicter en toutes sortes d'affaires, qui sont

aujourd'huy reduits à telle consequence , qu'il ne faut rien dire ou are sans commandement exprès.

Le 25 , Boudet , secretaire de M. le connes:

table, arriva en Piedmont chargé de memoires et instructions, par lequel il estoit ordonné qu'on procedast diligemment aux demolitions d’Aviglane , d'Yvrée, Montcalier, Saviglan, Santia , Casal, Verrue, Albe , et Saimct Damian , sans parler de Valence , Cairas , Montdevis, Ceve , Courtemille et autres, qui estoient toutesfoisrestituables comme les autres, puis que par le traicté de paix elles n’estoient retenues en Ja specification des six qui l'estoient. S'il fut mal pourveu de ce costé , il l’estoit encores pis des deniers cy-devant demandés , et sans lesquels les demolitions ne se pouvoient faire, ny nourrir les gens de guerre pendant qu'on y travailleroit , comme Guesdon avoit deu remonstrer ; qu’en ceste surceance les affaires s'empiroient , et qu'à apaiser la faim etla misere des gens de guerre il falloit autre chose que nappe blanche, et qu'il n’eust jamais creu que le vent et les ondes servissent de registre et d'asseurance à tant et tant de promesses.

Le 29 avril, leroy , rentrant sur les mesmes brisées de l’ennuy de ce gentil-bomme bien instruit sur l’execution de la paix , manda au mareschal qu'il avoit tort de dissimuler sur le fait des demolitions, qui deussent estre desjà accomplies ; que Sa Majesté avoit commandé que du Dauphiné on luy envoyast diligemment quatre cens pionniers pour y travailler, et qui seroient payés. C’est parler de la maladie, mais oublier la medecine pecuniaire qui la devoit guerir.

Quant au payement qu'il falloit faire aux gens de guerre pour les licentier, qu'on estoit après à l'assembler , et qu'ils n’estoient pas si pressés qu'ils ne peussent attendre la commodité ; car de l'entamer pour les en secourir de prests, S1 Majesté le deffendoit, pour ne se renvelupper aux precedentes diffcultés » qui procedoient de la propre coulpe des ministres de Sa Majesté, lesquels faisoient semblant d'avoir oublié qu'il n'y avoit rien qui apportast plus de nuisance au temps que l'inconsideré reculement du temps.

;. Le 7 may 1559, le marcschal desirant de-