LIVRE ONZIÈME

sormais achever le demeslement de la paix, il envoya Billiad , son secretaire, vers le roy avec les memoires et instructions necessaires, tant pour le faict des monstres que pour la demolition des places; mais, quoy qu'il eau sceust faire, dire ou remonstrer, il n’en peut jamais venir à bout ; ains , au lieu de ce faire, on envoya la loy toute faite à celuy qui la devoit luy-mesme donner , tant ce bon seigneur eut peu de credit après la necessaire feste des affaires passée; et de faict tous les traictemens qu'il receut depuis ce jour là jusqu’à son partement du Piedmont , fut de tenir les oreilles et la main ouvertes à toutes sortes de personnes qui eurent envie de medire de luy, et de se preparer à patiemment endurer les rebuts et toutes les defaveurs qui Juy coururent depuis à bride abatue. La premiere accusation fut levée contre La Riviere, son cousin, gouverneur de Sainct Damian ( par le sieur de Montafñe), disant qu'il avoit batu ses gens lors qu'il fit commandement aux païsans de le venir ayder à desmolir la place, laquelle fust demeurée contre le commandement du roy à qui n'eust usé de rigueur, Sa Majesté ne fournissant rien pour ce faire.

Mais me ressouvenant de la querelle qu’en avoit faict ce sieur de Mentañe , avantageux à mesdire, le mareschal enchargea Billiad de representer au roy ce qui s'estoit passé entre Montañe et luy, c'est qu'il luy dict en presence de beaucoup de noblesse : « Où vous prouverez que mOn cousin s'y soit esgaré, contre ce qu'il dict, au service duroy, je luy feray coupper la teste; et si vous ne le faictes aussi, la vostre y demeurera pour gaige de vostre fausse accusation perfide. »

Mais le sieur de Montañe quitta la partie.

Fut aussi dict que plusieurs grandes levées de deniers avoient esté faictes sur le pais , desquels on disoit qu'il s'estoit aucunement accommodé; surquoy fut respondu que le pays avoit à la verité esté chargé de l'entretenement de vingt-six compagnies de gens de pied, de deux cens chevaux legers, des mu:

nitions, des charrois, de l'artillerie, des fortifications , des conduittes de vivres et autres charges expres, pour toutes lesquelles le roy n'avoit jamais , depuis le commencement de la guerre, jusqu’à la fin, envoyé un seul

denier , et que s’il estoit ainsi qu'il y eust eu malversation aucune, qu'il s'en faloit prendre aux thresoriers que le païs avoit deputés, et non à luy, qui leur avoit commandé d'en envoyer ou de porter eux-mesmes lesdicts estats et les comptes au conseil du r.y.

Aussi qu'il avoit, durant la guerre, faict par inimitié abbattre le chasteau de Gagliani, appartenant au marquis de Masseran. La responce fut que rien n'avoit esté faict en cest endroict que Sa Majesté n’eust elle-mesme commandé, et qu'il se repentoit de n'avoir encor abatu Jumaglia et Masseran , puis qu'il avoit esté trouvé marchant de biais au service de Sa Majesté , contre la foy qu'il luy avoit donné quand il luy mit l'escharpe blanche au col ; et que quand tout cela ne militeroit pas comme il faut , que c'est le devoir d'un general d'armée de faire defendre les places tenables et d'abatre celles qui ne le sont pas, quand il juge , comme il avoit faict, que ceste cy ne pouvoit lors estre competemment fortifiée, et que M. de Termes estoit. celuy lequel, par le commandement de Sa Majesté, l'en avoit providemment depossedé , et avec beaucoup plus de douceur que ses deportemens ne meritoient.

Là dessus il commanda à Billiad de dire à monseigneur le connestable que toutes ses actions avoient esté si justes et si sainctes, qu'ayant cest honneur de luy appartenir , il ne devoit permettre qu'on parlast ainsi à la vollée d’un homme d'houneur , qui valloit mieux au bout du pied que tous ceux qui prenoient l'audace de parler de luy autrement que bien à poinct, et que s'il les cognoissoit qu'ils s'en ressentiroient fort rudement; qu’en la confiance qu'il a que la vertu s’afinera parmi ces impostures, que les traits enflammés qu'elles descocheront seront receus avec le bouclier de la foy et de verité; que Dieu la benist tousjours. Le connestable respondit que ce qu'il en avoit discouru avec Billiad estoit en intention de tirer la mesme verité des choses , et qu’il avoit esté bien aise d'entendre maintenant comme tout estoit passé pour en parler au roy et à M. de Savove , et bafouer tous ces porteurs de faux poulets et de rogatons.

+ Du 15 may, le mareschal fut adverti qu'au-

MÉMOIRES DE BOYŸVIN DU VILLARS

cuns avoient mis en avant au roy, à M. et à madame de Savoye , que le mareschal , en dressant la Baliere de Cabise, auroit prins les terres par où elle passoit , non seulement sans payer, mais contrainct aussi tous les villages des environs à y travailler à leurs despens et sans aucun payement , et qu'en tout ce faict là il s'y estoit porté fort injustement ; c'est pourquoy il pria dèslors le president Birague, et deux conseillers, d'aller tout le long des villages qui sont ès environs la Baliere pour prendre information sur tous ces faicts;, ce qu'ils avoient faict; et que par leur propre procès-verbal , qu'ils envoyerent au roy, il ne s'estoit trouvé paisan ny gentil-homme qui en ait faict plainte d'un liard : quoy faict, il supplia le roy et lesdicis seigneur et dame de Savoye , de faire appeller au conseil de Sa Majesté les seigneurs de Raconis de Sanfré de La Novalaise, et autres du pais qui estoient près de Son Altesse, pour sçavoir au vray la verité des affaires premier qu'en faire plainte, et qu'il avoit l'ame et la conscience, pour le regard de si meschantes accusations, si constamment resolucs, qu'il n'en daigneroit parler plus avant, pour n'offenser les chastes oreilles de Sa Majesté et de Son Altesse de chose si infame que ceste cy , et que la plus grande f:veur et honneur qu'ils luy sçauroient faire, ce seroit de deputer commissaires , tant en Piedmont qu'ailleurs, pour examiner le cours de sa vie et de ses actions, toutes lesquelles ont esté si pures, qu'elles dementent tous ceux qui en voudront autrement parler, soit dict avec la reverence et correction de l'un et de l’autre prince ; et que , tout cassé qu'il est, vienne à l'assault qui voudra, il a encores du courage et de la force assez pour, sous le congé de Sa Majesté, faire recevoir son dire pour veritable comme il est. Il en escrivit autant à madame de Savoye, qui l'en avoit elle-mesme adverty. Tant y a que le roy s'en fascha fort, jusques à menacer ceux qui s'advanceroient, comment que ce fust, au prejudice d’un si grand, si brave et si integre capitaine qu'il estoit : aussi est-ce le vray office de prince chrestien et debonnaire de ne detracter ny de jamais n'ouir les detracteurs, car toutes les flesches qu'ils tirent

(45591 contre la verité rejailliront contr'eux, à leur ruyne et à sa gloire.

Or , comme un mal est presque tousjours la consequence et la suitte d'un autre , le mareschal eust bientost après encor une autre alarme qui le fascha autant que nulle des precedentes; c'est que le general Coylier, partant de la cour, donna advis audict Billiad que M. d'Ampville avoit quelque mescontentement du mareschal : luy, pour s'en esclaircir , alla visiter ledit sieur d'Ampville de la part du mareschal ; mais , l'ayant trouvé plus froid et plus retenu que de coustume, il luy dit qu'il avoit entre -ouy qu'il avoit quelque mescontentement de son maistre, duquel toutesfois il avoit commandement de s'adresser à luy pour les plus grands affaires , le tenant pour son plus asseuré ‘ami. D'Ampville, qui avoit le cœur franc , luy dit lors : « J'ay toujours esté et seray tel, c'est pourquoy j'ai trouvé estrange qu'en parlant du gouvernement de Piedmont il ait dit : Que sera-ce ? et bien M. d'Ampville veut revenir de deçà pour me lever le siege, comme s'il eust voulu inferer qu'il aymoit mieux qu'un autre que moy l'eust à son refus. » Billiad, partant de la main, luy repliqua : «Avez-vous desjà oublié, monsieur, l'amitié et l'intelligence qu'en partant vous jurastes l’un à l'autre , et de ne jamais escouter chose quelconque qui peust altérer ceste société ? et vous estes toutesfois celuy qui le faictes contre celuy qui a esté vostre capitaine , qui mesme vous aime et chérit comme fils et comme son plus cher ami, et dont il se faloit accorder premier qu'entrer en la croyance toute entiere, comme vous avez faict, et sur des soupçons non recevables.

Ce bon seigneur vosire parent estoit assez aflligé de tous costés, sans y apporter cesle surcharge, en considerant, comme il eust faict Juy-mesme pour le regard de vous , qu'il ad vient assez souvent qu'on tient des propos et des parolles à bonne intention, lesquelles , tirées hors des familiers devis , sont souvent malicieusement interpretées, comme à ce coup ont esté les siennes : et devant que parür de Piedmont vous sçaviez assez que Ce peu de places que le roy y retenoit ne l'y retiendroient jamais ; il est à croire qu'il eust