LIVRE ONZIÈME

du Montferrat, des Gennois et de la Corse, anciennement appartenant à la France. » Je pourray bien dire, à ce propos, cela mesme que tiennent aucuns, c'est qua les grands et les memorables services sont tousjours recompensés de grandes et de fort detestables ingratitudes , telles que vous voyez ceux de ce seigneur, qui eus! tousjours les mains aussi chastes que le cœur , et dont à jamais je porteray tesmoignage au prix de ma vie.

Voyons maintenant, je vous supplie, quelle forme estoit ceste cy, de prendre , en un faict si mal-aisé que sont les demolitions, un ou deux mois de terme seulement pour abattre une vingtaine de places, avec quatre cens pionniers, qui ne sçauroient toutesfois en six sepmaines abattre un seul bastion: quand bien on en eust envoyé quatre mil, c'est tout ce qu'ils eussent peu faire en six ou sept mois, sans toutesfois envoyer (contre ce qu'on avoit promis) un seul denier , ni pour les demolitions , ni pour les gens de guerre, et neantmoins , se persuader que le ventre affamé des trouppes pourroit aisement patienter et trouver secours parmy des peuples qui attendent un nouveau maistre, et les ministres duquel luy ont mandé (par dessous main), comme nous mesme ferions en pareil cas, de n'en rien faire : de toutes lesquelles façons de faire on pourroit presumer qu'on avoit tout expressement prins ce terme ainsi Court, pour servir de couleur aux practiques qui.

estoient couvertement dressées pour faire rendre des places toutes entieres, comme depuis elles furent pour la pluspart , et qu'on estoit de mesme suitte aussi bien aise d'envelopper le mareschal parmy tant et tant do miseres et de difficultés, qu'il fist quelque escapade sur laquelle on peust bastir son rocullement, et le priver de l'amitié dont madame de Savoye avoit tousjours honoré et luy et les siens. Ceux qui se servent de ces masques tombent souvent dans la fosse qu'ils avoient preparée à autruy; ce bon seigneur de Brissac, qui avoit le cœur genereux, et qui parmy les adversités avoit tousjours esté maistre de soy mesme , devint, par la malice d'autruy, serf de mil maux qui coururent depuis au rabais de l’estat et de luy mesme, ainsi que vous verrez dans Ja suitte de ces Memoires,

Dü4

Revenant d'où j'estois party, le dix-neufviesme may le roy depescha vers le mareschal, qui estoit lors à Chivas, Les seigneurs de Mandosse et de Bouillay, chargés de memoires et d'instructions portans que les coronnels des Suisses et des lansquenets fussent incontinent mandés, comme ils furent, pour traicter et negotier avec eux sur le faict de leurs payemens et congé, et qu'à ces fins les Suisses fussent envoyés à Vulpian , et les lansquenets à Orbassan, pour plus aisement prendre le chemin du Montcenis. Ces deux seigneurs furent aussi chargés de ne faire payer les uns ni les autres qu'à raison de deux cens hommes pour enseigne ; mais , quoy que le mareschal et eux sceussent faire ou dire, il n'y eust jamais ordre de les y faire consentir, voulans resoluement avoir deux cens cinquante hommes ; de maniere quayans les deniers esté seulement calculés à raison de deux cens, tant s'en faloit qu'il y eust assez de deniers revenans bons pour en payer les François, qu'il nen demeureroit pas seulement de quoy leur faire un prest de huict jours, de maniere qu'il ne faloit attendre de la misere où ils estoient reduicts que la propre mutinerie qu'on descouvroit assez en leurs visages. Le mareschal en donna advis au roy, se plaignant tout d'un train, assez aigrement, du commandement qui avoit esté faict aux tesoriers porteurs de ces deniers, de ne les distribuer par autre ordre ou commandement que celuy desdicts sieurs de Mendosse et de Bouillay; remonstrant que nul ne pouvoit hier que toutes ces actions, tant au faict de la guerre qu'à une mesnagere distribution des finances , n’eussent esté et si pures et si nettes, qu'il ne cederoit jamais, pour ce regard, à nul autre serviteur de Sa Majesté ; que sa fuy ne seroit subjecte à penitence, n'ayant oncques esté double ni suspecte , et qu'au lieu de a glorieuse couronne qu'il estimoit rapporter de ses fidelles et honnorables labeurs, on luy en presentoit une qui portoit couvertement en soy une tache de defliance si mal aisée à digerer, quil supplioit trèshumblement Sa Majesté luy permettre de se ressentir en cavalier contre ceux qui luy avoient brassé ces soupçons, nonobstant lesquels il ne lairroit d'assister ces

MÉMOIRES DE BOYVIN DU VILLARS

seigneurs en toute l'execution de leur charge.

Qu'en voyant l'instruction dont Sa Majesté les a chargés, il avoit trouvé fort estrange qu'elle ne voulust retenir que quinze enseignes françoises de trois cens hommes chacune, pour la garde des cinq places et huict chasteaux, sans y comprendre ce qu'il fuloit à Carmagnolles et au marquisat de Salluces ; car si telle estoit l'intention de Sa Majesté, elle n'avoit que faire de luy mander par moy (luy apportant la paix ) qu’elle remettoit à la discretion et prudence de lui de dresser l'estat des forces necessaires pour leur garde , et le même choix des capitaines aussi, et qu'en la variation qu'il voyoit maintenant pour ce regard , il n'y avoit rien qui fust digne ny du maistre ny du serviteur ; à propos de quoy je dirois volontiers que turpius ejicitur, quam non admittitur hospes. Et à la verité, les ames genereuses et solidement resolues, comme estoit celle du mareschal, constituent la gloire etle contentement de leurs labeurs en la seule gloire de lesavoir faicts ; que ces hargnes etces rebuts estoient plus propres à reculer qu'advancer les affaires, à tous lesquels la main douce est tousjours plus propre que le rude esperon, et en fin qu'il n'y avoit ordre que ce qui demeuroit à Sa Majesté peust estre seurement gardé à moins de vingt-sept enseignes et trois cens chevaux, comprenant au total les deux cens Suisses du colonel Apro ; que toutes ces places estans de long intervalle separées de la France, et enveloppées de tous costés parmy des gens auxquels il y avoit peu de fiat qu'en n’y pourvoyant autrement qu on ne faisoit pas, il faloit necessairement qu'il en advint quelque dangereux inconvenient ou vacarme.

Que les anciens et les modernes services des seigneurs de Birague ne pouvoient meriter rien moins que l'entretenement de leurs deux compagnies de gens de pied, tant pour leur service de quelque marque et d'honneur et d'entretenement , comme pour y retirer plusieurs pauvres gentils-hommes milannois mal traictés et de la fortune et de nous, demeurans fortclos et bannis de leurs biens, sans esperance de jamais les recouvrer, n'avans, comme ils devoient, esté comprins en la paix, au mespris de leurs services et de la reputx-

tion du maistre qu'ils avoient servy. Ce sont des coups de l'indiscretion françoise, laquelle, après la necessité pressée, mesprise tousjours ceux qui l'ont aidée à en sortir. Cest exemple fera doresnavant sages Îles estrangers desquels nous pourrions cy après avoir affaire; ce n’est pas estre prudent cavalier que de nourrir le cheval pour une seule cavalcade.

* Que les sieurs d'Ossun, gouverneur de Thurin, de Terrides de Pignerol, La Motte Gondrin de Quiers, et Montbazin de Carmagnolles, demandoient d’avoir chacun une compagnie particulière de gens de pied en leurs mains, pour plus seurement commander et gouverner leurs places; qu'il remettoit le tout à ce que Sa Majesté jugeroit convenable, ne s'en voulant plus mesler quant à luy, puis que l'experience luy avoit faict recognoistre quil n’en estoit pas cru, et que parmy les promesses françoises il n'y avoit rien de plus certain que ce qui ne l'estoit pas ; que cependant il ne laissoit de rudement sentir que les recullemens qu’on luy procuroit luy faisoient perdre terre , non tant pour la consideration de luy comme pour les propres dangers qui en succederoient à l’advenir , et qui l'estonnoient plus que Îles presens. , Tout homme d'estat ne trouvera-t:il pas grandement estrange qu'un grand roy, assisté de tant de princes et de conseillers, ait depesché en Piedmont, où le mareschal commandoit, les sieurs de Mendosse et de Bouillay, sans luy envoyer instruction quelconque, soit pour le licentiement des gens de guerre, des demolitions et restitutions qui se devoient faire, sur la conduicte de l'artillerie qu'il faloit retirer dans les places retenues, ny sur le payement de ceux qui devoient demeurer sur pied et estre retenus, ou pour ceux que l'on doit licentier. C'est chose encor bien plus estrange que toutes choses venans à luy deffaillir, comme elles faisoient de tous costés, qu'on veuille neantmoins qu'il accomplisse diligemment tout ce qui regarde l'execution de la paix, et lors mesme qu'il est reduict à telle extremité, qu'il n'a pas sculement dequoy entretenir son train , soulager ny gratifier un seul homme de guerre. Si nous avons en nos mains , ou en Celles de nos