LIVRE ONZIÈME

mieux aimé de s'en courtoisement deffaire en vos mains qu'en celles de tout tant de gens qui le briguent aujourd'huy. D’advantage, si telle estoit vostre volonté, n’advouerez-vous pas que vous luy avez faict tort de ne vous en descouvrir à luy ? » D'Ampville respondit qu'il l’eust ainsi faict si le mareschal n'eust creu, comme on dict qu'il faisoit , qu'il avoit favorisé le vidame de Chartres contre luy; d'Ampyille ajouta que tant s'en faloit qu'il l'eust ainsi faict , que par le contraire il avoit retiré de la main d'un capitaine du vidame quelques fascheux memoires qu'il avoit dressés contre luy; tant ya qu'il n'avoit jamais tant rien desiré que l'amitié du mareschal, auquel il rendroit tousjours honneur et service , et qu'en ceste intention il le conseilloit de s’en revenir en France le plustost qu'il pourroit, pour renverser beaucoup de fascheux propos et de mauvais oflices qu'on dressoit contre luy, et à tort, ainsi qu'il feroit recognoistre au connestable son pere.

«Le mareschal de Brissac, gouverneur et lieutenant pour le roy en Piedmont , a esté adverti que depuis la paix, il y a eu quelques uns qui se sont voulu efforcer d'apporter du soupçon et de l'ombrage sur la candeur de ses actions au service de Sa Majesté, pour desquels se discoulper il avoit esté contraint depescher en cour le sieur Montbazon, chargé de faire à Sa Majesté ces remonstrances : à Sçavoir , qu'il avoit toujours creu que le prince, qui est l'image de Dieu en terre par la pureté et grandeur de ses jugemens, devoit rejetter les calomnies pleines de caquets, de malice et non de preuves , mesmes estans au prejudice de ceux dont la foy, la devotion et la fidelité avoient tant et tant de fois esté esprouvées, comme Ja sienne , en toutes sortes d'actions tant civiles que militaires, et parmi lesquelles il y a eudes faicts d'eux mesmes si recommandables, que la porte ne devroitestr'e indifferemment ouverte, comme elle est aujourd'huy, à un tas de gens qui sçavent mieux mesdire que bien faire ; et encores que ce soit, selon aucuns, action de singuliere prudence et de sagesse, de plustost dissimuler que contester contre telles racailles de gens, lesquelles, comme vessies, ne sont enflées que de vent et de malice, toutesfois le ma-

reschal, comme jaloux de son honneur qu'il prefere à sa vie , ne veut fuir la lice, ains au contraire sc representer sur les rangs bravement armé de la pureté, de la conscience et de la propre gloire que les armes et sa trèshumble et fidelle devotion au service de Sa Majesté ont acquise ; et qu'enfin il eust mieux valu pour luy d'estre tombé sur les picques de ses ennemis que d'estre tousjours ballotté et censuré par ses emulatcurs.

» Sera donc Sa Majesté très-humblement suppliée d'envoyer commissaires exprès en Piedmont pour informer sur la candeur ou la laideur de ses actions, pour après estre jugées tant par elle que par tout son conseil, ou par les mesmes pairs de France, avec intention et resolution toutesfois, et dès maintenant ainsi arrestée , que celuy qui aura mesdict et accusé à tort, et quel qu'il soit, sera mulcté des mesmes peines que meriteroit celuy qui est justement accusé.

» Dira qu'il n'y a rien de plus vray que le mareschal a mis durant ces guerres plusieurs charges et impositions sur le païs par l'advis du conseil d'estat resident près de luy, et que les peuples ont eu assez d'occasion de s'en plaindre ; mais il est question de recognoistre, mieux qu'on ne veut pas faire aujourd'huy , à qui la coulpe doit en estre attribuée, et au profit de qui elle eust esté employée.

» Le roy ne secourant le mareschal selon l'urgence des necessités que le service de Sa Majesté requeroit, fut contrainct, comme il luy donna souvent advis, de mettre par imposition le payement de quatre compagnies de cavalerie et de quinze enseignes de gens de pied , dont les tresoriers de terre et ceux de la cavalerie ont eu le maniement.

» Que Sa Majcsté n'ayant jamais tenu compte, pour instances que le mareschal luy ait sceu faire , de luy donner l'entretenement de deux ou trois cens chevaux d'artillerie, ni deniers pour l'equipage des vivres, pour les pionniers , pour les forufications , ni pour les parties inopinées, qui sont toutes choses, ou, pour mieux dire, necessités qui se renouvellent tous les jours aux armées, soit pour les conserver ou pour conquerir, comme On a faict, et si avant, qu'au lieu de cinq

MÉMOIRES DE BOYVIN DU VILLARS

ou six places que Sa Majesté tenoit jadis en Piedmont , elle en tenoit le jour de la paix plus de trente, sans quarante assez bons chasteaux ; et ne se trouvera, à qui voudra calculer de près, que pour les uns ni pour les autres, et tout reduit en blot, que jamais en tout le cours de dix années de guerre que Sa Majesté ait envoyé cinquante mil escus pour fournir à toutes ces parties, lesquelles toutesfois d'une sorte ou d'autre en ont cousté plus de quatre à cinq cens mil , sans que l'espargne y ait rien contribué. Les controolleurs et les thresoriers ont mangé les deniers de ces despences ; ils en ont deu rendre compte ; s'ils ne l'ont faict et s'ils ont mal verse, que Sa Majesté les face chastier, et les partsans, gouverneurs et capitaines des villes et chasteaux aussi, si ouvertement ou à couvert ils ont faict quelque election ou autre acte qui merite correction, n'estant au mareschal à respondre de leur vie , n'ayant que trop d'affaire à manier le juste tymon de la sienne. 4

»Plaira à Sa Majesté commander à messieurs les secretaires d'estat de revoir les depesches et les commandemens rigoureusement faicts au mareschal pour se prevalloir du païis sur les deffectuosités dont il ne pouvoit estre secouru par Sa Majesté ; sera aussi trouvé qu'elle luy fit donner pour argent comptant une imposition de trois cens mil escus, inventée assez inconsidérement par le president Bailly, de laquelle toutesfois , l'espée au poing, on ne sceut jamais tirer que cent vingt mil livres, comme font foy les comptes de l'extraordinaire des guerres : dont s'estant reclamé on luy auroit fort rudement mandé qu'il en fist comme il voudroit, mais

. qu’il n’auroit autre ehose. Qu'estoit il donc

de faire se trouvant court de deux cens cinquante mil escus? devoit il laisser tout perdre, ou sauver Île païs par le propre secours et impositions du païs , comme il a faict, et plustost augmenté que diminué l'estat, se souvenant de ce qui luÿ a esté si souvent mandé , que rien n'estoit mauvais estant necessaire , comme a esté ce qu'il a faict?

» Le roy commande maintenant fort expressement que, toutes choses postposées, le mareschal face diligemment desmolir toutes les forteresses qui doivent estre rendues

par la paix; pour à quoy diligemment satisfaire il faudroit avoir quarante ou cinquante mil escus comptans et deux ou trois mil pionniers , au lieu de quatre cens qu'elle fuict lever en Daulphiné, et des mil cinq cens livres qu'elle a destinés pour ces demolitions; de maniere que, tout defaillant, force a esté de se servir de ceux du païis, encores n'a ce esté sans en protester aux ministres de M. de Savoye, qui en ont tenu peu de compte, el faict couvertement entendre aux subjects de n’obéir aux commandemens qui leur seroient faicts ; il a donc fallu user de la force où la priere n’avoit pas lieu.

» Et pour autant que le mareschal a entendu que certaines ames esgarées ont deu mettre en avant qu'il avoit faict quelques exactions particulieres qui estoient tournées à son profit particulier , cela se verifiera par les commissaires de Sa Majesté ou par les propres ministres de M. de Savoye, tous lesquels, pour ce regard, ne s'endorment pas en sentinelle pour avoir de quoy calomnier. Sa Majesté sera donc très-humblement suppliée de ne trouver mauvais qu'il die à sa descharge que les travaux des armes et les continuelles necessités et miseres parmy lesquelles il a esté presque tousjours agité, sont aucunement supportables quand l'honneur n'y est pas conjoinct ou altéré. Et par ainsi ce sera office digne de la justice et de la debonnaireté de Sa Majesté de faire mettre fin à l'indignité de ces orages, soit par la correction de luy s'il a failly, ou par celle de ces ames detestables qui veulent parler et juger de ce qu'ils scavent le moins. Cependant, que ces satans crient et tempestent tant qu'ils voudront, si n'auront ils jamais puissance de brescher ni la gloire ni l'honneur qu'il a vertueusement acquis, et la pureté de sa conscience luy servira tousjours de consolation et de remede à tous les maux , tous lesquels prendroient plustost fin s’il plaisoit à Sa Majesté le revoquer dès maintenant et envoyer un autre en sa place, comme il desire qu'elle face, ne pouvant qu'avec un regret qui tire les chaudes larmes de son cœur estre luy mesmes le ministre de la privation des choses conquestées avec tant de gloire, de sang , de despences qu'estoient celles-là , mais sur tout celles du Milannois,