LIVRE ONZIÈME

de son ame, le forçcoient à desirer d'estre desveloppé des affaires du monde, pour s'addonner du tout aux celestes. Et neantmoins ilne laissa de remercier le connestable du:

particulier soing qu'il avoit eu de luy ramentevoir le devoir de sa charge , adjoustant, au parsus, qu’il recognoissoit assez que tout ce qu'on luy imputoit procedoit du jugement mal proportionné de ses ennemis, qui ne tendoient qu'à renverser la raison qui estoit dé son costé, et qui a, toutesfois, toutes ses lignes si droictes, qu’elles ne penchent jamais de costé ny d'autre : que tout ce qui le travailloit plus aujourd'huy, c'est que, combien qu’on ne recognoisse que trop que les maladies de l'estat ont besoin d'un prompt medicament , que neantmoins chacun le negligeoit ou rejettoit, afin que la coulpe du desastre en tombast tout sur luy, destitué toutesfois et d’auctorité, et de salutaires moyens, et pour ce faire, et pour plustost bassement que mediocrement entretenir son train , pendant que ceux qui sont en cour nagent parmy la faveur et l'abondance, lesquelles il estime avoir aussi bien meritées qu'eux. Tant y a qu'il pouvoit bien dire qu'i avoit semé son printemps, son esté et son automne sur un fort sterile rivage.

Le huictiesme juin, il manda au roy que le sieur Scipion de Vimercat venoit d'arriver de Valence pour luy donner advis que les trouppes qui tenoient garnison à Valence n'avoient voulu permettre qu'on enlevast l'artillerie qu'ils n’eussent auparavant esté payés, et que là où les prests discontinueroient , qu'ils vivroient à discretion autant dedans que dehors la ville ; pour à quoy remedier il avoit soudain envoyé le sieur de Montfort, son enseigne, à Valence, avec quelques deniers qu'il avoit fournis du sien pour continuer les prests durant douze jours; que si entre cy et là il n'y estoit convenablement pourveu , que dès maintenant, comme pour lors, il s'en lavoit les mains ; et que cy après il ne faloit pas esperer d'avoir meilleur marché des autres places. Ce sont, lecteurs, des actions de la prudence françoise; car si elle n'a sceu opportunément pourvoir au faict de la guerre, elle a encor faict pis au demeslement de la paix, mesprisant, comme elle faict quasi tousjours,

la dame de prevoyance , sans laquelle neantmoins rien ne peut estre demeslé heureusement. Or, le mareschal, recognoissant de longue main que les grandes charges telles que la sienne estoient toujours suivies et d'imimitiés et d'envies, et ne voulant qu'elles prinssent plus grandes racines que celles qu'elles avoient desjà, depescha vers le roy le coronnel Cheramont pour remonstrer à Sa Majesté que là où elle n'envoyeroit presentement dequoy parachever les demolitions, retirer l'artillerie, payer et licentier les gens de guerre, quil protestoit contre elle, avec toute la reverence convenable, que tout le mal qui en succederoit seroit à k coulpe d'elle er non de luy, portant d'ailleurs un extreme regret de voir les garimonds de Quiers ct assez d'autres marchands ruynés, pour avoir, sur la parole de luy, secouru les affaires de Sa Majesté; que ceste misere est celle qui a depuis aprins aux mar

chands de Lyon à resserrer les moyens et les envoyer ailleurs.

Par ceste mesme depesche il supplia le roy de faire tant que M. de Savoye envoyast diligemment l'un de ses principaux ministres en Piedmont, pour , sous son auctorité , faire de si grandes levées de pionniers, qu'on peust achever les demolitions avant le terme, car les quatre cens venus de Daulphiné n'avoient guieres cnrichy le banquet; et que ce luy seroit beaucoup de grace , lorsqu'il faudroit proceder aux restitutions , que Sa Majesté envoyast en Piedmont quelque notable personnage pour les executer ; car aussi bien recognoissoit-il que M. de Savoye le tenoit pour suspect; et que, pour le dire en un seul mot, il ne pouvoit, sans un extreme regret, estre luy-mesme ministre de la donation et restitution que Sa Majesté faisoit des choses qu'elle avoit acquises par les mains et par les entremises de luy ; elles, dis-je, qui dependoient pour la plus part de l'heritage ancien de Milan, des comtes de Provence et marquis de Salluces, à tous lesquels la couronne françoise a succedé, ou doit au moins legitimement succeder. Las! elle a aujourd'huv l'estomac si desvoyé, que grand medecin seroit cestuy-là qui luy apprendroit à retenir les Çonsequences de l’estat.

MÉMOIRES DE BOYVIN DU VILLARS

Du douziesme juin, le roy envoya au mareschal un memoire presenté à Sa Majesté de la part des ministres du roy d'Espagne sur aucuns griefs qu’ils pretendoient estre procedés de la part des nostres du costé d'Italie : à sçavoir, que le sieur de La Motte Gondria, gouverneur de Casal, avoit envoyé des masdemens et des contrainctes sur leurs terrs pour avoir payement des contributions jus ques au final accomplissement de la paix , 4 qu'il vouloit aussi practiquer le semblable sur les terres du Montferrat. A cela le mareschal respondit, en peu de parolles,qu'avans le duc de Sesse et luy recognu , dès la publication de la paix , qu'auparavant quon fust parvenu à l'entiere execution que €chacus pourroit avoir de son costé faute d'argent pour y parvenir , ils auroient mutuellement convenu que toutes les terres qui avoient accoustumé de contribuer à l’une ou à l'autre des parties continueroient indifferemment ces payemens jusques à la derniere execuuon de la paix.

Que de cest accord, ainsi general, Casal en avoit esté excepté, et neantmoins accordé, en faveur du siere qu'il avoit soustenu depuis le dixiesme octobre , que les terres qui souloient contribuer payeroient ce dont elles se trouveroient redevables pour le temps que le siege avoit duré.

Que pour les terres qui doivent estre restituées au duc de Mantoue, on ne leur dvmande que ce qui est deu d'octobre susdict en çà ; mais aux autres qui ont contribué ailleurs depuis les prinses de Quiers et Yvrée , il ne se trouvera point qu'on leur an rien demandé , ains par le contraire on a moderé kes seize cens escus qu'ils payoient par mois à quatre cens seulement, dont voulans abuser aucuns villages du Milanois contribuables à Valence, ils ont levé les armes contre les nostres , qui les ont doucement chastiés: et à la veritéils le meritoient, puisqa ils re se phaignoient pas de deux, voire de trois conwibutions qu'ils bailloient à l'Espagnol ; ils n'en disoient mot, et pour une seule envers nous ils vouloient faire les mauvais.

Du dix-huitiesme juin, les Suisses et les lansquenets avoient esté payés et licentiés, et que tout ce qui estoit resté des cinq cens

mil livres venus de France, les cinquante mil empruntés à Lyon, estoit si peu de chose, qu'on n'en sçauroit tirer qu'environ deux prests pour les François et Italiens; pour raison dequoy Sa Majesté estoit très-humblement suppliée faire envoyer le payement, et pour ceux qui doivent estre licentiés et pour ceux qui doivent estre retenus, à fin que, par un renouvellement de discipline, on puisse introduire nouvelle concordance et amitié entre les gens de guerre et les villes retenues, et qu'au commencement du mois prochain les restitutions s'achemineront l'une après l'autre.

Le 24 , les sieurs de Mendosse et Bouillay ayant parachevé leur commission s'en retournerent en France, chargés de ces remonstrances de la part du mareschal: à sçavoir faire recognoistre à Sa Majesté avec quel mesnage le payement et le licentiement des Suisses et des lansquenets a esté manié, l'ordre prins sur celuy des François et des Italiens qui doivent estre licentiés après les restitutions des places, et de ceux aussi qui doivent demeurer à la garde des places retenues.

Faire voir au conseil l'estat general de recepte et despence faicte en Piedmont, à fin qu'on puisse clairement recognoistre de quel pied il a marché à l’entretenement des gens de guerre , à quels termes ils seront bien tost reduits s'il ne plaist à Sa Majesté faire donner autre ordre à leurs payemens que celuy qui a cy devant couru; sera dict de mesme pour le regard des places retenues, s’il faut qu'elles demeurent privées de leurs finages, des foires, et des marchés qui s’y souloient tenir, et qui apportoient des commodités pour plus doucement couler le temps, et sur tous les habitans , de la propre disposition de leurs maisons et biens qu'ils ont à la campagne, ainsi que ces deux sieurs ont visiblement et palpablement recogneu, et sur lesquels se remettant, il les pria d'asseurer le roy que si le remede aux afflictions presentes estoit autant en sa main qu'est la douleur qu'il en porte, que Sa Majesté seroit relevée et de soin et de ses importunités ; et qu'en obéissant au commandement qu'elle luy a faict par du Plessis, son valet de chambre, de restituer Santia sans le demolir, qu'il sera