LIVRE ONZIÈME

ainsi executé (avec un extreme regret toutesfois) , à cause que c'est l'œuvre entier de ses mains et de ses labeurs, par la commodité de laquelle beaucoup d’honnorables executious militaires avoient esté glorieusement mises à fin; que si Le Coconat arrivoit de la part de M. de Savoye, comme du Plessis l'avoit asseuré , que toutes choses se disposeroient à Jeur fin; que cependant Sa Majesté sçaura s’il plaist qu'au prejudice de l'accord faict avec ce prince pour le payement des contributions jusqu’au jour de la restitution, que ses officiers ont faict par dessous main commander aux peuples de n’en rien faire ; que le duc de Mantoue a faict faire de mesme dans le Montferrat, et parce que si cela devoit avoir lieu, ce seroit reduire les affaires au dernier periode d’un dangereux desespoir, le mareschal a resolu de faire semblant de ne rien sçavoir de tout cecy, et de ne laisser cependant de s’en faire croire, sans toutesfois rien exceder dont ces princes se puissent plaindre.

Le duc de Sesse, sur un fondement incogneu pour encores , tient ès environs de Casal presque toutes les mesmes trouppes qui l'assiegeoient cy-devant, empeschant (couvertement par ce moyen) le cours des vivres, le payement des contributions , et le recouvrement des pionniers pour advancer les demolitions; qu'il a prié le duc de Sesse de changer ces façons de faire , et au plustost, sinon qu'il s'aidera des mesmes instrumens avec lesquels il a assez souvent faict rudement reculer les Espagnols, et n'entrer aussi jamais dans la restitution de Casal que les contributions n'ayent esté entierement payées et la forteresse demolie. :

Dans les lettres que du Plessis apporta au mareschal de la part du roy, et par addition, il y avoit qu'il se gardast, pour quelque occasion ou pretexte que ce soit, de toucher aux deniers qui sont envoyés pour donner deux mois entiers aux François et aux Italiens qui doivent estre licentiés. Cela l'ayant mis en quelques alteres , il manda à Sa Majesté, par le mesme du Plessis, que quand l'estat se devroit renverser sens dessus dessous, qu'elle sera, puis qu’elle le veut, ainsi obéye, ores que la raison vueille que le mi-

nistre s'advance ou se recule en ces obéissances, selon la necessité et la repentineté des accidens, à l'exemple du sage medecin qui change les medicamens selon la varieté que faict la maladie; et qu'à le bien prendre, ce n'est pas tout que le prince commande , il faut aussi prendre garde que ses commandemens soyent tels, qu'au lieu d'en tirer le profit qu'on esperoit qu'on ne s'enveloppe plus avant dans le propre mal qu'on vouloit fuir.

Qu'il a faict voir audict du Plessis toutes les places qui ont desjà esté demolies , à fin qu'il en puise faire à Sa DIeNS rapport plus certain :

La citadelle d’Avigliane est abatue.

Montcalier a deux bastions abattus (on est après les autres).

Saviglan est de mesme.

Yvrée, tout ce qui avoit esté faict par les roys est abatu.

Santia, selon le commandement de Sa Ma-

. jesté, demeurera tel qu’il est. ;

Valence fort advancée.

Casal de mesme (on poursuit l’un et l'autre).

Verrue toute abatue.

Sainct-Damian desjà demi abatu.

Albe de mesme.

Cairas fort advancé.

Ceve toute renversée.

Courtemile de mesme. |

Montdevis, tout ce que Îles roys y ont faict

4 faire est abatu.

La Roque de Baux, Sainct-Alban et Sainct-

. Michel, abatus.

La Cisterne (il n'y sera touché, parce que c'est un fief du Sainct Siege).

Busque abatue.

Villefranche abatue.

Verroleins abatu.

On travaille à la retraicte de l'artillerie, mais par faute de moyens on n'advance guieres , celle de Valence est remontée par le Pau jusqu'à Thurin.

Celles de Santia et d'Yvrée sont desjà à Chivas.

La vente des munitions , non de l artillerie , 3 mais des vivres de ces places esloignées de J'hurin , ont esté vendues pour aider les de-

MÉMOIRES DE BOYVIN DU VILLARS

molitions et la conduicte de l'artillerie dont compte sera tenu au profict de Sa Majesté.

Environ le 5 juillet, il courat de tous costés un bruict sourd que le roy, courant dans les lices , avoit esté blessé à mort par le comte de Montgomeri : ce qui apporta au maresch} et à tous les autres serviteurs de Sa Majese des reprets et des desplaisirs qui peuvent este plustost considerés que exprimés, la mulitude et varieté des affaires qui se traictoient lors considerée. Tandis que ceste incertaineté angoissoit le monde , le connestable donna advis au mareschal de ceste blessure, la desguisant à peu de chose , et dont le second appareil donneroit lumiere certaine. A ceste nouvelle, prieres, oraisons et processions publiques furent faictes pour la guerison et conservation du prince. Le mareschal, toutesfois, estimant que le contrecoup de:la lance, et dans l'œil, avoit faict plus lourde et plans dangereuse bresche qu'on n'escrivoit pas, depescha soudain un courier exprès à M. le connestable , le suppliant luy mander fort ouvertement à quels termes les choses estoient reduictes, à fin qu'en cas si dangereux et si repentin qu'estoit celuy là, il peust redaire l'estat en telle asseurance qu'il ne peust courir fortune, pendant que Dieu respandroit ses graces et ses benedictions sur ce bon prince. En ces transes, le mareschal jogea d'autruy par soy mesme, tenant pour tout asseuré qu'à ces tristes nouvelles les Espagnols se jetteroient sur les armes, pour se couvrir desquelles il commanda soudain aux gens de guerre de se tenir alertes et de faire si bonnes gardes, que les lyons et les renards qui les guetteroient ne les peussent entamer : tout d'un train, il supplia le cosnestable de n’intermettre l'envoy des deniers pour les payemens et licentiemens des gens de guerre, et qu'il les feroit ou reserver ou distribuer, selon ce que la maladie ou la santé du roy luy conseilleroient.

Que les Milanois , Piedmontois, Montferrins et Gennois, à l'odeur de ce malheur, n'ont voulu payer Îles contributions , et que les uns et les autres ayans levé les armes pour s'en garantir, qu'il les a faict si bien espousseter, qu'ils apprendront à garder une autre

fois plus honnorable memoire qu'ils ont voulu faire du gratieux traictement qu'ils ont tousjours receu de la main des François.

Le 42 juillet, il receut lettres au nom du roy, mais non du roy, par lesquelles Sa Majesté luy mandoit, et fort expressement, de faire cesser de tous costés les demolitions : à quoy il respondit que si le maistre Coconat fust arrivé au temps qu'on luy avoit mandé, que les choses ne seroiïent pas si advancées qu’elles estoient desjà ; qu'on se devoit souvenir que, dès le 48 du passé, Sa Majesté Juy avoit mandé, coup sur coup, de s'en haster le plustost qu'il pourroit: si donc Sa Majesté avoit deslors en son ame la mesme volonté qu'elle luy declaroit maintenant, il ne faloit espargner le voyage d'un courrier exprès pour la luy declarer.

Par ceste mesmedepesche Sa Majesté , qui avoit oublié les remonstrances que le mareschal luy avoit faictes sur le faict du comte de Beines, luy mandoit qu'il fist raser sa place. Luy, au lieu de ce faire, manda à Sa Majesté qu'il ne croiroit jamais qu’un prince si bon et si juste voulust faire ce tort à un gentilhomme qui avoit volontairement mis sa personne et ses biens entre les mains de Sa Majesté, etlors qu'elle en avoit extremement besoin , que d'abattre sa place , qu'il avoit luy mesme fortifiée à ses despens, pour lé reduire tout à faict à la discretion de celuy contre lequel il avoit porté les armes pour le service de Sa Majesté , au lieu de l'honnorer et recompenser comme il meritoit; qu'en ceste consideration il avoit persuadé le comte de faire eschange de sa place avec quelques autres que M. de Savoye luy pourroit bailler du costé de la Bresse , proche du Lyonnois ; que non seulement il s’y estoit resolu, mais qu'il l'avoit prié de s'en rendre mediateur, sous la faveur et appuy de Sa Majesté. I] fut depuis ainsi executé, au contentement de M. de Savoye et à l’advantage du comte.

Ceste depesche du roy portoit aussi qu’elle envoyoit Gordes vers le mareschal, tant pour l'aider au faict des restitutions comme pour luy dire et descouvrir plusieurs choses dont elle l’avoit chargé ; surquoy il remonstra à Sa Majesté que le secours et l'aide qu'il desiroit n'estoient pas ceux qu’il pourroit tirer