LIVRE ONZIÈME

faict de la prohibition des vivres entrans dans les cinq places, avoit esté communiqué à ce prince et à Madame, qui luy en vouloient mal de mort; que, cela estant peut-estre eschappé de la main d'un des siens, il s'estoit resolu de se contenir desormais, comme le limaçon , en sa seule coquille ; mais qu'estant aujourd'huy plus avant esclaircy qu’il n'esperoit pas lors de la continuation de ses graces et de son amitié, qu'il luy feroit cyaprès recognoistre qu'il le tenoit et tiendroit à jamais pour unique seigneur et amy, et que, comme à tel, il ouvriroit desormais toutes les bondes de son cœur et de ses affections ; et qu'en ceste confiance il le supplioit, dèsmaintenant, faire en sorte ou que le roy secourust ses propres affaires , non par parcelles, comme on faisoit puis deux ou trois mois , ains en gros , ou luy faire donner congé à telle heure que nul sinistre accident ne puisse en rien offencer la moindre scintille de son honneur et de sa reputation, qui luy estoient plus chers que la propre vie ; et que M. le cardinal , son frere , qui n’avoit jamais nagé qu'en grande eau, ne pouvoit penetrer si avant que luy dans les dangereuses consequences et de la necessité de l'estat, ce qui le rendoit, à son advis, moins credule sur ce qu'on luy en remonstroit, et moins soucieux à y apporter les remedes convenables, et mesmes sur le propre avictuaillement des places, dont il l’avoit naguieres, et de son propre mouvement, fort pressé.

Que le sieur d'Ossun, ayant sceu que Termes avoit esté faict lieutenant general au gouvernemcnt de Guyenne, et duquel il dit qu'on luy avoit cy-devant donné esperance, s'est plainct du mareschal, disant que s’il luy eust donné congé dès-lors qu'il le demanda , que cela ne seroit ainsi advenu, et que puis qu'il se trouvoit mal traicté de toutes parts, qu'il iroit luy mesme vers le roy, ou pour estre honoré, ou pour avoir congé ; qu'à la verité c'estoit un seigneur de g'ande valeur et de merite, et qu'il le luy recommandoit, et d'autant plus volontiers, que le bon traictement qu'il recevoit par sa mediation fera recognoistre aux uns et aux autres que son credit n'est pas du tout si bissement ravallé que chacun croit , et de laquelle

croyance procedoit la desobeissance qu'il trouvoit en beaucoup de gens.

Du jour mesme il envoya au cardinal de Lorraine les patentes, ou soit quittances, de Ja restitution du Piedmont , et celle du Montferrat aussi, selon la reformation qu'il y avoit apportée; le supplia tout d'un train de luy envoyer les patentes que M. de Savoye avoit depeschées sur l'obligation de la fourniture des vivres pour les cinq places , et sur le bon traittement des subjects ; desire aussi savoir si, M. de Savoye venant en Piedmont, il le devra aller saluer luy-mesme , ou y envoyer, et qu'en tout evenement il est necessaire que commandement soit faict à tous gouverneurs

et capitaines qu'ils ayent à retourner en leurs

charges.

Remercia le cardinal du bon ordre qu'il estoit après à donner au faict des payemens, et pour le present et pour l'advenir: et que si le roy ne faict tant que M. de Savoye face lever les peages qu'il a mis sur toutes les denrées qui entrent dans les cinq places, que la cherté que cela y apporte sera cause que les gens de guerre perdront bien souvent la patience et le respect; que quand il en a faict parler aux ministres dudict sieur, qu'ils ont allegué que leur maistre, estant souverain, pouvoit mettre dans ses terres telles impositions qu'il luy plaisoit. Cela leur fust ainsi concedé pourveu que les cinq places n'y fussent point comprinses : n’en ayans rien voulu faire, celuy qu'il avoit envoyé vers eux leur respondit en riant, et fort à propos : « Et bien, messieurs, vous serez souverains des peages, et nous de la force pour y remedier. »

Que, par la reduction qui a esté ordonnée du domaine de France , on ne faict point de distinction de la qualité ny du merite de ceux qui en tiennent par remuneration, comme il faisoit celuy de Rennes , valant six mil escus par an; que si ceste rigueur se pratiquoit en son endroict, qu'il auroit grande occasion de croire qu'il ne le tenoit pas au nombre de ses humbles serviteurs et amis, sçachant assez que tout cela ne se faisoit que sous l’auctorité de luy et du cardinal.

Que par la restitution du Piedmont il demeureroit privé de quinze mil livres de

MÉMOIRES DE BOYVIN DU VILLARS

rente et de la gabelle du sel , que le roy luy avoit donnée , et dont il n'avuit encor jouy que deux ans; et en fin qu'il se promettoit tant de luy, que non seulement il demeureroit paisible dudict Rennes, mais qu'il seroit aussi mediateur , pour luv faire avoir recompense de ladicte gabelle ; que c'estoit le seul et unique bienfaict qu'il avoit jamais eu du feu roy à tant et tant de grands et recommandables services qu'il'avoit rendus durant quarante ans , et duquel par sa mediation il esperoit plustost l'augmentation que la diminution, veu mesmes ce que Sa Majesté luy en avoit escrit et promis par diverses despesches.

Que, n'ayant cy devant pourveu à tant d'instances qu'avoit faictes le secretaire Ruzé pour la direction des affaires du roy, il estoit contrainct de depescher le secretaire Billiad avec nouveaux memoires, et quil supplioit M. de Guise de les luy envoyer tous deux, avec les mesmes provisions qu'il avoit demandées ; et qu’il supplioit encores de nouveau, à SÇavoir :

Que , combien que par une apparente courtoisie les ministres de M. de Savoye eussent permis indifféremment à un chacun de porter vivres dans les cinq places, que c'’estoit toutesfois une liberté si chere , à cause des daces imposés , qu'il n'y avoit soldat ny oflicier auxquels la paye peust suffire pour demy mois seulement ; qu'en matiere d'estat il ne faloit rien faire à demy; car , les choses demeurans en cest estat, c'est presenter du pain d'une main , et le baston de l'autre pour frapper si on y touche.

Que si M. de Savoye s'obstine à la continuation de la levée des peages, il faut necessainement qu'il en advienne quelque grand inconvenient, qui sera peut estre irremediable.

Que Sa Majesté n'a deu trouver mauvais que le mareschal ait faict plainte sur le retardement de ses assignations, puisque, de dix mois en çà, il n’estoit jamais venu autre payement que celuy de deux mois tant seulement , de maniere qu'entrans dans l’hyver il n'y a soldat qui ait seulement de quoy couvrir ses nudités, et à laquelle misere s'ad-

} joustoit celle des vivres : de maniere qu'il

luy a esté force que luy, et de main en main tous les autres officiers, ayent, à faute de credit, engagé leurs hardes et leurs bagages pour leur donner quelque secours, et que, cela deffaillant, les soldats ont refusé de faire les gardes accoustumées , et menacé de saccager , et puis se retirer.

Qu'en adjoustant un mal à l’autre on ne tient aussi compte de pourvoir au faict des fortifications , payement de la gendarmerie , ofliciers des guerres et de l'artillerie, et moins encores au payement de la cour de parlement et chambre des comptes, et auxquels sept mois entiers sont desjà deus, tous lesquels, la plus part anciens et d'age et de service, ne sçavent que devenir avec leurs femmes et enfans ; chose si pitoyable que les mesmes pierres en pleurent. .

Que tant s'en faut qu'on luy eust sceu gré de ce qu'il n'a voulu, parmy tant de pauvretés et de miseres, quitter le gouvernail de la navire , que par le contraire on a enduré que certaines personnes, pestes de la nature, ayent eu la hardiesse de dire qu'il n’avoit pas oublié , parmy tout cela, de bien faire ‘ses besongnes ; que , pour faire mentir telle racaille , il estoit sur le poinct de depescher le sieur du Plessis, avec tous les estats de sa recepte et despence de l'extraordinaire des guerres , des munitions , de l'artillerie et de tous les deniers levés et receus sous divers pretextes, tant du costé des Milanois, de Montferrat que du Piedmont aussi; que par ainsi il supplioit très-humblement le roy de deux choses : de si bien faire examiner tous ces estats , que la verité fust recognue, et , cela faict, luy donner desormais son congé pour se retirer où bon luy semblera , n'estant pieça que trop las d'estre ainsi indignement traicté et mesprisé , parmy la candeur de ses actions, et à la veue de ceux qui se disent ses serviteurs et amis, ayant desormais, quant à luy , apprins à n'assisner son souverain bien qu'en la propre tranquillité de l'ame et de la conscience , avec ferme esperance que Dieu, qui estend ses benedictions sur les bons, et ses maledictions sur les mauvais, luy fera misericorde.

: Qu'il vient tout maintenant d'estre adverty qu'il ne falloit esperer aucun secours du costé