LIVRE ONZIÈME

de Lyon, soit par emprünt ou autrement :

quoy estant , il se discoulpe , dès maintenant, du mal qui en pourroit advenir , et que puis qu'ainsi est que ses remonstrances sont si mal receues , qu'il a. commandé auxdicts Billiad et Ruzé de s'en revenir vers luy , ne s'apercevant desormais que trop que la mesme ve:

rité qu'il represente tous les jours arrive si tard aux oreilles du roy, qu'elle demeure toute debiffée et sans forme pour se faire recognoistre , et, en cela mesme qui regarde ses affaires, que les desastres et les envies s'efforcent en vain de surmonter sa vertu , sa fidelité et son courage.

Du deuxiesme novembre , il eust nouvelles que le secretaire Ruzé avoit tant crié et tempesté , que on avoit commencé à donner quelque ordre au faict des payemens , et que cependant on luy envoyoit vingt-cinq mil livres pour secourir les gens de guerre, sans toutesfois luy donner asseurance des trois mois deus à la fanterie , ny des sept de la gendarmerie et des autres officiers ; sur quoy il remonstra que ces façons de faire ne tendoient à autre chose qu'à le faire mourir à petit feu parmy des nuageuses et incertaines promesses, qui ne le ruineroient pas , mais bien le service et la reputation du prince ; pour à quoy remedier il n'y avoit qu'un seul moyen, qui estoit de tellement disposer et reigler les affaires, que ès le commencement des mois le payement fust apporté ; que lors , et non plustost, les gens de guerre seroient contenus en crainte et en discipline, et Sa Majesté deschargée de ces continuelles importunités , et luy mesme aussi de la defiance qui faict souvent croire et craindre plus de mal et plus de bien qu'il n'y a pas.

Qu'il avoit souvent sommé le duc de Sesse de luy envoyer les quictances et certifications necessaires sur les restitutions de Piedmont et Montferrat; qu'en luy respondant par ses lettres du vingt-troisiesme octobre , il luy avoit mandé qu'il ne le pouvoit faire qu'auparavant il ne fust asseuré de celle de Savoye, de la Corsegue et Tuscane : surquoy le mareschal auroit repliqué que ces raisons n estoient pas soustenables , puis qu'il n'ignoroit pas que son auctorité ne s'estendoit point sur ces {rois provinces ; que, quant à la Sa-

voyc, il n'avoit peu ignorer que la restitution n’en fust pieça faicte, et dont il so pourroit esclaircir par M. de Mazin, qui estoit à sa porte, et de mesme des Gennois pour la Corsegue ; que, pour le regard de l'autre, il avoit sçeu que le sieur douip Francisque d Est la luy avoit baillée, et en fin que par ces diflicultés il rembroulleroit les affaires de la Picardie et de la Flandre ; si tost qu'il aura faict responce, elle sera envoyée à Sa Majesté ; que s'il en eust esté creu, qu'il n'eust rien rendu qu'au mesme instant ces descharges ne luy eussent e:té fournies : que la volonté de Sa Majesté sera observée en ce qui depend de M. de Savoye, qui a prins son chemin par la mer pour se rendre à Nice , et non en Picdinont, où il ne viendra qu'après l'hyver : que Sa Majesté ne laisse , s'il luy plait, de commander que les sieurs d'Ossun, de Gondrinet Monthazin, reviennent en leurs gouvernemens , et lesdicts capitaines à leurs charges.

Le roy, ayant en fin receu pour bonnes les plaintes et les remonstrances du mareschal , luy manda , par lettres du vingt-neufviesme octobre , qu'il avoit commandé qu'en toute diligence on luy envoyast deux mois, laissant le troisiesme en crouppe , sans lequel les gens de guerre n'auroient jamais moyen de s'habiller , car tout ce qu'ils recevroient maintenant leur desduisant les prests, peu sera ce qui leur restera.

|, Sa Majesté luy manda aussi que M. de Savoye luy faisoit tous les jours nouvelles plainctes de luy : sa responce fut qu'il croyoit encores pis, mais que tout cela ne procedoil d'ailleurs que de la rigueur et de la malice de ses ofliciers , qui prenoient plaisir à dresser nouvelles inventions et rigueurs pour tenir les cinq villes (et Carmagnoles mesme aussi) comme enfermées dans une cage et sans vivres, deffendans d'une part, par dessoubs main, d'y en porter, et d'autre chargeans ce peu qui y vient de tant de dices , qu'il n'y a ordre de pouvoir vivre en façon quelconque : que d'eudurer ces bravades et ces necessités , qu'il ne le fera jamais , pour ne perdre ce peu de places qui restent d'une si grande grace qu'est celle que il a receue , et qui est un peu trop mal re-

cogneue : car , mesme pour le regard de Carmagnoles (à laquelle on n’y peut aller ny en sorlir Çà et là sans passer sur ses terres), ils ont aussi mis dace sur tout ce qui sort ou qui entre dans la ville , pensans que le mareschal ignore que tout ce qui est à vingt lieues à l'entour n'est qu'une usurpation faicte sur les anciens marquis de Salluces , desquels Sa Majesté a le droict , et lequel il ne falloit pas laisser escouler si doucement qu'on a faict, aussi bien que tout le reste. Et à la verité, qu'il ne pouvoit taire, comme vray François, que la paix en soy estoit bonne et louable chose , mais très-mauvaise quand elle commence par si notables pertes que sont celles que la Francea faictes, etqu'ilprevoit qu'elles ouvriront un jour de grandes cataractes de division parmy elle, et tout par faute de prevoyance.

Du mesme jour ayant le mareschal esté fdement adverty, par le secrétaire Ruzé, que toutes les grandes montagnes de promesses qu'on luy faisoit sur le faict des assignations, n’engendreroient que des paroles ou quelque ridicule soury, et que tout ce qui regardoit le faict des cinq villes retenues, où il se traictoit de M. de Savove, estoit mal receu , quelque raison qu'il eust de son costé, ce qu'ayant assez recognu par divers traicts, il manda à Ruzé et Billiad qu'ils demandassent leur congé au roy, et qu'en le prenant ils protestassent tous deux, en son rom , devant Sa Majesté et les seigneurs du conseil, de tous les inconveniens qui pourroient ad— venir par faute de convenable provision.

Que puis qu'ils n'y veulent autrement pourvoir, qu'il n'est pas déliberé de recevoir ceste honte de se voir chassé du païs, et au hasard de sa vie, laquelle toutesfois n’est d'aucune consideration au prix de celle du service du roy; qu'il les supplie d'envoyer commander en Piedmont qnelque autre qui puisse plus paisiblement endurer que luy ne peut faire, ceste hontense fortune , qui luy servirait de très- indigne tesmoignage et recompense à tant et tant de memorables services par lu rendus en divers temps; qu'ils redemandent aussi la vieille patente qui fut envoyée par feu Guesdon au cardinal, sur les droicts que les comtes de Provence avoient sur le Pied-

[1559] mont, et pour avoir laquelle il avoit donné gage de six cens escus que il faudroit qu'il payast; qu’il a depesché le sieur du Plessis vers le roy, avec lequel ils confereront, et feront tous tant de sa part envers Sa Majesté, que elle le renvoye, estant, comme il estoit, resolu de ne se mesler jamais des finances du roy.

Le mareschal , recognoissant que ses offrandes et ses supplications continuelles n'apportoient aucun allegement au mal qui le pressoit, manda à la royne, mere du roy, que toutes choses estoient reduictes à tels termes , qu'il falloit qu'il se tint plus avant sur ses gardes parmy les François qu'il ne faisoit pas autrefois parmy les ennemis ; que puisque les ministres de Leurs Majestés fuisoient si peu de compte d'y pourvoir, qu'il se deschargeoit ès mains d'elle du mal qui en adviendroit ; pour n'estre spectateur duquel il protestoit qu'il se retireroit , si dans trois sepmines les payemens ne luy estoient envoyés.

Que Sa Majesté n'ayant voulu retenir que vinst compagnies, au lieu de vingt et deux qui estoient nécessaires, qu'il les a desparties, à sçavoir : dans Thurin cinq , à Quiers cinq, à Chivas trois, à Villencufve trois, à Pinerol trois, et une seule à Carmagnoles, puisqu'il y à cinquante hommes au chasteau ; supplioit Sa Majesté que , ce département luy estant agreable , elle le luy vueille envoyer signé de sa main, pour fuir les desadveux.

Que la marquise de Montferrat, au pris de M. de Savoye, recognoit si avant les graces que Sa Majesté lui a faictes , qu’elle a commandé à tous ses subjets de librement trafliquer dans les cinq villes , et d'y porter indifferemment toutes sortes de vivres sans rien payer. |

Du treiziesme novembre, le mareschal fit nouvel le plainte que du costé de Lyon, ny d'ailleurs , il n'avoit aucunes nouvelles des vingt cinq mil livres qui devoient arriver il y avoit quinze jours (au moins à ce qu'on avoit mandé}), et que si ledict sieur du Plessis n'eust en passant emprunté dix mil livres qu'il luy avoit envoyées en poste, qu'il vovoit les armes levées contre luy , par ce qu'on le trouvoit manquer en ses promesses, faictes toutesfois sur celles qu'on luy faisoit aussi en