LIVRE ONZIÈME

cour, et qu'il avoit prins resolution de tout quitter pour ne plus demeurer enveloppé parmy les necessités et les confusions qui l'assiegeoient de tous costés ; que si, par Cy devant , il a avec peu faict beaucoup, la necessilé ayant esté sa propre vertu, et laquelle il ne peut porter plus outre, tout luy defaillant ; que la viande de la vérité, qu'il à tant de fois presentée à Leurs Majestés, estoit propre au salut et à la conservation de l'estat, et lequel on veut renverser par chemins destournés et contraires à ce que l'extremité recherche ; qu'ayant esté adverty par aucuns de ses amis que le vidame de Chartres commençoit à se remettre sur la campagne de ses mesdisances , et mesmes en ce qu'il avoit le plus cher en ce monde, que cela l'avoit contrainct, avec consideration du recullement des affaires, de me depescher vers le roy pour r'abatre ces atantats que Lodun, depesché par le vidame , avoit mis en avant :

pour à quoy parvenir, je fus chargé de dire, devant Sa Majesté et tous les seigneurs du conseil , que si M. le vidame ou autres avoient à son prejudice avancé quelque chose qui peust tant soit peu tirer en doute la fidelité de ses services, que j'avois charge de tres-humblement supplier Sa Majesté me permettre de dire à sa descharge , et en toute reverence et correction, ce qu’il m'avoit commandé; à quoi elle me respondit que combien qu'elle eust de luy toute la grande et honnorable opinion que meritoit la grandeur deses services, que c’estoit le moins qu'elle pouvoit faire pour luy que de m'escouter en ce que j'avois à dire.

Là dessus je fis plaincte de sa part, disant qu' avoit entendu que M. le vidame, ayant oublié l'amitié dont le mareschal l’avoit honnoré , s’estoit avancé , par la bouche de Lo3 dun, en quelques propos à sn desavantage ; que s'il estoit ainsi qu'il l'eust faict, qu'il n'avoit faute de cœur ny d'armes pour faire paroistre , à luy et à tout le monde, l'intesrité et la candeur de ses actions, tant en ce qui pouvoit regarder le service de Sa Majesté que ailleurs. Lors M. de Guise, prenant la parole, me dict : « Prenez garde à ne vous avancer si avant que vous en soyez desadvoué par M. le mareschal, qui est plein de modestie et de douceur.» A quoy je respondis que je ne se-

rois jamais si mal advisé de porter telles paroles devant mon roy, sans avoir l'adven qui m'estoit necessaire, et qui n'estoit pas loing de moy, et que là où il se traictoit d'un seigneur de tel merite et valeur, qu'il faloit plustost chastier qu'escouter ces ames impures qui envioient la gloire et la vertu de uy. Lors le roy, prenant la parole, dict à M. de Guise : « Vous estes l'un de ceux qui pouvez mieux que nul autre tesmoigner de la probité et des grands et recommandables services de M. le mareschal : si le vidame ou autre a mesprins en son endroict , il l'en faut tellement corriger qu'il serve d'exemple aux mesdisans. Si je sçavois qu'il se fust ainsi oublié, je commanderois à vous mesme d'en faire le ressentiment en mon nom, et à quoy je vous prie prendre d'oresnavant garde de si près, que ces follies n'adviennent plus, et au reste depescher Boyvin le plustost et le plus fatorablement qu'on pourra : et vous, asseurez de ma part M. le mareschal que je l'aime et honore autant ou plus qu'autre seigneur qui soit en mon service.» Voilà comment on a tousjours plus d'affaires à se couvrir des ennemis de cour que des armes ennemies.

Du neufviesme decembre , le cardinal luy ayant mandé qu'il avoit faict party avec le marchand Obreth, comme :l l'avoit asseuré par moy, sur tous les payemens d’une année entière, montant deux cens soixante mil livres, il fit sçavoir au roy qu'il ne pouvoit prendre pied là dessus , puis qu'en passant à Lyon j avois descouvert que le marchand Obreth abusoit desjà de ses promesses; et de fuict que la mesme partie des vingt-cinq mil livres avoit esté envoyée en or, où il ne s'estoit trouvé escu qui ne fust bas à dix ou à douze grains près : perte très-grande aux gens de guerre , qui avoient assez de maux à souffrir sans y adjouster celuy-là ; que le mesme commis de l'extraordinaire, Molle, qui se tient à Lyon, luy a mandé que le marchand Obreth faisoit estat de n'envoyer les payemens que piece à piece, et en ces mesmes especes, qu'il va achetant de tous costés ; que si cela luy estoit permis, qu'il gaigneroit plus de cinquante pour cent, à la ruine toute evidente des affaires de Sa Majesté.

‘ Que le duc de Sesse , satisfaisant à la re-

MÉMOIRES DE BOYVIN DU VILLARS

plique sur le faict des restitutions, luy a escrit qu'il avoit envoyé à madame la duchesse de Parme, gouvernante de Flandre , que les restitutions avoient esté accomplies, tant en Toscane, Corsepue, Montferrat, Piedmont que Savoye, et que, par ainsi, si elle avoit, en la defiance de cela, suspendu ce qu'elle avoit à accomplir de sa part, qu'elle s'en acquitast ainsi qu'elle adviseroit.

Le roy ayant cy devant, à la remonstrance du mareschal, ordonné treize cens livres par mois pour appointer plusieurs gentils-bommes qui avoient, durant tout le cours des guerres, bienet vertueusement servy, furent, à la honte de luy, convertis au payement de la compagnie des: chevaux legers de Ludovic de Birague, à la ruyne de dix ou douze chevaliers de marque, tous lesquels, selon leur portée, ne devoient rien à l'autre. Et puis, arrestez vous aux promesses et aux amitiés de ceux qui manient les rois, tout le passe-temps desquels ne s'estend qu'à remuer mesnage et à desfavoriser ores l'un ores l'autre, et ceux mesmes qui n'ont trop de merite et de valeur aussi, si ce n'est surmontante, au moins esgallante la leur! et d'engouler là dessus la patience, il n'y a ordre ; il faudroit estre quelque statue insensible et mal rabotée pour le faire.

Par le retour de Ruzé ; on luy envoya encores pleine poche de paroles et de promesses, autant pour luy que pour ces sieurs ainsi indignement desappoinctés pour la cour de parlement, chambre des comptes, pour l'acceleration des payemens de tout le monde, et en particulier pour les sept mil escus à luy deus pour la gabelle, que par commiseration il avoit prestés à tous ceux-cy ; mais tout cela fut remis au degel du Montcenis, ou sur le disner des Basques qui ne vivent que d'aisles de mouches , qui ne font jamais le ventre pointu; et par ce que ces desappoinctés. estoient tous, ou gouverneurs de places, ou capitaines et des plus vaillans qui eussent servy en Piedmont , il manda au roy que c'estoit trop rabaisser la foy et les tesmoignages qu'il avoit rendu de leur valeur, mais plus encor de luy mesme ; qu'il n'avoit plus, quant à luy , d'estomac propre à digerer toutes ces frequentes indignités , et que puis qu'on ju-

geoit si mal et d'eux et de luy , qu'il valloit mieux que tous ces cavalliers allassent chercher leur party hors le royaume , et que luy mesme aussi s'allast retirer en quelque coing des terres venitiennes, plustost que de demeurer contemptible parmy les siens, suppliant Sa Majesté vouloir ainsi permettre et à luy et aux autres. Aussi , la franchise de ces remonstrances estonna du premier abord le roy et les autres; mais pour tout cela toutesfois, ils ne se hasterent guieres depuis d'y pourvoir, au moins qu'à bastons rompus pour à la fin le matter et descourager du tout, comme il advint peu après, l'envie ne quittant jamais celuy qui nous surmonte ou qui nous esgalle , soit par gloire ou par honneur.

Du dixiesme decembre , ayant sceu l'arrivée de M. de Savoye à Nice, il l'envoya saluer et visiter par le sieur de Montbazin , et luy offrir tres-humble service, le suppliant par mesme moyen vouloir, pour les raisons qu'il luy declareroit de sa part, descharger les cinq villes des daces et imposts mis sur les vivres qui y estoient portés par ses subjects , ou par ceux du Montferrat et du marquisat de Salluces. Ce ne furent de la part de ce prince que toutes paroles fort courtoises, et qu’en attendant le retour d'un gentil-homme qu'il avoit envoyé vers le roy, il commanderoit que la levée desdictes daces seroit suspendue; et neantmoins ayans depuis les commissaires qui sont du costé du marquisat continué à les lever, le mareschal le luy auroit faict sçavoir, et promis que d'oresnavant pour tous ces demeslemens il nes'en addresseroit à autre qu'àluy, sçachant combien il avoit à cœur que les affaires de Sa Majesté re: ceussent tel etablissement, une fois pour