LIVRE DOUZIÈME

amis de coùr; il y faict beau , on y joue tousjours à boutte-hors : c'est pourquoy le mareschal envova ledict secretaire Ruzé à Lyon vers le marchand Obreth, pour le disposer à avancer lesdictes cent mil livres demandées ; mais tant s'en faut qu'il se trouvast disposé à ce faire , que par le contraire il luy respondit qu’il estoit si mal traicté, qu'il avoit plustost envie de quitter que de continuer le party ; que d'avancer il ne faloit jamais esperer, pour avantageuse condition qu'on luy sceut presenter; ce qui fut, mais en vain, remonstré au roy et auxdicts seigneurs.

Du cinquiesme mars, sur les remonstrances que faisoit le cardinal au mareschal , de l'impossibilité de recouvrer les deniers qu'il demandoit , autrement que par les termes concertés avec ledict marchand Obreth , il luy fit responce que si luy, qui manioit le commandement des finances , ne pouvoit trouver dans tout un royaume si grand, et particulierement dans Paris , quarante ou cinquante mil escus pour une seule fois, qu'il devoit donc à contrecarre considerer avec combien de peines, d'engagemens et d'mterests, il avoit peu , dans quatre pieds de terre affligée de tous costés , recouvrer ce dont il avoit appaisé les mutinations ; qu'il n'estoit point si peu versé parmy les affaires de la France, qu'il n'eust tousjours veu remercier et recompenser les marchands ou autres gens de qualité, lesquels, ès cas necessiteux, faisoient de tels prests , et de telles qu'avoient esté les siennes avances , et que tant s'en falcit qu'on eust practiqué cela envers luy, les merites duquel toutes-fois voloient par sus tous ceux là que par le contraire il sembloit qu'après avoir bien dict et mieux faict, qu'encores devoit il de reste; que s'il estoit ainsi que Île royaume fust si espuisé, que malaisément pourroit-il fournir aux cinq places ; qu'il falloit, auparavant que jetter par la fenestre toutes les conquestes de la France, entrer en ces considerations , et puis, selon le bras de la maladie, ordonner lors la saisnée, en laquelle on avoit, contre son conseil, si abondamment procedé à la faveur de la France, qu'on avoit reduict ces pauvres malades des cinq villes, et luv mesme aussi, à faire des jeusnes cet des dicttes si cruelles, demeurans

‘804 privées de leurs finages, qu'il faloit en fin qu'elles se perdissent à la ruyne de l'estat, et à la gloire et au profit de celuy qui alloit finement preparant leur tombeau ; qu'au lieu de corriger ces fautes , on les augmentoit tous les jours; qu'il avoit aussi estimé que services si notables qu'avoient tousjours esté les siens, sauvant au hasard de sa vie, de ses biens et de ceux de ses amis, ces pauvres cinq villes abandonnées du roy et d'eux aussi, qu'il avoit tousjours esperé que le roy, par la mediation et de luy et de son frere , n'auroit rien de plus pressé que de recosnoistre si memorables services par quelque specieuse grace et par le prompt remboursement et interest de ce qu'il avoit emprunté; que sans Ja confiance qu'il avoit eue en leur amitié et en leur protection, qu'il ne se trouveroit aujourd'huy reduict à ce point de ne sçavoir où prendre seulement de quoy nourrir et luy et sa famille, pour avoir esté trop facile à croire et adjousté trop de foy aux promesses que l'on luy avoit faictes, toutes lesquelles s'estoient converties en un denier, comme les offrandes de village ; que si sa conscience et son affection très-humble au service de Sa Majesté ne le retenoient , qu'il feroit bien tost cognoistre à elle, à M. de Savaye et à eux, età toute la France aussi, qu'il n'avoit faute de cœur, de force, de jugement ny de grandes entreprinses , pour se retirer, et les gens de guerre aussi , hors de ces ingrates miseres, et avec gloire, honneur et utilité; suppliant ledict sieur cardinal y vouloir si promptement et si opportunement pourvoir, que l'estang de la trop grande patience ne rompe la chaussée et gaste tout.

Le vingt-huictiesme dudict mois, le roy manda au mareschal que son conseil avoit en fin tellement travaillé au reglement des finances , quil auroit cy après , et par chacun mois, cinquante mil livres pour fournir à toutes les despenses qu'il conviendroit faire doresnavant en Piedmont. Il en rendit soudain graces à Sa Majesté, la suppliant luy pardonner s'il luy disoit fort franchement que combien que l'intention de Sa Majesté fust telle qu'elle disoit, qu'il ne s'en feroit toutesfois jamais rien ; que ce secours de cinquante mil livres pourroit bien accommoder

les gens de guerre , maïs non pas fournir aux autres despences des fortifications et de l'arüllerie, comme aussi au payement de tous les officiers et à l'entretenement de luy mesme, qui vendroit plustost jusques à ses chevaax que de jamais toucher à ce qui devoit estre destiné pour le payement des gens de guerre, et consequemment à la conservation de l'esuat, que il aimoit mieux sauver que non pas luymesme; aussi bien l'avoit-on reduict à tel'e extremité et à telle misere , que la propre vie, qu'il souloit jadis avoir chere pour l'emhlover au service de Sa Majesté, luy estoit desormais à contre-cœur , et en fin qu'il ne sÇauroit ja mais persuader qu'un si grand et si debosnaire prince, tel qu'estoit Sa Majesté , eust les aureilles si fort estouppées , et le cœur endurcy , qu'il ne se souciast ny de la ruine de son estat , ny de celle de celuy mesme qui avoit de longue main merité d'estre poar le moins aussi bien payé, traicté et honnoré que tant d'autres qui estoient près d'elle jouissans de sa presence, du repos et de l'abondance de ses graces , à beaucoup desquels il ne cedoit toutes- fois.

Qu'il portoit impatiemment en son cœur les attentats dressés , à ce qu'il avoit entendo, contre Sa Majesté , et desquels il esperoit que Dieu lui feroit avoir la raison , et que si dèslors qu’il en avoit eu les nouvelles, il eust peu trouver dequoy desloger , qu'il fust coura avec une bonne trouppe de gens de guerre, au secours de Sa Majesté , et comme il feroit soudain si elle luy envoyoit de quoy payer et desgager ce qu'il avoit emprunté pour sauver les cinq places, sans quoy il estoit resolu ne partir jamais et d'avoir plustost recours à la vente de ses biens , que de violer et la foy et la parole qu'il avoit tousjours maintenues inviolables au prix de son sang., comme il feroit tousjours.

Du vingt-neufviesme dudict mois, le duc de Guise donna advis au mareschal de tout le succès de la conspiration d'Amboise et de la correction , de laquelle il s'estoit bien vouls resjouir avec luy comme avec son cher amy, qui sçavoit de longue-main combien valoi l'aulne de si dangereuse marchandise : sa responce fnt que la foy et la conscience des l&thericns luy avoit tousjours esté suspecte,

‘estimant que celuy qui se rend perfide envers Dieu le sera bien à son prince, et qu'il croyoit que s'ils eussent eu à faire à gens aisés à estonner, qu'ils eussent entreprins plus avant et plus fortement qu'ils n'avoyent pas faict ; que ç'avoit esté un coup de son inveterée prudence et sagesse , de courir au devant de ces conspirateurs , auxquels le courage deffaut tousjours quand ils se voyent descouverts et prevenus, comme on a faict ceux-cy , et puis que Dieu est protecteur des rois, contre lesquels il ne faut jamais lever les enseignes de rebellion, en tant qu'il veille tousjours pour eux à la ruine des meschans ; que ce p'estoit pas tout que sa diligence , sa foy et sa valeur , eussent correspondu à la confiance ‘que Sa Majesté avoit en luy ; mais qu'il falloit veiller et galopper de si près ces conspirateurs , que pour deux testes abatues il n'en revienne comme à l'hydre sept autres ; et que là où il trouveroit que les armes et la rigueur fussent pour allumer de grandes flammes , qu'il essayast la mesme benevolence et douceur que l'empereur Auguste practiqua par le conseil de sa femme contre les conspirateurs, et que s'il l'eust appellé à temps à son secours ; qu'il eust volontiers sacrifié ce peu de bons jours qui luy restoiïent , au service de ce prince , de la patrie , et au sien particulier.

Quant à ce qu'il luy escrivoit en faveur de ce capitaine Tilladet et Villambis , auxquels le roy vouloit que leurs compagnies fussent rendues , que si Sa Majesté et luy mesmes se fussent souvenus qu'elles avoyent esté justement cassées pour avoir esté celles qui avoyent commencé la mutination , et aussi que le roy et luy mesmes avoyent approuvé ce qu'il en avoit faict , qu'ils luy eussent maintenant plustost commandé de les chastier que de les remettre tous deux, mais sur tous ledict Tilladet , qui avoit esté trois ans absent et la compagnie sans lieutenant ; qu'en ayant pourveu par le vouloir de Sa Majesté les sieurs de Richelieu et de l'Isle, personnages de tout autre merite et calibre que ceux là , qu'il ne les en privera jamais , mesmes son honneur et sa reputation y estans fort avant engagées ; que si Le roy d'auctorité absolue luy veut faire co tort, que ce sera un fort dangereux exem-