LIVRE DOUZIÈME

ple pour l'advenir ; finalement , qu'il supplioit ledict seigneur de Guise que tout ainsi qu'il se rendoit intercesseur pour gens qui avoyent failli et qui ne l'avoient jamais servy, qu'il courust au secours de luy, son ancien serviteur , pour estre relevé du mal qui le pressoit, sans qu'il l'eust toutesfois merité , luy faisant desormais envoyer le remboursement des quatre vingts mil livres , et sans quoy il ne partiroit jamais du Piedmont , ny le remettroit ès mains du sieur de Bourdillon ( destiné son successeur ) pour ne manquer de la foy et de la parole qu'il avoit donnée à ceux qui avoyent presté les deniers, mesmes se trouvant destitué, comme il faisoit, des propres moyens qu'il devroit avoir en main pour nourrir sa famille ; que les choses que la necessilé nous faisoit promettre , l'honneur et la volonté l'obligeoient à les inviolablement tenir.

Du quatriesme avril il fit entendre au roy que le sieur de Labordaisiere, allant en ltalie, luy avoit fort particulierement raconté les seditions et les attentats que les lutheriens ou mal-contens avoyent dressées contre Sa Majesté et contre l'estat aussi, avec le chastiement que leur malice et leur infidelité avoient meritoirement receu ; que c'estoit un coup de ce bon Dieu , qui secondoit et favorisoit les sainctes intentions que Sa Majesté avoit à la conservation et augmentation de son église, qui ne peut recevoir la division à laquelle ceux-cy aspirent, et qu'il faloit sans intermission si bien vaoner ceste yvraye, qu'elle ne peust gaster le bon bled, comne elle feroit si on luy laissoit prendre racine. Que s'il ne plaisoit à Sa Majesté, après tant de depesches et de supplications, pourvoir au remboursement de ce que luy, ses meubles et ses amis avoient fourny pour appaiser la mutinerie et la perte des cinq places, que Sadicte Majesté pourroit en recevoir de plus mauvaises nouvelles qu'elle n'estimoit, et .

dont dès maintenant, comme pour lors, il

protestoit en toute reverence contre Sa Majesté , à la discoulpe de luy, qui avoit escrit de mesme à la royne sa mere, et aux cardinal de Lorraine et duc de Guise, tous lesquels l’enveloppoyent dans des discours et en des con-

| siderations fort contraires à leurs promesses,

qui desrobent le temps, ct qui enveloppent et luy et l'estat en des inconveniens au remede desquels le repentir seroit pent-estre tardif et inutile, avec une desreputation et deshonneur que les grands roys doivent tousjours fuyr, mesme «ù il se traicte de recognoistre un si signalé service qu'a esté celuy qu'il a renda: que de sa part il n'estoit ni affamé ni alteré d'argent, passion qui ne le posseda jamais, mais bien l’estoit-il de Ia conservation de l'estat et de l'observation de sa foy, laquelle il ne violeroit jamais, quand bien it iroit de sa propre vie, et laquelle Sa Majesté devoit reserver à de plus grandes et plus honnorables occasions que ceste là; que le feu roy, de glorieuse memoire , avoit, en pareils accidens, emprunté de tous ceux de $on conseil soixante mil escus, que Boyvin lay avoit porté au siege de Cony, et qu'il pourroit encor aujourd'huy practiquer le semblable à fin de remedier et de tranquiller , pour une bonne fois, les affaires d'italie, au lieu de les abandonner à tous vents comme on fuisoit.

Du douziesme dudict mois le roy manda äu mareschal qu'il le prioit de croire que luy , et tous les sieurs du conseil, faisoient fout ce qui leur estoit possible pour trouver quelque expedient qui le peust relever de ce qu'il avoit emprunté pour acoiser les mutinatious. Luy, remerciant Sa Majesté du soin qu'elle avoit de le retirer hors de peine, luy manda qu'il avoit une extreme douleur de ce qu'elle luy mandoit, à broche couppée , qu'il ne faloit qu'il attendist desormais pour toutes choses autres secours que les propres cinquante mil livres dont il l'avoit cy-devant adverty, et que George Obreth de.

voit fournir par chacun mois; que sur ceste resolution elle le prioit de faire ses efforts pour passer en Vivarets et en Daulphiné avec forces, pour courir sus à tous les lutheriens et à tous ceux qui se levoiént en leur faveur ou qui auroyent envie de le faire, et le tout conforme au pouvoir, aux instructions et aux moyens qu'elle luy envoyeroit. A quoy il respondit que Sa Majesté et messieurs de son conseil luy ayans promis qu'ils remedieroyent si bien et si promptement à toutes les miseres de l'estat et de luy, il avoit sur-

MÉMOIRES DE BOYVIN DU VILLARS

monté toute patience et toute necessité, æ& que la vouloir maintenant renverser sous des difficultés ou des imaginaires impossibilités, que c’estoit une viande qu'il ne pouvoit pouster, comme aussi ne feroient pas ceux qui en parloient si à leur aise, s'ils estoient en sa place.

Qu'ayant en fin ccnsideré tout le cours des affaires depuis la mort du feu roy, qu'il avoit remarqué que plus grand nombre estoit celuy de ceux qui avoient esté rejettés et mal traittés , ores que de merite, que de ceux qui, sans iceluy , avoyent esté recompensés ; que par une reglée beneficence toutes-fois il avoit esté possible de rabienner et de radoucir les cœurs et les affections esgales des uns et des autres, et qu'au lieu de ce faire on avoit rebutté et desappointé ‘tout le monde, sans considerer que c'estoit envelopper et le roy et l’estat aux mêmes misères où le roy Louys XI s'estoit trouvé par ceste mesme practique ; et que la plus part des hommes qui n'ont ni cœur, affection ny prudence soide, se relaschoient et debilitoyent souvent à moindre occasion que ceste-là, qui avoit, à son advis, eu beaucoup de puissance pour augmenter le nombre des lutheriens , non de religi n, mais bien de despit et de haine , et qu'il jugeoit necessaire que pour coupper chemin à ces malheurs, qu'il faloit, à main ouverte, desployer la beneficence et les remunerations selon la difference des merites : que ces royalles parties estoyent les vraves meres nourrices d'amour, d'affection et de plaisir, autant pour le present que pour le futur; et cependant ne fleschir toutesfois ny ne varier jamais parmy les affaires qui requierent force, courage et resistance ; et, qu'en telles occurrences que celles-cy, ceux qui s’'amusoyent à compasser et considerer les choses de trop près, ne se resolurent jamais assez à temps, ny selon la differente necessité des affaires, ny selon les hasards et les incertainetés auxquelles ils sont sujets. Suppliant très-humblement Sa Majesté que, là où ces remonstrances auroyent volé an pes trop haut, le donner à sa juste douleur, puis que le tout procedoit d'une fort franche «t liberale affection à son service ; que quant à ce qui regardoit les capitaines Tiiladet €

Villambis, qu'il n'en pouvoit faire autre chose que ce qu'il en avoit desja escrit à M. de Guise, pour n'alterer les precedens commandemens et adveuz de Sa Majesté, et aussi toutes les lois miitaires; qu'il ne lairroit, nonobstant tout cecy, et la pauvreté qui le talonnoit de tous costés, de preparer et les forces et luy-mesme aussi pour aller où Sa Majesté luy commanderoit, lui envoyant, comme elle promettoit , de quoi le faire et le tirer hors de debtes; et que combien qu'il fust affigé de vieillesse , de fièvres , de tourment d'esprit, et d'une inexprimable et indigne necessité, qu'il s'efforceroit toutesfois de surmonter tout cela, pour donner à Sa Majesté les derniers jours de sa vie. Pareille responce et remonsirance fut faite à la royne mere du roy, et auxdits sieurs cardinal et duc de Guise, mais rien ne profita ny d'un costé ny d'autre.

Du premier de may, il donna advis au roy que le sieur de Bourdillon, son successeur, et despuis mareschal de France, estoit arrivé puis trois jours, avec lequel il communiqueroit des affaires, et puis luy remettroit le gouvernement en main. Donna aussi advis qu'il avoit au mesme instant receu la despesche de Sa Majesté du vingt du passé , par laquelle, nonobstant la justice de ses remonstrances, elle luy commandoit de ne se plus travailler si elle estoit contrainte de luy dire qu’il faloit, nonobstant tout cela, qu'il print resolution resolue de ne pouvoir estre remboursé des deniers qu'il avoit empruntés, jusques à tant qu'il fust arrivé vers Sa Majesté, qui l’attendoit pour luy faire le meilleur recueil qu'elle pourroit, et luy faire aussi toute la meilleure part qu'il lui seroit possible de ses graces et de ses libéralités : ces menteuses promesses n'engendrerent despuis qu'une fort ridicule soury. En lisant ceste rude sentence, ce bon seigneur ne sceut tant commander à sa juste passion ny à son angoisse, qu'il ne luy eschaj jast parmy les sanglots trois ou quatre larnes de sang ; et de faict il ne se peut garder d'escrire fort rndement au roy qu'il deploroit autant la mauvaise reputation que Sa Majesté acqueroit sur l'indignité de ce traictement , que le propre mal qui le pressoit de tous costés, et que la frugalité qu'il