LIVRE PREMIER
os
riale entretenoit au Milanois etau Piedmont , estoient si grandes et si aisées à assembler avec celles de Sa Saincteté, que les deux entreprises seroient tout en un coup bheureusement executées , et auparavant que les François peusscnt jamais venir au secours, S@ souvenans de l’ancien proverbe qui dict : Soi ton amy, non voisin, le François.
Que par après elle pourroit, hors tout scrupule de conscience, donner la Mirandole à sesdicts neveux, pour maintenir laquelle l'empereur leur contribueroit de quoy y entretenir forces convenables. Finablement, qu'il seroit fort aisé , les Choses ainsi disposées , à desraciner de tous poincts la fleur-de-lys de l'Italie, et la recoigner bien avant au delà des Alpes.
Le dire pouvoit estre plausible , mais l'execution diflicile : voilà comme les princes chrestiens se brouillent tous, tandis que les Iufdeles avancent leur fortune sur les chrestiens, dont la pluspart d'eux n'ont bien souvent que le nom , tant l'ambition les transporte. |
Que les affaires succedans ainsi heureusement, Sa Saincteté auroit par après, comme il estoit raisonnable, toute souveraine disposition en Italie, pour administrer plus paisiblement le Sainct Siege, et agrandir aussi ses parens et ses amis, auxquels, venant elle à defuillr, l'empereur serviroit tousjours de second pere , bienfaicteur et defcnseur.
Voilà le sommaire des belles et fardées remonstrances de l'empereur , lequel ne s'apperçoit pas qu'au mesme instant qu'il protesta de sa devotion envers le pape, il a encore les mains toutes souillées du sang des Farnaises et de l'usurpation de Plaisance sur ses alliés, par la restitution de laquelle il devoit donc bastir la foy et la croyance de toutes ces belles paroles et promesses mesmes, puisqu'il confessoit que Plaisance estoit de la mesme qualité et desmembrement que Parme ; mais l'ambition mal mesurée, et l'interest particulier aussi, nous tirent toujours par leur violence hors du droict chemin, pour bastir çà bas des grandeurs qui s’esvanouissent aussi tost que l'ombre d'un songe. Et à la vérité, ores que ce prince fust fort sage et fort advisé, si ne peut-il jamais de son vivant assouvir ses ambitions parmy tant de royaumes, ny endurer aucun pareil ou esgal à luy. C'est cesta
rage et ceste outrecuidance qui le tindrent tousjours en guerre avec Francois I, qui n'attachoit pas ses esperances moins haut que Jluy, qu'il alla assez inconsiderément , tout vieil et cassé qu'il estoit, envelopper en nouve!les guerres, contre le soleil levant de ce jeune et genereux prince Henry second, fils de François.
Au rebours duquel ce prince, en toutes ses intentions et en toutes ses actions, tout cassé qu'il estoit, méprisoit tout honneur et toute conscience, pour avancer ses desseins et sa grandeur , oubliant que le dernier respirement de ceste vie sera renfermé en l'espace de cinq pieds de terre. Las! qu'y peut-il avoir de plus impic ou detestable parmy les humains , que de voir le beau pere, tel qu'estoit l'empereur au duc de Parme, poursuivre à toute bride la ruyne des enfans, desquels il avait fait cruellement massacrer le pere ?
Les ames francoises bien nées ne consentiroient ny n'aprouveroicnt jamais ces exCccrables impiétés, louées et aprouvées néantmoins par ces demi-Mores, qui ne croient en Dieu que sur bons gages, puisqu'ils envoyent, ct de sang froid, leurs propres enfans à la mort.
Le pape, aussi mal conseillé que ses neveux , se laissa en fin emporter et persuader par l’allechement de toutes ces belles promesses et remonstrances, re considerant pas, ainsi qu'il devoit toutesfois faire , la grande difference qu'il y a toujours entre le faict ct les paroles, et que celuy prend tousjours mauvais conseil, lequel, pour la passion ou pour l'interest d'autruv ,entreprentchosc de si dangereuse cet incertaine consequence qu'est ordinairement la guerre ; et que la France cstoit si pleine de biens ct de toutes autres forces et moyens, qu'il y avoit plus de hasard que d'asseurance à l'attaquer evirriter ; que les François avoient tousjours esté très-propices defenseurs de l'Eglise, et ceux-là mesmes qui l'ont, plus que nuls autres, accreue de biens et d'auctorité. Sa Saincteté se devoit aussi souvenir que le propre oflice et devoir d'un bon pape, c'est d'apporter et entretenir la paix et non pas la guerre, et qu'en practiquant le contraire à [a ruyne des chrestiens, li n’en poarroit recueillir autre moisson que les mesmes improperes et malcdictions qui
MÉMOIRES DE BOYVIN DU VILLARS
doivent estre fulminées contre ceux qui se rendent plustost loups ravissans que gracieux pasteurs de l'Eglise de Dieu; et, en somme, que tout le dessein de l'empereur, caut et dissimulé, tendoit à toute autre fin que ne faisoient ses paroles et ses propositions. Et de faict, le temps, pere de verité, descouvrit bien tost, mais trop tard pour le pape, que l'empereur ne visoit de droict fil qu'à s'emparer autant de Parme que de la Mirandole, et à effacer et renverser de fond en comble l'amitié et l'intellisence que la France entretenoit en Italie, à fin de pouvoir par après, plus commodément, donner la loy autant à Sa Saincteté qu'à tous les autres princes et potentats de l'Italie, à quoy la seule France donnoit tousjours empeschement. | Mais, par ce qu'il est autant mal-aysé en la cour de Rome qu'en celles des autres princes, de pouvoir si cautement et secrettement traicter et negocier de si grandes affaires , et mesmes par personnages d’auctorité n’y faisans residence ordinaire, que quelque subtil scrutateur ne penetre toujours au travers et ne fasse son profit de ce qu'il en a peu descouvrir, il advint que toutes ces menées furent descouvertes au roy, au cardinal Farnaise et au duc de Parme ; au moyen de quoy ceux-cvy, faits sages par la recente misere du frere et du pere , qui avoit espousé Marguerite, fille bastarde de l'empereur , conceurent une juste crainte de courir pareil inconvenient qu'eux, et par la main propre de ceux-là , desquels toutesfois ils devoient attendre plus favorable conservation. Ces princes, intimidés par ces pratiques et alarmes, furent lors contraincts à tourner l'esperance de leur salut vers la France, qui a tousjours esté le port et l'asseuré refuge des princes injustement oppressés. Et par ainsi ils commencerent à sonder et à pratiquer le roy par diverses offres, supplications et remonstrances , autant par la voye de leurs ministres, comme par celle du cardinal de Tournon, lequel faisoit lors residence ordinaire à Rome. Le sommaire desquelles remonstrances fust tel : à sçavoir que l'empereur , non encore assouvy du sang et des persecutions de leur maison, avoit, par diverses promesses et simulés pretextes , disposé le pape à se ranger de son party,
pour , par voye de faict et non de justice, les despouiller du Parmesan, et conjoinctement aussi essayer de conquerir la Mirandole, qui vivoit de toute ancienneté sous la protection de la couronne de France. | , Que ceste conjonction tendoit aussi à occuper et partager entr'eux les biens et les estats des autres potentats et republiques d'Italie, avec intention de chasser après les François du Picdmont et de la Savoye , qui leur servoient de propugnacle et d'entrée en Italie; et que par apres la Provence , le Dauphiné, la Bourgongne, la Champagne et la Picardie , deviendroient la glorieuse et infaillible moisson de leurs armes cruelles et avares. Que Sa Majesté, comme prince très-advisé, ne sçauroit pour lors trouver meilleur moyen d'empescher et de renverser tous ces desseins, qu'en prenant en sa protection et sauvegarde l’estat et la personne aflligée du duc de Parme , sans toutesfois trop appertement s'en descouvrir pour encores , ains le vouloir seulement couvertement assister de ses forces et de ses moyens; d'autant que luy , qui avoit preveu ce grand orage , avoit piecà commencé à si bien pourveoir à ses affaires, qu'à l’aide de Dieu il se maintiendroit par si long temps contre les forces papales et imperiales, que le roy auroit assez de loisir, et pour preparer son secours, et pour entreprendre plus grandes choses au rabaissement et confusion de l'inveteré et naturel ennemi de la France. Que l’Allemagne , haletante et desormais eslangourée par la frequence des cruautés et des tyrannies de l'empereur , qui triomphoit trop superbement de la gloire des Germains , ne cherchoit que les occasions de quelque nouveau remuement de mesnage , pour seurement et doucement secouer le joug imperial ; que la fortune estoit pieçà fort lasse de favoriser ce maladif, et neanmoins par trop superbe et ambitieux empereur, lequel ne pourroit plus subsister, comme il avoit fait par le passé, contre l'intrepide et genereuse valeur des armes françoises ; que la trop grande confiance et presomption qu'il avoit jadis, conceue et de sa force et de sa puissance, luy serviroient desormais d'apast et d'acheminement à toute ruyne. Que toutes nations adoreroient plus volontiers
