LIVRE PREMIER

le beau soleil levant du prince françois’, que le couchant de l'empereur : de maniere que toutes choses se trouveroient si favorables à la France , que Sa Majesté recueilleroit bientost une fort utile et fort glorieuse moisson. Que là où, par le conträire, Sa Majesté se voudroit par trop complaire ou amuser en sa propre grandeur et en l'abondance de ses estats, et cependant negliger tant de belles occasions qui presentoient dès lors le fruict presque tout meur et‘tout asseuré , qu'à la fin elle auroit, par sa propre coulpe et nonchalance , toute la puissance du pape et de l'empereur sur les bras. Que tant plus Sa Majesté estoit grande et puissante d'armes et d'estats, que tant plus devoit-elle craindre et se precautionner contre les envies et les aguets de ses voisins, qui estoient tousjours sur une offensive desmarche. Que ceste grande et heureuse domination que la divinité luy avoit concedée, n'estoit pas pour tenir en relasche un cœur si genereux que le sien, ny pour s'espouvanter parmi les grandes affaires , ains de les courageusement embrasser , autant à la gloire de luy et des siens qu'au salut des aflligés , en quoy consiste Ja vraye grandeur et magnanimité des grands princes. Finalement, que c'estoit chose digne de la prudence d'un si grand roy, de prevenir les inconveniens plustost que de les atten dre de pied-coy ; de plustost mettre la bryde à autruy que la recevoir soy-mesme ; et qu'il n'y avoit rien de plus dangereux à la manutention des grands royaumes que de se laisser surprendre à la necessité, laquelle avoit cela de propre , qu'elle ne laissoit jamais rien faire ou juger bien à propos. Pour conclusion, que le duc de Parme feroit le prologue et le theatre de la comedie , où les premiers coups d’essay se jetteroient, et avec main si circonspecte et reservée , que le roy pourroit tpusjours (selon le goust et le jeu) s'advancer ou retirer à son plaisir, et faire son profit de l'hasard et des calamités d’autruy auparavant qu'elles tournassent en tragedie. su (4

Ces propositions et ces remonstrances ne furent au commencement gueres bien receues, au moins par ceux qui avoient des-jà faict experience et du bon-heur et de la puissance de l'empereur, et qui cognoissoient aussi

par pratique le peu d'asseurance qu'il y a bien souvent en Là foy et aux promesses des aliens , lesquels ont presque ordinarrement recherché les François, plustost pour s'en prevaloir à l'avancement de leurs aflaires et de leurs vengeances particulicres, que pour envie ou inientions qu'il eussent de voir prosperer leurs armes ny prendre picd en Jale. D'ailleurs , ils consideroient aussi (et certes à bon droict) que les evenemens de la guerre sont tant douteux et incertains, que la perte tourne bien souvent du costé de ceux qui l'ont mieux consultée et entreprise; qu'elle p'apporte que ruynes et desolations, n'estant sutre chose que la justice ‘de Dieu, sur ceux qui injustement et de gayeté de cœur embrassent indifferemment toutes sortes d'occasions qui leur sont proposées pour travailler ou enjamber sur autruy. Qu'il ne faloit pas tout à la haste embrasser ces occasions et ces remonstrances , ains les digerer avec conseil constant et rassis; car, de faillir et s'en repentir après le coup, c'estoit folie et simplesse. Que par le contraire toutes choses procedoient prosperément à celuy qui sçavoit meurement prevenir et balancer les affaires au poinct de l'honneur et de la conscience aussi , qui servoicnt tousjours de planche à la prosperité.

Neaatmoins le roy, lequel se deschargeoit des plus importans affaires sur l'inveterée prudence et fidelité de messire Anne de Montmorency, connestable de France, en ayant conferé bien au long avec luy et avec les autres princes et seigneurs du conseil des affaires, commença d’avoir pour suspect toutes les menées de l'empereur, et recognoistre qu'en y apportant , et de bonne heure, quelque interruption , elles enveloperoient et luy et ses amis aussi en des inconveniens qui peu à peu deviendroient du tout irremediables.

Pour raison de quoy Sa Majesté se laissa aller à donner quelque plus gracieuse audience aux propositions du duc de Parme qu'elle n'avoit faict au commencement , mais toutesfois avec intention toujours de ne rien remuer qu'avec toutes les justifications que doivent pratiquer les princes qui ont en consideration l'honneur et la foy des traictés de paix et le repos universel de la chrestienté ; et toutes-

MÉMOIRES DE BOYVIN DU VILLARS

fois la plus-part d'entr'eux tiennent qu'en matiere d'estat , il faut plus servir à l'utilité qu'à l'honneur. Par ainsi Sa Majesté, desiraat mettre toujours le droict de son costé , dépescha vers l'empereur pour ley faire plainte de plusieurs remuemens qui se faisoient par les siens au prejudice de 3 paix , le priant d'y aporter les remedes coavesables, avec une saincte disposition pour la garder et inviolablement entretenir, comme le roy avon faict de sa part , et feroit encores s'il n'eston forcé au contraire. |

L'empereur, subtil et secret, et qu pat un espoir mal fondé engloutissoit towt le monde , à l'alarme de ceste sommation , jugea par sa propre conscience qu'il falloit tascher à mesnager le temps et le porter le plus avant qu'il pourroit , à fin de pouvoir avec plus de jugement , de loisir et de seureté, prevenir tout ce que le François pourroit entreprendre au prejudice de ses menées et de ses intentions. Et par ainsi il respondit, en termes generaux, qu'il n'avoit, quant à luy, autre volonté que de bien entretenir la paix, et qu'il pourvoiroit de son costé à ce que riem n'advinst qui y peust apporter alteration, esperant que le roy feroit aussi de mesme. Le prioit cependant de ne prendre aucun ombrage ou soupçon des forces qu'il faisoit assembler en divers endroicts, çar tout cela ne tendoit qu'à contenir les Allemands, qu'il avoit n'a gueres domptés , et qu'il cognoissoit subjects à remuement de mesnage, et tout d’un trait aussi s'asseurer des incursions dy Turc qui molestoit l'Espagne , l'Allemagne, la Hongrie et l'Italie.

Pendant que l'empereur entretenoit le roy de ces belles promesses, il ne laissait toutesfois de donner (à main couverte) toute l’assistance qu'il pouvoit à l'Anglois contre la jeune royne d'Escosse, laquelle estoit en la protection du roy, de faire aussi publiquement mourir en Allemagne , et par commissaires attiltrés, aucuns serviteurs et pensionnaires de Sa Majesté, sous pretexte qu'ils avoient servy des princes contraires à l'Empire , et de tascher aussi, par toutes autres sortes de practiques et de corruptions , d'interrompre la confirmation de l'alliance des Suisses que la France vouloit lors renouveller ; et,

(4550) pour le dire en un seul mat, il faisoit tout en wa coup en divers endroicts, et sous diverses occasions et pretextes, infinis deportemens demonstratifs d'une très-mauvaise volonté et disposition envers le roy , ses estats et ses alliés, et tels qu'il y avoit assez de quoy mettre aux champs des armes moins genereuses ou remuantes que celles des François. Et pour dire vray, ceux-à rompent la paix, non qui les premiers font la guerre, ains qui cauteleusement s'arment et embrassent des menées au prejudice des accords et des alliances, comme faisoit l'empereur, qui souloit dire que tant plus les occasions de la guerre estoient et courtes et legeres, que tant plus devenoient-elles grandes et dangereuses à ceux qui se rendoient nepligens à les embrasser et poursuivre. Aucuns ont remarqué que le propre des empereurs est de chasser . les tyrans des villes, et que cestuy-cy, par le contraire, l'est devenu luy-mesme, par tous les lieux où il a mis la main , ne bastissant sa grandeur que par pilleries, fraudes et tromperies ; tesmoin le tour qu'il joua au ray François , lors qu'il l'honora et qu’il luy donna passage par la France , et duquel il se mocqua soudain qu'il eust mis le pied en la Flandre. Autant en avoit il precedemment faict au pape Clément VII.

En ce mesme temps il advint une chose qui ayda bien à advancer et disposer les affaires à la guerre, laquelle chacun couvoit sourdement de tous costés : c'est que le prince de Salernes et autres seigneurs néapolitains firent faire quelques ouvertures au roy sur le recouvrement du royaume de Naples, toutes lesquelles toutesfois eurent depuis avec mauvaise issue , et pour le roy et pour les entre- . preneurs aussi.

La deliberation et la resolution de la guerre demeura, nonobstant toutes! ces propositions et ouvertures, assez longuement suspendue entre crainte et bon vouloir, non seulement à l'endroit du roy, mais de ceux là mesmes qui plus volontiers la persuadoient, comme faisoient, entre autres, M. le duc d'Aumalle, depuis duc de Guise, qui tenoit lors le second lieu de faveur et de valeur près de Sa . Majesté. Toutesfois, ayant à la parfin et les uns et les autres bien balancé et contrepoisé