LIVRE PREMIER
les affaires, avec les remuemens et les des-
. couvertes menées de l'empereur, et conjoinc-
tement consideré que celuy lequel se htsse, par presomption ou nepligence , Surprepdes par les armes ennemies auparavant qu'H se soit bien preparé et pourveu, se treuve ordinairement envelopé de grandes dificultés, d'un aspre desir de vaincre et d'une contt nuelle et craintive apprehension , laquelle ne laisse jamais faire aucune bonne ni solide resolution (et à la verité ceux qui par un, aire pide et sage jugement sçavent genereusement empieter la premiere reputation de lg guerre, sous h benediction de Dieu , en oaf le plus souvent advantageuse fin), Dieu Voulut, pour le mal de la France, de FItalie ei du roy propre, .et de taute la chrestienté aussi, que l'alliance et la protection du due de Parme fust embrassée et arrestéa sous certaines conditions, dont F9 sont les principales:
Que le roy recevoit en sa protection et sauvegarde la personne du duc de Parme, ses estats et subjects, et qu'à ces fns fo suffisantes luy seroient contribuées, pu les deniers necessaires pour ce faire.
Qu'il auroit une compagnie de deux çcens chevaux legers entretenue, avec quatre mi livres de pension, et honoré du collier de l'ordre de Sainct Michel, tenu lors eu toute autre veneration qu'il n'a esté depuis les guerres civiles, qui en destouperent la bande au mespris de sa dignité.
Que M. de Termes, qui avoit, sur le fôndement de ceste prochaine guerre, esté pen auparavant envoyé ambassadeur vers le pape, commanderoit au faict de la guerre , sous la charge du duc, auquel il ne seroit jamais permis se departir du service du ray, sinon ag cas que l'empereur luy restituast le Plaisantin sans rien y retenir; et qu'encor en çe cas, auparavant que rien faire ou accepter, il en auroit l'advis et le particulier consentement de Sa Majesté : ce qu'il observa trèsmal depuis, quittant le roy au fort des af faires.
Les choses ainsi resolues, on commença à couvertement preparer de tous costés forces et moyens, confirmer amitiés et alliances, et à en practiquer de nouvelles, .- :
# Ce sont les premiers fondemens de la guerre qui mit depuis toute la chrestienté sens dessus dessous , et par la consideration desquels chacun pourra aysément juger auquel de ces deux grands princes la coulpe doit estre attribuée du remuement des armes.
Cependant, me trouvant entré dans l'an 4550 , je reprendray la suitte et le droict fil de ces memoires.
Ayant en ce temps la duchesse de Valentinois, aimée et fort favorisée du roy, remarqué tout ce qui se traictoit et preparoit pour bien tost ouvrir la guerre, et pareillement que le prince de Melphe, lieutenant general du roy en Italie , estoit tombé en une maladie fort dangereuse pour un homme si vieil et si caduc qu'il estoit, elle delibera de le practiquer de bonne heure, afin de faire, par la demission de luy et menées d'elle, tomber ceste charge ès mains du sieur de Brissac, lors grand maistre de l'artillerie, avec intention , selon la disposition du temps et des affaires, et ce qu'elle gagneroit et practiqueroit envers ce bon prince, d'en faire par après la requeste à Sa Majesté; laquelle avoit aussi de sa part grandement à cœur l'advancement de ce valeureux seigneur de Brissac , la mere duquel avoit esté gouvernante des enfans de France, lors que le roy François les envoya ses pleiges en Espagne.
‘Or, pour plus seurement et couvertement y parvenir, ceste dame se voulut servir de l'entremise de l'abbé de Sainct Victor, fils dudict prince, qui estoit lors en cour, et auquel, à ces fins, elle remonstra qu'estant son pere maladif et desjà septuagenaire, il ne devoit plus penser qu'à vivre en repos, hors les grandes et soigneuses charges qu'il avoit sur les bras , et qui estoient plustost pour croistre tous les jours que pour diminuer ; qu'elle, qui l’avoit de toute ancienneté aimé et estimé, le conseilloit de se retirer desormais en France , où il recevroit traictement digne de la grandeur et fidelité de ses services, le priant, en cas qu'il se resolust à ainsi le faire, de n'en traicter ou communiquer qu'à elle seule, d'autant qu'elle desiroit et esperoit faire eslire le sicur de Brissac pour son successeur ; promettant, à ces fins, par lettres
MÉMOIRES DE BOYVIN DU VILLARS
de sa main, et au pere et au fils, de leur moyenner toute la recognoissance et faveur qui devoient estre esperées de si genereux prince qu'estoit le roy. Pour conclusion, elle apasta si bien, et de paroles et de pronresses, le venerable abbé, qu'il entreprint d'aller luy-mesmes traicter ceste negociation et la faire trouver bonne au pere. À quoy s'estant depuis ce bon seigneur accommodé, il fist, le vingtiesme juillet ensuivant, entendre au roy, par le secretaire Pelisson, que l'impuissance , la vieillesse et les maladies, l'avoient reduict à tel poinct, qu'il ne desiroit rien plus que d'estre dechargé avec honneur des grandes affaires qu'il avoit sur les bras, à fin de pouvoir desormais donner quelque tranquillité et quelque relasche à ceste sienne vieillesse et indisposition. Et pour autant que ceste farce se jouoit ainsi couvertement, selon l'instruction de la duchesse de Valentinois , elle accapara de bonne heure la volonté du roy, pour la disposition des estats et charges dudict prince, au profit dudict sieur de Brissac. Cependant le connestable, qui avoit mesme intention et dessein que ceste dame , et qui n'eust aussi jamais pensé que Sa Majesté eust disposé, comme elle avoit desjà faict, d'aucune charge militaire , mesme de telle importance qu'estoit ceste-là , sans sa participation, persuada le roy d'envoyer le sieur de Gordes visiter le prince sous couleur de la maladie, mais en effect pour le vivement persuader à faire ceste demission au profit du sieur de Chastillon son nepveu , lors coronnel general de l'infanterie françoise , et depuis très-dangcreux admiral de France : mais il trouva que la femelle avoit à ce coup esté plus fine et plus diligente que le masle , ores que d'nveterée sagesse , et que le marché estoit desjà clos et arresté de tous costés : de maniere que, faisant lors de necessité vertu , force luy fust de donner ce qu'il ne pouvoit vendre, mesmes le sieur de Brissac estant son cousin , auquel il eust esté mal seant de s'opposer.
Le premier jour de juin ensuivant, le roy renvoya le secretaire Pelisson vers le prince de Melphe , pour l'asseurer du desir que Sa Majesté avoit de le bien traicter , et de l'eslection qu'elle avoit aussi faicte, par sa demission, de Brissac pour succeder en sa
charge , et qu'elle estoit après à le faire depescher, à fin de luy aller lever le siege; asseurant le prince d’estre le très-bien venu et le mieux traicté, conforme à ses grands et louables merites, et qu'il auroit pour sa retraicte la plaisante villette de Romoranun , le chasteau et le revenu avec ses pensions, et son fils des benefices.
! Sur le commencement du mois d’aoust, Brissac print la route du Piedmont, accom-
pagné d'une grande trouppe de noblesse. Ar-.
rivant à la Nouvalaise, premiere bourgade du pais, et à la descente du Mont-Cenis, il eut nouvelles que le prince de Melphe, qui estoit peu de jours auparavant arrivé à Suze, tiroit à sa fin, et qu'il le prioit de diligemment s'advancer , à fin qu'il eust ce bien de le voir et de conferer avec luy premier que de mourir : pour à quoy satisfaire il monta soudain à Cheval. Et ayant par les chemins nouvelle recharge de son extremité fort extreme, il fit en pleine campagne un mot de depesche au roy, par le sieur de Fourquevaux , suppliant Sa Majesté que , venant le prince à defuillir, son plaisir fust de l'honorer aussi bien de la mareschaussée de France qu'elle avoit de sa grace desjà faict du gouvernement , promettant que, combien que ses services n'eussent encor. attaint si haut merite et recompence, de faire neantmoins, Dieu aidant, tel deportement au maniement de la guerre et des affaires , que Sa Majesté le jugeroit bientost autant digne de l’un que de l'autre. La fortune, qui est coustumiere de favoriser à toutes mains ceux qu'elle veut cherir et embrasser , comme elle faisoit lors ce seigneur, luy fit gracieusement accorder tout ce qu'il demandoit, par l'entremise de ladicte duchesse, nonobstant l'instanc: d'infinis competiteurs.
Le sieur de Fourquevanx eut pour ses peines l'estat de commissaire de guerres , par un particulier privilege de nomination à iceux qu'ont les mareschaux de France à leur premiere institution.
Ceste depesche ‘ainsi hastivement faicte, Brissac vint trouver le prince de Melphe , qui estoit des-jà si avant au trance de la mort qu'il n'y eut entr'eux qu'une simple visitation et cousojation : et de faict il perdit soudain
