LIVRE DEUXIÈME

remis à la decision du conseil; et estoicnt les choses pour apporter de grands inconveniens , si, de bonne fortune , ledict sieur comte, travaillé de cecy, n'eust eu recours à moy, qui luy racontay lors ceste histoire, et luy mis mesme ès mains les lettres qui en avoient esté escrites et par le roy et par M. le connestable mesmes. Ayant presenté cecy au conseil, il fust ordonné que je serois appellé pour dire, comme je fis, ce qui en estoit. Et surquoy il fut dict que ledict comte et ses regimens, comme empruntés pour un temps seulement, arboreroient l'enseigne blanche ct feroient serment sous luy. Revenons maintenant à nos affaires.

Le mareschal, qui avoit ce ressentiment fort à cœur , ayant veu la disposition de Sa Majesté, retint prisonnier l'evesque d'Astorgue , espagnol, qui passoit lors par Thurin pour aller à Rome; ce que trouvant cestuy fort estrange, n'estant la paix rompue, il supplia qu'il luy fust permis de depescher l'un de ses gens vers domp Ferrand. Cela luy fut accordé, et l'homme chargé des lettres du mareschal, par lesquelles il demandoit reparation de ceste cruelle exccution, ainsi practiquée contre ces pauvres Italiens ; donnant d’ailleurs advis à domp Ferrand de la prochaine arrivée des sept compagnies du Boulenois, pour tenir le lieu des italiennes, à fin de luy oster de bonne heure la jalousie qu'il eust peu concevoir de l'arrivée de ces trouppes. Mais domp Ferrand, qui se doutoit bien qu'à la parfin on viendroit aux armes , fit peu de cas de la detention de l'evesque, et encor moins de la plainte, voulant couvrir la faute par certaine prohibition qu'il disoit avoir precedemment faicte, que nuls estrangers , gens de guerre ou autres , n'eussent à passer par les terres de son gouvernement sans particulier congé de luy ; et que, suivant cela, on avoit seulement chastié quelques voleurs qui battoient les grands chemins, et non des soldats venant de Picdmont; toutesfois qu'il s'en enquerroit plus avant, son intention n'estant d'alterer la paix, ains de l'observer de toutes parts. Voilà comme l'un pipa l'autre : ce n'est que galanteric pour les grands ct crime pour les petits. Et vous irez en paradis, mais ce sera à recu-

lons, si Dieu ne vous faict grace et misericorde. D'alegner dolus aut virtus quis in hoste requirat, ne sauvera ny les uns ny les autres. La verité estoit bien que ceste defence avoit esté faicte, mais ç'avoil esté au mesme temps de l'execution; de maniere que ceste responce fit assez recognoistre le peu d'attente qu'il falloit avoir sur l'observation de la paix de la part des Imperiaux , puis que , n'estans encor les armes appertement descouvertes d'une part ny d'autre, il ne s'estoyent peu tenir de donner ce sanguinaire coup d'essay de leur mauvaise volonté et voisinage , sur gens desarmés cheminans de bonne foy sous la fronchise de la paix, qui ne fut manifestement rompue de quatre mois après. Ceste rude piqueure , laquelle commença à mettre le feu à la poudre qui se battoit encores, mit toutes choses en telle jalousie, que dès lors chacun se mit plus avant que jamais sur sa garde et sur les pratiques.

.. Cependant le pape , lequel pensoit, comme faisoit aussi l'empereur, luy estre loisible de faire. et dire tout ce qu'il voulait, et pouvoit tout ce qu'il desiroit, sans que personne osast au contraire, trouva fort mauyaise la protection que le roy avoit entreprinse et de Parme et de la Mirandole, et là dessus entre en alteres avec messieurs les cardinal de Tournon et de Termes , peu auparavant envoyé à Rome sous tiltre et couverture d'ambassadeur, mais en effect, comme j'ay dit, pour servir de chef à ceste guerre parmesane. Quoi que ce fust, ils furént contraincts , nonobstant toutes remonstrances et supplications à la descharge de Sa Majesté, de se retirer de Rome. Mais, ayant le pape un peu mieux pensé depuis à sa conscience et à la consequence que ce fait tiroit après luy, et desirant aussi mettre le droict de son costé, il dépescha Ascagne de La Corne, son neveu , vers Sa Majesté, pour destourner ceste protection en laquelle elle avoit lors appertement declaré vouloir tenir les duc de Parme et comte de la Mirandole. Et à quoy faire il n'y eust pas eu grande difficulté, si le pape, mieux jugeant des affaires qu'ilne faisoit lors , eust luy-mesmes voulu quitter l'alliance de l’empereur , qu'il avoit autant hastivement que. peut-estre inconsiderément acceptée,

MÉMOIRES DE BOYVIN DU VILLARS

et laisser en paix le prince de Parme aîligé de la recente et violente mort de son pere, et de la perte de Plaisance par la main de ceux èsquels il devoit toutesfois avoir plus de confiance; et finalement estre plustost le très louable instrument de la paix que de la guerre, pour fuir laquelle Sa Majesté avoit precedemment dissimulé beaucoup de torts faicts et à elle et à ses amis de la part de l'empereur, comme Sa Saincteté sçayoit assez par les plaintes qui luy en avoient esté Faictes ; et que la continuation en estoit passée si avant, et avec tel mespris, que Sa Majesté n'en pouvoit plus differer le ressentiment, au moins sans faire une lourde bresche à son honneur , à sa reputation et aux affaires d'elle, de ses amis et alliés.

Estant Ascagne de La Corne arrivé à Saiact Germain en Laye, où le roy estoit pour lors, il fut fort gracieusement receu et escouté par Sa Majesté sur l’occasion de son voyage , duquel lesdicts cardinal de Tournon et de Termes l'avoient de bonne heure advertie; et parce que de la dépesche et renvoy dudict de La Corne dependoit la continuation ou la rupture de la paix , et qu'il falloit donner loisir à ceux de Parme de se pourveoir des choses necessaires pour soustenir le siege, Sa Majesté practiqua, en lui faisant ses dépesches, les mesmes longueurs, deffaictes et remises que les Imperiaux luy avoient aprinses. Finalement, ne le pouvant plus retenir, elle luy remonstra que ce seroit trop offenser sa grandeur et faillir au devoir d'un roy très-chresen et premier fils de l'Eglise, si elle abandonnoit la deffence du comte de la Mirandole, qui avoit beaucoup merité de sa couronne, et si d'ailleurs aussi elle ne secouroit le duc Octave, lequel, en l'extreme afliction que luy äpportoit celuy mesme duquel il devoit esperer le contraire, s'estoit jecté entre ses bras, mesmes ne pouvant estre ouy en justice par Sa Saincteté, laquelle en devoit estre Le souverain distributeur, tant ses ennemis volontaires avoient et de puissance et d’auctorité envers elle ; et que la ruyne de ses amis et alliés ne pouvant estre sinon à la foulle et au rabaissement de son honneur , elle supplioit de nouveau Sa Saincteté , comme pere et commun pasteur des uns et des autres, qu'elle

voulust plustost louer et approuver que condamner les saincies intentions de Sa Majesté en cest endroit, et quitter de tous poincts l'alliance de l'empereur , afin de se joindre à la sienne; se souvenant que de tout temps ses predecesseurs n'avoient jamais rien espargné, tant pour soustenir la chrestienté contre les Infideles, que pour agrandir et dcffendre le Sainct Siege ; et que par aiasi ils pourroicnt lors, avec commune force ct mtelligence, r'abattre et empescher les ambitions par trop violentes de ce prince espagnol , qui estoit si avide de gloire, de sang et de domination, qu'il ne cesseroit jamais de remuer mesnage pour renverser la chrestienté sens dessus dessous , et mettre de main en maïn le pied sur la porge à tous les princes d'Italie, comme il s'estoit n'a gueres essayé de faire à ceux de G:rmanie. Que si Sa Saincteté n'y prenoit garde de près, elle-mesme ne seroit pas exempte de ses violences, estant à croire que l'empereur n'auroit pas meilleure conscience en son endroict, qu'il avoit jadis eu envers le pape Clement et tout le Sainct Siege, à la prinse de Rome, faicte par les siens en l'an 4528, l'ayant fort longuement et indigaement retenu prisonnier pour en extorquer une grosse rançon : à la delivrance duquel encores n'eust- H jamais consenti, si les glorieuses victoires de M. le duc de Nemours à Ravenne et ailleurs ne l'eussent estonné. Conclusion : que le pape avoit en main la continuation de la paix, ou Je commencement de la guerre, et que ce seroit chose mieux séante, et plus digne de la debonnaireté de Sa Saincteté, de penser à recouvrer Plaisance des mains de l'empereur, qui l'avoit injustement usurpée, que de donner nouvelle aflliction au duc de Parme, qui se rengeroit tousjours à toutes conditions honuestes, protestant là dessus Sa Majesté, qu'elle fuiroit, quant à elle, tant qu'il lui seroit possible , d'en venir aux armes ; mais si à la parfin on lui donnoit occasion de ce faire , elle esperoit, avec l'ayde de Dieu, qui protege tousjours le bon droict, tel qu'estoit le sien, en rapporter une glorieuse et favorable issue. C'est le sommaire des responces que le roy fit audict de La Corne , qui fust après licencié. . Cependant Sa Majesté ordonna au mareschal qu'au passage qu'iceluy de La Corne feroit