LIVRE DEUXIEMC

par le Piedmont, il l'entretint et arrestast quelques jours, sous pretexte de le caresser et honnorcer , à fin d'essayer si le despit qu'il rapporloit des responces du roy , luy pourroit point faire vomir quelque chose qui peust servir à la direction des affaires : mais il n’y eut ordre de le retenir que deux jours seulement, sans qu'on sceust toutesfois jamais apprendre de luy que cela mesme que son visage el sa contenance montroient assez , qui estoit une très-mauvaise disposition vers la France, dont il s'eflorça depuis d'en faire sortir les effects, qui lui cousterent la vie, portant les armes contre le prince qui les luy avoit le premier mis en main. Il en arrive ainsi souvent à ceux qui, avec autant de legereté que d'ingratitude , entreprennent contre leurs bien-faicteurs et contre ceux pour le service desquels ils devroient exposer jusques à la derniere goutte de leur sang.

Le quatriesme jour de juin année 41554, le pape, n'estant demeuré satisfaict de la responce que le roy luy avoit faicte, dépescha Jean Baptiste de Monté, cardinal, et cest Ascagne de La Corne, ses neveux, pour avec les forces de l'Eglise assieger la Mirandole, de laquelle il pensoit avoir meilleur marché qu'il n'eust depuis, apprenant à ses depens qu'il ne faut convertir le sacré patrimoine de l'Eglise à usages profanes, qui n'y veut faire perte, comme il fit voulant usurper ceste place dans laquelle, peu auparavant, Orace Farnuize, duc de Castres, et Termes, estoient entrés avec bonne trouppe d'italiens, et environ deux cens que gentils-hommes, que soldats françois ; lesquels, à la nouvelle de ce futur remuement, estoient passés en Italie en habit desguisé; parmi lesquels il y avoit des personnages de marque, les sieurs de Sansac, d'Andelot, de Cypierre, de Bellegarde, baron de Rabat, La Roche Posay, de Noailles', Four quevaux, comte de Gajazze, Sainct Severin et autres. |

Au mesme temps les forces imperiales , qui estoient respandues ès environs du Parmesan, vindrent tenir siege devant la ville, dans laquelle il y avoit bon nombre de cavalerie commandée par le duc de Castres, qui avoit espousé la fille naturelle du roy, mariée depuis en secondes nopces à l'aisné de la maison

de Montmorency, et une belle trouppe de fanterie commandée par Strozzy.Chacun d'eux ne fit pas moindre devoir ou contenance de se bien deflendre que faisoient ceux de la Mirandole ; laquelle estant tenue plus forte et mieux pourveue que Parme, Termes y alla faire un tour, laissant le souverain commandement de l'autre à Sansac, qui en fit fort bien son devoir.

N'estant mon intention de parier d'autre guerre que de celle du Piedmont, que j'ay veue, je me deporteray de traicter, si ce n'est par incident, des belles factions et des ruses de guerre qui furent executées par les assicrés, au dommage et des-honneur des assiegeans , qui apprindrent, par le succès du siére, que la valeur, la fidelité et la perseverance des hommes genereux, et non les murailles, sont celles qui rendent les places imprenables, mesmes lorsqu'ils soustiennent une si juste querelle qu'estoit celle desdicts duc de Parme et comte de la Mirandole , à laquelle Dieu apporta sa secourable main, comme il fait tousjours aux gucrres et à tous autres affaires qui sont appuyés et conduicts par justice et equité , et non pas selon la violence que Cesar disoit estre permise pour regner , et que le pape et l'empereur practiquoient lors; car l'equité, à dire vray, sert de beaucoup pour disposer et maintenir la devotion et la valeur des soldats, et des peuples aussi, quand elle leur est vivement imprimée , comme elle fut à ceux-cy.

* Pendant le siege de ces places, ayant le mareschal consideré que ce seroit bien-tost à son tour à remuer les armes, et que les garnisons qui estoient par le Piedmont, au nombre d'environ quatre mil hommes de pied et mil chevaux, avoient esté nourris sous une si longue paix, qu'ils en estoient devenus si lasches et si cffeminés , que mal aisément s’en pourroit il bien servir au demeslement de la guerre qui se preparoit, il ordonna pour les remettre un peu en haleine, qu'il sortiroit alternativement par chacun jour une bande de la garnison, qu'elle marcheroit armée detoutes pieces deux lieues loin, et retourneroit aussi enmesme equipage ; commandant, sous grosses peines , aux capitaines ne permettre qu'allans ou revenan, aucun se reposast à l'ombre ou

MÉMOIRES DE BOYYIN DU VILLARS

! baillast aucune de ses armes à porter, et moins

trainast après Juy ceste venerable bouteille dont l'Italien et l'Espagnol font tant de reproches au François, et toutesfois à grand tort; car quand l’un ou l'autre d'eux peuvent boire ou manger aux despens d'autruy, ils don ncroient quinze et une chasse au plus grand gourmand qui soit en France. Au commencement les soldats trouverent la rigueur de ceste promenade d'assez dure digestion; mais s’y estant peu à peu accoustumés, ils la prindrent depuis pour un joyeux et viril passe-temps.

Or s'approchant le temps de faire les moissons, ceux de Parme firent entendre qu'ils ne pourroient pas si longuement tenir qu'estoit l'intention du roy qu'ils fissent, si par quelque remuement d'armes on ne trouvoitmoyen de faire si fort reculer l'ennemi , qu'ils peussent au moins faire partie de la cueillette.

Quoy entendu, le roy commanda au mareschal de faire tout ce qu'il pourroit pour apporter ceste commodité aux assiégés, sans toutesfois entrer pour encore en aucune ouverture de guerre.

Pour parvenir à ce ponict, environ le cinquisme juin, le mareschal dépescha le coronnel Bonnivet avec deux mil hommes de pied et quatre cens chevaux, pour aller tenir forme de camp à Poyrin, à huict mils de Thurin , à quatre de Quiers et douze d'Ast; et là faire telle contenance qu’elle peust apporter crainte et jalousie à George Manriques et capitaine Sallines qui commandoient lors à Quiers, et eux à en donner telle alarme à domp Ferrand, qu'elle causast interruption ou allegement au siege susdict.

Pareillement que là où il adviendroit, comme le bruit couroit lors, que partie de ‘la garnison de Quiers voulust aller en Ast, qu'on essayast de la mettre en pieces, passant sur la jurisdiction du roy, comme il falloit qu'elle fist , la longueur d'une lieue seulement, afin d'avoir la revanche de ces pauvres Italiens qui avoient esté cassés en Piedmont et cruellement massacrés au Milannois.

Ce petit camp sejourna six sepmaines à Poyrin , sans toutesfois avoir peu apporter la diversion desirée. Et par ainsi, s'augmentant la necessité des assiegés, le roy commanda au mareschal de preparer toutes choses le plus

advantageusement qu'il pourroit, pour donner commencement à la gucrre, et par quelque si honneste pretexte, que l'ouverture en fust plustost attribuée aux Imperiaux qu'aux François ; et que bien tost Sa Majesté l'assisteroit de telles forces et moyens, qu'il auroit de quoy acquerir de la gloire et de l'honneur aux despens de ses ennemis.

Voulant le mareschal satisfaire aux commandemens du roy, et donner nouvelle matiere d'altercation et de dispute à ses voisins, il envoya, sur le commencement de juillet, le sieur de Terrides, gouverneur de Pinerol, et capitaine de gens-d’armes, fortifier l'eplise de Sainct François à Barges, petite bourgade assise le long de la montagne qui va de Pinerol à Ravel. Il y avoit à Barges un chastcau tenu par Îles Imperiaux, ores que la ville appartient au roy, dans lequel estoit une escadre d'Espagnols. Si tost que la fortification fut commencée, et que Brissac eut envoyé cent hommes pour la deflendre, domp Francisque d'Est, qui commandoit à Milan en l'absence de domp Ferrand, commença à s'en plaindre comme de chose entreprise au prejudice de la paix, et qui retranchoit la commodité des vivres à la garnison du chasteau, qui n’en pouvoit recouvrer ailleurs que dans la ville. A quoi le mareschal respondit; que, par Je dernier traicté de paix , il estoit permis autant à l'empereur qu'au roy d'indifferemment fortifier toutes sortes de places en leur juridiction , sans que l’un ou l’autre peust pretendre aucune infraction de paix , laquelle quant à Juy il vouloit entretenir, sans l'enfraindre ny alterer en façon quelconque ; et que , quant à la commodité des vivres, son intention n’estoit pas d'empescher qu'ils n'en allassent prendre ès terres imperiales , puis qu'il falloit que celles de la ville , qui estoit françoise , fussent destinées pour la garnison du nouveau fort françois. Tant y a que les disputes et les contentions devindrent si aigres entre ces deux petites garnisons , qu'elles commencerent à s’entrefaire descouvertement la gucrre , avans ceux du chasteau commencé les premiers à tirer quelques voltes de couleuvrine contre le nouveau fort, dont ils tuerent un soldat et deux pionniers. De quoy le mareschal, qui vit les choses reduictes au

ee