LIVRE DEUXIÈME

b25 clusion : Les Biragues se prevalurent , comme avoient faict tous les autres capitaines , autant de l’industrie, de l'occasion et du temps, que de la force mesme.

Et pour autant qu'il est mal-aisé de tousjours si bien et si nettement demesler quelques actions que ce soyent, et nommément celles de la guerre , que il n’y ait presque ordinairement quelque chose à redire, j’ay estimé que la diversité de ces remuemens donnera matiere à quelque delicat de dire que, tout ainsi que le mareschal trouva moyen d’entreprendre tout à coup en tant de lieux par la diversion de ses forces, qu'autant luy eust ill esté aisé de les assembler en une seule masse , et de s adresser à quelque bonne place qu’à toutes ces bicocques, lesquelles il sçavoit devoir estre aussi tost perdues que prinses, mesmes les forces qui partoient du Parmesan n’estans pour arriver encore de quinze jours. C'est un doute qui a de l'apparence, mais bien aisé toutesfois à resoudre. Pour ce faire , il faut sçavoir que le mareschal fit desployer ces grandes parades sur des fondemens qui apporterent depuis de la commodité . beaucoup : premierement, par ceste diversité de prinses, ores que petites, il apporta crainte et estonnement de tous côtés, et causa la diversion du siege de Parme que le roy desiroit extremement; davantage, toutes ces places lui apporterent commodité de faire amas de vivres , de contributions , de soldats , de pionniers et de tous autres equipages necessaires à une guerre qui devoit prendre long traict ; de toutes lesquelles choses il estoit fort mal pourveu , le roy ne l'ayant pour encores se- <ouru de deniers pour en faire provision.

D'ailleurs il faisoit estat de preparer par ce moyen à domp Ferrand tant de durs os à ronger sur son arrivée, qu'il auroit tout loisir pendant qu'il s'y amuseroit, et que le secours de France viendroit, de reduire ces deux places de nouvelle conqueste en si bon estat qu'elles ne craïndroient par après l'effort de l'ennemy. Et de faict les choses réussirent depuis selon ce sien dessein ; car la pluspart des forces qui tenoient siege à Parme estant tournées tout à coup du costé du Piedmont, sur le commencement d'octobre elles furent contrainctes, au lieu de s'attaquer aux prin-

cipales places, de s'amuser à reprendre Îles petites, à quoy faire elles consumerent tant de temps, que le grand yver les surprint et les fit retirer aux garnisons.

Le mareschal, pour ne rien obmettre de ce qui pouvoit endommager l'ennemy, au mesme temps que ceste grande alarme se donnoit, commanda à Terride, gouverneur de Pinerol, d'assembler avec sa compagnie de gendarmerie quatre ou cinq cens hommes de pied et l'equipage de deux canons, et d'aller prenderc le chasteau de Barges , qui avoit, comme vous avez veu, donné Îa premiere occasion à l'ouverture de la gucrre.

. Ceux de dedans estoient si courts de vivres qu'aux premieres volées de l'artillerie ils se rendirent à la discretion de Terride, qui fit soudain raser la p'ace jusqu'aux fondemens.

: Encores que tous ces premiers heureux remuemens d'armes deussent apporter quelque confiance au mareschal , si ne s’y arrestoit-il . gueres , ains cstoit tousjuurs aux escoutes sur . Ja venue de domp Ferrand, et à se preparer à toutes sortes de fortunes. En fin il fut adverty qu'ayant cestuy-cy eu nouvelles des prinses de Quiers et Sainet Damian , il estoit deslogé à grand haste de devant Parme , me- . Rant avec luy six mille hommes de picd et douze cens chevaux , ayant toutesfois laissé , pour la continuation du siege , le prince de Maccdoine avec douze cens hommes, Carle Gonzague à Montechio avec mil hommes, le marquis de Mioz , dit le Mcdeguin , au bourg Sainct Dovin avec autres trois cens soldats ct huict cens chevaux, estimant que ces forces, jointes à l'armée du pape , laquelle par ce sic

tement devoit quitter la Mirandole pous se venir joindre à ceux-cy, estoient suflisantes pour tenir Parme en necessité et alarme.

Ce mesme advertüssement portoit aussi que Je coronnel Strozzy , ayant veu desloger domp Ferrand , avoit donné sur la queue et deffaict sept ou huict cens des ennemis ; dont le ma- - reschal donna soudain advis au roy , remons- 1rant à Sa Majesté que si son plaisir n'estoit Je diligemment pourvoir de nouvelles forces et moyens , que la premiere reputation des-jà acquise , et qui estoit tousjours de très-grande importance en tous nouveaux remuemens d'armes , se perdroit au prejudice de ses af-

MÉMOIRES DE BOYVIN DU VILLARS

(15511 faires et à l'advantage de ceux de l'ennemy ; et davantage , qui cstoit le pis , les places nouvellement conquises , qui n'estoient encores du tout reduictes en bon estat, seroient en danger de courir aussi pareille fortune ; que quant à luy, en attendant provision convenable ,ils'eniroit , avec ce qu'il pourroit urer des garnisons, camper à Poyrin, laissant Bonnivet à Quiers , pour de ce lieu considerer et obscrver les mouvemens de l'ennemy , favoriser la fortification de ces deux places, retirer les vivres du plat païs dans les forteresses , consumer et ravager les fourrages et tout ce qui se trouveroit de reste par la campagne , afin de rendre en ceste arriere saison toutes choses plus incommodes et difficiles aux ennemis.

Le roy, ayant sceu avec quelle valeur et devotion toutes choses avoient esté diversement exccutées , en reccut Îa joye et la consolation que chacun peut estimer. Et davantage , recognoissant, comme prince magna-— nime ; combien la gloire et l'honneur avotent de pouvoir ès ames genereuses , ne faillit de faire cognoistre , tant au mareschal qu'aux autres seigneurs et capitaines , combien leurs services luy estoient agreables, et l'envie qu'il avoit de les en remunerer tous , à mesure que les occasions s'en pourroient par après presenter.

Sur le douziesme d'octobre 1551 , Ieronime de Birague , allant à la guerre du costé de Verceil , print un gentil-homme de la maisoa du duc de Savoye , frere du prieur de la Nonvalaize de la maison des Prouaves , et qui estoit lors des ‘principaux’ ministres de ce prince , et naturellement fort contraire aux François, comme a tousjours esté cette race, l'une des principales du Piedmont , avec lesquels neantmoins elle se rengea depuis. Ce gentil -homme fut si bien traicté et caressé par les Biragues, que cela luy donna occasion d'adoucir l'aigreur de sa nature, et de savancer de leur dire que, s'il plaisoit au roy reprendre Îles mesmes erres du traictement que le feu roy François avoit jadis faict offrir à son maistre, par l'entremise propre du mareschal de Brissac , lorsqu'il fut dépesché en Allemagne vers l'empereur, qu'à son advis il les accepteroit maintenant fort volon-

tiers, attendu qu'il estoit pieça si mal traitté, qu'il ne pouvoit pas esperer grande fortune de la main de l'empereur ; qu'il sçavoit que le comte de Chalant avec un maistre-d'hostel de M. de Nemours avoient n’a gueres voulu tenter ceste pratique , mais qu'il estoit asscuré que nul d'eux n'y donneroit tel coup que son frere et luy pouvoient faire. Disoit davantage estre fort assuré que, de premiere entrée, son maistre prendroit tout descouvertement les armes pour le roy , et qu'il saisiroit Sa Majesté de Verceil, d'Yvrée, de Mazin, Sainct Germain , de Crescentin, de Cairas , de Cony , Foussan et comté de Nice , toutes les quelles estoient encor en seç mains et en sa disposition; que là où Sa Majesté trouveroit bonne ceste ouverture , qu'il desiroit qu'elle envoyast avec luy quelqu'un des siens , fidelle et advisé, ayant à commandement la langue françoise et l'italienne , et qu'il le conduiroit en babit de serviteur jusques à Gennes, où le duc son maistre devoit bien-tost arriver , et que là ils feroient le marché, selon le xouloir de Sa Majesté.

+ Toutes lesquelles choses ayant esté rapportées au mareschal ,et par luy entendues et disputées de vive voix avec le gentil-homme mesme , qu'il fit venir vers luy , et auquel il me nomma pour coadjuteur , il fit entendre le tout à Sa Majesté par le sieur de Contay , qui estoit n'a gueres arrivé en Piedmont pour voir la guerre , le chargeant de supplier Sa Majesté de prendre soudaine resolution sur ce faict, et ne rien espargner pour embrasser chose de telle consequence que ceste-là, l'asseurant . que si son plaisir estoit luy en remettre la conduitte , et luy borner jusqu'à combien il se pourroit advancer , qu’il esperoit reduire les affaires à telle perfection , qu'on pourroit deslors concevoir le futur recouvrement de la duché de Milan et plus oultre ; et que pour mieux y parvenir il estoit necessaire que le roy fist M. de Savoye son lieutenant general en Italie , et luy son lieutenant seulement.

Aucuns de ceux qui avoient le souverain maniement près du roy , ayans considéré que là où le mareschal viendroit à chef de ceste importante pratique , qu'elle luy ouvriroit le chemin à une gloire et à un merite si excellcns, que toutes leurs actions en demeure-