LIVRE DEUXIÈME

roient de tous poincts offusquées , et tellement ravalées qu'il leur raviroit de main en main toute leur auctorité , mirent soudain en avant qu'il ne faloit pas prendre pied ainsi à la baste à ce que ce gentil-homme avoit proposé comme de luy-mesme ; que la belle apparence des choses desirées trompoit et ruinoit bien souvent ses amoureux , et, quand ce seroit au faict et au prendre , il seroit peut-estre desavoué de son maistre ; qu'il faloit tout bellement sonder un peu plus avant le gué, et puis , selon l'apparence et la verité qui y seroit lors trouvée , essayer d’en avoir la meil+ leure composition qu'on pourroit. Conclusion : que le roy estoit d'advis que le gentil-homme fust gracieusement renvoyé quitte vers son maistre, pour apporter par après quelque plus grande asseurance et tesmoignage de son intention , et que puis, selon le fondement que Sa Majesté y trouveroit , qu'elle en delibereroit avec le commun honneur du duc et de luy.

Le mareschal, qui avoit le jugement fort delicat, recogneut incontinent d'où venoit ceste encloueure, et que ceux-cy, faisant plus d'estat des pratiques du comte de Chalant que de celles-cy , en vouloient seuls avoir l'hons neur et l'utilité. Mais nostre mal-heur ou nostre imprudence le voulant ainsi, les uns pour l'amour des autres demeurerent fort deceus; car, ayant le mareschal, conforme à ceste mal digerée resolution, renvoyé le gentähomme vers le duc, sans autre asseurance en main que celle d'une foible esperance, ce prince en prit tel despit, qu'il se remit plus fort que jamais à la patience et à la poursuite des armes en faveur de l’empereur , estimant beaucoup plus tolerable et konneste d'en demeurer à ce qui en estoit, que de se vainement jecter dans une esperance douteuse et incertaine, et parmy le mespris auquel sont toujours sujects les mediocres princes qui se remettent à la discrétion des plus puissans qui se sont desjà emparés de la plus-part de leur bien, comme il estimoit que Sa Majesté fust desjà de partie du sien. Ce sont fruicts des ambitions immoderées qui ne peuvent souffrir l'avancement ni les louanges d'autruy.

Ce fust à la verité une des lourdes fautes qui ait jamais esté commise en tout le coëts

de cette guerre, et de laquelle la France pava depuis par son inconsideration de fort gros et fort dangereux interests. Ce sont les fruicts qu'apportent lousjours ceux qui veulent assouvir leurs passions et leurs vengeances aux despens du service du maistre, lequel recogneut depuis trop tard ce qui en estoit.

Le sieur de Contay fust aussi chargé de remonstrer que domp Ferrand faisoit une nouvelle levée de quatre mille Italiens au parsus les forces qu'il ramenoit du Parmesan ; de maniere que , faisant aussi bien le compte de son voisin que le sicn propre , il trouvoit que, garnissant médiocrementles places imperiales, il luy seroit encores fort aisé de tirer à la campagne de treize à quatorze mil hommes, deux mil chevaux : force trop plus grande que ne pourroit estre celle du roy, quand bien le secours que Sa Majesté avoit promis seroit arrivé, et duquel on n'avoit toutes-fois encores aucunes nouvelles; qu'il n'y auroit autre remede que de desgarnir les places, et commettre le tout au hasard d'une bataille , et à laquelle toutesfois il ne faloit jamais venir que pour dernier remede , et lors que la force surmontoit la raison; ce qu'aussi il n'avoit pas deliberé de faire, ayant de longue main aprins que , tout ainsi que Îles jeunes acquierent reputation , se hasardans courageusement et indiscrettement ,; que par le contraire les vieux qui l'ont desjà acquise, la conservent et l'augmentent, se bien tenans sur leurs gardes , et allans tousjours retenuement en besogne , mesmes où il traicte absolument de tout l'estat. Et toutesfois, que là où le plaisir de Sa Majesté scroit qu'il en usast autrement, qu'il la supplioit luy en envoyer le commandement bien signé et scellé, pour luy servir de descharge en toute sorte d’evenemens , et qu'après il s'efforceroit ou de vaincre ou de ne plus craindre les vainqueurs, aymant trop mieux mourir honorablement que de vivre honteusement ou de perdre tout l'estat ; que Vassé , qui avoit prins charge de defendre Sainct Damian, avoit esté suffisamment pourveu de tout ce q1 i estoit necessaire pour ce faire ; que Bonnivet vuloit defendre Quiers , et que pourte faire il demandoit deux mil hommes et deux teai ch: vaux ; et que, balançant là dessus la

MÉMOIRES DE BOYVIN DU VILLARS

quantité de places qu'il falloit fournir, il trouvoit que la convenable provision d'un endroict rendroit toujours l'autre debile , et consequemment subject à invasion, et demeurant la campagne à la discretion de l'ennemi, comme elle feroit s’il ne plaisoit au roy d'haster le renfort et les provisions.

Environ le 26 du mois, respondant le roy assez sommairement aux instructions de Montbazin, Sa Majesté promit de satifaire aux demandes du mareschal par le sieur de Gonnort son frere qu'elle luy envoyeroit.

Qu'advenant vacation de gouvernemens , capitaineries ou autres estats, Sa Majesté veut demeurer en liberté d'y pourvoir comme bon luy semblera, asseurant toutesfois d'avoir en particuliere recommandation ceux que le mareschal luy nommera.

Quant à la donation des biens appartenans à ceux qui suivent le party de l'empereur, combien que ce soit chose qui appartienne seulement au souverain, Sa Majesté trouve toutesfois bon qu'il y pourvoye, à condition que les donataires iront prendre lettres de confirmation en la chancelcrie.

Au regard de l'aubaine qu'il avoit demandée au prejudice des Napolitains, ce seroit chose de fort mauvais exemple pour tant d'autres cstrangers qui servoient le roy, la pluspart desquels avoient couru ceste fortune pour avoir suivy son party; que leurs heritiers avoient assez d'aflliction de la perte de leurs parens, sans y adjouster encore celle des biens ; et en fin que Sa Majesté vouloit qu'ils fussent tenus et traictés comme naturalisés', tout ainsi comme les Piedmontois. La resolution de ce poinct cst digne de la bouté du roy; mais il semble que celle des deux precedens fut assez mal digcrée par ceux qui en furent les aucteurs, en tant qu'elle apporta depuis du desordre et de la desobéissance beaucoup. ‘

Sur là fin d'octobre, ayant le mareschal entendu que domp Ferrand, pour aucunement favoriser la frontiere , avoit envoyé loger en Ast trois cens chevaux hongres et bohèmes qui estoient passés en Italie pour enlever les roy et royne de Bohème , qui devoient bientost arriver à Gennes revenant d'Espagne , Hl fit furt souvent recagnoistre leur contenance,

les advenues et advantages du païs, afin d'essayer de leur donner quelque rude secousse, pressuposant, comme il advint depuis, que ceux-Cy, peu accoustumés aux ruses des guerres d'Italie , ne faudroient de trebucher dans le filet qu'il vouloit leur tendre. A ceste cause il depescha Bonnivet, Vassé, La Motte Gondrin , Francisque Bernardin de Vimercat, de Pavan et de Biron, cestuy-cy guidon de sa compagnie , et l’autre lieutenant, avec trois cens chevaux et cinq cens, que corselets, que harquebusiers, commandés par le baron de Cheppy qui fut depuis maistre de camp.Il leur commanda d'aller la nuict au pont deRusignan, à deux mils d’Ast, et de garnir de quelques bous harquebusiers trois petites mestairies qu'il y avoit au dessus du costeau, à trente pas et au de là du pont, regardant la ville à cavalier; de mettre la grosse trouppe de fanterie en certaines cavines qui sont du mesme costé, avec quelques chevaux; et que le reste de la cavalerie demeurast en gros dans la bourgade au deça du pont. Ceste bourgade est faicte en forme de croissant ou bras recourbé, de maniere que ceux qui venoient de la ville ne pouvoient les descouvrir qu'ils n'eussent donné dedans ; qu’ayans ainsi bien disposé leurs trouppes , ils envoyassent vingt cinq ou trente chevaux ravager aux portes d’Ast, estimant que l'alarme estant donnée dans la ville, que messieurs les Hongres, ne voyans que ce peu de chevaux, ne faudroient de sortir par, trouppes pour leur courir sus avec plus de courage et de temerité que de prudence. Les nostres sceurent bien retenir leur leçon et encore mieux l’executer. Toutes choses ainsi bien disposées, ceux des mestairies eurent commandement de ne se descouvrir non plus que les autres jusqu'à tant qu'ils vissent le gros des trouppes de la ville fort avancé vers le bourg ; et que lors, callans à bas, ils gaignassent le long des hayes du chemin pour les saluer par derriere , au mesme instant que ceux des cavines feroient aussi de mesme pardevant. Sur l'aube du jour, s'estant saisis de toutes Îles advenues tirans contre la ville, de peur qu'elle n'eust nouvelle d'eux, ils depescherent Biron, jeune, vaillant et advisé seigneur, qui fut depuis mareschal de France , avec trente cel-