LIVRE DEUXIÈME

contrainct accorder à San-Pctre , Corse , pour la seureté de Bevne, fust employé dans lédict estat. Mais ceux qui manioicnt lors les affaires près du roy pourveurent si laschement à toutes choses, que la pure necessité contraignit le mareschal à quitter li campagne et se retirer à Quiers, où ilne fut pas plustost arrivé qu'il eust nouvelles que les ennemis estoient allés assaillir Ville-de-Dia avec trois mil hommes et deux canons , et d'une mesme suite Chuzan , Passeran et Primel, dans tous lesquels il avoit seulement mis autant de gens qu'il en faloit pour amuser quelques jours les ennemis. Ville-de-Dia, dans laquelle La Motte Gondrin avoit faict entrer vingt six Gascons, fut pendant quatre jours soustenue fort courageusement , ayant ceux de dedans en deux saillies deffaict quarante cinq ou cinquante Espagnols; mais au cinquiesme jour , ayant les ennemis faict grimper leur artillerie sur le haut de la montagne où la ville est assise, elle tira quelques volées qui espouvanterent si fort l’un de ces Gascons, qu'il commença (avec cinq ou six qu'il avoit tirés à son party) à mutiner toynt le reste, disant qu'il se faloit rendre plastost que sb faire pendre , comme ils seroient s'ils s'obstinoient à combattre une place qui n'estoit point ‘tenable; et que, puis qu'ainsi estoit que le mareschal ne se soucioit gueres de les perdre, ils devoient de bonne heure penser eux-mesmes à leur salut.

{Antoine Ville et Jean - André Novel, qui commandoient dans la place avec cent hommes sous chacun d'eux, ayans descouvert le complot de ceux-cy, leur remonstrerent qu'ils ne devoient avoir crainte , d'autant que de huict jours, n’ayans les ennemis que deux canons , ils n’auroient faict bresche suffisante, et que quand ils auroient enduré quelque assaut il seroit lors assez à temps pour capituler ; d'ailleurs, que si les pluyes venoient une fois, comme il y avoit apparence qu'elles devoient faire, les ennemis, pour la malaisance du lieu et du païs , seroyent contraincts se retirer, et peut-estre.laisser l'artillerie : quoy succedant ils acquerroient une gloire immortelle , au parsus la recompence que Sa Majesté leur en feroit. Cela remit un peu le cœur au ventre des compagnons ; ,mais la

nuict ensuivante la peur , laquelle ‘aliene et trouble tousjours le bon jugement, les reprint si fort qu'ils ne cesserent , qui fut le pis, de l'imprimer aux Italiens et au reste des Gascons : de maniere que, sur le point du jour , il ne fut plus question de combattre, mais bien de se rendre, comme ils firent le vingt-sixiesme du mois, avec bagues et armes sauves et enseignes desployées; et se retirerent à Quiers où estoit le mareschal, lequel, ayant sceu bien au vray comme les choses estoient passées, fit apprekender les Gascons principaux aucteurs de la reddition’, jusques au nombre de six, lesquels, par le jugement des capitaines sur ce appelés, furent condamnés à estre pendus et l'aucteur principal roué ; ce qui fut soudain executé.

Quant à Chuzan, petite bourgade assise sur un costeau fait en forme de terrasse, il fut rendu le dernier du mois, par le capitaine Louys de Monteil , à la discretion du victorieux , combien qu'il eust toutesfois promis de combattre plus obstinément qu'il ne fit pas; pour recognoissance de quoy l'ennemi l'emmena prisonnier en Ast. De cette mesme course , mais plus honnorablement , Passeran, Montechiar et Primel furent aussi rendus.

En ce temps Jules de Monté, plus saoul de la guerre que des plaisirs auxquels il estoit adonné , retira ses forces de la Mirandole, où Jean-Baptiste de Monté son neveu mourut.

Pendant que ces factions se demesloient, domp Ferrand depescha un trompette vers le mareschal pour luy faire entendre qu'il trouvoit tant de disparité de Germanique Savorgoan aux Hongres et au Palvoisin, prins en combattant , qu'il n’en pouvoit accorder l’eschange , et qu'ayant bien examiné le faict il ne trouvoit occasion peremptoire qui deust empescher que les siens ne jouissent des privileges de la bonne gucrre, taisant toutesfois ce qui luy en avoit desjà esté mandé ; de maniere que la venue du trompette n'estant fondée sur autre occasion que ceste-là, Je mareschal estima que c’estoit une colorée invention tendante à venir apprendre des nouvelles ; de sorte que, pour remedier aux inconyeniens que telles allées et venues pourroient apporter , il fut ordonné aux gouverneurs ,des places de fronticre de prendre

MÉMOIRES DE BOYVIN DU VILLARS

dès lors en avant les lettres que tels trompettes apporteroient, et les renvoyer avec asseurance que la response en seroit envoyée à la plus prochaine place imperiale. À dire vray, il ne fut jamais bon de laisser entrer ou frequenter tels ofliciers parmy les places, en tant que les choses ne peuvent pas tousjours estre si bien conduictes ou ordonnées qu'il ne s'y descouvre quelque defaut , et de mesme qu'il n’y ait aussi quelque mal consideré causeur qui est bien aise d'en compter pour se monstrer plus habile que les autres.”

Estans les affaires en cette disposition que vous avez veu, madame la marquise de Montferrat, qui estoit de la maison d'Alençon, et qui avoit marié sa fille, heritiere de cest estat, au duc de Mantoue, grand-père de M. de Nevers qui est aujourd'huy, depescha un gentil-homme vers le mareschal , par lequel elle luy, fit assez aigrement remonstrer qu'elle ne pouvoit croire que le roy, duquel elle avoit cet honneur d'estre humble’parente et servante , luy eust commandé de prendre ses places et païs par force , et moins de contraindre ses sujets à jurer fidelité au roy, pour le service duquel elle exposeroit trèsvolontiers non seulement ses biens, mais sa propre vie : le priant, à ces fins, se deporter de tous actes d'hostilité, faire reparer les dommages jà receus, et restituer les villes et chasteaux usurpés sur son estal, et mesmes quitter de la fidelité ceux de sesdicts sujets qui la pourroient avoir juré. A toutes lesquelles demandes le mareschal respondit :

qu'il sçavoit assez quel rang tenoit madame la marquise , quel honneur et quel service il luy devoit rendre ; que ce n'estoit pas elle à qui il faisoit la guerre , mais bien à ses places et à ses forteresses qu’elle avoit mises ès mains de M. le duc de Mantoue son fils , et luy les avoit remises en celles de l’empereur, lequel s’en aidoit pour faire la guerre au roy; et de fait que dans Trin, Balzola, Tricetre, Casal Montcalvé , Pont-de-Sture, Touc, Monteil, Albe, Dyan, et en tous les autres principaux lieux de Montferrat, il n'y avoit que croix rouges ; et que si elle l'avoit ainsi voulu consentir pensant les tenir en plus grande seureté, qu'en ce cas son devoir auroit porté de plustost recourir à Ja Majesté du roy, de

laquelle feu son mary avoit esté serviteur et pensionnaire, qu’à celle de l'empereur; et que, là où elle voudroit vivre neutre et faire faire sortir les Imperiaux de toutes ses places et païs , et s'abstenir de tous points de leur donner accès, entrée, seurté ny autre commodité, autant dans le Montferrat que dans le Mantouan, il pourroit estre que Sa Majesté la contenteroit sur toutes ses demandes ; et qu’en ce cas, pour le desir que il avoit de luy faire très-humble service , il se rendroit luy mesme mediateur de l'execution ; et que, par le contraire , perseverant elle en l'amitié et société des Imperiaux, force luy seroit de faire guerre guerroyable à qui la faisoit ou qui donnoit le moyen de la faire à Sa Majesté, ainsi qu'elle et son gendre faisoient à main ouverte.

- Le roy, à qui le tout fut communiqué, trouva fort bonne la response et le party proposé à ladicte dame marquise, laquelle, quelque bonne volonté qu'elle eust envers la France , ne peut toutesfois rien executer de ce que le mareschal luy avoit proposé : car le duc de Mantoue luy avoit precedemment osté toute disposition : de maniere qu'on continua à faire guerre ouverte contre l’estat du Montferrat , de la situation duquel il ne m'a semblé impértinent de toucher un mot en passant. | :

+ C'est un pays tout composé de collines et montagnettes très- fertiles en bleds, vins, bestail et autres choses necessaires, de maniere que j'ai veu use armée y séjourner six et sept mois sans tirer secours d'ailleurs que de luy mesmes. Ces collines sont tant argilleuses, que quand il a pleu un jour seulement on ne peut aller par pays à pied ni à cheval, tant la terre est glissante. Il prent son commencement aux montagnes des Langues, au dessus d’Albe, et de là il s’estend vers l’Astisane et Alexandrie : d'autre costé il s’estend jusques à Quiers , et de là, tirant vers le Pau, et tout le long d'iceluy jusques à Vallence et Sainct-Salvador, il est traversé de la rivieré du Tanarre , qui commence au dessus de Ceve et va tomber le long des murailles d’Albe, et puis celles d'Ast; de là, courant jusqu'à Bassignane , il entre dans le Pau, le plus grand fleuve d'Italie. Ce pays est composé environ