LIVRE DEUXIÈME

de deux cens, que villes, villettes ou chasteaux, la pluspart assis sur les poinctes des collines, dont les principales sont Casal, Sainct-Vaz, Trin, Pont-de-Sture , Montcalvé, Albe , Sainct-Damian, Vulpian et Ayguy, où il y a des bains chauds fort frequentés en may et septembre pour la guérison des gouttes, blessures, catarres et autres fluxions, mais mortels pour ceux lesquels sans lunettes se sont par trop échauflés au jeu d'amour.

La nouvelle de l’arrivée de domp Ferrand en Piedmont avec toutes ses forces ayant esté divulguée par la France, comme estoient desjà les preparatifs que le roy faisoit pour renforcer le mareschal ; resveilla si fort le cœur des princes et seigneurs, que, si Sa Majesté u'eust de bonne heure donné ordre à les retenir près d'elle, celuy là n'eust pas été estimé fils de bonne mere qui ne fust deslogé pour aller voir et servir en ceste guerre. Et de faict elle ne se sceut deffendre de donner congé à messieurs les duc d'Anguyen, prince de Condé, ducs de Nemours, d’Aumalle, marquis d’Elbeuf, grand prieur de France, de Montmorency, La Roche- Foucault, de Randan, Genlis, Senneterre, de Contay et autres, jusques au nombre de cinquante ou soixante, tous suivis d’un grand nombre de jeune noblesse. De la venue desquels seigneurs ayant le roy donné advis au mareschal, il n’y print pas grand plaisir, ayant de longue main experimenté que ceste grande compagnie de seigneurs est mal-aisée à contenir en regle, mesmes lors qu'elle est destituée de la presence du maistre. Ceste nouvelle lui fust bien encor plus desagreable, quand il entendit qu'ils s'en venoient tous en poste , sans armes uy chevaux, prévoyant, comme il advint depuis , que cela les feroit r’enchérir en Piedmont, au desadvantage des gens-d'armes et chevaux legers, et que d'ailleurs il seroit contrainct, par honnesteté, les secourir des siens , chose qu’il faisoit fort à contre-cœur, combien que ce ne fust par chicheté ny avarice, Car jamais ces vices n'eurent lieu dans son ame , Comme sa vie et toutes ses actions en font tesmoignage, mais pour la difficulté qu'il y avoit à en recouvrer de bons. Toutesfois il ne laissa pour cela, dissimulant ce qu'il en pensoit, de leur faire à tous le meilleur

recueil qu'il luy fut possible, et mesmes au seigneur de Gonnort son frere, depuis maresthal de France, qui arriva peu après les autres, avec la suitte et l'equippage qu'il faut poir servir à la guerre. | Ces princes et seigneurs n'eurent pas sejourné huict jours en Piedmont qu'il leur prit envie de s'aller enfermer dans Sainct-Damian, estimans que l'ennemy, selon le bruit qui en couroit, l'iroit assiéger, et que ce leur seroit une belle occasion pour donner la preuve qu'ils desiroient rendre de leur vertu et valeur ; et en tout evenement, que le siege’n'y allant pas, qu'ils scroient si proches d'Ast qu'ils auroient commodité d'aller tous les jours à la guerre, sans estre retenus par l'auctorité d'aucun supérieur. Ts s'en descouvrirent à Genlis, le prians d'estre de Ia partie: mais Jay , discourant le mal qui en pouvoit advehir , le voyage se faisant au desceu du mareschal, qui estoit lors allé faire une course jusqu'à Carmagnolles , descourvrit le tout à Bonhivet, qui le fit soudain sçavoir au mareschal : lequel, à ce rapport, depescha soudain vers le gouverneur de Sainct-Damian et à tous les autres estans à la frontiere, leur commandant ne laisser entrer dans leurs places aucuns princes ny scigneurs seuls ou en trouppe, s'ils n’avoicnt lettres expresses de luy. Ceendant, pour ne laisser courir à ces scisneurs h honte, ny aux gouverneurs le mescontentement du refus, il leur manda qu'il les prioit J'attendre à Quiers , et qu'il leur mettroit bien tost en main assez de quoy esbatre leur generosité. Si le mareschal n’eust pris cet expédient, il ne pouvoit faillir qu'il n'en'advint l'un de ces inconveniens : à sçavoir qu'estant l'ennemy adverty que si grande compagnie de princes et seigneurs se scroit enfermée en l'une de ces places, il se seroit hasardé de l'assaillir, en esperance que la prenant il y auroit si grand butin, que ses frais et peines en seroient recompensés au double, outre la gloire et la reputation qu'il en acquerroit ; et que , là où on les voudroit tirer de ce hasard, il faudroit dresser une armée, et venir au combat contre gens doublement courageux par l'espérance du butin et de la gloire, ou bien les y laisser enveloppés, au plaisir de la fortune; dont, en tout evenement, la

MÉMOIRES DE BOYVIN DU VILLARS

coulpe seroit tousjours aftribuée au mareschal. L'autre, que là où l'ennemy n'eust eu le moyen de dresser ceste entreprise, il auroit au moins si Fort renforcé la garnison d’Ast, et dressé tant d'alarmes et d'escarmouches à ces seigneurs plus volontaires que retenus, que quelqu'un d'entre eux seroit à la parña tombé entre leurs mains, non sans quelque tacite honte du mareschal. Lequel, quoy qu'i sceust faire , Fut encores si mal obéy par ke sieur de Clermont, fort courageux, et cinq ou six autres de sa portée , qu'ils ne laisserent d'aller, au nom de tous, sonder le gué dé Sainct-Damian, lequel ils trouverent des-jà si bien rompu qu'il estoit impossible de lé traverser.

Tandis que les ennemis estoient occupés, comme vous avez veu, à reprendre tous ces chasteaux et à saccager la campagne, n'ayans pour lors moyen d'entreprendre plus avant, à cause de l’hyver et des pluyes qui estoient survenues grandes et froides, La Trinité, gouverneur de Foussan , frere du comte de Beyne , et autant double et malicieux que celuy cy estoit bon et honneste, se mit aux champs avec une trouppe, non de soldats, mais de brigandeaux , lesquels, durant deux jours, ne cesserent de piller et ravager Îles villages du Montdevy, Beyne et Saviglan.

Chose qui donna matière au mareschal d’envoyer vers domp Ferrand, pour demander reparation du ravage fait par La Trinité, contre le devoir de l'humanité et douceur qui devoit estre practiquée à l'endroict des laboureurs, lesquels ne devoient souffrir pour les querelles des princes ; et que, quant à luy, il en avoit toujours ainsi usé , à l'exemple de ce grand roy Cyrus, qui ordonna que parmi la guerre il y auroit paix de tous costés pour les laboureurs , luy semblant qu'il devoit suffire au soldat , allant en la maison du rustique, d'y prendre à boire et à manger tant seulement, et que ce qui se faisoit au delà sentoit plustost l'avarice et la rage brigandesque, que l'honnesteté et valeur qui devoit estre parmi soldats bien disciplinés ; et que s'il falloit que les terres de l’obéissance du roy fussent ainsi mal menées, que de sa part ül sçavoit bien les moyens pour faire bien tost apprendre à celles du Milanois et autres usur-

pées par les Imperiaux, combien ceste marchandise apportoit d'utilité. (Sera noté que, tenans, comme nous faisions jadis, la duché de Milan et royiume de Naples, héritages de la France, lors qu'il en falloit pârler , on les appelloit tousjours terres usurpées.) Que, pour remedier aux ruynes qui en pouvoient advenir d’une part et d'autre, ils devoient condescendre et arrester quelques capitulations pour la campagne , à l’asseurance du pauvre peuple. Aussi, qu'ayant tout à loisir consideré ce que dès son arrivée en Piedmont il lüy avoit manñdé pour le regard de Ja bonne guerre, il trouvoit, quant à Iny, que, n’en estaht entre eux accordée aucune capitulation, c’estoit ün faict qui pouvoit d'heure à autre recevoir diverses interpretations , diffieultés et disputes , tousjours mal aisées à vuider ; pour auxquelles obvier , le meilleur seroit d'en faire dès-lors quelque bôn accord par escrit, à fin que doresnavant chacun sceust pour combien et comment il en devoit sortir. Le prrant, pour y donner quelque commeneemént, faire delivrer Louys de Monteil, pris n’a gaeres dans Chuzan. |

Domp Ferrand , respondant à ces poincts, mandà qu'il n’avoit pas moindre commiseration des pauvres laboureurs qu'avoit le mateschal; qu'il f’avoit encores rien entendu des pilleries qu’on pretendroit avoir esté Faictes par La Trinité, dont il s'informeroit , et puis y pourvoiroit selon ce qui se trouveroît raisonnable; ce que toutesfois il ne fit pas depuis. Quant à Louys de Monteil , qu'il estoit vassal de l'empereur et accusé d'avoir en temps de paix dréssé quelque entreprinse au prejudice de son seigneur lige, et que cela se trouvant veritable , il ne pourroit de moins que l'en faire exemplairement chastier. Au regard de la capitulation du laboureur, il n'avait jamais veu qu'il s'en fust faict aucune, et que les ‘choses , pour te regard, avoient esté reiglées ou desreiglées selon la diversité des evenemens de la guerre , qui sont subjects à tant de changemens et de mutations , qu'il seroit autant mal-aisé à les regler que de vouloir determiner une mesme maniere de proceder à tant de diverses nations qui font estat de la profession militaire. Et que, quant à celle de la bonne guerre , ores qu'il se fust