LIVRE DEUXIÈME

bA7

que estans nos principales places enclavécs parmy celles des ennemis , ces chasteaux les tenoient demy assiégées sans estre toutesfois apparemment assiegées , et que par le contraire les nostres en demeurcroient plus asseurées avec une mediocre garnison, outre l'aflluence des vivres , et que d'ailleurs c'eust esté trop ingrattement traicter les seigneurs proprietaires des chasteaux, la plus-part desquels s’estoient volontairement mis en l'obéissance du roy, sous la promesse qui leur au-

roit esté faicte d'estre maintenus et conscrvés

par sa force ; et donner mauvais exemple, et une odeur mal'gracicuse pour les gucrres futures, en tant que les peuples qu’on voudroit d’oresnavant conquerir auroient apprehension qu'on usast de mesme rigueur ct mauvais traictement en leur endroit comme On auroit faict envers ceux-Cy, en tant que les liens et les chaisnes de l’estat dependoient autant de l'amour et de la bonne affection de la noblesse et des subjects que de la propre force.

Le 9 decembre, le mareschal eut nouvelle que les galleres du roy , commandées par le sicur de Carces, ayans sejourné quelques jours aux isles d'Or (et maintenant par mot corrompu appellées d'Ieres), pour guetter André Doria, qui estoit allé en Espagne enlever les roy et royne de Boheme, et deux mil bisoignes ( ce sont gens nouvellement levés et desarmés), et que les galleres royales

avoient finalement descouvert quatorze gros

navires qui estoient suivis de loin par les

| galleres imperiales, lesquelles les nostres se

mirent à chasser jusques dans le port de Ville-Franche, où elles avoient esté si bien

‘ combattues, et à coups de main, et à coups

de canon, qu’elles avoient toutes été prises à main-sauve, nonobstant le secours du fort dudict Ville-Franche, nouvellement basty par les Imperiaux. Tout le butin fut conduit à Antibe, sans que jamais André Doria eust faict contenance de s'avancer pour les secourir, estimant, à ce qui fut depuis sceu, les forces françoises beaucoup plus grandes qu’elles n’étoient pas, et qu’en s’attachant à gens desjà victorieux il se mettroit au hasard de perdre le reste de l'armée, de laquelle dependoit celle de Gennes et mrsme de la

duché de Milan. Il y avoit dans ces navires grande quantité de chevaux d'Espagne, avec tous les meubles desdicts roy et royne de Boheme, lesquels par ce moyen ne furent guieres plus heureux que leur cavalerie, qui avoit esté défaicte en Ast. Le comte de Cameran, et plusieurs gentils hommes italiens et espagnols, furent prins à ceste deffaicte, avec environ huict cens bisoignes, qui servirent tous à enrichir les chiormes françoises et le glorieux triomphe du sieur de Carces et des galleres.

En ce mesme temps arriverent en Piedmont

les capitaines Vicques et Labit, Gascons, avec chacun une compagnie de trois cens hommes et mil pie-deschaux qu'ils avoient enlevés de la charrue pour remplir les vieilles bandes francoises.

5 Je feray maintenant un peu d'interruption pour representer, comme chose grandement considcrable sur le demeslement de ceste guerre, quelles avoyent esté (au parsus ce qui en a cy devant esté discouru) les intentions et les practiques de l’empereur , et ce qu'il desseignoit encores pour lors, selon le rapport qui en avoit esté recentement fait au roy, à ce que j'appris estant en cour.

L'empereur donc ayant recogneu que toutes les promesses et toutes les menaces dont il pensoit ou apaster ou estourdir le pape ne pouvoient avoir tant de puissance, qu'elles peussent renverser la délibération qu'il avoit desjà prise de se reconcilier avec la France par une finale paix , il commença à se repentir d’avoir donné ouverture à ceste guerre, prevoyant que la conunuation d'icelle apporteroit la destruction des entreprises et des desseins qu'il bastissoit pour la grandeur de sa maison. : |

En premier lieu, sçachant assez que le François n'oublieroit jamais les pretentions de Milan, de Naples et de Sicile, avec lesquels il tenoit l'Italie à demy bridée, il jugeoit très-necessaire de si bien couvrir et borner les uns et les autres, que le pape, les Venitiens ny les autres princes d'Italie n’eussent la hardiesse de rien remuer ou entreprendre en faveur des François ; et qu’il falloit pour y parvenir qu'il recouvrast le Montferrat des mains du duc de Mantoue par

MÉMOIRES DE BOYVIN DU VILLARS

eschange du Cremonois, et aussi celui de Savoye, Verceil, Gatinare, Yvrée, Sainct— Germain, Mazin ct Crescentin, pour avoir tout ce qui s'estend depuis la Sezia jusqu’au Pau et à la Doyre-Balte et aux montagnes qui regardent la Val-d'Aouste, luy donnant pour recompense toute la partie de Montferrat qui est au delà de ladicte Doyre , et l’autre qui confine à l’Astisane en tirant contre-mont Albe et Aiguy; ne retenant que Casal, Trin, Montcalvé et Pont-de-Sture , qui marchissent la frontiere de Milan : faisant estat de rendre ces neuf places en tel estat qu'elles seroient inexpugnables à jamais , et qu’elles serreroient de tous poincts le passage aux François pour à jamais entrer en Italie, et l'esperance aussi aux Italiens de Îles y appeller. D'ailleurs il vouloit aussi forüifier Sienne, Montalcino, Port-Hercule, et quelques autres places de ce costé là, pour respondre à Orbatcllo qu'il tenoit desjà , et par ce moyen tenir en subjection toute la Toscane ; faisant son compte, et certes avec grand jugement , que toutes ces fortifications ainsi parachevées luy serviroient de très-puissante et formidable bride à la Lombardie et à la Romagne aussi, mesmes demeurant, comme elles feroient par ce moyen, avec l'aide de Naples et Sicile, enfermées de tous costés : de maniere que sans doute il disposeroit dès-lors en avant du pape et des autres princes par amitié ou par force. Finalement il esperoit aussi renger le Genevois, non seulement à endurer la construction d'une citadelle, mais aussi à luy remettre celle de Savonne, et le duc de Savoye aussi celle de Nice, dont il payoit la garnison, pour tenir pareillement les costes de Provence et de Languedoc en toute subjection. A la vérité, si Dieu eust permis à l'empereur de mettre à fin tous ses desseins, il n'y a rien de plus certain que toute l'Italie et les Venitiens eussent esté contraincts de faire joug à sa domination.

Quant à la France et à l'Allemagne, lesquelles il ne desiroit pas moins brider que les autres, il avoit, pour y parvenir, induit le pape à convoquer le concile à Trente, avec intention que toute l'Allemagne y interviendroit , et que par ce moyenil obtiendroit que son fils seroit;declaré coadjuteur de l'empire,

en, à nn es a rs) PR

et consequemment en sa protection et sauvegarde envers tous et contre tous.

. Que l'intervention et la soubmission que les princes et republiques catholiques d'Allemagne rendroient aux determinations du concile , lui serviroient d'amorce pour les tenir tousjours en'guerre et en division à l'encontre des protestans, et qu'il luy seroit fort aisé, après qu'ils se seroient entre-ruynés, d'engloutir et les uns et les autres, à la seurté et à l’establissement de sa maison : quoy faict, il se retireroit des affaires et les remettroit ès mains de son fils.

Pareillement il esperoit, par l’auctorité et la faveur qu’il auroit en ce concile (qui estoit tout composé de prelats ses partisans), de faire donner quelque decision sur le faict du Piedmont et Savoye, possedés par les François, et obliger tous les princes chrestiens à s'armer contre eux où ils refuseroient d'acquiescer aux decrets du concile, et mesmes de faire interdire les Suisses et tous autres qui leur presteroient assistance.

Certainement l'empereur n'eust sceu mieux

projecter et discourir qu’il faisoit des affaires pour renger la France, l'Allemagne et l'Italie en un extreme danger et servitude ; mais Dieu rendit le roy si diligent scrutateur de ces desseins, qu'il eut moyen d'y apporter l'interruption et la resistance qui sera cy après discourue.

‘ En premier lieu Sa Majesté envoya de bonne heure protester de la nullité du concile , ne le tenant pour general et moins legitimement convoqué; et fit par ses ministres imprimer a mesme opinion aux Allemans, et toucher au doigt et à l'œil toutes les menées, practiques et desseins de l’empereur, contre lesquels ils devoient s'armer, ainsi que Sa Majesté avoit deliberé de faire de sa part, avec intention de se joindre à eux et courir mesme fortune, conforme aux alliances et anciens traictes des roys ses predecesseurs et de luy.

Ces preventions et ces protestations , tant du roy que des Allemans , furent de tel poids, que l’empereur se trouva autant esloigné qu'il cuidoit estre près de l'execution et du fruict de toutes ses menées et discours ; demeurant si mal content des princes d'Allemagne , et