LIVRE DEUXIÈME

de laisser desrober les capitaines , comme Sa Majesté avoit entendu qu'ils faisoient tous, on peust espargner beaucoup de deniers qui se treuveroient revenans bons desdictes monstres : que ce mesnagement et plusieurs autres qui pouvoient estre diversement faicts, soulageroient les grands despens qu’il conviendroit faire sur le printemps, pour entreprendre quelque chose de plus notable qu'on n'avoit faict jusqu'à lors, et dont il falloit dès-maintenant faire les practiques et les préparatifs. mnt Ceste repugnance et ceste contrarieté de commandement travailloient infiniment le mareschal , mais plus encor la deffectuosité et le retardement des moyens, pour glorieusement advancer les affaires. A la verité il avoit dèslors beaucoup de belles entreprinses en main , lesquelles, par faute de moyens, il ne pouvoit fructueusement mesnager, ains aucunes d'elles s’en allèrent en fumée. Aux af-

faires de la guerre tous dilayemens sont

presque tousjours prejudiciables à l’estat. Ce fondement d’espargne et de la rigueur des monstres , n'estant que chose casuelle et dont peu de farine pouvoit sortir , luy fit juger que s'il bastissoit là dessus, le roy demeureroit court en ses esperances, et luy au demeslement des executions , dont toute la faute luy seroit donnée. Cela le fit resoudre à escrire fort rondement au roy que si Sa Majesté faisoit recognoistre et calculer bien au vray quelles pouvoient estre les forces du Piedmont et la charge de l'engagement par les places, qu’elle trouveroit qu'il 'n'avoit pas peu faict de conserver jusques à lors l’estat sans perte ny deshonneur ; que par la lecture des estats de recepte et depence, qu'il envoyoit lors à M. le connestable , il seroit aisé à colliger le peu d'occasion qu’on avoit de luy ramentevoir, comme negligent, le bon mesnage duquel il avoit toutes-fois tousjours esté si severement soigneux , qu'il ne se pouvoit persuader d'estre en cest endroitinferieur à aucun autre des serviteurs de Sa Majesté.

Qu'il recevoit à fort mauvais presage pour la continuation de la guerre, de voir dès le commencement corner si fort l'espargne en un faict qui ne pouvoit estre mesuré à prix d'argent certain et arresté, Qu'il n’avoit faute

de belles et utiles occasions pour employer orces plus grandes que les siennes, s'il plaisoit à Sa Majesté les envoyer, comme il Ja supplioit de faire. Que s'il falloit mesurer Ja grandeur à un pied si foible et si court qu'estoit celuy auquel on arrestait les affaires , qu'il aimoit trop mieux conserver avec honneur et reputation ce qu'il tenoit dès-jà que d'entreprendre plus avant, pour n'en recevoir par après que dommage et deshonneur. Qu'il avoit tousjours , quant à luy, estimé, comme il faisoit encores, que Sa Majesté ne s'estoit pas jetée en ceste guerre sans avoir au preallable faict fonds et estat bien asseuré de finances qui devoignt estre necessaires, et pour la soustenir ct pour en rapporter une glorieuse fin; jugeant, comme serviteur et subject très-obligé à Sa Majesté, qu'elle se devoit efforcer , à quelque. prix que ce fust, ou d’estre la plus forte, ou de ceder à ceux qui le seroient , la suppliant très-humblement se ramentevoir , à ces fins, qu'il estoit necessaire d’avoir autant d'esgard au premier demeslement des affaires qu'à la fin mesme, estant celle seule qui estoit le veritable juge de nos actions , et qui donnoit tousjours fort fecondes moissons à ceux qui sçavoient en temps et avec prudence mesnager la prevoyance, guide infaillible des affaires humaiee. Pour conclusion, qu'il y avoit tousjours plus de profit et de seurté à faire les guerres grosses et courtes que foibles et longues; supliant néantmoins très-humblement Sa Majesté de vouloir prendre en bonne part tout ce qu'il en avoit librement dict et remonstré , par une reverente Jicence qui doit estre permise aux subjects , lors qu'il y va du service du prince, envers lequel il estoit, quant à luy , tout ce qu'il devoit estre : mais que, le secours luy deffaillant , il ne pouvoit plus estre rien, et que parmy la necessité et la difficulté des affaires il ne sçauroit preferer un remede doux et craintif à un genereux et hardy , qui repousse le plus souvent les plus cruels et avantageux courages.

a Cette remonstrance, ores que saincte et veritable , fut trouvée mauvaise par le connestable , lequel ne vouloit estre veillé de si près : de maniere que M. de Beauregard secretaire d’estat, creature du connestable, mais

MÉMOIRES DE BOYVIN DU VILLARS

fort amy du marescha], luy mapda que tout cela avoit csté si mal receu qu'il devoit attendre provisions de mesme ; le priant tant estimer de luy , que quand les choses qu'il desiroit tant luy estre accordées ne syccederoient pas selon son desir, qu'il ne ‘tenoit pas à sa sollicitation ; qu'il devoit doresnavant tenir pour certain que si elles ne se faiseient pas au premier coup qu'il en escrivoit , qu'encores moins se feroient elles au deuxiesme , ny au troisiesme aussi, d'autant que le connestable estoit naturellement si opiniastre en disputes, qu'il ne se laissoit jamais vaincre ou persuader contre son premier jugement, quelque raison qu'on luy sceut alleguer au contraire ; et qu'il estoit d'advis que pour l'advenir, quand il auroit quelque chose à traicter qui seroit de consequence , qu'il mist en avant dès lepremier coup toutes les responces , solutions et repliques qu'il pourroit faire luymesme s'il estoit present aux objections qui luy pourroient estre faictes. C'estoit à la ve. rité une façon de traicter peu sortable pour dosner prospere acheminement aux affaires ; car , au lieu que le mareschal ne devoit penser qu'à executer quelque chose de grand, à l'honneur du maistre et de la patrie , il falloit qu'il occupast presque tout son esprit à confuter les opiniastres dispustes , et condemner aussi la tardiveté du secours, la vanité des esperances et des promesses, qui n'apportoient en fin que ruyne et confusion au service de Sa Majesté.

Les principaux ministres , et qui ont le maniement des affaires et des armes, devroient, parmy leur demeslement, tousjours se souvenir que, tout ainsi que les affaires de 1 guerre sont les plus hasardeux et les plus incertains que tous, de mesme aussi sont-ce ceux qui sont le plustost et le plus dangereusement esbranlés et renversés, et par petites et legeres occasions, ou par le deffaut des moyens. Et de faict on voit ordinairement que ce qui est aujourd'hui faisable à la guerre devient le lendemain dificile et dangereux ; contre la syrprinse desquels inconveniens il est necessaire d'estre tousjours preparés et pourveus , comme vouloit estre le mareschal. Et toutesfois le connestable ne laissa d'estre cn ce faict aucunement excusable; çar, ayant

[15511 l'entier maniement de la gucrre, des depesches, des finances , et en somme de tout l'estat de la France et de la maison du roy, ilne luy était possible de pouvoir convenablement satisfaire à tant de grandes clioses , ny composer son naturel à toute la patience qu'il falloit avoir pour s'en dépescher au contentement d’un chacun, à quoy faire il ne voulut toutesfoisjamaisavoir de compagnon ou de coadjuteur, chose qui apporta depuis au roy, au royaume et à luy-mesme aussi, de très-grands et très dangereux desordres, desquels la France se sentencorcs aujourd huvy, comme il sera gisé à remarquer par la fin de ces Memoires.

L'ambition toutesfois , qui desregle souvent les plus sages et les plus galans esprits, n'est pas tousjours celle qui les conduict à ce poinct , ains une certaine crainte et jalousie qui ne peuvent permettre qu'ils reçoivent parmy les grandeurs qu'ils ont desjà acquises aucun cgmpagnon ou associé à Ce souveraig commandement qu'ils ont desjà en main.

Sur la fin de decembre, Gordes fit entendre au mareschal que le sieur de La Chiuza, qui à sa maison assise en assez forte assiette, et prochaige du Mon{devis, estoit sollicité de prendre le party imperial ; ce qu’il avoit tousjours constèmunent refusé de faire , esperant et desirant d’esire appelé à celluy du roy,

auquel toute son affection estoit tournée et:

dediée ; qu'ayant puis peu de jours veu honorer plusieurs Piedmontois de moindre estpfle que luy de diverses charges, cela l'avoit mis en telles alteres, que, sans l’asseurance qu’il luy avoit donnée d’estre receu et recogneu selon sa valeur , il auroit peut-estre desjà faict quelque chose mal à propos. Le mareschal , informé de là qualité du personnage et de l'importance de sa place, loua prudence et la prevention de Gordes , et accorda cent livres d'estat par mois et vingt payes à ce geulil-homme, lequel fit depuis beaucoup de bons services. Dont Sa Majesté ayant esté advertie, elle lui manda que tant s’en falloit qu'il se fallust servir de ce chasteau, qu'au contraire il le falloit raser avec tous les autres qui requeroient garnison ordinaire, à fin de faire autant d'espargne et avoir mojas de forces engagées, ne considerant pas, comme il estoit necessaire de faire,