LIVRE TROISIÈME

mier sommeil, las et abattus du travail du

jour precedent , que, si le mareschal et les

autres principaux capitaines , qui avoient re-

posé avec la botte et le corps de cuirasse , ne

fussent soudain montés à cheval, suvvis de

Bonnivet qui avoit ramassé une trouppe d’arquebusiers , il estoit à craindre qu'il n’advint quelque grand desordre. Cependant Gonnort d'un costé et Biron de l’autre s’avancerent aussi avec quelque nombre de chevaux et d'arquebusiers , pour recognoistre que c’estoit, et soustenir le premier effort. Par l'endroit où Gonnort s'adressa, il ne trouva plus personne ; si fit bien le sieur de Biron quelques chevaux , qu’il se mit à suyvre bride en main, craignant de donner dans quelque nouvelle embuscade, et enfin , leur voyant faire contenance de gens qui avoient envie de se retirer , il fit advancer dix ou douze chevaux pour prendre langue. Ceux-cy attraperent un cheval leger espagnol qui avoit son cheval blessé , par lequel on entendit la ruse et la retraicte des ennemis des-jà tant advancée , qu’il seroit mal-aisé de les attrapper. En ceste alarme et desordre il y eut six ou sept des nostres assez mal traictés.

Ayant le mareschal heureusement parachevé son voyage, et voyant l'ennemy retiré, les froidures et glaces insupportables conti nuer , il delibera de renvoyer chacun aux garnisons ; et luy et les autres chefs se retirerent à Thurin, donnant advis au roy, par Briquemaut , de tout ce qui avoit esté faict, et tout de mesme, tant au cardinal de Tournon qu'aux ambassadeurs que Sa Majesté avoit de tous costés. Durant que ces seigneurs se rafraichissoient à Thurin , ils eurent le vent que le roy faisoit grands preparatifs pour faire sur le printemps un voyage du costé du Rhin. Ceste nouvelle les invita à prendre congé du mareschal pour s’en retourner trouver Sa Majesté, laquelle, au rapport du mareschal , fit cognoistre à chacun d'eux combien elle leur sçavoit de gré des services rendus en Piedmont. |

Au commencement de fevrier le mareschal fut adverty que l'ennemy, suspendant le voyage du marquisat de Salluces, ci-devant discouru, avoit deliberé, n'ayant au-decà de la Doyre-Balte autre place que Vulpian, de

fortifier Rivarol où Favria, pour seconder Jedict Vulpian ; qu'il prenoit ce chemin avec quatre ou cinq mil hommes de pied et douze cens chevaux. Mais luy, qui craignoit que ce ne fust plustost pour aller reprendre Lanz, les bresches duquel, à cause des froidures, n'avoient encores esté bien reparées, y en- .voya renfort de trois cens arquebusiers et “autres forces, pour ramener à Thurin l'arüillerie qu'il avoit laissée. Luy cependant, pour recognoistre de plus près [a contenance des Imperiaux, et selon cela prendre party, s'en alla à Chivas avec quelque trouppe de cavalerie, et de là il dépescha d'Ygié, pour aller recognoistre et apprendre quelque chose de la deliberation de domp Ferrand, qui “estoit logé à Favria, etle marquis de Pescaire avec les Italiens et les lansquenets à Visque. Ayant d'Ygié prins cette routte, il marcha sur l'aube du jour à Visque , où il trouva les ennemis sans sentinelle, et en tel desordre, que s’il eust eu seulement trois cens chevaux et autant d’arquebusiers , il les eust aisement emportés. Il ne laissa toutesfois pour cela de ‘les pincer si rudement et de si près, qu'il en terrassa quarante ou cinquante, et print un enseigne prisonnier , auparavant que l'alarme fust à bon escient dans le camp, et que la cavalerie fust preste pour luy faire teste, comme elle fit soudain, sans toutesfois oser l'enfoncer, estimant que toute nostre armée estoit là; de maniere qu'il se retira tout à son aise avec son prisonnier à Chivas. Par ce prisonnier on apprint qu'ayant les ennemis trouvés ces lieux mal fortifiés sans grande longueur de temps et despence, ils avoient deliberé de se retirer dès le lendemain aux garnisons , à cause que l'hyver devenoit tous les jours plus aspre et plus rigoureux, comme il est quasi ordinairement en Piedmont : et plus qu’en lieu où .j'aye jamais esté. Et de faict, j'ay veu demeurer la neige presque cinq mois sur la terre, de la hauteur de trois pieds : c'est ce qui contrainct les habitans de Ja plaine d'enterrer les vignes que ils appel- Jent haultins durant l'hyver.

Vous avez cy-devant vou que les nouvelles forces que l'empereur avoit faict venir d'AIlemagne estoient tournées du costé de Parme, avec intention d'estre employées en quelque

pa

MÉMOIRES DE BOYVIN DU VILLARS

[15527 notable execution que Le Medequin avoit en main. Certainement il avoit une intelligence dans la ville tant aisée à reussir , que si Dieu n'y eust miraculeusement pourveu, la guerre estoit achevée de ce costé là. Je n'ay jugé impertinent de toucher icy un mot en passant de ceste entreprinse, ores qu'elle ne soit du gibbier picdmontois.

Il y avoit dans Parme un certain comte nommé Jean Galeas de Salle, et un autre gentil-homme nommé Taglefer, qui avoiem convenu avec Le Medequn de recevoir ee leurs maisons certain nombre de soldats qu'il leur envoyeroit, vestus en contadins, por-

tans sur le col un sac de sel ou de bled, et

les tenir de main en main cachés jusques à tant que chacun d'eux en eust retiré trente en sa maison. Cela faict, l'ennemi devoit.

deux heures devant le jour , venir donner une escalade à la ville par quatre divers endroits, et lors, l'alarme estant grande , chacun des traistres devoit sortir avec sa troupe quil auroit armée, et courir à un certain endroict de la muraille, feisnans la vouloir secoarir et deffendre ; et lors ils donneroient tout en un coup sur ceux qu'ils trouveroient à la garde , et les autres mettroient l'ennemi dedans. Mais Dieu, qui se mesloit plus avant des affaires du roy que de ceux de ses ennemis, mit en teste à ceux-cy de tascher d'attirer aussi quelques-uns des chefs de la ville à leur cordelle, l'un desquels, feignant trouver bon d'y entendre, descouvrit toate fa menée , et puis la vint soudain declarer au duc Octave et à de Termes; lesquels, craignans que la dissimulation ou retardement n'apportassent quelque inconvenient , firent soudain prendre au collet ces deux personnages, qui eurent la teste tranchée le 2 fevrier, après avoir confessé leur crime. Les soldats qu'ils avoient attirés furent, jusques au nombre de cinquante, prins et enchaisnés pour travailler aux fortifications. Les traistres avoient environ trois mil escus de rente , desquels le duc, monstrant une singuliere bonté et liberalité, ne voulut jamais prendre un seul denier, ains en fit don à leurs plus proches parens, rendant par ce moyen sa do-

mination plus agreable, et chacun des Par mesans plus disposé à la defendre.

Environ ce temps ceux de la Mirandole firent entendre qu'ils avoient encores des bleds pour huict mois, ne retenans les bouches inutiles, et que voulans faire sortir Vattan, qu'ils depeschoient vers le roy pour rendre particulier compte à Sa Majesté de l'estat de la place , ils avoient dressé une escarmouche, laquelle avoit esté si bien conduicte qu'ils avoient deffaict six ou sept vingts des ennemis , au secours desquels estant accouru en personne Ascagne de La Corne, neveu du pape , son cheval avoit esté tué sous luy, qui à la conduicte d'un seul œil, et par la force des bonnes jambes, et d'une trouppe d'arquebusiers qui le suivoit , s’estoit en fin sauvé.

Ce grand et rude hyver ne permettant, comme j'ay dit, au mareschal de rien entreprendre, il renvoya hyverner aux garnisons les compagnies de gendarmerie des seigneurs comte de Tende, de Maugeron , de Tavannes, de La Fayette, de La Hunaudaye, de Vassé, Terrides et la sienne; et semblablement celles des chevaux legers , des seigneurs Fran- Cisque Bernardin de Vimercat, la Motte- Gondrin Sainct-Chaumont, du Peloux, d'Ossun, vicomte de Gourdon!, et Theode de Bedaigne Albanois, et de La Curée, qui estoicnt ‘ou devoient au moins estre de cent chevaux chacune, et cinquante sous le sieur Hierosme de Birague.

: En somme, il ne reserva rien pour la campagne , renvoyant le tout aux garnisons , (ant gendarmerie que fanterie, pour, après que les grands neiges et froidures seroient passées, les en tirer plus frais et mieux appoinctés qu'ils n'estoient pour lors, à l'occasion des longs travaux precedemment supportés.

Ayant domp Ferrand fuilly, comme vous

avez veu à toutes ses entreprinses , et ne sÇachant à quoy se prendre pour avoir sa revanche qu'il avoit fort à cœur, il resolut, voyant nos forces départies par les garnisons, de venir brusler et ruyner toute la campagne, coupper arbres, vignes, et faire au demeurant tout du pis qu'il pourroit, pour reduire les vivres à telle necessité qu'il les fallust faire venir de France, et consequemment envelopper les affaires du roy en grandes difficultés et despences. Ayant le mareschal esté adverty deceste dcliberation, laquelle, comme