LIVRE TROISIÈME

vous avez veu, il avoit tousjours craint plus que nulle autre chose, et desirant y apporter empeschement , il fit soudain advancer vers Chivas et Verrolings, quatre cens chevaux legers et deux mil arquebusiers françois, et fit jetter quelques barques sur la Doyre-Balte, faisant au mesme instant courir deux divers bruicts, l’un que ces forces devoyent essayer de traverser jusques à Parme , n’y ayant lors en la duché de Milan aucune force qui les en peust empescher; l'autre que c’estoit pour aller mettre tout à feu et à sang jusques aux portes de Novarre et de Milan, et au retour tout le pays qui est entre la Sezia et la Doyre; de là estans de retour à Chivas, passer le Pau, et aller faire le semblable par le Montferrat et jusques aux portes d’Ast et d'Alexandrie.

Et parce que c'estoit chose presque aussi aisée à faire qu'à discourir , domp Ferrand, à ceste nouvelle , radoucit sa colère, considerant qu'aussi tost que les Milanois , nourrissiers de la guerre qu'il soustenoit, sentiroient le moindre ravage, que tous moyens deviendroient courts et impossibles. Il se contenta pour lors de faire seulement vivre son armée aux depens du pays, et d'exiger des plus eloignés contributions pecuniaires. Toutes ces choses le rendoient de jour à autre plus odieux, et le François au contraire plus aimé, parce qu'il vivoit avec discipline. A la verité elle estoit telle, qu’en terre mesme de conqueste le soldat n’eust osé, soit en marchant ou sejournant, rien prendre que de gré, ‘comme doit tousjours faire un conquerant qui a envie d'establir ses conquestes.

La vertu et les services de Bonnivet, qui estoit assez malaisé de biens, desquels toutesfois il ne fit jamais cas , l’avoient rendu digne et d'honneur et d’une notable recompense, à laquelle Brissac n'ayant moyen de remedier ainsi qu’il eust bien desiré, il supplia le roy luy faire don du revenu de Lanz, nouvellement conquis, qui pouvoit valloir environ deux mil escus de rente; ce qui Iuy fut refusé , orcs que, ès guerres precedentes, le roy Francois, père des armes et des lettres, l'eust liberalement donné : à ‘de Termes.

La faute, où l'ingratitude n'en devoit estre rapportée au prince, qui estoit la mesme bonté et libcralité, et qui tenoit Bonnivet au

rang de ses plus familiers serviteurs, mais bien à l'envie de ceux qui estoient près de Sa Majesté, lesquels, ne pouvant gouster les prosperités du mareschal, taschoient d'y apporter ce contre-pois, que nulle graufication ne peust sortir de sa main à l’endroict de ceux qui servoient sous sa charge , ains de la leur seulement; esperans par ce moyen diminuer si fort ou infirmer l'amour et l’obéissance des gens de guerre, que ce luy seroient des chausse-trappes qui accableroient ses desseins et sa vertu, l'ingratitude estant une vraye peste de la nature, seminaire de discorde et de rebellion. C'est pourquoy il s'avança d'en faire ceste plainte ou soit remonstrance : -: , «S'il est ainsi, Sire, que vos bien-faicts, tant envers nous qu'à l'endroict de tous ceux qui servent fidellement Vostre Majesté en Piedmont, ayent esté grands, ce nous a esté un remarquable honneur et de les obtenir et de nous en estre aussi rendus dignes. Mais s’ils ont esté mesurés au petit pied, et encores pour aucuns tant seulement, Vostre Majesté s'est, sous correction, faict beaucoup de tort de refuser la grace dont nous luy faisions très-humble requeste en faveur de M. de Bonnivet, qui a longuement et vertueusement servi, comme elle sçait, parmy toutes sortes de fortunes : car, encores qu'il soit aussi bien que moy des-jà sur l'age , la raison ct l'affection qui abondent en luy ne laissent toutesfois d’estre encores si jeunes et si vigoureuses, qu'il eust toujours fort courageusement et sainctement manié Île bien ct l'honneur qu'elle Jluy eust faict, et le refus duquel en a degousté plusieurs, et ce d'autant plus qu'aux guerres qui ont precedé ceste-cy, le mesme bien-faict a esté concedé à d'autres auxquels il ne ceddera jamais. »

Ces choses par luy considerées avec les maux qui en pouvoient advenir et les grands affaires qu'il auroit sur les bras si tost que la prime-vere { seroit venue, il delibera depescher vers le roy, Gonnort son frere, pour luy donner advis qu'ayant Le Medequin failly l'entreprise de Parme, il renvoveroit en Piedmont la plus grand part des forces qui luy estoient desjà venues, et qu'il avoit retenues

, * Le printemps.

MÉMOIRES DE BOYVIN DU VILLARS

[1552] sur le fondement de l'entreprinse cy devant discourue. Il y avoit encores une autre occasion fort preignante qui conduisoit le mareschal à faire ceste depesche; c'estoit que Sa Majesté preparoit une grande armée pour aller en Allemagne, où la pluspart des princes estoient eslevés contre l'empereur , et que, y allant en personne, comme on tenoit qu'elle feroit, c'estoit chose assurée que pour fournir à ce voyage on espuiseroit tout le plus beau et le meilleur des forces et des finances de France , ne demeurant aux autres , et mesmes au Piedmont , que les hasards avec toute sorte de necessités. Il voyoit aussi que beaucoup de seigneurs , dames et autres ses amis , desquels il souloit estre supporté et favorisé près du roy, se mônstroient puis un temps assez refroidis en son endroict, selon l'ordinaire des amitiés de la cour, ès quelles ne se trouve quasi jamais tant de constance ou de solidité que l'absence ne l'afloiblisse à la parfin , au moins si elle n’est cultivée par continuelles visitations ou par dons et presens, desquelles deux parties le mareschal s'acquittoit assez mediocrement , tant estoit grande la confiance qu'il avoit en la gloire et en la fidelité de ses bons services. Toutesfois c'estoit ce qui le devoit rendre plus craintif et plus defiant, estant la nature si maligne et si imbecille, qu'elle nous fait presque ordinairement hair ceux à la vertu desquels nous ne pouvons attaindre, ores que nous les ayons auparavant cherement aimés et honorés.

Gonnort , premier que parür ; alla visiter toutes les places et frontieres , afin d'en pouvoir plus pertinemment parler et discourir à Sa Majesté, à l'endroict de laquelle luy et les amis par luy rafraischis et reconciliés travaillerent si bien, qu'elle laissa au mareschal dequoy couler le temps et la fortune ; louantinfiniement toutes ses actions , avec promesse de les couronner bien tost de quelque grande recompense , de laquelle toutesfois il n'eust autre marque que l'esperance , qui est la seule chose qui ne peut estre ostée aux miserables.

Le dix-neufviesme fevrier 1552, les vivres de Sainct-Damian commencerent fort à amoindrir , de maniere que , considerant le mareschal la proximité du printemps, et combien la recolte estoit encores esloignée, et que

ceste place estoit celle que l'ennemi iroit la premiere assaillir, il delibera de l’avictuailler. Toutesfois, se trouvant le plus foible , il craignoit que l'ennemi en ayant l'advis, ne se jettast en campagne pour l'empescher , ou, qu'ayant descouvert ceste necessité , il ne se hastast de l'assaillir. Estant combattu de ces diversités , il s’advisa d'un expedient assez subtil, et qui luy reussit à souhait : c'est qu'il m'envoya vers le sieur de Vassé, luy faire entendre que, pour parvenir plus seurement à faire cest avictuaillement, 1l estoit d'advis qu’il feignist d'estre malade , et qu'après il demandast congé de se retirer à Carmagnolles , et qu'à ces fins il luy envoyeroit sa lictiere et escorte pour le conduire ; que cependant il feroit faire amas de charrettes, tant à Quiers, Carignan, que Villeneufve, pour au bout de deux jours les luy envoyer toute la nuict, et faire charger douze cens sacs de farine qu'il avoit fait preparer en la maison des Maguins à Carmagnolles ; et qu'il feroit sortir de ces trois places deux cens chevaux et six cens arquebusiers qui l'iroient attendre à la sortie des bois de Cerisoles : qu'il donnast ordre que partie de ceux de Sainct- Damian vinssent au rencontre , et que l'autre allast au mesme temps courir vers Ast pour amuser l'ennemi ; et que Torquato Torto sortiroit aussi de La Cisterne, pour battre et descouvrir les chemins ; car il y avoit apparence que les choses conduites de ceste sorte, et avec tel silence et diligence , que les vivres seroient rendus à Sainct-Damian auparavant que l'ennemi fust adverty de la deliberation, ou eust loisir de l’interrompre.

Vassé , ayant trouvé ceste resolution fort bonne , ne fut paresseux à l’executer, marchant par le costé de Casal si couvertement, que la renommée mesme , qui veille tousjours avec cent œils , n’en peut jamais rien descouvrir qu'après le faict , qui rendit la place asseurée pour de là à un long temps.

Sur la fin de febvrier , les Suisses arriverent à Rivolles soubs huict enseignes commandées par le colonnel Fiolic , lequel avec quatre de ses capitaines vint à Thurin faire la reverence au mareschal, auquel il fit dire par le truchement Holster que eux et tous leurs compagnons ayoient receu à singulicre