LIVRE TROISIÈME

les chefs demeurerent prins et la plupart des soldats tués, hormis dix ou douze eschappés à ce cruel hasard. La salve des arquebusades fit soudain advancer Montbazin, et de main en main Bonnivet pour secourir les autres, et avec la valeur surmonter la trahison ; mais ils trouverent le trou des-jà à demi bouché, et soustenu d'une scopetcrie qui endommagea une partie des plus courageux soldats des nostres.

En ce mesme instant il sortit aussi de la ville trente ou quarante chevaux arquebusiers, pensans trouver les nostres en desordre ; mais ils furent si vivement repoussés, qu'ils recogneurent trop tard que le François se sçavoit preparer à toutes sortes de fortunes. En tel lieu que cestuy-là Laval et Chepy se devoient saisir et asseurer du moine, sous pretexte d'estre seurement conduicts par les tenebres de la ‘nuict : par ce moyen il eust esté contrainct jouer à bon escient, ou de souffrir le premier la mort où il conduisoit les autres. Mais en ces dangereuses actions la fureur des armes faict oublier aux plus sages ce à quoy ils devroient le plus penser, Fonnivet, se retirant en bon ordre, reprint le chemin de Carmagnolles, distante de dix mil de Cairas , et s'y rendit d'une sculle halenée, et de là le lendemain à Quiers, où estoit le mareschal, qui loua la valeur practiquée autant à l’execution qu'à la retraicte, avec intention de se ressentir bien-tost et de la trahison et de la perte aussi.

Au mesme instant, l'ennemi, qui portoit fort impatiemment le travail que Primel donnoit au Montferrat, print resolution de venir attaquer avec trois moyennes , et nous par le contraire de le secourir. Luy, nous voyant resolument preparés à ce faire, n'osa pour ce coup porter sa colere plus avant.

Sur le commencement d'avril 1552, le roy, à la suasion de je ne sçay quels mignons de cour , ordonna que les gouverneurs des villes n'auroient plus de compagnies de fanterie, et qu'elles seroient baillées à d'autres, d'autant, disoit Sa Majesté , que cela les empeschoit de reprimer les fausses monstres des capitaines tenans garnison en leur place, auxquels ils prestoient l'espaule à la ruyne de son service; et que par ainsi , estans pri-

vés de ceste charge , qui les obligeoit à couler les fautes, ils en deviendroient tous plus soigneux à contenir chacun en son devoir. La Motte Gondrin fut le premier qui en eut l'a- Jarme , et qui plus s'en offença aussi; et de faict il dépescha soudain le capitaine Monfa, son lieutenant, pour demander congé au cas que sa compagnie ne luy fust conservée ; disant qu'il aimoit mieux se retirer en sa maison que de demeurer attaché à commander à des murailles et à des gens qui le braveroient quand ils voudroient, n'ayant force sienne pour maintenir son auctorilé. Le mareschal , qui recogneut la consequence et de la chose et du personnage aussi, obünt du roy, et pour luy et pour les autres, que les choses demeureroient en l’estat qu'elles estoient lors, promettant de les veiller de si près que l'inconvenient presupposé n’adviendroit plus, ou au moins de l'affoiblir de telle sorte qu'il feroit peu de mal; jugeant, par une longue experience, qu'il est impossible, quand on auroit les mesmes yeux d'Argus, d'empescher qu'il n'y ait toujours parmy la guerre, mère nourrice de desordre, quelque chose qui aille de travers, et qu'il faut souvent malgré soy dissimuler. |

*: En ce mesme instant les ennemis donnerent quelque odeur d'avoir envie d'aller attaquer Sainct-Damian, conforme au dessein qu'ils en avoient precedemment eu. À quoy le mareschal ayant trouvé beaucoup d'apparence, il commanda soudain à Vassé, qui s'en estoit allé de son ‘gouvernement au marquisat de Salluces, de s'y en retourner , et de mener avec luy sa compagnie de gendarmerie et deux cens bons hommes de pied que il trouveroit passant dans Carmagnolles. Ce seigneur , qui estoit et vaillant et aflectionné, sans s'en enquerir plus avant, partit de Ja main et s'alla jecter dans Sainct-Damian.

‘ Le mareschal ayant eu nouvelles que tout estoit arrivé à bon port, et se ressouvenant que les flancs dudict Sainct-Damian estoient en quelques endroicts un peu trop descouverts, il luy envoya l'ingenieur Nicolo Bonnet, autant mal adroict aux démeslemens de la guerre qu'il estoit expert en son art : auquel il commanda de faire diligemment dresser dans les fossés force moincaux de quinze

MÉMOIRES DE BOYVIN DU VILLARS

[1552] en quinze pas et au rez de terre, avec un esventail audessus pour evaporer la fumée des arquebusades. Tout ainsi que les choses furent ordonnées elles furent executées par les uns et par les autres , et la place de toutes parts reduicte en si bon estat qu'il n'y avoit plus que craindre, si ce n’estoit que l'ennemy perdist courage d'y aller , pour n'y recevoir et honte et dommage , comme il fit depuis. Le pauvre ingenieur, vaillant du bec, y demeura engagé contre sa volonté. .

Vassé, en la main duquel jusques à lors estoit demeuré le gouvernement de Sainct Damian, supplia le mareschal d'en vouluir faire pourvoir le capitaine Briquemaut, avuquel il avoit trouvé tant de fidélité et de valeur , que c'estoit le moins qu'il luy pouvait souhaiter. Le mareschal en fit requeste a roy, la Majesté duquel l'accorda tout ausi tost. Sur le dixiesme avril, le mareschal eut nouvelles que le cardinal de Trente estoit arrivé à Milan avec la surintendance, de la part de l'empereur, de; tous les affaires d'Italie ; que le sieur domp Ferrand et tous les principaux ministres et gouverneurs l'estoient allés trouver , en intention de tenir une forme de diette sur la forme et démeslement de la guerre; qu'il avoit porté pouvoir pour vendre et engager le domaine et les gabelles de Milan', pour recouvrer argent , n'y ayant lors autre moyen d'en avoir que par ceste seule voye; car les Indes ne rapportoient pas par chascun an plus de deux millions d'or, quoy qu'aucuns ayent voulu dire au contraire. Le mareschal fut depuis adverty que ledict cardinal de Trente avoit bien esté nommé à ceste charge, mais que sa ve— nue estoit remise à une autre fois.

Pendant ces consultations , de l'issue desquelles on attendoit quelque grand effort , le mareschal envoya, par gentils-hommes exprès, recognoistre les garnisons et Les forces des places, avec commandement à chacun de travailler diligemment, et aux fortifications et à l’'amas de toutes sortes de vivres et four: rages , pour attendre un sicge de cinq à six mois, et sur tout de ne recevoir aucuns estrangers dans les bandes sans son congé, craignant Îles trahisons et les surprinses que ceste licence non reiglée apporte le plus sou-

où 0 or

Er DEP

vent aux peu soigneux et inconsiderés. En ces entrefaictes, ayant revoqué de Sainct- Damian pour venir à Villeneufve la compagnie de trois cens Suisses du capitaine Luy, reitter de Lucerne , il fut rencontré en la vallée de Belot , qui vient d’Ast au Piedmont, par le marquis de Malespine , avec deux cens chevaux : il jetta partie de l'arquebuserie sur les aisles du chemin bordé de fossés , les autres sur le devant et sur la queue, et tous les picquiers en un corps bien serré, par l'espace de deux lieues. Il fut souvent attaqué par teste, par flanc et par queue ; mais les compagnons se monstrerent si aspres et si resolus au combat, que jamais les ennemis ne les oserent enfoncer : et ainsi marchans et combattans ils gaignerent les bois de Sainct-Paul et Sobry. Ceste genereuse’et resolue retraicte fut fort louée par amis et par ennemis. Le jugement et; le resolu courage donnent souvent des victoires et des honneurs inesperés. É

} Il fut en ce temps adverty par un gentilhomme qu’il entretenoit dans Milan, qu'il y avoit peu de jours que le sieur de Sainct-Aubin, venant de Provence, y estoit arrivé, ayant passé par Nice, le gouverneur de laquelle luy avoit baïllé pour le conduire le sieur deTorrette , Nizard : qu'ilavoit longuement et par plusieurs fois conferé avec le sieur domp Ferrand. Mais Dieu, lequel, par sa prescience et immense bonté, a tousjours eu soin particulier de la France , permit qu’au mesme temps que Sainct-Aubin estoit encores à Milan, que le mareschal y envoya un de ses trompettes, nommé Francisque de Cotogno, qui avoit de longuement couru toute l'Italie et toute la France aussi. Cestuy-cy, solicitant sa dépesche , apperçut ledict sieur de Sainct-Aubin , qu’il cognoissoit de longue main , lequel luy fit signe qu'il luy vouloit parler à part. S'estans un peu escartés, il luy dit qu’il vouloit escrire au mareschal chose d'importance , et ‘qu’il le prioit de luy fidellement donner ses lettres, lesquelles il luy porteroit le lendemain luy-mesme en son lo gis, et ainsi ils se separerent. Le trompette, rusé pour homme de son mestier , demeura sur la sienne, et, de là deux à jours s’en voulant retourner , il fut chargé par Sainct-