LIVRE TROISIÈME

grace et faveur d'avoir esté appellés au service du roy, mais plus encor de ce que c'estoit sous un general de telle vertu et reputation qu'il estoit, et grandement amateur de leur nation, laquelle il ne trouveroit moins affectionnée ou deliberée à toutes sortes de factions que les François mesmes ; et que, à ceste intention , ils le supplioient , au nom de tous leurs compagnons , leur vouloir donner bien tost en main tant dequoy faire preuve de leur affection et bonne volonté , que aussi pour se ressentir de l'ancienne injure qu'ils receurent au Montdevis , par le marquis du Guast.

Ceste injure est telle : Il y avoit aux guerres precedentes dans ceste place douze cens Suisses pour le roy , avec quelques François et Italiens , lesquels , ne pouvans plus tenir, se rendirent à bagues sauves , sur la foy de ce marquis; lequel, oubliant ce qui est le plus recommandable parmy les hommes d'honneur , à scavoir l'observation de la foy et des promesses, fit massacrer par les chemins la pluspart de ces trouppes ; de laquelle impieté ceste nation a tousjours gardé vindicative memoire. Le mareschal , desirant leur faire cognnistre combien ceste disposition luy estoit agreable , tendant la main au colonnel et aux capitaines en signe d'amitié , leur respondit par le mesme trucheman, que leur nation avoit tousjours monstré tant de valeur et de fidelité au service de la couronne, en toutes les guerres precedentes à la pluspart desquelles il s’estoit trouvé , qu il n'eust sceu recevoir de Ja main du roy plus de grâce que de luy donner pour compagnons et coadjuteurs de ceste guerre une si belle et bonne compagnie qu'estoit la leur, laquelle , et en general et en particulier , le trouveroit tousjours prest à les gratifier de ce qui seroit jamais en sa puissance.

Après que la monstre fut faicte à Rivolles, ils furent departis par les garnisons , attendant l’occasion propre pour servir.

Sur le commencement de mars 4552, le vicomte Gourdon, gouverneur de Saviglan , donna advis au mareschal qu'il avoit descouvert une entreprinse qu'avoit La Trinité, gouverneur de Foussan , sur ledict Saviglan , par le moyen de deux soldats, l'un nommé Alfonse, et l'autre Michel Crasto ; lesquels il

vouloit faire pendre , suppliant y envoyer son prevost pour estre chastiés ; ce qu'ils furent peu de jours après , selon leur pertidie.

, Le sieur de La Nouvalaise, de la maison des Provanes, fort illustre et grande partisane du duc de Savoye , voyant les affaires de son maistre en fort mauvais estat , et les esperances de ressource fort foibles , supplia le mareschal à ce qu'il luy fust permis de retourner en sa maison et jouir de ses biens, en faisant toutesfois au preallable serment de fidelité au roy. Il y fut receu , et plusieurs autres gentilshommes aussi ses parens , afin que , par ce courtôis exemple , tous les autres gentilshommes fussent doucement invités à embrasser la gracieuse domination françoise, comme ils firent depuis.

; Le mesme jour, La Motte Gondrin donna advis qu'il avoit prins ua espion à deux mil de Villeneufve, envoyé par domp Ferrand pour recognoistre si la cavallerie françoise et les vicilles bandes du colonnel de Chasuillon retuurnoient en France ; comme le bruit couroit, d'autant que son intention estoit, cela succedant ainsi, d'aller assaillir Sainct-Damian , qu'il esperoit aisement emporter. Sur cest advis, toutes les places faisans frontiere de ce costé là, et sur tout Sainct-Damian, furentrenforcées d'hommes et de toutes autres choses necessaires peur attendre un siege.

Le troisiesme jour de mars, Gordes , gouverneur du Montdevis, qui s'estoit emparé de La Marsaglia, bourgade des Langues, assez commode pour travailler l'ennemi , donna advis au mareschal que les Espagnols deliberoient de la reprendre, parce que principalement elle empeschoit les contributions qu'ils souloient lever au pais ; et que si c'estoit son plaisir de luy envoyer quelque renfort, qu'il les en empescheroit, et peut estre bien leur donneroit fort sur les duivts. Soudain le mareschal, approuvant son intention ; fit diligemment marcher quelques trouppes ; dont avant l'Espagnol eu le vent, il fit sa retraite, mais ce ne fut sans recevoir perte de quelque fanterie qui s'estoit advancée à ravager , et .qui fut rencontrée par le capitaine Laval, lieutenant de Gordes, l'un des gracieux et -Yaillans gentils-hommes qui fust de long-temps sorty de Provence.

MÉMOIRES DE BOYVIN DU VILLARS

Cependant Brissac , estant tousjours au guet pour travailler les ennemis, depescha Bonnivet avec toutes les troupes qu'il avoit preparées , pour aller prendre et forüfñer Primel, lequel il fortifia de sorte qu'il porta despus grande nuisance au Montferrat. De la mesme course il alla aussi prendre Polens et Saincte Victoire, proches de Cairas , et fort propres à le tenir à demy assiegé.

En ce mesme temps , 22 janvier , al y avoi un moine renié à Cairas , portant les armes, lequel print intelligence avec le mareschal, luy promettant de le mettre dans la ville par un trou qui estoit en la muraille , bousché de terre seulement ; disant aussi qu'il avoitmoves de tirer à sa cordelle une vingtaine de ses amis fort determinés, qui luy aideroient à couper la gorge aux sentinelles proches dudict trou, pendant qu'il l'iroit ouvrir pou introduire les nostres dedans au jour qui seroit accordé. Ce galand se servit de l'entremise de Montbazin , capitaine des gardes du màreschal , et fort aimé de luy. Tant y a que ce diable de moyne defroqué sceut si bien prendre nos escus et manier Monthazin , que l'entreprinse fust resolue. Mais parce que le ma reschal estoit fort dur à croire en tels affaires sans preuve evidente , il fit dire au moyne qu'il ne s'en pouvoit resoudre à son contentement, si auparavant il n introduisoit dedans la place un dessiens qu'il depescheroit à poinct nommé pour recognoistre la facilité ou impossibilité des choses. Le moine, monacalement couvert et desguisé , et qui jouoit au jeu double, dit au mareschal qu'il en estoit content, et print jour au 20 mars; dont ayant donné advis au gouverneur de Cairas, et que celuy que l'ennemi devoit envoyer arriveroit sur L minuict , il donna ‘ordre que le trou fust mn peu entre-ouvert, pour malaisément y passer toutesfois , et qu'il ne se trouvast aucun le long du dedans de la muraille , faisant garde ou sentinelle par l'espace d'une heure.

Le capitaine La Combe, qui commandot au chasteau de Sommerive, y fut envoyé; il entra dedans et en sortit, n'ayant parmy les tenebres de la nuict rien trouvé qu'à souhait, rapportant de la part du moine qu'il falloit necessairement donner le feu à la piece le 25 du mois sur la minuict. Soudain qu'il fut

115921 party de Cairas, le gouverneur ‘fit diligemment relever toutes les tranchées du dedans de la ville, à vingt pas de chascun costé du trou, laissant une seule entrée sur les costés, laquelle conduisoit au dedans desdictes tranchées, qu'il fit fort bien flanquer, et jecter de tous costés forces trames et carbonnades.

Le jour accordé approchant, le mareschal depescha Bonnivet avec mil hommes choisis et qaatre cens chevaux, luy commandant de faire un gros de deux cens chevaux assistés de deux cens arquebusiers, pour soustenir en toute sorte d'evenement, et de jeter le reste de la cavalerie sur les advenues pour se garder de surprinse, et de tenir prests quatre cens hommes en deux troupes, pour S'entre-soustenir l’une l’autre, et la premiere aussi, s’il advenoit qu'elle fust repoussée, et du reste en faire son gros pour le soustenement et conservation du total.

. Le signal qui devoit estre donné au moine sur l'arrivée et reception des nostres estoit de quatre fusées qui seroient jectées en l'air et au loing, et qu'au mesme instant Chepy et Laval, avec leurs troupes, seroient receus par luy, qui sc rendroit au trou , qu'il auroit plus eslargy qu'il n'estoit lors que La Combe y entra. Soudain que le moine veit le signal, il se presente, et faict entrer Chepy et Laval avec la moitié de’leur trouppe seulement, Montbazin s'estant reservé l'autre, disant que, selon que ceux-cy trouveroient, qu'il s'advanceroit ou les recueilleroit. Cest acte fit entrer le moine en quelque crainte qu'il fust descouvert, et par ainsi, hastant sa trahison, il dict à ces deux seigneurs : « Donnons par ceste entrée, qui nous conduira au corps de garde que nous deffcrons. »

Ces deux capitaines, qui brusloient d'ardeur de bien faire, entrent avec soixante des Jeurs; mais soudain qu'ils se furent advancés dix ou douze pas, ils descouvrirent force mesches du costé de la tranchée et aussy de celuy d'une tour où estoit le corps de garde, et la dessus se tournans pour demander au moine que c'estoit , ils ne le virent plus. Lors, se voulans advancer , ils se trouverent enveloppés de tous costés parmy Îles flammes , et Salués de tant et tant d'arquebusades, que, quelque valeur qu'ils sceussent monstrer,