LIVRE TROISIÈME

toët ainsi qu'un mal-heur n'arrive jamais gueres Sans l’autre, comme on dict, il advint qu'ayant le Siennois oublié ses gands dans le fossé et un trousseau de cordes, que la sentinelle, sur Fheñre de Mmidy, veit dans le

sieur domp Ferrand, il ordonna qu'ils fus- : sent serrés dans le chasteau.

Ainsi qu'on les ÿ Conduisoit , Salveson ne fust pas plustost sur

le pont, que, regardant la place, il dict qu'il n'y avoit pas long-temps qu’il ne pensoit pas | Y entrer, comme il faisoit, par la porte. Un

Espagnol de ceux qui faisoient la garde , et qui entendoit un peu la langue françoise, l'alla soudain rapporter au gouverneur, et luy à domp Ferrand , lequel deputa soudain le capitaine de justice pour les examiner, et tirer, par tourmens ou autrement, la vérité de ceste parole.

Salveson et ses compagnons, se VOyans reduicts à ceste extremité par la coulpe de leur propre langue , sentirent double tourment et double misere; et, comme confus et fort esperdus en eux-mesmes, ils confesserent tout au long le discours de l'entreprinse.Quoy faict, le capitaine de justice les confronta au Sien-nois , lequel confessa soudain le tout sans torture. Son cousin Horace se sauva, et luy fut condamné à estre tiré à quatre chevaux, et peu après ainsi executé en la presence dudict Salveson, lequel, par l'ordonnance de l'empereur, fut depuis delivré comme François et comme soldat de fortune, qui avoit monstré du cœur et de l'affection au service de son maistre, auquel il devoit tout cela , Sans ac- Ception de personne. Si Salveson eust esté lors autant retenu qu'il fut depuis en beaucoup de bonnes entreprinses qui luy furent commises par le mareschal, les choses fussent encores demeurées en surseance jusques à une autre occasion , laquelle on eust mieux digerée et mesnagée que n'avoit esté l'autre; car, à la verité, il n°y avoit rien de plus réussible qu'estoit ceste entreprise à une autre fois, si les nostres mesmes n'eussent trop causé , et dont le regret les rend excusables. On ne se repent jamais de se taire, ouy bien de trop parler. Et encores qu'il y ait de la faute de la part du Malvoisin premierement, et puis de Salveson, si est-ce qu'ils sont aucunement excusables , d'autant que le sinistre succès d’un si grand affaire et d'une

Si haute esperance qu'estoit la leur » avoit

tiré leur ame hors de jugement et de 11 con— venable assiette en laquelle le sage et le con-

| Stant demeure tousjours, quoy qu'il sur-

cpl

vienne. Et de faict, estant veneu trouver le mareschal , il ne laissa de louer son courage et sa diligence, le priant se souvenir que ne faillir jamais estoit chose qui surpassoit la fragilité humaine, mais que se servir des fautes passées pour la conduicte et precaution de l'advenir , estoit ce qui appartenoit au sage et au courageux soldat, tel que se monstra depuis , en plusieurs bons aflaires , ledict Salveson , et auxquels il fut depuis diversement employé, tant pour sa valeur et dexterité au faict des armes, que pour la prudence qui l'accompagna par après en toutes sortes d'affaires.

Le roy fut incontinent adverty de tout ce miserable succès par Plancy ; et encores que Sa Majesté eust un extreme desplaisir d'avoir failly une entreprinse si bien conduicte et de telle importance qu'estoit ceste là , si ne laissa elle de grandement louer et mesmes consoler le mareschal, Ludovic de Birague, Salveson, et les autres , qui se sauverent presque tous. Entre autres il y eut quatre soldats gascons,

nommés Lombrail, Caldagnes, Calverat et Girard de Riarville , lesquels, ayans prins le

chemin de Gennes, et de là à Sainct Reme,

cuiderent mourir de faim, sans un secours

qu'ils trouverent eux-mesmes en eux-mesmes : c'est que Lombrail s'epluchant au so-

leil et maniant ses chausses, il trouva trois escus cachés en sa brayelte, où il les avoit mis en jouant il y avoit long-temps sans s'en

souvenir. Ce secours inesperé les aida à gagner le Mondevis; remarquans par là qu'un acte de folie secouroit un acte valeureux, tel qu'estoit celuy de ce voyage. :

Le vingt-sixiesme de mars, Bonnivet, qui esloit retourné de Cairas et s’estoit rendu à Quiers, donna advis au mareschal que les Espagnols estoient sortis de Tonc et de Monteil et une autre grosse trouppe d'Ast, et faisoient courir le bruict que c’estoit pour aller saccager Butigleres, Chastelnau et autres villages qui refusoient de leur payer conuibutions : ruminant toutesfois le temps et les affaires , il jugea qu'il ne faloit pas tant de forces pour faire ceste legere execution , ains au contraire que c'estoit pour donner quelque escalade à Villeneufve d'Ast. Tout soudain il en d:nna advis et au marcschal et à La

MÉMOIRES DE BOYVIN DU VILLARS

Motte Gondrin, qui en estoit gouverneur, mandant à cestuy-ci de se tenir prest, comme aussi feroit-il de son costé, pour aller trouver l'ennemi s'il marchoit à luy, dont il luy pouvoit donner advis par deux vollées de canon.

Le mareschal manda à Bonnivet qu'il avoit très-bien advisé, et que luy-mesme le suivroit avec force suflisante. A la verité l'ennemi avoit dressé practique dans Villeneufve avec deux Italiens qui avoient promis leur donner entrée lors qu'ils seroient en sentinelle; mais c'estoit à jeu double; car ils en avoient donné advis à La Motte Gondrin, lequel leur avoit commandé d'entretenir la practique jusqu'à tant qu'il leur eust fait apprester une carbonnade de fort mauvaise digestion s'ils y fussent venus, ce qu'ils ne firent pas. Estant sorty de la ville quelqu'un qui leur donna advis du banquet qu'on leur avoit preparé , ils tinrent bride en main et se retirerent, comme aussi firent les nostres. La Motte Gondrin, qui pensoit avoir fait un beau chefd'œuvre , s’en vint trouver le mareschal , et luy raconta toute l'histoire, estimant d’en devoir estre loué et chery ; mais l'autre, au lieu de ce faire, le reprint fort aigrement, et jusqu'à le menacer de prison, pour avoir esté si hardy que d'entreprendre un jeu si dangereux sans le luy communiquer , et dont la perte de la place s'en pouvoit ensuivre , quelque carbonnade , maigre ou grasse , qu'il eust dressée ; qu'il se devoit souvenir qu'il ne fut

jamais seur de laisser entrer l'ennemi dans sa

place , à cause qu’il pouvoit advenir tel in Convenient ou telle espouvantement de Ja part des nostres, que la ville auroit esté emportée. :

La ce mesme temps le capitaine Tavernier, de Bony sur Loyre, et lieutenant de la compagnie de Briquemaut , gouverneur de Sainct Damian , allant à la guerre avec douze cellades et cinquante arquebusiers à cheval, rencontra, Sans y penser , six-vingts, que chevaux legers, que arquebusiers à cheval, au moulin de Cervieres, sur le chemin de Cairas, commandés par le capitaine Andriot, lieutenant de Cesar de Naples, maistre de camp des Espagnols. Tavernier, ores qu'il

n'eust qu'un bon œil, les descouvrit soudain,

et soudain aussi commanda-il aux siens de le suivre et donner dedans; ce qu'ils firent avec contenance si asseurée , que les autres furent tous ou tués ou faits prisonniers, et entre autres ledict capitaine Andriot, qui cuida forcener , lors qu'il veit qu'un si petit nombre qu'estoit celuy des nostres l'avoit emporté.

Tavernier, qui s’y porta fort vaillamment, eut son cheval tué et trois grands coups de halebarde que le corps de cuirasse soustint, et un sergent blessé et deux soldats de morts. De ceste mesme course, ayant La Motte Gondrin advis qu’au village de Lesset, à trente mils de là , au païs de Langues et au delà du Tanare , il y avoit cinquante chevaux legers qui se rafraischissoïent à leur aise sous l’asseurance de la riviere qui les couvroit ; il dépescha le sieur de Monfa, son lieutenant, lequel par la conduicte de bonnes guides passa la riviere, et attrapa les compagnons encores la pluspart au dortouer , et par ainsi ils furent tous tués, prins Ou devalisés à main sauve.

, Au mesme temps Vassé fit entendre au mareschal qu’il y avoit dans Costiglioles d’Astisane deux cens chevaux legers qui s'y rafraischissoient , et que la place estoit telle, qu'elle pouvoit bien endurer cinq ou six cens vollées de canon, et avoit de fort hautes murailles assises sur un roc eslevé, qui estoit cause que ceux-cy, s'estimans hors l'injure de l'escalade , ne faisoient gueres bon guet ; que le capitaine Jacques Murator, plus advisé au dedans de l'ame qu'en la contenance pi aux paroles, avoit recogneu qu'ils pouvoient estre emportés avec une grande eschelle soustenue de trois potences ou arcboutans emboittés dans le gros de l’eschelle, de laquelle ils tomboient en l'appuyant , et qu'il avoit luy-mesme recogneu souvent et de si près le roc et les murailles, qu'il entreprendroit de monter le premier. Le mareschal, qui ne vouloit jamais hasarder que bien à poinct, fit venir vers luy ledict Murator, duquel ayant prins langue, il trouva l'entreprinse faisable : par ainsi il le renvoya vers Vassé, luy commandant marcher si fort et si resolu à ceste entreprinse , que l'honneur de la victoire luy en demeurast. La partie fut arrestée à la minuict, auquel temps ils se