LIVRE TROISIÈME

“rendirent au pied du roc, bien armés et en-

cor mieux deliberés: ils dressent leurs eschelles , et montent par'un recoing où la sentinelle ne pouvoit bonnement voir ; les voilà arrivés sur la muraille sans empeschement quelconque, et sans aucune resistance au dedans , tant la hauteur de la muraille avoit apporté d'asseurance à domp Alonse Pimentel, qui commandoit à ces troupes. Soudain les nostres commencent à enfoncer les logis et à crier France! aucuns se mirent en defence, qui furent aussitost depeschés, de maniere que ke chef et son lieutenant Pedre de La Vera, et la trouppe aussi, furent tous prins à main sauve, sans perte aucun des nostres.

L'on y trouva environ six vinôts beaux chevaux d'Espagne.

Ceste faction, et le mal-heur que ceux-cy coururent, servira d'instruction à ceux qui suivent les armes, afin qu'en quelque lien foible ou advantageux qu'ils soient, en pais d'ami ou d'ennemi, ils facent tousjours faire la mesme soisneuse garde que si l'armée ennemie estoit à la porte, quand mesme ce ne seroit que pour tenir les trouppes en disposition et en courage.

Sur ceste fascheuse nouvelle, les lansquenets qui estoient en Ast au nombre de deux mil se mutinerent pour n'avoir eu payement depuis trois mois, estimans que cest inconvenient apporteroit quelque remede au leur.

Le faict passa si avant, que, si tout soudain domp Francisque d'Est et les autres chefs ne leur eussent baillé leur vaisselle d'argent , ils eussent saccagé ou vendu la ville. Nostre malheur voulut que le mareschal n'en sceust rien qu'après la chose appaisée. S'il l'eust sceu de bonne-heure , il eust heureusement mesnagé ceste occasion à l'avancement des affaires du roy ; car si jamais 1l y eut capitaine ou general d'armée qui sceust faire son profict des fautes et des miseres d’autruy, celuy-là le sçavoit sur tous autres, et sans en faire tou tesfois l’empesché ni le suflisant, comme d'autres font souvent. | . Ayant regret à la longue detention du baron de Chepy et du capitaine Laval, prins dans Cairas, il commanda à Briquemaut de delivrer domp Alonse Pimentel s’il se vouloit charger de faire delivrer l’un ou l’autre des

nostres. La chose fut en fin tellement demenée, que ledict de Chepy fut renvoyé en eschange de l'autre, et Laval pour Pedre de Vera, lieutenant de Pimentel.

* Sur la fin de mars, La Motte Gondrin ne pouvant supporter qu'un petit fort des ennemis nommé La Piova, alterast le cours des contributions qui aidoient le secours de sa garnison , il resolust de le surprendre; et, ‘à ces fins, dépescha le capitaine La Garrigue avec six-vingts hommes armés de deux eschelles , leur commandant d'y donner l'escallade par un endroit que Bolongne, le meilleur de ses guides, bon et advisé soldat, avoit recogneu. Ils partirent à telle heure , que sur le poinct du jour , ayant jetté cinq ou six bommes sur l'advenue d'Ast, d'où secours pouvoit venir , ils donnent dedans et emportent le fort, dans lequel il y avoit quatre vingts soldats ; les vingt furent tués et le reste se sauva dans une grosse tour où donjon où ils ne pouvoient estre forcés sans feu ou artillerie. Ceste-cy leur deflailloit, n'estant pas lors inventé le diabolique petard ; quant au feu, ils n’avoient loisir de s'en prevaloir, parce que ceux qu'ils avoient mis au guct descouvrirent en la vallée une trouppe de cavalerie qui marchoit de ce costé là. La Garrigue, vou- Jant jouer au plus seur, sonna victorieuse retraicte avec son butin, et sans rien perdre.

Quelques jours après, les ennemis firent assembler dix ou douze enseignes à d'Oglany, terre du marquisat de Saluces, et tout en un tempstirer d'Alexandrie quatre canons et deux Couleuvrines, faisant courir le bruit qu'ils vouloient aller assaillir Ormée , qui confine aux montagnes de Gennes, et qui tenoit le party du roy, et le passage ouvert de ce costé là pour traverser à Parme. Le mareschal soudain y pourveut de forces suffisantes pour la deffendre ; mais l'ennemi, qui avoit intention de garpir Foussan et Cairas , et non pas d’assaillir Ormée , y envoya ces six pieces sous la conduitte de ces douze enseignes , qui s’en retournerent soudain aux garnisons. Leur diligence et leur dexterité prevint à ce coup celle du mareschal. In'est pas marchant qui tousjours gaigne.

Le roy, qui avoit (comme il a esté dict au precedent traicté } descouvert toutes les menées et les desscins que l'empereur bastissoit

MÉMOIRES DE BOYVIN DU VILLARS

à laruyne de la France, de l'Allemagne et de toute l'Italie , avoit esté adverty que la composition que le duc Maurice avoit accordée , au bout d'un siege de trois ans, à la ville de Megdebourg , protestante, et à condition de la liberté de religion, avoit ainsi esté faicte pour bastir quelque inconvenient qui peust induire l'empereur à la delivrance promise dulant-prave et du duc de Saxe, que toutesfois il ne vouloit executer. Le roy mania avec telle prudence et dexterité le dac Maurice et tous Îles autres princes d’Allemagne, qu’il leur fit toucher au doigt et à J'œf que leur liberté s'en alloit asservie sous le cruel joug de l'empereur , qui avoit fait convoquer le concile à Trente à ceste mesme intention, se servant des armes spirituelles et temporelles tout ensemble. Surquoy il fust arresté et convenu entre-eux et Sa Majesté qu'elle les iroit secourir avec une armée portant titre de protectrice de la liberté germanique. Le mareschal , ayant par plusieurs fois ruminé les consequences de ce voyage , manda au roy qu'en choses si incertaines et si douteuses qu'estoient celles qu'il entreprenoit lors, äl s’en faloit tout à loisir bien consulter, et plus d'une fois mesmes, en remarquant qu'il auroit à faire à des princes de foi douteuse et volage ; et qu'il craignoit d'ailleurs qu'en pensant aller soulager et secourir autruy, elle ne donnast le champ trop libre à l'empereur, où pour les faire tomber tous d'accord à la ruse d'elle , ou bien!le moyen de l'envelopper par-

my tant et tantd'autres dangers et necessités,

que la France et le Piedment courussent quel. que dangereuse perte, et dont la resource seroit puis mal-aisée , l'armée de Sa Majesté ayant couru le moindre des naufrages où vo- Jontairement elle s'embarquot ; la sappliant à ce propos considerer qu'il valo mieux eoeriger le desir qu'elle avoit de venger autruy, et, en dextrement couvrant la necessité des affaires, essayer (par l'embarrassement et par le peril des Allemands) de avoir ka paix avec l’empereur et pour elle et pour les astres aussi. Mais le malheur de la France vou- Jut que cessalutaires conseils furent mesprisés, et duquel mespris plusieurs disgraces succederent depuis. Et par ainsi, les choses estant ainsi arrestées , les princes d'Allemagne , en

la confiance du secours du roy, leverent les armes contre l'attente de l'empereur , etavec telle diligence qu'ils surprindrent aucunes places qu'il tenoit, poursuivant leur poincte si asprement qu'ils le firent desloger d’Ispruch environ la minuict, et aux flambeaux , pour se retirer à Willac, terre du roy des Romains, assise sur la Drave. L'empereur, qui sçavoit que la colere des Allemans s'escouloit parmi les bonnes cheres , les apasta et appaisa par diverses promesses : de maniere que, sans en rien communiquer au roy, ils s’accorderent,, et puis le luy envoyerent dire par aucuns de leurs ambassadeurs, remercians Sa Majesté de ce qu'elle avoit fait pour eux , la supplians ne passer plus outre; luy aprenans par là à ne recevoir doresnavant aucun en sa protection sans bons ostages ou gage de bonnes places, comme il sera cy apres reprins et discouru.

Le vingt-neuviesme mars, le mareschal fut adverty que l’empereur, ayant quelque odeur de l'intention du roy sur le voyage d'Allemagne, manda au sieur domp Ferrand qu'il ne pouvoit, pour ceste année, contribuer plus grandes forces que celles qu'il avoit, avec lesquelles il luy commandoit de si bien pourvoir aux affaires de Parme et de Piedmont , qu'il n’en advinst aucun inconvenient. Ces deux grands princes estoient touchés de mesme crainte et de mesme precaution.

Par accident je toucheray un mot des factions de ceux de la Mirandole.

‘ Sur Ja fin de mars, le sieur de La Rochepozay, fort brave gentil-homme , dressa une compagnie de fanterie italienne de deux cens hommes dans les terres’ des Venitiens, avec laquelle il entra dans la Mirandole , nonobstaut que les ennemis eussent faict huict grands forts ès environs ‘et cinq autres petits, sans les doubles tranchées. Les ennemis en eurent telle honte et tel despit, à ce que manda le sieur de Fourquevaux, qu'ils firent pendre quatre ou cinq pauvres soldats qui ne se peurent assez tost avancer vers la ville. Cela donna occasionau comte de la Mirandole d'en prendre la revanche, non seulement sur ceux qu'il tenoit prisonniers, mais sur tous ceux qui furent depuis attrapés. Ainsi que ceste nouyelle trouppe approchoit de la ville , et qu'il