LIVRE TROISIÈME

piedmantois, capitaine de cent chevaux legers, de donner dedans sans le commandement du mareschal et premier qu'avoir recogneu , et entre autres le capitaine Lichaux , Basque, qui soulait commander dans Ravel ; tous les quels y furent mal traictés, mesmesluy qui y mourut d'une arquebusade , et encares ung douzaine de bons soldats : ce fut grand dommage pour la valeur qui estoit en luy. Le mareschal , au cry de cest inconvenient et dp celuy qui en avoit esté cause , courut vers la bresche , dans laquelle le feu estant presque esteinct il fit donner; elle fut emportée du premier coup, les soldats espagnols tués, et les deux capitaines prins à main sauve. Soudain le mareschal commanda que le Palvoisin fust pendu pour la perfidie practiquée par luy contre la foy donnée au 'mareschal lors qu'à fut faict prisonnier au combat des Ongres, comme vous avez veu cy-dessus : mais, le menant au supplice , par une rage il donna de la teste sur une picrre où il se tua, perdant l'ame pour sauver le corps , qui fut neantmoins attaché au gibet. De mesme course Versol et Salluces furent rendus à bagues sauves par capitulation.

Ces choses ainsi executées , le mareschal l'armée retournerent à Carmagnolles, d'où fut depesché le president Birague avec deux mil hommes de pied et quatre canons peur aller battre Cardé , dans lequel s'estoïent fourrés quatre cens tant de bannis qu'autres gens ramassés, qui faisoient mille maux. Les forces arrivans devant , ils vindrent fort bravement à l’escarmouche ; mais estans rembarrés , on donna ordre à planter l'artillerie, laquelle tira plus de six à sept cens vollées devant qu'elle peust faire bresche raisonnable. Le president, voyant l'obstination de ceux de dedans, fit donner l'assaut , qui fut si bravement et rudement soustenu , qu aucuns capi taines des nostres commençoient à s’en laschement retirer, lesquels rencontrés par ledict president tenant une halebarde , il les print par le poing , et leur monstrant la bresche, « C'est là, dit-il, où il faut entrer avec honneur plustost que s'enfuir avec deshonneur. à Ils en eurent tant de honte qu'ils tournerent soudain teste vers la bresche , qui fut tout aussitost forcée et tout tué sans remission. Eg

faisant ceste execution, un soldat prenant de la poudre mit le fea aux munitions, ce qui gasta et luy et une vingtaine d'autres, et le chasteau aussi qui fut tout bruslé ; ceste maisonappartenoit au gendre du comte de Tende, le dernier de la legitime race des marquis de Salluces.

+ La promptitude de ces heureuses executions donna matiere à domp Ferrand d'entreprendre de tourner teste vers Carmagnolles, et forcer la ville et les tranchées; mais le mareschal, en ayanteu le vent, s'y rejetta tout soudain, comme il faisoit à tous les coups que l'ennemi monstroit ses armes et qu'il n'estoit pas le plus fort.

: Delà à quelques jours, les Imperiaux, n'ayans le courage de rien entreprendre sur ‘nous , departirent leurs forces par les garnisons. Quoy entendu par le mareschal, il delibera d'assaillir la ville de Busque , laquelle infestoit tout le Piedmont et le marquisat de Salluces par courses, voleries et contributions. Mais pour autant que la place estoit assez bonne et qu'il y avoit dedans de cinq à six cens hommes, commandés par le capitaine Scarnafix, creature de La Trinité, il jugea qu'il la faloit emporter auparavant que l'ennemi vinst au secours , et que pour ce faire il falloit mener une si grand bande d'artillerie, qu'on eust ‘en sept ou huict heures fait telle bresche qu'on peust aisément aller à l'assaut. Par ainsi il fit assembler à Carmagnolles quinze canons et trois coulevrines avec leurs munitions et tout l'equipage necessaire pour la conduitte ; il commanda aussi au mesme temps qu'on fist cuire soixante dix mil pains en divers lieux, afin que rien ne defaillist pour heureusement executer l'entreprinse. Les choses ainsi ordonnées , le mareschal partit dudict Carmagnolles avec ‘quatre mil François, trois mil Suisses, douze cens Italiens et quinze cens chevaux, partie desquels il envoya devant avec un arquebusier en crouppe, pour sur l'annuictement aller serrer ledict Busque, et empescher que rien n'en peust sortir ou y entrer. Luy cependant marchoit plus lentement à cause de l'artillerie qu’il ne vouloit abandonner.

Le lendemain nous arrivasmes devant la place sur les neuf ou dix heures du matin ;

MÉMOIRES DE BOYYIN DU VILLARS

(1552] et lors on commença à faire les tranchées el approches pour mettre l'artillerie en batterie. Le mareschal, recognoissant luy -mesme la place, trouva à dix pas du bord du fossé une mestairie toute pleine de paille et de fourrage. vers laquelle il fit commander par les reg mens qu'à peine de la vie nul ne fust si os d'approcher ou d'y aller rien prendre ; avar projetté en luy-mesme de s'en servir Ja nuit saivante pour planter l'artillerie, et faire bat terie au clair du feu que feroit ceste granç: enflammée , qui regardoit l'endroit où il vo loit battre. Si tost que la nuict fust venue k feu y estant mis, les choses reussirent comme il avoit pensé; car la clarté fut si grande qu'on vovoit la courtine et les flancs deh ville comme de jour, et ceux de dedans x contraire ne pouvoicnt rien voir de ce qui & faisoit dehors. Soudain l'artillerie commen:

à jouer, laquelle ft tel exploict toute la nuict. qu'environ le jour il y avoit cinquante pas de bresche. Les François et les Italiens se preparans pour aller à l'assaut , le colonnel des Suisses Fiolic vint trouver le mareschal aux tranchées , auquel il se plaignit de n'avoir eu commandement d'aller à l'assaut comme les autres, comme si on l'estimoit plus bas de force , de courage et d'affection que les François, auxquels toutefois il ne cedoit; que c'estoit chose qu'il ne pouvoit endurer, et qu'il supplioit que l'assaut fust mi-party entre luy et les François, afin que le courage etla valeur des uns et des autres fust visiblement recogneue. Le mareschal, luy tendant lors la main avec une joyeuse contenance, Juy respondit : « Je n'ay jamais douté, monsieur le colonnel, ny de la vertu ny de l'affection, soit de vous ou de vostre nation, sur la force de laquelle ceste armée est à demi appuyée; mais je voulois la reserver pour un jour de bataille, ou pour quelque autre plus signale exploit que cestuy-cy : approchons-nous da fossé, ct recognoissons comment nous devrons ordonner l'assaut, et je vous donneray lieu si honnorable que vous demeurerez:content. »

Ainsi qu'il parloit encores, la ville donna la chamade et demanda à parlementer. Soudain le mareschal envoya un trompette pour sçavoir ce qu'ils demandoient ; ils firent responce que s’il plaisoit au mareschal leur faire com-

position honorable, qu'ils luÿ remettroient la

+ ec rail hs. ENS et À AIT,

place. Le capitaine Loup, et moy avec luy, fusmes envoyés ; et après avoir bien debattu il fut accordé qu'ils sortiroient bagues sauves, l'artillerie et munitions demeurans au roy.

* Le mareschal qui estoit tousjours en doute

des ennemis, fit soudain tourner teste à l'ar-

tillerie sous l'escorte de cinq cens chevaux et douze cens Suisses, qui la conduisirent en sauveté dans Carmagnolles.

: Le gouvernement de la place fut donné au sieur de Ja Molle, ancien et valeureux capitaine , et luy furent laissés haïct cens François et deux cens Suisses ; tous lesquels avec les pionniers travaillerent si bien à rempaver les bresches, qu'elle pouvoit tenir contre une mediocre armée. Pendant ces executions Île Vistarin s'empara de Cameran, dont il fit un fort qui gourmandoit tout le Montferrat qui nous souloit contribuer.

Soudain que la place de Busque fust prinse, le sieur de Rossane, qui avoit un fort beau chasteau à une lieue de là, vint de gayeté de

cœur trouver le mareschal , le suppliant de le

recevoir pour serviteur du roy, sous certaines honnestes compositions qui luy furent accordées.

Le sieur domp Ferrand, lequel à ceste nouvelle diligentoit le secours, entendit presque aussi tost la prinse de la place que le siege ; à la verité qui n’y eust mené que cinq ou six canons, nous en avions pour quinze jours. Voylà pourquoy j'ay remarqué qu'il n'ya rien de meilleur ny de plus seur à la guerre, que de jouer tousjours à gros jeu, et ne donner jamais temps au temps.

Le sieur de La Trinité, gouverneur de Foussan , le commandement duquel s'estendoit aussi sur Busque, fist pendre une douzaine des soldats qui l'avoient rendue si laschement ; car à la verité ils eussent peu endurer un assaut et puis avoir encores honneste capitulation. ;

7 Pendantces demeslemens capitulation fut accordée entre sieur domp Ferrand et le mareschal, pour la seureté du labour de la campagne ; que la guerre ne se feroit au paysan, sinon lors qu'il seroit trouvé menant vivres dans les forteresses, mais non au retour , à

la seureté duquel ceux qui tiroient secours