LIVRE TROISIÈME

avec seurté il falloit qu'il menast avec luy

quatre mil soldats et cinq cens chevaux bien

choisis : ce qui desgarnissoit si fort le Piedmont, qu'au Cas que ses trouppes courussent fortune , il demeuroit exposé à toute sorte d'injures, hasardant par ce moyen le certain pour J'incertain. Outre ce, il estois fort malaisé de conduire par quatre ou cinq journées ceste petite armée, sans que le prince Doria et la ville n’en fussent advertis , et que par consequent ils ne pourvussent à leurs affaires. Quoy succedant, et n'ayant aucune proche retraicte, c'estoit evidemment commettre et luy et l’armée en un extresme danger , outre le salut de l'estat qui dépendoit de celuy de ceste armée. Davantage que cela ne pouvoit estre entreprins sans le secours des galeres du roy. Joinct qu'il ne voyoit pas en quel lieu elles peussent seurement surgir pour selon le succès s'approcher de la ville , les ennemis tenant toute la coste depuis Antibe jusques à Gennes. Que ces considerations estoient si hautes et si chatouilleuses, qu'il ne devoit rien entreprendre sans l'avoir precedemment communiqué au roy, à fin d'avoir sa resolution et son commandement in utramque fortunam. Et à la verité, pour heureusement conduire ceste entreprinse, il falloit que ce fust par le moyen des galleres, qui pouvoient mettre en tcrre les gens de guerre propres à l'execution , et les retirer sans hasard l'affaire ne succedant : ce qui ne se pouvoit faire par terre , où il falloit cinq jours de retraicte , et par, pais montueux et ennemi. : |

C'est pourquoy le mareschal se resolut de depescher Plancy vers Sa Majesté , et d'envoyer ceux-cy avec luy , afin qu'ayans conferé avec elle et M. le connestable , il peust lors avec plus de courage et d'asseurance en: treprendre ce jeu , et mesmes afin que Sa Majesté fust celle qui asseurast ces deux personnages de la recompensequ'ilspretendoient, ne se voulant obliger aux choses qui dependoient de la volonté et de la puissance du maistre , ayant observé qu'après le coup on ne se soucie jamais guieres de celuy qui y a mis et la vie et les biens.

Le roy fut bien aise d'entendre ce discours, ne desirant rien de plus que d'en voir l'exe-

eution ; mais il declara qu'il n’estoit pas possible qu'il y peust entendre jusques au retour du voyage d'Allemagne , qui seroit sur la fin d'aoust et non plustost ; et qu'à lors il donne-

reit toute l'assistance qu'il seroit possible ,

pour reduire l'entreprinse à perfection. Manda en autre au mareschal qu'il luy renvoyoit

Fregose et son compagnon, à chacun desquels,

au parsus l'asseurance de leurs demandes , il avoit fait donner cinq cens escus , et que son

advis estait qu'ils fussent renvoyés au païs ,

pour tousjours mieux disposer et asseurer les amis et les affaires, avec charge de retourner en ce temps là, bien resolus et preparés à

l'execution. Voylà comment les François,

sans s'enquerir plus avant, acceptent au premier abord tout ce qui leur est indifferemment

proposé , et dont toutesfois la repentance qui

vient après ne les a jamais rendus guicres plus

considerés. Et pour autant que Sa Majesté avoit desjà , en la conception de la facilité de

l'entreprinse , mandé au mareschal que lors qu'il marcheroit à l'execution , il laissast

tout le gouvernement du Piedmont ès mains d'Aussun , de Terrides et de Francisque Ber-

sardin , il manda au roy qu'il recognoissoit que ces trois seigneurs n'avoient, chacun à part soy, faute de jugement , de courage ny d'affection pour s'endignement acquitter ; mais

que toutesfois il estimoit, quant à luy, que

l'ambition et la jalousie entre pareils , et à une mesme assiette, n'esloient jamais pour

permettre qu'il y eust entre eux la concordance ny l'intelligence qui estoit necessaire en chose de telle importance , et où on ne pouvoit faillir deux fois ; et qu'en ce cas il estoit expedient que la vertu et l'auctorité d'un seul fust aussi seul conducteur de la barque ; qu'à son advis Sa Majesté seroit assez à temps à s'en resoudre lors qu'il auroit recogneu bien au vray ce qu'on se pouvoit promettre de l’entreprinse de Gennes : que ceste sienne remonstrance ne tendoit à corriger le parfaict jugement de Sa Majesté, mais bien à le seconder avec telle prudence que la reputation et l’estat demeurassent conservés À et dont l'unité et l'ancienne experience sont les plus necessaires outils.

Pour entreprendre ce voyage d'Allemagne doat j'ay cy-devant parlé , le connestable tra

MÉMOIRES DE BOYVIN DU VILLARS

(15592) de costé et d'autre toutes les visilles bandes françoises pour renforcer l'armée de Sa Ma.

jesté , au nombre desquelles furent compris.

ses ces sept vicilles bandes de Chastillon pre-

cedemmentenvoyées en Piedmont, la privation

desquelles apporta un grand reculemeat aux desseins du mareschal , qui fit joug à la necessité , et non à la vertu ny au courage.

Environ ce temps les Siennois , par les me.

nées et practiques des cardinaux de Ferrare et de Tournon, recouvrerent leur liberté , et assiegerent la citadelle qui leur fut rendue k 25 juillet , assistés de deux mil hommes que ces seigneurs leur avoient envoyés au nom de roy, en la protection duquel ils se mirent deslors. h

Le sieur domp Ferrand , recognoissant l'af.

foiblissement des forces françoises , print re solution de faire toutes sortes d’efforts pour jecter une armée en campagne et se ressentir des pertes passées , et de tous poincts renverser la domination françoise , sous la faveur du duc de Savoye , qui estoit lors venu de

Flandres en Italie , couvertement mal content

de l'empereur. |

Le mareschal recognoissant que toutes ces occasions pouvoient apporter de grands jnconveniens dans le Piedmont, mesmes se voyant esloigné du secours qu'il pouvoit esperer du roy, il print resolution de se jecter avec environ huit mille hommes et douze ceus chevaux dans les faux-bourgs de Carmagnolles , faisant diligemment lever de grandes tranchées’ tout à l'entour ; jugeant que ceste place luy apporteroit quelque commodité pour renforcer les places que l'ennemi pourroit assaillir , et pour favoriser La moisson du Piedmont , en quoYy Consistoit la conservation uni verselle du total de l'estat.

Soudain qu'il eut heureusement achevé ce sien dessein , l'armée imperiale recognoissant qu'elle ne pouvoit plus rien entreprendre sur Carmagnolles , comme elle avoit esperé , elle s'adressa au fort de Bra qu'elle fit sommer ; à laquelle sommation n'ayant eu autre responce que arquebusades, ils firent sortir de Cairas deux canons qui tirerent environ quatre cens vollées et firent bresche raisonnable, dans laquelle les Espagnols ayans donné F'as-

ETS ES en ns CEGSSESERE UNE 2 SP 0 Co rm enr raan

—— = Re me

saut la place fnt emportée, et presque tout mis au fil de l'espée.

Pendant l'assaut, M. de Terrides qui s'estoit advancé avec sa compagnie de gendarmes, pour recognoistre la contenance et de l'ennemi et des nostres aussi, fut rencontré par un gros de cavalerie qui le chargerent si rudement qu'il se sauva , sans autre perte que celle de six des siens , deux morts et quatre prisonniers. :

Ceste executian de Bra parachevée ei le fort renversé , domp Ferrand print la route de Beine qui est entre Cairas et Mondevis ; mais il ne l'osa attaquer , trouvant la place si bien garnie qu'il y avoit plus à perdre qu'à gaigner : et neanmoins durant six semaines il ne fit que tournoyer tout à l'entour , peur donner le gast à la campagne , et par ce moyen reduire ceste place, le Mondevis, Cental et Roque de Baux à telle extremité, qu'il peust après essayer d'assieger celle qui luy plairoit.

Ayant parachevé le degast, et ne voyant rien remuer dans la ville que force escarmouches , il tourna teste vers le marquisat de Salluces , ravageant tout en passant. Mais en ces entrefaites , s@ trouvant pressé d'envoyer des forces au Parmesan , le duc de Savoye et ledict domp Ferrand resolurent d'essayer de prendre, comme ils firent fort aisement, Dronier, Versol, Salluces et Gardé, et de laisser dedans si bon nombre de gens, que les François ne peussent penser ny à Parme ny à autre chose plus grande.

. Sitostque l'armée imperiale eut tourné teste vers Ast et envoyé des troupes à Parme , Brissac tira tout ce qui estoit dans les tranchées de Carmagnolles et marcha au recouvrement desdicts chasteaux ainsi recentement prins.

Tout ainsi que Dronier avoit esté le premier perdu , aussi fut-il le premier assailli et recouvert, Palvoisin et Philippe d’Alberac le deffendans. Ils furent sommés de se rendre, et ne l'ayant voulu faire , l'artillerie fut plantée en plein midy et sans gabions ; elle fit bresche avec quatre-vingts ou cent vollées. Ceux de dedans , craignans d’estre emportés ,jetterent force bois et poudre dans la bresche, qui s'embrasa tout en un instant : et toutesfois aucuns des nostres ne laisserent , inconsiderement poussés par le sieur Bertin de Morette,