LIVRE TROISIÈME

pinion des Romains; et la nostre aujourd'huy porte que Île vaincre est tousjours louable , comment que ce soit.

Pour preuve de ceste position, je diray qu'il y a deux choses principales, par les:

quelles, sous la faveur des armes toatesfois, l'ennemi peut estre le plus endommagé. La premiere, c'est de si bien ordonner les affaires, que vous le reduisiez à n'oser entre. prendre de faire un degast general de la campagne, et tascher de conquerir toutes les petites places et chasteaux qui sont meslangés parmi ses places, et à avoir aussi tellement l'œil tendu à leur conservation, qu’il ne vous en puisse priver; Car par ce moyen vous demeurez en asseurance de la comma:

dité des vivres, sans laquelle la guerre re se sçauroit continuer , ni les villes subsister mais sur tout sans culture de la campagne, et d'autant moins quand on est esloigné dit secours de ses amis, comme est le Piedmont de la France, ainsi qu'il a esté cy-devant dis: couru. Davantage, vous contraignez par cé

moyen l'ennemi à tenir tousjours ses garni-

sons fort grandes, et à n'avoir de vivrés qu'à la pointe de l'espée; dont souvent succede telle necessité, qu'il faut lever les armées, tant pour se redimer de la subjection de ces

chasteaux que pour avictuaillér les places

qu'ils ont reduittes à necessité: comme il advinit de Cairas, ainsi que vous verrez cy-

après. La deuxiesme , C'est que quand la rigueur du temps ne permet pas que la guerre: se demesle en siege ou combats, d'aprocher tout le gros de vos forces dans les terres en-nemies, pour en consumer les vivres, con—

server les vostres et embrasser quelque nouvelle occasion de ruyne sur luy, comme it

advient souvent à ceux qui sont patiens aux Jabeurs et à la vigilance, sans lesquels on ne

moissonne jamais gueres. Si jamais grand ca:

pitaine le sceut ainsi faire, le mareschal en emporta par sus tous ceux de son temps la louange. Et de faict, ayant conquis Verrue, et n'ayant assez de forces pour entreprendre un siege, il tourna teste vers le Canavois, qui est tout le païs qui s’estend depuis Chivas jusques à Yvrée, en intention de faire deux effects, l’un de manger le païs de l’en-

nemi, et l'autre dé s'amuser cependant à

foruüfier le chasteau de Sainct Martin, distant de trois lieues seulement d'Yvrée, tant pour la reduire à quelque necessité , comme pour joindre à ses conquestes les vallées de Corgue, de Pont et tout le comté de Valpergue, qui va confiner à la Val-d'Aouste, peuples que Cesar en ses Commentaires appelle Salatii ; en quoy ses traducteurs se sont trompés, car ce sont les peuples du Canavois où est encores en nature la ville nommée Salace, dont ils portoient lors le nom. Il s'y faict de fort excellens formages, ainsi que j'ay cydevant costé sur le voyage de Lanz.

Il fit travailler en telle diligence à ceste fortification de Sainct Martin, qu'en moins de trois sepmaines elle fut reduicte à quelque convenable dellence pour une moyenne force, laissant dedans trois cens hommes soubs la charge du capitaine Guierche de Recanat , Italien , vieux et experimenté soldat. En ces entrefaictes les neiges estans survenues, il departit sa petite armée par les garnisons, pour, avec plus de commodité, brasser une entreprinse qu'il avoit sur la ville d'Albe, jadis edifiée par Pompée, et appelée Alba Pompeia.

. Si-tost que le sieur domp Ferrand fut adverty de ceste fortification de Sainct Marun, qui assiegeoit à demy Yvrée et luy faisoit perdre plus de vingt lieues de bon et fertile pais, il commença à rappeller son armée des garnisons, pour la tirer en campagne et marcher à la reprinse de ce fort, qui leur estoit autant important qu'aucune autre place qu'ils eussent en ce quartier-là , soit pour la conservation et entretien de leur armée lors qu'elle campoit , soit aussi pour le soulagement des autres villes que l'empereur tenoit de ce costé. * La diligence de l'ennemi fut telle, que, quinze jours après la retraicte du mareschal, il se trouva campé devant ledict Sainct Marün. Quoy que les neiges et les glaces fussent fort rudes , il fit faire ses approches et asseoir l'artillerie, et au troisiesme jour commença à tonner fort furieusement , sans que ceux de dedans fissent autre contenance que de gens resolus à la defendre jusques au dernier suspir, resveillant tous les jours l'ennemi par diverses escarmouches, les appellans suldats de la pagnotte, En fin l'artillerie joua si

MÉMOIRES DE BOYVIN DU VILLARS

(1557) bien qu'il y eust bresche , à laquelle les Esgaonols et Italiens donnerent soudain de grand courage, comme de grand courage aussi leur effort fut soustenu une heure durant par les nostres, lesquels, par la blessure qui advint à leur chef combattant avec eux , furent en fin forcés, luy prins vif et pendu un pain au col, les soldats partie tés, partie prins et devalisés. Ceste cruelle penderie fut faicte en haine que ceux de dedans appelloient les Espagnols soldats de la painatte , parce qu'ils n’avoient autre distribution que du pain : la follie cousta depuis bien chair aux ennemis. De mesme suitte l'ennemi emporta le chasteau du Pont , indrgnement rendu par Marchio Agactüo, Italien, qui y commandoit.

Tandis que le sieur domp Ferrand estoi occupé à ce siege, le mareschal reduisoi à perfection l’entreprinse d’Albe. Mais auparavant je rentre en la narration de l'execution qui en fut depuis faicte ; je discourray quels furent les moyens et les occasions de ceste entreprinse. Il advint donc que deux capitaines italiens des: nostres, allans à la guerre du costé d'Albe, nommés Syrte et Venture d'Urbin, furent prins prisonniers et conduits dans la ville, puis relaschés et mis sur leur foy de n'en sortir sans congé. Se promenans souvent par la ville, ils recogneurent que, joignant la porte du Tanare, le quel innondoit souvent les fossés , il y avoit près le rastel une planche par laquelle on passoit lors que l'eau se haussoit, et que mesmes on pouvoit en tout temps couverte— ment parvenir au pied de la muraille, sur laquelle, à cause du rastel , ne se faisoit au— cune sentinelle.

Ces capitaines estans depuis delivrés tout à plain par eschange, ils en firent le rapport au mareschal, lequel, ores qu'il les recogncust personnages de jugement et d'expericnce, n'y voulut toutesfois adjouster foy du premier coup, mais renvoya ledict Syrte avec deux de ses genuls-hommes, premierement pour recognuistre les advenues de ceste port, ce rastel , ceste planche et ce ruisseau. Ceuxcy se coulerent si sccrettement vers la ville, qu'ils recogneurent les choses estre au mesme estat qu il avoit esté precedemment rapporté;

mais il y avoit un moulin sur ce ruisseau, à quarante pas de la ville, près duquel il faloit necessairement passer, et dans lequel il y avoit deux chiens qui ne cessoient de crier et glappir au moindre bruit qu'ils sentoient ; et la sentinelle lors à demander : Qui va là? Or estoit-il impossible de conduire des trouppes sans passer joignant ce moulin. Là dessus il fut mis en avant de gagner le musnier: par force d'argent ; mais le mareschal estima que, soit par crainte ou pour avoir double salaire, il en advertiroit les ennemis, comme font tousjours gens de basse estofle, qui ne penetrent qu'en ce qui est present; et que par ainsi il valoit mieux de deputer quatre resolus soldats avec armes couvertes, et demy septier de bled sur les espaules, pour avoir de nuict entrée au moulin, comme gens qui voudroient moudre ; que lors les deux entendissent à depescher le musnier s’il ne vouloit se taire, et les deux autres, l’un à garder la porte, et l’autre à donner de la chair aux

chiens pour les faire taire, et plus aisément

les tuer aussi. É

. Chacun ayant trouvé bon cest expedient , le mareschal appella les; seigneurs de La Motte Gondrin et Francisque Bernardin , l’un chaud et l’autre froid , auxquels il communi-

qua l’entreprinse presens lesdicts deux capi-

taines , et leur donna charge de l'aller executer avec huict cens hommes choisis et trois cens chevaux qu'il leur baïlla , avec promesse de se rendre vers eux avec quatre mil hommes et deux coulevrines pour battre un chasteau qu'il y avoit dans la ville , si Dieu favorisoit l'execution de l’entreprinse. Ces seigneurs, pleins de prudence et de courage, marcherent le plus secrettement et le plus diligemment qu'ils purent à l'entreprinse : arrivans à viogt pas du moulin, ils envoyerent quatre soldats choisis , bien embouchés et chargés de bled pour amuser le musnier. Mais il advint une chose estrange et fatale, c'est qu'en arrivans ceux-Ccy tout coyement vers le moulin pour prester l'oreille à ce qui s’y faisoit , ils ouirent que le musnier, devisant avec sa femme, luy dict en son langage : Iddio non farà mai chequesti buoni Frances civenghino a liberar da cotesti marrani! Les soldats ainsi desguisés prennent cecy à, bon presage. Le Le