LIVRE TROISIÉME
premier se presenta, qui estoit piedmontois , et luy dist en entrant : Compar mio, l’ora che tu desideri à venuta, e ds farti ricco ancora. Pendant ces propos les autres trois entrent aussi les armes au poing , avec lesquels il s'accorda soudain , ou par crainte , ou sous la promesse qu'ils lui firent de cent escus : les chiens là dessus sont prins et enfermés , et l'un des compagnons envoyé vers les trouppes pour annoncer le favorable presage , et l’asseurance où ils avoient mis le moulin. Là dessus , garnies de leurs eschelles , elles s’advancent, Syrte menant la premiere trouppe sous le commandement de La Motte Gondrin, et l’autre , Venture d'Urbin , sous Francisque Bernardin. |
Les premiers , qui estoient le sergent majeur Castres , capitaine Berrac et sa trouppe, montent etentrent les premiers, et de mesme suite Gondrin et toute sa trouppe , qui alla droit au corps de garde qui fut rompu, et avec les pieds de chevre les portes ouvertes et pont-levis abatu. La trouppe de dehors entra soudain avec huict ou dix trompettes et autant de tabourins expressement menés , qui commencerent un tintamarre tel que si toute l'armée .y eust esté. Cependant nos gens, combatans et abattans tout ce qui se trouvoit devant eux , allerent gaigner la place , où le gouverneur Baptiste Fornar, genevois, se presenta avec cent ou six vingts hommes, qui furent repoussés , et luy chargé par Castres d'un tel coup d’espée qu'il luy abattit le nez et lefitson prisonnier. Il y avoit plus de huict cens hommes en garnison dans la place , qui prindrent si fort l'espouvante , qu'ils se mirent à fuir vers la porte qui va aux Langues, qu'ils ouvrirent, et sortirent enseigne desployée : ayans faict cinquante pas , ets'estans un peu recogneus , ils eurent honte de leur lascheté , et se mirent à vouloir regaigner la porte qu’ils avoient abandonnée; mais nos gens l’avoient desja gaignée et fermée , pour entendre au chasteau et envoyer advertir le mareschal de l’execution. Le messager le rencontra desjà entre la Monta et Caval, avec trois mil hommes et quatre cens chevaux et deux coulevrines. En ayant remercié Dieu, il depescha Bonnivet avec quatre cens des plus dispos soldats et chevaux, pour aller
soustenir les nostres et serrer le chasteau pendant qu'il marcheroit avec l'artillerie.
La nuict ayant surprins ceste armée volante près Cayal , la lune toutesfois estant fort claire, il envoya coureurs de tous costés pour prendre langue. L'un des conducteurs , qui estoit le viconte Gourdon ;, luy revint sur les bras, portant nouvelles que les ennemis n'estoient pas loin , et qu'il falloit regarder quelles gens pous avions. Le mareschal , se sousriant , Juy respondit : « Il y en a autant qu'il en faut pour les battre , mettez vous en vostre rang et me laissez faire. » Ceste soudaine et gentilleresponce donna tant de courage et d'allegresse à la trouppe pour diligemment marcher et aider l'artillerie , qu'elle arriva environ midy en Albe , lors que le chasteau capituloit desjà. Le mareschal , Bonnivet et les plus apparens seigneurs , firent un tour par la ville pour asseurer les habitans, et de là ils furent conduits à l'église pour chanter le Te Deum , suyvis des plus apparens de la villé , et des solda avec leurs armes. & E Le lendemain tout le corps de la ville vint rendre graces au mareschal de ce que nul n'avoit esté saccagé ny femme violée en un si soudain et nocturne demeslement d'armes, offrans leurs vies et biens pour le service du roy , à la Majesté duquel ils jurerent fidelité.
CORRÉSOSOCHECPESEEESS
MÉMOIRES DE BOYVIN DU VILLARS
Deux jours après , le mareschal ordonna qu'ils donneroient une paye aux buict cens soldats premiers entrés, el trois Cens escus pour homme aux capitaines Syrie et d'Urbin , à la charge que leurs privileges seroient confirmés ; leur remonstrant que , combien que la loy militaire portast qu en toutes places prinses de muict par armée , comme is avoient esté, donnoit la personne et les biens au victorieux, que le roy neantmoins , usant de sa bonté natyrelle , Jeur en faisoit grace, afin qu'ils apprinssent à aimer et à servir Sa Majesté, comme ils firent depuis.
Au mesme instant que les ennemis faisoient les feux de joye de la prinse de Sainct Marun , force leur fut de chanter le Requiem de la perte d'Albe , faite le lendemain de celle de Sainct Martin ; la fortune nous apprenant par là combien d'auctorité elle se reserve sur la guerre et sur les choses humaines , et principalement que c'est ce bon Dieu qui prospere les armes de ceux qui, parmy leur propre fureur, sçavent doucement et chrestiennement user de la victoire, comme faisoit le mareschal, lequelje ne vey jamais s'eslever non plus par les victoires que contrister par les desastres! estimant que Dieu donnoit l'un par grace , et l'autre par correction. ,___ :.:
