LIVRE QUATRIÈME

» sieur, vous avez ce matin aprins à moy et » aux miens, qui se sont parés en damoiselles et les vostres en soldats, que le plus beat » parement qu'un chevalier puisse avoir , est » celuy mesme avec lequel il acquiert la gloite » et l'honneur »; dont chacun se print à rire. Delà il le mena à une grande feuillée où le disné estoit preparé. Bonnivet, faisant l'honneur de la maison françoise , mena disner tous ces seigneurs espagnols en la tente preparée pour le mareschal; et domp Alvaro de Saude et le comte Philippes Tourviel menèrent aussi tous les François en celle de domp Ferrand.

Le disné parachevé, les deux généraux se retirerent seuls pour conferer ensemble’, comme ils firent deux heures durant, pendant lesquelles tous ces seigneurs se meslerent et promenerent les uns parmy les autres. Après ceste familiere communication , le stgnal fut donné pour remonter à cheval; recommençans lors les accolades et offres de part et d'autre, mesmes entre les deux generaux, d'une si gracieuse façon, que chacurr conceut esperance de paix; ce qui n’arriva pas toutefois, nos pechés nous ayans rendus indignes de ceste benediction de Dieu.

Les armées furent soudain renvoyées aux garnisons , et puis chacun denna advis à son prince de ce qui s'estoit passé, pour sur ce avoir son commandement.

Ayant le roy par Montbasin entendu tout ce qui s’estoit passé entre le sieur domp Ferrand 'de Gonzague et Juy, Sa Majesté luy manda qu'à ce qu'elle pouvoit juger et recognoistre par les effects qui en estoient ensuivis, il eust été impossible de se conduire et gouverner en cela plus sagement , prudemment, ne plus vaillamment qu’il avoit fait, ayant sceu si bien garder en tout et par tout son advantage et la grandour de sa reputation ; et qu'elle ne pouvoit celler les très-grands contentemens et satisfaction qu'à juste occasiom elle en avoit, le priant faire entendre audict domp Ferrand qu'elle eust aggreable la trefve oususpension d'armes qu'ils avoient par ensem ble accordée pour ce mois de septembre ; mais que son vouloir et intention n'estoit pas de la prolonger pour plus long temps que cedict mois, si les Siennois et leur estat, les duc de Parme et comte de la Mirandole , aussi

avec leurs cstats et subjects, et autres ses amis et allés d'Italie, n'y estoient comprins pour jouyr du benetice de ladicte trefve ou suspension durant le temps qu'elle pourroit csitre prolongée et continute; et autrement qu'elle penseroit ne faire moindre tort à sesdicts amis et alliés, qu'à elle mesme, car ce seroit donner le moyen à domp Ferrand pour l'empereur de convertir et employer les forces qu'il a maintenant assemblées au Picdmont contre ceux qui sont en sa protection. « Etsi d'avanture ledict domp Ferrand faisoit responce n'avoir pouvoir dudict empereur de wraicter avec ladicte comprehension, et qu'il voudroit bien avoir temps de l'en advertir pour en sçavoir son vouloir et intention, il luy faut mander là dessus, comme de vous mesmes, que vous vous voulez bien faire fort que Sa Majesté ne trouvera mauvais que pendant le temps qu'iceluy domp Ferrand envoyera devers ledict empereur pour entendre sondict vouloir, que l'on continue encorcs pour le mois d'octobre prochain seulement icelle suspension d'armes , selun qu'elle a esté accordée pour le present mois de septembre, sans la dessusdicte comprehension, laquelle, outre ce que dessus, Sa Majesté desireroit bien qu'elle fustgencralle pour les pays, terres et places qui sont en son obeissance et protection en Italie , en laquelle se pourroit entendre l'isle de Corscgue ; dont toutesfois il ne leur parlera s'ils n'en tiennent propos pour l'exclurre absolument de ladicte comprehension. Surquoy le mareschal leur dira qu'il ne sçait que c’est, et qu'il ne luy en a esté rien mandé de par le roy ; neantmoins, peut estre que la pourrez trouver en telle disposition, qu’il n’y auroit point de mal de faire instance de comprendre ladicte isle comme les autres ; ce qui se remet à sa discretion pour en user comme il verra estre à faire pour le mieux.

J'entends que si vous trouvez ledict domp Ferrand diflicile et opiniastre à ne vouloir comprendre ladicte isle de Corsegue , que vous ne laissiez à passer outre, pourveu que les autres dessusnommés y soient comprins, avec la generalité d'amis et alliés. Et une specialité que j'oubliois, qu'il faut pareillement exprimer , c'est à sçavoir la duché de Castres avec l'estat et maison des Farnaises; ayant

MÉMOIRES DE BOYVIN DU VILLARS

remarqué ce exprès que le mareschal n'avoit guicres de temps pour adverür ledict domp Ferrand. Et cependant Montbasin, qui s'estoit trouvé un peu mal depuis son arrivée , se guarira pour vous aller retrouver, par lequel je feray responce aux autres poincts contenus au memoire que vous luy avez baillé , et dont il m'a parlé de vostre part; vous ayant bien voulu envoyer avec ceste depesche un discours au vray du progrès de mon armée, et de ce qu'il s'est fait à la journée jusques à ceste heure presente , à fin que là vous voyez que les advantageux en paroles n'ont pas tousjours le meilleur jeu , tesmoing l'empereur et ses ministres, avec leurs mensonges et bravades, qu'ils ont publites par tout l'univers. Print Dieu, mon cousin, qu'il vous ait ensa saincte et digne garde. Escript au camp de Solesmes en Iaynault, le 16 de septembre 1553. HENRY. DUTHIER. »

Le connestable manda au mareschal qu'il luy avoit donné advis de la defaicte qu'il avoit faicte de quatre mil chevaux des ennemis dès le mois passé, et que depuis cela et que lesdicts ennemis eurent entendu que le roy s'estoit mis en campagne avec son armée, ils n'ont cessé de fuyr devant luy, les suivant tousjours ledict sieur de lieu à autre , et jusques à loger en leurs mesmes logis ; finalement lediet sieur, qui ne s'est voulu arresier à siege de place qu'ils eussent, pour ne perdre l'occasion de leur donner la bataille, de laquelle l'empereur l'avoit tant menassé par tout le monde, continuant à les chasser, s’est trouvé en ce lieu, où si tost qu'il eutentendu que lesdicts ennemis s'estoient logés auprès de Valenciennes , resolut de les y aller trouver pour essayer de les attirer à ladicte bataille ; et pour ce faire il se mit hier matin aux champs avec son armée, autant deliberée de combattre qu'il fat jamais. « Je m'acheminay devant avec l'avant-garde , et approche le camp desdicts ennemis à la portée du canon : ils avoient mis dehors un grand nombre de leurs gens de cheval et de pied, que nos chevaux legers avoient jà longuement escarmouchés.

Mais y estant arrivé avec la cavalerie de l'avantgarde, je les fis si vivement charger et enfoncer, qu'ils furent repoussés et recognés

jusques dedans les fossés et tranchées de leurdict camp, qu'ils y ont faict faire les plus grandes qu'il est possible, et où ils se retirerent en fort grand desordre , n'esperant d’autre seureté pour eux qu’en Ja fortification de leurdict camp : qui est bien loing de ce que ledict empereur avoit tant bravayé, ayant promis à tous les princes et potentats de la chrestienté, qu'en quelque lieu que le roy comparust avec son armée , il se feroit plustost porter en litiere en son camp qu'il ne le combastist; et au lieu de cela filles pent asseurer à ceste heure qu'il n’eust jamais armée qui tournast mieux ses insolentes braveries en uhe honteuse fuite, et qui ait receu un si grand des-honneur que fit hier la sienne. Depuis qu'ils se veirent dedans leur fort ils nous tirerent quelques canonnades, mais de sortirne faire sortie de leurs gens, il n'en fut oncques nouvelles, tant ils estoient intimidés et esperdus ; et quant à moy, je n'en vis jamais de plus. Je demeuray, au retour de nostredicte entreprinse, sur la queue de nostre armée avec une partie de la cavalerie ; et encores que Ja coustume des gens de guerre soit à ceste heure là de jetter quelques gens dehors pour venir recognoistre les ennemis, ou leur donner quelque alarme, il ne sorut un seul homme des leurs : de façon que le roy est hors d’esperance, pour ceste année, de parvenir à ce qu'il a tant recerché et desiré, qui estoit de leur donner la bataille; et faudra qu'il se contente de les avoir fait le plus honteusement fuir devant luy que fit jamais . prince. Chose dont j'ay bien voulu incontinant vous donner advis, à fin que vous participez à une si bonne nouvelle , et en faictes part à tous les bons serviteurs que :ledict sieur roy a par delà, et aussi pour vous en prevaloiràl’advantage de ses affaireset service. Mon cousin, je prie{Dieu qu'il vous doint bonne et longue vie. Escriptau camp de Solesmes, le vingt-septiesme jour de septembre 1553.

: » M. l'admiral marcha avec une bonne troupe d’arquebusiers , qui firent bien perdre la braverie aux Espagnols. Vostre bien bon cousin et amy. MONTMORENCY. »

F Pendant ceste suspension d'armes, domp Ferrand ne perdit temps à l’avictuaullement