LIVRE QUATRIÈME

de Cairas et Vulpian, places csloignées du corps de ses forts, et bicn-avant enclavées dans les nostres.

L'empereur et le roy, ayans faict plusiears consultations sur les demandes advantageuses que ils s'entrefaisoient l’un à l'autre , ne peurent tomber d'accord : de maniere qu'il fallut retourner à la guerre , dont domp Ferrand et le mareschal s'entredonnerent advis l'un à l’autre avant que reprendre l'espée , suivant les accords et promesses qu'ils en avoient faictes lors qu'ils s’assemblerent, comme nous avons dict, pour donner ouverture à ce pourparlé de paix; observans en cela et toute au tre chose qui despendoit dudict accord , une sv religieuse foy, que rien ne se passa d’un costé ny d'autre qui fust au prejudice d'iceluy, jusques à tant qu'ils furent advertis de la reprinse des armes. Ce fut une resolution si mal digerée que aucune autre qui ait de long temps esté mise en execution , et qui apporta depuis à ces deux grands et magnanimes princes, et à toute la chrestienté, dommages et ruynes infinies, comme il se verra par la suitte de ces Memoires. L'ambition et l'opmniastreté de l’empereur, qui voloient d’une aisle trop haute, ne permettoient qu ils’accommodast à la jeune et florissante valeur de Henry deuxiesme, luy semblant que luy et tous les autres potentats de l'Europe devoient faire joug à ses desseins et à ses convoilises , qui estoient si grandes en luy, que c’estoit une vraye enchaisnure des choses qui s'entresuivent et qui prennent leur commencement de la fin l'une de l’autre,

En ce temps les cardinaux de Tournon et de Ferrare , très-grands personnages d'estat, qui avoient de longue-main charge des affaires du roy en Italie, dresserent telle intelligence avec les Siennois , que l’empereur avoit privés de leur liberté par la construction d’une forte citadelle, qu'ils leverent les armes, comme j'ay desjà dict, sous la faveur et protection du roy, au nom duquel ils furent soudain secourus par ces seigneurs de deux mil hommes de pied, avec lesquels la citadelle fut assiegée et rendue en leur puissance le 27 juillet. Tandis que le cardinal de Ferrare se contenta de manier les affaires du Siennois , tout alla bien; mais soudain qu'il voulut entreprendre le commandement des armes il cuida tout per-

dre : c'est pourquoy les sages disent qu'il ne faut jamais outrepasser les bornes de sa vocation : qui la faict bien ne faict pas peu aujourd'huy.

\ Geste perte apporta beaucoup de rabais à la reputation de l'empereur en Italie, et au contraire une fort honnorable au roy, comme salutaire liberateur des aflligés.

‘ Les Espagnols, ne pouvans de leur part bien digerer ceste perte, dressoient practiques de tous costés pour la recouvrer,"mais sur tout le viceroy de Naples domp Garzie, lequel à ces fins avoit tiré à sa cordelle le sieur Julio Salvy et ses freres, capitaines du peuple siennois : ce qui fust descouvert par son secretaire , lequel tomba ès mains du capitaine Moret , Calavrois, appoincté du roy à la guerre de Sienne , et lequel fit si grande peur à cestuy-cy, qu'il le reduisit à descouvrir le pot aux roses.

Domp Garzie , qui faisoit semblant d’assieger Montalcino , que défendoient les seigneurs Jourdan Ursino , le comte Camille Martinengue et ledict Moret, leva le siege soudain qu il sceut ces nouvelles, et sc retira AUX garnisons impériales.

Les armes ayant esté reprinses, le mareschal print resolution d'aller assaillir Cameran, ci-devant fortifié par le Vistarin, qui est une place d'Astisane, meslée parmy celles? du Montferrat, et laquelle avoit puis n'agueres esté fortifiée par l'ennemi, à la ruyne du païs que nous tenions de ce costé-là. Pour ce faire, il fit tirer de Villeneufve d'Ast quatre canons et deux coulevrines et un autre canon de Quiers , avec lesquels, assisté de quatre à cinq mil hommes de pied seulement et de cinq cens chevaux, il marcha contre Cameran, qu'il fitsommer en arrivant; mais, ayant quatre cens hommes qui estoyent dedans bravement respondu , il fit dresser la batterie, laquelle au deuxiesme jour commença à tirer:

pour ce jour elle ne fit pas grand eflort ; mais le lendemain , ayant esté toute tournée contre les flancs de deux petits bastions de terre nouvellement faits, elle fit tel degast que ceux de dedans, se défians de pouvoir soustenir l'assaut, se rendirent à bagues sauves. Mais à l'i rt que cela se demesloit , nos soldats, s'entresoustenans l'un l’autre, grimperent sur

MÉMOIRES DE BOYVIN DU VILLARS

un bastion de terre, entrerent dedans et tuerent tout : c'est pourquoy celuy qui parlemente doit estre en plus grande garde que jamais. Et pour-autant que ceste place avoit faict mille maux dans les terres possedées par le roy, et que nous en avions assez d’autres sans nous engager à la conservation de cestecy, il fut resolu que le chasteau et le fort d'alentour seroient abattus avec le feu : et par ainsi il fut commandé au sieur de Caïllac d'y travailler ; leqnel, ayant faict mettre quatre caques de poudre dans les caves voütées et en une tour, le tout de brique, apres avoir adverty chacun de se retirer au loing, le feu fut mis à la traisnée , et tout aussi tost nous vismes enlever si haut en l'air ceste tour, qu’un homme à cheval eut passé par dessoubs, retombant avec plus de dix pas de courtine du logis, tout en poudre ; de maniere que depuis ce n’a esté qu’une tasniere à serpens. L’armée , se retirant vers Villeneufve , passa par Baudicher et Tiglioles, chasteaux du comte de Montañe, dont l'Espagnol s'estoit emparé; ils furent battus et rasés comme Cameran.

Ceste execution achevée, le mareschal, desirant reduire tout le Montferrat en l'obeissance du roy, print resolution d'aller reco— gnoistre Tonc et Monteil, qu'il jugeoit propres à son intention et fort aisées à forufier, estant toutes ‘deux assises sur costeaux fort advantageux; et pour ce faire il print cent hommes d'armes de diverses compagnies, commandés par M. d'Aubigny, comme le plus ancien capitaine des hommes d'armes. Arrivant dans la vallée qui est aux pieds desdictes deux places, et qui s’estend jusques auprès d'Ast, il commanda audict sieur d'Aubigny de se tenir serré en bataille , et de ne quitter la place n'y s’esbranler à aucun combat, quoy que l’ennemy le vint agacer, pendant qu'il iroit recognoistre ces deux places avec une trentaine de chevaux seulement. L'ennemv, qui eut advis de ce voyage, fit sortir environ deux cens chevaux départis en deux trouppes, aux costés des vallées, et en jetta une vingtaine pour aller attaquer les nostres, pour les attirer en chargeant, et estans aussi chargés, dans l’ambuscade. Les trente chevaux joucrent si bien leur personnage, qu'ils firent

J'oublier audict d’Aubigny, non-seulement le

gen

commandement qu'il avoit , mais l’attirerent dans l’ambuscade , si bien que , quelque valeur qu'il y eust aux nostres , il y en demeura une trentaine de prins, et entre autres Île comte de Stuart son gendré. Le mareschal, qui estoit sur le haut , et qui veitle desordre, y courut soudain, et rallia au mieux qu'il put et les uns etles autres ; et peu s'en fallut, s’addressant audict sieur d’Aubigny, qu'il n°y eust bien Jourdement de la main mise, pour le hasard auquel il avoit mis le salut de luy, de la belle trouppe qu'il luy avoit baillée à commander, et de la reputation des affaires, qui estoit encore toute vierge et toute pure de nostre costé. Onc puis il ne‘donna commandement audict sieur d'Aubigny, craignant pareil inconvénient que celuy qu'il avoit couru. À ce propos on peut dire que les plus vieux ne sont pas tousjours les plus sages. Veritablement, quand nous avons receu quelque commandement de nostre superieur, nous le devons observer, quelque suflisance et capa-

cité que nous pensions avoir, attendu que s’il.

en arrive par après quelque faute, elle ne nous peut estre imputée.

Encores que j'aye, dès le commencement de ces Mémoires , protesté que je ne m’advancerois à traicter des factions militaires démeslées en Picardie, Champagne et Flandres, si ay-je jugé convenable d'en toucher un mot en passant, mesmes sur le voyage que le roy avoit entreprins vers le Rhin, pour remettre Ja Germanie en son ancienne liberté, au prejudice de l'empereur, qui faisoit tous ses efforts de la réduire sous le joug de l'arrogant Espagnol.

Tous ces princes germains, qui avoient, par prieres, supplications et promesses, appellé le roy à leur secours, conforme aux anciennes alliances et confederations d’entre les François et les Allemans, soudain qu'ils virent Sa Majesté approchant du Rhin, et que l'empereur (pour la crainte de ce passage) s'accordoit à tout ce qu'ils vouloient, ils envoyerent remercier Sa Majesté de la tresgrande et tres-honorable affection qu’elle avoit apporté à leur conservation, dont estoit succedé leur accord avec l’empereur, et que par ainsi ils supplioient Sa Majesté de ne passer plus outre , pour ne remettre en trouble les