LIVRE QUATRIÈME

2x tionnaires et chevaucheurs, estans faicts pris sonniers durant le cours de la guerre, ne seront contraints ny obligés de payer, pour la delivrance et relasche de leurs personnes, que le propre estat et entretenement que chacun reçoit de son prince par chacun mois, payant lequel ils seront tous soudain delivrés.

» Que tous capitaines de gendarmerie, lieutenans , enseignes , guydons ct mareschaux de logis, estans prisonniers durant la guerre, ne seront tenus de payer pour leur delivrance et liberté que l'estat et gaiges de leur quartier ; quoy fait ils ne pourront cstre arrestés.

» Que tous les hommes d'armes, archers, chevaux legers, gens de pied , capporaux, sergens et fourriers, lorsqu'ils seront prins en guerre et qu’ils auront esté desvalisés, seront soudain relaschés sans payer aucune taille ou composition.

» Que tous les auditeurs , secretaires et medecins qui seront au service desdicts sieurs lieutenans-generaux des deux Majestés, et autres secretaires particuliers, tresoriers , faiseurs de monstres, ou soit controlleurs , tant de la guerre, reparations, munitions, que des vivres, comme le prevost aussi, et chastellains de forteresses, estans trouvés en campagne et prins, ne Seront tenus ny COntraincts de payer pour leur delivrance que l'estat et ‘entretenement qu'ils ont pour un mois entier; quoy faict ils seront soudain relaschés.

» Que tous les gentils-bommes qui servent et qui suivent lesdicts sieurs lieutenans-generaux des deux Majestés, et qui prennent solde d'elles , seront soudain relaschés et delivrés en payant leur solde d'uu mois. Et là où il y en auroit quelqu'un de qualité, comme de ceux qui par honneur ou par plaisir viennent . à la guerre, ‘n'estans stipendiés de leurs princes, ou qui par simulation ou cautelle seroient enrollés dans les compagnies de gendarmerie, cavalerie ou fanterie, en ce cas ils seront sujets à rançon, selon l'honnesteté et courtoisie que lesdicts sieurs lieutenansgeneraux adviseront , et dont ils seront creus à leur simple parole , à sçavoir s'ils seront de telle qualité ou non. |

» Quant aux bannis, de quelque nation ou | grade qu'ils soient, servans auxdictes deux

Maijestés, estans ‘prins en guerre ,” seront traictés par les mesmes termes de la bonne guerre que les autres, sans aucune contradiction ny exception, les cas de crime de leze - majesté reservés, qui s'entendent et particulierement sont specifiés, à sçavoir de toute conspiration faicte contre la personne de Leurs Majestés ou de leurs lieutenans tant seulement , ou qui, estans bannis , iroient en la mesme province dont ils sont bannis, en laquelle il n’y auroit point de guerre, avec reservation toutesfois que quand ils y iroient avec leurs capitaines , ou que les capitaines eux-mesmes bannis y allassent ouvertement, et avec leurs croix cousues, ils jouiront de tous les mesmes termes de la bonne guerre que les autres. |

» Et là où aucuns de tousles denommés auroit quelque autre estat ou appoinctement de l'empereur ou du roy , que celuy qui depend ou qui regarde le faict de la guerre, ils ne pourront estre contraincts à payer autre estat ou solde que la guerriere , ainsi qu'il est contenu et declaré en la presente capitulation, laquelle nous voulons et entendons avoir lieu à jamais , sans exception quelconque , reservés les jours de bataille donnée en campagne, ou prinses de villes par force ; ‘laquelle perpetuité s'entend tant qu'il plaira auxdicts sieurs lieutenans-peneraux , à condition toutesfois qu'ils ne la puissent rompre ny enfraindre ‘sans une precedente intimation, après laquelle ils seront tenus l’observer par dix jours subsequens. D'avantage , nous vou- Jons que la presente capitulation ait lieu en relaschant et delivrant tous les inferieurs aux lieutenans mesmes qui se trouveront prisonniers et auront esté prins depuis l'ouverture de ceste guerre, tant en Piedmont qu'aux autres pais voisins et sujects de Sa Majesté royale deçà les monts. Fait au camp royal, ce 46 aoust 1553. »

Il semble que la France soit fatalement née au remuement des armes , et à emporter presque tousjours la premiere gloire et le premier heur des victoires , par une certaine prudence et circonspection qu'elle sçait apporter à ses premieres entreprinses ; mais la confiance qu'elle conçoit par après de ses premieres bonnes fortunes, luy fait inconsiderement

embrasser plus qu’elle ne pent estreindre , et de là diviser ses forces. Les guerres de Carles huictiesme au voyage de Naples en font foy, en tant qu'elles luy firent au premier bonheur embrasser l'empire du Turc , tout mil asseuré toutesfois qu'il estoit encores de celuy qu'il avoit conquis. Le roy François , ayant aussi heureusement reprins la duché de Milan , et estant au siege de Pavie , divisa so0 armée pour l'envoyer de mesme courir à Naples , dont il en perdit la bataille et fut fact prisonnier combattant vertueusemènt. Le roy Henry second mesnagea fort l'exemple de son pere , à la suscitation du pape Paul quitriesme, de la maison des Carafles , qui luÿ fit rompre la trefve de 1555, et envoyer k fleur de ses forces à Naples , sous la conduite de M. de Guyse , qui s'y opiniastra sous faveur de madame de Valentinois , pour l'irterest particulier qu'il se faisoit à croire y avoir , dont succeda la perte de la bataille Sainct Quentin , laquelle cuida renverser tout à fait l'empire françois.

A la verité, il n’est rien tel que de conduire ses conquestes pas à pas , avec tout le gros de ses forces , pour ne rien laisser derriere qui puisse retrancher la liberté du retour, ny nous necessiter aussi à un dangereux combat ou retraicte. Si toutesfois on cognoissoit que les diversions fussent necessaires , il les faut embrasser , mais avec des legeres et courantes forces , qui sçachent bien à poinct prerdre l'occasion et l'advantage , et sur tout se bien asseurer de leur retraicte au gros. Si c'est un prince qui ait une puissance et des moyens si grands qu'il puisse tout en un temps entretenir plusieurs armées et avoir chefs propres pour les bien commander et conduire, cestuy-là peut bien ‘porter le desir de se conquestes en divers lieux , mais non jam celuy qui a assez à faire à en bien entretenir et mesnager une seule ; ains doit se contenr dans les termes de son pouvoir ; car qui court par tous lieux n’est en pas un lieu. Si nous voulons sainement juger , et sans nous flatter, du cours des aflaires sous le roy Henry second , ne confesserons nous pas que si, au lieu de courir çà et là , il se fust obstiné à combattre pied à pied , comme vouloit Brissac, le Piedmont et la duché de Milan, il

l'eust emporté , ou au moins une bonne partie ? ce qui eust couvert pour jamais la France de toutes entreprinses estrangeres. Autant en pourvoit-il csperer des Païs Bas qui sont à nos portes : et à la verité il faut qu'en toutes sortes d'affaires, et principalement aux militaires , que la maturité des conseils soit celle qui destrempe la fureur des jeunes princes et de la noblesse par trop vollage et inconsiderée ; car tout aussi tost que la fortune leur a donné quelque avantage , ils embrassent plustost l'orgueil et le faste , que la propre verité , qui donne tousjours glorieuse moisson à ses cliens. :

J'ay bien voulu faire ceste digression , à fin que par la suyte des affaires qui seront cyaprès traictés , chacun recognoisse la mesme verité que j'ay cy rapportée. Or , revenant à nos affaires , le roy desirant joindre à sa couronne l'isle de Corse, tant pour interrompre les navigations d'Espagne et d Italie , comme pour dompter les Genevois, à la ruyne de ses ennemis, qui en tiroient commodités pour la guerre d'Italie, Sa Majesté depescha M. de Termes, depuis mareschal de France, avec trente-six galleres commandées par le baron de La Garde, douze compagnies italicnnes sous le duc de ‘Somme et le sieur Jordain Ursin , et dix françoises sous le sieur de Velleron, de trois cens hommes chacune. Ces forces estans joinctes à celles que plusieurs bannis avoient faict lever en leur faveur dans le pais , prindrent la routte de Corse , où d'arrivée La Bastie fut prinse de nuict, par une surprinse du duc de Somme, qui n'avoit que quatre galleres. Ceste surprinse non attendue n’eut point de combat , tous les soldats s'estans retirés en la citadelle, qu'ils ‘rendirent, le jour venu, aussi laschement qu'ils avoient perdu la ville.

+ De mesme suite Sainct-Florent se rendit sans combattre, et l’Ajazzio fut prins et saccagé par Sampetre,, Corse, pere du mareschal d'Ornano. Boniface fut! pareillement prins, avec beaucoup d'autres places qui furent conquises en ceste isle, pour le service de laquelle le roy retira de :Piedmont le coronnel Sampetre, Corse, qui tenoit garnison à Bcyne, fort brave cet asseuré soldat.

: Par après le mareschal eut nouvelles que