LIVRE QUATRIÈME

l'armée turquesque, commandée par Dragut bey, avoit par seize jours battu Sainct-Boniface en Corse, avait tiré de six à sept mil coups de canon, donné trois assaux, desquels ils avoient esté repoussés avec perte de mil cinq cens des meilleurs soldats, et que lorsque les choses estoient comme desesperées, Dieu avoit voulu que le capitaine Termes , Corse, print un ‘gentil-homme que les Genevois avoient dépesché pour entrer et asseurer les assiegés d'un prochain secours ; que luy par parolles, par menaces et par promesses avoit si bien charmé ce gentilhomme, qu'il promit , le laissant entrer dans la place, de faire rapport tout contraire à ce qui luy estoit commandé; ce qu'il executa si dextrement depuis, que les assiegés se rendirent et receurent la garnison françoise sans donner le loisir à Dragut d'y mettre les siens, comme il avoit envie de faire, et mesmes de retenir la place pour son maistre, et dont il eut tel despit, qu'il traicta fort rudement. ceux qui estoient sortis; de maniere que M. de Termes, qui commandoit en l'armée du roy, fut contrainct d'entrer en composition avec luy et pour l'artillerie et pour les munitions qu'il pretendoit siennes.

Il estoit venu nouvelles | que Calve, que le coronnel Velleron tenoit assiegé, estoit reduict à telle extremité de vivres, que mesmes on y dracmoit l'eau, à deux pintes d'eau par chacun jour et pour chacun soldat ; mais l'issue du siege fit recognoistre qu'on avait embrassé beaucoup plus que l'on ne pouvoit estraindre.

Du trentiesme octobre , vindrent nouvelles que le vingtiesme aoust le Grand Seigneur .

estoit party de Constantinople pour aller en Alep , et le 29 passé en la Natolie sur une.

quadrireme, ne menant avec [uy que son fils, dict le Bossu, ayant laissé Sinam , frere . de Rostan, bassa au gouvernement de la Grece ; qu'il avoit auparavant son partement coupé toute esperance de paix à l'ambassadeur que le sophy avoit envoyé vers luy; que l'empereur s'estoit trouvé si court de finances, qu'il avoit esté contrainct d'emprunter de la vieille royne de Polongne cent cinquante mil escus qu'elle avoit baillés en garde à la seigneurie de Venise ; que Portillo ,

Espagnol , a charge de les faire conduire en Flandres, excepté cinquante mil qui doivent estre envoyés à Milan pour les affaires de la guerre.

Le mareschal durant tout le cours de ces ‘affaires se trouva tant et tant reprins et assez indignement gourmandé sur le faict de l'espargne au manicment de la guerre, qu'il luy éschappa de dire qu'il sembloit aujourd'huy que le courage et la valeur fussent du tout amorties, puis que la gloire des armes et -J'asseurance des conquestes estoyent mesurées à l’aulne de l'espargne; ct lors mesme que tout cela voloit plus haut que jamais. Sur quoy le connestable, restant de la main, luy manda qu'il n'entendoit point son jargon et qu'il ne devoit non plus ignorer que luy que h necessité est une maladie assez commune à la noblesse parmy la trop longue durée des guerres , CL que par ainsi ce n'estoit pas inconvenient qu'ils ne demeurassent autant incommodés que les propres finances du roy ; qu'il n’y avoit meilleur medecine à ces maladies que de donner loisir au prince, à eux et aux peuples, de respirer un peu, mais non quitter la partie, et à quoy faire luy-mesme, qui n'avoit faute de prudence, se devoit aider, mais sur tout la correction des capitaines, vers lesquels il estoit si indulgent, que tous les larrecins qu'ils faisoyent devoient estre attribués à luy seul, duquel Sa Majesté ne pouvoit pour ce regard demeurer contente.

Ces rudes piqueures blesserent si avant la pureté de l'ame du mareschal, que pour s'en descharger il manda à Sa Majesté que si ses services estoient espluchés hors de passion , qu'ils se trouveroicnt pleins de tel honneur et de telle fidelité, qu'ils estoient plustost dignes de louange que de reprehension , qui n'a convenu que trop souvent à son prejudice ; que Sa Majesté, qui estoit le maistre, ayant puissance souveraine de faire et défaire ainsi - qu'il luy plaisoit , ne devoit plus differer de se servir de ceux qui avoient plus de heur, mais non pas pas de courage pour la mieux servir à son gré. |

Le roy, respondant à ces plaintes, luy manda que tant s'en falloit qu'il eust aucun soupçon de su fidelité et valeur, que par le contraire il Le tenoit pour l'un des plus utiles

MÉMOIRES DE BOYVIN. DU VILLARS

et des plus necessaires membres de son estat, comme celle luy feroit cognoistre si tost qu'il seroit sorty d'affaires; que la necessité, &e soy inexorable, estoit celle qui faisoit entrer Sa Majesté en la rigueur de l'espargne et des casseries dont il l'avoit cy devant adverty, comme celuy duquel en cest endroit il vouloit avoir et le conseil et l'aide : surquoy je ne me veux amuser, n'estans de mon gibier.

Revenant maintenant aux affaires du Piedmont, comme vous avez veu , il faut entendre que domp Ferrand ayant failly Ssinct Damian, et ne voulant toutes-fois faire joug aux contrarietés de la fortune, qui accompagnoit ke valeureux naturel du François, il tira son armée en campagne, et se vint parquer dans Valfenieres, dépendante du marquisat de Salluces, qui faict comme un centre entre Ast, Villeneufve, Sainct Damian, Quiers, Carmagnolles et Carignan. Ayant trouvé l'assiette de Valfenieres assez belle, il print resolution de la fortifier pour luy servir d'un magasin de guerre, à la ruyne de toutes ces places et de la pleine de Piedmont.

Sur la fin de may 1553, l'evesque de Laodicéc fut depesché par le pape pour aller de sa part servir de nonce en Espagne. En passant il fut par le commandement du roy arresté prisonnier, comme aussi fut au mesme instant le cardinal Sainct-Georges allant vers l'empereur, sur l'opinion qu'eurent aucuns que f'un et l'autre alloit faire quelques dangereuses pratiques; mais ayant esté recognu que tout cela tendoit à moyenner quelque paix entre ces princes, ils furent courtoisement renvorés.

Pendant qu'il travailloit à ceste fortification, le mareschal , qui attendoit son poinct , dressa une entreprinse sur Verceil, cité ancienne du Milannois, donnée jadis en mariage à un duc de Savoye par celui de Milan, où il y a citadelle et chasteau. Il y avoit en ceste ville um pauvre compagnon nommé Merle , cousin d'un soldat qu'avoit Salveson , surnommé Pont-de- Sture. Cestuy Merle se promenant assez souvent le long des murailles de Verceil , du costé du portail de la Sesia , petite riviere qui passe assez près des murailles , il recogneut que les corps de garde estoient esloignés de ce portil, et que par ainsi il pouvoit estre soudai-

nement rompu avec le pied de chevre, etpar :

là introduire les François au dedans. En ayant communiqué avec ce sien parent, et faict voir les choses au doigt et à l'œil, ille chargea d'en faire la pratique avec le mareschal, par condition qu'ils auroient chacun dix mil escus. Pont-de-Sture, soldat assez advisé, communiqua le tout à son capitaine , lequel vint soudain trouver le mareschal, menant ce Pontde-Sture avec luy, pour de vive voix representer l'estat des affaires au mareschal. Luy, ayant oùy plus d’une fois ce discours , y presta l'oreille ; mais toutesfois , pour mieux s’en asseurer, il leur dict qu'il vouloit envoyer un de ses gentilshommesavec Pont-de-Sture, pour recognoistre encores plus au vray l'estat de la place, et mesmes promettre au Merle ce qu'il avoit demandé. Cela ainsi arresté, Salveson s'en retourna, menant avec luy le genülhomme du mareschal , nommé Bonat, gascon, lequel en habit desguisé entra avec Pont-de- Sture dans Verceil, et asseura le Merle de ce qu'il desiroit. Apres avoir trouvé les choses autant faisables qu'il avoit proposé , il donna cent escus au Merle, lequel luy donna aussi asseurance particuliere de pouvoir retirer en sa maison une douzaine de soldats, avec lesquels il entreprendroit luy mesme de forcer ce portail, nos forces se rendans près la muraille au jour qui seroit accordé ; mais qu'il falloit que ces douze soldats fussent des plus determinés , et ayans la langue italienne ou espagnole à commandemement. Par le retour, et par le rapport dudict gentil-homme , le mareschal commença à minuter de plus près qu'il n’avoit encores faict ceste entreprinse ; quoy faisant , il recogneut, quand bien il prendroit la ville de Verceil, qu'il falloit de l'artillerie pour forcer la citadelle et le chasteau aussi, et que si la ville en estoit desgarnie , que ce Juy estoit chose impossible de l’amener des terres que le roy avoit de ce costé-là , la moindre desquelles en estoit esloignée de plus de trois journées , au moins pour l'artillerie, et tout par pays ennemv, et que domp Ferrand estant si fort qu'il estoit lors en campagne, qu à nostre barbe il fortifioit Valfenieres, ce n'estoit chose qu'il peust, ny ne deust entre prendre. Par ainsi il commanda à Salveson de depescher soudain vers le Merle, cousin de Pont-de-Sture, pour voir et recognoistre au vray