PRESIDENT DE LA COUR DES MONNOLFS

Après longues guerres entre le roy Henry second et l’empereur Charles le quint, finsblement les ambassadeurs d’un costé et d'autre ne pouvant terminer tant de différends qui estoyent entre eux par paix, ils capitulèrent des trefves tant par mer que par terre pour cinq ans, le cinquième jour de février, l’an mil cinq cens cinquante six. Par lesquelles chascun retenoit la possession de ce qu'il avoit prins et gaigné du temps de la guerre, sans toutesfois pouvoir s’accorder touchant les prisonniers, entre lesquels les principaulx estoyent le duc d’Ascot du pays bas, et Francois de Montmorency, fils aisné du connestable, qui trois ans devant avoit esté pris à Thérouenne. Lesquellestrefves furent trouvées avantageuses et honorables pour le roy. Etau traicté d’icelles acquit grand honneur, Gaspard de Colligny, seigneur de Chastillon, admiral de France, homme rassis et prudent en la conduicte des affaires, lequel alla faire jurer lesdictes trefves à l’empereur estant à Bruxelles, et vint de la part de l’empereur au roy le conte de Lalain.

Peu detemps après, Charles, cardinal de Lorraine, personnage doué de beaucoup de dons et graces, mais (comme est le naturel des grands entendemens) ambitieux et aspirant à choses haultes, revint de Rome, qui fut après Pasques, ayant là esté pour ligue contre l'empereur ® XVI" ssicce, Chron. et Mém.