XVI: siècte , La PI. et La PI

d'entendre de luy ce qu’il pourroit scavoir desdicts troubles, et remèdes que l’on y devoit tenir, estimant qu’il luy en pourroit autant dire que nul autre à qui elle se peust addresser. Le. dict de la Planche s'estant excusé une fois et plusieurs sur l'ignorance detelles affaires, et sur le dangier qu'il scavoit estre d'en parler à la vérité, dict à la parfin que, puisque son bon plaisir estoit tel qu'il dist ce qu’il en scavoit et pouvoit penser, qu'il le feroit en toute liberté, sans avoir rien devant les yeux que le service du roy, le repos et tranquillité de ses subjects.

Qu’il falloit à ceste cause considérer, d’autant que l'on appeloithuguenauds ceux qui troubloyent le royaume, qu’il y en avoit de deux sortes : lesuns huguenauds de religion, les autres huguenauds d’estat. Que les huguenauds de religion avoient esté à la vérité suscités à s’armer par le sieur de Renaudie soubs le prétexte de présenter une requeste à fin d'exécuter une vengeance privée du tort qu’il prétendoit luy avoir esté faict par ceux de Guyse en faisant mourir Gaspard de Hue sieur de Buy son beaufrère ; de facon qu’il n’attendoit sinon que le feu roy envoyast hors de sa cour lesdicts de Guyse, ainsi que chascun se promettoit qu’il eust faict s’ileust vescu ; mais les voyant eslevés au premier lieu du maniement des affaires, et que ses forces particulières n’estoyent suffisantes pour venir à bout de son entreprise, voulant néantmoins icelles exécuter, il trouva à propos et les unset les autres huguenauds irrités à l'encontre desdicts de Guyse, pour s’aider de tous deux à son désir. À scavoir, les huguenauds de religion, pour ne pouvoir supporter plus la rigueur et cruauté exercée à l'encontre d’eux ; et les huguenaudsd’estat, pour ne pouvoir plus comporter l’usurpation faicte par lesdicts de Guyse de Pauthorité et total maniement du royaume.

Et là dessus remonstroit que, pour le regard des premiers, d'autant que la religion défendoit de prendre les armes, il estoit aisé de les appaiser, en assemblant un bon nombre de personnages des plus suffisans de toutes nations et des plus amateurs de la pacification de la chrestienté, soubs couleur de traduire fidèlement la Bible, ou autre occasion ; ausquels on feit ce pendant rédiger par escript tous les poincets desquels ils pourroient estre d’accord ensemble, et mettre à part ceux qui seroyent en controverse ; et que l’on cognoistroit qu’il

seroit après bien aisé de les décider pour la tranquillité du royaume. Mais que pour le regard des seconds, quiestoyent les huguenauds d'estat, la difficulté étoit plus grande, d'autant qu'ils estoyent plus difficiles à contenter, et cstimoyent avoir juste tiltre de s’aider des armes à l'extrémité; car tout ainsi qu'ils ne vouldroyent permettre au roy de transférer et céder sa couronne à un autre, aussi se pensent-ils tenus à s'opposer par armes aux desseings de ceux qu’ils s’'appercevroyent tascher de faire mutation et changement d’estat. Qu’iln'y avoit qu'un seul moyen pour y pourveoir, qui estoit de maintenir les princes du sang au degré, honneur et authorité qui leur appartient, et en retirer doucement par assemblée des estats, ou autrement, ceux de la maison de Guyse. Car encores, madame, disoit-il, que les princes du sang, qui sont débonnaires et gracieux, voulussent comporter que leur authorité fust haillée a autres, toutesfoys la noblesse françcoise ne le pourroit jamais endurer, d’autant que les gentilshommes sont tous d'accord ensemble de ne tenir point de rang à la cour pour plus honorer une seule maison de France.

Et quand d’autres que ceux du sang ont voulu faire les princes, cela leur a esté insupportable ; dont est advenu que jamais estrangier n’a voulu faire le prince en ce royaume, et avoir la surintendance des affaires, qu’il n’en ait eu mauvaise issue. Tesmoing Jean de la Cerda, autrement dict d'Espaigne, lequel estoit premier fils du fils aisné du roy de Castille, et estoit marié à la fille de messire Charles de Blois, celuy auquel le parlement de Paris avoit adjugé le duché de Bretaigne, et qui par le roy Philippe de Valois son propre oncle, fut faict comte d’Angoulesme et connestable de France. Tesmoing aussi Estienne, duc de Bavières, frère d’Ysabelle, femme du roy Charlessixiesme, et fils de Louys, duc de Bavières, empereur ; et René aussi, qui s’intituloit roy de Sicile, père du feu duc de Guyse. Ces trois, qui seuls ont voulu depuis deux cens ans, estans princes estrangers,commander en France, n’y ont à parfin faict guères leur profict, et encores moins celuy du royaume, ce que ne trouvera estrange quiconque voudra considérer que la noblesse francoise est composée de si illustres maisons qu'il s'en trouve une douzaine qui viennent de droicte ligne masculine de roys, qui ont possédé pai-

DE L’ESTAT DE LA RELIGION

siblement royaumes, là où il ne se trouvera jamais de ceux qui portent aujourd’huy le nom de Lorraine, qu'il y en ait eu un seul qui jamais ait esté roy autrement que titulaire. Le baron d’Argenton et le sicur de Marigny près Gandeluz viennent de droicte ligne de ce seigneur de Chastillon-sur-Marne, qui estoit roy de Navarre, comte de Blois, et qui tenoit grandes seigneuries ès Pays-Bas et avec la Brie, ce grand comte de Champaizne, duquel relevoit non seulement le Barrois mais une bonne partie du duché de Lorraine.

Et qui plus est, le roy sainct Louys, pour plus grande confirmation et esclaircissement de la loy salique, accorda que ceux de sa maison de Courtenay et de Dreux, qui estoyent de la maison de France, laquelle est sans controverse la plus noble et la plus ancienne qui soit sur la terre, se départiroyent de faire plus les princes en ce royaume, pour plus honorer les princes de la fleur de lys. Les gentilshommes francois honurent les princes estrangers quand ils se contiennent en leurs limites, mais autrement ils ne les peuvent supporter, et moins les cognoistre ou advoucr pour princes et autres que seigneurs et gentilshommes. Ce que fut confirmé par le jugement du feu roy François, quand le duc d’Aumale se maria ; car il ne voufut permettre que sa femme fust habillée en princesse le jour de ses nopces: disant qu'il ne vouloit communiquer les honneurs qui n’appartiennent qu'aux princes du sang à ceux de Lorraine. Et que s’ils ‘ouloyent faire des princes, qu’ils les allassent faire hors de ce royaume, et à leurs dépens. Et feu monsieur de Guyse, qui avoit fort diligemment pourchassé d’avoir l'estat de grand veneur, lequel auparavant n’estoitexercé que par bien simples gentilshommes, se contenta que sa belle-fille n’eust point de manteau à Fontainebleau le jour de ses nopces.

Tous les princes du sang sont coustumièrement humains et gratieux, et défèrent souvent aux personnes plus qu’ils ne doivent, non pas par ignorance, mais souvent pour rendre ridicule et remarquable la présomption de ceux qui s’advancent plus qu'ils ne doivent. On a veu feu monsieur de Vendosme offrir souvent en Picardie mesmes, dont il estoit gouverneur, à feu monsieur de Guyse son beau-frère, de donner le mot de guet; et puis en son cabi-

} net, s’en rire fort privément. Feu monsieur de

Sainct-Paul ne l’ouit jamais s'appeler prince, qu’en soubsriant il ne dist à quelcun des siens, qu'il parloit alemant en francois; et que toutestoys et quantes qu’il se vouldroit appeler prince, pour parler proprement francois, il devoit adjouster de Lorraine. Le feu roy Francois, à l’entrée de la royne Aliénor, feit bien habiller mademoiselle de Guyse, qui depuis a esté royne d’Escosse, en princesse, pour son seul plaisir ; mais aux nopces de son frère, il monstra bien qu'il ne vouloit que cela fust tiré en conséquence. Et si le feu roy, à la persuasion de madame de Valentinois, à laquelle sont tenus de toute leur grandeur tous ceulx qui aujourd’huy vivent de la maison de Guyse, a pour l’exaltation d’icelle corrompu l’ancien ordre, qui estoit qu’en France nulle fille estoit habillée en princesse le jour de ses nopces, si elle n’estoit fille de prince du sang, ou en espousoit un , il est certain que s’il eust vescu, il avoit assez résolu de les humilier en récompense.

Il n’y a doubte, madame, que de communiquer à messieurs de Guyse les honneurs deus et propres seulement à ceux du sang, ne soit faire contre messeigneurs vos enfans, qui un jour en feroyent la vengeance; car Dieu vous ayant faict ceste grace d’en avoir quatre, vous devez espérer que les enfans de monsieur d'Anjou seront au rang que tient aujourd'huy monsieur le prince de la Roche-sur-Yon. L'ancienne coustume des parlemens, mesmement de celuy de Paris, a tousjours esté d'empêcher que nul ne s’y attribuast le nom de prince, s’il n’est du sang; CE Que mesmes a esté confcrmé ès personnes de mesdicts sieurs de Guyse plaidans devant le feu président Lizet, lequel dict en pleine audience à leur advocat, prenant la qualité de prince, que ce tiltre n’appartenoit en France qu'aux princes du sang, et ordonna surle-champ qu’elle seroit rayée. Parquoy, madame, vous ne devez endurer telles choses extraordinaires, mesmement durant le bas aage du roy vostre fils, pendant lequel on ne peult altérer les establissemens de l’estat, sans le mettre en danger d’estre entièrement perverti; et de-

. vez mettre pour le moins avec ceux de Guyse d’autres ministres qui soyent Francois naturels, pour leur servir de bride et contre-poix, retenant Vostre Majesté le dessus sur les uns et les autres. Qui sera le moyen propre pour appaiser l'humeur des huguenauds d’estat, d'autant plus

dangereuse que celle des huguenauds de religion, que tous les gentilshommes et les très fonciers de ce royaume en sont : si ce ne sont par avanture aucuns particuliers corrompus aux despens de la bourse du roy.

Et comme la royne eut dict audict de ls Planche qu’elle n’avoit eslevé ceux de Guyse, que tout ainsi qu'avoit faict le feu roy son seigneur, et qu’elle désireroit bien que les princes du sang voulussent tous estre à la court, dont il y en avoit deux qui estoyent favourablement traités et honorés ; que les huguenauds qui avoyent faict l’entreprise d’Amboise en vouloyent mesmes à la personne du roy, et non à ceux de Guyse seulement, il luy répliqua que, d'autant que les princes du sang ont privilége de n’estre point subjects à la cire verte, sinon au cas du prerier chef du crime de lèze majesté, il ne se falloit esbahir si ceux qui avoyent querelle et émulation avec eux couchent du roy contre eux; et qu’il n’estoit pas croyable qu'un cueur de François originaire voulust jamais attenter à la personne de son roy, et encore moins un prince du sang.

Et que s’il plaisoit à Sa Majesté ne déférer à autres qu'a eux les honneurs qui leur sont deus particulièrement, que le roy et elle en feroyent ce que leurs Majestés vouldroient; et qu’elle seroit recogneue d’eux et de tous les subjects de ce royaume pour la vraie mère, non seulement de ses enfans, mais de tous les princes des fleurs de lys, ayant eu cest honneur d'estre femme et mère du roy. Et que si elle aimoit ceux de Guyse, elle leur devoit conseiller et commander de ne s’esgaler ny parangonner en aucune chose à aucun prince du sang, à cause de leur maison; car, comme officiers, chascun leur déférera volontiers, pour l’honneur du roy, ce qui leur appartient.

Ces propos finis, ausquels estoit présent ledict cardinal de Lorraine, et autres cachés derrière une tapisserie, la roine envoya ledict de la Planche disner; et ce pendant fut conclud de l’arrester prisonnier, mais que premièrement la roine le rappelleroit encores dans son cabinet, pour parler de rechef à luy; ce qui fut faict. Et comme il fut rentré audict cabinet, la roine y estant venue, accompaignée de madame de Montpensier, commença à luy dire pour le sonder que les princes du sang ny autres ne se pouvoyent plaindre si ceux de la maison de

Lorraine estoyent honorés, et tenoyent rang en France après les princes du sang : tellement qu'après le premier prince du sang, marchast le premier prince de Lorraine, et après le second prince du sang, le second de Lorraine, et ainsi consécutivement; et que les services faicts par ceux de Guyse, mesmes estans oncles de la femme du roy, méritoyent bien qu’on leur portast respect. Qu'elle ne pouvoit croire que pour les honneurs que prétendoyent ceux de Guyse, il se peust dresser si grosse querelle, et qu’il y avoit autre occasion que ledict de la Planche scavoit bien, mais qu’il ne la vouloit pas dire, dont il se pourroit trouver mal : et bien au contraire, s’il vouloit en bon subject et obligé serviteur descouvrir tout ce qu'il en scavoit, ou pour ce faire aider d'attraper Maligny, Soubselles, et autres principaux rebelles ; ce qui luy seroit aisé et encores mieux recogneu.

Ledict de la Planche feit response qu’il remercioit Dieu de ce qu’il n’estoit obligé, sinon à ceux auxquels il estoit né serviteur, à sçavoir à ceux de la maison de France, et principalement à Sa Majesté, laquelle l’avoit donné au feu roy, et luy avoit pourchassé beaucoup de biens et d’honneurs ; ce que ses ministres avoient tousjours tasché d’empescher, et qu’à ceste cause il luy avoit dict toute la pure vérité de ce qu'il scavoit, sans avoir autre but devant les yeux que le service du roy et d’elle. Mais pour luy tesmoigner de quelle importance estoit ce qu’il luy avoit dict, et luy faire toucher au doigt les vrayes causes des maladies qui sont au corps de la France, luy remonstra que Lorraine souloit estre quasi comme une forest espesse entre l’Alemaigne et la France, et partant ceux de ceste maison faisoyent accroire aux Alemans qu’ils estoyent grands en France, et aux François qu’ils estoyent grands en Alemaigne. Mais qu’à ceste heure, Dieu merci, ceste forest estoit esclaircie, et que les affaires d'Alemaigne estoyent cogneues aux François comme ceux de France : toutes personnes de jugement n’ignoroyent point le petit rang que tient monsieur le duc de Lorraine mesmes ès assemblées de l'estat de l’Empire; de facon qu'il ne s’y trouve prince aucun qui ne face difficulté de luy céder. Dont il s’ensuit, disoitil, madame, que, si vous eslevez ceux de la maison de Lorraine en France d'aller à la main ces princes du sang, il fault que vous faciez

DE L’ESTAT DE LA:RELIGION

marcher par dessus ceux de la maison de France une douzaine de princes en Alemaigne, les maisons desquels précèdent celle de Lorraine. Que le duc de Lorraine ne pouvoit prétendre aucune grandeur, sinon par madame Yolant d'Anjou; mais la loy salique empesche que, à cause des femmes, on ne peult avoir grandeur en ce royaume. Et aussi qu'il y a une reigle générale que les princes estrangers ne tiennent point de rang en France. Monsieur de Guyse se doit contenter d’avoir toute la grandeur que peult avoir homme en ce royaume, sans estre du sang, qui est d’estre duc et pair de France, et y avoir d’autres offices honorables, et se garder d'offenser la noblesse de ce royaume, qui est la force et le maintien de la couronne. Et s’il se veult mieux accommoder aux humeurs françoises, pour son bien, et à l'advantage du roy qui s’en veult servir, il doit reprendre le vray nom de sa maison, et monstrer par là qu'il est originaire Francois, ayant son nom et ses armes en France. Car le plus grand honneur que se donne la maison de Lorraine est qu'ils disent que Godefroy de Boulongne, roy de Jérusalem, eut trois frères : le second fut roy après luy; du troisiesme vint monsieur le conte de Boulongne vostre grandpère, madame; du quatriesme, celuy qu'ils disent avoir esté baron de Jeinville, et avoir espousé l’héritière du duc de Mozelane : ils maintiennent qu'ils en sont venus, et leurs chroniques le chantent.

Ce Godefroy, qui fut surnommé de Bouillon en aleman, et en francois de Boulongne, pour estre vaillant chevalier et éloquent, tant en langaige aleman que françois, fut choisi pour plus facilement commander aux deux nations en ceste grande entreprise de conquester la Terre Saincte, et ne laissa aucuns enfans, ny le second sonfrère. Le troisiesme devoit estre héritier de toute leur grandeur, et de leurs doubles croix pour le moins , mais ils ont esté modestes et advisés, et l’ont laissé à ceux de Lorraine, qui ont prins le nom de Lorraine, et n’en tiennent pas la centiesme partie, et ont esté grands en tiltres et en armoiries. Et pourtant toute la grandeur qu'ils veulent attribuer à leur maison, plus que celle qu’avoit monsieur de Boulongne vostre grand-père maternel leur aisné, fault qu'ils l’ayent comme estrangers. Et de vouloir débatre que à eux comme estrangers en France

prenne authorité sur ceste couronne.

La seconde mutation fut quand Robert vint en France pour estre gouverneur et lieutenantgénéral au pays d'Anjou, qui servoit pour lors de marche et frontière contre les Bretons, ennemis de la couronne. Ses enfans creurent parmi les discords des princes de la maison Charlemaigne, et son petit-fils Hue Capet fut estably roy de France, bénéficiant la noblesse et ordonnant l’estat tel qu’il est, dont est advenu que sa maison a plus duré que les autres deux qui avoyent regné auparavant, et durera, si vostre Majesté, madame, comme vraye mère de toutes les fleurs de lys, veult conserver les loix de ce royaume et choisir ministres pour la conservation de son authorité, des François naturels, modestes et modérés. Et pource il scroit besoin que monsieur de Guyse voulust reprendrecenom de Boulongne, et ne prétendre en ce royaume grandeur, sinon celle que son père et luy ont eue depuis le feu roy Francois. Il semble qu’ils ont tasché de faire tout le contraire, et diminuer les prérogatives des princes du sang, jusques à conseiller à monsieur de Longueville d’oster la barre de ses armes. Il vau]droit beaucoup mieulx luy rendre l’estat de grand-cham-

bellan.

Surtout, madame, vous devez commander à

monsieur de Guyse de se souvenir qu’on ne doit recognoistre en France qu’une seule grandeur

du roy et de ce qui dépend de Sa Majesté , à sçavoir les princes de son sang et ses officiers en leur charge et vocation; et qu’il se déporte de s’exalter sur la noblesse, qui est la force et le maintien de la couronne, et qu’il n’entreprenne de tirer au collier avec aucuns princes du sang. Car si le roy François jugea qu’à bon Jtiltre monsieur de Pons avoit esté chassé de Ferrare pour ce qu'il se disoit estre d'aussi

il leur appartienne quelque grandeur, c’est chose très suspecte et indigne à l’estat et à la noblesse francoise, laquelle a une si vraye et naïfve affection à ce sang royal, qu’elle ne peult qu'avec regret et horreur voir exalter les estrangers. On dit que l'Italien est sage devant la main, l’Aleman sur le faict, et le François après le coup. Et pour ce le pape Zacharie ayant faict la première mutation en ce royaume, les Francois n’ont failli de monstrer au pape Boniface, ct depuis en toutes autres occurrences, combien ils veulent empescher que le pape ne

bonne maison que Ceux d’Aest, n’estant raisonnable, puisqu'il vivoit du pain de madame de Ferrare et à ses gaiges, qu'il feist telle comparaison, encores que ledict feu roy tinst la maison de Pons aussi ancienne que celle d’Aest.

Aussi n'est-il pas supportable que ceux de la maison de Guyse, qui ne sont grands et gras que de la substance et graisse de la maison de France, se viennent à comparer aux princes de ladicte maison.

Ce sont les causes des troubles, madame, et les moyens aussi (puisqu'il vous a pleu me commander d’en parler franchement) que je puis penser estre plus propres pour iceux pacifier. Si la cause de la religion est à craindre, celle de l’estat l’est encores plus; et les deux conjoinctes ensemble sont un mal très dangereux en un royaume, s’il n’y est promptement pourveu. Si j'en scavois d'avantage, je ne craindrois de le vous dire en pareille liberté que j'ay faict tout ce que je viens de vous dire. Et au regard d'aider à prendre les rebelles, je vous supply m'en excuser, comme de chose qui n’est aucunement en moy, et ne me seroit séant de servir de prévost des mareschaulx, et moins encores d’espion

Sur cela la roine luy dict que, puis qu'il ne vouloit dire autre chose, il falloit qu’il fust constitué prisonnier, d'autant qu'il y avoit information par laquelle il estoit trouvé qu’il avoit eu intelligence avec ledict de la Renaudie, et qu'il avoit parlé au chevalier de Seure s’en allant en Angleterre, de vouloir passer la mer incontinent après luy. À quoy il dict qu'il avoit un procès sur le bureau lorsque Icdict chevalier partit, lequel s’il l’eust perdu (ce qui ne se pouvoit faire qu’à tort et contre raison), il avoit délibéré de ne vivre jamais en France, et aller passer le reste de sa vie ès pays estrangers. Et que d’avoir eu intelligence avec ledict de la Renaudie, le procès et différend qu’il avoiteu contre un sien oncle maternel luy serviroyent de preuve suflisante qu'il ne luy pouvoit estre amy. Fut mis entre les mains des capitaines des gardes, dont le quatriesme jour après il fut mis dehors.

Gaspard de Heu, sieur de Buy, dont a esté parlé cy-dessus, estoit un gentilhomme de Mets, qui avoit espousé l’une des filles du sieur de Roignac en France, et la Renaudie l’autre, s’estant luy et elle absentés à Lozanne, où ils se

marièrent. Ledict de Buy avoit esté, durant les guerres, pris prisonnier à Willevord, et avoit fait des services au feu roy Henry. Estant délivré de prison, estoit venu en France pour recouvrer quelques deniers à luy deus, et avoit porté des lettres au roy de Navarre de quelques princes d’Alemaigne, pleines d'offres et de faveurs fondées sur la religion, que ledict roy de Navarre, ainsi qu’on disoit, embrassoit avec eux secrettement.

Or ainsi que ledict de Buy cuidoit s’en retourner, portant lettres de response du roy de Navarre avec luy, il fut arresté prisonnier, et mené au chasteau du bois de Vincennes; où il fut estendu sur la question et pendu au garrot. Duquel acte fut ministre Michel Vialard, lieutenant civil, par le commandement desdicts de Guyse.

Au regard de ce qui a esté dict de Jean d’Espaigne, connestable de France, il fut tué en son lict, dans sa maison de l’Aigle, par la noblesse de France; et Estienne, duc de Bavière, fut saccagé à Villeneufve-Saint-George, mené prisonnier et mis hors du royaume, où il mourut devant un petit chasteau qu'il assailloit en Bavières. René, roy de Sicile, fut chassé hors de crédit de la cour et de France par l'admiral Graville, du temps du roy Charles huictiesme. Et ce qui a esté dict touchant la descente de la maison de Lorraine de celle de Boulongne, est suyvant ce que ceux de Lorraine en ont faict publier par leurs chroniques, y en ayant d’autres qui en parlent autrement. Et au regard de ce qui est dict de l’estat de grand-chambellan, que ledict duc de Guyse le devoit rendre au duc de Longueville. C’est pource que le duc de Longueville prétend que ledict estat est affecté à sa maison, pource que devant luy il n’y a eu grand-chambellan autre que de sadicte maison.

Le lendemain que ledict dela Planche fut eslargi, le roy alla à Rambouillet, où le maréchal de Brissac arriva du pays de Piedmont, auquel il avoit esté long temps lieutenant général, et en son lieu y avoit esté envoyé le sieur de Bourdillon.

Auparavant, etdès le mois de may précédent, avoit esté faict un édict, le roy estant à Romorentin, par lequel estoit renvoyée la cognoissance du crime d’hérésie aux prélats, et icelle interdicte aux juges séculiers. Puis estoit adjousté en iceluy : «Et néantmoins par ce qu’il est

advenu naguères (ce que n’eussions pensé pouvoir jamais advenir) que nossubjects, sous espèce et prétexte de religion, ont prins les armes et se sont soulevés pour troubler l'estat et / repos de nous et de nos subjects, cuidans planter par force d'armes les nouvelles opinions qu'ils tiennent en la religion, dont les uns auroyent prins la hardiesse de venir jusques en nostre maison, avec si mauvaise et damnable intention que, si l'exécution s’en fust ensuyvie telle qu’ils désiroyent, il n’en pouvoit venir que la subversion et la désolation de nostredict estat. Nous, pour obvier que telle et semblable chose n’advienne cy après, de l’advis et délibération de ceux que dessus, avons prohibé et défendu, prohibons et défendons toutes assembléesillicites, et forces publiques, déclarant ceux qui auront faict, ou qui se trouveront en telles assemblées, nos ennemis et rebelles, et subjects aux peines qui sont establies contre les criminels de lèze majesté.

« Enjoignant à tous nos lieutenans généraulx, gouverneurs de pays, baillifs et sénes- Chaulx, prévosts des mareschaulx, et autres nos juges, chascun endroict soy, d'entendre et veiller soigneusement à ce que telles assemblées ne se facent; et où ils seroyent advertis d'icelles, se transporter sur les lieux, sans attendre la requeste ou poursuyte de nos procureurs, ou de partie, prendre les délinquans, informer et instruire les procès contre eux; lesquels procès ainsi faicts et instruicts, voulons estre jugés en dernier ressort au siége présidial où sera commis le délict; assistans au jugement d’iceux les présidens, baillifs, séneschaulx de robbe longue, leurs lieutenans civils, criminels et particuliers, et les conseillers dudict siége qui se trouveront sur les lieux jusques au nombre de dix, si tant s’en trouvent. Et en défault d'eux, seront pris les plus anciens et fameux advocats dudict siége qui se trouveront sur les lieux, jusques audict nombre de dix. Lesquels juges puniront lesdicts délinquans pour la seule force, sédition et assemblée illicite. Et à fin que telles conjurations secrettes viennent plustost en évidence, nous enjoignons sur pareilles peines à tous sachans, consentans ou recélans, qu’ils ayent à icelles venir incontinent révéler et déférer à justice, auxquels, s’ils sont des complices, nous avons en bonne foy et parole de roy donné et donnons impunité; et s’ils n’en sont,

voulons estre donné La somme de cinq cens livres tournois, à prendre sur les premiers et plus clairs deniers procédans du bien des délinquans. Déclarans aussi tous les prédicans non ayans puissance des prélats, ou autres ayans pouvoir de les commettre, faiseurs de placarts, cartels ou libelles diffamatoires, qui ne peuvent tendre qu'à irriter et esmouvoir le peuple à sédition, imprimeurs, vendeurs et semeurs desdicts pla- Caris et libelles, rebelles, ennemis de nous et du repos public, et criminels de lèze majesté, subjects aux peines des séditieux et faiseurs d’assemblées, et punissables par la facon, manière et mesmes juges que dessus. Et néantmoins, ne voulant de nostre présent édict les mauvais prendre occasion de calomnier, déclarons tous Calomniateurs, et qui faulsement et malicieusement déféreront et accuseront aucuns, estre subjects à pareilles et semblables peines que seroyent les accusés, s’ils estoyent convaincus. »

I fut faict aussi un autre édict touchant la résidence des prélats en leurs éveschés et diocèses, et un autre touchant la suppression des offices, mesmement de justice. Pour parler de tous lesquels , et autres affaires , le chancelier fut en la cour de parlement de Paris , accompaigné de plusieurs maistres des requestes de l’hostel, le cinquiesme de juillet.

Ledict chancelier feit entendreäladicte cour, toutes les chambres assemblées, que luy ayant bonne envie de visiter cellecompaignie , en laquelle ilavoit usé bonne partie de sesans, l’occasion s’estoit offerte, que le royluy avoit commandé y venir, pour de sa part parler de trois principales choses. L'une concernant ledict seigneur , et l’estat universel de ses subjects; la seconde, touchant la ville de Paris , qui est la capitale du royaume; et la troisiesme appartenant aucorpsdeladicte cour. Pour la première, que quand ledict seigneur estoit venu à la couronne, il avoit trouvé et recueilli la succession du feu roy son père embrouillée et empeschée de debteset autres grands affaires, et avoit ressemblé à l'héritier qui appréhende une succession, ayant apperceu de grandes richesses , et aéantmoins après s'estre enquis , avoit trouvé de grosses debtes , sa famille mal obéissante et mal morigénée , et autres choses qui l’empeschoyent pour long temps. Cela estoit advenu audict seigneur, lequel estant venu à ceste succession avoit trouvé tant de debtes constituées

par les feus rois François et Henry scs ayeul et père, pour les nécessités de la guerre, que quand il employeroit tout son revenu, en dix ans ne pourroit être quicte ; et pouvoit dire en ce lieu (combien qu’il ne fust bon qu’il fust sceau par tout) qu’il y avoit plus de quarante-trois millions deubs, dont couroit intérest. Que le roy défunct à la vérité luy avoit laisse la paix, mais qu'il ne pouvoit jouir du bien d'icelle , et le mal de la guerre luy estoit demouré pour la grande multitude qu’il avoit des affaires domestiques. Que oultre les debtes qui mangcoyent , il y avoit en sa maison des pensions et gaiges deus à aucuns, de deux, trois, quatre ou cinq années aux officiers domestiques et autres, en très grand nombre, et à ladicte cour, sans ce qui estoit deu à la gendarmerie, et non comprises plusieurs autres debtes particulières par prest et autrement. Qu'il falloit avoir de quoy pour y satisfaire ; et tant estoit loing que le roy pour s'acquicter eust accreu ses subsides, daces et aydes, qu’il en avoit osté les uns, et diminué les autres ; avoit laissé à lever les cinquante mille hommes de pied qui se levoyent en la pluspart des villes de son royaume par capitation, et autres deniers qui se levoyent par imposition de subsides, et avoit fallu en aucuns endroicts faire rabais des tailles, le peuple ayant abandonné le pays de Normandie. Que les charges diminueroyent bien le revenu, qui n’estoit pour en veoir si tost le bout; et par faulte d’avoir peu tout payer, s’estoyent engendrés plusieurs mescontentemens. Ceux qui n'estoyent satisfaicts de leur deu, ou des bienfaicts accoustumés, cuidans que la boursedu roy fust grosse, en attribuoyent la faulte à son conseil, qui avoit esté contrainct adviser le retranchement des dons ; de sorte que ceux qui ne scavovent que c'estoit de raison , s’en sentoyent injuriés. Disoit cela pour monstrer qu’il ne se falloit esbahir de ce qui estoit advenu, joinct la religion et les meurs corrompus.

Quant à la religion, chascun en temps de paix s’estoit faict une religion à sa poste, les uns à bonne fin , les autres par erreur, les autres par malice.

Au regard des meurs, tous les estatsestoyent corrompus; croyoit que l'Eglise, qui devoit préluire, estoit cause du désordre de la religion, pour leur mauvaisexemple. La noblesse et gens de guerre ne pouvoient estre retenus, pour es-

re bien payés, d’opprimer le peuple; et si leur payement estoit reculé, ils prenoyent là dessus excuse de leurs violences. Que ladicte cour, qui estoit le principal siége, voyoit tous les jours les abus des subalternes, et n’estoit excepté de faulies ; la prioit et admonestoit d'y regarder et pourveoir. Que la pluspart des juges estoyent à autres qu'au roy, qui yavoit la moindre part; et la fin estoit pour parvenir à plus grands estats et honneurs. L’avarice y estoit meslée, cent francs de gaing au bout de l’an en faisoyent perdre pour cent mil de réputation. Le peuple estoit fort mal instruict, non seulement aux villes, où la malice estoit accoustumée, mais aux champs où la simplicité souloit estre. Les vicaires ne leur parloyent que de payer les dismes et offrandes, et rien des bonnes meurs , au moyen de quoy ils faisoyent mestier de desrobber sans conscience.

Les uns donc d’entre les suhjects estans mal paycs et mal contens, les autres imbus de mauvaisereligion,et corrompusde mauvaises meurs, ne Craignans Dieu, et n’obéissans aux magistrats ; aucuns soldats ou autres estans meslés parmi eux, qui cherchoyent choses nouvelles, pour piller les riches et par tout mettre confusion. Ne se falloit esbahir s’il estoit advenu ce que l’on avoit veu; mais que d’y remédier il estoit malaisé promptement.

Premièrement pour le regard des debtes, que le roy avoit faict ce qu'il avoit peu, ayant rongné en partie ses dons, de tout il ne se devoit faire ayant beaucoup de gens à contenter, ayant composé à ses créanciers, et commencé à payerses officiers ; tout ne pouvoit estre faict à un Coup.

Quant à la religion , que c’estoit un poinct malaisé, les uns estant mal contens de la paix, aucuns de ce que l’estat n’estoit gouverné à leur appétit, et les autres vouloyent que leur religion fust receue, et que celle des autres fust chassée. Que le remède devoit venir de plus grand lieu par la main de Dieu et du concile universel qui estoit ordonné par le pape et accordé par les princes, en espérance de bien tost l'avoir; jusques là falloit essayer à vivre doucement , et qu'il y avoit une certaine façon de vivre, que l’on avoit vescu cy devant à la mode ancienne. Les roys François premier , Henri second, et cestuy-ci, voyans que les erreurs pulluloyent, avoyent

DE L’ESTAT DE LA RELIGION

{15601 faict comme l’on faict à cercler les bleds, et estoit nécessaire y mettre la justice, pour en tirer les mauvaises herbes; mais depuis mesmes ceste année, les herbes avoyent tant creu et multiplié, qu’elles surpassoyent le nombre des espics, tellement que l’on estoit contrainct laisser le bled en l’estat qu’il estoit. Le roy avoit faict comme les bons médecins, qui souvent cognoissent les maladies sans cognoistre les causes d’icelles ; et ayans usé de quelques remèdes aigres, qui n’ont proficté, prennent les doulx, et ayans usé de choses chauldes qui ne profictent, appliquent les froides.

Le temps desdicts roys portoit que l’on feist des exécutions : ils en avoient usé, et aussi le roy qui est à présent; mais voyant que pour cela le mal ne guérissoit et cognoissant par l’effect que ce n’estoit le vray remède, vouloit en chercherd’autres, considérant que ce trouble de religion n’estoit seulement en son royaume, mais chez ses voisins en la Germanie, Angleterre, Escosse, et autres pays, où il a fallu pour y obvier prendre les armes et venir à la main, chose très dangereuse, ainsi qu’on voit par l’issue. Que les maladies de l'esprit ne se guérissoyent comme celles du corps. Quand un homme ayant mauvaise opinion faisoit amende honorable,et prononcoit les mots d’icelle, il ne changeoit pour cela son cueur , l'opinion se muant par oraisons à Dieu, parole et raison persuadée. Que s’il estoit obstiné en ses erreurs, ou licentié à toute liberté, on luy devoit fermer l’Eglise, et après le rendre au bras séculier. Désiroit que les gens d’Eglise qui crient haro (combien qu’il y ait plus de haro à crier sur eux ) suyvissent ce chemin: ils profiteroyent plus qu'ils n’ont faict jusques icy, et que la plus part du temps l'on avoit ainsi vescu.

Que le roy avoit faict l’édict dont estoit question, avec un bon zèle, pour admonester les prélats de faire leur résidence et devoir, et préluire aux autres. La cour, qui avoit commencé d’en délibérer, adviseroit s’il y avoit chose à remonstrer pour y adjouster, déclarer ou diminuer ; que le roy entendroit volontiers leurs remonstrances, et s’il y falloit changer, le feroit.

Que les séditions concernoyent sa couronne, son estat, et les biens de ses subjects, contre la force estoit la force nécessaire ; n’estoit loisible porter armes qu'au roy, ou par sa permission en son royaume. Qu'il avoit pourveu et com-

[1560] manüé aux gouverneurs aes provinces, baillifs,

ET RÉPUBLIQUE, LIV. Ii.

s'il falloit venir à creue de gaiges, comme il

séneschaulx, et autres ayant telles charges, y | pensoit, elle seroit plus facile, les finances es-

résider et se tenir prêts, assistés des prévosts des maréchaulx, pour prendre ceux qui feroient sédition, assemblées illicites et forces publiques, et procéder sommairement contre eux ainsi que l’édict qui en estoit faict le portoit ; et ne devoit-on trouver estrange que telle puissance leur fust baillée sans appel. Que c’estoit pour l'exemple prompt qui estoit nécessaire en telles choses. En un camp, un pendu faisoit plus de peur aux séditieux, que cinq cens prisonniers que l’on voyoit mener, et espéroit l’on qu'ils eschapperoyent. Par quoy de tel crime l'on dit : aussitost pris aussitost pendu.En Flandres et en Italie n’y avoit appel des jugemens criminels; ne vouldroit que aucun se persuadast qu’il fust de ceste opinion, sinon en sédition, où la longueur estoit fort à craindre, pour le moins que la loy seroit temporelle. Que Dieu regarderoit ce royaume d'œil de pitié.

Toutes les villes d’iceluy n’estoyent pas comme celle de Paris; luy falloit donner louange, qui n'appartient aux murailles, mais aux bons gouverneurs d’icelle, dont ladicte cour méritoit le plus d'honneur. Si l’on ne voyoit ici des séditions, ce n’étoit par tout ainsi. Que l'on avoit advertissement tous les jours de ceux qui s’assembloient et menaçoient se mettre en campaigne, et voyoit-on assez que tout n’estoit purgé. S'il n’y avoit que Paris, il ne seroit besoin de l'édict, qui pouvoit sembler rigoureux ; ou si l’on pouvoit transporter partie de ceste cour ailleurs, on n’auroit que faire des juges présidiaux. Qu'il importoit grandement au roy de mettre ordre contre les séditieux. Il avoit délibéré la résidence des prélats, et qu'aux insuffisans seroyent baillés coadjuteurs ; seroient admonestésde mettre des officiaux sages et paisibles. Les gouverneurs et autres officiers des provinces ne seroyent dispensés de résidence, et s’il y avoit des séditions, le roy seroit le plus fort.

Que lédict de suppression des offices seroit embrassé par ladicte cour, pource s’en passeroit en peu de paroles : l'utilité en estoit évidente, falloit diminuer le nombre des officiers, mesmement de justice; c’estoit grand’ honte faire mestier de justice. La dignité seroit plus grande quand les ofliciers seroyent en petit nombre, et seroit chascun mieux payé. Mesmes

XVIE siicze, La PI. et La PI.

tans soulagées. Qu’il y avoit beaucoup de nécessités chez aucuns officiers de justice, et la multitude gardoit qu'ils n’estoient payés, et en pouvoit venir du désordre. Pour le regard de la ville de Paris, laquelle avoit tousjours eu le bruict d’être la plus fidèle à ses rois , aussi estoit-elle la capitale, et de laquelle ledict seigneur étoit jaloux, non pour défiance qu’il eust de ses bons habitans, mais pour autant qu'il estoit bien adverti qu’il y avoit plusieurs crocheteurs, et plusieurs autres personnes estranges et incogneues, allans et venans en icelle, portans armes, la pluspart estans gens sans adveu. Sembloit qu’en tel temps c’estoit sagesse de se craindre de toutes choses: et avoit le roy bien entendu comment sa cour y avoit commencé à y mettre bon ordre ; mais qu’en France souvent l’on commencoit sans achever.

Désiroit à ceste cause que l’on continuast et prinst diligemment garde à s’enquérir quels gens c’estoyent qui abordoyent à ladicte ville, s'ils estoyent armés ou non; que les hostes en feissent déclaration, parce que les commissaires et quarteniers estoyent corrompus ; que l’on commist en chascun quartier un bon bourgeois, ou plustost un conseiller de ladicte cour, qui seroit facile, car il n’y avoit quartier, où n’y en eust de demourans : et que chascune sepmaine le rapport fust faict. Tant plus de personnes graves y auroit, plus l'affaire seroit authorisée ; et que ladicte cour procédast par puissance extraordinaire contre lesdicts commissaires jusques à les suspendre ou priver, et faire que les officiers du Chastelet fussent obéys quand ils y mettroyent la main. Incontinent qu'il y avoit une requeste présentée au parlement, advenoit que là dessus il y avoit tousjours quelque cognoissance pour eschapper ceste fois. Que cela gastoit tout, on ne les devoit ouyr par conseil, ains les mander et chastier sans figure de procès; ne se falloit lasser d'y continuer.

Quant au faict de ladicte cour, ledict sc:

gneur avoit eu des plainctes de la justice d’icelle, luy ne les croyoit aisément; avoit esté rapporté qu’il y avoit eu grande désunion à Tholouse, Bordeaux et autres parlements ; avoitl'on bien entendu qu'il y avoit des bandes. Que ladicte cour cy-devant comme la principale

avoit gardé sa dignité, aussi qu'elle estoit plus éclairée du soleil qui est le roy. Maintenant on disoit qu’il y avoit des factions pour les princes etgrands seigneurs, et néantmoins que ceux qui s’en aidoyent, en ayant faict, ne s’en soulcioyent après non plus que des putains, qui cstoit une vilaine comparaison ; qu’il y avoit plus de solliciteurs que de juges, qu'il excusoit de son pouvoir cette compaignie de laquelle il avoit esté, la prioit entretenir la réputation de ses majeurs; qu’elle avoit les honneurs, vies et biens desdicts princes et seigneurs entre ses mains; estoit malséant d’ouyr dire pour excuse ce que aucuns disoyent : Je suis créature d’un tel. Autres partialités estoyent rapportées aussi, mais que les plus grandes maisons périssoyent par discordes et fleurissoyent par concordes. Qu'il leur seroit malaisé d’appaiser les causes des parties, si entre eux ne se pouvoyent accorder, comme l’on disoit à celuy qui entreprenoit de pacifier autruy, et en sa maison avoit ordinairement noise avec ses femmes et famille. La paix estoit l’office des chrestiens ; en ladicte cour devoit estre l’excellence desdicts chrestiens ; qu'ils estoient comme en un théâtre, le mot n’y estoit sitost dict qu’il ne fust porté au palais, et ny avoit jour qu’il ne fust publié par deux cens letties missives quelquefois hors ce royaume. Qu'il ne pensoit que l’avarice y fust; toutesfois qu'ilen avoit esté faict rapport au roy, le scavoit le sieur d’Avanson présent, et larchevesque de Vienne qui avoyent commandement de se trouver icy, et que les espices estoyent haulsées de quatre ou cinq parts; que d’un défault on ne souloit prendre que demi escu, maintenant estoyent taxés deux ou trois escus : aussi y avoit fréquence de procès partis. Ce qu'il en disoit n’estoit pour enseigner ceux de ladicte cour de la facon de vivre ; si étoit-ce que l’on ne tenoit plus compte des anciens ou notables arrests donnés au conseil. Et encores que exemplis non sit judicandum, et que les affaires ne soyent du tout semblables, on en peult tirer fruict, pour se prendre garde qu'il n’y eust contrariété d’arrests, et avoir estime des jugements donnés et des juges, sans se fier trop en son esprit, parce que souvent on avoit veu que celuy dont on faisoit le moins de compte en son opinion touchoit la vérité mieux que n’avoit faict toute la compaignie; Dieu inspire quand et qui il luy plaist.

meme des 008 0 à ne

—— mm mme =

Au demeurant, leur recommandoit l’abbréviation de la justice, entendant bien qu'il y avoit de grands affaires, lesquels on ne pouvoit avancer ; mais qu’il en avoit tant d’autres quel'on pourroit vuider sans faire arrests, mandant les procurcurs à la cour; ne vouloit cacher l'honneur à qui il estoit deu: avoit veu le président de Harla y, lors conseiller, avoir ceste facon de vuider plusieurs incidens, faisant venir en la cour les procureurs des parties ; que ceste voye estoit recommandable pour accourcir le temps et la despense ; ne falloit contenter en cela les parties, en ayant veu qui après avoir perdu leur cause, disoyent qu’ils se contentoyent d’avoir eu un arrest, tant y avoit d’obstination à plaider; que c’estoit ce qu’il avoit eu de commandement du roy pour dire à ladicte cour à laquelle il offroit faire plaisir et service.

Là fat entre autres propos remonstré par ladicte cour qu’il y avoit un différend évoqué d’unerétractation d’arrest poursuyvie par Louys du Faur conseiller en ladicte cour, lequel depuis avoit présenté requeste auroy,àce qu'il déclarast ledict arrest nul, et avoit esté renvoyé par ledict scigneur en ladicte cour, où la nullité (s’il y en avoit) se devoit juger par l'ordinaire. Qu'il n’eust esté honneste le renvover à autre parlement , puis que cestuy-cy estoit le premier, et que les différends des officiers d’icelle devoyent estre traités infra parieles domeslicos, c’est-à-dire entre eulx privéement. Dict le chancelier qu’il avoit pour raison de ce charge de remonstrer et admonester ladicte cour, attendu que lesdictes parties estoyent membres du corps, d'y procéder sommairement, pour éviter à la retardation de la justice, laquelle tant d’autres parties attendoyent à grands frais: et avec ce, d'y procéder doucement et sans animosité, pour garder lhonneur de la maison.

Espéroit que les présidents demeureroyent d’accord : les prioit que l’on n’ouyst plus parler de leurs différends. Ces différends estoyent entre les présidens Sainct-André et de Thou, comme nous avons dict cy-dessus : ledict président de Sainct-André ayant procédé par récusations et paroles aigres contre ledict président de Thou, voulant cognoistre de la requeste présentée par ledict du Faur contre ledict président de Sainct-André en la matière.

Pendant que le roy fut à Rambouillet (où

nous avons dict que le mareschal de Brissac le vint trouver), ceux de Guyse feirent arrester le gouvernement de Picardie audict mareschal, que monsieur Île prince de Condé avoit pourchassé ; et ce plus pour le bander pour eux contre ledict sieur prince, que non pas pour bien qu’ils luy voulussent. Le cardinal de Chastillon estoit peu auparavant arrivé, dès que Île roy ‘estoit à Sainct-Légier, faisant démonstration d'avoir grand regret de ce que, estant amy des sieurs de Guyse et nepveu du connestable, il voyoit un commencement de différend entre eux, et taschoït par tous moyens d'y mettre fin. En ce temps fut arrestée la paix entre le roy et la roine d'Angleterre; et traicta accord par mesme moyen avec les Escossois, qui fut Îe sixiesme jour de juillet, l’évesque de Vallance et le sieur de Rendan y ayans esté envoyés pour cest effect. Le différend avoit commencé par révoltement desdicts Escossois contre le pape, en brisant chasses, images et autels. Pour raison dequoy (estant mesmes nouvelles venues que la roine d’Escosse estoît réduicte au petit Lict, qui estoit une petite ville d’'Escosse, avec le sieur d’Oisel, duquel a esté parlé cy-dessus), avoit esté envoyé audict pays pour lieutenant da roy le sicur de la Brosse, principal conseiller du duc de Guyse, et l'évesque d'Amiens, grand vicaire du cardinal de Lorraine, attendant lettres de légation du pape, avec charge d’y exploicter de rigoureuses exécutions contre les principaux autheurs dudict révoltement. Si tost que les dessusdicts y furent arrivés, ils commencèrent par enjoindre à un chascun d’aller à la messe, et mandèrent au roy par mémoires, asscavoir l’évesque d'Amiens, qu'ilréduiroit en brief la pluspart de ceux qui s’estoyent fourvoyés; et ledict sieur de la Brosse, que dans six mois il extermineroit tous ceux qui ne voudroyent retourner à la religion qu’ils avoyent délaissée ; et tous deux en oultre, qu’en rendant le peuple taillable, et faisant mourir les gentilshommes qui avoyent suyvi la religion naguères y venue, ils auroyent moyen d'augmenter le revenu du roy de deux cens mille escus, et d’y pourveoir mil gentilshommes francois et de maisons et de biens, pour y demourer continuellement et y servir comme d’une gendarmerie ordinaire.

Or, avec ce estoit advenu que, par la mort de

ET RÉPUBLIQUE, LIV. Il.

la roine d'Angleterre Marie, les cardinal de

Lorraine et duc de Guyse avoyent faict prendre le dueil à leur niepce avec le tiltre et armoiries d'Angleterre, comme héritière de ladicte feuc roine Marie; dont la roine Elizabet avoit esté tellement irritée et estoit entrée en telle suspicion, voyant ce pendant plusieurs gens de guerre estre envoyés de France en Escosse, qu'elle print les armes après avoir envoyé remonstrer au roy le tort qu’elle disoit luy estre faict ; et, s’attachant particulièrement auxdicts sieurs de Guyse, feit publier quelques escripts à l'encontre d'eux, disant entre autres choses par iceux qu'ils ne se pouvoyent excuser qu'en leurs actions n’y eust grande malice ou ignorance; car estans les deux royaumes en paix, disoit-elle, ils donnent grande occasion de la rompre pour chose de peu dé profict, et qui est expresséement contre le traicté de paix qui est entre nous; tellement qu'il est aisé à comprendre qu'ils tendent à deux fins : l’une, de tenir embrouillé le royaume de France de peur que les subjects du roy mon frère estans en paix, ne vueillent endurer leur manière de gouverner ; l'autre, à faire dire leur niepce roine de trois royaumes, ce qui ne peult estre si je ne suis bastarde. Mais, avec la malice il y a de lignorance; car, ou ils prétendoient acquérir ce royaume ou non: s’ils espèrent avoir moyen de l’acquérir, il y a de l’incommodité grande et notable, d'autant qu’ils m’advertissent de bonne heure de leur intention et long temps auparavant qu’ils me veuillent assaillir ; pour le moins devroyent-ils attendre à se descouvrir au temps qu’ils seroyent prests à faire l’entreprise. Et s’ils n’ont point d'intention de le conquérir, et qu'ils estiment l’entreprise trop difficile, quel besoin estoit-il de mettre le royaume, auquel ils sont tant honorés et favorisés, en guerre, ne faisans qu’en sortir, et pour une fumée d’honneur faire prendre à la roine leur niepce un tiltre et armoiries de trois royaumes ?

Or, ce pendant les Escossoïs, se voyans en désespoir pour la force venue de France à Pencontre d’eux, à laquelle ils ne pouvoyent résister, se retirèrent à ladicte roine implorans son aide, quoy qu’ils fussent anciens ennemis ; aimans mieux prendre le hazard d’estre domi nés par elle que non pas d’estre contraincts se remettre soubsle joug du papequ’ils appeloyent tyrannie, et reprendre la religion laquelle ils avoyent abandonnée, l’ayans en extresme abo

L'ESTAT DE LA RELIGION

mination et horreur. Quoy entendu par ladicte ; Brosse et évesque d'Amiens sortirent hors du-

dame, elle les print très volontiers en sa protection. Et, auparavant que de vouloir commencer la guerre, feit une protestation qui fut divulguée par toute la chrestienté, laquelle contenoit en substance : «que le tiltre injurieusement prétendu par la roine d’Escosse n’avoit esté prins par elle que esmeue de l’ambitieuse volonté des principaux de la maison de Guyse, lesquels depuis naguères s’estoyent emparés du gouvernement de la couronne de France, sans que le roy ( à l’occasion de ses jeunes ans n’estant capable de telle entreprise), ny encores la roine d’Escosse, estant encores en sa minorité, ny aussi les princes du sang royal et autres estats de France (auxquels par le passé appartenoitet devoit appartenir le gouvernement des affaires d’iceluy royaume durant la minorité du roy) eussent d’eux-mesmes imaginé et délibéré une tant injuste, desraisonnable et dangereuse entreprinse, comme elle apparoissoit telle à toute personne de bon jugement. Et considérans que ladite maison de Guyse, pour leur particulier avancement, n’avoit autre moyen pour y parvenir que par l’aggrandissement et exaltation de leur niepce roine d’Escosse, soubs couleur de laquelle ils s'entremettoyent au gouvernement de France, ayans en ceste sorte injurieusement et insolemment mis en avant en temps de paix, et continué de s’attribuer les armes et tiltre du royaume d’Angleterre et d’Irlande, au moyen de la roine leur niepce, de leur propre authorité. À ceste cause, cognoissant bien que telles insolentes entreprises ne procédoyent d’ailleurs que du sinistre portement de ceux de la maison de Guyse durant la minorité du roy et de la roine, elle déclaroit et faisoit entendre à toutes sortes de personnes en général qu’estant contraincte de se mettre en armes pour sa défense, elle n’entendoit faire aucune cruauté, hostilité ou guerre aux Francois; commandant et enjoignant à tous ses subjects, de quelque estat qu'ils fussent, de leur monstrer toute faveur et amitié; les permettre de traffiquer en toutes sortes de marchandises comme en temps de paix, jusques à tant qu’on veist si ledict royaume et nation de France entreprendroit de faire plus oultre aucune invasion en ses païs.» Ceste déclaration fut publiée tant en langage anglois que françois, et fut l’issue de ceste guerre telle que lesdicts de la

dict royaume avec le nom et obéissance de l'Église Romaine après avoir esté mis iceluy royaume en grand hazard avec quatre mil soldats françois, desquels estoit colonnel le viconte de Martigues, assiégés dans le petit Lict sans espérance de secours, n’eust esté la paix que Dieu y envoya. Entre autres articles de la paix, il y en eut un portant que le droict indubitable appartenant à la roine d'Angleterre audict royaume et païis d'Irlande estoit pour tel cogneu et confessé, avec pleine déclaration que nulle autre personne que ladicte dame, et ceux de sa succession, ne pourroit prendre et s’attribuer les tiltres et armoiries d'Angleterre. Et pour le regard des Escossois, fut accordé, quele roy ne tiendroit aucuns soldats francois ny d'autre nation en Escosse, sinon en cas d’invasion et hostilité de l'étranger; et ce, par l'advis et consentement des estats dudict royaume.

Que tous ceux qui y estoyent venus se retireroyent, excepté six vingt, dont soixante demeureroyent en l’isle des chevaulx et soixante à Dombarre. Et mesmes que ne le roy ne la roine ne feroyent jamais guerre ou paix audict pais d’Escosse sans le consentement desdicts estats; que nul ne seroit déposé de son estat, charge et office, pour chose qui eust esté faicte depuis le sixiesme mars mil cinq cens cinquante-huict que les troubles commencèrent.

Que le duc de Chastellerault, son fils, et tous autres dudict royaume seroient remis et restitués en leurs estats et pensions en France. Le fils dudict duc de Chastellerault dont est parlé estoit le comte de Haran, surnommé Haviton, capitaine de soixante hommes d’armes en ce royaume, lequel y estoit venu demourer dès lors que la roine y avoit esté amenée, comme son plus prochain parent. Et avoit esté contrainct s’en retirer en diligence, ayant esté envoyé audict Chastellerault le sieur de Sansac, pour se saisir de la personne à cause de la religion appelée nouvelle, laquelle il maintenoit et faisoit prescher audict lieu. Il se retira en Escosse, où incontinent après il commença à remuer Île révoltement qui s’en ensuyvit. Un sien frère, lors de sadicte retraicte, ne s’estant peu sauver avec luy, fut arresté prisonnier et mené au bois de Vincennes, où il fut longtemps.

Ce temps pendant monsieur le prince de

Condé, estant allé au païs de Guyenne, comme nous avons dict cy-dessus, et trouvé le roy de Navarre son frère a Bordeaux, et de là à Nérac, luy feit ses doléances de ceux de Guyse, faisans informer contre luy, et de ce qu'ils usurpoyent aussi l’authorité qui à eux appartenoit. Et là se trouvèrent plusieurs autres gentilshommes envoyés de toutes les provinces, qui feirent semblable complaincte audict roy, avec offre de luy aider de leurs personnes ct biens s’il vouloit entreprendre d’avoir le lieu et degré qui luy appartenoit; ce qui fut descouvert entre autres par le sieur d’Escars, favori dudict roy de Navarre, qui soudain en donna advertissement auxdicts sieurs de Guyse.

Et approchant le temps que l'assemblée assignée à Fontainebleau se devoit tenir, fut envoyé par le roy de Navarre et ledict sieur prince vers le connestable et madame La princesse un gentilhomme Basque, nommé Jaques de la Sague, pour luy compter de sesnouvelles, et aussi pour recouvrer argent. Ce qui fut faict par le moyen de la vendition faicte par la dame de Roye de la terre deGermigny, à faculté de rachapt, au connestable pour la somme de 27,000 livres dont la Sague porta partie audict sieur prince. Trouva à son retour que tant ledict sieur prince que le roy de Navarre avoyent csté mandés pour se trouver à l'assemblée destinée au lieu de Fontainebleau, dont tous deux s’excusèrent par lettres, et renvoyèrent la Sague pour leur faire rapport de ce qu’il auroit veu et apprins en ladicte assemblée.

Et ainsi que tous presques estoyent arrivés audict lieu, le connestable y arriva bien accompaigné de ses enfans, son beau-frère le comte de Villars, ses trois nepveus de Chastillon, et plusieurs autres ses parens, amis et serviteurs, si que, à son arrivée à la basse court du chasteau, sa troupe n'estoit moindre de huict cens ou mille chevaux. Audevant de Juy allèrent le grand-escuyer, le reingrave, le sieur de Sansac et autres, tant chevaliers de l’ordre que gentilshommes.

Ce pendant avoyent esté envoyés mandemens de toutes parts pour faire tenir prests tous les gentilshommes de l'arrière-ban, pour marcher là par où il leur seroit mandé pour le secourir en diligence.

Le pape en mesme temps feit exécuter grandes cruautés contre ceux de la religion dicte réformée en deux villes de Callabre, Sixte et Guarde, par le marquis de Bucyane, lequel en feit mourir jusques au nombre de huict cens ou mil. Et d’ailleurs estoyent advenus quelques esmotions et meurtres en plusieurs villes de ce royaume, mesmes à Paris et Rouen, pour n’avoir voulu tapisser devant les maisons le jour appelé la Feste-Dieu. Ceux de ladicte religion commencant à s’assembler plus hardiment que auparavant, ayant présenté au roy une confession de foy avec une requeste pour estre ouys, laquelle confession je n’inséreray en ce lieu, pource quelle est imprimée et commune à uu chascun. |