LIVRE TROISIESME
Le jour doncques assigné, qui estoit le vingtuniesme du mois d’aoust, pour tenir assemblée audict lieu de Fontainebleau, tous estans assemblés en la chambre de la roine mère à une heure après midi, où estoyent assis le roy, la roine sa mère, la roine sa femme, messieurs ses frères, messieurs les cardinaulx de Bourbon, de Lorraine et de Guyse, le duc d’Aumale, le connestable, le chancelier, l’admiral, les mareschaulx de Sainct-André et de Brissac, les sieurs du Mortier, évesques d'Orléans, de Vienne et
de Vallance, conseillers au conseil privé, et le reste des chevaliers de l’ordre aussi assis, mais horsles chaires du conseil, le roy feit entendre la cause de l’assemblée, s’en remettant toutesfois à ce qu’ils en entendroyent plus au long par son chancelier, et par les cardinal de Lorraine et duc de Guise, les priant de le vouloir librement, et sans passion ny contraincte, conseiller selon l’occurrent estat et nécessité des affaires de son royanme. La roine sa mère aussi les supplia de vouloir conseiller le roy son fils, en
sorte que son sceptre fut conservé, et ses subjects soulagés, et les malcontents contentés s’il estoit possible.
Le chancelier remonstra l’estat des affaires par une grande digression et comparaison du médecin et du malade et qu’il estoit aisé au médecin de guérir la maladie, pourvu qu’il sceust la cause, ainsi que de présent on voit tous estats troublés et corrompus, la religion, la justice et la noblesse, avec un très grand mécontentement d'un chascun, et le peuple appauvri et grandement refroidi au zèle et bonne volonté qu'il avoit accoustumé de porter à leur prince et à ses ministres. Que si la cause de telle maladie se pouvoit descouvrir, le remède seroit aisé, que hoc opus, hic labor est; que pour ceste cause il avoit pleu au roy de faire l’assemblée qui estoit là présente pour avoir conseil sur ce qui estoit requis de faire, et que pour ce faire ladicte assemblée estoit légitimement composée de tous les estats du royaume, au reste du tiers estat, qui estoit le peuple, lequel n’y estoit point nécessaire, parce que le but et la fin du roy n’estoit que pour le soulagement, paix et repos dudict tiers estat.
Le duc de Guyse rendit raison de la charge que le roy luy avoit donnée touchant la gendarmerie de France. Le cardinal de Lorraine aussi, touchant les affaires d’estat ct les finances, donnant à entendre que les charges ordinaires du royaume surmontoyent le revenu de deux millions cinq cens millelivres. Qui fut tout ce qui fut faict audict jour.
Et le lendemain fut l’affaire remis jusques au 23 à semblable heure que la compaignie se rassembla en l’ordre que dessus. Où le roy feit entendre que son intention estoit que ceux de son conseil commencassent à opiner, afin que à leur imitation chaseun des autres s’esvertuast.
Et comme il eut commandé dopiner à l’évesque de Vallance qui estoit le dernier conseiller, l’admiral se leva de sa chaire et s’en alla où estoit le roy, et, après luy avoir faict deux grandes révérences, luy présenta deux requestes de la part des intitulés en icelles fidèles chrestiens espars en divers lieux et endroicts de son royaume, lesquelles furent baillées au secrétaire de l'Aubespine, pour icelles lire hault et clair, dont aucuns furent estonnés et esbahis. La substance desquelles estoit en
DE L’ESTAT DE LA RELIGION
somme : «que les supplians, voyans ceste oppor- .
tunité, avoyent pris la hardiesse de présenter leurs requestes à la majesté du roy, pour le supplier très humblement de regarder en pitié la pluspart de ses très humbles et fidèles sub- . jects, lesquels avoyent jusques icy enduré et enduroyent calamités extresmes, pour vouloir vivre selon la pureté de la parole du Dieu; et ne demandoyent autre chose, sinon qu'il luy pleust de prendre la cognoissance de leur cause, et commander que leur doctrine fust examinée selon la parole de Dieu, afin que chascun cogneust combien ils estoyent esloignés de la sédition et hérésie, laquelle on leur vouloit imputer contre raison; puis qu’ainsi estoit qu’en leur oppression ils avoyent recours à la clé. mence et support de leur roy, le supplioyent de prendre la cognoissance de leur cause, voulans se reigler du tout selon la parole de Dieu ; requéroyent à ceste cause qu'il pleust à sadicte Majesté de faire surseoir les rigoureuses persécutions, lesquelles avoyent rendu sanglant son royaume par l’iniquité de beaucoup de juges, qui, ayans plus d’esgard à leurs affections particulières qu’à ce qui concernoit l'honneur de Dieu et le repos de ses subjects, avoyent jusques icy respandu leur sang à leur appétit, et empesché que leurs cris et larmes ne peussent parvenir aux oreilles des rois ses prédécesseurs. Qu'il luy pleust maintenir ses pauvres et affligés subjects contre l’injustice et iniquité de ceux qui les opprimoyent, comme celuy qu'ils recognoissoyent leur roy pour leur souverain Seigneur, à l'obéissance duquel le commandement de Dieu les assubjectissoit, et obligeoit de mettre leurs vies soubs sa protection, Dieu l’ayant appelé à la couronne, et eux donné en sa garde contre la violence de ceux qui ne cessoyent de les oultrager. Protestans devant la majesté de Dieu et la sienne qu'ils n'avoyent jamais attenté et n’attentoyent contre ne au préjudice de sa grandeur, ne con- : tre la très humble obéissance et servitude qu’ils luy devoyent; ains que sans cesse ils prioyent Dieu pour sa Majesté, et ne demandoyent aucune liberté et repos pour vivre à l'abandon de vices et dissolution, mais plustost pour eux conformer, au plus près qu'il leur seroit possible, aux commandemens de Dieu et l'Évangile de Jésus-Christ, duquel ils faisoyent profession ; ainsi que leurs plus grands ennemis mesmes estoyent contraincts de confesser. Le sup-
plioyent finablement de leur permettre qu'ils se peussent assembler en toute révérence et humilité, et de pouvoir ensemble selon l’ordonnance de Dieu estre instruicts de sa parole et fortifiés par l'administration de ses sacremens, invoquer et le supplier pour la conservation de sa grandeur, à laquelle il avoit pleu au Tout- Puissant l’appeler, attendant un concile général; et que à ceste fin il pleust à Sa Majesté leur ordonner quelques temples en ce royaume, à ce que leurs assemblés ne fussent plus secrettes et suspectes. »
Après avoir été faict lecture desdictes requestes, l’'admiral supplia le roy de vouloir prendre en bonne part ce qu’il en avoit faict, attendu La preuve et tesmoignaige qu’il avoit de sa fidélité. Et qu’estant dernièrement pour son service en Normandie pour apprester les choses nécessaires pour la guerre d’Escosse , où la roine par mesme moyen luy avoit commandé d’entendre les plaintes de ceux de la religion, et en traicter avec eux, il voulut curieusement s’informer de tout le faict desdicts suppliants; et les ayans trouvé fondés de quelque raison en leur langaige et requestes, il leur auroit promis présenter à sa Majesté lesdietes requestes. Le roy luy-mesme dict qu’il avoit bon tesmoignaige de .ses services, et aussi bonne réputation de luy que d'homme de son royaume, et qu'il prenoit en bonne part ce qu'il en avoit faict.
Adonc commanda derechef à l’évesque de Vallance nommé de Montluc, personnaige de grand scavoir et littérature, mesmes ès lettres sainctes d'en dire son opinion. Ce qu'il feit en cette substance, en disant: «que Dioclétian soulit dire que la condition des princes estoit misérable et dangereuse, pour estre trompés la pluspart du temps de ceux à qui ils se fioyent le plus, estans quasi toujours enfermés dans deurs chambres, et n’entendans leurs affaires sinon autant que leurs ministres leur veulent déclarer, lesquels le plus souvent consultoyent comment ils pourront desguiser la vérité de
l'estat des affaires. Mais que cela n'estoit ad-
+enu en la cour du roy, d'autant que au premier inconvénient qui estoit advenu à son règne, la roine sa mère avec sa prudence accoustumée, et celle des sieurs de Guyse soubs ‘ son authorité, avoit usé de telle intelligence,
et de nulle apparence, elle avoit soubdainemeat descouvert l’entreprinse des tumultes, et advisé les moyens pour y remédier ; lesquels furent promptement exécutés, plus avec la douceur qu’avec la force. Que ceste sédition appaisée ledict seigneur avoit voulu pourvoir à l’advenir, et pour cest effect avoit faict appeler ceste . grande et honorable compaignie, où il y avoit tant de gens de bien affectionnés à son servine qu'il estoit bien mal-aisé qu’estans assemblés comu.c ils estoyent, et ayans la crainte de Dieu, ils ne satisfeissent promptement par leurs opinions aux bons désirs de Sa Majesté. Que la confusion estoit telle en ce royaume, qu'elle sembloit nous ramener au temps qu’Isaye prophétisoit la ruyne du royaume de Jérusalem et de Juda, prédisant que le prebstre seroit comme le peuple, le maistre comme le serviteur, le debteur comme le créancier ; voulant dire que les ordres seroyent pervertis et confondus. Que la doctrine qui avoit divisé les subjects avoit esté semée en trente ans, et non ep uo, deux ou trois jours, et apportée par trois ou quatre cens ministres diligens et cxereités aux lettres sainctes, avecque une grande modestie, gravité et apparence de saincteté, faisants profession de détester les vices et prindpalement l’avarice, sans aucune craincte de perdre la vie pour confermer leur prédication ; ayant tousjours Jésus-Christ en leur bouchg, qui est une parole si doulce qu’elle faisoit omverture des oreilles plus serrées et découloit facilement dedans les cueurs des plus endurcis; et ayans trouvé le peuple sans conduite de pasteur, de berger, ny de personne qui prinst charge de les enseigner, que facilement ils avoyent esté receus, et volontiers ouys et escoutés ; tellement qu’il ne se falloit esbahjr s’il y avoit eu grand nombre de gens qui eussent embrassé ceste doctrine, par tant de prescheurs et par tant de livres si diligemment publiés. Que les moyens pour l’empescher qu'on y avoit tenu estoyent tels, que, pour les faire entendre, s’il falloit commencer par les papes, La vérité se trouveroit telle qu’ils ne s’estoyent amusés qu’à la guerre, et à entretenir l’inimitié et La désunion d’entre les princes. Que les rois de France prédécesseurs meus de bon zèle avoyent ordonné de grandes peines et supplices, cuidans par ce moyen desraciner ces opinions,
que des souspecons qui sembloyent estre légiers ! ei réunir le peuple en une mesme opinion ; mais
qu'ils avoyent este déceus et frustrés de leurs desseings. Que les ministres de justice avoyent grandement abusé de ces ordonnances, et les avoyent le plus souvent exécutées par un mauvais zèle, pour complaire à ceulx qui par leur advertissement mesme avoyent demandé les confiscations des prévenus; et estoit advenu depuis quatre ans que un personnage d’authorité avoit faict demander pour un qui le touchoit de près les biens d’un accusé, et au jugement duquel il devoit assister. Que s’il y avoit quelque meschant président, conseiller ou autres officiers de justice pour couvrir ses faultes passées, il moyennoit de se faire addresser de telles commissions; et s’il abusoit de la charge qui luy avoit esté donnée, tout cela estoit couvert sous prétexte du zèle de la foy; comme si la religion avoit besoin d’estre soustenue par mensonge et meschanceté. Et ne se falloit point esbahir si Dieu avoit permis que de telles exécutions l'issue en fust mauvaise, et si le peuple s’estoit irrité, voyant que ceux qui vouloyent faire du mal se couvroyent du manteau de justice. Que les évesques avoyent esté paresseux, n’ayans aucune crainte devant les yeux de rendre compte à Dieu du troupeau qu’ils avoyent en charge, et leur plus grand soulci avoit esté de conserver leur revenu, et en abuser en folles despenses et scandaleuses, tellement que l’on en avoit veu quarante résider à Paris, pendant que le feu s’allumoit en leur diocèse ; et en mesme temps l’on voyoit baïller les éveschés aux enfans, et à personnes ignorantes et qui n’avoyent le scavoir’ne la volonté de faire leur estat ; si que les yeux des églises, qui sont les évesques, avoyent esté bandés, 'et les colomnes estoyent fleschies et tombées en terre sans se relever. Que les ministres de ceste secte ne s’estoyent pas là endormis, et n’avoyent pas failli d’en faire leur profict envers le peuple. Que les curés ignorans, avares, occupés à toute autre chose qu’à leur charge, avoyent estés pour la plus part pourveus de leurs cures par , moyens illicites ; qu'autant de deux escus que les banquiers avoyent envoyés à Rome, autant de curés nous avoyent-ils renvoyés. Les cardinaux, les évesques n’avoient faict difficulté de bailler leurs bénéfices à leurs maistres d’hostels, voire à leurs varlets de chambre, cuisiniers, barbiers et leurs laquais ; si bien que Vs personnes ecclésiastiques s’estoyent rendues
DE L’ESTAT DE LA RELIGION
odieux et contemptibles a tout le monde. Que le moyen d’y pourveoir estoit de recourir à Dieu, lequel estoit tellement courroucé contre les personnes ecclésiastiques qu'il sembloit qu'il eust préparé leur ruine par les mesmes moyens desquels il avoit usé quand il voulut renverser la grandeur du royaume des Juifs, et les remettre soubs la tyrannie et servitude des princes estrangers, les ayant auparavant faict menacer par ses prophètes. Qu’il falloit appeler de toutes les provinces un nombre de gens de bien, pour entendre quels vices et abus abondoyent le plus en ce royaume, et quel moyen il faudroit tenir à les desraciner. Disoit au roy qu’il falloit qu’il prinst garde que le nom de Dieu ne fust profané comme il avoit esté par cy-devant, et que son escripture fust publiée et interprétée sincèrement et purement. Qu'en sa maison y eust sermons tous les jours; qui serviroit à clore la bouche à ceux qui disent calomnieusement qu’on ne parle jamais de Dieu alentour de luy. | Et vous, mesdames les roines, (disoit-il après) pardonnez-moi, s’il vous plaist, si j'ose entreprendre vous supplier qu’il vous plaise ordonner que, au lieu des chansons folles, vos filles et toute vostresuyte ne chantent que les pseaumes de David et les chansons spirituelles, qui contiennent louanges de Dieu; et souvienne vous que l'œil de Dieu passe sur tous les lieux et hommes de ce monde, et ne s’arreste sinon là où son nom est mentionné, loué et exalté. Il adjousta qu’il trouvoit extresmement estrange, qu’on voulust qu’on défendist le chant desdicts pseaumes, prouvant par maints passages et argumens qu'ils se doivent chanter en langaige vulgaire. Que si l’on maintenoit qu'ils fussent mal traduicts, qu’il valloit mieux marquer les faultes pour les corriger, que de condemner toute l’œuvre, qui ne pouvoit estre que bonne, saincte et louable. Et ne servoit de dire, qu'il ne les falloit chanter qu’en l’église; Moyse n'ayant esté de ceste opinion, lequel feit chanter son cantique en dansant par les hommes d’un costé, et les femmes de l’autre, avec tabourins et instrumens musiciens ; ne David qui balloit ses pseaumes après les avoir composés et faict mettre en musique pour les chanter ; ne sainct Paul, sainct Jacques, Tertullian, Clément Alexandrin, et sainct Jérosme mesme reprenant la ville de Rome, qu’il appelle la pu-
tain purpurée, pour les chansons impudiques et lascives que l’on y chantoit, et louant au contraire Bethlehem de ce que le vigneron accoustrant sa vigne, le laboureur après sa charrue , le moissonneur faisant sa moisson, le berger gardant son troupeau, ne chantoyent que les psaumes. Sainct Jean Chrysostome aussi, sainct Ambroise et plusieurs autres en semblable. Que défendre telle chose seroit à la parfin donner occasion juste aux séditieux, que ce n’est plus aux hommes qu'on fait la guerre, ainçois à Dieu, puis qu’on voudroit empescher que ses louanges fussent publiées et entendues d’un chascun.
Que le second remède luy sembloit estre de procurer un concile général, estant le moyen que nos anciens ont suyvi, pour mettre en paix la chrestienté troublée plusieurs fois par des hérésies plus pernicieuses que n’estoyent celles du jour d’hui. Ne pouvoit penser comment la conscience du pape pouvoit estre en repos, ne comment il pouvoit dormir un seul moment d'heure, de veoir tant de pauvres ames périr pour la diversité des opinions, sans autrement y pourveoir. Que s’il advenoit qu’il y eust empeschement au concile général, le roy deschargeroit sa conscience, s’il luy plaisoit en faire un nationnal, à l'exemple de ses prédécesseurs les rois Charlemaigne et Louys son fils, lesquels pour moindre nécessité avoyent faict assembler tous les evesques du royaume. Qu’à ce concile nationnal devoyent estre appelés les plus scavans de la secte, et leur bailler seureté, lieu et commodité, et personnaiges députés pour disputer et conférer ensemble, pour essayer s’il y auroit moyen de s’accorder. Que Théodose empereur en avoit faict ainsi à Constantinople contre les Arriens et Macédoniens, combien que par le concile de Nice et plusieurs autres ils eussent esté justement condamnés , et feit après publier la dispute qui en avoit esté faicte en sa présence. |
Quant aux peines et supplices ordonnés contre les prévenus, il trouvoit que ceste doctrine, ès lieux où elle avoit esté receue, avoit faict diverses opérations, et contraires effects : les uns lavoyent trouvée bonne soubdain qu'ils en avoyent ouy parler, et, sans l’examiner plus avant, s'estoyent contentés de scavoir qu'il ne falloit point aller à la messe, qu’ils pouvoyent manger de la chair en caresme, qu’ils n’estoyent
XVIS siècsx, La PI. et La PI.
me mme —
tenus d’aller à confesse, et pouvoyent mesdire des prebstres. Et quand on les avoit ramenés au chemin dont ils estoyent partis, ils avoyent voulu” défendre leur facon de vivre avecques les armes ; et, soubs le prétexte et manteau de religion, estoyent devenus séditieux et rebelles, lesquels pourtant ne devoyent estre excusés aucunement. Car s'il estoyent chrestiens ou évangéliques, comme ils se disent estre, il leur devoit souvenir que sainct Pierre et sainct Paul nous commandent de prier Dieu pour les rois; de leur rendre toute subjection et obéissance, et à leurs ministres, ores qu’ils fussent iniques et rigoureux.
Que ès douze persécutions de l'église, esquelles y avoit eu effusion de sang de cinq cens mille hommes, il ne s’estoit trouvé un seul qui avec les armes se fust voulu revanger, ayans vaincu par leur patience, et non par les armes, la sévérité des empereurs. Que les dessusdicts
“estoyent inexcusables, et à l'encontre d'eux
avoit esté bien pourveu par les ordonnances faictes depuis le tumulte d’Amboise ; mesmes par le commandement faict à tous gouverneurs, baillifs et séneschaulx, de se retirer ès lieux où ils sont tenus de exercer leurs estats; et que avec ce, seroit bon d’escrire aux gentilshommes qui ont moyen de fortifier en peu d’heures les ministres de la justice, pour tenir la main à ce que la témérité des séditicux fust réprimée.
Qu'il y en avoit d’autres qui avoyent receu ceste doctrine, et la retenoyent avec telle craincte de Dieu, et révérence au roy, et ses ministres, qu’ils ne vouldroyent pour rien l'offenser. Que par leur vie et par leur mort on cognoissoit bien qu’ils n’estoyent meus que d'un zèle et ardent désir de chercher le seul chemin de leur salut, cuidans l’avoit trouvé ; et ne tenoyent compte de la perte de leurs biens, ny de la mort, quelques tormens qu’on leurs peust présenter. Que ceux-là méritoyent d’estre sépa
rés des autres, abusans du nom de la doctrine qu'ils disent avoir receue, et ne devoyent estre punis comme séditieux. Que l'expérience avoit appris à tout le monde que les peines en cest endroict ne profictoyent de rien, ains au contraire que la patience qu'ils avoyent eue au
| milieu des tormens, avoit incité plusieurs à
favoriser leur cause. De là estoit advenu que ceux qui jamais n’en avoyent ouy parler avoyent
” voulu entendre si ceste doctrine estoit bonne
ou mauvaise; ct en peu d'heures avoyent esté
gaignés, et prests à mourir, et suyvre le che- ;
min des autres.
Qu’il se proposoit devant les ycux trois cens dix-huict évesques qui furent au concile de Nice, cent cinquante au concile de Constantiuople, deux cens au concile d'Ephèse, six cens et trente au concile de Calcédoine, lesquels ne voulurent oncques user d’autres armes, que de da parole de Dieu, contre les Arriens, Macédoaiens, Nestoriens et autres hérétiques, condemnés et convaincus d'hérésies, et de blaspheme contre la Saincte Trinité. Que Constantin, Valentinian, Théodose, Marcian, empereurs chrestiens, de saincte et recommandable mémoire, ne voulurent oncques user de plus grande rigueur et sévérité envers les autheurs des hérésies, que de les envoyer en exil, et leur oster le moyen de séduire les bons. Quant aux assemblées, qu’elles avoyent esté de tout temps défendues pour le danger qui en peult adveair. Que le roy aussi y avoit bien pourveu par ses édicts et ordonnances. A quoy il ne pouvoit rien adjouster, sinon que, se remettant toutesfois à son bon jugement, il seroit raisonnable qu’en la punition des transgresseurs on eust esgard à l'heure, au nombre, à l’intention et à la facon qu’il se seroyent assemblés.
Après ledict évesque de Vallance, opina le sieur du Mortier, et après luy l’évesque de Vienne, nommé Charles de Marillac (qui emporta le prix), en la manière qui s’ensuit :
Combien que la progosition qui nous a esté faicte, soit de grand etlong discours, pour estre indéterminée et générale, et d'autant plus malaisée à résouldre, qu’il conviendra de la généralité venir aux particularités, où la diversité des jugemens de ceux qui en disputeront produira, comme il est vray-semblable, variété d'opinions, si est-ce qu'en faict d'estat l’on doit tenir ceste maxime: qu'apres avoir bien consulté, il fault estre certain de ce qui est à faire; et que la plus dangereuse chose qui puisse estre pour le regard de ceux qui en ont le maniement, est de tluiuer en délibérations, sans pouvoir tenir parti qui soit ferme et arresté. Or si ceste reigle tant célébrée par les anciens, et si bien observée par tous les rois, républicques et potentats qui ont prospéré, nous doit inciter à suyvre ce chemin, la nécessité en laquelle nous sommes nous réduits à ce poinct : que ne
DE L'ESTAT DE LA RELIGION
: pouvons autrement faire. Et mesmement que
tout homme de jugement confessera que les choses ne pouvent demeurer en l’estat qu’on les voit, et qu'on ne peult nier que au commencement de ce règne les difficultés ne soyent aussi grandes qu’on les veit oncques.
Ft pour n’estendre plus avant nostre propos, les troubles naguères advenus, la crainte d’autres nouveaux, le grand mescontentement quil est en plusieurs. l’extrême pauvreté qu’on voit aux autres, et l’estonnement qui est généralement en tous, nous doit bien inciter un chascun à penser d'heure aux remèdes qui sont propres pour nous tirer du danger qui nous menace de quelque altération d'estat, et sur tout en ceste adversité conserver le royaulme entier, en quoy il n’y a pas moins de gloire et d'honneur, qu’en temps de prospérité en eanquester un autre.
Pour le faire court, j'estime qu’il y a deux choses comme deux pilliers ou colonnes priacipales, sur lesquelles est fondée la seureté de l'estat du roy, l'intégrité de La religion, et la bénévolence du peuple; lesquelles estans fermes, il ne fault point craindre que l’obeissanee se perde. mais venans à s’esbranler, comme maintenant nous en appercevons, il est gran-"dement à douter qu’il n’advienne quelque altération de ce grand édifice qui est dessus assis. Parquoy il les fault nécessairement asseurer, de peur que la ruine ne s’ensuyve bien tost. Il convient doncques tourner en cest endraiet tous nos desseings et délibérations, soit pour la nécessité qui nous y contrainct, où l'utilité qui nous invite à ce faire ; puis que de là dépend l’obéissance qui est deue au roy, et la conservation de son peuple, estans ces deux parties si connexes ensemble, que l’une sans l’autre ne peult subsister. Quant à la nécessité, l’on la doit coasidérer pour le regard du rey, deses premiers ministres qui commandent soubs luy, et du surplus des autres qui doivent obéir.
En premier lieu, le roy a de considérer à quoy il est appelé, et pourquoy il est establi de Dieu, qui luy fait tant de grace que de luy baïller l’obéissance de si grand peuple. En quoy il trouvera que c'est pour contenir ses subjects en la cognoissance et sérvice de Dieu, les régir par bonnes loix, et les deffendre par armes, et en tout se rendre si enclin à procurer leur bien, qu’il puisse estre aimé et révéré comme père
du peuple. Car l’on ne fait différence d’entre le roy et le tyran sinon que le roy règne avec bénévolence et consententement du peuple, et le tyran domine par contraincte. Au roy doncques se voit l'ordonnance de Dieu qui est autheur, et conservateur des polices de bon ordre ; au tyran l'œuvre du diable, qui pervertit La fin pour laquelle les rois sont ordonnés. Dont s'ensuit que l’un est aimé de tous, et ne peult estre hay que des mauvais, qui sont désobéissans à la loy; l’autre, pour estre crainct sans distinction, est hay de tous, selon l’ancien proverbe qui porte : que ceux qui seront craincts seront tousjours hays. À tant, si le roy veult estre aimé, et satisfaire au commandement de Dieu, et retenir l’obéissance de ses subjects, il luy est nécessaire d’establir la religion, et ouyr les plainctes de son peuple, pour y donner tel * remède que le père doit à ses enfans, puis qu’il est roy pour cest effect, et qu’il ne peult faire autrement, s’il ne se veult rendre indigne de la grace de Dieu, par laquelle il confesse régner, et que Dieu ne translate ceste grace à d’autres, ainsi que les exemples du vieil Testament le nous témoignent, et, sans aller plus loing, ceux de la maison de France y sont notoires.
Le premier lien doncques qui conferme, arreste et retient l'obéissance, est la religion, laquelle n’est autre chose que cognoistre Dieu, ainsi quilappartient, et faire ce qu’il commande. Or, puis qu'il convient le recognoistre pour créateur, autheur et conservateur de toutes choses, il s'ensuit que toutes nos œuvres doivent estre rapportées à l'honneur de son nom; et partant, il est nécessaire de conserver entier ce grand lien de toutes les actions des hommes, et par lequel les subjects du roy luy obéissent, qui est religion. Et pour ce que le lien s’est desnoué, tant par la malignité des uns que négligencedes autres, et corruption de nostre temps, nous devons inférer par Là que c’est une signification de l’ire de Dieu, qui nous menace d’une grande ruine, laquelle ne peult estre que prochaine, s’il n’y est bien tost remédié.Car, oultre la variété des doctrines, qui veit oncques la discipline ancienne de l'Église plus dissipée, plus abbatue, plus négligée; les abus plus multipliés, les scandales plus fréquens, la vie des ministres plus reprenable, et les tumultes du peuple plus grands?
Pour obvier à ce danger, le vray remède an-
cien et accoustumé, seroit le concile géncral; mais à ce qui se void, l'onne s’y doit pointattendre, pour deux raisons : l’une, qu'il n’est en nostre puissance de faire que le pape, l’empereur, les rois et les Alemans soyent d'accord incontinent, du temps, du lieu, de la forme qu'on y doit tenir; ou bien souvent se trouve tant de difficulté, que l’un venant à le promouvoir, l’autre tasche à le rompre ou reculer:
l'autre, que nostre mal nous presse si fort, le feu estant allumé en plusieurs endroicts de ce royaume, que ne pouvons attendre un remède esloingné cet incertain; tout ainsi qu’un malade de febvre continue, ou autre maladie aiguë, où la scignée et autre remède prompt est nécessaire, ne peult attendre qu’on soit allé quérir un médecin bien loing, lequel on n’est certain encores qu'il viendra.
Il fault doncques venir au concile nationnal, qui a esté cy-devant conclud et arresté, le roy l'ayant faict escrire et publier par tout. Parquoy il est nécessaire de l’accomplir, tant pour la nécessité qui nous presse, pour le pauvre estat auquel l'Église est maintenant réduicte, que pour la réputation du roy qui l’a ainsi délibéré et déclaré par lettres ; et mesmement qu'il n’est survenu chose qui nous doive dissuader de faire autrement, ains au contraire tous les jours les causescroissent pour nous faire haster,sinousne voulons tout perdre. L'empereur Charles cinquiesme naguères décédé, estant venu à Boulongne pour y estre couronné, et venant à conférer des affaires de la chrestienté avecque le pape Clément, feit proposer par son chancelier le concile, tant pour réformer les mœurs desecclésiastiques, qui estoyent corrompus, que pour establir la doctrine qui estoit en controverse. A ceste proposition le pape contredict aigrement, remonstrant qu’il n’estoit besoin d'assembler le concile ; ny pour les doctrines, veu que toutes les nouvelles opinions avoyent esté réfutées et damnées par les anciens conciles ; ny pour la discipline ecclésiastique, laquelle yavoit esté sibien ordonnée touchant les mœurs qu’il n’estoit requis que de faire garder les décrets qui sur ce y avoyent esté faicts. Mais l'empereur ne demoura satisfaict de ceste response; ains répliqua que les grandes assemblées ne pouvoyent estre que bonnes, tan! nour retrancher le mal, qui de jour en jour pouvoir croistre, que pour remémorer, refraischir et
conserver ce qu’au paravant avoit esté introduict, et empescher qu'il ne fust oublié, ains entretenu toujours en vigueur. Etsuyvant ceste saincte délibération persista toute sa vic en ce propos, de procurer le concile, où à la fin il ne trouva plus grands adversaires que ceux qui le devoyent procurer.
Les anciens observoyent de faire conciles de cinq ans en cinq ans, comme il se peult voir par les décrets. Et quant aux nationnaulx, par le discours des histoires de France, à commencer du roy Clovis jusques à Charlemaigne, et depuis jusques au roy Charles septiesme, l’on trouvera quasi en tous les règnes assemblées de l'Église gallicane, maintenant de tout le royaulme, autresfois de la moitié, par fois de deux ou trois provinces, dont jamais ne procéda que grand fruict comme de réformer les mœurs, qui peu-à-peu se corrompent, et bien souvent les doctrines, selon que les occasions se présentoyent.
L'on ne doit doncques plus différer à suyvre le chemin que nos majeurs ont tenu, ny craindre en cest endroict d’estre accusés de nouvelleté, puis que nous en avons tant d'exemples ; ny estimer qu’il en puisse advenir autre chose que bien, puis que Dieu assiste à ceux qui sont assemblés en son nom ; ny aussi plus attendre, puis que la nécessité nous presse de si près, que, sans nous haster, nous voyons les présages de la désolation, qui nous représentent et mettent devant les yeux l'exemple et pauvre estat des églises des Judée, Égypte, Grèce, Afrique, et autres qui estoyent anciennement Îles plus florissantes, où maintenant à peine le nom de chrestien y est demouré.
Par ces raisons je viens à conclurre qu’il ne fault plus différer de s’assembler, soit par forme de concile nationnal, soit soubs le nom de consultation, sans s’arrester aux obstacles que le pape y vouldroit mettre, puis qu'il nous est permis, et qu'il est question de nostre conservation. Et autrement quand nous aurions perdu une partie du royaume, qu'il n’est en sa puissance de le nous restituer; ct qu’en tout événement nous ne voulons périr pour luy complaire, ains suyvre la règle que Dieu nous a laissée, et que nos prédécesseurs ont si souvent practiquée. Mais en attendant que ceste assemblée se face, j'estime qu'il seroit grandement à propos d'entendre à trois ou quatre prépara-
DE L'ESTAT DE LA RELIGION
tifs, par lesquels unesi saincte entreprise seroit bien fort acheminée.
Le premier est la résidence des prélats en leurs diocèses, sans qu’il y eust homme qui en fust dispensé, et mesmement en France où la planche et dispense estant faicte pour un, la conséquence induit tous les autres à vouloir passer par là. Et sur ce, ne fault espargner les Italiens qui occupent la troisiesme partie des bénéfices du royaume, ont pensions infinies, succent nostre sang comme sangsucs, et ne tiennent aucun compte de résider, ains en leur cueur se moquent de nous, qui sommes si’ mal advisés de ne le cognoistre point; et si nous le cognoissons, de nous retenir par leurs belles paroles et autres facons de n’y pouvoir remédier. Si le roy payoit grand nombre de gens de guerre, comme il fait de gendarmerie, et que au fort de la guerre, au lieu d'aller contre les ennemis, ils se tinssent tous en leurs maisons, ou à leurs plaisirs, n’auroit-il pas cause de dire qu'il seroit mal servi, de les casser, et bailler la soulde et estat à d’autres? Ainsi est-il des prélats, qui, au temps des hérésies, de l’athéisme, qui croist à veüe d'œil, et qui est ls plus grand’guerre quel'Église scauroit avoir, s6 reculent de la bataille, ayans à faire contre si forts ennemis, qui sont d'autant plus à craindre que ceux du roy, d'autant que ceux-Cy sont spirituels et invisibles, et les autres charnels et visibles.
Le second préparatif est de monstrer par quelque acte insigne que nous avons résolu de nous réformer à bon escient, à fin que nos adversaires ne puissent dire que nous assemblons un concile pour establir nos prérogatives et privilèges, sans autrement avoir volonté de nous réformer. En quoy il me semble qu’il n’y a chose plus convenable à leur faire sentir que l'on entend y procéder de bon zèle que de tenir la main à ce que cependant il ne se face riens en l’Église par argent, à fin que ceste grande beste babylonique qui est avarice, laquelle a introduict tant de superstitions, tant d’abominations et tant de maux en l’Église de Dieu, donne des cornes en terre; et trouverons par ce moyen que la pluspart des controverses qu’avons sur la doctrine se pourront par là facilement composer ; pour le moins ceux qui parlent mal de nous auront cause de se taire. Et si l’on dit qu’il seroit fort estrange que si petit
nombre, comme maintenant nous sommes, introduist chose de telle importance, et sans attendre la détermination de la grande assemblée, je responds que ce n’est pas introduire chose nouvelle, ains exécuter ce que Jésus-Christ nous a commandé, que les saincts conciles ont déterminé, les roys de France, qui sont exécuteurs des décrets desdicts conciles, ont ordonné, et que de nostre temps les plus grands personnaiges et les plus renommés en l'Eglise Romaine ont advisé. Ceste sentence de Jésus- Christ est éternelle: Gratis accepistis, gratis date. Les choses spirituelles se baillent de Dieu gratuitement; il ne nous est doncques licite en faire marchandise, ains commandé de les dispenser en la mesme sorte que les avonsreceues, qui est gratuitement. De là vient qu’on appelle simoniaques ceux qui font telles practiques réprouvées, et dont il y a tant d'exemples aux actes des apôtres, et en toute l’ancienne Eglise, qu’il n’est besoin en faire plus long discours. Au regard des conciles, il est tant de fois ordonné qu’il ne se feist rien par argent, que non seulement l'on a voulu en oster l'invention, mais encores pourvoir sur lesoupeçon, de sorte que ceux qui faisoyent don aux pauvres, en consignant selon leur dévotion à l'Église leur charité, estoyent interdicts et prohibés de faire tels dons en temps qu'ils recevoyent les sacremens, de peur qu’on ne vinst à interpréter que ce fust pour la perception d’iceux, comme il se lit au concile d’Ancire, et autres subséquens. «Sainct Louys, roy de France, voyant ce « désordre qui commençoit, ne feit aucun «doubte d’ordonner que les prélats résidesroyent en leurs éveschés, et qu’on ne porte- « roit plus d'argent à Rome,» monstrant par là combien ceste marchandise luy desplaisoit, encores qu’il fust prince catholique, et des plus obéissans qui fut oncques à l'Église Romaine. Le pape Paul tiers, de la maison de Farnèze, de nostre temps voyant la défection que plusieurs pays faisoyent de l’Église Romaine, et craignant que ce mal se vinst à estendre par-tont, recognoissant assez qu’il y avoit des abus en PEglise, lesquels il désiroitoster et empescher, per La crierie des protestans, commanda à certains personnaiges qui estoyent les plus apparents en doctrine de leurs temps de luy mettre par escript ce qui leur sembleroit estre digne d’estre réformé en l'Eglise, y adjoustant l’ex-
communication, en cas qu'ils ne s’en acquictassent franchement et librement, et d'avantage exigeant particulièrement serment de chascun d'eux, qu'ils ne luy céleroyent riens. Entre les personnaiges esleus à donner cest ordre, estoyent le cardinal Contarin, tant estimé par tout, et qui est assez cogneu en Alemaigne, où il avoit esté légat au temps de la grande controverse en la religion; y estoi taussi le cardinal Théatin, qui depuis a esté pape, surnommé Paul quart, qu’on estimoit des premiers de l’Eglise en intégrité de vie, et sublimité de doctrine ; les cardinaux Sadolet, et Paul d’Angleterre y estoyent aussi, dont il n’est besoin parler, pour estre assez cogneus par tout, avec cinq autres grands personnaiges esleus comme les plus suffisans qui fussent à Rome. Ces seigneurs, après avoir ensemble conféré, donnèrent leur advis, qui est publié par tout, contenant au premier poinct qu'en l'usage et administration des clefs, c’est à dire, de la puissance de l'Église, ne se pouvoit ny ne devoit riens prendre sans contrevenir directement au commandement de Dieu et décrets des conciles. Et toutesfois ny le pape Paul tiers, qui avoit de- . mandé cest advis, avec tant de conjurations et fulminations, n’en feit autre chose ; ny le pape Paul quart ne tint compte de restablir ce qu’il avoit estimé estre si sainct et nécessaire du temps qu’il estoit cardinal. Je laisse ce que sainct Bernard et autres saincts personnaiges en ont dict, et diray seulement que, si nous ne prestonsautrement le cueur etla main à extirper ceste racine qui est mère de tousmaux ,queJésus- Christ, qui est autant puissant qu’il fut onques, descendra du ciel,et reprendra le fouet pour nous chasser du temple, ains qu'il feit les marchans.
Le troisiesme préparatif est de confesser nos faultes, qui est la première partie de la guérison, en faisant indiction de jeusnes publics,
comme au vieil Testament et ancienneéglise es-
toit accoustumé de faire, lors qu’il y avoit apparence d’une grande calamité publique, comme peste, famine et guerre, où maintenant tous ces maux sont concurrens. Car quelle plus grande peste y pourroit-il avoir que celle qui tue les âmes, ny plus grande famine que de la parole de Dieu; ny guerre plus cruelle que la corruption de la pure et saincte doctrine, qui nous veult aliéner de Dieu nostre roy, et faire
perdre ce grand royaume, auquelsommes appe-
lés par le bénéfice de Jésus-Christ? IL fault doncques recourir aux armes accoustumées des anciens, qui sont jeusnes publics, oraisons et larmes. Et sur tout prendre le glaive de Dieu qui est sa parole, dont maintenant nous n’avons plus que la gaine, c’est-à-dire l'extérieur; et ne penser plus que les mittres, crosses, rochets, chapeaux et thiares, qui cstoyent anciennement introduits pour accompaigner lintérieur, qui est la doctrinect bonne vie, et pour nous rendre par là plus admirables, soyent pour nous garantir du mépris du peuple puis que l'intérieur n’y est plus, et qu’il n’y a que le masque extérieur. Et nous fault proposer devant les yeux ceste horrible sentence : que la coignée est mise à la racine, et que tout arbre qui ne portera bon fruict, sera coupé.
Le quatriesme préparatif est que, en attendant le concile, les séditieux soyentcohihés et retenus en sorte qu'ils ne puissent altérer la tranquillité et repos des bons, et prendre ceste maxime fndubitable, qu'il n’est permis de prendre les armes pour quelque cause que ce soit, sans le vouloir,commandement et permission duprince, qui en est seuldispensateur.Jeledy pourles piteux exemples naguères advenus.et dont de jour à autre en avons nouveaux advertissemens.
D'une part s’est veu le tumulte d'Amboise soubs couleur de présenter une confession, au lieu où l’on devoit venir en toute humilité; d’autre part, y a eu des prescheurs, lesquels, pour extirper les protestans, vouloyent faire eslever le peuple, soubs couleur d’une saincte sédition, comme s'il y avoit religion qui permist que pour la planter ou retenir il fust permis d’user de sédition.
Ainsi, des deux costés y # eu de la faulte, somme cy-devant ont esté tués des hommes soubs couleur qu'ils estoyent protestans ; au contraire, on a forcé les juges et violé la justice ordinaire pour faire délivrer des prisonniers protestans ; et ainsi soubs ce masque de religion, plusieurs ont usorpé l’authorité du magistrat de prendre les armes, ce qui ne leur est aucunement licite, ains défendu à tous. Car la fin de la loy est vivre selon Dieu, et n’offenser personne , et la fin des armes est de faire que la loy soit obéye. Le roy doncques estant conservateur de la loy ainsi ordonnéede Dieu, par conséquent est seul dispensateur des armes, qui luy son baillées pour punir les contreve
DE L'ESTAT DE LA RELIGION
nans à la loy. Par quoy, pour conclusion, celuy se fait roy qui les prend de son authorité, et n’estant ordonné de Dieu pour tel. Il s’ensuit que tout le monde luy doit courir sus, comme celuy qui contrevient à l’ordonnance de Dieu, qui est l'establissement du roy. Pour parvenir à cest affaire les baillifs etséneschaux ont commandement de faire résidence ès lieux de leur charge, et les gouverneurs de visiter leurs gouvernements, à fin que, comme estans envoyés du roy, ils empeschent que soubs quelque couleur que ce soit lesarmesne soyent prises par autres que ceux à qui Île roy commandera. De ce que dessus appert que le premier lien pour retenir l’obéissance du roy est d’establir la religion avec telle modération que nul n'en puisse abuser pour exécuter ses passions contre l'authorité et but de la loy, qui est d’obéir à Dieu et au roy.
Pour venir au second poinct qui concerne le peuple obtissant, le vray moyen de le retenir est d’ouyr les plainctes qu'il peult faire, en appliquant tel remède que le mal le requiert. En quoy il y a différence entre les plainctes publiques etprivées; car si les plaintes estoient faictes de privé à privé, je confesse qu’il seroit aisé d'y pourveoir par l’establissement des juges qui sont si bien ordonnés que le roy mesme se rend subject aux loix qu’il exerce envers son peuple. Mais quand elles sont générales et regardent la seureté et l’altération de l’estat, il faut nécessairement recourir aux anciennes ordonnances, sur lesquelles l’estat est fondé, qui n’est autre chose que lestrois ordres que nous apnelons les estats, à fin que chascun ayant proposé par ensemble ce qui tend à difformation, et consulté les remèdes qui sont propres, le roy pour l'amour naturelle qu’il porte à ses subjects, ordonne ce que justement est requis à l'honneur de Dieu ct à la satisfaction d’un chascun : de quoy dépend la bénévolence que tous luy portent, et le contentement qui luy doit demourer, en ce qu'ayant obéy à sa vacation envers Dieu, il a retenu le gré des hommes. Et en ceste sorte, il conserve non-seulement le nom de roy et les qualités qui en dépendent, mais encores il peult commander sans armes, puisque la bénévolence des siens les induit à plus faire de gré que la contraincte ne pourroit exiger par force. Agis, le roy des Lacédémoniens, disoit que le roy pouvoit régner sans armes, quand il comman-
[1560] doit aux siens comme le père à ses enfants,
telle nature qu’elles requièrent estre ouyes et examinées en l'assemblée des Estats, je toucheray celle qui est générale que les surcharges extraordinaires imposées sur le peuple sont creues et multipliées de sorte que non-seulement il ne peult plus porter ce grand faix, mais encores ne peult satisfaire aux anciens devoirs. N'est-ce pas plaincte digne d’estre traictée aux Estats ? Si le roy au contraire veult faire entendre la calamité des guerres qui ont si longuement dure, les despenses qui s'en sont ensuyvies, la faulte des finances et les grandes debtes qu'il atrouvées à sonadvénement à la couronne, n'est-ce pas propos digne d’estre monstré aux Estats, puisque la pluspart du peuple d’un costé fait ses doléances, et que d’ailleurs la nécessité demoure telle qu'on ha plus de désir de le soulager que de pouvoir promptement l’exécuter?
Et mesmement que vouloir ouyr la plaincte des affliges est commencement de consolation, et faire démonstration de les vouloir relever d’oppression est une bonne partie de la guérison, laquelle pour le moins les garde de tomber en désespoir et de chercher mutation.
Si le peuple remdnstre que le roy doit vivre de son domaine, faire la guerre des aydes et payer la gendarmerie des tailles, lesquelles à cest effect furent cy-devant accordées; et que le roy au contraire face cognoistre qu’il a trouvé le domaine de la couronne quasi aliéné, la pluspart des aydes engagées, et néantmoins demouré chargé de despenses accoustumées, et de debtes infinies, pour obtenir avecque le gré du peuple que les charges estans aucunement diminuées continuent encores pour quelque temps, en attendant qu'on ait exécuté les moyens qu’on invente et practiqué tous les jours pour ravoir le domaine, et descharger les aydes, pour ce pendant empescher que les subjects ne se soustrayent de l'entière obéissance qu’ils doivent à leur roy, et les rendre de ce faict capables, y-a-il autre su que d’assembler les estats?
S'il est par nécessité besoin de retrancher les despenses du royaume, et que ceux qui en ont la charge ne le puissent exécuter sans se attirer une envie incrédible, procédant du mescontentement de ceux qui ne se soulcient si la bourse du roy est vuide, pourveu que la leur
” soit pleine, comment se peult-il mieux ne plus Or, pour monstrer que les plainctes sont de
seurement exécuter que par l'advis de grande assemblée, puis qu'autrement peu de gens ne le peuvent faire ? Il faut doncques que se soit aux estats.
Si le mescontentement se trouve en tant de gens que tous les jours on cherche moyen d’altérer la seureté de l’estat, ne sachant les uns en quelle disposition sont les affaires, ny le fonds des finances du roy, les autres abusans de ce prétexte pour mouvoir les simples à séditions , pour contenter les bons, et fermer la bouche aux mauvais, y-a-il remède plus prompt ny plus recevable que de faire entendre en pleins Estats comme toutes choses passent, puis qu’il est permis là de s’enquérir et y scavoir la vérité ?
Si les premiers ministres du roy sont calomniés comme autheurs et causes de tout le mal passé, et qui peult advenir, comme ceux qui tournent toutes choses à leur advantage, et font leur profit particulier de la calamité de tous, ya-il autre moyen pour se nettoyer de tous souspecons que de faire entendre en telle assemblée en quel estat l’on a trouvé le royaume, comme il a esté administré, el comme ceux qui sont asseurés d'avoir bien versé ne veulent fuir la lumière, ains sont appareillés d’en rendre si bonne raison qu'on aura cause d’en estre satisfaict?
Brief, s’il y a crierie publique soubs quelque couleur que ce soit, ou peult-elle estre micux ouye qu'en assemblée générale? Et si elle est juste, d’où peult procéder le remède plus asseuré que celuy qui sera consulté et trouvé bon par tant de gens? Et si elle est faulse, où se peult mieux effacgr le souspecon que là? Car autrement advient que biensouvent lesopinions, encores qu’elles soyent faulses, s’insinuent en la teste des hommes et les occupent si avant que la vérité après n’y peultentrer. Par quoy les remèdes de les dissuader sont propres quand devant tout le monde on leur monstre qu'ils ont esté mal persuadés.
Il y à une autre considération de nécessité qui dérive des inconvéniens qui peuvent advenir, quand en ces difficultés on ne s’aide des remèdes ordinaires. En premier lieu, le roy en ses loix et commandemens n’est obéy, qui est un des plus grands présages de sédition qui puisse estre considéré ; car d'autant que le peu-
ple n’est escouté en ce qu'il dit estre grevé, il vient à perdre peu à peu l’espérance d’estre soulagé. Et finalement tombe en ce désespoir de se soustraire des charges qu’il portoit, sans révérer ny le commandement du roy, ny l’authorité de sa justice ; ains se dispose à tout ce qu'il peult advenir, prenant pour maxime qu’il ne peult pis avoir que la mort qui mettra fin à ses malheurs.
Les mal-contens d’ailleurs, voyant le peuple mal édifié, procurent de l’aigrir d'avantage par faulses persuasions, dont ils s’aident, remettans toute la coulpe sur le gouvernement qu’ils disent estre mal conduict, et, sous prétexte de quelque occasion qui semble avoir quelque couleur de vérité, ils y adjoustèrent une infinité de mensonges qu’ils font divulguer par les placars, libelles fameux, lettres sans nom d’autheur, et par autres moyens obliques. Ce qu'ils peuvent d'autant plus aisément persuader que le peuple estant ulcéré reçoit volontiers ce qui est conforme à sa passion; et les plus simples qui n’entendent le fond des affaires du roy se laissent aller à croire ce qui est divulgué par tout.
De là procède par degrés que les uns abusans du nom de religion violent l’authorité de la justice, contreviennent aux édits du roy, forcent les juges et font tous actes de rebelles; les autres, soubs confiance d’impunité, font assemblées réprouvées, tiennent les champs, foulent le peuple, et commettent une infinité de maux, et rejettent après la cause de tout le mal sur le faict du gouvernement, voyant que plusieurs s’en plaignent ; dont il s’en suit que les plus desbordés et téméraires parlent ouvertement, et les plus malings osent bien faire practiques avec les princes et nations estranges, et ce pendant asseurent le peuple de liberté, ou d'autre mutation, selon qu’ils voyent qu’il y est plus dis-
sé.
Il n’est jà besoin de particulariser ce qui est dict en général pour estre chose notoire; seulement adjousteray que si une province de ce royaume venoit à s'exempter des tailles et charges accoustumées, comme l’on en voit signification en quelques parts, il y auroit danger que les autres pays ne suyvissent leur exemple. | Pour le moins, les deniers qu’on recevroit d'ailleurs ne seroyent suffisans à mettre forces | pour réduire à la raison ceux qui seroyent refusans ; et mesmement que le feu estant une fois
DE L’ESTAT DE LA RELIGION
allumé, pourroit saulter de lieu en autre, et fipalement s'étendre par tout. |
Parquoy, pour éviter si grand mal et si prochain péril, il semble en toutes sortes estre nécessaire d’assembler les estats. Et quand ores les causes des nécessités dessus discourues cesseroyent, encores l’utilité de convoquer telle assemblée est si grande que tout le monde la doit désirer. Car que peult-on plus souhaiter pour apprendre un jeune roy à régner, que de luy faire entendre par le menu tous les affaires de son royaume, d'examiner les meurs de son peuple, et cognoistre ce qu’il fait pour luy, et ainsi se former à mesurer la despense; en sorte qu'il sy porte comme le bon pasteur, lequel tond son troupeau doucement, sans autrement l'offenser, et qui prend par là une reigle d’éviter toute superfluité et luxe, voyant que ce qui sort de sa bourse hors son domaine est la substance et le sang de son pauvre peuple que Dieu a mis en sa garde et protection. De là procédera une bonne et saincte éducation, qui après produira bonnes mœurs; et après s’ensuyvra la bonne fortune, laquelleaccompaigne communément les meilleurs, et finalement s’acquerra ce grand nom de père du peuple, duquel la mémoire du roy Louys douziesme est plus célébrée et reluit pour exemple à toute la postérité que toutes les conquestes et victoires de ceux qui ont esté auparavant.
L'autre utilité est que le peuple françois ayant entendu les nécessités de son roy, et mesmement quand elles ne procèdent de son faict, n’a jamais reculé de luy subvenir de tout ce qui a esté en son pouvoir, ce que ceste nation sur toutes autres à tousjours demonstré. Parquoy l'on doit bien prendre garde que ceste promptitude et débonnaireté ne soit si mal receue et si souvent offensée qu'à la fin elle ne se convertisse en rage et désespoir.
Ces utilités sont conjoinctes avec une grande honnesteté, en ce que le roy sur ses commencemens de son règne reprend l’ancienne observance et coustume, à quoy tout homme sage aura tousjours recours, quand il verra la
| corruption avoir tant gaigné, que les loix ne
retiennent plus leur vigueur. Car combien que le roy soit seul autheur de la loy, et qu’à luy seul appartienne de commander, toutesfois, ce qu’il ordonne en telles assemblées ha plus de force, et le peuple s’y rend d’autant plus obéis-
sant qu'il voit ceste ordonnance estre conforme à l’advis de plusieurs; où, quand peu de gens y ont esté appellés, on vient à interpréter que la loy a esté forgée selon la passion d’aucuns, et sans examiner les raisons que eussent peu alléguer les absens, s’ils eussent esté ouys.
« En ceste sorte la maison de France s’est maintenue environ unze cens ans, et n'y à royaume bien ordonné qui ne suyve ceste ancienne et saincte coustume d’assembler les estats, comme l’on voit à l’Empire où l’on tient les diètes ; et d’ailleurs, aux royaumes d’Espaigne, d'Angleterre, d'Escosse, Dannemarch, Suède, Bohème, Hongrie, et partout ailleurs, qui est une autre considération qui doit estre poisée. Car puisque tant de rois se trouvent bien de telle observance , et estiment ne pouvoir autrement maintenir leurs estats, l’on ne se peult honnestement départir de ce que nous avons si long temps gardé.
«Reste à respondre à ceux qui ne peuvent trouver bonne telle assemblée, allégans que c’est chose dès long temps discontinuée, qui tend à diminution de l’authorité du roy, et qui surtout est dangereuse en temps de division. St ceux qui mettent en avant la discontinuation de convoquer les estats, examinoyent les maulx et les biens qui en sont depuis provenus, certes ÿs trouveroyent que si telle observance eust eu lieu, l’on ne fust tombé en tant de calamités que nous voyons en ce temps, d'autant qu’on n'eust permis la corruption procéder si avant, sans y remédier en tout ou en partie. Car tout ainsi que, par intermission des conciles, en l’Église s'est accumulé le comble du désordre que l'on voit nous menacer de grande mutation!
ainsi la discontinuation des estats a ouvert la porte à toutes inventions mauvaises, lesquelles sont augmentées de sorte que le seul moyen d'y remédier est de reprendre l’ancienne forme de nos majeurs, qui est d’assembler les estats.
« Ceux qui adjoustent que l’authorité du roy seroit diminuée me semblent ne cognoistre point le cueur des François, qui a tousjours faict pour son roy ce qu'il a peu; et d’en requérir plus, ce seroit injustice, et de l’exiger, impossibilité.
C’est doncques establir l’authorité du roy et
non pas la diminuer de leur proposer choses justes, puisque, sans violer lenom du roy, l'on ne peult faire autrement, et par là d'attendre ® XVIE siècrz, La PI. et La PI.
l’octroy de tout ce que le roy veult, puis qu’il a si bon peuple qui ne luy refuse riens.
« Et si l’on réplique que le roy se bride de n'avoir riens sans le consentement du peuple, je respons que puisque sans assembler les estats et sans entendre les raisons qui meuvent Île prince à croistre les charges anciennes, le peuple a cy devant obéy, et sans contradiction, que devra-il faire quand il sera persuadé que la cause de la demande faicte aux estats sera trouvée juste ?
« Si l’on persiste à dire que par là le peuple seroit juge s’il y auroit justice à ce que le rov demanderoit, l'on peult adjouster que, entre ta de gens assemblés, la pluspart tend au bien commun, et que le peuple est capable d’entendre ce qui est à son profict, et partant y consentir, puis que la voix du peuple est communément celle qui est approuvée de Dieu.
« En ceste sorte ont régné ceux qui ont esté auparavant dont les plus renommés ont eu tant d’esgard à contenter le peuple que, sans creues et autres surcharges, ont plus faict que nous n'avons depuis avec toutes les inventions qu’on a peu trouver pour espuiser le peuple. En quoy pour l'heure je ne me départiray de l'exemple de ce bon roy Louys douziesme, lequel, avec son revenu ordinaire, forca et print tout l'empire des Vénitiens, excepté le seul corps dela ville, conquesta le duché de Milan, etdonna terreur à toute l’Europe, où nous depuis, ayans faict preuve de tout ce qu'avons peu inventer pour exiger deniers, à peine avons-nous peu retenir une seule ville conquise sur nos ennemis.
« D’advantage l'on voit que la facilité d’obtenir et trouver trop aisément deniers nous rend faciles à faire trop de despenses, où nous mesurans selon nostre revenu, nous eussions retenu le cueur d’attenter sur les estats d’autruy, et les mains de fouiller si avant ès bourses du pauvre peuple, dont à la fin n’avons tiré autre fruict si n’est que les nations es-
| tranges ont triomphé de nos escus, ne nous
| Jaissans que l'exemple de leurs vices.
« Aucuns ont voulu mettre en avant ce qu'ad- : vint du temps du roy Jean, où les estats rédui- : rent le daulphin à prendre plusieurs partis indécens. En quoy je me pourrois contenter de dire que, entre tant de proficts qui sont proceé- . dés de l’assemblée des estats l’espace de plus de
mille ans, c’est un foible argument de vouloir rompre telle observance pour un inconvénient une fois advenu; car de là s’ensuyvroit qu’on devroit oster les parlemens et autres magistrats, pour autant que parfois il s’est trouvé des juges ksquels ont malversé. Mais pour autant que l'on fonde l'inconvénient qui advint lors sur la division, concluant par cest exemple qu'il est dangereux de faire telle assemblée en temps de division, comme seroit au nostre, l’on peult aisément respondre qu'il y a grand” différence entre une division desjà commencée et ouverte, ou celle que lon craint qui se fasse. Comme au premier cas estoit celle du temps du roy Jean, auquel le roy estant prisonnier, le peuple sans chef, et la guerre continuant contre les Anglois, qui avoyent esté en tout victorieux, la division estoit telle, que ceux des grandes villes tenans un party, et estans soutenus par les plus grands princes du royaume qui procédoyent de force ouverte , il estoit aisé à penser que la plus forte part acheminoit les affaires à sa dévotion. Ainsi n’est de merveilles si entelle calamitéle royaume estant si aflligé et si divisé, le daulphin en l’absence du père céda à l’infélicité du temps, et: à la vivlence de ceux qui estoyent les plus forts.
“ Maisen cestuy-ci, où nous avons paix avec tous nos voisins, et le royaume demeure entier, ou nul refuse obéir au roy, nul querelle son estat, nulles forces se peuvent descouvrir, lesquelles on ne peust aisément repoulser , ains se trouvent seulement aucuns malins esprits qui veulent subvertir le peuple, soubs diverses couleurs et prendre par là occasion de piller, rober et s'enrichir de la pauvreté d’autruy, pour faire cesser leurs menées, et rompre entièrement leurs desseings et contenter le peuple. Levray moyen est de faire entendre aux estats comme les affaires sont traictés, les deniers dispensés, les nécessités qui nous ont réduict à ne pouvoir satisfaire à tous ceux qui demandent, le désir qu'on a de réformer l'Eglise, d'oyr et soulager tous les affligés, relever les opprimés, et entendre à toute bonne œuvre.
« Ce seroit doncques couper les racines de la division, non pas de celle qui est formée, car il n’en y a point qui puisse produire grands effects,
si l’on y entend d'heure, mais de celle qui se:
pourroit brasser, laquelle aisément pourroit croistre, si par remonstrances faictes ès estats, édicts, loix et pragmatiques, n’y est obvié,
DE L'ESTAT DE LA RÉLIGION
—- — —— me me mens mue ent
comme il se feit du temps du roy Charles huictiesme, où le royestant moindre de quatorze ans, et les contentions pour le gouvernement estans telles qu’on vint jusques aux armes, néantmoins les estats, après avoir recogneu leur roy, luy supplièrent en toute humilité d’entendre à ce qu'ils luy remonstroyent pour le bien de son royaume, sans user d’un seul terme qu'on peust interpréter porter contraincte.
«“ Dont par plus grande raison ilsse porteront maintenant en mesmes dévotion, estant le roy hors de minorité, accompagné de la roine s8 mère, de tant de princes du sang, de l’estat de l'Église et de la noblesse qui ne vouldroyent tous espargner chose qui soit en eux, jusques à la dernière goutte de leur sang. pour la conservation de l’authorité du roy qu’il a pleu à Dieu leur donner, sans craindre les folles machinations de ceux qui ne vouldroyent cheminer droict; dont la foiblesse et la mauvaise cause nous doivent asseurer que leurs efforts ne sont grandement à craindre ny à doubter, s’il y est bien tost pourveu par l’assemblée des estats. »
Le lendemain, qui fut le 24, tout le reste de la compagnie opina au mesme lieu et à mesme heure; et le commencement fut par l’admirai, et la fin par le cardinal de Lorraine.
L’admiral dict qu’il avoit voulu faire signer les requestes qu’il avoit présentées au roy ie” premier jour de l'assemblée ; mais qui luy fut respondu que s’il plaisoit au roy, qu’ils les signeroyent en petit ou en grand nombre, voire se présenteroyent eux-mesmes à Sa Majesté en nombre de cinquante mille pour le moins. Au demeurant qu’il ne se pouvoit trouver entre les hommes une chose plus desloyale ny plus dangereuse que de voir que le prince se craignist de ses subjects, et qu’il fust contrainct de prendre garde contre eux; et qu'ensemblableles subjects eussent craincte et mauvaise opinion de leur prince ; et que c’estoit mal advisé de nourrir un jeune prince en ceste craincte, et de douner telle occasion à sesdicts subjects. Et poursuyvant là dessus son opinion, conclut à la réformation des abus de l'Eglise, que la garde nouvelle fust ostée au roy, et l'assemblée des estats généraux du royaume convoquée.
Les opinions des autres furent assez communes, au reste de celle du duc de Guyse ct cardinal de Lorraine. Ledict duc de Guyse fonda son opinion sur ceux qui avoyent parlé que
disant que ce n’estoit aux subjects de bailler nourriture à leur prince, mesmes aujourd’huy qu’un chascun sçait qu’il est de soy nourri en toute plénitude de vertu; et que quand il défaudroit aucune chose, il avoit la roine sa mère pour vraye nourriture; par quoy ce langaige ne deust avoir esté ainsi tenu. Et que pour le regard du renfort de sa garde, il n’en avoit jamais esté d’advis, sinon depuis que les subjects avoyent pris les arines contre luy, ains contre aucuns de ses ministres; car monsieur mon frère, dit-il, ne moy n’avons jamais offensé ou mescontenté aucun pour notre particulier, et si l'on a prins occasion de quelque mescontentement, ce a esté à cause de l’administration des affaires du royaume, qui n’est autre chose que prendre directement les armes contre son roy, soubs prétexte de les prendre contre ses principaux ministres. Partant qu’il ne voyoit aucune raison pour laquelle la nouvelle garde du roy deust estre ostée. Et pour le regard de la religion, il s’en remettoit à ceux qui en cela estoyent plus doctes que luy. Bien asseuroit-il, que tousles conciles dumondeneluy srauroyent destourner ny changer l’ancienne forme de faircde ses prédécesseurs, principalement quant au Sainct-Sacrement. Et pour le regard de l'assemblée des estats, il s’en remettoit à Sa Majesté,
Le cardin:l de Lorraine fonda son opinion sur le contenu èsdites requestes présentées par l'admiral, disant qu'il n’y avoit rien moins de la fidélité ct obéissance en ceux qui les avoyent faictes. Car bien qu'ils se dissent trèsobéissants, c'estoit toutesfois avec condition que le roy seroit de leur opinion et de leur secte, ou pour le moins qu’il l’approuveroit. Qu'il s’en remettoit à un chascun s’il estoit raisonnable que l’on fust plustost de l’opinion de tels galands, que de l'opinion du roy. Et quant à leur bailler tem ples et lieu d’assemblée, ce seroit approuver leur idolatrie, ce que le roy ne scauroit faire sans estre perpétuellement damné.
Et pour le regard du concile général ou national, il n’y avoit pas grand raison puis que ce n’estoit que pour réformer les meurs des gens d'Église, veu que c’estoit chose qu'un chaseun feroit de soy-mesme facilement par le moyen des admonitions générales et particulières qui deur pourront estre faictes. Et que le surplus
c’estoit mal advisé de nourrir encrainctele roy,
de lestat de la religion avoit si souvent esté arresté et conclu qu'il ne falloit qu’observer ce qui en estoit ordonné, pour ce que l’assemblée de tous les conciles du monde ne scauroit ordonner autre chose que l'observation des précédens.
Et quant à ce qu’on avoit dict que les suppliants èsdictes requestes se trouveroyent en nombre de cinquante mille ou plus de leur secte ct opinion, le roy leur en opposeroit un million de la sienne. Qu'il estoit aisé à un chascun de voir de quel zèle estovent fondés tels supplians par les plaquars et libelles diffamatoires qu’ils produisoyent tous les jours contre tout lemonde, dont il en avoit sur sa table vingt-deux qu'on avoit faicts contre luy, lesquels il conservoit très curicusement, comme le plus grand honneur qu'il scauroit jamais avoir, d’avoir esté blasmé par de tels meschans, et qu'il espéroit que ce seroit le vray tesmoignage de sa vie pour le rendre immortel.
Il conclud que tels séditieux et perturbateurs da peuple et du royaume fussent griefvement punis, principalement ceux qui s’eslevoyent avec armes, comme ils avoyent desjà faict.
Bien estoit-il d’advis que ceux qui sans armes, et de peur d’estre damnés, iroyent au presche, chanteroyent les psalmes, et n’iroyent point à la messe et autres particularités qu’ils observent, que puis que les peines n’y avoyent de rien servi jusques à présent, que le roy devoit défendre qu’on ne leur touchast plus par voye de punition de justice, estant très marry de ce que l'on y avoit procédé par exécutions si rigoureuses, et que si sa vie ou sa mort pouvoit en cela servir de quelque chose à ces pauvres desvoyés, qu'il lexposeroit d’un très grand courage et très libéralement. Mais que les évesques et autres doctes personnages devroyent travailler de les gaigner et corriger selon l'Évangile: Corripe fratrem tuum inter le et ipsum.
Et que cependant les baillifs et séneschaulx fussent envoyés résider en leurs charges pour punir ceux qui portoyent armes, et les évesques et curés en leurs diocèses, pour administrer et prescher les autres, et que dedans deux mois prochains ils se rendroyent résolus et informés des abus de l’Église, pour en informer le roy, à fin de regarder la nécessité d’assembler un concile général ou nationaf. Quant aux estats généraulx du royaume, qu’il en estoit
J'advis, afin de rendre résolu et paisible un chascun de la bonne administration que le roy fait des affaires de son royaume, et de leur faire voir au doigt et à l'œil la bonne espérance de mieux.
Le lendemain, vingt-cinquiesme, les chevaliers de l'Ordre opinèrent tous l’un après l’autre au mesme lieu et à mesme heure, où le paquet couroit bien viste, et conclurent tous à l'opinion du cardinal de Lorraine.
Le roy et la roine sa mère remercièrent très affcctueusement un chascun du bon conseil que leur avoit esté donné, promettant de le suyvre, et de se gouverner selon iceluy.
Ledict cardinal leur dict qu’il feroit faire l'arrest et conclusion pour le communiquer à toute l'assemblée, et le résouldre ; aussi qu’il féroit esbaucher le surplus des affaires qui avoyent csté proposées au commencement, pour les relever de peines, et pour pareillement en f&ire résolution en somme.
Il fut résolu le vingt-sixiesme que les estats généraulx du royaume seroyent assemblés, et que, en défault du concile général, il auroit concile national, après qu’il fut consulté lequel des deux devoit estre le premier, ou les estats ou le concile national, et du lieu où ils se pourroyent tenir l’un ct l’autre. Il fut conclu que les estats généraulx du royaume seroyent premièrement assemblés et mandés au dixiesme de décembre prochain à Meaulx en Brie, sauf si Sa Majesté avoit une autre ville plus aggréable ; et que les estats particuliers de chascune province seroyent premièrement tenus, afin que là il fust résolu de ceux qui se trouveroyent aux cstats généraulx et des doléances qu'ils avoyent à faire.
Et parce que le pape, l’empereur ct les princes chrestiens estoyent à plus près d'accord du concile général, le dixiesme janvier ensuyvant assemblée des évesques et autres se feroit, là part où le roy se trouveroit, pour de là envoyer au concile général, ou délibérer sur le national au défault du général. Que ce pendant les évesques se retireroyent en leurs diocèses, tant pour estudier et se préparer, que pour faire rapport des abus; et les gouverneurs, baillifs et séneschaulx , en leurs gouvernemens, baillages et séneschaulsées , pour s'informer du tout, et tenir en office le peuple. Et sans qu’on procé-
dast plus par voye d’aucunes punitions de jus- :
DE L’ESTAT DE LA RELIGION
tice contre aucuns, sinon contre ceux qui s’eslevcroyent avecarmes et feroyent les séditieux, retenant toutesfois la Majesté du roy un arrest mental en son cerveau pour punir et chastier ceux qui seroyent vérifiés estre perturbateurs du royaume.
En quoy chascun peult juger quelle mutation et changement le temps apporte en peu d’heure, la liberté d’opiner ayant esté telle receue et approuvée en la présence du roy pour le faict de la religion, conciles et estats, er toutesfois peu auparavant punie et réprouvée.
Ce qui peut entre autres occasions inciter ledict cardinal de faire ceste réserve de l’arrest par luy appelé mental, fut pour ce que la Sague, dont nous avons parlé, estant audict lieu de Fontainebleau, le lendemain qu’il y fut arrivé alla trouver un gentilhomme nommé Banna, qui avoit esté auparavant sergent major à Cazal, auquel il dict qu’il avoit rencontré à Orléans le capitaine la Roche, enseigne de la compaignie colonnelle en Piedmont, qui l'avoit asseuré de la bonne volonté qu'avoit iceluy Banna de faire service au roy de Navarre, et qu’à son retour il l’emmeneroit avec luy. L'enhorta de ne s'amuser à faire la court aux sieurs de Guyse, desquels il ne tireroit aucun bien; qu'il y avoit une entreprise contre eux, à laquelle le roy ny eux, quand mesmes ils en seroyent advertis, ne scauroyent remédier, dont il vint à luy déclarer et spécifier quelques choses. Quoy entendu par ledict Banna, il alla incontinent en faire récit au mareschal de Brissac, qui luy conseilla d’aller trouver le duc de Guyse, ce qu’il feit. Et luy ayant faict entendre qu'il y avoit à luy dire chose qui luy importoit de la vie et de l’estat, luy déclara tout ce que luy avoit appris ledict la Sague.
Lors le duc de Guyse luy commanda de le tenir secret, et entretenir tousjours la Sague; le pria de le faire cognoistre au sieur du Croq, premier eschançon de la roine sa niepce, lequel en ayant eu la cognoissance, et ayant prins le meilleur et plus viste courtaut de l’escuyrie du duc de Guyse, faillit de le prendre au sortir de Fontainebleau, pource qu’il partit de nuict, et qu’en mesme instant le sieur de Malicorne, qui couroit en poste, fut suyvi par luy au lieu dudict de la Sague. Fut à ceste cause envoyé ledict premier eschancon pour lattcindre a Estampes par où il devoit passer, ce pendant
qu’il séjourneroit à Paris pour prendre ses despesches. Ce qui fut si bien exécuté qu'il fut par ce moyen pris à la poste dudict Estampes, et de là ramené à Fontainebleau. Lesdicts sieurs de Guyse louans Dieu de ce que l’on avoit failli de l'attraper au partir dudict Fontainebleau, pource qu’il n’avoit lors autres lettres que du connestable et du mareschal de Montmorency, et quelques autres quasi toutes d’un mesme argument, remercians le roy de Navarre et monsieur le prince de Condé de l’honneur qu’ils leur avoyent faict de leur rescrire, et de vouloir scavoir par eux des nouvelles de l’assemblée, qui avoit esté fort belle, et où ils avoyent esté désirés de tous, finalement qu’ils luy estoyent humbles serviteurs. De facon qu’on n'y trouvoit que mordre.
Mais ils furent bien plus contens d’une lettre du vidame de Chartres escripte de Paris audict sieur prince de Condé, par laquelle il luy mandoit qu’il luy estoit serviteur, et que s’il faisoit entreprinse digne pour le service du roy, qu'il y employeroit la vie. Ceste lettre veue, sans autre charge, fut incontinent despesché en poste le séneschal d’Agenois, accompaigné du prevost de l'hostel, avec lettres adressantes au président de Thou, pour luy aider à se saisir de la personne dudict vidame, ce qu’il feit dès le lendemain, qui estoit le vingt-septiesme d’aoust, qu’il lamena prisonnier dans la Bastille.
Incontinent après ledict Banna fut confronté audict la Saguc, lesquels du commencement ne se trouvèrent d'accord; mais enfin il dict que le roy de Navarre et monsieur le prince de Condé, accompagnés de grandes forces du pays de suyenne, devoyent, soubs couleur de venir voir leroy, passer à Poictiers, Tours et Orléans, 7illes qui estoyent à sa dévotion, et que jusques à Poictiers iroit au-devant de luy le sieur de Damwville second fils du connestable, avec cinq ou six cens hommes d'armes. Que le connestahle tenoit la ville de Paris en sa main, et la tourneroit tousjours à son désir quand il enseroit besoing. Que le duc d’Estampes respondroit de Bretaigne, le comte de Tende de Provence, les sieurs de Sénarpont et Bouchavances de Picardie, et qu’estans les choses ainsi disposées, si le roy, les princes et seigneurs nc pouvoyent estre maistres et avoir raison de ceux de Guyse, qu'ils feroyent leur amas et assemblée à Or-
léans qui estoit le nombril du royaume, et ne cesscroyent jamais qu’on ne feist le procès auxdicts de Guyse.
Quatre jours après la prinse de la Sague, vin drent nouvelles de l'abbé de Savigny, lieutenant du mareschal Sainct-André au gouvernement de Lyon, faisant entendre comme il avoit descouvert et rompu l’entreprinse de l’aisné Maligny, de mettre forces et gardes dans la ville de Lyon, soubs prétexte d’y donner seur accès à tous les subjects du roy et y tenir l'assemblée des trois estats. Ledict abbé eut pour récompense dudict advertissement l’archevesché de Arles.
Ces troubles furent cause que le roy partit de Fontainebleau, et vint à Sainct-Germain, comme en licu de plus grande seureté, et devant que partir, le cardinal de Chastillon et admiral obtirdrent congé de la roine d’avertir madame deRoye leur sœur de ce qu’on imputoit à monsieur le prince son gendre, et comment le lendemain que la Sague avoit esté amené audict Fontainebleau, Sa Majesté avoit despesché le comte de Cursol vers le roy de Navarre, pour le prier de mener son frère à la cour pour se justifier des choses à luy imposées, l’asseurant qui s’il y venoit ne luy seroit faict mal ny tort que! conque, à fin que si ladicte dame de Roye lc pensoit innocent, elle luy aidast à le persuader d’y venir, comme aussi le cardinal de Bourbon son frère y estoit luy-mesme couru en poste à mesme fin.
Ladicte dame de Roye, de ce advertie, escrivit pour response qu’elle estoit certaine de l'innocence dudict sieur prince son gendre, et qu’iln’avoit jamais faict ny pensé chose qui fust contraire au roy, et qu’elle ne devoit croire les sieurs de Guyse ses ennemis. Que c’estoit chose dure de presser un prince du sang de venir en licu où ses ennemis commandassent. Et après que lesdicts frères eurent faict voir ladicte response à la roine, prindrent congé, et se rctirèrent en leurs maisons.
La roine print son chemin par Monccaux, où ladicte dame de Roye luy envoya une lettre par un gentilhomme, contenant qu’elle pensoit bien que monsieur le prince luy estoit si obéissant parent et serviteur qu'il obéiroit à son commandement de venir à la cour. Mais d'autant que lesdicts sicurs de Guyse ses ennemis y estoyent, la prioit de ne trouver estrange s’il ÿ
venoit micux accompagné qu'il n’avoit accoustumé d’estre. La roine s’offensa de ceste lettre, et luy respondit qu’il trouveroit le roy micux accompagné que luy, et que ce n’estoit où il falloit venir fort qu’au lieu où estoit le roy son maistre.
Ce pendant le président de Thou et autres délégués interrogèrent ledict vidame tenu estroictement ( combien qu'il fust malade ) jusques à ne vouloir permettre que sa femme parlast à luy à part, ne qu'elle s’enfermast en prison avec luy pour le servir, comme elle poursuyvoit mstamment. La response du vidame fut tousjours que sa lettre ne parloit d'aucune entreprinse qui ne fust pour le service du roy et son commandement, et qu’il estoit parent, ami ct serviteur du due de Guyse, mais que les princes du sang alloyent devant. Et que si le duc de Guyse avoit querelle particulière au roy de Navarre et monsieur le prince de Condé, qu’il employeroit tousjours la vie pour eux.
D'autre costé, le prévost de l’'hostel avoit esté despesché pour aller prendre prisonnier à Paris Robert de la Haye, conseiller en la cour de parlement, et le mencr à Sainct-Germain pour autant qu’il avoit intelligence des affaires dudict sieur prince de Condé.
Peu auparavant avoit esté aussi pris le sicur de Cany en sa maison, où ne furent trouvées que deux armures d’hommesd’armes, combien qu'on eust faict entendre at roy qu'il yen avoit grand amas. Et fut donné en garde au sieur de Genly, qui s’offrit de respondre pour luy corps pour corps.
Et pour les suspicions qu’on avoit des appellés huguenauds qu'ils faisoyent amas de gens de guerre, fut faict un édict par lequel furent faictes défenses à tous subjects, princes ou autres quelconques, de ne faire aucune levée de gens, harnoïs, armes, chevaux ct deniers, et de non contribuer à aucunes desdictes choses, à peine d’estre déclarés rebelles de Sa Majesté.
Et adonc fut despesché monsieur le cardinal de Bourbon pour aller quérir le roy de Navarre, et ledict sicur prince de Condé ses frères.
Plusieurs processions générales publiées partout pour le bien du repos du royaume ct éonclusion de quelque bon concile; et fut révoquée l’assemblte des estats de la ville de Meaux à Orléans, pour la craincte où l’on entra de Ladicte ville d'Orléans : le mareschal de
DE L’ESTAT DE LA RELIGION
Termes député pour aller à Poictiers, accompaigné de deux cens hommes d'armes, où l’on commenca faire guet ès portes jour et nuict.
La vigile Sainct-Michel le vidame présenta une requeste à l'Ordre, laquelle fut envoyée au cardinal de Lorraine, à cause de son estat de chancelier dudict ordre, pour lequel il falloit par les statuts d'iceluy qu’il en feist le rapport. La fin de la requeste tendoit à ce que, comme cheyalier de l’Ordre, il ne fust jugé que par ceux dudict Ordre, et qu'on n’eust à luy faire son procès ny le consumer en prison que pour les cas pour lesquels il mériteroit estre dégradé dudict Ordre, craignant ledict vidame d'’estre plus long temps prisonnier pour les autres légèretés de sa jeunesse qu’on luy voulust resveiller. |
Sur ladicte requeste commença à opiner le connestable, comme le plus ancien duc de l’Ordre, et remonstra la longueur de justice tenue en France; que ledict vidame estoit d’ancienne maison, attouchoit de parenté à tous les princes du sang, luy estoit parent, fils de la fille de son cousin germain, et avoit faict maints bons services aux rois prédécesseurs ; qu’il estoit si indisposé de sa personne et de telle qualité, qu'un mois de prison luy estoit à estimer plus long qu’à un autre d'autre condition un an entier. Fut d'advis luy entériner sa requeste. Laquelle opinion fut suyvie presque de tous, non toutesfois sans altercation, le cardinal de Lorraine estimant que ledict connestable avoit voulu donner taisiblement entendre qu'injustice estoit faicte audict vidame. Et fut le débat venu plus avant, sans ce que le duc de Guyse pria son frère de se taire.
Audict jour Sainet - Michel furent créés dixbuict chevaliers de l'Ordre tout à une fois, qui n'avoit esté auparavant veu ny entendu, disant un chascun que lesdicts de Guyse avoyent procuré ceste création de chevaliers en tel nombre, pour se fortifier d'autant plus de personnes eslevées par leur moyen en ce degré d'honneur.
Lors le connestable ne se peut tenir qu’il ne dist que l'Ordre estoit mis en désordre, et se retira chez luy. Entre ces dix-huict chevaliers, il y out un Italien nommé Corneille Bentivole, lequel avoit csté chargé d’avoir aidé au duc de Guyse de jctter un coffre à bahu sur monsieur Francois de Bourhon sieur d'Enguien,estant la cour à la Roche-Guyon. dont il mourut. De
quoy ledict Bentivole s’estoit excusé envers le roy de Navarre comme de chose advenue par jeu- Le comte de Cursol estoit lors de retour du voyage qu'il avoit faict par devers le roy de Navarre à Nérac, avec promesse de luy qu'il viendroit trouver le roy. Le cardinal de Bourbon arriva aussi peu après, qui donna pareille asseurance. Et après avoir entendu que le roy de Navarre estoit parti, et en chemin pour venir, vindrent à plusieurs fois nouvelles qu’il retournoit , autrefois qu’il estoit malade , ou le contrefaisoit. Sur ce la roine donna commission au sieur de Montpesac, séneschal de Poictou, lieutenant lors de la compagnie du duc de Guvse, pour aller à Poictiers, et y fermer les portes audict roy de Navarre ct à son frère s'ils voulovent y entrer. Le roy de Navarre ayant entendu ladicte commission, manda ledict Montpcsac pour de luy entendre La charge qu'il en avoit et de la part de qui. À quoi lui ayant dict qu’il avoit charge expresse du roy et de la roine de ce faire, ledit roy de Navarre sur ce feit une despesche, attendant la response de laquelle il s’en alla à Lusignan, jusques à ce que, par la response à luy faicte, il cust entendu que ledict Montpesac estoit désavoué de tout ce qu'il en avoit fzict, qui fut cause qu'il passa par ladicte ville de Poictiers, où le receut ledict mareschal de Termes et Jedict sicur prince son frère venu avec luy, lesquels furent conduicts par aucunes céranacnies d'hommes d'armes secrettement jusque à Loches. De quoy advertis, disoyen:
qu'ils s’asscuroyent qu'ils n’avoyent rien attenté contre la Majesté du roy, et qu’ils mettoyent leur innocence entre Îles mains de Dieu seal, postposant tout Ie secours des hommes.
Le neufvicsme octobre, dont le lendemain le roy devoit partir dudict Sainct-Germain- en- Laye, la Sague gaigné advertit le duc de Guyse ct le cardinal de Lorraine qu'ils verrovent ct entendroyent mieux la vérité de tout le faict dont on l’avoit faict enquérir, par la couverture des pacquets dudict vidame qui furent prins avec luy. pour autant que Fremin Dardoy, suhject naturel du roy de Navarre, secrétaire du connestahie, hay de ceux de Guyse ( tellement que pour l'amour d'eux la roine avoit requis ledict connGstable de ne le mener en l'assemblée de Fontainebleau ), luy avoit dict au partir qu'il dist à monsieur le prince de Condé qu’il n'ou-
7i bliast à mettre dans un bassin plein d’reu {ss couvertures des pacquets qu’il portoit, et qu'il y liroit toutes choses par le menu.
Le secrétaire de l'Aubespine avoit de fortune gardé lesdictes couvertures, lesquelles avans esté trempées dans l’eaue, fut cozneu qu’elles estoyent escriptes de la main dudict Dardoy. Il faisoit entendre audict sieur prince que le connestable persistoit en son opinion de ruiner
lesdicts sieurs de Guyse pour leur faire leur
procès, et forcer la roine et tout le monde d'endurer faire justice, sans pour cela prendre les armes ny faire aucune effusion de sang, pour ce qu'ils ne pourroyent résister à l’universe) consentement de tous les cestats du royaume; mais qu’il sembloit à beaucoun de gens de bien que cela tireroit en longueur, et que, pour le faire plus court, s’il leur plaisoit estans arrivés à la cour de venir aux mains contre ceux de Guyse, qu’il se trouvoit de leurs serviteurs qui le ferovent hardiment, movennent qu'eux accompaignés de tous les grands qui estoyent à leur dévotion voulussent faire le holà : et lors il fauldroit que le connestable le trouvast luy-mesme bon, pour ce qu'il luy seroit force de le prendre aisément en patience. Qu'ils s’asscurassent que les plus vaillans hommes de ce royaume scroient de la partie.
Le roy partit le lendemain de Sainct-Germain et vint à Paris, où desjà estoyent arrivées les vicilles bandes mandées pour se venir trouver audict Jicu, et furent mille hommes d'armes avec ce ordonnés pour le voyage; monsieur d'Anjou et madame sœur du roy, envoyés au chasteau du bois de Vincennes.
Le roy, accompaigné du cardinal de Lorrainc et du duc de Guyse, marcha avec ses gens de guerre en armes; et ainsi qu'il arriva à Artenay, Charles de Marillac, archevesque de Vienne, envoya un certain personnage pardevers madame de Montpensier, avec lettres de créance, pour luy dire en substance qu’elle avoit tousjours promis de s’opposer aux entreprises peraicieuses de ceux de Guyse, si tost qu'elle auroit obtenu récompense de la succession de Bourbon, pour laquelle il luy avoit convenu dissimuler, pour la puissance qu'il:
avoyent de luy nuire. Mais maintenant qu'ellk l'avoit obtenue , luy ayant esté baillés les pays d'Ombes et Beaujolois, elle ne se pouvoit plus excuser, la nécessité estant telle que, ores que
ladicte récompense fust à bailler , il ne falloit plus différer, pour ce que depuis qu’il avoit prins congé d’elleà Sainct-Germain, ilavoit esté
certainement adverty qu’ilsarresteroyent ledict .
sieur prince de Condé prisonnier dès son arrivée, et feroyent tellement observer le roy de Navarre qu’il nele seroit guères moins que son frère, quoy que elle s’asseurast du contraire; et qu'elle pouvoit bien penser que venant jusques à ce poinct, ce ne seroit pas pour après les délivrer, et que ayans disposé d’eux à leur désir, ils auroyent bon marché de celuy qui estoit cardinal et des deux autres qu’ils tenoyent pour endormis de deux gouvernemens, l’un d’une poire de bon chrestien , et l’autre d’une boite de codignac.
Que ladicte dame eust à se souvenir de ce que n’aguères elle luy avoit dict, que l’espérance des princes du sang estant une fois perdue, il ne falloit avoir son attente à la roine, spoliée de toute authorité par la dextérité desdicts de Guyse ; tellement qu’elle n’oseroit et ne pourroit leur faire résistance. Que partant il ne restoit plus qu’un seul remède propre et accoustumé en tels dangers, qui estoit d’avoir recours à l'union de la noblesse, en laquelle se trouveroit encores des La Hire, Potons, et semblables. Que le connestable, qui avoit grand’part en icelle, ne se vouloit aucunement remuer, remettant tout en l'espérance qu'il falloit avoir en Dieu qui y pourvoiroit, combien qu'il y allast du sien, ayans lesdicts de Guyse, tant par promesses que par menaces, faict dire à la Sague tout ce qu’ils avoyent voulu, jusques à luy faire déposer faulsement que Dardoy, son secrétaire, avoit esté par son Commandement vers la roine d'Angleterre.
Mais ce nonobstant iceluy archevesque estait d’advis que l’on envoyast audict connestable, pour luÿ faire entendre le grand péril auquel estoit l’estat du royaume, et en particulier sa maison, d'autant que lesdicts de Guyse tenoyent pour crime de lèze-majesté de n’avoir révélé ce qui avoit esté conspiré contre eux, l'attribuant comme faict contre la personne du roy, encores que ledict connestable n’eust oncques consenti ny conseillé de s’addresser par voye de faict à l'encontre d’iceux. Et où ledict connestable ne se vouldroit encores esmoavoir, qu’il fauldroit advertir la roine de Navarre de prendre garde soigneusement à la personne de
DE L’ESTAT DE LA RELIGION
monsieur le prince son fils, et en oultre qu’icelle dame de Montpensier devoit donner ordre que son gendre le duc de Bouillon tinst ses deux maisons de Jannais et de Sédan ouvertes, pour y mettre en seureté les enfans dudict sieur prince de Condé, et y recevoir tous ceux que l'on pourroit surprendre et attrapper de la maison de Guyse, pour servir de représailles. Et d’autre part despescher en Allemaigne vers les bienvueillans et amis de la couronne, pour faire un effort tel qu’il feist penser à ceux de Guyse à leur conscience, le mal estant venu jusques là qu’il avoit besoin de cautère. Qu'il ne se falloit plus persuader ce que l’on avoit faict jusques icy, que les déportemens desdicts de Guyse seroyent cogneus tels, que à la parfin ils les précipiteroyent eux-mêmes ; car ils s’estoyent envahis de telle puissance et munis tellement de l’authorité royale, qu’il n’en estoit riens plus à espérer qu’une prochaine ruine et subversion, à laquelle ils marchoyent à grands pas, et devant laquelle il archevesque prioit Dieu de l’oster de ce monde, tant il portoit impatiemment et à regret de voir les armes à grand’ peine retirées d’Escosse, avoir esté tout aussi tost mises au milieu du royaume, jusques à avoir faict armer le roy contre son propre sang, et ses plus fidèles et anciens subjects. Ladicte dame de Montpensier ayant entendu ce propos, encores qu'elle fust timide, feit donner conger audict personnage qui avoit parlé à elle pour aller aux bains d’Aspac au Liége. Lequel passant à Méru le jour Sainct- Martin ensuyvant, parla audict connestable, et peu y profita ; de quoy tirant en Allemaigne il advertit ledict archevesque de aVienne; lequel voyant les choses s’empirer, et non sans craincte de son particulier, tomba malade en son abbaye de Sainct-Père-lez-Melun, où il mourut le troisiesme jour de décembre, aagé d'environ cinquante ans, qui fut deux jours auparavant la mort du roy, de laquelle il sera parlé cy-après. Ledict Marillac estant jeune advocat au Parlement de Paris, avoit esté contrainct s’absenter de ce royaume pour le faict de la religion, estant accusé d’avoir faict une apologie pour un luthérien qui avoit esté bruslé à la place Maubert. Il se retira avec un gentilhomme nommé la Forest, qui lors alloit à Constantinople ambassadeur pour le roy, où il l'accompaigna. Advint que ledict la Forest y fut tué, et ledict
Marillac mis en son lieu, où il s’acquitta si bien au service du roy que depuis il fut envoyé ambassadeur en Angleterre, et puis long temps près l’empereur Charles-Quint, estant maistre des requestes de l’hostel du roy, et puis conseiller de son conseil privé. Il avoit un frère plus ancien queluy, mort neuf ou dix ans auparavant, qui estoit advocat du roy en la cour de parlement de Paris, homme docte, éloquent et véhément censeur contre les vices du temps. Ils estoyent du pais d’Auveroene , et d’assez moyen lieu.
Le roy, dudict lieu d’Artenay, accompaigné comme dessus, fut jusques à Orléans, où les estats avoyent esté auparavant convoqués, pour y estre tenus, chascun disant qu’il s’y devoit exécuter une grande rigueur de justice, dont la pluspart des villes, envoyant leurs délégués audict lieu, furent tellement intimidés que la pluspart des délégués refusoyent d'y aller, et ceux qui y allèrent faisoyent ce voyage en grande craincte, oyans parler de ce grand amas de gens de guerre qui s’y trouvoit.
Le roy doncques arrivé audict lieu y feit son entrée avec grand’ frayeur ct espouvantement des habitans, et disoit-on que deux choses avoyent faict aller le roy à Orléans : l’une, pource qu’il y avoit assigné l'assemblée desdicts estats, lesquels il vouloit tenir avec main forte ; l'autre, de craincte que le roy de Navarre à sa venue ne se saisist de ladicte ville, laquelle fut à ceste fin choisie, et l’assignation auparavant baillée à la ville de Meaux pour ladicte assemblée des estats soubdain révoquer, comme nous avons dict cy-dessus.
Il fut lors délibéré et conclu que chascun seroit contrainct de fâire confession de foy, selon les articles dressés par la Sorbonne l’an cinq cens quarante deux et vérifiés en la cour de parlement, sur peine de confiscation de corps et de biens. L’on estimoit que les principaux de ce conseil estoyent, avec lesdicts sieurs de Guyse, les mareschaulx de Sainct-André et de Brissac, et le cardinal de Tournon venu d’Ita- * lie, et lors arrivé par eaue à Orléans, où il fut favorablement et honorablement receu. Et disoit-l’on que le cardinal de Lorraine s’estoit préparé pour faire la harangue des estats et avoit minuté tout ce qui y devoit estre ordonné.
Incontinent que le roy fut arrivé à Orléans,
XVI" siècce, La PI. et La PI.
ec | furent dressées gardes et sentinelles, tout ainsi qu'il est accoustumé de faire aux villes craignans la venue de l’ennemy; et fut de rechef mandé le roy de Navarre pour se haster et amener avec luy ledict sieur prince de Condé, son frère, avec lettres pleines d’asseurance. Une grand’ salle estoit dressée, faicte de charpenterie, en la place de l’Estape, pour en icelle estre tenus les estats.
Le roy estoit logé chez la chancellière d’Alencon, vefve du défunct chancelier et baillif d'Orléans, Groslot.
Et puis furent envoyés gens presque par tous les endroicts du royaume, principalement en la Guyenne, pour se saisir de ceux que l’on tenoit estre plus souspeconnés de ladicte religion, tant gentilshommes que autres, estant arresté de faire raser plusieurs maisons et chasteaux. Plusieurs commissions avec ce furent envoyées à Paris baillans pouvoir à diverses personnes d'entrer par voye de faict, et se saisir des personnes dénommées en certains rooles distribués à chascun de ceux qui estoyent à ce faire députés. Finalement, la surveille de Toussainets y arrivèrent le roy de Navarre et ledict sieur prince de Condé. Au-devant desquels furent seulement messieurs le cardinal de Bourbon, leur frère, et de la Roche-sur-Yon, avec bien peu d'autre compaignie. Et estans entrés dans la maison du roy, soudain après l'avoir salué, les capitaines des gardes Chavigny et Brezay, qui avoyent la charge de s’asseurer dudict sicur prince, l’emmenèrent en une maison qui estoit marquée pour le connestable près les Jacobins, en laquelle il fut (quelque instance et requeste qu’en eust fait le roy de Navarre d’en respondre et le représenter) mené prisonnier estroictement. Et ainsi qu'on le menoit, se tournant vers monsieur le cardinal de Bourbon, qui estoit allé au-devant de messieurs sesdicts frères jusques à Blois, dict audict sieur cardinal: «Monsieur. avec vos asseurances vous avez livré vostre frère à la mort : dont il fut tellement contristé, qu’il n’eut recours qu’à ses larmes. La maison où ledict sieur prince fut mené prisonnier, fut aussi tost et en toute diligence treillissée de barreaux de fer, flancquée et percée, ainsi qu'est accoustumé de faire ès maisons situées sur la frontière ; joignant laquelle avoit esté levé nouvellement un bastion pour la retraicte des gens de guerre à pied.
Et quant au roy de Navarre, aucuns personpages furent attiltrés pour prendre garde à luy, et considérer ses actions. Son chancelier, nommé Amaury Bouchard Xantongeois, et naguères maistre des requestes de l'hostel du roy, fut en mesine temps constitué prisonnier, et prins par le sieur de Jarnac, chevalier de l'Ordre.Lequel on amena avec si grand soing et craincte de le perdre que l’on luy faisoit faire l'essay de tout ce qu'il mangeoit et prenoit, comme l’on fait aux rois et princes. Le décret de prinse de corps, en vertu duquel fut ledict sieur prince constitué prisonnier, avoit esté proposé par le mareschal de Brissac, remonstrant que l'affaire estoit de telle importance, qu'il ne falloit recognoistre que le roy, et n'avoir respect à personne de quelque qualité qu'il fust ; et là-dessus arresté et signé par le roy, les princes du sang estans lors auprès de luy, et le chancelier ; dont ceux de Guyse s’exemptèrent.
La diligence des sicurs de Carouges et de Renouart fut grande ; car trente-six heures après que ledict sieur prince fut constitué prisonnier, ils se saisirent de madame de Roye, sa belle-mère, qui estoit au lieu de Anisi-le- Chastel, ensemble des papiers, dont le secrétaire Bruslard fcit inventaire. La commission, pour la prendre signée et seellée, portoit que c'estoit pour les entreprinses et machinaticns qu'elle avoit faictes contre la couronne : estoit mandé par icelle à tous capitaines et concierges de faire ouverture de leurs places et prisons pour l'y mettre, s'ils en estoyent par ledict Carouges et Renouart requis ; et fut ainsi ladicte dame menée prisonnière dans le chasteau de Sainct-Germain-en-Laye. Et en mesme temps fut aussi constitue prisonnier Hiérosme Groslot baïllif d'Orléans, chargé de négligences ct connivences faictes en sondict estat, en la perquisition et punition des hérétiques, combien que peu auparavant il en eust esté purgé par arrest de la cour de parlement à Paris.
Le sieur d’Andelot, auparavant la venue du- * dict sieur prince, remonstra qu'il voyoit bien qu'on avoit peu de fiance en luy, que les soldats desquelsilestoit colonnel enayanscognoissance, et se sentans supportés d'ailleurs, ne luy rendoyent l’accoustumée obéissance; à l'occasion de quoy ayant prins congé du duc de Guyse, se meit avec quelques capitaines dans un biseau, et sc retira en Bretaigne : et dict-
DE L’ESTAT DE LA RELIGION
(15601 on que sans la craincte d’estonner ledict sieur prince, non encores arrivé, il cust esté arresté.
Sur ces entrefaictes, madame Renée de France, duchesse douairière de Ferrare, se retirant d'Italie en France, arriva audict Orléans, où voyant que ledict sieur prince estoit prisonnier, dict à son gendre, le duc de Guyse, que si elle y eust esté, elle l’eust empesché ; et que ceste plave saigneroit long temps après, d’autant que jamais homme ne s’estoit attaché au sang de France, qu'il ne s’en fust trouvé mal.
Le treiziesme jour du même mois, le chancelier, accompaigné du président Christophe de Thou, et de deux conseillers de la cour, Barthelemy Faye et Jacques Viole, avec le procureur général Bourdin, mandé pour estre partie audict sieur prince, et le greflicr civil du Tillet, pour servir de greffier à faire son procès extraordinaire, se transporta vers luy, pour l’interrogucr sur aucuns articles qu'ils disoyent leur avoir esté baillés. Lequel en premier licu leur remonstra sa qualité, et que procès ne luy pouvoit estre faict que par le roy séant en sa cour de parlement à Paris, les chambres as semblces. Et pour ce que nonobstant ce il luy fut enjoinct de passer ouitre, il se porta pour appellant de son emprisonnement auroy, séant en sadicte cour, suffisamment garnie des pairs de France, et lesdictes chambres assemblées ; d'autant qu’il maintenoit qu’en ceste seule manière se devoit faire le procès à un prince du sang, et non autrement.
Cest appel fut dès le lendemain déclaré non recevable par le conseil privé, lequel ordonna que ledict sieur prince respondroit ; et suyvant ce jugement, lesdicts commissaires retournèrent par devers luy pour l’interrogucr, ce qu’il ne voulut souffrir, ains appela d'eux, en adhérant à son premier appel, lequel fut derechef déclaré non recevable par autre jugement dudict conseil privé, sans oyr ny appeler ledict sieur prince auxdicts jugemens; et appella autant de fois comme on s’efforca de le faire parler pour passer oultre à faire sondict procès. Mais autant de fois qu'ilappella, autant de fois furent donnés des jugemens audict conseil de la mesme forme que les précédens. Et entre autres en fut donné un à la requeste dudict procureur général, par lequel fut diet que ledict sieur prince respondroit pardevant lesdicts commissaires, sur peine de crime de lèze m:jrsté,
et néantmoins que les tesmoings luy TE recolés et confrontés.
Là-dessus, madame la princesse présenta requeste au roy, le suppliant de distribuer pour conseil audict sieur prince son mari tels personnages qu'il adviseroit ; qui luy fut accordé par brevet de ce expédié, signé de la main du roy ct du secrétaire de l’Aubespine, portant injonction audict conseil (qui estoit entre autres Pierre Robert et Francois de Marillac, advo- Cats au parlement de Paris) de se transporter incontinent en la ville d'Orléans. Ce qu’ayans faict, et après avoir eu communication du procès-verbal par les mains du greffier du Tillet, en la présence des commissaires et dudict procureur général du roy, et avoir supplié le roy de leur permettre de communiquer audict sieur prince, pour estre par luy instruits de la vérité du faict. Et après aussi longues difficultés, leur fut finalement permis de ce faire, avec limitation toutesfois des propos qu’ils luy tiendroyent, le secrétaire Robertet et ledict greffier du Tillet présens.
Eux venus en la présence dudict sieur prince, il déclara que combien qu’il cogneust lesdicts Robert et Marillac tels qu’il s’asseuroit d’eux, qu'il supplioit toutesfois le roy de luy permettre plus grande asseurance d'eux par le moyen du roy de Navarre, monsieur le cardinal de Bourbon, son frère, et madame la princesse sa femme; et pour cest effect qu'il luy fust permis de communiquer avec eux en telle compaignie qu'il plairoit à Sa Majesté adviser; disant qu’il requéroit ce que dessus, principalement pour l'obéissance qu'il vouloit garder audict roy de Navarre, sans lequel il ne vouloit rien faire. Ledict conseil privé ayant entendu ladicte requesie à la relation desdicts secrétaire et greffier, il en fut débouté, ct permis seulement à ladicte dame de lasseurer, rar lettres, que lrsdicts Robert et Marillac luy estoient distribués pour conseil, et qu’il pouvoit communiquer avec eux en asseurance : ce qui fut exécuté le mesme jour après disner, lesdicts Robertet et greffier estans porteurs de ladicte lettre.
Et là s’estant trouvé sondict conseil. commenca ledict sieur prince à dire, que Paffliction qu'il souffroit ne luy estoit point envoyée de Dieu pour offense qu’il eust faict contre la Majesté du roy, mais bien pour l’esprouver en son adversité. Et quant à luv, qu'ayant l'esprit
libre, et sa conscience nette et entière, il ne pensoit estre prisonnier, encores que sa personne fust arrestée ; mais que beaucoup plus il estimoit ceux-là estre prisonniers, lesquels avec la liberté du corps sentoyent leur conscience asservie et affligée d'une perpétuelle souvenance de leurs vices et forfaicts. Puis donna à sondict conseil mémoires et instructions pour la défense de sa cause, et escrivit une lettre à madicte dame la princesse sa femme, la priant de ne s’ennuyer et contrister, et qu’elle eust à s’asseurer que Dieu seroit défenseur de son innocence.
Or estoit le roy persuadé que ledit sieur prince estoit coulpable de lèze majesté ; ct ainsi que l’on avoit délibéré de le mener un jour de vendredi seiziesmedenovembre hors d'Orléans, pour le lendemain (ainsi qu’un chascun disoit) faire coupper la teste au baïillif d'Orléans, nommé Groslot, tomba malade d’un mal d’oreille.
Le connestable qui avoit esté mandé pour aller à l'assemblée des estats reculoit d’y aller, ayant advertissement que l’on machinoit contre luy et sa maison, combien que le mareschal de Sainct-André l’asscurast du contraire. Toutesfois, après avoir entendu nouvelles de la maladie du roy, il commenca à s’acheminer, allant de Chantilly à Escouan, et d’Escouan à Paris, où il fut adverty que l’apostume qué Île roy avoit en la teste, et se purgeoïit par l’oreille, l'avoit tellement endommagé, qu’on n’avoit plus d'espérance qu’il peust guérir. Adonc il partit de Paris et s'avanca.
Le roy de Navarre ce pendant n’avoit que l'admiral auprès de luy et Ie cardinal de Chastillon, qui estoyent là allés tout aussi tost qu'ils furent advertis de la prinse dudict sieur prince et de madame de Rove, leur sœur.
La roine estoit en grande perplexité pour aucuns qui luy souffloyent en l’orcille qu'elle devoit bien prendre garde de ne tomber ès mains du roy de Navarre et son frère, ct que ce pendant que le roy son fils vivoit encores, elle y devoit pourveoir. Sur quoy madame de Montpensier l’asseuroit de la bonté du roy de Navarre, le manda par son fils monsieur le conte daulphin, qu'ils vinst parler à la roinc, l'advertissant qu’il ne faillist de consentir tout ce qu’elle luy demanderoit ; ce qu’il feit , et par ce moyen les accorda ensemble.
DE L'ESTAT DE LA RELIG
