AD HUJUS TEMPORIS

MONARCHAS TPOTPENTIKON CARMEN.

Consiliis Christum oppugnans et fraudibus, ingens Regunm ille terror Carolus, Ipsis ridiculus pueris, furiosus et excors Tolus repente corruit.

Tuque Henrice. malis dum consultoribus utens Sitis piorum sanguinem, Ipse tuo væcors inopina cæde peremplus, " Terram imbuisti sanguine.

Hcnrici deinceps sectans vestigia patris Franciscus infelix puer, Clomantem Christum surda dum negligit aure, kure putrefacta corruit.

Versuti, fatui, surdi, hæc spectacula reges Vos saperc vel mori jubeut.

Les estats assemblés, auparavant timides et craintifs, commencèrent à prendre hardiesse et confiance, disant un chascun que ceste mort ainsi soubdainement advenue estoit un des faicts plus admirables de Dieu qui fussent advenus en ce royaume depuis long temps, ceux que l’on avoit appellés pour venir à Orléansen intention de les abbaisser, estant arrivés à propos pour y estre eslevés et recevoir le principal maniement de ce royaume, et ceux qui au contraire cuidoyent y establir et mesmes accroistre leur authorité, se trouvans y estre venus pour la délaisser et estre remis en leur premier lieu et degré. Lesdicts estats voulans d’un accord le roy de Navarre pour gouverneur, et les princes du sang pour conseil légitime du roy Charles à présent régnant, pendant son bas aage,avecleconnestable, l’admiral et autres seigneurs qui avoyent accoustumé d'y estre, et que les cardinaulx et évesques fussent envoyés à leurs charges ecclésiastiques pour y vacquer, et résider selon les constitutions canoniques.

Ceux qui portoyent envie à la grandeur du roy de Navarre et princes du sang s’aidoyent envers la roine mère de ceste faveur des estats ainsi apertement déclarée pour les princes du sang; luy remonstroyent que tout cela ne tendoit qu'à l'exclure et luy oster son authorité accoustumée, de laquelle ils disoyent avoir tousjours esté et vouloir encores estre soigneux, pour la luy conserver ainsi qu’il luy appartenoit, de sorte que l’on voyoit le connestable, le cardinal, l’admiral et le sieur d’Andelot (qui

après la mort du roy incontinent estoit retourné :

jouster, la superscription estant telle qu’il s’en- :

avec autres seigneurs) se retirer tous de Ja part du roy de Navarre, et le duc de Nemours, le mareschal de Sainct-André et de Brissac avec ceux de Guyse et le cardinal de Tournon faire une bande séparée, taschans se fortifier de ladicte roine, non sans craincte de voir une dangereuse esmotion.

Mais le roy de Navarre fut celuy qui se monstra le plus prompt à s’emplover pour préserver ce royaume de toute sédition et inconvénient ; Car laissant tous droicts de prééminence qu'il eust autrement voulu prétendre, oublianttoutes choses passées, présenta à laroinela charge et authorité du gouvernement, si qu'elle commençant à cognoistre, ainsi qu’elle disoit, les raisons et cause de la sédition précédente et des inconvéniens qui en estoyent advenus, et combien tout le monde auroit porté mal volontiers de veoir que les princes fussent eslongnés, s’accorda avec le roy de Navarre et messieurs ses frères et ses cousins, et les conserver en tel lieu et degré qu’il sera dict cy-après. Et furent retenus les autres seigneurs d’iceluy conseil comme ils estoyent auparavant : qui ne fut toutesfois sans travailler à réconcilier ceux qui estoyent divisés.

Lors disoyent plusieurs que le nombre des gens armés mis à l’entour du roy défunct servoit plus à autre fin que non pas pour garder sa personne, aïnsi que l'on faisoit publier, au grand deshonneur et reproche des subjects dn royaume, de sorte que tout le monde commen coit à s'asseurer, et rendre graces à Dieu de la paix et tranquillité qu’il avoit par sa bonté envoyée après tant de troubles, lesquels n’avoyent cessé durant tout le règne du feu roy, lequel, encores qu'il fust rigoureux contre ceux de l'église appellée nouvelle, et que toutes choses fussent préparées sur la fin d’iceluy pour exterminer les principaux d'icelle, si est-ce. que leurs assemblées pourtant ne cessèrent ès maisons et lieux où ils se pouvoyent retirer, pour assister aux presches, prières et administrations des sacremens, combien que ce fust en grande craincte et à peu de compaignie, et que lesdictes assemblées soavent fussent descouvertes et plusieurs d’icelles exécutés à mort.

Et lorsque les forces furent assemblées à Orléans et que l’on n’attendoit qu’une contraincte de confession de foy avec rigoureuses exécutions à l’encontre de cenx de ladicte religion ,

furent admonestées toutes les églises appellées réformées de ee royaume de redoubler les prières caseun jour diligemment, et sanctifier le jeusne chascun en sa famille, ce qui fut exécuté, nommément à Paris, depuis le vingticsme novembre jusques au premier decembre.

Et pour ce faire s’assembloyent deux ou trois familles ensemble, où se trouvoit un surveillant qui lisoit quelque chapitre de la Bible, choisi à propos, puis par l’espace de deux heures ou plus continuoit les prières, requérans tous d’un cueur Dicu avecques soupirs et gémissements qu'il luy pleust délivrer sadicte Eglise de persécution. Et au regard des ministres et surveillans de ladicte ville, ils s’assemblèrent aux faulxbourgs Sainct-Germain faisans avecques quelque troupe de geus le semblable.

Ce qui fut arresté pour le maniement et gouvernement de l'estat des affaires du royaume le vingtunicsme jour de décembre, estoit couché ainsi qu'il s'ensuit : «Le roy, pour le bon et prudent advis de la roine sa mère, qui désire sur toutes choses que l'estat de son royaume soit conduict et mené en la dignité et avec le regard et grande considération que requiert l'importance de telle administration, a assemblé le roy de Navarre, les princes de son sang, et autres grands et notables personnages de son privé conseil, pour prendre conseil de la forme et manière que les affaires qui doresnavant se présenteront se devront traicter. Sur quoy, par leur advis et délibération, a ledict seigneur roy déclaré et ordonné ce qui s’ensuit :

« Premièrement, il veult et entend que d’icy en avant tous les gouverneurs des provinces et capitaines des places et frontières dece royaume estans à la suyte de la cour, qui auront quelque chose à faire pour le regard de leurs charges et le faict d'armes, s'addresseront audict sieur roy de Navarre pour en faire rapport à ladicte dame roine mère qui en ordonnera par l’advis de son conseil ce qui sera nécessaire. Semblablement veult ledict seigneur que toutes les lettres et despesches, qui viendront de ses lieutenans généraulx et capitaines des places soyent addressées à ladicte dame roynesa mère, qui les verra premièrement, et après les envoyera audict sieur roy de Navarre, qui les ayant veues aussi en parlera à ladicte dame,

laquelle, avec son advis et celuy des autres :

princes et seigneurs du conseil, prendra ré-

LE L’ESTAT DE LA RELIGION

oo A Se

solution de ce qui se devra faire. Et à fin que toutes choses soyent hors de dispute, et qu’elles

| 7 , , ‘ soyent maniées et administrées avec plus de

commodité, veult ct entend aussi Sa Majesté que chascun de messieurs les connestable, grand - maistre, mareschaulx et admiral de France fassent et desservent leurs offices doresnavant avec le pouvoir, authorité et puissance qui leur cest attribuée par l'érection et institu

tion d'iceux. Aussi, que toutes choses concernans la justice des finances et la police de ce royaume seront traictécs et expédiées audict conseil privé, ladicte dame y assistant, quand bon luy semblera ; sinon luy en sera après faict rapport. Et suyvant la délibération du conseil enseront faictes les despesches par le secrétaire d’estat, et seellées par monsieur le chancelier, et non autrement. Et avant que le roy signe aucunes lettres de sa main elles seront veues et entendues par ladicte dame au conseil des affaires du matin. Veult aussi ledict seigneur, que le contrerolleur des postes mette doresnavant tous les paquets qu’il recevra entre les mains des secrétaires d’estat, chascun en

Charge, lesquels, sans aucunement les ouvrir, les présenteront tous fermés incontinent à la-

dicte dame roine mère, qui les verra à part, puisles fera lire en pleine compaignie du conseil des affaires, où se prendra la résolution de la response, qui aevra estre faicte par le roy, accompaignée d’une lettre deladicte dame sa mère. Pour ce que des choses que Sa Majesté a plus au cueur et en désire plus gratifier ses subjects, c’est la justice, a ordonné, que le mardi et vendredi de chascune sepmaine sera tenu conseil pour les parties, où toutes requestes seront cuyes, et pourveu aux supplians en toute bonne et briefve expédition de justice et équité. Et le jeudi s’assemblera le conseil, où se traictera le faict des finances et autres choses concernans les affaires d’estat du royaume; et n’y entreront, oultre les secrétaires d’estat, que les superintendans ct les deux secrétaires ordonnés pour le faict des finances et trésorier de l’espargne, et des parties casuelles non autres.

« Trois jours après vindrent nouvelles de la mort du vidame de Chartres, qui fut aux Tour-nelles, où il fut mené de la Bastille, malade, et estant hors d'espoir de guérison. Aucuns de ses plus fidèles et singuliers amis dedans et hors Îe

royaume eurent long temps un tableau pendu

en leurs cabinets mis incontinent après sa mort,

qui contenoit ce que s'ensuit : « Francoisde Vendosme, vidame de Chartres, prince de Chaba-

nois, d'aussi ancienne noblesse que gentilhomme

de la chrestienté, aussi bien apparent et aussi

grand terrien sans nul bien faict du roy que | seigneur qui fust en France, mourut en l’aage : de 38 ans, avec un extreme regret de toute la noblesse francoise. Dieu pardoint à celuy qui en fut cause, car les hommes ne luy pardonne-

ront ny à sa postérité. »

Après avoir pourveu à toutes ces difficultés, il fut résolu de tenir les estats nonobstant l’empeschement et protestation de nullité faicte par les députés d'environ quarante ou cinquante bailliages et séncschaulsées du royaume, qui maintenoyent leur pouvoir estre expiré d’autant qu'ils avoyent csté mandés par le roy François, et envoyés par devers luy ; et qu’il leur estoit nécessaire d'avoir nouvelles procurations, mandemens et mémoires pour se présenter par devant leur nouveau roy Charles neufviesme. Et estoyent entre lesdicts bailliages et séneschaulsées tous ceux du pays d’Aquitaine et aucuns des autres pays et provinces, faisans ensemble lesdicts bailliages presue contre-poix à tous les autres en estendue de pays, non toutesfois en nombre, eu esgard auquel ils ne faisoyent guères que le tiers, au moyen de quoy fut conclud de passer oultre, joinct mesme qu'il fut allégué que la dignité royale ne mouroit point, et demeuroit tousjours enestre, comme représentée par son successeur. Le cardinal de Lorraine après ceste résolution faisoit practiquer d’avoir la charge de faire

la harangue au roy pour les trois estats ; ce qui :

ee maman me à

luy fut accordé par le clergé, et fut envoyé N.Griveau, chanoine de la Saincte-Cliapelle par devers le tiers estat pour luy faire consentir. Auquel incontinent à haulte voix fut respondu qu'ils ne vouloyent prendre pour porter la parole pour eux celuy duquel ils avoyent intention de se plaindre ; qui fut cause qu'il se déporta d'en aller parler à la noblesse. Et furent choisis pour les harangueurs du clergé, Jean Quintin de la ville d’Autun, docteur régent en

: droict canon à Paris; pour la noblesse Jacques

de Silly, baron de Rochefort; et pour le tiers estat Jean l’Ange, advocat au parlement de Bordeaux.

Advint ce pendant que Bucil, bastard du comte deSancerre, fut rencontré en ladicte ville d’Orléans, et occis par René de Laval sieur de Loué, aagé de 21 ans, dont cuida sortir grand trouble; d'autant que la querelle estoit"procédée de ce que ledict de Loué prétendant espouser Rénée de Rohan vefve du feu sicur de Gyé, disoit que Bueil s’estoit vanté, pour l’empescher, qu’elle luy avoit promis, jusou'à en parler peu honnestement, dont non-seulement iceluy de Loué, mais aussi le connestable et les siens se disoyent offensés. Et partant estoit soustenu de leur part en ceste querelle, pour estre ladicte dame petite niepce dudict connestable, et iceluy de Loué venu de ligne directe masculine du connestable Matthieu de Montmorency aussi bien qu’iceluy connestable. Et ledict Bueil au contraire porté des sieurs de Guyse, comme bien aimé et favorisé d'eux; joinct aussi que ledict de Loué, à cause de l’attente de la succession du marquis de Nesle, querelloit à l'encontre du ducde Guyse le comté de Joigny. |