LIVRE CINQUIESME

Durant que les susdicts estats se tenoyent, et environ le commencement d’iceux, fut occis par inconvénient monsieur le marquis de Beaupréau, fils unique de monsieur le prince de la “oche-sur-Yon, qui fut grandement plainct, gour estre prince d'aussi grande espérance qu'il en fut point long temps y avoit de son aage, n’estant que d'environ douze ans. Cest infortune advint courant à cheval avec plusieurs autres jeunes princes et seigneurs, qui accompagnoyent le roy, le cheval dudict sieur marquis estant tombé par terre, et brisé d’un fort courteault qui le suyvoit de près, sur lequel eswit monté le comte de Maulevrier Henry de la Marche, ne l'ayant peu si tost retenir qu'il ne

Se me me en en QC nn ce 0-0 0 ue AD ee On + mt Re un + 0

passast oultre. Il fut lors remarqué de plusieurs qu’en moins de six sepmaines estoyent: morts le premier et le dernier prince du sang de quinze qu’ils estoyent.

Peu de temps après, il fut arresté au conseil privé que, pour soulager les finances du roy, les gentilshommes domestiques de sa maison et gens de financesse contenteroyent dela moitié de leurs gaiges, et que les pensions seroyent diminuées du tiers, exceptées celles des estrangers dedans et hors le royaume, soubs couleur qu'ils n’auroyentautremoyen de vivre. Surquoy ceux qui avoyent crédit et authorité auxdicts estats feirent remonstrance au roy de Navarre que tout l’argent donné aux estrangers vivans

[1ve1)

en ce royaume durant la paix estoit inutilement employé, pour ce que le roy n’avoit affaire d’es- . trangers que pour la guerre; et que les anciens 4 rois s’estoyent contentés de mettre la garde de leurs corps entre les mains des Escossois anciens ennemis des Anglois, sans que l’on y tinst aucuns pensionnaires. Et depuis que la maison d’Austriche commença à traicter alliance avec la maison de Bourgogne, que les rois avoyent faict leur garde à pied des Suysses, ennemis héréditaires de ladicte maison d’Austriche, et à eux baillé pensions tant de paix que d’alliance générales, qu'il estoit de de payer, et aussi aucunes particulières, esquelles il estoit besoing d’user de modération; car tout aussi que les Suysses pour gens de pied estoyent une bonne partie des forces du roy, aussi avoyentils plus de besoing de nostre espaule pour se défendre contre ladicte maison d’Austriche, de laquelle ils détiennent le nom, les armes et la sépulture de leurs ancestres. Et au regard des Alemans, qu’ils avoyent à rechercherle support du roy et avoir son amitié, autant et plus que le roy avoit besoing de la leur; estant bon et utile de les entretenir en amitié sans y faire dépense, si ce n’estoit à aucuns colonnels et capitaines de reitres et lansquenets, qui en temps de guerre pourroyent amener au service du roy ce que seroit nécessaire de ceste belliqueuse nation. Quant aux Italiens, dont ne se pouvoit retirer bataillon de gens de cheval ny de gens de pied, ainsi que mesmes confessoit le nrareschal Strossy, qui disoit que c’estoit assez si de sa nation l’on pouvoit tirer quatre ou cinq bons chevaux légers, et autant d'arquebouziers ; que tant s’en falloit que tous les princes d'Italie deussent avoir pensions aucunes, que mesmes ils devroyent payer protection au roy; lequel, advenant mesmes qu'ils fussent subjugués par le roy d’Espaigne, n’en pouvoit tirer que protict; d’autant que ceste riche, puissante et sage seigneurie de Venise seroit par là contraincte de se jetter de plus en plus entre les bras du roy, n’estant un seulestat en Italie duquel il se deust soucier que de ladicte seigneurie, laquelle ne demande et ne veult mesmes souffrir que aucuns des siens soyent pensionnaires de l’estranger. Et ne falloit craindre que le roy eust faulte de moyens d'entrer en Italie, pays amateur de nouvelletés et changemens, toutes les fois que iadicte seigneurie de Venise l’y appelleroit, et XVIe srècze, La PI. et La PI.

que le roy tiendroit entre ses mains le marquisat de Saluces, membre du Daulphiné, Tende, Cen- f tal et autres terres dépendantes de la Provence, situées delà les monts; desquelles le duc de Savoye avoit intérest que les rois de France ne se dessaisissent point pour se maintenir en réputation avec le roy d’Espaigne, ce pendant qu'il détenoit le duché de Milan. Que le rov se maintenant avec les Suysses et ladicte scigneurie de Venise, alloit à pied ferme de son royaume jusques en Turquie, sans que toute l'Italie luy sceust nuire en son royaume.

Au regard du pape, qu’il devoit recognoisire et se souvenir des bienfaicts receus de France par ses prédécesseurs; qu'il seroit toujours en la puissance du roy, avec l’ayde et assistance de ladicte seigneurie, de le remettre dans le patrimoine de l’Église, comme treize papes avoyent jà esté remis en leur siége par les Fran çois; que s’il estoit ingrat, et mettoit en oubly tant de bénéfices et ne vouloit servir que de sangsue en ce royaume, demander éveschés et biens pour ceux de sa nation, et faire cas d’un chappeau rouge qu’il donnoit bien à un gardeur de singes, et que les hommes d’entendement et bonne part mesprisoyent aujourd’huy, il se trouveroit des Nogarets de Sainct-Félix, qui, pour moins que la seigneurie de Cauvisson, le chastieroyent.

Tendans les dessusdicts, pour conclusion de leurs propos, à ce que non seulement l’on deust retrancher les pensions aux estrangers tout ainsi qu'aux François, mais aussi que le roy se devoit saisir de tous les estats, pensions, bénéfices et offices que tenoyent les Italiens de ce royaume, et que cela luy vauldroit mieux que le meilleur estat qu’il scauroit conquérir audict pays d'Italie, en renouvelant l'ordonnance qui a autrefois banni touslesItaliensde ce royaume; s’asseurant bien que la roine, qui n’estoit moins que naturelle Françoise, pour avoir eu cest honneur d’estre femme et mère du roy, et ne vouloit grandeur que celle de ce royaume, trouveroit mauvais que ceste nation, de laquelle la France n’a affaire, sinon pour luy commander et l’asservir, tirast la substance des subjects du roy, soubs couleur d’une espérance d'attirer quelquefois les François en leurs maisons.

Le roy de Navarre ne fut d’advis de mettre ladicte remonstrance en avant, ains la remettre à une autre fois, et moyenna néantmoins que ls

compaignie des Escossois, pour servir d'exemple à toutes les autres estrangères, fust cassée; ores que lesdicts Escossois estans en France soyent tenus et réputés par privilége spécial seuls de tous les estrangers pour naturels subjects. Et fut ainsi cassée ladicte compaignie, combien qu’elle fust tesmoignée par l'admiral (qui l’avoit veu bien faire) pour l’une des meilleures de toutes celles des ordonnances du roy. En quoy ledict roy de Navarre fut facilement suyvi de tous ceux qui n’aimoyent point la religion dicte réformée, pour ce que la pluspart d’icellecnestoit,etmesmementle comte d'Haran leur capitaine, duquel il a esté parlé cy-dessus.

Nogaret de Sainct-Félix, duquel a esté parlé, estoit gentilhomme de Languedoc, et chancelier de France; lequel voyant son maistre, le roy Philippe-le-Bel, indignement traicté par le pape, ct la liberté de l'Eglise gallicane par luy oppressée, passa les monts en diligence, et se faisant suyvre d’une bonne troupe de gens d'armes françois que Charles de Vallois, frère dudict roy Philippes avoit laissés en garnison dans la cité d’Arèce en Tuscane, entra dans la ville d'Agnanine, où il print ledict Boniface dans sa maison paternelle, et le feit mourir ; en ‘récompense duquel service, ladicte ville de Cauvisson, et autres seigneuries situées audict pays de Languedoc, furent données audict Nogaret pour luy et les siens.

Le roy ayant pourveu aux estats tenus à Orléans, ainsi que nous avons dict, partit le cinquiesme de février dudict lieu pour s’en aller à Fontainebleau, où fut mandé monsieur le prince de Condé pour s’y venir trouver. Ce pendant le pape Pie quatriesme, ayant entendu nouvelles du concile national arresté pour estre tenu en ce royaume, s’estoit advance d’adviser au conseil général et l’avoit faict publier pour estre continué à Trente, en la manière accoustumée. À l'encontre duquel Paulus Vergerius, grand ministre pour un temps des papes précédens, et depuis quelques années s’estant du tout séparé de l'Église romaine, escrivit de la ville d’Ausbourg, où il étoit, des lettres en langage italien aux évesquesd’Italie, mandant paricelles en substance qu’il avoit vu la bulle du concile nouvellement publiée, laquelle lisant il afferme qu'il avoit ploré, et de cueur et des yeux, avec gémissemens pour plusieurs poincts qu’il y

avoit trouvé très énormes, lesquels ne ten- ;

DE L'ESTAT DE LA RELIGION

doyent à autre fin qu'à décevoir et subvertir les églises du Fils de Dieu, et les reduire aux ténèbres et à l'ignorance où elles souloyent estre puis quarante ans en cà. Les prie de vouloir de bien près considérer le déshonneur et le dommage que avec ce concile on cherchoit de faire au Père éternel, au Fils et au Sainct-Esprit, et à toutes les églises réformées , le pape se voulant servir de leurs personnes à ceste fin, comme de passevolans, ainsi qu’on dict en Italie. Et qu’ainsi soit, dict-il, le Fils de Dieu, Jésus-Christ, est venu enseigner une doctrine du tout en tout parfaicte et absolue, si que jamais ne fut ouye une doctrine semblable ; or estil advenu que les hommes de ce monde, par un jugement charnel, la réputant insuflisante et imparfaicte, et en changeant et dépravant aujourd’hui une partie, demain une autre, et luy adjoustant de leur cerveau quelque autre chose, finalement l’avoyent réduicte à tel poinct qu’elle n'estoit plus doctrine du Seigneur. Partant la voulant restituer en sa première pureté, envoya il y a quarante ans un commencement de sa lumière, lequel estant peu à peu accreu avoit esclairé une grande partie du monde; attendu que pour vray soubs l’obéissance de la papauté celle divine doctrine ne s’enseignoit point, qui avoit esté enseignée par Jésus-Christ, mais bien une autre toute changée, toute contrefaicte et très charnelle. Qu’en ce poinct estoit la vraye source qui causoit si grand trouble au monde.

« Il semble, disoit-il après, que vostre pape die à présent qu'il y veult pourveoir en faisant un concile où vos révérentes seigneuries ayent à venir et dire leur opinion. Que s’il estoit ainsi que vous deussiez y comparoistre comme vrais juges, et que vous deussiez ouyr les raisons de Christ et de nous, nous aurions espérance que les Lhoses devroyent aller bien pour autant que l'esprit du Seigneur feroit entendre à ceux qui ne sont point de vostre nombre que nous disons la vérité quand nous soustenons que la doctrine est changée, et que l’on a donné à manger du venin au lieu de la manne. Et pleust à Dieu que vous vinssiez à ceste cognoissance! Mais, quoy! par la publication il semble bien de prime face à cil qui n'entend pas la cause que vos révérentes seigneuries doivent là venir pour l'entendre et en juger selon leur conscience. Mais las!-il n’en est pas ainsi.

«Le pape commande que vous veniez àTrente, et, quand vous y serez arrivés, incontinent vous serez conduicts pour aller oyr quelque dispute de cordeliers, ou autres de leur sorte, sans que jamais à un seul des nostres il vous soit permis de parler, et vous dire la vérité. O Dieu, Ô pauvre Église de Christ, 6 quelle grande arrogance et tyrannie ! En après vous verrez de cérémonies et brouilleries un grand nombre; mais ce que plus importe est que vous serez puis après conduicts (hélas! Ô vous misérables, si aussi vous y consentez) à vous seoir en l'église cathédrale de Sainct-Vigle, avec un beau pavillon à l’entour et une belle mittre en la teste, dans de belles chaires que le cardinal de Trente a faict venir de Milan; et là d’un lieu assez hault vous seront leus les décrets que le pape mesme, homme du tout ignorant, aura patriotés à sa mode avec le conseil de quelque cordelier estant à Rome, et vos révérences sérénissimes n’auront autre chose à faire que d’encliner la teste mittrée, et dire placet, c’est-à-dire, il nous plaist bien, et ainsi les approuver, comme s'ils avoyent esté faicts par vous-mesmes après avoir bien escouté et bien entendu la cause. O Dieu ! ô Dieu! à Dieu! quelle chose horrible est celle-là ! Et puis le pape divulguera par tout le monde que les évesques ont déterminé et diffiny auconcile queles luthériens ont le tort, lesquels demandent la réformation de la doctrine de Christ, qui a esté toute souillée ; et toutes-

fois ce n’auront csté les évesques, ains celuy qui demeure au mont Vatican près du Tybre.

“Il cst certain que de tout le mal qui naistra d’un tel concile masqué et très pestilentieux, de tout le sang respandu, etautres très grands maulx que les guerres ont accoustumé d’apporter, vos révérences sérénissimes en viendront à estre la principale cause, voire sera comme si elles-mesmes avec leurs propres mains avoyent taillé les hommes en pièces, avoyent bruslé les terres et pays, et faict tous autres meschans maulx qui se font en guerre.

e Par La publication de ce concile autre n’est appellé pour y venir sinon celuy qui est de l’obéissance romaine, et toutesfois il est appellé général. Nous en sommes totalement exclus, quoy que nous soyons chrestiens, avec toutes nos églises ; qui me fait dire que si le pape vouloit qu’en effect vous deussiez user de vostre propre jugement et satisfaire à vostre COn-

science, il n’en feroit ainsi; mais ne voulant point qu'il en soit en vostre pouvoir de lire ny. d’escouter sinon une partie sans vous informer des deux, ainsi que font les bons juges, il n’y a point de doubte que le bon pape ne se vucille servir de vosrévérentesseigneuries comme d’autant de tuyaulx d’orgues qui jettenthorsle vent et la mélodie, si le vent leur est départi par le maistre joueur, lequel s’il ne leur est donné demeurent muets et inutiles d'eulx-mesmes.

«Je vous prie en oultre de considérer un peu et vous informer bien de ce que feit le pape Paul III et Jules III, derniers décédés. Iceux forgcoyent des ordonnances et décrets à leur poste, puis les envoyoient à Trente, avec exprès commandement qu’on n’eust à statuer autre chose que cela mesme qu’ils commandoyent.

Ce que je sçay pour tout certain, pour ce que du temps du pape Paul, moy-mesme, lors évesque, estois à Trente, dont je fus déchassé pour ce que j'estoy souspeconné de m'en être prins garde, dont ils craignoyent que je ne le vinsse à manifester, encores que alors j'en entendois bien peu. Et n’y a celuy qui maintenant ne sçache que toutes les diffinitions faictes premièrement à Rome par le commandement du pape ne soyent puis après envoyces au légat, pour tenir la main à ce que les théologiens ayent à suyvre en leurs disputes celuy mesme ordre et formulaire qui leur est envoyé, dont est ensuyvi que l'on dit maintenant: Que le Sainct-Esprit vient à Trente enclos dedans une valise.

«Jay estéencores plus dequinzeans de vostre ordre épiscopal, et jusques à ce que, ayant abandonné le pape, je me soye retiré en la pure Église de Jésus-Christ, la doctrine duquel quand je viens à parangonner selon qu'elle est embrassée en nos églises, avec la doctrine à laquelle le pape contrainet cruellement les hommes de consentir, pour certain je voy qu’il y a aussi grande différence que du paradis à l'enfer. Dont véritablement je ne remercie point tant d'aucune autre chose mon Dieu, mon père très bénin, que de ce qu’il luy a pleu, par sa miséricorde, de m’eslever comme un pesant faix, eten despit dema chair me transporter icy. Et ainsi luy plaise-il conduire vos seigneuries comme jour et nuict je le prie à joinctes mains.

« Si avant quarante ans, et devant que par l'esprit du Seigneur la lumière de l'Évangile fut allumée en tant de parties du monde, quelque

commencement du schisme, et quelque division contre l’Église romaine fust advenue en aucune contrée de l'Europe, par adventure en un tel cas (je dy par adventure) une telle publication que celle de présent eust peu avoir lieu, attendu que la traffique des papes, n’estant encores descouverte, n’eust esté estimée si meschante et si énorme. Mais il y a bien à dire de ce temps-là au temps de présent, qu'une si grande partie de la Germanie, telle comme un chascun scait, estantcommedésensorcelée par la gratuite bonté de Dieu, crie la mesme voix qu'il y a environ cent ans passés que la Bohème crioit, mais beaucoup plus heureusement. Elle crie, dis-je, que la doctrinede Jésus-Christ luy a estéchangée par la papauté, et pour ce courageusement s’'employe à la restituer, et mesme la quasi maintenant restituée en plusieurslieux, ne voulant plus participer à celle des papes.

a La mesme aussi a faict une grande; partie du pays des Suysses, et la plus grand’part de celuy des Grisons. Semblablement aussi Genève, avec une partie de la Savoye. Toute l’Angleterre et l’Escosse, et les villes qu’on appelle maritimes, lesquels aucuns comprennent soubs Ja Germanie, et les royaumes de Suèce, de Gotie, de Dannemarc, et le duché de Prusse, et la Livonie, et la Transsylvanie, Brief tous ces royaumes et provinces par l’authorité de leurs rois, de leurs princes et magistrats s’en sont retirés, et n’ont plus rien à faire avec le pape, ains avec Christ, vray chef de l'Église.

«Il y en a aussi d’autres qui n’osentencores se manifester si publiquement, leurs rois et magistrats n’y consentans ouvertement. Comme en Italie, en la France, en l'Espagne, en l’Hongrie, en la Dalmatie, en la Bohème, en la Poloigne majeure et mineure, enla Lithuanie,eten la Ruscie ; èsquels lieux il y a ja innumérables orcilles et yeux ouverts, et une grande cognoissance de l'Évangile et de Jésus-Christ par la grace de Dieu.

“ Ceste publication faicte par le pape et ses trente cardinaulx soubssignés avec luy, contre toute forme accoustumée, préjugent nostre doctrine et la condemrent comme hérésie, sans appeller aucun des nostres. Et seulement est dict que là se transporteront les évesques, par la bouche desquels le pape prononcera sa con-

demnation. N'est-ce pas là une fort gracieuse | publication, en laquelle nous sommes chargés |

de très villain oultrage, et exclus du concile appellé général, et auquel sont appellés seulement nos adversaires ? Fut-il oncques une telle généralité, hors de laquelle est exceptée une si grande partie du christianisme, comme est celle qui embrasse la doctrine réformée?

« Il adjouste qu’il veult continuer et poursuyvre celuy mesme concile que le pape Paul et Jules troisiesmes ont encommencé, et non en recommencer un nouveau. Que chault-il, ou qu’il en commence un nouveau, ou qu’il poursuyveet reprenne celuy qui est ja commencé, s’il le veult faire seulement entre les siens, et selon qu’il luy viendra en teste de commander de jour en jour, et puis faire la guerre? Il revient tout à un ou de poursuyvre le vieil, quand ainsi ouvertement il fait entendre qu’il ne veult point qu’il y ait d’autres que ses propres évesques. Et pour ce, sans aucun respect et considération de ce qu’en pourra dire le monde (car de Dieu il neluy en chault) il commande à tous patriarches, archevesques, évesques et abbés qui sont en la papauté, que là ils ayent à se trouver; puis un peu après il admoneste les rois et les princes qu'ils fassent diligence d’y envoyer les prélats, c’est-à-dire, tous nos adversaires et ennemis de nostre doctrine.

“ Quant à ce qu’il déclare par sadicte publication qu’il voudroit bien que les rois et les princes peussent estre au concile en personne, ou pour le moins qu’ils y envoyassent pour ambassadeurs gens de bien, gens graves et prudens, cela est dict de sorte que quiconque er tend la cause n’en pourroit recueillir autre chose, sinon que c’est une manifeste tromperie. Veu la loy qui a esté faicte touchant la célébration du coneile, laquelle commande que les seuls prélats doivent avoir la voix décisive, c’est-à-dire puissance de juger et diffinir, et que les rois et les princes ne la doivent point avoir, ains seulement estre là assistans et spectateurs de la comédie.

« Et le pape Jules troisiesme, en sa publication, sans rien desguiser dit ouvertement qu'ils y doivent estre seulement comme assistans. Mais qui lit la publication du pape moderne semble qu’elle donne à entendre que les rois et les princes et les ambassadeurs qui soyent gens de bien, graves et prudens y peuvent aussi dire leur opinion, comme ce seroit le devoir. Mais cela est teu et dissimulé gentilment pour déce-

[1561] voir et donner créditau concile. Et semble que

les rois et les princes ou leurs ambassadeurs

soyent pour y avoir lieu à décider, ettoutesfois ne l’auront point ; et en cela ne leur servira de rien la prudence, la gravité et Ja piété, dont ils pourroyent abondamment estre ornés, pour ce que telles belles vertus ne sont rien estimées ès conciles, s’il n’y a une mittre.

«Mais ores fort à propos l’occasion se présente d’addresser ma parolle à vous autres trente messieurs les révérendissimes. Il est dict en un vostre livre premièrement imprimé à Venise Van 1517, puis à Coloigne l’an 1557, dont le tiltre est: Rituum ecclesiasticorum SS. Rom.

ÆEcclesiæ libri tres, c’est-à-dire, trois livres des cérémonies ecclésiastiques de la sacrosaincte Église romaine; au premier livre en la section 14, chap. 2 : Que pour statuer et diffinir, là doibt estre le pape, et le sacré sénat des cardinaulx. Voylà les propres parolles. Je vous demande doncques par quelle occasion le pape ne vous envoye tous maintenant au concile avec les patriarches, archevesques, évesques et abbés; la vous entendez que la loy y est, laquelle si elle ne vous y mande comme cardinaulx, pour le moins elle vous y devoit mander comme évesques, ayans entre vous, qui estes soixante en nombre, environ cent éveschés des plus riches, et aux plus fameuses cités de l’Europe, cy un, cy deux, cytrois, cy quatre ou plus. Sus donc, que respondez-vous à cela? pensez-vous qu’il suffise pour satisfaire que vous ayez soubscript à la bulle? Si vous estes tous, peu exceptés, sans lettres, au moins quant aux Sainctes Escriptures, telle excuse ne sera point receue ; pour ce que par la mesme raison ny devroyent aussi estre envoyés les évesques, la plus grand’ part desquels est sans aucune cognoissance de la théologie.

« Mais prenez bien icy garde, en un mesme chapitre il est escript que les princes ne doivent avoir voix diffinitive aux conciles : et cela ne s'est voulu exprimer en la publication. Puis il est dict par vostre loy, que vous y devez aller, et y avoir voix; et toutesfois la publication s’en taist, et ne dit point que vous y deviez aller. Je reviens doncques à demander dont procède cela. Je diray ce que j'en ay entendu moy estant à Rome. Le pape n’est point asseuré des cerveaux de vos révérendissimes seigneuries, et craint qu'icelles mesmes, estans esloignées du

ET RÉPUBLIQUE, LiIV. V.

maistre de l'eschole, ne vinssent à user de quelque nouvelleté, renversans les choses sans dessus dessoubs, voyans autour d'elles plusieurs pauvres évesques, et en un concile lequel a puissance sur les princes. Et ceste est la vraye occasion par laquelle il ne semble pas bon au pape qu'il soit seur de vouloir observer sa loy.

« Comment se fait cela que cestuy vostre pape moderne proclame et dénonce tous ceux estre exclus du concile, qui point ne sont des siens. Ettoutesfois son prédécesseur dict expressément en une sienne instruction, laquelle nous avons et fut donné au cardinal Caraffe, quand il fut envoyé en Flandres au sérénissime roy d’'Espaigne, qu’il vouloit qu’au concile ceux qui se sont eslevés encontre l’Église romaine fussent oys. Pourquoy donc cestuy vostre Pie quatriesme à une opinion si diverse et si contraire à celle de Paul troisiesme, lequel vouloit qu’audience fust donné à la partie adverse, et cest autre ne le veult point? Icy consiste le tout, que nous ne devons point estre exclus, et que vos prélats ne doivent estre tenus comme serviteurs et esclaves; ains faire tout bon devoir de conférer et disputer, et puis statuer et décréter ensemble avec nous, selon leur conscience et non selon ce qui leur sera mandé de dire. Au bout de ladicte lettre y avoit une traduction de la loy des papes sus mentionnée, touchant ceux qui ont voix délibérative aux conciles, avec certaines petites annotations que je n'ay voulu obmettre : estant ladicte traduction en la manière qui s'ensuit.

« Es conciles vénérables, saincts et sacrés, avec lesquels nostre foy et la droicte reigle de vivre a esté purgée et confirmée, nous ne lisons point que autres soyent entrevenus que les évesques et abbés pour avoir à décider les matières, et ceux seulement se soubscrivoyent aux décrets. Nous appelons avec ce nom d'évesques aussi les archevesques, pource que ceste est la supresme dignité en l'Église de Dieu. Les autres véritablement qui sont de degré ecclésiastique inférieur, et les princes séculiers estoyent présens pour conseiller et instruire, mais non pouvoir eux-mêmes décider; ains seulement yavoir voix consultative ou délibérative, et non diffinitive. Là donc scra ès conciles pour décider et déterminer l’évesque de Rome, comme gouverneur de toute l'Église, pasteur du trouppeau du Seigneur et évesque souverain de tous

les évesques. Le sacré sénat des cardinaux, les patriarches, primats, archevesques, évesques, abbés auxquels non imméritoirement ont esté adjoincts les généraulx des frères mendians, finalement tous les prélats, lesquels, selon la forme des juremens, quand ils sont promeus à dignité, sont obligés de venir aux conciles. Les autres y pourront aussi entrevenir pour conseiller, pour disputer etinstruirecomme nous avons dict. Toutesfois, point ne s’asserront ès publiques sessions, sans estre vestus de vestemens sacrés pour dire leur opinion. »

Ceste traduction a esté prise du chapitre second de la section quatorziesme, au livre intitulé : Rituum ecclesiasticorum SS. Rom. Ecclesiæ.

Ce pendant la religion dicte réformée fut receue en la ville de Valence en Daulphiné, dont sourdirent de grandes persécutions faictes à encontre de ceux de ladicte religion, exercées par le sieur de la Motte Gondrin, lieutenant pour le roy en l’absence du due de Guyse audict pays, qui feit trancher la teste à quelques ministres et mourir plusieurs habitans de ladicte ville, entre autres, un ministre nommé du Val, auparavant de l’ordre des Carmes, et long temps prisonnier à Champigny-sus-Vote en Tou raine. Ceux de Vienne en Daulphiné aussi receurent la doctrine de ladicte religion, dont plusieurs semblablement furent punis par mort. Et la ville d'Orcnge, peu de temps après, receut aussi ladicte doctrine.

Estans les électeurs et princes d’Alemaigne protestans assemblés à Neumbourg, pour conférer et parler ensemble de l'opinion que chascun d’eux avoit délibéré de constamment défendre et retenir, à cause de plusieurs propos mis avant et tenus devant l'empereur Ferdipand et autres qui se pouvoient accorder de la religion et doctrine comprise en la confession présentée à l'empereur Charles V à Auguste en 1530. Fut résolu en ladicte assemblée de déclairer (ce qu'ils feirent par une lettre et confession par eux envoyée à l’empereur) qu'ils persistoient unanimement en ladicte confession, de laquelle estoyent encores tesmoings Philippes le lantgrave de Hesse et Wolfgang, prince de Anthard, vivans cncores et ayant esté présens à la présentation d’icelle ; offrans lesdicts électeurs et princes de plus amplement déclairer et esclaircir leur dicte déclaration et con-

fession par fondement de la Saincte Escripture, si elle estoit débattue, toutesfois et quantes qu’il en seroit besoing. Ainsi qu’ils estoient là assemblés arrivèrent les ambassadeurs du pape, lesquels parlèrent à ladicte assemblée en la manière quil s'ensuit :

“ Le souverain évesque estant appelé au très sainct et sacré gouvernement de l'Église, incontinent pour s'acquitter du devoir de sa charge de pasteur a eu ce principal soing que les mœurs corrompues fussent corrigées et amendées, à fin que l’Église demourast en bonne paix et tranquillité, et que toutes les nations peussent tomber d’un mesme accord. À quoy ne voyant autre remède propre, que la célébration d’un sacré concile universel, et par meure délibération, et de l’authorité qu'il a de Dieu, ordonné etassignéicelui concile pour estre tenu à la feste de Pasques prochaine. Et à ce que les princes en fussent advertis, et qu'eux-mesmes aussi, joincts et unis par bonne volonté et affection à la sollicitude pontificale, entreprinssent mesme soing et diligence de procurer ensemble la tranquillité de la Germanie; nousavons esté par luy (comme très affectionné à la nation germanique, repos et union d’icelle) esté délégués et envoyés ses ambassadeurs pour aller prier, exhorter et supplier un chascun d’assister à ce concile, auquel chascun sera bénignement ouy. Et en oultre pour requérir lesdicts princes de permettre que ceste sainCte cnireprinse succède et sorte tel effect que l'Église soit entièrement remise en paix et concorde. Estant prest au reste le très Sainct Père de bailler auxdicts princes un saufconduict en forme bien ample et telle qu’on scauroit la désirer, enhortant la saincteté d’iceluy un chascun desdicts princes d'envoyer là ses ambassadeurs avec bien amples mémoires et mandemens, à fin que par le moyen de leur faveur et bonne af fection tous les différends de l'Église (en laquelle on voit autant d'opinions que de tomes, et autant d’évangiles que de docteurs) puissent bientost estre appaisés, et qu’à icelle Église par ce moyen soit rendu son honneur, et en iccile finalement une mesme foy tenue, et un mesme Dieu de tout servi et adoré. Ayant l’un des ambassadeurs ainsi harangué, celuy qui l’accompaignoit parla après luy en ceste manière.

« Princes trèsillustres, ayant l’un et l'autre de nous pareils mandemens du Sainct Père, je ne

tépéteray ce que par mon compaignon vous à esté exposé pour déclarer les calamités de l'Église; car il n’y a personne qui ignore jusques à quel poinct elle en soit venue l’un mal naissant de l’autre, l’ouverture estant faicte aux ennemis du nom chrestien si qu’il est nécessaire d'y pourveoir.

« Cela requièrent les dangiers, l’opportunité du temps le suade, et la bénignité et affection du père sainct vous y provoque; de façon que jamais ne se présenta et ne peult se présenter meilleure occasion d'accord, la république chrestienne estant paisible, et un père très saint par la grace de Dieu donné, lequel a une singulière affection avec les princes, et un merveilleux soing des ames et du restablissement de la paix et tranquillité de l'Église.

Voylà que chascun de nous avoit à vous proposer et dire.» La response des électeurs et princes des protestans fut telle qui s’ensuit :

« Les illustres électeurs du sacré empire romain, les princes, ambassadeurs et conseillers ont commandé respondre à vostre proposition , par laquelle vous avez déclaré le mmandement du pape à leur grandeur, grace et courtoisie, ainsi qu’il s'ensuit : qu’ils ne doubtent point que plusieurs gens doctes, saiges et religieux de tous aages et estats de la terre, n’ayent jà de long temps désiré meilleur estat en l’Église, et mesmes qu'ils ne facent prière à Dieu, à fin que la vraye doctrine soit enfin restituée, et les cruels et meschans abus qui y sont entrés soyent par quelque bonne correction ostés. Ce que les papes devoyent principalement avoir en recommendation, lesquels se sont dès long temps magnifiquement attribué le tiltre de l'Église; ils se sont plus tost occupés à assemblés par une cupidité et envie de régner, et à semer des superstitions en l’Église, qu’en glorifiant la gloire de Dieu guérir les maladies qui y estoyent. Ce qui n’est pas caché à tous les gens de bien, et

fault que plusieurs qui sont obligés au pape, #ils ont quelque prudence le confessent ainsi.

« S’esmerveillent aussi les très illustres électeurs, princes et ambassadeurs des autres, de quelle opinion d'espérance meu le pape a envoyé ceste légation, et voulu leur indire le concile et les appeler à Trente; car vous et luy v’ignorez point quelle religion tiennent les estats de l'Empire qui sont de la confession d’Auguste. Ils ont esté contraincts de réformer leurs

Églises selon la vraye doctrine de l'Évangile, et se séparer de la compaignie de ceux qui, en opprimant la doctrine céleste, cherchent plus tost leur gloire que celle de Christ.

« Pour ceste cause iceux très illustres princes veulent que le pape et vous entendiez qu’ils pe recognoissent point l’autheur du siège romain, et que, par tesmoignage indubitable, tant du droit divin qu'humain, ils ont certaine asseurance que les princes romains n'ont pouvoir d’indire le concile; car la raison et tous escripts tant divins qu’humains tesmoignent assez qu’il n'appartient à celuy par le moyen duquel les différends et distractions sont venus en l’Église, et qui cruellement oppugne la vérité d’estre juge, et vouloit appoincter lesdictsdifférends. Et afferment lesdicts illustres princes estre par vostredicte proposition injustement blasmés, de n'avoir nullefoy certaine ; mais que maintenant il y a autant d’évangiles que de docteurs, et autant de religions que de volontés; car ilse trouve une claire confession présentée à Auguste à Fempereur Charles cinquiesme l’an mil cinq cens trente, où non seulement sont contenus les articles de la foy ; mais aussi, par plusicurs escripts cy-devant publiés, la vérité de la doctrine céleste a esté par eux esclarcie et espendue.

« Or les plainctes de tout le monde tesmoignent assez de quelles faultes l'Eglise romaine est maintenant abbreuvée, et combien la vraye doctrine de l’évangile estopprimée de cruels abus et superstitions, de sorte qu’elle ressemble plus à la religion ethnique que chrestienne; et d’autant que lesdicts princes se sont séparés de l’Église romaine, n’estans induicts de témérité ny curiosité, ou mauvaises passions, mais par le commandement de Dieu, par lequel il ordonne qu’il fault fuir les idoles, ils veulent constamment persévérer en leur opinion, sans souffrir leur estre baillé aucune loy par le pape; car ils ne recognoissent autre authorité ny jurisdiction que celle de l’empereur César Ferdinand, duquel les ambassadeurs ont promptement dict l'espérance et volonté qu’il a de la célébration du concile général et œcuménique.

« Et quant à ce qui vous touche particulièrement, leurs grandeurs vous prient bien fort croire que, si vous n’eussiez eu charge de la légation du pape, estans venus de si honneste

famille de Venise, comme vous estes, ils vous eussent presté toute faveur, honneur et amitié, tant parce qu’ils aiment ladicte république de Venise, que aussi d'autant qu'ils estiment que, pour la grandeur et honnesteté de vostre race, et l'honneur de vostre doctrine et sapience, vous estes très dignes d’estre favorisés et bien recueillis. »

Monsieur le prince de Condé estant à la Fère, et ayant esté mandé pour se trouver à Fontainebleau, comme nous avons dict cy-dessus, y arriva en poste, accompaigné au partir de Paris, par où il passa, de cent chevaux et plus : ne voulut toutesfois arriver audict lieu de Fontainebleau, sinon accompaigné du comte de la Rochefoucault et du sieur Sénarpont ; où estant venu, dès le lendemain entra aux affaires et conseil privé du roy. Et là, après quelques remonstrances, ayant interpellé le chancelier de dire s’il scavoit que aucunes informations eussent esté faictes à l'encontre de luy, lequel respondit que non; ledict sieur prince ayant esté déclaré par un chascun dudict conseil qu’il n’y avoit celuy qui ne le tinst pour suffisamment purgé, se meit en son rang et lieu accoustumé audict conseil, qui fut le treiziesme jour de mars. Et là fut déclaré par le roy en la présence de la roïnc sa mère, des princes de son sang et gens de sondict conseil, que ledict sieur prince luy avoit rendu tesmoignage, et faict deue preuve de son innocence, dont il s’estoit suffisamment informé; manda à la cour de parlement de le recevoir ; permis à luy de poursuyvre en icelle autre et plus ample déclaration et tesmoignage de sadicte innocence. Et à fin qu’elle fut cogneue par-tout, fust ordonné que le jugement dudict conseil seroit publié et enregistré esdictes cours, et les doubles et copies d'iceluy envoyées pardevers les ambassadeurs qui estoyent près des princes estrangers.

Suyvant ce ledict sieur prince quatre ou cinq jours après s’en alla à Paris; et incontinent après advint que le roy de Navarre feit ses plainctes à la roine de ce que luy ayant tant déféré, jusques à ne luy avoir débattu le gouvernement du royaume, néantmoins il se voyoit mesprisé, estant postposé au maniement et administration des affaires du duc de Guyse, lequel avoit la garde des clefs du chasteau, et en toutes autres choses luy estoit préféré. Que ce luy estoit un grand desplaisir de voir celuy

DE L'ESTAT DE LA RELIGION

estre eslevé par-dessus luy en sa présence, qui tousjours luy avoit esté adversaire, tant du règne du roy Henry, d’auprès duquel il Pavoit tousjours esloigné le plus qu’il avoit peu, que du temps du roy François dernier décédé. Et que s’il dissimuloit le tout pour l'amour d'elle, moins devoit-on abuser de sa bonté. Pour conclusion que ledict duc de Guyse demourant auprès du roy, il n’y pourroit demeurer, et qu’il falloit que l’un ou l’autre s’en allast hors de ladicte cour.

À quoy luy fut dict par la roine qu’elle tascheroit de luy agréer en toutes choses raisonnables ; mais que dechasser sans occasion le duc de Guyse, ayant estats et charges en ladicte cour qui requéroyent sa présence, il n’y avoit aucun propos; joinct qu’elle voyoit bien que, luy accordant aujourd'huy un poinct, demain il luy en faudroit accorder un autre, et n’auroit jamais faict, cognoissant ses facons de faire, duquel elle disoit recevoir sans cesse plainctes semblables. Que toutesfois pour le contenter, et faire cesser la jalousie qu’il avoit sur ledict duc de Guyse à cause des clefs du chasteau, qu'elle les feroit apporter en sa chambre par les capitaines des gardes, combien qu’il appartinst audict duc de Guyse, comme grandmaistre, d'en avoir la garde, ainsi comme Île connestable exercant ledict estat en avoit usé.

A quoy ledict roy de Navarre dict que ce n’estoit comme grand-maistre que le connestable avoit commandé aux capitaines des gardes de luy porter les clefs du chasteau, ains comme connestable, puisqu'il estoit connestable ; estant audict estat de commander par tout où il se trouvoit aux armes; et que si le grand-maistre l'avoit faict, ce avoit esté n’y estant point le connestable.

En somme, ce différend vint jusques là que ledict roy de Navarre se botta le lendemain, prest à partir, ses mulets estans allés devant à Melun ; tous messieurs les princes du sang (encores que monsieur de Montpensier le feist à regret) ne pouvans bonnement se séparer d’eux ; le connestable, tous ses enfans, les sieurs de Chastillon et autres prets aussi de partir avec luy, de facon qu’il ne demouroit audict Fontainebleau que les sieurs de Guyse, si ledict partement eust esté exécuté; lequel on disoitne devoit estre plus loing qu’à Paris, pour audict