HER

lieu faire déclarer lé gouvernement luy estre | sang; et d’autant plus s’advancoyent-ils de pa-

deu et appartenir.

La roine ennuyée de voir ceste soudaine en-

treprise, pour l'empescher, manda par le conseil du cardinal de Tournon le connestable, pour venir parler à elle ; luy feit dire par le roy en la présence de deux secrétaires d’estat là appelés, pour faire registre de ce qui seroit dict, qu’estant iceluy connestable le premier officier de la couronne, duquel Sa Majesté avoit besoing pour estre près de sa personne, il luy comuandoit de ne l’abandonner en la nécessité qu’il estoit. Ce qu'ayant esté prononcé par le roy, arresta tellement lediet connestable, qu’il n’osa entreprendre de partir d'avec luy ; combien que le roy de Navarre l'eust faict semondre deux et trois fois de sa promesse par le mareschal de Montmorency son fils aisné, qui estoit de la compaignie, de partir avec luy. Qui fat cause que le roy de Navarre rompit son entreprise, et renvoya quérir ses mulets.

Cedifférend, divulgué par-tout, fut cause que incontinent courut un bruict à Paris que la roine portoit les sieurs de Guyse contre le roy de Navarre et les princes du sang; au moyen de quoy ceux qui se devoyent assembler en ladicte ville pour faire l'assemblée particulière des estats, ainsi qu'ilse faisoit par-tout ailleurs, s’advancèrent de la faire; et en icelle vindrent à traicter du gouvernement du royaume, destitution et establissement de plusieurs aux principales charges et estats, reddition de comptes par ceux de Guyse, de l'administration par eux faicte des finances du roy François dernier, et malversations prétendues avoir esté par eux commises, mesmes du temps du roy Henry, répétition des dons immenses faicts tant à eux qu'au mareschal de Sainet-André, la duchesse de Valentinois, ses gendres et autres; etque défenses ce pendant leur fussent faictes den’entrer au conseil privé; le connestable en ce compris, avec ceste clause toutesfois : « S'il y escheoit. » Combien que par la résolution de l'assemblée générale faicte à Orléans, le poinct du gouvernement de l’estat leur eust esté nomméement défendu et mandé derechef par exprès de n’y toucher ; maïs ce nonobstant ils passoyent oultre, disans que tout cela devoit estre traicté par les estats, et que le faict du gouvernement du royaume pour sçavoir à qui il appartiendroit, ne gisoit au consentement des princes du

XVI sèczx, La PI. et La PI.

rachever ladicte assemblée, qu’ils estimoyent par là attirer toutes les autres villes à faire le semblable.

Ce que la roine ayant entendu, fut troublée ; et ne trouva moyen plus propre pour y remédier que de s’accorder avec le roy de Navarre. Pria le connestable de s’y employer; tellement qu’un nouvel accord fut à la parfin faict entre elle et ledict roy de Navarre, par leqnel il fut déclaré par exprès lieutenant général du roy, représentant sa personne par tous ses pays et terres de son obéissance, et que la roine ne feroit rien sans l’advis et consentement d'iceluy ; avec quelques autres poincts arrestés et promis de bouche par la roine audict roy de Navarre, dont il se contenta. Et fut l’accord rédigé par escript, et signé de tous deux, avec ceux du conseil, et mesme du duc de Guyse, lequel dès lors commenca à s’humilier devant le roy de Navarre plus qu’il n’avoit accoustumé auparavant. Et fut mandé monsieur le prince de Condé estant à Paris, pour venir signer et confirmer ledict accord.

Puis fut dépesché le mareschal de Montmorency gouverneur de l'Isle-de-France, personnage cogneu, saige en conseil et résolu en effect, pour aller en personne faire de nouveau assembler lesdicts estats particuliers en ladicte ville, et pour amender doucement ce qui avoit esté faict pour le regard dudict gouvernement. Il y feit eslire et choisir par les deux bailliages certains députés, tels que la roine se tint bien servie de luy, sans l’offense ou mescontentement du roy de Navarre.

Entre les ambassadeurs de la pluspart des princes chrestiens qui vindrent se condouloir de la. mort du feu roy, comme il est accoustu mé de faire, et congratuler le nouvel advénement à la couronne du roy Charles, vint en ce temps de la part du roy de Dannemarch un chevalier nommé Georges Gluck, qui auparavant plusieurs fois estoit venu et séjourné en France; auquel le roy de Navarre ayant donné à disner, luy dict, et pria d’asseurer le roy son maistre, que devant que l’an fust révola il feroit prescher par-tout le royaume l'Evangile. De quoy ayant rendu graces à Dieu ledict Georges Gluck, et loué l’entreprinse dudict roy de Navarre, le supplie de vouloir prendre garde et pourveoir à ce que la doctrine de Calvin et

des Suysses ne fust reccue, ains celle de Martin Luther et protestans, que non seulement son dict maistre, mais aussi le roy de Suève ct plusieurs autres princes et potentats tenoyent en estendue de pays, non guères moindre que celle quirecognoissoit l'Église romaine. Sur ce ledict roy de Navarre luy dict pour response que Martin Luther et Jean Calvin estoyent en différend avec le pape de quarante articles, et d’accord ensemble de trente huict, ne demourans que deux articles en controverse entre eux :

qu'il se falloit joindre d’une part et d’autre contre l'oppression du pape, pour, l'ayant une

DE L'ESTAT DE LA RELIGION

cité principalement par Magdeleine de Savoye

fois desfaict, reigler et composer puis après le

différend qui resteroit entre eux, et remettre

l'Église chrestienne en sa première splendeur et

pureté. |

Le connestable ayant moyenné l’accord susdict entre la roine et le roy de Navarre, estima avoir bonne part avec l’unet l’autre, pour avoir faict chose agréable à tous deux. Mais quand il veit un chascun manger de la chair librement en ce temps qui estoit le temps caresme, la chair estant vendue presque publiquement, faire les presches au veu et sceu de tous en la chambre de monsieur le prince de Condé et de

lPadmiral, hors le chasteau au commencement, et puis après dans iceluy, etquela roine déclara

son intention estre que le roy, elle et tous

ceux de sa court ouyssent prescher dansla grand

salle dudit chasteau l’évesque de Valence, il se persuada qu'il y avoit quelque secrette entreprise et accord pour le faict de la religion entre ladicte dame et le roy de Navarre; et lors commença à se desplaire. Il fut une seule fois,

et le duc de Guyse aussi, ouyr l’évesque de Va-

lence, auquel il dict qu’il se contentoit de ceste fois, et qu’il n’y retourneroit plus. Ledict évesque pour response luy dict qu’il prioit Dieu que sa parole peust profiter en tous endroicts. ;

Le lendemain alla ledit connestable et ledict

sa finme, du tout ennemie et adversaire de ls dicte religion, et d’ailleurs comme indignée de voir les parens du costé dudict connestable plus eslevés que les siens. Ce qu’entre autres choses elle luy faisoit entendre estoit que ledict admiral l'avoit frustré du fruict du service par luy fait à la roine, l’accordant avec ledict roy de Navarre, d’autant que, au desceu et contre l'intention dudict connestable, il avoit sollicité la roine de vouloir, enfaveur dudict roy, maintenir ct advancer ladicte religion en ce royaume.

Que luy, comme premier officier de la couronne, et issu non-seulement du premier baron, mais aussi du premier chrestien de France, ne devoit endurer la diminution de l'Église romaine , l’ancienne devise de la maison de Montmorency estant : Dieu aide au premier chrestien.

D'autre costé le mareschal de Sainct-André, homme cault et malicieux, remonstroit audict connestable que ce qui avoit esté proposé per les estats de répéter les dons immenses avoit

esté malicieusement procuré par ledict admi-

ral, pour tenir son oncle en bride, se doubtant bien qu’il ne vouldroit consentir à sa malheu-; reuse entreprinsede changerlareligion ancienne de ce royaume, que partant luy, qui estoit nay si grand, ayant manié de si grands affaires, gouverné l’estat duroyaume par quarante ans,

et presque toute la chrestienté, ne se deveit

ainsi laisser mener au détriment de l’église ca-

tholique.

duc de Guyse, joinct avec eux monsieur le duc de Montpensier, le mareschal de Sainct-André

€tautres, au sermon d’un Jacobin qui preschoit

pour le commun dedans la chapelle de la basse

cour; et dès lors peu à peu s’aliénèrent ainsi

Et sur ces entrefaictes, Melchior des Prés, seigneur de Montpesac, amena à propos son beau-père Honorat de Savoye, comte de Vi.

lars, beau-frère dudit connestable, irrité contre ledict admiral, pour avoir esté adverty qu’il avoit improuvé ses actions au conseil du roy, concernantes exécution par luy faicte contre ceux de ladicte religion, au voyage qu'il venoit de faire en Languedoc, où il estoit lieutenant du roy en l’absence dudit connestable,

. de laquelle licutenance il se deschargea bien-

tost après sur le vicomte de Joyeuse, naguë-

res évesque d’Alby; lediet comte estant tou-

les uns des autres, et commenca le connesta-

ble à s'aigrir contre l’'admiral sonnepveu pour autant qu'il faisoit apparente profession de la

ché d’une mesme jalousie qu’estoit sa sœur

. la connestable contre les parens de son mari.

religion dicte réformée. Iceluy connestable in- :

Le mareschal de Montmorency, prévoyant de loing quelque grand orage devoir advenir,

et désirant ne perdre un seul de ses parens, amis et serviteurs, de quelque estat et religion qu'ils fussent, toucha en toute humilité etrévérenceau connestable son père quelquemot de ce qui luy sembloit estre bon, pour le divertir de se diviser de l’une des plus grandes parties de ses forces, et luy feit remonstrer par un tiers qu'il ne devoit laisser ses certains amis, pour joindre sa fortune avec celle des incertains et de nouvel reconciliés. Qu'il ostoit l’un des plus grands appuis de sa maison, quand il se séparoit de monsieur le prince de Condé, ses nepveus de Chastillon, du comte de la Rochefoucault, et autres faisans profession de ladicte religion réformée, et n’en acquéroit pourtant la bonne grace du roy de Navarre, ny paradventure celle de la roine. Que le plus expédient estoit de laisser luyter ceux de Chastillon contre ceux de Guyse, et que ce pendant il gardast les gaiges. Que s’il avoit la religion et le service du rôy en telle recommendation qu’il devoit avoir, qu'après que ceux de Chastillon auroyent abbaissé ceux de Guyse,comme véritablement ils feroyent, lesdicts de Guyse ayans tant entrepris qu'ils avoyent concité la haine de tous les estats à l'encontre d’eux, que alors sa suffisance, expérience et bonté le feroyent arbitre de la réformation de l'Église, de laquelle il ne devoit maintenir les abus, estant le premier officier de la couronne, et encores moins estant successeur du premier chrestien de France. Qu'il ne devoit pas prendre à injure ce qui avoit esté diet à Paris par les estats, luy n’ayant administré que soubs rois notoirement majeurs ; et qu’il avoit eu si peu du roy Henry qu'il n’y avoit juge qu'il ne luy adjugeast davantage, attendu la grand’ charge par luy soustenue en son service, ayant payé de sa bourse ua million de francs pour la rancon de luy, ses trois enfans et autres sicns serviteurs et amis. Et que par l’extraict de la chambre des comptes il se vérifioit qu'il n’avoit pas eu en dons du feu roy son maistre la septiesme partie de ce qu'avoit eu le mareschal deSainct-André, tant s'en falloit qu’il en eust cu autant que ceux de Guyse et la duchesse de Valentinois. Et que son fils aisné avoit délibéré sur son partage du vivant de luy son père, ou après sa mort, satisfaire à cest endroict aux estats, avec lesquels il estimoit avoir tant de faveur, et la

<ause estre si juste, qu’on n’y trouveroit que .

louange et gloire pour iceluy connestable et sa maison.

À tout cela ledict connestable ne respondit sinon qu'il ne se pouvoit faire mutation de religion sans un changement d’estat; et qu’il estoit bon serviteur du roy, et de tous ses petits-maistres,(entendant parler de messieurs ses frères). Qu'il n’avoit pas peur qu’on luy feist son procès, mais qu'iln'endureroit point qu’on improuvast les actions du feu roy son maistre, pour l’honneur de Sa Majesté; et qu’il désiroit que ses nepveux de Chastillon se monstrassent aussi bons chrestiens d’effect comme ils faisoyent de bouche ; en pardonnant à ceux qui les avoyent offensés.

Un jour après le cardinal de Chastillon et l'admiral le vindrent trouver en sa chambre à son lever, et luy dirent, entre autres choses, qu'ils protestoyent devant Dieu ne vouloir non plus de mal à ceux de Guyse qu’à eux-mesmes, mais qu’ils ne permettroyent jamais de tout leur pouvoir qu’ils cussent authorité ctmoyen sur eux pour leur mal faire, ayans une fois cogneu leur mauvaise volonté, et que luy, d’autant qu’il estoit plus grand, s’y devoit d'autant plus opposer.

Pour tout cela ilne peut cstre desmeu de son entreprinse ; car oultre ce que sa femme ct les autres susdicts luy crioyent incessamment aux oreilles que c’estoit faict de l'Église s’il ne se unissoit d'amitié avec ceux de Guyse, la duchesse de Valentinois (qui dès devant la prison du roy Francois premier avoit eu grande amitié avec luy, et depuis la mort du feu roy Henry lavoit reprise plus grande que devant) par lettres et messagers l'en sollicitoit journellement.

Qui fut cause que le mareschal de Montmorency, ayant assisté aux estats à Paris, ainsi que nous avons dict cy-dessus, s’en alla trouver sa femme encore malade à Chantilly, sans plus vouloir retourner à la cour. Et ledict connestable et duc de Guyse avec monsieur le duc de Montpensier feirent Pasques à Fontainebleau ensemble, et le soir le connestable donna à souper audict duc de Guyse, prince de Joinville, et mareschal de Sainct-André; dont plusieurs s’esbahirent. Et le lendemain ledict connestable partit de la cour pour s’en aller en sa maison pour faire les nopces du sieur de Thoré son cinquiesme fils avec Phéritière de la maison de Humières. Et bicntost apres le duc

de Guyse s’en alla chez luy à Nanteuil, de façon qu’ils avoyent souvent nouvelles l’un del'autre, pour n’y avoir distance de l’un à l’autre plus de cinq lieues.

Les partialités à cause de la religion ainsi estans de plus en plus descouvertes tant à la cour qu'ailleurs, il advint (comme il estoit nécessaire pour la malignité des hommes) que plusieurs injures et oultrages s’en ensuyvirent, les uns et les autres s’entre injurians par ces mots de huguenauds et de papistes. Et d'autant quel’on disoit qe l’amiral s’estoit faict fort de planter la religion nouvelle en ce royaume, sans qu'il en advinst aucun trouble, d'autant plus s’estudièrent aucuns à susciter nouvelles émotions, et mesmes à ce qu’elles commencassent à Beauvais, évesché du cardinal de Chastillon, et en sa présence, comme il advint aux féries de Pasques, ainsi qu’il disoit à un conseiller de la cour de parlement de Paris, nommé Pajot, estant en sa maison épiscopale, qu’il remercioit Dieu de ce que sa cité avoit esté toujours trouvée paisible; car à l'instant s’éleva une telle mutinerie que, pour l’appaiser, il fut besoing que le mareschal de Montmorency y allast avec main forte, comme gouverneur du pays. Advint après le semblable à Amyens, Ponthoise et plusieurs autres villes, èsquelles y avoit des prescheurs faisans tout devoir pour enflamber davantage lesdictes émotions ; et entre autres en la ville de Paris, un minime, nommé frère Jean de Han, de la religion de ceux qu’on appelle bonshommes, près de Paris.

Par quoy furent publiées et envoyées lettres patentes du roy à tous les juges royaulx de ce royaume, par lesquelles furent faictes défenses de ne s’entre-injurier aucunement par lesdicts mots de huguenauds et papistes, et en oultre de n’enfreindre ou violer la seureté et honneste liberté dont chascun doit jouyr estant retiré en sa maison et domicile, ou celle de ses voisins et amis, sans qu’il fust loisible à aucun en petite ou grande compaignie d’entrer ès maisons pour rechercher et troubler autruy soubs prétexte des édicts prohibitifs d'assemblées illicites ou autre occasion, laissant cela à la justice. Et estoit mandé en oultre de mettre hors des prisons tous ceux qui y estoyent mis pour le faict de ladicte religion auparavant la dernière ordonnance faicte pour leur délivrance : et que ceux qui s’estoyent absentés de France pour ledict

DE L’ESTAT DE LA RELIGION

faict depuis l’advénement à la couronne du feu roy Francois peussent retourner en toute liberté de leurs biens et personnes, pourveu qu’ils voulussent vivre catholiquement et sans scandale. Et où ils ne voudront faire, de pouvoir vendre leurs biens et seretirer aveciceux. Mais pource que lesdictes lettres ne furent addressées ny envoyées à la cour de parlement, elle empescha de tout ce qu’elle peut l’effect du contenu en icelles. Et envoya à ceste fin remonstrances au roy, par lesquelles elle luy feit entendre : Premièrement, que lesdictes lettres avoyent esté addressées aux baillifs et seneschaulx de ce royaume, mesmes au prevost de Paris :avoyent esté publiées par-tout, horsmis en la ville de Paris, en laquelle ledict prévost avoit différé faire ladicte publication jusques à ce que ladicte cour eust délibéré sur icelles, ainsi qu’est accoustumé de faire. Que toutes lettres en forme d’édict, signamment celles qui sont com mandées pour le reiglement de la justice, ont accoustumé estre présentées en la cour de parlement, pour, après avoir délibéré sur icelles, estre leues, publiées etenregistrées, s'ilsetrouve qu’elles se doivent passer sans aucune difficulté, ou pour en faire remonstrances auparavant la lecture et publication. Que c’estoit chose insolite et non accoustumée de présenter telles lettres, et icelles envoyer aux baillifs et sencschaulx que premièrement elles n’eussent passé par ladicte cour de parlement. Quand quelques lettres avoyent esté expédiées sans l’addresse à ladicte cour, et que l’on les avoit révoqué en doubte , que l’on n’y avoit eu aucun esgard, et n’avoyent esté tenues pour loy ny ordonnance. Supplioit, suyvant ce que jusques icy avoit esté gardé, que toutes lettres pareïlles à celles dont est question fussent au préalable addressées à ladicte cour, qu'aux baillifs et seneschaulx, lesquels font serment de garder les ordonnances leues et enregistrées en icelle cour. Qu’on pouvoit cognoistre l'inconvénient qui pouvoit advenir, l’addresse estant faicte aux baillifs et seneschaulx, et la publication faicte par eux : par ce que se pourroyent faire remonstrances qui seroyent trouvées sainctes êt raisonnables, et par ce moyen l’on révoqueroit ce qui auroit esté publié et enregistré par lesdicts baillifs et seneschaulx. Que appel pourroit estre interjetté des jugemens desdicts baillifs et seneschaulx, qui auroyent fonde leurs jugemens sur lesdictes let-

tres , lesquels pourroyent estre révoqués en doubte, pour n’avoir esté lesdictes lettres leues, publiées et enregistrées en ladicte cour, selon l'usance et commune observance de tout le temps gardée.

Passant oultre, qu’ilsembloit que l’on voulsist par lesdictes lettres approuver diversité de religions en ce royaume , ce qui n’avoit esté jamais faict depuis le roy Clovis premier jusques à aujourd’huy. Car combien que l’on trouve par les histoires et annalles que les empereurs et rois, mesmes les papes, soyent tombés en quelques erreurs, et se soyent séparés de l’union de l'église catholique jusques à avoir esté déclarés hérétiques et schismatiques, toutesfois, par la grace de Dieu ne se trouvoit aucun des rois de France estre tombé en cest inconvénient. Et quand quelques erreurs s’estoyent eslevées en quelque partie de ce royaume, comme du temps des Albigeois, y avoit esté résisté en telle sorte, que tout le mal avoit esté entièrement extirpé. Tellement que les rois de France avoyent continué le nom de roy très chrestien, lequel ils ont retenu, et duquel ils sont honorés et révérés par toute la chrestienté. Que ce seroit chose pernicieuse et de mauvais exemple si ceux qui ont este baptisés en la foy de leurs prédécesseurs, et qui y ont vescu, voyans aucuns se forvoyer et se séparer de la religion jà accoustumée, ne leur pouvoyent ce impropérer pour blasme, à fin de les inviter par ce moyen de eux retireret vivre en la foy en laquelle ils avoyent esté baptisés. Et sembloit que l'impunité et licence que voudroyent prendre ceux qui interpréteroyent lesdictes lettres à leursens, serviroyent de feindre nouvelles religions, et autant de religions que de fantasies, et de se séparer de l’unité de la religion ancienne, sansjugement de l’Église, chose damnée et réprouvée par toutes les lois et constitutions anciennes, et par le moyen de laquelle sont advenues les subversions des royaumes et empires.

Le motif desdictes lettres estoit que quand on ne pourroit aucune chose se reprocher pour le faict de la religion, l’on estimoit que les séditions commenceroyent à cesser; mais qu’il estoit à craindre que, cuidans esteindre le feu, comme l’on en avoit bonne volonté, on n’en allumast davantage, et que les esmeutes et séditions fussent trop plus que civiles et intestines, quand l’on verroit que sans craincte aucune de

peine l’on se pourroit séparer de l’unité de la religion et vivre à son libéral arbitre. Et sembloit n'y avoir meilleur moyen d'appaiser les séditions sinon d’en oster la cause, et couper la racine qui estoit la division de la religion. Et quand il plairoit au roy faire profession de sa foy, et faire dire et déclarer par-tout qu'il veult vivre et mourir en la foy en laquelle il a esté baptisé, et en laquelle ses prédécesseurs roys ont vescu; et qu’il entend que tous ses subjects facent pareille profession et déclaration, sur telles peines qu'il sçaurgit trop mieux adviser y auroit grande espérance, moyennant la grace de Dieu, que tous ses subjects vivroyent en ce royaume en grande paix et tranquillité.

Que lesdictes lettres portoyent que l’on entend estre séditieux ceux qui par ces mots de papistes, de huguenauds, etc. Par là sembloit que l’on voulsist faire une secte de papistes et huguenauds, et que l’on opposoitles papistes aux huguenauds, qui est un nom nouvellement inventé, que l’on donne à ceux qui se sont séparés de l’ancienne religion. On pourroit trouver estrange que l’on voulsist opposer ce mot de papiste aux huguenauds, et estoit un nom inusité en France, qui n’avoit accoustumé estre mis ès lettres patentes ny autres; et par ce mot de papistes on avoit tousjours estimé le pape pour chef et vicaire de Dieu en terre, pour le regard de la spiritualité.

Que, par lesdictes lettres, on défendoit aux privés d’aller faire assemblées pour endommager ceux qui se trouveront ès maisons, et les empescher d’user de l’honneste liberté qu’ils pouvoyent avoir, délaissant aux magistrats la coertion de ce qui se trouveroit mal faict esdictes maisons. On trouvoit merveilleusement bon que la force et cognoissance de cause fussent ostés aux privés, et très raisonnable de ne molester ceux qui se trouveroyent ès maisons soubs prétexte de quelques conventicules, et que ceux qui feroyent le contraire devoyent estre griefvement punis. Mais il sembloit que l’on n’avoit assez suffisamment exprimé par lesdictes lettres ce que par les édicts précédens avoit esté statué et ordonné, et aussi par toutes les loix et constitutions anciennes. Et qu’il seroit bon que par lesdictes lettres fussent faictes défenses à toutes personnes, de quelque qualité ou condition qu’ils fussent, de faire aucunes assemblées ou conventicules, soit de jour ou de nuict, et de

ne se trouver en aucuns presches privés et ailleurs que aux églises et lieux où l’on avoit accoustumé prescher, par ceux qui seroyent approuvés par les évesques diocésains; et que les maisons seroyent confisquées suy vant les édicts précédens; et que les juges tinssent la main à ce que tels conventicules cessassent. Et pour donner occasion au peuple de ne s’eslever aucunement, que l’on proposast prix à ceux qui dénonceroyent et surprendroyent les conventicules et presches privées, sur peine d’estre déclarés calomniateurs et d’estre punis du dernier supplice, sans aucune espérance de grace et miséricorde, s’ils ne prouvoyent ce qu'ils auront dénoncé à justice.

Que par lesdictes lettres estoit permis à ceux qui se seroyent absentés pour le faict de la religion de pouvoir retourner, pourveu que cyaprès ils voulussent vivre catholiquement et sans scandale, et leur estoit permis faire le profict de leurs biens. Que l’on ne peult trouver mauvais que ceux qui voudront retourner à pénitence n’y fussent receus pourveu qu’il n’y eust ny feintise ny simulation, et que ce ne fust pour le recouvrement de leurs biens ct craincte de la perte d’iceux. Que trois choses estoyent grandement à considérer sur ceste cause. La première, le grand scandale et perturbation qui pourroit advenir en ce royaume. Car se pourroit trouver des presbtres, moines et monialles qui se seroyent mariés à Genève et ailleurs, retournans en ce royaume avec leurs enfans ct famille ; etseroit chose prodigieuse et monstrucuse de veoir ce que l’on ne veitjamais; et pourroyent mettre en procès et faire querelles à leurs parens, à fin d'emporter quelques biens. La seconde, sur ce mot catholiquement, qui pourra engendrer grandes difficultés ; car ceux qui vivent selon la religion nouvelle voudront dire qu'ils vivent catholiquement : ceux qui ont vescu selon la religion ancienne soustiendront le contraire. Pource seroit bon de déclarer que c’estoit que vivre catholiquement, et ordonner que le roy avoit entendu de ceux qui vivent selon la religion ancienne, en laquelle il entendoit vivre comme ses prédécesseurs y ont vescu. La troisiesme considération , que si ceux qui ne veulent vivrecatholiquement pouvoyent vendre leurs biens, et les emporter hors ce royaume, ce seroit contre les ordonnances qui prohibent le transport des deniers hors ce

DE L’ESTAT DE LA RELIGION

royaume, mesmes pour en aider aux ennemis du roy et de la couronne.

Le roy partit de Fontainebleau pour aller à son sacre, et passa par la Brie droict à Monceaux, et delà à Nantueil, où il trouva le duc de Guyse, lequel peu de jours auparavant Ÿ avoit receu lettres de Jacqueline de Rohau marquise de Routelain, le priant de vouloir que son fils le duc de Longueville servist de grand chambellan audict sacre, tout ainsi qu'avoyent accoustumé de faire ses prédécesseurs. Ce que ledict duc de Guyse luy accorda, s’il vouloit servir en sa place. À quoy n’ayant voulu entendre ledict duc de Longueville, feit iceluy duc de Guyse servir son fils le prince de Jainville en son lieu, tout ainsi qu’avoit faict au précédent sacre le mareschal de Sainct-André : chose qui aida bien à esloigner l'alliance par mariage qu’il espéroit faire de luy duc de Longucville et de sa fille ; avec ce que ledict duc de Longueville environ ce mesme temps refusa de l'accompagner à la messe, déclarant ne le pouvoir faire sans l’offense de sa conscience. Ledict duc de Longueville aussi à la vérité n’avoi eu aucune opinion dudict mariage mis en avant par ladicte marquise sa mère durant la prison d’iceluy, pour le danger auquel elle se voyoit d’estre recherchée pour le faict de la religion, voulant par ce moyen se mettre en quelque seureté et franchise.

Ledict duc de Guyse désiroit ceste alliance pour, entre autres choses, assopir par ce moyen quelques différends qui estoyent entre eux, procédans de ce que le bastard de monsicur Louys duc d'Orléans, fils du roy Charles le quint, pour les grans services par luy faicts à la couronne, dont sa postérité a tousjours esté depuis singulièrement recommandée. Eut pour prérogative (encores qu’il fust bastard) le comté de Longueville, et autres terres de la couronne, qui luy furent baillées comme en appanage, pour luy ct ses hoirs masles ; tenant luy et sa dicte postérité le premier rang aprèsles princes du sang, sans aucune controverse. Et pour autant que ceux de sa maison , ny comme princes du sang, ny comme pairs, ne pouvoyent entrer ès cours de parlement, ny assister à plusieurs assemblées royalles, les rois restablirent, enfaveur dudict bastard d'Orléans, l’estat de grandchambellan, auparavant supprimé, à fin que lesdicts sieurs de Longueville y eussent par ce

moyen entrée, assis aux pieds du roy à causede

leur office, sans que cest estat ait oncques esté depuis donné à autres qu’à ceux de ladicte maison jusques à ce que le dernier duc de Longueville décédé durant le temps du roy Henry dernier,le duc de Guyse, au lieu que feu son père s’estoit contenté de lestat de premier chambellan, second etinférieur à celuy degrandchambellan, qui avoit esté par l’espace de six vingt ans et plus entre les mains desdicts sieurs de Longueville, s’en feit premier pourveoir sur eux par ledict roy Henry. Entreprenant en oultre de précéder, et faire seconder la maison de Longueville à la sienne, pour autant qu'il estoit duc et pair, et ledict sieur de Longueville seulement duc : bien que le duché de Longueville eust esté érigé auparavant celuy de Guyse , qui estoit cause de quelque différend entre lesdictes maisons, lequel par le moyen dudict mariage eust peu estre esteinct et enseveli.

Le roy doncques estant arrivé à la ville de Reims, se trouvèrent à son sacre treize pairs, nombre excédant celuy que le vulgaire estime ne devoir estre que de douze, et l'invention d’iceux estre de la maison de Charlemaigne.

En quoy il s’abuse, pour ce que leur commencement se doit attribuer à la maison de Hue Capet, la postérité duquel en a toujours usé à la discrétion, quelquefois en nombre de sept, autrefois d’unze, et pour le plus de dix-sept; sans toutesfois que le nombredes ecclésiastiques ait esté plus grand que de six. Plusieurs rois, jaloux de communiquer cest honneur à autres qu'aux princes de leur sang, n’ayans voulu avoir aucun pair séculier que de leur maison; et les autres, s’en soucians moins, ayans laissé tenir la dignité de pair indifféremment à plusieurs, desdaignans quasi que les princes du sang prinssent ce tiltre, estans nais pairs et pardessus les autres.

Qui fut cause que la roine fut estimée avoir faict très sagement audict sacre ( ce qu’elle n’avoit avec regret osé faire au sacre du dernier roy Francois ), qui fut de faire accoustrer son second fils monsieur Alexandre duc d’Orléans en pair, marcher et estre assis pardessus tous les autres pairs; les enfans desquels ne le sont, sinon d'autant qu'ils succèdent en la terre à laquelle la pairrie est affectée, n’estant autre chose qu'un simple tiltre de dignité, qui n’a

que trois privilèges : l’un, d'assister comme :

premier aux cérémonies des sacres et couronnement des rois habillés à l’antique, pour représenter la vénérable majesté des anciens rois; l'autre, d’avoir leurs causes commises en première instance au parlement de Paris, en ce qui concerne leur pairrie ; ce que ont les princes du sang en tout ce qu’ils tiennent en appanage; le tiers, que l’un d’entre eux ne peult estre jugé que par ses frères pairs, que le roy Charles sixiesme leur ottroya l'an 1346. De tous lesquels priviléges le moindre des princes du sang jouit, et de plus encores, comme chascun sçait; ceste prudence ayant esté retenue par nos rois, de bailler beaucoup moindre puissance et authorité aux officiers de la couronne héréditaires, que non pas à ceux qui sont par eux esleus et choisis à vie seulement.

La séance desdicts pairs audict sacre fut chose bien remarquée, pour monstrer que les princes du sang pairs doivent toujours tenir rang au-dessus des autres, sans regarder à l’antiquité de la réception et non de l'antiquité de la pairrie, estroictement observée entre ceux qui ne sont princes du seng. Ce mesme reiglement ayant esté auparavant confirmé par arrest du parlement de Paris, entre monsieur de Montpensier et le duc de Nevers au mois de juing 1541; par lequel fut dict qu’encores que ledict due de Nevers fust le premier receu pair, ce néantmoins ledict sieur de Montpensier, comme prince dusang, le précéderoit en la présentation des roses accoustumée d'estre faicte en iceluy par les pairs. Quoy nonobstant le duc de Guyse toutesfois entreprit de précéder audict sacre mondict sieur de Montpensier; et de faict se meit entre le roy de Navarre ct luy, comme il avoit faict au dernier sacre du roy François, et auparavant luy son père au sacre du roy Henry, qui fut plus attribué à quelque particulière faveur, que non pas à autre juste et raisonnable considération.

Le cardinal de Lorraine feit audict lieu plaincte à la roine pour tout le clergé, disant que les édicts donnés pour le faict de la religion n’estoyent aucunement gardés, ains estoyent du tout tenus à nonchaloir; que les assemblées de la religion nouvelle se faisoyent plus qu’elles ne s’estoyent encores faictes au veu et sceu d’un chascun, les juges s’excusans sur maintes lettres qui leur estoyent envoyées, par lesquelles il sembloit que l’on voulust tolérer lesdictes

asemblées, et oublier du tout la rigueur du passé; que pendant le colloque arresté pour reigler les différends de la religion, Sa Majesté ne devoit permettre que rien fust innové ; et que pour y deuement pourveoir, il estoit requis de faire une loy inviolable, et à ceste fin assembler en la cour du parlement de Paris les princes, seigneurs et autres du conseil privé du roy, pour, letout y solennellement traicté, garder puisaprès inviolablement ce qui y seroit arresté. Ce qui fut trouvé bon, et conclud d'ainsi le faire. |

Aucuns disoyent que ledict cardinal prévoyant bien que l'assemblée des prélats arrestée n’apporteroit aucune certitude aux différends de la religion, il y vouloit pourveoir par un moyen qui luy sembloit plus certain et asseuré, en ayant desjà conféré et faict conférer aux principaulx de ladicte cour de parlement, desquels il s’asseuroit.

Peu detemps après furent lettres patentes addressées aux présidens de Thou et Séguier, pour présider aux estats tenus particulièrement pour la prévosté et vicomté de Paris, et y assister aucuns présidens aussi des comptes et cour des aydes, avec quelque nombre de conseillers desdictes compaignies, pour tenir la main auxdicts estats et les contenir dans les limites prescrites; qui estoyent seulement d’adviser aux moyens de survenir aux grandes debtes du roy. Mais d'autant qu’à ceste assemblée y eut opposition formée par la noblesse, portant la parole pour icelle Ruzé, advocat en parlement, avec protestation de nullité, donnant à entendre que ladicte assemblée se faisoit contre la forme et libertéaccoustuméedesestats, auxquels on n'avoit jamais accoustumé de voir présider l'ordre de la justice ; fut enfin ladicte assemblée parachevée sans aucune résolution certaine, sinon que chascun rejetta le payement des debtes du roy sur le clergé.

La cour de parlement vaquoit ce pendant au jugement du procès de monsieur le prince de Condé estant à Paris, et avec luy la dame ” douairière de Roye, le sieur de Cany et Robert de la Haye, conseiller en ladicte cour ; ledict sieur prince s’estant long temps auparavant présenté en ladicte cour en la compaignie de monsieur le cardinal de Bourbon, son frère, toutes les chambres assemblées, ayant là remonstré à icelle que son emprisonnement, prac-

DE L'ESTAT DE LA RELIGION

tiqué par ses adversaires soubs un faulx prétexte, avoit esté trouvé estrange, et devoÿent les hommes entrer en admiration de la providence de Dieu tout-puissant, par la seule clémence duquel il avoit esté préservé des aguets de ses ennemis, et faict cognoistre son innocence avec un exemple perpétuel: que les artifices des calomniateurs profitent bien peu à l'encontre de ceux qui ont mis leur espérance en luy, et qui l'ont invoqué à leurs secours pour leur invincible protecteur.

Puis il adjousta qu'il avoit toujours désiré que sa cause fut cogneue et jugée par ladicte cour, qui estoit le vray temple de la justice francoise, et du corps de laquelle il estoit, comme prince du sang; et qu'il penseroit se faire grand tort s’il n’y représentoit, comme au plus célèbre théatre du monde, le droict et l'équité de sa cause contre la calomnie de ses ennemis, à fin que le tout y fust jugé et décidé par un honorable et mémorable arrest, digne de l’accoustunée gravité et saincteté de la cour; la suppliant de luy garder son honneur, qu'il avoit toujours estimé beaucoup plus cher que sa propre vie. Ce faict il se retira, après avoir requis que Pierre Robert son advocat, assisté des autres advocats de son conseil, fust ouy en ses remonsirances, a fin que ladicte cour peust estre amplement informée de l'entière vérité du faict.

Adonc Robert print la parole, et remonstra comme il avoit pleu à Dieu essayer monsieur le prince avec le mesme essay dont sa divinité avoit souvent voulu user envers ses plus loyaux et fidèles serviteurs, c’est à sçavoir par affliction, laquelle il envoyoit souventesfois à ses bien-aimés, mesmes à ceux qui estoyent eslevés en hault lieu, pour deux principales raisons ; l’une, à fin que les rois et illustres princes, qui tiennent les grands gouvernements de ce monde recognoissent n'avoir puissance ny grandeur d’ailleurs que la grandeur et de la puissance de Dieu ; de la seule grace duquel dépend leur entière ruine, ou la conservation de leur estat; l’autre, à fin que l'innocence de” ceux auxquels sa divine majesté a faict la grace de les prendre en sa protection apparoisse et se monstre d'autant plus belle et luisante par l’espreuve de son contraire : tout ainsi qu’on voit faire la vraye espreuve de l’or estant essayé dans la fournaise.

Après ce discours, lequel est plus au long recueilly ès registres de la cour, Robert récita ce qui avoit esté faict en la ville d'Orléans par le chancelier et par les premiers commissaires ; et mesmes les appellations que monsieur Île prince avoit interjectées d'eux, et comme elles avoyent esté jugées sans estre ny relevées ny plaidées, et sans qu'il eust esté ouy en ses causes d'appel, ny par sa bouche, ny par conseil. En somme, après longues altercations, qui furent débattues avec les gens du roy, la conclusion dudict Robert fut qu’il pleust à ladicte cour ordonner au procureur général délay compétant pour fournir de toutes les charges et informations qui pouvoyent avoir esté faictes à l'encontre dudict sieur prince. Et si par lesdictes informations qui seroyent mises par devers ladicte cour il ne se trouvoit chargé de chose qui méritast une procédure extraordipaire, qu'en ce cas, sans faire plus long procès par interrogatoires et récollement, il fust procédé sur-le-champ à la déclaration de son innocence ; mais au contraire, si la cour trouvoit quelques charges par les informations qui luy seroyent présentées, qu'il luy pleust, avant que d’y adjouster foy, ordonner que les tesmoings seroient répétés par <on authorité, sans laquelle toutes les procédures qui avoyent esté faictes contre ledict sieur prince devoyent demeurer nulles, comme faictes par juges incompétans et n'ayans pouvoir de ce faire ; d’autant qu’à la seulle dicte cour, qui est le siége des rois et la cour des pairs de France, appartient

d'instruire et juger les procès criminels des

princes du sang, lors que leur honneur est révoqué en doubte.

Sur lesquelles nullités ledict Robert insista longuement. à fin de faire entendre que si ledict sieur prince n'avoit voulu respondre devant les premiers commissaires, ce n’avoit esté pour se ressentir d’offense quelconque en sa conscience, Car ceux qui sont appuyés, disoit-il, sur l’asseurance qu'ils ont en eux-mesmes de leur intégrité et de leur preudhommie, n’ont accoustumé de craindre la face des juges. Encores moins en refusant l’interrogatoire des commissaires avoit il entendu désobéir à la majesté du roy, veu qu’il luy avoit tousjours rendu telle obéissance qu’il avoit occasion d'en estre content. Mais bien avoit-il refusé de respondre devant tels commissaires pour ne faire tort aux princes du

XVI" siècrz, La PI et La PI.

ET RÉPUBLIQUE, LiIV. V

sang de France, qui de long temps ont ce droict acquis de ne pouvoir estre jugés en ce qui touche leur honneur ailleurs que par le roy, leur souverain ct chef de leur maison en ladicte cour de parlement, en laquelle seule est le siège du roy et de ses pairs.

Sur le débat de ces nullités, les gens du roy prièrent ledict sieur prince de se contenter du jugement qu’il avoit obtenu au conseil privé le treiziesme jour de mars précédent : disans qu'ils n’en accorderoyent pas seulement la publication et émologation, mais encores qu'ils la requerroyent instamment, ne fust-ce que pour les oster d’une difficulté en laquelle ils se disoyent estre tombés, pour ne scavoir quelle qualité ils devoyent prendre, ou de demandeurs ou de 1défendeurs.

Après longues disputes sur ces qualités, fut finalement résolu, puisque monsieur le prince avoit esté jugé innocent par le roy et son conseil privé, et qu’il ne désiroit sinon une plus ample déclaration de son innocence par le jugement de ladicte cour, pour un perpétuel tesmoignage de son honneur, que la qualité de demandeur en déclaration d’innocence luy demeureroit, etla qualité de défendeurs aux gens du roy. Et au surplus que ladicte cour, les chambres assemblées, verroit toutes les informations qui se trouveroyent contre ledict sieur prince, à fin que s’il ne se trouvoit par icelles aucunes charges contre luy, il fust promptement déclairé innocent ; mais au contraire, s’il y avoit charges, qu'il fust procédé suyvant les ordonnances, et en ce cas les qualités changées, selon que ladicte cour verroit équitable, en continuant ses premières poursuytes.

Sur ce fut ordonné par ladicte cour que toutes les charges, informations et autres procédures faictes à l’encontre dudict sieur prince, et qui se trouveroyent en la ville de Paris, soit ès mains du greffier du Tillet ou d'autres, seroyent mises pardeverselle. Et finalementintervint arrest diffinitif du treiziesme jour de juing, après que deux jours auparavant ledict sieur prince avoit encores, pour plus grande seureté et tesmoignage du jugement qui interviendroit, requis au roy, en son conseil tenu lé matin, estant lors aux faulxbourgs de Sainct-Germain-lès. Paris, que tous ceux de sondict conseil, et mesmes les secrétaires d’estat, eussent à déclairer s'ils n’avoyent rien entre leurs mains qui

peust servir au procureur général contre luy, à fin d'avoir et obtenir pleine et entière déclaration de son innocence, telle qu'il espéroit et s’en asseuroit.

Et sur ce, après avoir {ous ceux dudict conscil affermé, par serment presté entre les mains du roy et de la roine mère, qu'ils n’avoyent rien pardevers eux, et ne scavoir qu'il y eust autres informations, charges et procédures que celles qui estoyent entre les mains dudict procureur général du roy, par ledict arrest qui s’en ensuyvit, fut ledict sieur prince déclaré pur et innocent des cas à luy imposés, son recours à luy réservé contre qui il appartiendroit, pour telle réparation que la qualité de sa personne le requeroit, et ordonné que ledict arrest seroit leu et enregistré en toutes les cours souveraines de ce royaume, lequel fut prononcé par le président Baillet, les huis ouverts, toutes les chambres assemblées, en robhes rouges, en la grand’ chambre du plaidoye, nssistans, du costé des conseillers laiz, le roy de Navarre, messieurs les cardinal de Bourbc: duc de Montpensier et prince de la Roche-sur-Yon, et, avec eux, les ducs de Guyse, de Nevers et de Montmorency connestable de France, les mareschaulx de Sainct-André, de Montmorency, et autres. Et du costé des clercs, les cardinaulx de Lorraine, de Chastillon et de Guyse. :

Au mesme instant furent aussi prononcés les arrests de la dame de Roye, du sieur de Cany et de la Haye; et mesme du défunet Vidasme de Chartres. Tous lesdiets arrests portans une mesme declaration d'innocence et réservation que celuy dudict sieur prince de Condé.

Peu de jours après, le roy, la roine mère ct tous ceux de sondict conseil furent, suyvant ce qui avoit esté arresté auparavant en ladicte cour de parlement pour adviser aux différends de la religion, en ce qui concernoit le faict d’estat avec les présidens et conseillers d’icelle. Là fut sommairement proposé par le chancelier qu’ils estoyent là assemblés pour donner advis au roy de quelque bon remède et propre à pourveoir aux troubles et esmotions que l'on voyoit pulluler et multiplier de jour en jour en ce royaume, à cause de ia diversité des opinions au faict de la religion; à ce que ses subjects peussent estre maintenus en tranquillité et repos soubs son obéissance. En quoy il n’estoit question d’entrer au mérite du faict de

DE L'ESTAT DE LA RELIGION

la religion, ains seulement au faict politique, ce qui appartenoit à la religion estant remis au concile national, auquel appartenoit d’en traicter. Pria un chascun d’estre brief en son opinion.

Et après que tous eurent dict leur advis l’un après l’autre, se trouvèrent les opinions etre? parties en trois, toutes différentes lune de lau-? tre, d'autant que l’une d’icelles tendoit à surséance des peines jusques à la détermination du concile; l’autre à punition de mort; l'autre à renvoyer la cognoissance à la jurisdiction ecclésiastique, avec défenses sur peine de confiscations de corps et de biens de faire aucuns conventicules ct assemblées publiques ou privées, avec armes ou sans armes, où se feroyent presches et administrations de sacremens, en autre forme que selon l'usage observé par l'Église Romaine. Laquelle fut en fin trouvée passer la première (qui estoit la plus grande après ) de trois voix. Ce qui ne fut toutesfois sans jluseurs altercations, quand l’on vint à recueillir lesdictes opinions, aucuns des conseillers blasmans l'extraict d'icelles qui en avoit esté faict par le greffier du Tillet qui les avoit recueillies, les autres disans que l’on y comptoit aucuns, qui estoyent survenus depuis les opinions commencées, lesquels ne devoient estre comptés, ny mesmes avoir opiné selon l’observance de ladicte cour.

Toutesfois, fut à la parfin dressé un édict du mois de juillet appellé pour ceste cause depuis l’édict de juillet : par lequel fut ordonné de vivre en union et amitié sans plus se provoquer par injures ou convices, ne esmouvoir ne estre cause d'aucun trouble ne sédition, soubs couleur ou prétexte de quelque religion que ce fust, et ce sur peine de la hart; de ne faire aucuns enroolemens , signatures, ou autres choses tendantes à faction, conspiration, ou partialité ; et aux prescheurs de n’user en leurs sermons ou ailleurs de parolles scandalcuses, ou tendantes a esmotion. À eux enjoinct se contenir modestement, et ne dire chose qui ne fust à l'instruction et édification du peuple, et le maintenir en repos, sur mesmes peines. La cognoissance desdictes séditions attribue en souveraineté aux juges établis par les siéges présidiaux, appelés jusques au nombrede dix, pour le moins. Tous conventicules défendus , sur peine de confiscation de corps et de biens, privés ou publics,

avec armes OU sans armes, Où se feroyent presches et administrations des sacremens en autre forme que selon l'usage receu en l'église catholique, dès et depuis la foy chrestienne reccue par les rois et prélats de France. La cognoissance pour le faict du crime de la simple hérésie délaissée aux gens d'Église. Et au cas que le prévenu ou accusé dudict crime fust par lesdicts juges délivré au bras séculier, que l'on ne pourroit lui imposer plus grande peine , que luy interdire la demeure et habitation du royaume. Le tout par manière de provision jusques à la détermination du concile général, ou de l’assemblec des prélats prochaine à faire.

un ne ce

Grace, pardon et abolition octroyée à tous pour toutes les faultes passées procédantes du faict

de la religion, en vivant paisiblement et catho-

tion accoustumée. Enjoinct de punir tous faulx délateurs. Défendu de porter harquebouzes et pistolles , fors aucuns exceptés par l’édict.

cars estant cogneu pour un dangereux ministre. Et pour ce plusieurs désirèrent que l’admiral (qui dèslors que le roy estoit allé au sacre s’en estoit allé à sa maison) revinst à la cour, pour estre près du roy de Navarre; ce qu’il feit ainsi que lon estoit sur la fin des opinions dudict édict de juillet.

Ce pendant que l'on vacquoit à Fédict susmertionné où peu au précédent, fut traicté accord touchant le faict de la religion entre le due

. de Savoye ct ceux des vallées de Piedmont ap-

pelés Vaudois, qui fut le cinquicsme jour du mois de juin. Pour lequel mieux entendre, nous réciterons briefvement le différend auparavant survenu.

Il fault donc entendre qu’en Picdmont y a

une vallée loingtaine du mont Vesule, environ liquement selon l’église catholique et observa-

ll fut derechef advisé en ceste grande com-

paignie de faire appeler les prélats de ce royaume, pour adviser audict faict de la religion, et derechef arresté qu’il seroit baillé sauf-conduict aux ministres de la religion appelée nouvelle,pour venir seurement etestre ouys sur la confession de leur foy; d'essayer s’il y avoit moyen de les convaincre par la parolle de Dieu,

cinq ou six milles, qui est nommée la vallée de Lucerne d’une petite ville située au commencement d’icelle, en laquelle y a aussi une retite vallée nommée la vallée d’Angrongne, laquelle a prins son nom d’une petite rivière qui passe par le milieu. A ces deux sont contiguës deux

autres vallées, à scavoir la vallée de Perosse,

selon qu’elle avoit esté exposée par les docteurs des premiers cinq cens ans après nostre Sei-. gneur. Auquel dernier article inclinèrent tous

d'autant plus volontiers que le cardinal de,

Lorraine promettoit et asseuroit de vaincre les-

dicts ministres par les susdictes armes, et n’en

vouloit user d’autres.

La roine, pleine d'espérance par une telle pro-

messe et offre, et scachant bien que les estats

qui se devoient bien tost tenir la presseroyent de nouveau de baïiller des temples que l’on luy avoit jà demandés, feit convoquer lesdicts prélats pour s’assembler à Poissy près St-Germainen-Laye, au mois de juillet.

Peu auparavant le sieur d’Escars fut rappelé par le roy de Navarre, lequel auparavant avoit esté esloigné de luy pour avoir esté vérifié par lettres escriptes de sa main qu'il taschoit de s’insinuer en la bonne grace de ceux de Guyse aux despens de son maistre. Plusieurs personnes s’esbahirent de ce rappel, et entrèrent en suspicion d’un prochain changement, ledict d’Es-

eee meme me + uen e ne ee

ainsi nommée d’une ville qui y est, et la vallée Sainct-Martin. Or en ces vallées y a deux villes et villages, esquelles publiquement depuis six ans auparavant on avoit presché l'Evangile.

Oultre ce, les habitans d’icelles pouvoyent estre environ quinze mille : duquel nombre en avoit environ huict ou neuf mille qui estoyent suyvans la religion appelée nouvelle.

Ces gens (parlans des hommes sculement) ayans dès leur enfance vaqué au labeur de la terre, au gouvernement du bestail, et à autres choses semblables, n'estoyentaucunementexer cités au faict de la guerre; au moyen de quoy, partie pour cela, partie aussi pour la difficulté de s’assembler, pour la distance des licux, difficilement pouvoyent résister aux violences qui leur estoyent faictes. Or les villes, villages et chasteaux qui y sont, combien qu'ils ayent leurs gentilshommes, barons ou seigneurs particuliers, néantmoins ils recognoissent tous le duc de Savoye pour leur prince et seigneur souverain. Le duc doncques avant que de venir de Nice en Piedmont, par plusieurs fois et par le moyen de ces gentilshommes, avoit faict advertir ceux de ces vallées qu’ils donnassent congé et rtuvoyassent leurs ministres, receussent la messe ct la religion du pape; autrement qu'ils seroyent pu

nis comme désobéissans et rebelles. Par quoy mandèrent à Nice un homme exprès, lequel présenta au duc leur confession de foy, avec une requeste,

Le sommaire de la confession estoit : «Qu'ils croyent tout ce qui est contenu au vieil et nouveau Testament; acceptant le Symbole des Apostres, le Nicène, et celuy d’Athanase, Îles quatre premiers conciles généraulx et libres, et tous les anciens docteurs, en ce qu'ils se conformeroyent à la parolle de Dieu. » Le sommaire de la requeste estoit : « Qu'il se contentast les laisser vivre en icelle, et ne les vouloit contraindre à faire chose aucune contre leur conscience, et qu'ils estoyent prests à corriger les faultes que par la parolle de Dieu leurs seroyent monstrées en leur religion; et qu’il considérast qu’ils ne luy faisoyent si grande instance de ce pour petite occasion. Car depuis plusieurs centaines d’ans telle doctrine avoit esté conservée entre eux, comme facilement pouvoyent monstrer par plusieurs anciennes escriptures qu'ils ont pardevers eux, qui de père a fils leur en sont demeurées. Et finalement, que quant à leurs vie et coustumes et à lobéissance qu’ils doivent tant à luy que à autres seigneurs légitimes, qu’il envoyast qui bon luy sembleroit de ses gens pour en faire deue information, et trouvant qu'ils ne fassent leur devoir, les punist selon l'exigence du cas avec toute sévérité. Car quant à eux, qu'ils feroyent cognoistre qu'ils aimoyent justice de tout leur cueur, et qu’ils vouloyent non-seulement luy estre obéissans, mais très subjects.»

Toutes leurs escriptures parvindrent entre les mains du duc, mais ayant près de soy plusieurs instigateurs contre eux, il ne les receut en bonne part, et ne furent envers luy d'aucune efficace. Car dès lors il feit crier à son de trompe que, soubs la peine de cent escus pour la première fois, et pour la seconde, de la gallère perpétuelle, qu'aucun n’eust à aller ny assister aux prédications des ministres des vallées. Il ordonna pareillement au prévost qu'avec l’aide de ses archers il allast par tout exiger les peines, et les faire prisonniers. Et non seulement fut donnée telle commission à cestuy-cy, mais aussi à tous les gentilshommes et officiers de tout le Piedmont.

Oultre ce, vint à Carignan un nommé le col- !

latéral Curbis, lequel commencant à faire bou -

DE L’ESTAT DE LA RELIGION

cherie d’iceux, furent prins ua n:n1mé Marcel: lin et Jeanne sa femme, lesquels furent bruslés tous vifs environ huict jours après. Eux estans menés à la mort, la femme alloit exhortant son mary, disant: « Avez bon courage, mon frère, car aujourd’'huy nous irons ensemble en paradis. »

En ce mesme temps fut prins aussi maistre Jean, ministre de Sainct-Germain, lieu de la vallée de la Pérosse, lequel mené à l'abbaye, un mille loing de Pinereul, là fut mis à mort, ayant constamment respondu à l’inquisiteur Jacomel, homme réputé superbe et meschant. Le sem blable advint au ministre de Meaune, lequel, peu de temps après qu’il fut prins, fut bruslé à petit feu à Suse.

Estans doncques les choses en ces termes, et s’augmentans journellement les poursuytes à l'encontre d'eux, ils entreprindrent de soy défendre. Car, oultre les exécutions, il y avoit des larrons des villes circonvoisines qui venoyent sans commission les piller et oultrager, lesquels à l’exhortation des ministres ne faisoyent aucune résistence. Ayant doncques délibéré de faire teste, et s’estans rencontrés quelques fois en escarmouche, les choses allèrent tellement pour eux qu'en peu de jours il en demeura soixante morts, sans que nul d'eux eust aucun moindre mal. Laquelle chose entendue par le duc, il commanda qu'on ne feist plus de telles courses; et envoya le sieur Raconis et le sieur de la Trinité, hommes principaux de sa cour, pour composer etacquiescer avec ceux des vallées. Mais par ce que leur intention estoit de chasser les ministres et faire recevoir la loy du pape, le peuple n’y voulut consentir aucunement, de sorte qu'ils s’en retournèrent sans rien faire. Au moyen dequoy, le duc estant venu en Piedmont, il envoya le sieur de la Trinité avec environ quatre ou cinq mille hommes, la pluspart harquebouziers, et aucuns gens de cheval, contre les vallées, avec ordonnance, que ne voulans recevoir la religion du pape, ils meissent tout à feu et à sang. L'armée doncques arriva à Lucernele dernier d'octobre, qui fut le jeudy.

Le samedy après, qui estoit le deuxiesme de novembre 1560 le matin, donnèrent l’assault à Angrongne, qui est la première frontière. Les ennemis estoyent environ mil cinq cens, tous harquebouziers, contre lesquels ceux de la ville

a grand peine estoyent trente, lesquels s’opposèrent à la première poincte estans là de garde, armés la plus grande part de frondes et d’arbalestes. Or ce pendant que ceux cy soustindrent le premier assault, il survint un nombre de ceulx des vallées prochaines, tellement qu'ils pouvoyent estre deux cens ou environ, lesquels en bref tournèrent leurs ennemis en fuyte, et en tuèrent plus de soixante, avec perte seulement de trois de leurs gens.

Peu de temps après, attendu qu’ils n’avoyent rien faict à Angrongne, ils assaillirent la Combe et Tagliaret, qui font deux villettes situées de l'autre costé d’Angrongne plus en dedans la vallée de Lucerne. Et jacoit que le nombre de leurs ennemis fust grand, ils furent néantmoins tellement repoulsés et mis en fuyte, qu’il en demeura bien une trentaine, sansles blessés.

Parquoy lesieur de la Trinité, comme homme astut et fin, cognoissant la difficulté de l’entreprinse, se tourna aux ruses et finesses de la guerre, comme il avoit par coustume, et à tenter autre moyen que par armes. Parquoy il

envoya quelques gens pour leur donner espérance de paix, et d'obtenir un intérim et surséance, s'ils délaissoyent les armes, et en voyoyent hommes au nom de la commune, tant vers le sieur de la Trinité, comme vers le duc, pour demander pardon des choses commises, et en payant finalement seize mille escus. Toutes lesquelles choses furent faciles à persuader au peuple, lequel ne désiroit que paix, ct avoir quelque peu de respit en tant et si grandes afflictions. Au moyen dequoy déposèrent les armes en une maison de la commune, lesquelles tout incontinent furent saisies et saccagées des soldats. Aucuns ambassadeurs desdictes vallées allèrent au sieur de la Trinité et aussi au duc, pour luy jurer hommage, et obtenir la surséance comme leur avoit esté promis, lesquels demeurèrent bien environ deux mois à Verceil, durant lequel temps on exigeoit rigoureusement la composition, de laquelle fut payé la moitié content, et de l’autre moitié ils s’obligèrent par public instrument de la payer à un temps certain et accordé.

Après toutes ces choses, et pendant qu’ils pensoyent obtenir ce qui leur avoit esté promis, ils furent menés un jour en une sacristie du sieur de la Trinité, où estoit assis le duc et Pambassadeur du pape, et une grande multitude

de gens de toutes qualités, et là les ayans faict mettre à genoils, on leur feit crier mercy, et demander pardon premièrement au duc, puis au pape en la personne de son ambassadeur, et promettre avec toutes solennités qu’à l’advenir ils seroyent très obéissans en toutes choses à l'un et à l’autre, et le tout au nom des vallées desquelles ils estoient envoyés. En vertu desquelles promesses si solennellement faictes, le duc tout incontinent feit faire commandement à ceux des vallées qu’ils eussent à licentier leurs ministres, accepter les prescheurs qu’il leur envoyeroit, et aller à la messe. Parquoy s’estans apperceus de l’inconstance de leurs ambassadeurs, et du tour à eux faict, refusèrent totalement vouloir obéir à commandement si injuste, attendu que tout ce que leurs gens avoyent faict, ils l’avoyent faict par propre légèreté, et non qu’ils eussent telle commission ; et qu'ils s’offroyent obéir à leur seigneur ès choses qui luy appartenoyent, mais que quant à la religion, ils prétendoyent qu’on leur accorderoit de pouvoir vivre commeilsavoyent faict par le passé, jusques à ce qu'on feroit un concile général et libre, et qu’à ceste occasion ils s’estoyent taillés de si grande somme d'argent.

Laquelle response ne fut point plustost parvenue aux oreilles du duc, qu’il y renvoya l’armée, qui fut au mois de janvier dernier. Laquelle arrivée, commenca tout incontinent à brusler les maisons, et à mettre à sac tout ce qu’ils trouvoyent, et n’y avoit mal qu'ils n@ commissent. A l’occasion de quoy ceux desdietes vallées furent contraincts eux retirer au plus hault des montaignes avec leurs femmes, enfans, et ce qu’ils peurent sauver de meubles et victuailles, délaissans tout le reste à la rapine et flamme de leurs ennemis, et ne voyoit-on par tout autre chose que feu qui brusloit maisons, arbres, et granches, où les pauvres gens avoyent serré la provision de leur bestail, sans que l’on veist une femme seule lamenter, ainsi qu’il a esté récité par ceux qui en ont escript, ains que voyans leurs maisons flamboyer de loing, remplies de joye et allégresse, elles disoyent : «0 que bénict soit Dieu qui nous favo= rise tant, que de nous faire endurer toutes ces choses pour sa saincte querelle. Que l’antechrist estime que la cendre de nos maisons est celle que nous luy jettons dedans les yeux. »

Parquoy le peuple se trouvant en ces afflictions et désespoir, ayans reprins courage, délibérèrent retourner pour eux défendre jusques à la mort, et posèrent les gardes aux lieux où il estoit nécessaire, fortifièrent quelques passages, empeschèrent les chemins, et finalement pourveurent à tout ce qui leur sembla nécessaire pour la défense, estant résolus vouloir plustost mourir, qu’accepter la messe. Et pour abbréger, les choses en vindrent jusques là, qu’en plusieurs fois qu’ils avoyent combattu, il demeura de leurs ennemis bien environ mille, et dés leurs environ quarante.

Entre ceux de leurs ennemis qui furent tués, y avoit aucuns capitaines dont le duc faisoit grand compte, et desquels il s’estoit servi ès guerres qu'il avoit en Piedmont contre le roy, du nombre desquels fut le scigneur Charles Truchet, un des gentilshommes de la vallée Sainct-Martin. Cestuy-cy estoit l’un de ceux qui plus avoit affligé ceux desdictes vallées, lequel estant homme de grande stature, et courageux à merveilles, s’asscura un jour avec cinq compaignies de gens de pied, qui pouvoyent estre mil hommes et plus, de venir du costé de derrière de la vallée jusques sur la plus haulte cime de la montaigne d’Angrongne, laquelle chose il peut faire sans empeschement aucun.

Car ceux desdictes vallées ne craignoyent point de ce costé-là, pour l’extresme difficulté des lieux. Estant donc arrivé au hault, il commenca à festover ses gens de parolles, et à distribuer par promesses le pillage.

Or ccux desdictes vallées qui estoyent cnviron trente à la garde d’une montaignette, au dessoubs laquelle regardoit l'entrée de la vallée, voyans la montaigne prinse, et leurs ennemis qui descendans sembloyent voller, après avoir faict leurs prières, partie d’iceux leur allèrent à l'encontre, l’autre partie se meit à sonner les cors pour advertir ceux qui estoyent loing de venir au secours. Il fut combattu quelque petite espace de temps, pendant lequel survindrent ceux desdictes vallées de toutes parts, tant qu'ils pouvoient estre au nombre de deux cens, lesquels sc portèrent tellement que, mettans leurs ennemis en fuyte, en tuèrent beaucoup, sans qu'aucun d'eux receust mal aucun, excepté un seul. Et parce que leurs ennemis avoyent laissé sur la cime de la montaigne une grosse garde, is se résolurent l'aller déchasser. Mais sur cela

DE L’ESTAT DE LA RELIGION

ils s’apperceurent qu’une autre bande estoit descendue bien avant d’autre costé vers un fort appelé le Pra del Torno (qui estoit à ceux desdictes vallées). Parquoy délaissans le premier dessein, allèrent assaillir ceux-cy de flanc à l'impourvue, et les dissipèrent tellement que fuyans ne scavoyent où aller.

Pendant ces choses venoyent au secours du peuple desdictes vallées des lieux de Villaro, Bobio, et Tagliaret bien environ cent hommes, lesquels deloing et des lieux plus haults avoyent veu comme les choses estoyent passées; parquoy couppèrent le chemin tant aux premiers qui furent rompus, comme aux seconds, et à ceux de la garde dela montaigne. Lesquels aussi s’estoyent mis en fuyte, ayans veu la desfaicte de leurs gens , et sans un ministre qui s’y trouva eust esté faicte encore plus grande boucherie. Or le capitaine Truchet, lequel avoit amené et conduict ses gens, reccut au combat un grand coup de pierre à la jambe ; parquoy se faisoit mener par deux soldats, auxquels il avoit faict grandes promesses, s'ils le pouvoyent sauver ; mais estant apperceu d’un de ceux desdictes vallées qui gardoit les bœufs là auprès, il receut un autre coup de pierre avecune fronde si grand entre les deux espaules qu’il tomha comme mort par terre; tellement qu’estant abandonné des siens fut par ce bouvier tué de son espée propre. |

Adonc, pour le dernier remède de défense contre les pierres et arquebouzades qui venoyent d’enhault, trouvérent une invention de certaines targes de bois , lesquelles estoyent de telle grandeur , qu'un homme seul estoit tellement chargé d’une d’icelles , qu’il ne pouvoit porter autre chose ; mais se couvrant d’icelles servoit de rempart aux autres qui le suyvoient. Parquoy ils armèrent de ces targes environ trente hommes, lesquels ils faisoyent aller devant, à celle fin que tout le camp se peust seurement approcher. Quand ceux desdictes vallées les veirent venir à eux, ils commencèrent à cesser de combatre de front, et soy tournans de flanc, commencèrent à charger sur ceux qui estoyent descouverts , de telle sorte que, combien que ce jour-là tout le camp fust tout en un ( qui estoit d'environ quatre mille piétons ) et que ceux desdictes vallées ne fussent à peine deux cens, ce néantmoins ils les meirent ea routte, et en occirent une grande partie.

Et enfin, une matinée après, ils assailiirent Tagliaret à l’impourvue, pour de là aller plus surement à Pra del Torno; et au commencement estant l’assault soubdain , ils tuèrent environ treize personnes , tant hommes, femmes que enfans, la pluspart desquels ils trouvèrent encor au lict, et le reste qui s’enfuyoit en chemise. Mais à la parfin estant la chose entendue par ledict peuple s’estant assemblés,ils repoussèrent tellement leurs ennemis que nul de ladicte armée n’eut depuis volonté d’y retourner. Au moyen de quoy on commenca à capituler et traicter accord entre ledict duc de Savoye et eux, en la manière qui s'ensuit :

« Que l’on expédicra lettres patentes de son Altesse par lesquelles apparoistra qu'il fait rémission et pardonne à ceux des vallées d’Angrongne, Bobo, Villaro, Valguichard, Rora, Tagliaret , La Rua de Bonnet confin de la TourSainct-Martin,Pérosse,Roccapiata, Sainct- Barthélemy et à tous ceux qui leur pourroyent avoir donné aide, des faultes qu’ils pourroyent avoir commises, tant pour avoir prins les armes contre son Altesse, comme contre les seigneurs et gentilshommes particuliers, lesquels il recoit et tient en sa protection et sauvegarde. Qu'il sera permis à ceux d’Angrongne, Bobio, Villaro, Valguichard, Rora (membres de la vallée de Lucerne ) et à ceux de Rodoret, Marcele, Maveillan et Salia (membres de la vallée Sainct-Martin), de pouvoir faire congréga-

tions, faire prescher, et autres ministères de leur religion ès lieux accoustumés. Qu'il sera permis à Villaro (membre de la vallée de Lucerne ) faire lc mesme, et ce seulement jusques à ce que son Altesse face faire un fort audict lieu ; et se faisant ledict fort, il ne leur sera permis faire prédications ou assemblées en tout le circuit dudici lieu, mais il leur sera licite et pourront faire édifier un lieu propre à cela, en quelque endroict là près qu’il leur semblera commode du costé devers Bobio. Et sera toutesfois permis aux ministres venir audict circuit visiter les malades, et exercer autres choses nécessaires à leur religion, moyennant qu'on n’y presche ny face assemblée. À Tagliaret, Rua de Bonnet confin de la Tour, sera permis prescher et frire assemblées ès lieux accoustumés, moyennant qu'on n'entre pour ce faire au reste des confins de la Tour. Qu'il ne sera loisible aux susdicts membres des vallées de Lu-

cerne et Sainct-Martin venir au résidu des confins d’icelles , ny au demeurant du domaine de son Altesse,ny passer les limites pour faire prédications , assemblées ou disputes, ayans seulement liberté de ce faire en leurs confins. Et en cas qu'ils fussent interrogés de leur foy, leur sera loisible de respondre, sans encourir peine aucune réalle ny personnelle. Sera permis faire le semblable à ceux de la parroisse de Pérosse, qui à présent sont fugitifs pour cause de ladicte religion, et qui souloyent faire assemblées, prédications et autres ministères selon leur religion au lieu appelé le Puys, moyennant qu'ilsne viennent aux autres licux et confins de ladicte parroisse. Scra permis à ceux de la parroisse de Pinachia de la vallée de Pérosse, et lesquels à présent sont fugitifs pour cause de ladicte religion, et qui souloyent aller ès predications, assemblées et autres ministères d’icellereligion, de faire le semblable seulement au lieu appelé le grand Diblone. Sera permis à ceux de la parroisse Sainct-Germain de la valléc de Pcrosse. et à ceux de Roccapiata, qui de présent sont fugitifs pour ladicte cause de religion, ct en icelle persistent, d’avoir un seul ministre, lequel pourra l’un jour prescher au licu Sainct-Germain dict Ladormilleux, et l'autre jour à Roccapiata au licu appellé Vandmi tant seulement. Sera permis à tous ceux des villes st villages desdictes vallées qui de présent sont fugitifs et persistans en ladicte religion, nonobstant quelconque promesse ou abjuration faicte avant ceste guerre contre leurdicte religion, de eux repatrier et retourner en leurs maisons, avec leurs familles, et vivre selon icelle, allans ct vepans &s presches et assemblées qui par leurs ministres se feront ès licux susspécifics, moyennant qu'ils observent tout le contenu 6y dessus. Et par ce que plusieurs desdictes villes et vil lages habitent hors les limites de la prédication, ayans besoin d’estre visités, ou d'autres choses, selon leurdicte religion , il sera permis à leurs ministres qui habiteront dans les limites, sans préjudice d’iceux, les visiter et aider deuement des ministres qui leurseront nécessaires, moyenpant qu’ils ne facent prédications ny assemblées suspectes. Par grace spéciale sera permis à tous ceux dela vallée de Meaune., et à ceux de Sainct- Barthelemy, voisins de Roccapiata, qui sont fugitifs et persistent en ladicte religion, pouvoir jouir paisiblement des graces et libertés

accordées au prochain précédent chapitre, moyennant qu’ils observent tout ce que les susdicts promettent d'observer. A tous les susdicts fugitifs et persistans en leur religion , tant des terres desdictes vallées, que de Roccapiata, Sainct-Barthélemy, et de Meaune, seront restitués les biens jà confisqués , moyennant que ce ne soit pour autre cause que pour la religion et pour la guerre présente et passée. Sera permis à tous les susditcs pouvoir recouvrer par voye de justice, de leurs voisins, leurs meubles et bestail, mais que ce ne soyent soldats : et ce qui se trouvera avoir esté vendu, leur sera aussi permis de le recouvrer par voye de justice, moyennant qu’on restitue et rende le pris qu'il aura esté vendu, et le semblable sera permis à leurs voisins à l'encontre d’eux. Aux susdicts seront confermées toutes les franchises, immunités et priviléges tant généraux que particuliers, tant concédés des prédécesseurs de son Altesse, comme tous ses autres subjects. Seront tenus les susdicts desdictes vallées faire un roolle des noms et surnoms de tous ceux desdictes vallées qui sont fuitifs pour la religion, tant parjurés que autres, à celle fin qu’il soyent remis et maintenus en leurs biens et familles, et qu'ils puissent jouir des graces et bénéfices que leur prince et seigneur leur faict. Et par ce qu'il est notoire à un chascun que le prince peult faire des forteresses en son pays, ainsi qu'il luy plaist, sans qu'on luy puisse contredire , toutesfois, pour oster tous souspecons de l'esprit des susdicts Vaudois, est déclaré que si d’icy à quelque temps son Altesse vouloit faire un fort au lieu de Villaro, ledict lieu ne sera contrainct faire les frais, sinon en tant que bon leur semblera pour aider amiablement à leur prince.

Lequel fort estant faict ( Dieu aidant ) on y pourvoyra de gouverneur et capitaine, lequel n’attentera autre chose que le service de son Altesse, sans intérest des habitans tant des biens que des consciences. Sera loisible aux susdicts, avant que licentier les ministres qu'il plaira à son Altesse qui soyent licentiés, d’en choisir et faire venir d’autres en lieux d’iceux , moyennant toutesfois qu’ils ne choisissent M. Martin de Pragela; et ne pourront aussi changer de lieu en autre desdictes vallées aucun d’iceux qu’on aura licentiés. En toutes les parroisses desdictes vallées où l'on preschera se feront assemblées et autres ministères d'icelle religion;

l'on célèbrera des messes, et autres offices à lusage de Rome ; mais les susdicts ne seront contraincts y aller ny assister ny prester aide ou faveur à ceux qui célebreront tels offices , et ne sera donné aucun empeschement à ceux à qui il plaira d’y aller par les dessusdicts. Sera remis et donné aux susdicts irrévocablement par son Altesse toutes despenses par luy faictes en ceste guerre; et aussi des huict mille escus que les susdicts des vallées restoyent pour les seize mille qu’ils avoyent promis en la guerre passée; commandera que les contracts soyent annulés et anéantis, qui à ceste cause ont esté faicts. Seront rendus et restitués tous les prisonniers qui se trouveront estre entre les mains des soldats , payant toutesfois rançon raisonnsble selon leurs biens , se remettant au jugement et taille de messieurs de Raconis et de la Trinité. Et seront relaschés sans rançon tous ceux qui par lesdictsseigneurs seront jugés mal prins : faisant pareillement relascher sans aucune rancon tous ceux desdictes vallées qui, à cause de leur religion, et non d’autre , seront détenus ès gallères. Finalement à tous les susdicts des vallées susdictes, et à ceux de Meaune, Roccapiata et Sainct-Barthélemy, de quelqne degré, estat et qualité qu’ils soyent ( mais qu'ils ne soyent ministres ), sera licite et permis de pouvoir converser et habiter en commune conversation avec les autres subjects de son Altesse. Et pourront demeurer , aller et revenir par tous lieux et pays de son Altesse; vendre, achepter et traffiquer en toutes sortes de marchandises , en tous lieux et pays de son Altesse,comme dessus, moyennant qu’ils ne preschent , facent assemblées ou disputes, comme nous avons dict. Et que ceux qui sont des limites n’habitent hors d'icelles, et ceux qui sont aux villes et villages desdictes vallées ne demeurent hors d’icelles, ne de leurs confins. Et que ce faisant ne seront molestés aucunement, et ne seront faschés ny destourbés réallement ny personnellement ; ains demeureront soubs la protection et sauvegarde de son Altesse. Oultre ce,son Altesse envoyera ordonnance, moyennant laquelle sera pourveu à tous empeschemens,inconvéniens et mauvaises conspirations des meschans ; de sorte que les susdicts demeureront paisibles en leur religion.

« Et pour observation de toutes les choses susdictes, George Monastier, scindic d’Angron-

gne,etambassadeur d’icelles vallées; Constantio Dialestini, autrement Rembaldo, scindic de Villaro; Pirrone Arduino, envoyé de la communité de Bobio; Michel Raymondet, envoyé de la communité de Tagliaret et de la Rue de Bonnet confin de la Tour ; Jean Malanotte, envoyé des particuliers de Sainct-Jean ; Pierre Paschal, envoyé de la communité de la vallée Sainct- Martin; Thomas Romain de Sainct-Germain, envoyé de la communité dudict lieu, et de toute la vallée de Pérosse: promettent pour eux et leurs communités respectivement que le contenu des capitulations susdictes sera inviolablement observé ; et, en cas d’inobservance, se

soubsmettent à telle peine qu’il plaira à son

Altesse, promettans pareillement faire approuver et confermer ladicte promesse par les chefs de maisons desdictes communités. L’illustre seigneur monsieur de Raconis promet que son Altesse ratifiera et approuvera les susdictes capitulations aux susdicts en général et particulier, à l’intercession de la sérénissime madame la princesse, et de sa grace spéciale. Et en foy de ce le susdict monsieur de Raconis a confermé les présentes capitulations de sa main propre, et se sont soubssignés les ministres au nom de toutes lesdictes vallées; et ceux qui sçavent escrire au nom de toutes leurs communes. À Cavor, le cinquiesme jour de juin mil cinq cens soixante un.