XVI: siiccs, La PI. et La PI

ges délégués pour le procès des cinq conseillers de parlement mis prisonniers par le comman-

: dement dudit roy Henry, fut reconfermée par

lettres- patentes du roy. En vertu desquelles ils furent contraincts à respondre , et d'autant qu'entre tous Fumée ne plaisoit aucunement au cardinal, et moins encore au mareschal Sainct- André, pour ne leur avoir (comme on disoit autresfois voulu prester sa conscience. Il fut si bien recommandé qu’on l’alla caresser après du Bourg. Les articles du procureur-général estoyent : S'il avoit pas mangé chair aux jours défendus; s’il avoit pas marié une chambrière des a femme avec un presbtre; retiréen sa maison une femme bannie par arrest et pour cause de la religion, et esté aux assemblées des héretiques ; ce qu’il desnia comme faussement controuvé, et se plaignit aigrement d’avoir pour juge le président Sainct-André, son ennemy mortel, accusateur, dénonciateur et sollicitcur, et qui estoit luy-mesme accusé d’infinies meschancetés et faulsetés contenues en ses causes de récusation, lesquelles il offroit prouver.

Jehan Bertrand, cardinal, et peu devant garde des sceaux, pour gratifier au cardinal de Lorraine, et essayer par ce remède de rompre son voyage de Rome, feit toute diligence de juger l’appel interjetté par du Bourg (vivant encores le roy Henry})de la sentence de l’évesque de Paris qui l’avoit déclaré hérétique. Et combiez qu’on luy eust remonstré qu’il ne le pouvoit faire, attendu qu’il avoit présidé aux jugemens précédens, si ne laissa-il de passer oultre et confermer ceste sentence, alléguant pour dé fense que lors qu’il jugeoit et présidoit, c'estoit en qualité de garde des sceaux et chef de la justice de France; mais qu’adonc il le condamnoit comme archevesque de Sens. De laquelle sentence du Bourg appella de rechef, comme d’abus. Or se faisoit-il de merveilleuses menées pour l’opprimer, et entre autres choses, commandement avoit jà esté faict à ses deux frères (qui estoyent en la ville pour solliciter pour luy ) de la vuider dedans trois jours, sur peine de lindignation du roy, et d’estre privés de leurs estats, afin que tout secours humain luy fust osté.

Estant donc du Bourg ainsi ramené de la Bastille en la conciergerie du palais, le premier président et ceux de la grand’chambre voulu-

: rent juger l'appel comme d'abus. Mais il pré-

senta contre eux, et mesme contre le présideni nommé le Maistre, des causes de récusation, contenant blasmes très déshonnestes et dignes de mille gibets , requérant en outre conseil luy estre administré. Le cardinal, adverty de cela, afin de faire promptement juger l'appel, et esvanouir les causes de récusation, mena au parlement le chancelier Olivier, et plusieurs maistres des requestes, choisis à sa dévotion. Du Bourg mandé ne s’estonna de cest appareil, ains persistant remonstra au cardinal qu’il s’esbahissoit comme luy, quiestoit son ennemy mortel, partie accusateur , et principal solliciteur, se rangeoit ainsi au nombre de ses juges. Sur quoy, luy blémissant s’excusa, l'asseurant qu'il estoit son meilleur amy. Toutesfois, puis qu’il avoit telle opinion de luy, il s'en déportoit volontairement. Finalement, ses causes de récusation furent, par arrest prononcé par Olivier, déclarées admissibles, et ordonné qu'il auroit conseil, ce qui luy avoit esté auparavant desnié, de sorte que le cardinal se trouva tout confus. L’advocat Marillac luy fut baillé, lequel meittoute peine de le faire desdire, luy alléguant que sans cela il ne pourroit éviter la mort; ce que n'ayant peu faire, # l’amena à ceste nécessité qu’il le laisseroit plaider sans l’'interrompre, puis il diroit après ce que bon luy sembleroit. Estant donc venus devant les juges, l’advocat remonstra le mérite de la cause, la manière de l'emprisonnement non jamais praticquée, et encore moins la façon de procéder de Bertrand, qui n’avoit eu aucune honte ny vergongne de jouer deux personnages ou trois, en présidant et assistant aux trois jugemens précédents. En quoy non-seulement apparaissoyent les causes d'abus très évidentes, mais aussi la nullité des sentences et arrest, en sorte qu’il falloit nécessairement recommencer tout le procès, casser et annuller toutes ces procédures, veu que nulle formalité de justice n’y avoit esté gardée. Mais au lieu de conclure en son appel, il acquiesca, recourant à la miséricorde du roy et de la cour, confessant sa partie avoir grièvement offensé Dieu et saincte mère Église, irrité le roy, et s’estre monstré inobédient à son évesque , auquel et à la saincte Église romaine il désiroit estre réconcilié. Sur quoy du Bourg qui estoit présent, se voulant opposer, Marillac fit signe aux présidens, désirant luy sauver la vie parce moyen; lesquels, au lieu de luy donner au-

dience , et savoir s’il avouoit son advocat, le renvoyèrent incontinent en sa prison. Mais pendant qu'ils avisoyent de députer deux d’entr’eux pour faire entendre sa conversion au roy, et luy demander sa grace, voici arriver un bulletin escrit et signé de du Bourg, par lequel il désavouoit les conclusions de son advocat, persistant en ses causes d’appel, et en sa confession de foy faicte devant le roy, laquelle il estoit prest de confermer par Peffusion de son sang en la mort, comme estant, disoit-il, fondée sur la pure parolle de Dieu, lequel il supplioit très humblement luy pardonner, tant de n’avoir interrompu son advocat, comme aussi d’avoir esté induit par la fcintise d’aucuns à vouloir interpréter et coulourer ceste sienne confession de foy , sur quoy ils avoyent arraché quelque chose de ses mains; mais qu'après avoir pensé à la vérité, il trouvoit avoir csté grandement séduit, ce qui le faisoit revenir et demeurer ferme en ses premiers propos. Cela veu par la cour, ils en advertirent le roy, qui leur manda de le juger incontinent. Par ainsi y eut arrest de bien jugé et mal appellé. Son recours fut à l'appel devant le primat de Lyon. De là s’ensuyvirent des bruicts que du Bourg s’estoit desdit, qui resjouissoyent les uns et faschoyent les autres. Mais ceci venu à ses aureilles, il s’en excusa grandement par uneépistre qu’il addressoit à ses frères et membres de l’Église de Paris, leur rendant raison de son faict, et les priant de pe s’en scandaliser, car il espéroit, Dieu aidant, de demeurer ferme jusques à la fin. Et quant à ce qu’il recouroit ainsi aux jugemens des supposts du pape, il disoit que ce n’estoit aucunement pour approuver leur Église, ny aussi pour prolonger sa vie par subterfuges ; mais pour avoir par ce moyen d'autant plus d'opportunité de faire cognoistre sa religion, et profiter en plusieurs lieux autant qu’il pourroit, et à fin d’oster toute occasion de penser qu’il se précipitast, et qu'il fust cause de sa mort devant le temps, s’il oublioit quelque chose qui peust servir à sa justification. Car quant à luy il se sentoit si bien fortifié par la grace de Dieu, que l'heure de sa mort luy estoit chose souhaitable, laquelle il attendoit avec toute joye. Cependant il s’escouloit beaucoup de temps, qui causoit au cardinal et aux ennemis de du Bourg un fort grand ennuy et despit, car ils n’avoyent rien plus recommandé.

Voylà l'estat auquel estoyent réduits ceux de

la religion, par ceste poursuite violente, accompäignée d’infinies captures qu’on faisoit par tous les endroicts du royaume; de sorte que leur condition estoit empirée par la mort de Henry, plustost qu'amendée. Leur recours fut

premièrement de prier Dieu, eten second lieu d'envoyer devers le prince de Condé la dame de Roye sabelle-mère et ladmiral, non ennemis de la religion, et qui estoyent lors à la cour, à Villiers-Coste-Rets, pour les supplicr d'avoir pitié d'eux, prendre leur cause en main, et tant faire envers la roine mère, qu'ils fissent ouys en leurs justifications, en quoy ils avoyent espérance, parce qu'elle leur avoit fait auparavant quelque démonstration de bonne volonté, et promis, vivant Henry, la faire cognoistre si elle en avoit le moyen. Ces personnages, combien qu’ils n’eussent lors grande authorité, promirent toutesfois de s’employer selon leur pouvoir, pour tant faire qu'ils fussentouys. Toutesfois leur advis estoit qu’ils escrivissent à ladicte dame, ce qui fut faict. La

lettre portoit que : « vivant le feu roy Henry,

et de long temps, ils avoyent beaucoup espéré

de sa douceur et bénignité, en sorte qu'oultre

les prières qui se faisoyent ordinairement pour la prospérité du roy, ils prioyent Dieu particulièrement qu’il luy pleust la fortifier tellement en son esprit, qu'elle peust servir d’une seconde Esther. Mais que présentement, puis qu’elle estoit mère du roy, qui luy remettoit du tout ses affaires, ils avoyent conceu meilleure espérance, et s’addressoyent à elle, pour la supplier très humblement les faire jouir des fruicts de leur attente, et ne pérmettre ce nouveau règne estre souillé du sang innocent, lequel avoit tant crié devant Dieu, qu’on s’estoit bien peu appercevoir son ire avoir esté embrasée; pour laquelle esteindre il n’y avoit autre moyen que de donner relasche aux pauvres afiligés, ‘et les escouter en leurs justifications. En quoy faisant, Dieu prendroit le soin de ses enfans et d’elle, et augmenteroit leurerègne en toute prospérité. » Ceste dame, qui d’un costé se voyoit le chemin ouvert pour establir son authorité de plus en plus, tant pour ce qu’on s’addressoit à elle, que pour le moyen qu’on luy donnoit de savoir tous les secrets de ceux de la religion, fust pour les ruiner par eux-mesmes, ou pour les

avoir à sa dévotion en un besoing, usa d’une merveilleuse ruse en cest endroïct. Car, feignant en premier lieu, comme elle a toujours faict, qu’elle estoit irritée de ce que la mort de son feu seigneur et mary luy estoit ramentue de telle facon : « Hélas! dict-elle, de quoy estce qu'on me menace? Car comment pourroit Dicu me faire pis qu’il a fait, m’ayant osté ce ce que je prisois et aimois le plus. » Toutesfois peu après, comme aucunement rappaisér, elle leur donna plus gracicuse response, promettant au prince, à la belle-mère d’iceluy et à l'admiral de faire cesser la persécution, pourveu qu’on ne s’assemblast, et que chascun vescust secrètement et sans scandale. Ce qui l’esmeut à cela, ce furent certaines lettres et remonstrances à elle envoyées le 26 d’aoust par un gentil-homme qui avoit servi la feue roine de Navarre, qui se souscrivit Villemadon, auquel ladicte dame avoit autresfois privément conferé de ces affaires, et mesmes des poincts de la religion. En ces lettres il lui ramentevoit comme, du temps de sa stérilité, il n’avoit tenu à ceux-là mesme desquels maintenant elle s’asseuroit, qu’elle ne fust répudiée; et que lors elle avoit eu son recours à Dieu, lisant et goustant sa parolle et chantant avec grand plaisir les psaumes traduits en rime françoisc, entre lesquels elle avoit choisi comme pour soy le 141, encores qu'il ne fust de la traduction de Marot, commencant ainsi :

Vers l'Eternel, des oppressés le père, Je m'en iray, luy monstrant limpropère Que l'on me fait ; et luy feray prière

A haute voix, qu'il ne jette en arrière Mes piteux cris, caf en luy scul j'espère.

Environ lequel temps, Dieu luy avoit donné son fils aisné que plusieurs autres enfans avoyent suivi. Il vouloit aussi qu’il luy souvinst comme le cardinal avoit mis en usage, au lieu des psaumes, certains vers lascifs et impudiques d’Horace et autres poètes infames, depuis lequel changement tant de malheurs luy estoyentadvenuslesuns sur les autres, et l’exhortoit finalement, si elle ne vouloit tomber du tout en ruine avec l’estat du royaume, à se desfaire de tels monstres d'hommes etn’endurer que ceux qui n’estoyent de la maison, et n’avoyent aucune part en l'héritage oecupassent par dol et violence la puissance du roy et d’elle,

et que, soubs ombre du nom et d'elle, ilssaccageassent et meurtrissent les enfans et légitimes peuples du royaume, reculantet mettant soubs les pieds les princes du sang; mais qu’au contraire elle fist que tout allast selon l’eslection de Dieu, et que les princes du sang qui estoyent leurs meilleurs et plus fidèles serviteurs luy fussent en honneur; finalement qu’elle advisast de conduire ses enfans en la voye du bon roy

leurs bienfaits ; voire et d'autant plus que ces gouverneurs et leurs favoris avoyent telles lettres de déclaration qu'ils vouloyent.

Jay dit cy-devant comme le connestable, sentant approcher la mort de Henry, avoit envoyé au roy de Navarre, pour incontinent

s’acheminer à la cour, à fin de se saisir de

bonne heure du gouvernement du royaume,

‘avant que ceux de Guyse s’en fussent du tout

Josias. Voylà, dis-je, la lettre de Villemadon

qui esmeut grandement la roine mère à penser à ses affaires, conjecturant que les princes du sang n’estoyent ainsi mis en avant, qu'ils ne fissent jouer ce jeu aux autres, ce qui pourroit rendre la partie forte où elle ne gagneroit rien, si elle tenoit trop roide d’un costé. Et pourtant,

délibérant soubs main d’entretenir en quelque

opinion de soy, tant les princes que ceux de la religion, et s’addressant pour cest effect à madame de Montpensier qu’elle savoit estre aucunement de leur party, et qui estoit au reste de ses plus privées amies, elle fit semblant de se plaindre de ce gouvernement qu’elle appeloit tyrannique, comme estant transportéaux estrangers, se plaignant du reculement du connestable, et du mespris auquel elle se voyoit ; promit avec le temps toute faveur à ces pauvres gens; brief, elle fit en sorte qu’ils la pensoyent tenir à leur dévotion, dont nous verrons les

contraires effects cv-après. Je viens mainte-

nant aux autres affaires de l’estat.

Ceux de Guyse, non contens encore de se voir si haut eslevés, s'ils n’avoyent du tout terrassé ceux qui leur pouvoyent faire teste, s’advisèrent, pour y parvenir, d’un moyen qui

emparés. Mais ce prince, peu désireux d’honneurs et de maniemens d’affaires, n’en fut autrement esmeu. Il se souvenoit aussi que le connestable avoit eu fort peu d’esgard à luy au traicté de la paix dernière, et pourtant n’osoit encore se fier en luy, et craignoit que ce message fust plustost pour sonder son intention, que pour bien qu’il luy voulust. Par quoy il ne se hasta aucunement, et donna loisir aux

autres de s’insinuer en sonlieu. Mais se sentant

continuellement resveillé par son frère le prince de Condé, celuy de la Roche-sur-Yon ct autres grands seigneurs, il y entendit de plus près, joinct qu’on remonstroit la conséquence qui s’en pourroit ensuivre à eux et leur postérité, oultre le mauvais exemple qu’il laisseroit pour l’advenir, et le reproche qu'il auroit à jamais d’avoir laissé le gouvernement du royaume aux estrangers, l’avarice et ambition desquels estoyent tellement cogneues qu'ils ne se contenteroyent de telle authorité au royaume,

puisque le ciel et la terre n’estoyent suffisans

à les saouler. À quoy on adjoustoit que ce re-

muement de toutes choses et principalement

pourroit mesme les faire trouver fort songneux du public, et par conséquent rendre leur gou-

vernement agréable au commun, faisant lettres

de révocation de toutes aliénations faictes tant à :

vie qu'à temps, fust pour récompense de ser-

vices ou autrement, excepté les venditions dont

les deniers avoyent esté employés aux grandes et urgentes affaires du roy, sans aucun desguisement, et l’appanage et usufruict des duchesses de Savoye et de Ferrare, filles de France, et la dot de la feue royne Léonor, duquel jouissoit Marie, infante de Portugal. Le reste réuni au domaine et receptes ordinaires dudict sieur ; chose qui despleut grandement à

——__— nn sn + +

des gouverneurs des provinces et villes de frontière, considérée l’indisposition du roy, et qu'ils manioyent les finances à leur gré, rangeoyent la justice à leur dévotion, et commandoyent seuls aux forces, présageoit quelque plus triste changement.

Ayant donc communiqué ceste affaire à ceux de son conseil (les principaux desquels estoyent Jarnac; l’évesque de Mende, bastard du feu chancelier du Prat, maistre des requestes de la maison du roy,et chef dudit conseil; d'Escars, son chambellan, principal favori, et auquel il déceloit tous ses affaires et secrets, comme aussi ce d’Escars faisoit les messages d’amy ; et Bou-

Chart, aussi maistre des requestes du roy et

beaucoup de princes, grands seigneurs et per- |

sonnes notables qui se voyoyent frustrés de

chancelier dudit sieur) , eux voyant une chose de laquelle il ne leur pouvoit que bien advenir

. si elle sortoit son effect (comme on les asseu-

roit, s'ils se hastoyent avant que les autres eus- : chovent que nouvelle occasion de luy courir

sent loisir de prendre pied ct terre ferme au maniement des affaires), luy donnèrent conseil de s'acheminer à la cour le plus diligemment qu’il seroit possible, et d'amener le plus grand nombre de gentilshommes qu’il pourroit, à fin que s’il y avoit quelque résistance , comme elle cstoit à craindre du costé du duc de Guyse,homme de cueur et hazardeux, ils se pussent aider de ses Gascons attendant que plus grand renfort Juy vinst, s’il en estoit besoin. Mais la chose ne fut plustost conclue que ceux de Guyse n’en fussent advertis par d'Escars, qui vouloit avoir deux cordes en son arc, et avoit tousjours faict mestier et marchandise du secret de son maistre. Cela les fit estonner du commencement, et se tenir sur leurs gardes, faisant faire un édict avee plus estroites défenses que jamais de porter armes et pistoles sur peine de la vie. Et au lieu qu'ils s’estoyent rendus difficiles et de nul accès , quand ils virent qu'ils avoyent affaire d'hommes, ils commencèrent à caresser et appeller les gens de service, et à leur promettre de grands biens pour tenir leur party. Ils ne faillirent aussi d'envoyer secrètement vers d’Escars et Mende,pour les prier dedestourner leur maistre de son entreprise. Pour ce faire, l’un avoit promesse d’estre conseiller au privé conseil , et d'entrer aux affaires, et l’autre d’estre chevalier de l'Ordre avec cinquante hommes d'armes, oultre plusieurs autres grands biens qui leur estoyent promis; lesquels estats ils pourroyent accepter (disoyent ceux de Guyse) sans que leur maistre s’en doutast: d'autant que c’estoit la coustume en France d'avancer près des rois les favoris des princes, et que ledit seigneur leur maistre penseroit par ce moyen estre grandement gratifié de voir en honneur ses deux spéciaux serviteurs.

D'Escars donc et Mende, qui estoyent rangés à ces promesses, venans à la cour avec leur maistre, lequel avoit à sa suite nombre de gentilshommes d’eslite, petit à petit commencèrent à mettre de l’eau en son vin, et sans le sceu de Jarnac, luy meirent en avant qu'il se falloit meurement et sagement conduire en une afaire de si grande conséquence ; et cc d’autant plus que les faits de feu monsieur de Bourbon luy . estoyent et devoyent estre comme un clair miroir. Davantage , ils luy ramentevoyent qu'il avoit à perdre, et que ses ennemis ne cher-

sus ; comme en semblable le roy d'Espagne l’espioit de si près, que s’il luy advenoit de rien entreprendre par force ( surtout estant entremeslé le fait de la religion ), il se pouvoit asseurer d’estre aisément destruit sans espérance de ressource à luy ny aux siens, lesquels avoyent les reins trop foibles pour entreprendre telle chose. À ceste occasion doncques, leur advis estoit que plustost il taschast d’avoir par douceur la faveur qu’il pourroit que de rien hazarder par trop haut entreprendre; et qu’il devoit estre tellement clos et fermé en cela que cependant nul ne sceust sa conception , cntretenant ceux de la religion en telle espérance que quelquesfois illeur aidast et parlast pour eux, en ce qui ne luy pourroit porter nuisance, leur baillant entre deux vertes une meure, afin que s’il estoit pressé il sc peust prévaloir de leur secours, si on le recherchoit de trop près; mais qu’il falloit surtout qu’il gardast de se laisser aller à quelque autre remonstrance, tant bien coulourée fust-elle, et quoy qu'on luy sceust amener au contraire. « Car, disoyent-ils, sire, c'est la manière de faire de ceux qui se trouvent offensés, de chercher par tous moyens la vengeance, et se munir de grandes et hautes remonstrances persuasives et pleines d’affections pour parvenir à leurs desseings. Tout ainsi que ceux qui veulent esbranler et mettre bas un rocher font provision et préparent toutes les machines nécessaires. » Voylàa comme ce prince, autrement peu eschauffé, fut entiè ”ment refroidy. Estant donc arrivé à Poitiers, il monstroitavoirle meilleur courage du monde, qui fit que beaucoup de grands seigneurs et princes luy allèrent au-devant, et entre autres le prince de la Roche-sur-Yon.

Les ministres aussi des principales villes du royaume, et spécialement de Paris, Orléans et Tours le vindrent trouver , lesquels il receust bénignement, et entendit leurs remonstrances tant en général qu’en particulier. Le sommaire d’icelles estoit que Dieu ne l’avoit pas seulement délivré de la main de ses ennemis pour son bien et profit particulier, mais aussi l'avoit miraculcusement conservé par sa providence pour maintenir et défendre la vraye et pure religion, accablée par les ennemis de vérité; et pour establir en France le vray et pur service de Dieu, à quoy il devoit entendre, puisque de droict il

avoit esté appelléau gouvernement du royaume | que s’il vouloit avoir Dieu propice et favorable,

pendant la minorité du roy. À ceste occasion, | il ne falloit marchander avec luy; et qu'ilavoit ; et puisqu'il apparoissoit manifestement que | assez cogneu son assistance, sans en douter pour * Dieu l’avoit choisi et esleu pour réparer les rui- | plus longuement temporiser. nes de son Église, ils n’avoyent peu moins faire Estant approché de la cour, il envoya son pour le devoir de leurs charges, que d'aller de- | mareschal des logis et fourriers à Sainct-Ger- : vers Sa Majesté luy remonstrer ce grand et | main-en-Laye préparer ses logis, qui se mons-‘

inestimable bénéfice de Dieu, afin qu’en vraye ” recognoissance d’iceluy, il quittast entièrement l'idolatrie et faux service qui régnoit encore en sa maison; et qu’au lieu d’iceluy il establist la vraye religion et piété, laquelle il ne devoit plus tenir cachée puisque Dieu luy avoit baillé si bon et asseuré tesmoignage de son assistance ; comme aussi il se devoit entièrement reposer sur la providence d’iceluy, pour n’estre abandonné de luy en si saincte entreprise. Ils di- .syent davantage que tous les fidèles chrestiens de France qui avoyent embrassé la réformation de l'Évangile avoyent les yeux fichés sur luy, et s’attendoyent par son moyen d'obtenir quelques bonnes trèves et relasche de l'oppression continuelle par eux soufferte depuis quarante ans; et qu’au lieu que toute défense et audience leur avoit esté jusques alors desniée, il les feroit ouyr en leurs justifications. Par quoy ils le supplioyent ne les frustrer d’une si bonne et saincte espérance, ains les faire jouir du fruit d’icelle; autrement , il se pouvoit asseurer d’encourir lire de Dieu, lequel ne l'en laisserait longuement impuni. Car tout ainsi qu'il l'avoit préservé miraculeusement pour l’employer à une si excellente charge, aussi le sauroit-il bien trouver pour le mettre en exemple de son juste jugement , s’il mesprisoit et desdaignoit un si grand bien.

Il donna sur cela bonne espérance, les asseurant qu'il n’alloit à la cour pour autre chose que pour pourvoir au faict dela religion et cstablir le pur service de Dieu; car autrement il estoit si peu curieux d'honneurs et convoiteux de maniemens d’affaires, que le séjour en son païs, et la simpleconduicte de sessubjects luy estoit plus délectable. Bref, illes asseuroit de leur faire obtenir ce qu'ils demandoyent , et y employer tout son crédit et faveur sans rien desguiser. Ques’iln’abandonnoit sitost la messe, il prioit d’estre supporté, pour ce qu’en ce faisant il n’auroit plus moyen de rien faire pour eux, comme desjà il estoit beaucoup soupconné et scandalisé par ses ennemis. Ils répliquèrent

trèrent assez fascheux , d'autant qu’on ne leur bailloit chambres au chasteau selon la grandeur de leur maistre, et au village encores moins de quartier pour sa suite. Mais pour ce (comme dict a esté) que ceux de Guyse se tenoyent asseurés qu'il n’entreprendroit rien de nouveau, ils tindrent peu de compte des remonstrances de son mareschal, ains le renvoyèrent avec paroles hautaines, voire jusques à estre dict par le due de Guyse qu’il luy cousteroit la vie et de dix mille hommes avec , avant qu’on luy ostast le lieu et le logis que le roy luy avoit baillé près sa personne. Et ainsi ne craignirent ceux de Guyse de faire cognoistre leur authorité avec le mespris du Navarrois, en sorte que ses gens furent contraincts de retourner au-devantdeluy sans avoir logis; ce qu'ayant entendu, il fit démonstration de quelque mescontentement, mais pour cela il n’en fut autre chose.

Les roys de France ont ceste coustume en leur grandeur , que voulant caresser quelques princes ou seigneurs leurs favoris, sachant l'heure qu'ils doivent arriver, ils leur vont audevant par courtoisie, fergnant aller à la chasse . et les rencontrer d’adventure, ce qui est estimé pour l’un des plus grands honneurs et faveurs; car, à la veue de tous, le roy retournant les entretient de propos amiables. Les dames font aussi le plus souvent le pareil. Mais rien de tout ceci ne fut faict au roy de Navarre, quelque espérance qu’on luy en eust donnée. Ains le roy fut mené par le duc de Guyse à la chasse par chemins tout contraires. Et ainsi, le Navarrois arriva au chasteau sans que nul luy fust audevant de tous les courtisans, où il trouva son logis tant peu préparé que ses coffres estoyent en pleine cour, sans qu'on sceust où les ranger hors du chemin des passans.

Descendu de cheval, il alla droit en la cham bre de la roine mère, où estoit le cardinal de Lorraine, lequel ne s’esmeut ni avanca d’un seul pas pour luy aller au-devant. Au contraire, il souffrit qu'ille vinst chercher et caresser, après avoir fait la révérence à ladicte dame : encores

le receut-il assez estrangement, de quoy plusieurs s’esmervcilloyent,d’autant qu’ils n’attendoyent rien moins que ce prince se voulust ainsi abaisser, mesme au temps qu’il sembloit devoir commander à tous. Il eut le mesme recueil à la venue du roy. Car luy ayant esté audevant jusques à l’entrée du chasteau, et fait la révérence, ceux de Guysetindrent sibonnemine, que nul ne s’advanca ; mais ce fut à luy de les aller embrasser, ce qu’estant remarqué, chaun en parloit diversement ; et surtout, cela despleut aux gentilshommes de sa suite, cuidans que ce fust faute de cueur, à occasion de quoy la pluspart se retira à Paris : car aussi n’avoyent-ils point de logis à la cour. Les autres estimèrent cecy avoir esté fait par le roy de Navarre selon la coustume des courtisans , qui reculent pour mieux sauter, et rient coustumièrement à ceux qu’ils voudroyent avoir baisé morts; et que c’estoit pour mieux pourvoir à ses affaires, et les conduire doucement et par grande prudence. Et pour ce que ses gens luy allèrent ramentevoir qu’il n’y avoit point encores de chembre au chasteau pour luy, ct qu’on pe sayoit où retirer ses hardes, le mareschal Sainct-André, là présent, luy offrit la sienne; œæ qu’il accepta contre l'espérance de l’autre. Le lendemain, il s’attendoit qu’on l’envoyeroit quérir pour se trouver au conseil des affaires; néantmoins, il en fut deceu, et encore moins envoya l’on voir qu’il faisoit. Par quoy Jarnac et autres seigneurs des siens prindrent de Ja occasion de l’esguillonner, d’autant qu’on Jay bailloit matière de se plaindre en toutes sortes ; mais il les remettoit de jour à autre, les paissant d'espérance. Et encor qu’ils luy remonstrassent qu’à l’enfourner se font les pains cornus, que ses adversaires se fortifioyent ct s’enorgueillissoyent de sa longueur, que son authorité en diminuoit envers tous les estrangers qui voyoyent telles indignités, et qu’autrement il luy eust esté meilleur de demeurer en ses pays, où estant loin on l'eust toujours redouté, il advouoit bien toutes ces choses, leur promettant faire merveilles ; mais ils n’avoyent les talons plustost tournés, que l’autre conseil ne Parrestast tout court, en sorte que venant devant ceux de Guyse, il leur faisoit d'autant plus de caresses et courtoisies qu’ils se monstroyent rudes et difficiles en son endroict.

Finalement, au bout de trois ou quatre jcurs,

. le roy le retira à part et luy tint les mesmes ou

semblables propos qu’au connestable, pour le regard du maniement de ses affaires, lesquelles il avoit entièrement remises en ses oncles le cardinal et duc de Guyse, son frère ; en sorte que qui luy voudroit complaire, il falloit leur obéir en tout et partout, comme à luy-mesmes. Et quant à luy, il entendoit qu’il eust les mesmes pensions et estats qu’il avoit du vivant du feu roy son père, le priant de s’y porter, comme il avoit tousjours fait, et que quand il viendroit à la cour, il seroit tousjours le bien venu.

Le roy de Navarre ne luy fit autre response, sinon qu’il seroit bien aise de voir ses affaires tousjours conduictes par bon conseil, le remerciant de la bonne volonté qu’il luy portoit ; aussi n’avoit-il en son royaume un plus affectionné et fidèle parent que luy, et qu’il feroit tousjours cognoistre par effectle désir qu’il avoit de luy faire service. Ayant déclaré ces propos aux gentils-hommes qui les suivoyent, chascun jugea qu'il n’entreprendroit rien, puis qu’il avoit laissé escouler tant de belles occasions. Par quoy voyant le mauvais visage qu'on faisoit aux uns et les menaces faictes aux autres, plusieurs grands seigneurs se retirèrent ; entre lesquels Jarnac, homme fort advisé, estant du nombre des menacés, trouva moyen de se racointer avec ceux de Guyse, qui ne s'y monstrèrent difficiles, en sorte qu’abandonnant cc premier party, il servit à l'autre. Ce qui fut trouvé estrange, attendu qu'il estoit retenu et advoué pour parent de-la maison de Vendosme; mais il s’excusoit sur ce qu'il n’estoit asseuré d’estre maintenu par le Navarrois, qui, se voyant de jour à autre mesprisé de ses adversaires, et abandonné des siens, faisoit tout ce qu’il pouvoit pour les retenir et contenter, alléguant que ce n’estoit faulte de bonne volonté, mais que la cour luy estoit contraire, et qu’il n'avoit trouvé aucun qui voulust prendre son party, par quoy ilattendoit la venue du connestable et de l’amiral. Mais quand ces seigneurs eurent entendu comme il s’estoit porté mollement aux moindres choses, craignant qu’il feist lemesme aux plus grandes et principales, ils ne s'avancèrent d’aller à la cour.

Ayant donc séjourné quelques jours, il print congé du roy pour aller à Sainct-Denis faire le dueil du feu roy, selon leur'coustume. Le-

quel accompli par quelques jours en grande solennité, appareil et despense superflue, il print la roupte de Paris, là où, accompagné de son frère, le prince de Condé, et de peu de gens, il alloit secrètement par les maisons sonder la volonté, et prendre l’advis de ceux des présidents et conseillers qu’il cognoissoit ses plus affectionnés, pour savoir comme il se devoit conduire, tant à demander le lieu qui luy appartenoit en la cour, qu’à faire assembler les estats, selonl’ancienne coustume. Mais il trouva les uns froids et mal disposés, les autres du tout contraires , et les autres pleins d'excuses, sur la crainte qu’ils avoyent de la violence de ceux de Guyse ; si que le peu de chaleur qui luy estoit resté fut incontinent esteint, en sorte qu'il se proposa de tout. laisser. Toutesfois il ne peult manier ses affaires si secrètement que ceux deGuyse n’en fussent advertis, ensemble de ceste dernière résolution, dont leur orgueil s’enfla davantage, espérant, ce coup rompu, que tout leur iroit à souhait, puisque ce prince n’avoit peu rien obtenir de ce parlement, lequel ils avoyent tant gourmandé qu’ils doubtoyent de sa bonne volonté, et craignoyert qu’il ne cherchast occasion de revanche; partant, afin que leur authorité fust du tout confermée, selon leur advis, et que rien ne défaillist pour ceste affaire, ils arrestèrent incontinent de sacrer le roy, d'autant qu’asseurant son estat en la présence de tous, jusques au premier prince du sang, qu’ils avoyent ainsi aisément dompté, c’estoit asseurer leur authorité. Le sacre donc fut faict avec toutes les anciennes cérémonies, par le cardinal de Lorraine, archevesque de Reims, en la présence du roy de Navarre, et de tous autres desquels on se servoit comme de personnages à jouer une farce ; mais c’estoit à bon escient qu'on se jouoit du connestable, à l’endroict duquel la roine mère fut si impudente, qu'elle se servit mesme de deux de ses nepveux, à scavoir du cardinal de Chastillon et de l’admiral, pour luy persuader de résigner son estat de grand-maistre au duc de Guyse, auquel toutesfois l’année précédente le roy Henry l’avoit rudement refusé, quand après les nopces du roy, lors dauphin, avec sa niepce, roine d’Escosse, il avoit bien esté si oultrecuidé de demander cet estat, sous ombre qu’en ces nopces il avoit servi de . “and-maistre, estant le connestable et grand-

maistre lors prisonnier entre les mains du roy d'Espagne, demande à la vérité par trop indigne et pleine d’impudence. Mais à ce coup il trouva qu’il feit ce message pour luy; pour ce, disoit la roine, que cest estat est aussi bien inutile au connestable, et que ce sera un moyen de faire ces seigneurs bons amis, joinct qu'on baillera pour récompense à son fils aisné un estat de mareschal de France ; qui fut l’amorce

qui feit recevoir ceste commission aux deux des

susdicts. Le connestable, qui savoit devant tous ces jeunes courtisans ce que cela valoit, trouva ceste procédure mauvaise au commencement ; mais finalement, se laissant aller à ceste eschange auquel sa maison ne perdoit rien, résigna bien l’estat de grand-maistre entre les mains du roy, mais purement et simplement, et non en faveur dudict de Guyse, déclarant assez qu’il ne cédoit en rien à son adversaire, ains qu’il obéissoit à son roy avec récompense très honorable, se monstrant trop plus généreux en peu, qu'un plus grand que luy n’avoit faict en beaucoup. Et sceut d’abondant si bien pourvcoir à ses affaires que, sans se fier à une expectative de cour, son fils aisné tout ensem- : ble fut pourveu d’estat de mareschal, extraordinairement establi, avec suppression du premier estat de mareschal qui vaqueroit.

L’admiral , nepveu dudit connestable, allant au sacre du roy, qu’il trouva à Nanteuil, maison aussi loyalement appartenant au duc de Guyse que plusieurs autres, avoit cuidé estre surpris par une estrange ruse d'iceluy deGuyse, lequel, pour le remettre en mauvais mesnage avec le prince de Condé, qui avoit espousé sa niepce Léonor de Roye, la perle des princesses de nostre temps, luy feit entendre, comme s'il n’eust encore oublié leur ancienne amitié, que le prince avoit pourchassé de le despouiller du gouvernement de Picardie; ce que n’ayant creu l’admiral, et mesmes depuis ayant cogneu estre faux, parce que le prince mesme luy en dit, il délibéra de se défaire de ce gouvernement, prévoyant que ledit de Guyse prétendoit, n’ayant peu parvenir à son premier desseing, à luy faire recevoir une honte, ne luy faisant fournir ce qui estoit requis pour les fortifications de la frontière de Picardie; afin que le roy visitant ses places, en prinst occasion de l'en démettre avec quelque note de déshonneur.Voylà pourquoy, voulant aussi gratifier le prince de Condé,

sit-il, que son autre charge d’admiral estoit plus que suffisante pour l’occuper; luy remonstrant aussi combien ce gouvernement seroit bien séant au prince de Condé, comme originaire du pays, de si long temps gouverné par ses prédécesseurs. Cela fut trouvé bien fort estrange, attendu que les autres courtisans tout au contraire, avoyent accoustumé de demander estat sur estat. Et de fait la roine mère hay portoit affection, pour le cognoistre homme rond, pour s’en servir sans craindre aucunement qu'il entreprinst rien par ambition, dont elle le cognoissoit estredu tout vuide, joinct que elle estoit contente aussi d’avoir tousjours deux cordes en son arc, et de tenir bridée l’authorité qu'elle donnoit à ceux de Guyse. Il fut donc à L fin prins au mot quant à la résignation de son estat, mais non quant à en pourveoir le prince, quelque poursuite que luy-mesme en fist ; car le mareschal de Brissac enfut achepté par ceux de Guyse, au soustenement desquels dès ceste heure-là il se dédia.

Ce qui pressoit le plus de ceux de Guyse estoit que, nonobstant leurs menaces d’un costé, et leurs praticques de l’autre, ils ne pouvoyent empescher qu’on ne commencast à murmurer contre eux tout ouvertement, tesmoing un escript en rime, qui fut semé entre autres contre Charles de Lorraine, cardinal, et que j'ai bien voulu insérer mot à mot, d'autant qu'il m'a semblé assez Dien basti.

Any, ne trouve pas estrange, Si en allant au pont au Change, Pour escus, ducas et salus, On te paye d’un Carolus.

Car l'on peut voir l'heur de ce règne Où si bonne police règne,

Que tel qu'on estimoit le plus,

Est subject à un Carolus.

On voit mathématiciens,

Les plus doctes musiciens, Alénestriers et sonneurs «ic lutlis, Se donner à un Carolus.

D'honneurs fes plus ambitieux , Ou de biens avaricieux Les plus avides et goulus, Sont gorgés par un Carolus.

XVI" sikcze, La PI. et La Pi.

duquel il estoit si proche allié, il résolut de s’en : déffaire. Ce qu'ayant faict entendre au roy, et : pareillement à la roine sa mère, d'autant, di- |

Ceux qui ont ès règnes passés, Force grands Lhrésors amassés, Afin que l'on n'en gronde plus, Les laissent à un Carolus.

Tel, au rang des plus grands scigueurs, Départoit faveurs et honneurs,

Qui est en sa maison rcclus,

Pour n'avoir pas un Carolus.

Le riche à force de ducas, Ne fera pas si bien son cas Que feront les plus trupelus, S'ils ont pour cux un Carolus.

L'estranger ou le domestique, Fugitif pour quelque pratique, Recouvre honneurs ct bicns tollus, S'il peut chevir d’un Carolus.

Si vous voulez, sans oiseleurs,

Des oyscaux de loutes couleurs Prendre bien mieux qu'avec la glus, ll ne vous faut qu'un Carolus.

Les inventeurs de tous malheurs, Les larrons et plus grands voleurs, Et les gens les plus dissolus,

Sont maintenus d'un Carolus.

Ne pensez pas aller en cour,

Pour faire aux grands seigneurs la Cou :

Car de faveurs serez exclus

Si vous n'avez un Carolus.

Pour au roy demander office, Quelque estat, ou bien bénéfice,

1! n’y a rien qui serve plus

Qu'avoir en main un Carolus.

Tous contrats, accords ct traictlés, Quelques sermens qu’on ait prestés, Sont facilement résolus,

Ayant en main le Carolus.

La loy, le droict et l'ordonnance

De Dieu, u’ont lieu en notre France :

Car mesme les arrests conclus, Sont rescindés d’un Carolus.

Bref, amy, pour le faire court,

Je L'asseure qu’au temps qui court, Trois as ne font point tant au flus, Que fait en France un Carolus.

Tels escripts firent penser à la roine mère et à ceux de Guyse qu’il falloit s’acquérir des faveurs partout, qui fut cause que tout d’une volée on fit dix-huict chevaliers de l'Ordre, et la pluspart d'apparence, si on fait comparaison d’iceux avec la canaille qui y a depuis esté receue indifféremment ; et toutesfois dès lors com-

menca ce dicton : Que le collier de l’ordre (jadis tesmoignage de chevalerie bien esprouvée et sans reproche ) estoit devenu un collier à toutes bestes: se riant la Florentine de tout le respect de l’ancienne noblesse françoise, qu'elle deffaisoit par elle-mesme. Mais ce qui les tourmentoit Le plus, c’estoit ce nom des trois estats, la vraye bride de la tyrannie, desquels estats il se parloit fort. Pour y remédier de bonneheure, ils donnoyent à entendre au roy que quiconque parloit de convoquer les estats estoit son ennemy mortel, et coulpable de lèse-majesté. Car, donnant ceste ouverture, son peuple voudroit bailler la loy à celuy duquel ils la doyvent prendre, et seroit son conseil tellement changé que on le tiendroit à jamais comme sous la verge, tellement qu’il ne luy resteroit rien d'un roy, sinon le tiltre seulement. Bref, que cela seroit faire injure à sa prudence de luy vouloir bailler tuteurs et curateurs, veu qu'il avoit desjà assez d’aage et d'expérience pour gouverner et soy et son peuple, et cognoistre si ceux de son conseil se norterovent bien et droictement. Partant, il ne le devoit aucunement souffrir, non plus que les praticques et menées que les princes faisoyent pour advancer ceste affaire; en quoy ils estoyent soustenus et sollicités des hérétiques, pour l'espérance qu’ils changeroyent la religion de l'Église romaine et de ses Pères, à la mode des nouveaux chrestiens, mais s’il les vouloit croire qu’ils avoyent bien le moyen de chastier leur témérité. Quant à la roine, elle estoiten mesme ou plus grande peine, présupposant que, si les loix du royaume avoyent lieu, elle seroit réduite à telle raison que d’avoir sim- . plement la garde des personnes de ses enfans pupilles, sans maniement d’un seul denier qui ne passast par l’advis du conseil, ramassé de tous les coings du royaume, et lequel ne la respecteroit aucunement, mais luy tiendroit la bride si courte que condition ne luy pourroit advenir plus contraire à son authorité et grandeur, laquelle ceux de Guyse promettoyent bien maintenir , si elle les portoit aussi de sa part ès charges que le roy leur avoit baillées, ce qu’elle leur promit estroictement. Et de faict, oultre les menées secrettes tendantes à ce que, si force estoit que ceste assemblée se feist, comme il y fallut venir à la fin, ce fust tout au rebours de J'intention de ceux qui la demandovent ; au mesme temps qu'elle faisoit bon visage aux

princes, et entretenoit ceux de la religion de bonnes espérances, elle en escrivit à bon escient au roy d'Espagneson gendre, se plaignant du roy de Navarre et des princes, comme la voulant, par le moyen desdits estats, réduire à la condition d’une chambrière, et troubler Îles affaires du rovaume, qu’elle disoit estre autrement bien disposées. Cela fut cause, que ledit sieur roy d'Espagne, pour rompre de bonne heure tels desseings, escrivit une lettre au roy son frère (qui fut leue en plein conseil, et au nez du roy de Navarre), par laquelle il luy mandoit avoir entendu qu’aucuns mutins et rebelles s’efforcoyent d’esmouvoir des troubles, pour changer le gouvernement du royaume, qui avoit esté si sagement establi, de bon nombre de conseillers, par le feu roy Henry son bon frère et beau-père, et comme si le roy son beaufrère n’estoit capable de luy-mesme l’administrer, et en bailler la charge à ceux que bon luy sembleroit, sans y interposer autre consentement ne recevoir loy de ses subjects, ce qu’il ne devoit aucunement souffrir ; que, de sa part, il employeroit volontiers toutes ses forces à maintenir l’authorité d’iceluy et de ses ministres, voire luy cousteroit sa vie, et à quarante mille hommes qu’il avoit tous prests, si aucun estoit si hardi d’attenter au contraire. Car il luy portoit telle affection, disoit-il, qu’il se déclaroit tuteur et protecteur de luy et de son royaume, comme aussi de ses affaires, lesquelles iln’avoit en moindre recommandation que les siennes propres. Sur cela, le roy de Navarre, combien que d’ailleurs il eust jà conclu de ne rien entreprendre, et qu’il fust certainement adverty que ceste menée estoit faicte exprès pour le tenir en craincte, et que le roy d'Espagne avoit assez de besongne taillée en la guerre d'Afrique qu'il alloit entreprendre, fut tellement intimidé, que pour vivre et avoir paix, il alloit recherchant ceux de Guyse, leur faisant la cour (si ainsi faut dire) plus que jamais; comme aussi de leur part ils scavoyent bien tenir leur gravité, feignant se soucier peu de ce prince, lequel sentant le roy Philippe avoir fait voile en Espagne, et craignant qu’il entreprist quelque chose sur ses pays, cherchoit toutes occasions de s’en retourner en Béarn; ce que scachant ceux de la religion, ils le sommèrent de promesse avant son partement; maisil ne dit ni feit rien pour eux. Quant à ce partement du roy d’Espagne, il

(15591 en va ainsi. 5 estant trouvé victorieux par tant dexploicts, et par une paix si avantageuse sur la France, il se proposa de tenter fortune contre le Turc, et d'essayer d’estendre les bornes de sa domination ès parties de l'Afrique. Pour quoy faire, ayant levé une forte et puissante armée, de l’eslite de ses vieilles bandes, et tiré à soy quelques vieux soldats francois, sous l’espérance de les faire riches, il les envoya par la voye de l’Italie s'embarquer à Gennes, à fin d’aller droict en Afrique, et luy de sa part se meit sur l'Océan, tant pour estre plustost en Espagne, à fin de pourveoir au reste de ses affaires, que pour ne se vouloir fier au François, en demandant passage par le royauîme. Estant donc embarqué avec grand nombre de navires, et toutes les plus précieuses bagues et joyaux que le feu empereur Charles cinquiesme, son père, avoit peu acquérir en toute l’Alemagne et ltalie, durant son règne et magnificence, avec les riches tapisseries et ornemens qui avoyent esté faits à grands frais et despens ès pays de Flandres , ainsi qu’il arrivoit au port de Sainct- Jacques en Galice, il s’esleva une tourmente si grande que de tout ce magnifique esquippage, amassé de si longue main et avec tant de travaux, rien n’arriva à sauveté; ains fut la mer héritière de tous ces ric::cs thrésors, à la veue des Espagnols, qui en menoyent un merveilleux dueil. Et quant à luy, ceste tourmente l’espargna si peu, qu’à peine peut-il mettre un pied dans une barque que le navire dedans lequel il estoit n’enfonceast au profond de la mer, tant estoit grande la fureur d’icelle et des vents. En somme, le danger duquel il estoit sorty luy fit oublier une telle perte, disant tout hault qu’il cognoissoit que Dieu l’avoitréservé à ceste seule

fin d’exterminer les luthériens, et croyoit que sil n’eust eu ceste résolution et entière fcrmeté que Dieu l’eust fait périr, avec ses bardes. Ceux de la religion, au contraire, prenoyent cela à leur advantage, et disoyent que tout ainsi que Dieuavoit chastié le roy Henry, encores qu'il procédast contre eux par ignorance, et à l'appétit de certains cardinaux, aussi ce prince avoit eu cest advertissement pour se convertir à Dieu; sinon qu'il se pouvoit asseurer que c’estoit un commencement de douleurs, et que Dieu le scauroit bien trouver pour luy faire de rechef sentir la pesanteur de son bras.

Voy'à quelle fit son arrivée en Espagne, pré- |

sage de la ruine qui luy vint tostaprès en la gucrre d'Afrique.

Il a cy-devant esté fait mention des poursuites qu’on faisoit contre ceux de la religion, et comme l’on ne donnoit aucune relasche au conseiller du Bourg avant interjetté appel devant le primat de Lyon, qui lors estoit le cardinal de Tournon, Or, pour vuider cest appel, et à fin que les juges délégués dudit cardinal primat y peussent plus rommodément vaquer, il fut amené en la Bastille. Toutesfois les diligences du cardinal de Lorraine ne peurent tant faire que ceste affaire ne prist plus long traict qu’il ne vouloit, d'autant que sur ces entrefaictes, et ainsi qu’on estoit après à recouvrer les mandats, survint le temps de vacations qui empescha que leur sentence ne peut estre confermée par la cour. Ceste poursuite précipitée fut cause que ceux de la religion de leur église de Paris escrivirent de rechef à la roine mère; « Que sur son asseurance de faire cesser la persécution, ils s’estoyent de leur part contenus selon son désir, et avoyent faict leurs assemblées si petites que l’on ne s’en estoit comme point apperceu, de peur qu’à ceste occasion elle ne fust importunée par leurs ennemis de leur courir sus de nouveau ; mais qu’ils ne s’appercevoyent aucunement de l’effect de ceste promesse, ains sentoyent leur condition estre plus misérable que par le passé, et sembloit, veu les grandes poursuites contre du Bourg, qu’on n’en demandast que la peau, comme aussi ils avoyent entendu de bonne part ses ennemis s’en estre vantés. Quoy advenant, elle se pouvoit asseurer que Dieu ne laisseroit une telle iniquité impunie, veu qu’elle cognoissoit l'innocence d’iceluy, et que tout ainsi que Dicu avoit commencé à chastier le feu roy, elle pouvoit penser son bras estre encore levé pour parachever sa vengeance sur elle et ses enfans, et seroit le tesmoignage de son jugement si manifeste qu’il ne pourroit aucunement estre desguisé, ny dissimulé; que la proctdure contre du Bourg se trouvoit de toutes personnes si estrange que si on attentoit plus oultre contre luy et les autres chrestiens, il y auroit grand danger de trouble et esmotions, et que les hommes, pressés par trop grande violence, ne ressemblassent aux eaux d'un estang, la chaussée duquel rompue, les eaux n’anportoyent par leur impétuosité que ruine et dommage aux terres voisines. Non que cela advinst

par ceux qui, dessoubs leur ministère, avoyent

embrassé la réformation de l'Évangile (car elle devoit attendre d’eux toute obéissance), mais pour ce qu’il y en avoit d’autres en plus grand nombre cent fois, qui, cognoissant simplement les abus du pape et ne s’estant encore rangés à

la discipline ecclésiastique, ne pourroyent souffrir la persécution, de quoy ils avoyent bien voulu l’advertir à fin qu’advenant quelque meschef, elle ne pensast iceluy procéder d'eux. » La roine mère, trouvant ceste lettre fort aspre et dure, respondit aussi durement en ces termes : « Et bien, on me menace cuidant me faire peur, maisils n’en sont pas encore où ils pensent. » Toutesfois, estant pourchassée et continuellement sollicitée par le prince de Condé, la dame de Roye et l’admiral, et feignant de céder à leurs persuasions, disoit n’entendre rien en ceste doctrine, et que ce qui l’avoit paravant esmeue à leur désirer bien estoit plustost une pitié et compassion naturelle qui accompaigne volonticrsles femmes, que pour estre autreent instruite et informée si leur doctrine estoit vraie ou fausse. Car quand elle considéroit ces pauvres gens estre ainsi cruellement meurtris, bruslés et tourmentés, non pour larrecin, volerie ou brigandage, mais simplement pour maintenir leurs opinions, et pour icelles aller à la mort comme aux nopces, elle estoit esmeue à croire qu'il y avoit quelque chose qui outrepassoit la raison naturelle. A ceste occasion, elle désiroit de communiquer privéement avec quelqu’un de leurs ministres, ce qui estoit venu par autre occasion. Le faict est tel : l’admiral la voyant souventes fois en grande destresse (ce sembloit) par la mort du roy Henry son mari, entre autres propos, il l’'admonestoit d'avoir recours à la prière et se consoler en la parolle de Dieu, où elle trouveroit une ferme consolation, sans s’amuser à la doctrine des moynes et docteurs de l'Église romaine, qui plustost par leurs sophisteries amenoyent les consciences en un désespoir qu’à une vraye consolation; que pour recevoir ceste consolation, il estoit nécessaire de communiquer avec quelqu'un des ministres de l'église réformée; et que si elle le trouvoit bon, il s’asseuroit de luy en faire venir un de l'église de Paris, qui la contenteroit, et que Sa Majesté en auroit autre et meilleure opinion que auparavant. Ce que la roine mère feignant de trouver bon, elle le pria le vouloir faire venir,

— ne cnrs

l’asseurant qu’il ne luy seroit fait aucun mal ny desplaisir. De fait, à voir les contenances de la roine, il sembloit qu’elle eust singulière affection à ceste conférence. Pour à quoy parvenir l'on se servit de la dame de Roye, qui fit en sorte qu’un ministre de l’église de Paris s’'achemina à un petit village près de Rheimes, pendant le sacre du roy François IT son fils. Il séjourna un jour entier, attendant l’opportunité de pouvoir conférer avec la roine, qui y estoit lors, suyvant ce qui en avoit esté arresté. Ce qui fut empesché à l’occasion que ce jour elle fut visitée par plusieurs cardinaux et autres seigneurs estant venus au sacre. Au moyen dequoy ce ministre s’en retourna à Paris, sans pouvoir rien avancer, d'autant que ladicte dame ne voulut estre apperceue vouloir conférer avec les ministres de la religion, ni leur porter faveur. Et dès lors ceux dela religion perdirent l'espérance qu’ils avoyent conceue de ceste princesse; laquelle leur feit beaucoup de maulx, en laschant la bride aux persécutions, incontinent après esmeues contre eux, ainsi qu'il s'ensuit : Régnant encore Henry, un orfèvre de Paris, nommé de Russanges, apostat de ceste religion, et desmis de sa charge de surveillant pour avoir esté trouvé en larrecin des deniers des pauvres, avoit par despit décélé leurs assemblées au président Sainct-André et au sorbonniste de Mouchi, se faisant appeler Démocharès, député inquisiteur de la foy par le cardinal, et avoit mesme baillé par escript les noms et surnoms de tous les plus riches ei apparens de ladicte église, mesmes de tous les ministres et anciens, pour l’espérance de participer au butin. Ceste entreprinse fut retardée par la mort intervenue de ce prince. Ce que le cardinal voulant remettre sus, il fut d'autant plus esmeu à ce faire, qu’il entendit que telles assemblées se faisoyent par toutes les provinces du royaume en plus grande hardiesse que devant. Car, oultre ce qu’il estoit extrêmement acharné contre eux, il pensa ceste licence estre au mespris de luy et de son frère. Partant ayant pris argument sur la promesse faicte à l'Espagnol au traicté de la paix, il ne voulut plus tarder à se venger de ses prétendus outrages. À quoy aussi l’esguillonnoit le désir d'acquérir renommée, et de posséder entièrement les ecclésiastiques qui luy estoyent du tout nécessaires, afin d’aplanir le chemin aux entreprinses projetécs de longue main par

luy et son frère. Or, se proposoit-il de venir aiséement à chef de ceste entreprinse contre ceax de la religion qui estoyent à Paris, à cause de l'entière obéissance que luy rendoit nonseulement le parlement et la justice ordinaire, mais aussi tout le corps de la ville en général et en particulier. Et s’attendoit que la grandeur de cest exploicttiendroit toute la France en telle craincte, que l’on ne songeroit à faire aucune résistance ailleurs, quand ils viendroyent à passr oultre, après avoir ainsi matté ceux de Paris. Cela fut cause qu’on publia des édicts tout nouveaux plus rigoureux que jamais, lesquels on rafraischissoit souvent, contenant défenses de fsire aucunes assemblées, et de s’y trouver, à peine d’estre envoyé au feu, sans autre forme de procès. Promesses aussi estoyent faictes aux délateurs de la moitié des confiscations, avec autres grands sallaires; commandement aux commissaires des quartiers de Paris d’estre diligens à recevoir les accusations, et saisir ceux qui seroyent déférés, et de rechercher les maisons de jour à autre, et faire rapport de leur diligence. Et à fin de ne rien laisser arrière pour les vacations du parlement ( ainsi qu’il a esté dict), puissance fut donnée par lettres-patentes au lieutenant criminel du Chastelet de juger sans appel ceux qui seroyent amenés devant luy, et à certains autres conseillers que lon savoit estre capitaux ennemis de ceste doctrine, expressément choisis et esleus par le cardinal, qui accompaignoit les lettres dudict seigneur des siennes très affectueuses, portant menaces aux défaillans, et promesses de grands biens à ceux qui y employeroyent leur industrie et diligence, toutes choses cessantes.

Les curés et vicaires des paroïsses dénoncoyent excommuniemens contre tous Ceux qui cognoistroyent aucuns luthériens et ne les déféroyent, exhortoyent le peuple par toute sorte de persuasions de ne s’y espargner, et avoir Yœil chascun sur son voisin, proposoyent impunité aux accusateurs, si leur accusation n’estoit bonne et recevable. Bref, on cherchoit tous moyens possibles pour descouvrir ces hérétiques, jusques à adjouster de grandes promesses à ceux qui s’y monstreroyent vaillans.

L’entreprinse de Russanges ayant longuement |

trainé par la mort de Henry ainsi intervenue,

il ne sceut se porter si finement qu’il ne fust

découvert en praticquant de l’aide, etse vantant

des grandes promesses à luy faictes. Car ne

| pouvant rien faire seul, il fit tant que d’attirer à soy deux compaignons, à savoir un Claude David, aussi orfèvre, frère d’un huissier de parlement, et un certain George Renard, tailleur d'habillemens. L’un d’eux devoit servir d’accusateur, et les autres de tesmoings, puisqu'autrement on ne pouvoitattrapper ces hérétiques pour leur faire procès. Ce Renard avoit esté prévenu de ce crime durant la grande persécution faicte l’année des placards, il y avoit environ vingt-huict ou trenté ans, par le baillif Morin, et estant mené au supplice, avoit tant faict qu'il sauva sa vie, pour avoir promis d’accuser ses compaignons; ce qu'il feit, et meit des plus grands de Paris en peine. Depuis s’estant réconcilié à l’assemblée secrette dudict lieu, il cogneut tous les principaulx. Mais quand la persécution retourna, craignant estre puni comme relaps, pour de rechef éviter la mort, il se retira aux susdicts président Sainct-André et Démocharès par le moyen d’iceluy de Russanges. À ces trois furent adjoincts deux autres tesmoings, le fait desquels va ainsi.

Il y avoit à la porte Sainct-Victor un peintre et un guiternier qui introduisirent chascun un apprentif esdites assemblées. Advint quelque temps après, que ne pouvant avoir argent d'eux pour leur apprentissage, et les ayant battus pour leurs faultes, ils les chassèrent : de quoy les mères despitées, scachant la manière de vivre de leurs maistres, les menèrent confesser et avoir absolution. Les presbtres ayant sceu leur secret, en advertirent Sainct-André et Démo- Charès, qui les retindrent, sans permettre qu’aucun parlast à eux, et les sceurent si bien emmieller et traicter de toutes sortes de viandes, voire jusques à les ennivrer de ces bons vins théologaux, que non seulement ilstirèrent d’eux tout ce qu’ilsscavoyent, mais aussi les attirèrent tellement à leur cordelle, qu’ils promirent de dire tout ce qu’on voudroit. Si qu’à leur délation plusieurs personnes, voire mesme des famillesentières, furent prinses en un jour, et par le moyen des uns et des autres toutes les assemblées de la ville, et les maisons où elles se

| faisoyent, furent descouvertes.

Et d'autant qu'il y avoit plusieurs captures : à faire, oultre ce que les juges de Chastelet et les commissaires départirent tous les sergens par bandes et cantons, il fut aussi mandé de la

cour aux maistres du guet, et aux archers de la ville de leur assister, fust de jour ou de nuict; lesquels, avec tous les bedeaux des jurisdictions ecclésiastiques et subalternes, faisoyent assez grand nombre. Du commencement, à fin de n’effaroucher personne, ils firent semblant de rechercher quelques voleurs et larrons, et furent quelques jours rodant cà et là, sans toutesfois entrer en aucune maison suspecte de la religion, ny mesme approcher du faulxbourg Sainct-Germain-des-Prés, qui estoit sur tous autres recommandé, pour ce qu’on l’estimoit une petite Genève, comme ils en parloyent entre eux. Ceux de la religion s’estant ainsi rasseurés, tout en un coup ce faulxbourg fut assailli, et commenca l’on en la rue des Marets près le pré au Clercs, chez un nommé le Visconte, qui retiroit coustumièrement les allans et venans de la religion, et principalement ceux qui venoyent de Genève et d’Alemagne, en la maison duquel aussi se faisoyent souvent de grandes assemblées. Et à fin de le surprendre mangeant de la chair aux jours défendus, comme il en avoit la réputation , ils dressèrent leurs embusches par un jour de vendredy chez les accusateurs, et nommément chez un clerc du greffe criminel, nommé Freté, caut et rusé en ces matières, s’il en fut oncques. Aussi estoit -il dressé de la main du feu président Lizet, en sorte que quand on ne pouvoit tirer tesmoignage et confession suffisante des accusés de ce crime, on mettoit ce fin Freté aux cachots avec eux, lequel scavoit si bien contrefaire l’évangéliste, que le plus subtil et advisé tomboit en ses filets, et par ce moyen on en avoit faict mourir beaucoup. Freté donc, alléché de la despouille de ses voisins, pour les avoir de long temps remarqués, retira chez soy quarante ou cinquante sergens en part, qui y estoyent entrés à la file. Etsur les onze heures estant arrivé Thomas Bragelonne, surnommé le Camus, conseiller au Chastelet ( je le nomme ainsi à la différence de son frère lieutenant particulier ), avec deux ou trois commissaires de plus envenimés contre ceste doctrine, la maison du Visconte fut incontinent environnée et rudement assaillie. Mais combien que de quinze ou seize personnes qui estoyent à table, il n’y en eust que quatre qui fissent teste ( car les autres se sauvèrent par-dessus les murailles et à travers champs), si firent-ils une telle résistance,

s’estimant attaqués par brigands et voleurs, que tous ses sergens furent mis en roupte, et le plus hardi si vivement blessé, qu’on pensoit qu’il en deust mourir une douzaine pour le moins; ce qui leur vint par contre espérance, car ils faisoyent leur compte de prendre, piller et emprisonner, et non d’estre battus. En ce conflict, Bragelonne ct ses commissaires furent en grand danger d’estre tués; et n’eust esté ce Visconte, c'estoit faict d'eux. Le malheur tomba sur les blessés, qui n’eurent part au butin, ains ouvrirent seulement le passage à leurs compaignons qui leur vindrent sur le soir pour renfort. Cependant les combattans ( du nombre desquels estoyent deux frères, gentilshommes d’Anjou, appellés Soucelles ) eurent loisir de se sauver, et les autres de la religion des maisons prochaines eurent aussi temps de se retirer, quittant leurs maisons à la merci des juges et sergens qui y trouvèrent richesses d’or et d'argent monnoyé, principalement chez ce Visconte, où ces hostes avoyent laissé leur argent en garde. Et par ainsi furent menés prisonniers, la femme d’iceluy, ses petits enfans, et son père, homme vieil et caduc : emportant devant eux, comme en triomphe, un chapoa lardé, et de la Chair crue qui estoit au gardemanger ; car de cuite, il ne s’y en trouva point. Cela estoit pour les rendre davantage odieux aux yeux du peuple. Aussi receurent le père et la belle-fille tel mal traictement, qu’ils moururent en prison, en grande pauvreté et langueur. Ils prindrent aussi prisonnier un personnage qui avoit esté baillif de Sainct-Agnan, en une maison prochaine, où logeoit un gentilhomme nommé la Fredonnière, qui avoit aussi quitté la place, et y envoyoit cest advocat pour empescher le saccagement de ses meubles : mais comme il contestoit par trop au gré des sergens et commissaires, il fut souspeconné et à l'instant fouillé, et trouvé saisy de certains mémoires de grande conséquence, contenant des remonstrances au roy et à ses estats, tant pour la religion que pour l’estat politique : qui fut cause qu’on le garda estroictement, et le chargea l’on de crime de lèse-majesté. Bourdin, procureur général du roy, ayant veu ces mémoires, les envoya au cardinal, et dict depuis, en compaignie, privée qu’ils estoyent divinement bien faicts, et que ces fols-làa avoyent de merveilleusement bonnes. raisons, toutesfois mal :pli-

quées, et que c’estoit dommage qu'ils n’employoyent leurs csprits ailleurs qu’à ces resveries contentieusces de la religion.

Ayant Bragelonne et les commissaires trouvé au journal du Visconte que certains deniers

tilshommes du roy de Navarre, et autres gens de nom, ils se persuadèrent que ceux-là ne laisseroyent perdre leur bien légèrement, et qu'ayant osé le défendre en plein jour, ils pourroyent retourner la nuict, et leur donner une charge plus aspre. Pourquoy ne voulant quitter ce butin, ils firent venir à leur secours plus de quatre ou cinq cens hommes de pied et de cheval tous armés à blanc, qui firent le guet quatre ou cinq jours et nuicts, pendant qu’on vuidoit la maison des absens, et les fit-on tant boire de ces vins de provision du Visconte, qu’ils se battoyent entre eux-mesmes, en sorte qu’il yen eut un tué d’un coup de pistole.

Ces juges et pillards tout ensemble, ne sentant plus de résistance, estendirent leurs poursuites par tous les endroicts de la ville, là où pareillement les suspects avoyent abandonné leurs maisons. Mais leurs meubles furent si bien remués par ces officiers de justice, que c'estoit à qui se reprocheroit avoir chaseun jour mieux butiné, comme à vray dire, les coings des rues estoyent tellement farcis de meubles à vendre, que durant les fuites de Paris pour craincte de la guerre, ni en autre temps, ils ne

furent oncques à tel marché. Dequoy ne voulurent perdre leur part les conseillers de Chastelet, à scavoir Roland Poussemye:, Jacques Rapovel, Guy Appollo, Guillaume Versoris, Nicolas Langlois ; et les commissaires Jean Martin, Guillaume du Chemin, Jean Divonneau, Jacques de Sens et Tristan Cossian. Bref, on ne pouvoit aller par Paris sans passer à travers gens de pied et de cheval armés à blanc qui tracassoyent càet là, menant prisonniers hommes et femmes, petits enfans et gens de toutes qualités. Les rues aussi estoyent si pleines de charrettes chargées de meubles qu’on ne pouvoit passer, les maisons estant abandonnées Comme au pillage et saccagement, en sorte A qu'on eust pensé estre en une ville prinse par droict de guerre, si que les pauvres devenoyent riches, et les riches pauvres. Car avec les sergens altérés se mesloyent un tas de garnemens qui ravageoyent le reste des sergens, comme

Blancurs. Mais ce qui estoit le plus à déplorer, c’estoit de voir de pauvres petits enfans qui de-

: meuroyent sur le carreau, crians à la faim avec

gémissemens incroyables, et alloyent par les

. rues mendians, sans qu'aucun osast les retirer qu'ils avoyent prins appartenoyent aux gen-

sinon qu'il voulust tomber au mesme danger;

aussi en faisoit-on moins de compte que de ; chiens, tant ceste doctrine estoit odieuse aux

Parisiens. Pour lesquels davantage aigrir et acharner, il y avoit gens par tous les coings des rues (je ne sçay de qui envoyés) et ressemblans à pauvres ou moynes crottés, qui disoyent à ce pauvre peuple crédule que ces hérétiques s’assembloyent pour manger les petits enfans , et pour paillarder de nuict à chandelles esteinctes, après avoir mangé le cochon au licu d’un agneau paschal, et commis ensemble une infinité d’incestes et ordures infames : ce qui estoit receu comme oracle. Bref, ce spectacle dura long temps, en sorte que ces manières de gens avoyent fait comme une habitude ordi naire d'aller de jour et de nuict saccager maisons, au sceu du parlement, lequel cependant fermoit les yeux.

La clameur de ces affligés parvenue à la cour, la roine mère envoya scavoir que c’estoit, à laquelle on renvoya certains escripts en rime françoise, trouvés chez le Visconte, faisant mention de la mort advenue au roy Henry par le juste jugement de Dieu, èsquels aussi ladicte dame estoit taxée de trop déférer au cardinal. Et à fin que tout le corps de ceux de la religion fust trouvé coulpable et non quelque particulier, et qu'on rendist leur doctrine tant plus odieuse envers icelle dame, on adjousta d’abondant certaines informations faites et dressées par l’industrie du président Sainct-André et Démocharès, sous la déposition de ces deux jeunes enfans, dont il a esté cy-dessus faict mention,

qu'ils tenoyent sous leurs ailes, contenant entre

autres choses, qu’en la place Maubert, en la maison d’un avocat nommé Trouillas, s’estoyent faictes plusieurs assemblées de luthériens; entre lesquelles, le jeudi devant Pasques, (qu’on appelle absolut) y en avoit esté faicte une de grand nombre d'hommes, femmes et filles, environ la minuict, là où après avoir presché, fait leur sabath, mangé un cochon au lieu de l'agneau paschal, et la lampe qui leur esclairoit esteincte, chascun s’accouplaavec sa chacune,

et qu'entre autres femmesils recogneurent celle

dudict avocat et deux siennes belles et jeunes

11559) tesmoingsqui les avoyent veues,et qui avoyent

filles, l’une desquelles s’estant rencontrée avec | vescu de mesmes, comme il disoit : « Ces in-

un d'eux, il la cogneut pour deux ou trois fois pour sa part. Ces choses ainsi dextrement agencées et envoyées au cardinal avec les deux tésmoings, n’amendèrent la cause de Soucelles, qui estoit à la cour poursuyvant la restitution de ses hardes, chevaux et argent pris chez le Visconte ; carencores qu’à la prière etinstance du roy de Navarre, le roy luy eust quicté et remis les meurtres qu’il pensoit avoir faicts en ce conflict, on trouva nouvelle occasion de le charger de ces libelles diffamatoires, d'autant qu’il se mesloit un peu de poésie ; pour quoy, au nez du Navarrois, Soucelles estant entré en

la salle du roy, et remarqué par le cardinal, |

fut par son commandement pris prisonnier, et envoyé avec grandes et seures gardes au bois de Vincennes, là où il trouva le jeune comte d’Aran, escossois, pour l'envie que luy portoyent ceux de Guyse, à cause de l'évasion du comte d’Aran son aisné, et de la guerre d’Escosse, dont cy-après sera parlé: et Coiffart, baillif de Sainct-Agnan, ayant esté trouvé

saisi des susdictes remonstrances. Et furent ces

deux, à savoir Soucelles et Coiflart, d'autant plus recommandés que l’on pensoit qu'ils avoyent voulu mettre le roy de Navarre en besongne pour remuer mesnage, et que l’on espéroit descouvrir plusieurs secrets par eux.

Le cardinal, de sa part ne laissa dormir ses informations. Car ayant au poing le sac où elles estoyent, et à sa queue les deux enfans, il alla trouver la roine mère, et avec exclamations incroyables, luy deschiffra de poinct en poinct le contenu d’icelles, n’oubliant rien pour rendre ceux de la religion les plus maudictes et abominables créatures qui eussent esté dès la création du monde. Mesmes, à fin de ne rien laisser en arrière, elles furent par luy enrichies de toutes les pollutions desquelles se souillèrent jadis les anciens hérétiques Psalliens, Gnostiques, Euchytes, Messaliens, Borborites, Origénistes et autres que Satan a autrefois suscités pour obscurcir la lumière de l'Évangile, quand elle fut du commencement preschée en cachette, à cause de la persécution que leur faisoyent les empereurs payens et idolâtres.

Et à ce que ces preuves ne peussent estre ca lomniées, et à fin qu’on cogneust tant mieux

formations ayant esté envoyées par ces gens de bien de juges, auxquels le roy en avoit donné commission, desquelles (disoit-il) vous devez estre armée et munie, pour prévenir ceux qui vous parleront en la faveur de ces monstres infames, m’asseurant, madame, que leurs desguisemens sous ombre de religion ne pourront jamais trouver place en vostre endroict. Et que par conséquent au lieu de trouver mauvaise la procédure faite contre eux, vous jugerez qu'ils ont esté trop gracieusement traictés. »

La roine, ayant entendu le dire du cardinal, ct veu les tesmoings, qui par leur silence ct visage asseuré sembloyent le confermer, fut merveilleusement aigrieetestonnée, joinctqu’on y mesloit des choses qui touchovent son authorité, ensemble l'honneur du feu roy son mary. Mais le pis fut, que le chancelier Olivier se chargea volontairement de veoir ces informations, et pour complaire à ceux de Guyse, en fit luy-mesme le rapport au roy et à son conseil, dans le parc de Villiers-Coste-Rets, avec des contenances et propos qui démonstroyent qu'il avoit ceste matière grandement affectée ; ce que plusieurs gens de bien trouveront fort estrange, attendu qu'il savoit trop mieux comme les choses estoyent passées, pour avoir luy-mesme blasmé et détesté telles calomnies. Par quoy dès lors on cstima que la France auroit beaucoup à souffrir, puis que le chef de la justice, et celuy de l’intégrité duquel on attendoit beaucoup, estoit si manifestement rangé à la dévotion de ceux de Guyse; luy, dis-je, qui, s’estoit du temps des rois précédens opposé à la tyrannie et oppression de justice, sans aucune craincte. La roine donc manda aux Parisiens de continuer les poursuites commencées jusques à ce que ces méchans fussent du tout desracinés ; en quoy elle fut promptement servie. Les poursuites donc furent redoublées, en sorte que tous ceux qu’on .pouvoit cognoistre et appréhender furent, ou mis en prison, ou exécutés à mort.

Davantage, la roine ayant trouvé à part quelques siennes damoyselles qui favorisoyent ceux de la religion, leur déclara le rapport à

elle faict de ces informations, auxquelles elle

l'énormité du faict, le cardinal présentoit les |

disoit adjouster telle foy que si elle scavoit pour tout certain qu’elles en fussent elle Ies feroi

mourir, quelque amitié ou faveur qu’elle leur portast. Les plus familières et advisees d’entre elles insistèrent tant contre elle, que de la faire condescendre à ouïr ces enfans, dont il luy fut fort aisé de cognoistre l’encloueure, car estant vivement enquis des poincts esquels on ne les avoit point recordés, il apparoïssoit manifestement qu'ils avoient esté apostés et pratiqués : ce qu'aussi ils confessèrent tacitement à l’une d'elles, qui feignoit trouver bonne leur procédure. Ce nonobstant la roine ne fit cesser la poursuite, tant pour recommander sa chasteté envers le peuple, que pour la crainte de despaire au cardinal, qui avoit ceste matière grandement affectée. Et d'autant qu’il y avoit eu de la résistance à Sainct-Germain-des-Prés,

Juy et le duc de Guyse son frère en prindrent

occasion d'envoyer par les maisons prendre

toutes les armes, jusques aux cousteaux, et de les porter en l’hostel de Cligson (lequel ils s’estoyent approprié et iceluy nommé de leur nom de Guyse), à fin que sans aucun inconvénient on parachevast ce qui avoit esté commencé, et qu'ils eussent nombre d’armes au besoin. En toutes lesquelles poursuites les noms de ceux de Guyse trottoyent comme avant l’authorité souveraine. Car il n’estoit question ni du roy, ni de sa mère, ains disoit-on le cardinal avoir commandé ceci, et le duc de Guyse cela. Et à ce qu'aucune faveur ne fust faicte, il y avoit tousjours un gentilhomme ou serviteur d’iceux pour accompaigner les juges et commissaires par la ville, à fin d’espier quelle diligence et devoir ils feroyent.

Pour retourner à cest advocat Trouillas accusé, sachant son innocence, et que tout cela luy avoit esté dressé par l'envie particulière que luy portoit le président Sainct-André; encores que luy et les siens se fussent absentés comme plusieurs autres pour crainte de la persécution, et qu'il y eust un merveilleux danger pour cœux qui paroissoyent : toutesfois il ne peut estre retenu que luy, sa femme et ses filles n’allassent, au milieu de ces grands feux, se rendre prisonniers en la conciergerie du palais, pour se justifier des actes exécrables à elles imposés. Mais au lieu d’en estre enquises par commissaires du parlement, on commença de

leur faire procès sur le faict de la religion, et de les interroger de leur foy : à quoy elles ne

faict ne fust vuidé, et qu’elles en fussent vu convaincues ou déclarées innocentes. La cour les voyant fermes en cela, feit visiter les filles par plusieurs chirurgiens, sages-femmes, et à diverses fois. Mais il ne se trouva visiteur, hormise une vieille matrone, qui ne les jugeast entières ; encores n'osoit ceste-la résoluement asseurer qu’elles fussent corrompucs $ar attouchement d'hommes ; et finalement leur Semanda pardon après leur délivrance, déclarant comme, ct par qui elle avoit esté subornée, luy ayant dict que c’estoit une œuvre méritoire de charger telles gens à tort ou à droict, estant desjà les plus exécrables du monde. Sainct-André cependant et Démocharès faisoyent toutes les diligences possibles de dresser d’autres tesmoings, d'autant que leur honneur y pendoit.

Les deux enfans aussi leur furent recollés et confrontés, mais il en advint tout autant comme devant la roine et ses dames. Car la court cognut en eux tant de variations et entortillemens de propos, avec certains regards et contenances, que cela seul justifioit du tout ces pauvres filles. Bref, on ne sceut asseoir sur leurs dépositions aucun jugement, encore que les juges députés y travaillassent avec toute diligence, et que ceste affaire leur fust très recommandée, tant pour le désir qu’ils avoyent tous ensemble d’accabler ceux de la religion à quelque prix que ce fust, que pour sauver l'honneur du cardinal, du président Sainct- André et des sorbonistes, qui avoyent mis ceci en faict. Cela estant divulgué partout, on attendoit avec merveilleuse dévotion quelle en seroit l'issue. Car ceux qui n’estoyent préoccupés d'aucun préjugé disoyent ouvertement l'accusation estre vraye ou fausse : si elle cstoit vraye, que punition exemplaire en devoit estre faicte plus grande sans comparaison que d’un simple crime d’hérésie ; d'autant qu’il y avoit parmi cela des pollutions et détestables infamies ; si elle estoit fausse, que les tesmoings ne pou. voyent éviter la mort; et néantmoins on voyoit en liberté et les uns et les autres: ce qui n'estoit sans grandement taxer les juges.Tant y a toutes fois que l’issue n’en fut autre, sinon qu’elles demeurèrent comme ensevelies en prison, et n’en fussent jamais sorties que condamnées comme hérétiques, sans un édict dont ilsera Cyaprès fait mention, en vertu duquel, sans leur

voulurent respondre que préalablement l’autre | faire droict sur ceste calomnie, elles furent dé-

XVI" siècze, La PI. et La PI.

livrées comme par force. Car telle estoit lors la justice de France, et tels les exercices de plusieurs du parlement, lesquels délaissant toutes autres choses, vaquoyent ordinairement à ces affaires. Et de vray les mouches et espions cy-dessus déclarés, ainsi nommés par les juges délégués, avec quelques autres que le cardinal y employoit, aggravèrent grandement la poursuite; tellement que depuis le mois d’aoust jusqu’en mars il n’y avoit que captures et emprisonnemens, pilleries de maisons, proclamations à ban, et exécutions de ceux de la religion, avec très cruels tourmens ; et toutesfois, parmi telles tempestes, ils ne discontinuérent leurs prédications et tout autre exercice de leur religion, tant ils estoyent eschauffés. Entre ceux qu’on feit lors mourir à Paris pour ceste querelle, furent un serviteur d’un Nicolas Pallon, peu auparavant exécuté pour ceste mesme cause ; Martin larie, la dame de la Caille, un charpentier, Martin Rousseau, Pierre Millet, Jean Geoffroy, oultre grand nombre d’autres qui furent envoyés mourir semblablement aux lieux de leur nativité ou capture.

Comme à Paris ils se monstroyent fort diligens à exécuter les mandemens de ceux de Guyse contre telles gens, les autres parlemens et juges ne faillirent de les seconder, sinon qu'aucuns les surmontèrent en nombre : entre autres ceux de Thoulouze et d'Aix en Provence, à cela esguillonnés doublement par le cardinal d’Armaignac qui taschoit d'entrer en crédit, et par le légat du pape en Avignon, intime solliciteur du pape, si que chacun s’acharnoit après à qui mieux mieux. Or, de s’arrester à toutes les particularités des parlemens, il me semble que ce seroit ennuyer les lecteurs. Suffise seulement que j'allègue les provisions des magistrats provinciaulx, et que Francois Aubert, lieutenantgénéral de la séneschaucée de Poictou, nous enseigne comme chascun d’eux travailloit diligemment en ce négoce. Car le vingt et troisiesme de septembre, sur les remonstrances judiciaires de Jean Barbier, Jean Palustre, Philippe Arembert et George Cresse, advocats et procureurs du roy audit siège, et mesmement pour obvier, disoyent-ils, aux scandales, séditions, conventions publiques, et empescher l’esmotion du peuple, par le moyen des prédications et fausses doctrines qu’on publioit en plusieurs lieux de leur séneschaucée, défenses furent faic-

tes d’y faire aucunes assemblées, et de porter armes offensives ou défensives; enjoinct à tous ceux qui n’auroyent juste cause de demeurer à Poic-

tiers, de vuider dans vingt et quatre heures, aux hostes de porter auxdits officiers les noms et demeures de leurs pensionnaires et locataires, et de respondre de leurs personnes; inhibé à tous de ne souffrir ny permettre en leurs pa-

roisses et maisons aucune prédication de mi< nistres, sous-ministres ou surveillans, ny de leur prester conseil ny aide, les recevoir, alimenter, donner feu ny eaue, ny leur prester au-

cun office d'humanité; ains estoit permis à toutes personnes de les prendre au corps et de les mener prisonniers aux juges royaux, sans pour ce estre pris à partie comme dénonciateurs ny autrement, et ce à fin de leur faire

procès, et estre contre eux procédé extraordi-

nairement, comme contre séditieux, perturba-

teurs et ennemis du roy et de la chose publique ;

mandement fait à tous seigneurs, barons, chà-

telains, hauts justiciers et autres ayant fiefs en

ladite séneschaucée, et à leurs officiers, d’em-

pescher lesdictes prédications, non-seulement en leurs paroisses, mais en tous autres lieux et endroicts ; prendre les dogmatisans, et ne per:

mettre prescher autres que ceux qui feront apparoir au préalable un congé de l’évesque diocésain, ou de ses grands vicaires : le tout sur peine de confiscation de corps et de biens, et d’estre punis comme proditeurs et recéleurs des ennemis publics ; davantage, que tous manans et habitans de Poictiers et de la séneschaucée, allassent à la messe, et assistassent à la parochiale, à tout le moins de trois dimanches l’un, suivant les constitutions de l'Église, et les injonctions faites auparavant, et y fissent aller leurs femmes, enfans, serviteurs et familles. Que les curés et vicaires des paroisses fissent registre des assistans, qu'ils seroyent tenus bailler en main de justice, par chacun lundy de la semaine, et révéler ceux qui n’y aurovyent assisté, lesquels pour la désobéissance serovyent pris au corps et menés prisonniers aux jurisdictions des juges ordinaires, pour estre contre eux procédé comme de raison. Pareillement fut enjoinct à toutes personnes de révéler à justice, dedans trois jours après la publication des présentes, le nom de ceux qu'ils sauroyent, tant par ouir dire qu’autrement, estre dogmatisans et fréquentans les sermons qui se font ès assexa-

blées de jour et de nuict, et qui sentent mal de ! cause fut restreint jusques à estre mis dans la

h foy et religion chrestienne, catholique et romaine, sur peine d’estre punis comme fauteurs et complices; et qu’à ceste fin les censures et quérimonies obtenues, à la requête du procureur du roy, serovent publiées au prosne de la grand messe de chacune desdictes paroisses, à la manière accoustumée. et le tout publié à son de trompe et cry public par les lieux accoustumés, à fin que nul n’en prétendist cause d’ignorence, et que tous les autres officiers feissent respectivement garder ladite ordonnance sur les peines de droict.

Vovlà, dis-je, le formulaire ordinaire des juges subalternes, pour lequel exécuter chaseun s’employoit diligemment, et surtout les gens d’église ne dormoyent pas. Car pour intinider le peuple, et l’'animer davantage contre les autres, c'estoit merveilles des accusations qu'ils produisoyent contre eux, les chargeant de tous les incestes et villenies que l’on scauroit dire et penser. La populace aussi aisée à esmouvoir, principalement quand il est question de la religion, exécutoit ses vengeances; de sorte que c'estoit à courir à ceux qui avoyent des ennemis, quand la porte d’impunité fut ouverte.

Il a esté dict que le roy de Navarre, ayant senty le roy Philippe arrivé en Espagne, craignit merveilleusement qu’il luy donnast quelque venue, d'autant qu’il n'y avoit aucune paix ne guerre entre eux. Voyant donc le mespris auquel il estoit à la cour, et le peu de moyen par luy tenu à recouvrer son lieu et rang, en sorte qu’il estoit moqué de tous costés, cela faisoit que sans cesse il cherchoittouslesmoyens de se retirer en ses pays; en quoy ceux de Guyse luy firent ce plaisir, pour mieux le pourmener, de luy donner la charge, avec son frère le cardinal de Bourbon et le prince de la Rachesur-Yon, de mener Elisabeth, sœur du roy, mariée à l'Espagnol, pour la rendre sur la frontière de France et d'Espagne. Par quoy prenant son congé, il alla devant faire les préparatifs à recevoir et bien traicter ladicte dame en ses pays.

En ce mesme temps, par le moven d'un procureur nommé Durant, à qui fut adressée une lettre par mesgarde, laquelle il porta soudainement au président Sainct-André, fut descouvert que quelques amis du conseiller du Bourg tas-

cho yent à le sauver de la prison, lequel à ceste

En mm nm. —

cage de fer, attendant qu’on en eust adverty le cardinal. Et pour ce que Nostradamus, astrologien et invocateur de diables, avoit mis en ses pronosticationsd’adoncques : Le bon Bourg sera loin, le cardinal voulant avoir la peau de ce personnage, espris de crainte, luy feit redoubler ses gardes, de sorte que si quelques-uns passant par devant la Bastille s’arrestoyent là, on les retenoit prisonniers, ou les menacoit-on si tant soit peu ils regardovyent la place. En oultre, il fut mandé aux juges délégués du primat de Lyon de l’'expédier hastivement, ce qu'ils firent et, confirmant les sentences précédentes, le renvoyèrent au bras séculier, dont il appela de rechef comme d'abus. Et combien que, par les anciens priviléges du parlement, nul du corps d’iceluy ne puisse estre jugé en matière criminelle que séant la cour et les chambres asscmblées, et qu'il restast peu de temps jusques à la Sainct-Martin d'hiver, si est-ce que le cardinal ne voulut tant attendre, ains lettres-patentes furent décernées à certains présidens et consellers choisis à sa dévotion, par lesquelles leur estoit mandé, toutes choses cessantes, de juger lediet appel et luy faire ct parfaire son procès, encore que la cour ne fust assemblée, et nonobstant quelque privilége au contraire. Ces lettres significes à du Bourg le 24 d'octobre, il demanda du papier et de l'encre pour faire sa response. Et pour ce que l'huissier luy présenta seulement demi-feuille, et qu’il en demanda deux ou trois entières qui luy furent desniées, de là les juges délégués, interprétant ceste demande à leur plaisir, firent bruict qu'il vouloit retourner aux termes de son advocat.

Or, comme le palais est composé de gens spéculatifs et curieux, chascun jugeoit de ce personnage selon ce que son affection le conduisoit. Les uns le confinoyent en l’une des cages de fer; les autres disoyent qu’il y seroit le premier bruslé, et que le cardinal l’avoit trop à cœur pour en disposer autrement : autres, déplorant la misère de ce temps, blasmoyent ceux du parlement de ce que, estant sous un roy mineur d’ans, ils laissovent ainsi supprimer leur authorité et leurs priviléges anciens, alléguant que cela ne provenoit que de la division d'en tr’eux. Car la pluspart estoyent ou corrompus, ou faicts de la main de ceux de Guyse, et ne cherchoyent qu'àärenverser toutes choses sainc-

Fr

tesct sacrées pour complaire à leurs maistres. | tous ceux qu’il pensa estre leurs adversaires et

Que s’ils eussent esté unis et d'accord, et légitimement colloqués en leurs estats, c’estoit lors le vray temps de remettre ce sénat en son ancienne splendeur et intégrité. Davantage on savoit assez que du Bourg n’estoit en peine que pour avoir usé en liberté de son office, et pourtant devoyent-ils tant moins permettre luy estre faict procès. Ce nonobstant, ces juges assemblés pour la dernière fois pour gratifier le cardinal, et craignant qu’à l'avenir on feist recherchede ceste cause, et quel’emprisonnement, procédures et jugemens fussent déclarés violens, cherchèrent nouvelle occasion d’aggraver ses crimes à fin de sauver l'honneur du roy, qui y estoit (disoyent-ils) engagé. Par quoy ayant trouvé sur du Bourg certaines épistres de consolation en ses angoisses, Bruslard, procureur-général, print ses conclusions comme contre un criminel de lèze-majesté, et un traistre qui avoit intelligence avec les estrangers, contre son serment et contre les édicts et ordonnances, qui défendoyent toute communication principalement avec ceux de Genève, dont ils disoyent ces lettres estre parties. Et combien qu'il eust suffisamment monstré ces lettres estre venues des ministres et anciens de l’église de Paris, et qu’elles ne touchassent aucunes affaires d’estat, ce néanmoins tel crime par eux déclaré irrémissible, joinct avec les autres, s’en ensuyvit jugement de mort, l'exécution remise à la volonté du roy, si bien il ne luy vouloit sauver la vie, et le confiner en chartre perpétuelle. Toutesfois, cest arrest fut tenu secret pour les raisons qui seront déduictes cy-après.

Il ne faut obmettre une chose fort notable sortie de la bouche de ses juges, à scavoir que du Bourg estoit heureux de mourir pour une si juste et saincte querelle; et quand on les blasmoit de l’avoir condamné , ils se lavoyent les mains dans les édictsduroy, lesquels ils disoyent pe pouvoir oultre-passer, combien que leur conscience jugeast autrement.

Après que les parens et amis des autres conseillers prisonniers eurent longuement poursuyvi et sollicité le privé conseil, le 4 de septembre lettres de commission furent décernées à certains présidens et conseillers de parlement pour parfaire leur procès, nonobstant tousédicts ct privilèges contraires ; lesquelles venues ès

ennemis de ceste doctrine, et plus agréables au cardinal ; lesquels commencant en octobre, y vaquèrent jusques au 8 de janvier ensuyvant.

Quant au faict d’iceux conseillers, et la manière de leurs emprisonnemens, elle estoit bien semblable à celle de du Bourg, mais non leurs défenses ; car du Bourg entra librement en la confession de sa foy aussitost qu’on luy en demanda raison. Les autres , au contraire, trouvèrent moyen de se sauver par les marets (comme l’on dict),et de prévenir, par leur prudence humaine, les complots et machinations de leurs adversaires. De Foix, Fumée et du Faur se disoyent estre détenus pour avoir remonstré en saine conscience les abus qui s’estoyent glissés en la religion, et pour avoir donné leur advis de les réformer par un libre et sainct concile; sur quoy on ne pouvoit leur faire procès, d’autant que toutes opinions estoyent libres, et que les leurs estoyent fondées sur le premier article de la paix avec le roy d'Espagne , que le feu roy avoit fait émologuer au parlement , où il estoit parlé de ce concile universel qu’on promettoit faire assembler pour déterminer des différends de la chrestienté sur la religion. Que si le vouloir du roy n’estoit d’en user ainsi, les députés de la paix qui l’'avoyent accordé estoyent punissables, et non eux d’avoir ensuyvi l’intention dudict seigneur. Et sur ce qu’on leur vouloit faire rendre raison de leur foy, ils confessoyent lesSainctes-Escriptures du vieil et nouveau Testament, et les symboles des apostres et d’Athanase, receus et approuvés comme le sommaire de la vraye religion chrestienne. Mais quand on les pressoit de respondre sur les contentions et discords de ce temps, ils disoyent n’y estre autrement tenus, sinon qu’on prouvast qu’ils eussent parlé au contraire de l'opinion receue en l'Église catholique, partant requérovent d’estre interrogés sur leurs charges et informations. Voilà ensommeleurs eschappatoires contre le cardinal qui s’attendoit triompher d’eux. Quant à Eustace de la Porte, il s’y porta autrement , se soumettant à croire ce que l’Église romaine croyoit, de corriger son opinion si elle estoit désagréable au roy, et pour ce faire, signer la charte blanche.

Jusques ici il a esté veu comme ceux de Guyse, appuy de la roine mère, et s'appuyant

mains dudict président Sainct-André, il choisit | aussi sur icelle, avoyent gagné l’aureille de ce

jeune roy , esloigné les princes du sang et les seigneurs qui n'estoyent de leur retenue, reculé ceux qui auparavant manioyent les affaires, borné les villes frontières de leurs affcctionnés serviteurs : somme, que l’un avoit empiété le commandement sur ce qui concernoit le faict de la guerre ; et l’autre la superintendance des finances et des affaires politiques, en sorte que l’authorité souveraine estoit entre leurs mains. Mais quoy qu’ils sceussent faire, ces choses despleurent tellement à tous les estats de France, que plusieurs se donnèrent liberté d’en dire leur advis hault et clair, jugeant & gouvernement, administré par les estrangers, du tout desraisonnable, pour avoir esté mesmes establi avant la venue du roy de Navarre, premier prince du sang, et sans en demander l'advis à ceux qui y avoyent intérest, et auxquels il appartenoit, qui estoit fouler aux pieds les anciennes loix qui avoyent entretenu par si long temps la monarchie du royaume.

Ces choses, dis-je, faisoyent sentir à toutes personnes un joug insupportable de ces nouveaux gouverneurs, et descouvrir les inimitiés secrettes d'aucuns qui esmouvoyent les autres : ce que ceux de Guyse pensoyent pouvoir supprimer par leurs menaces, et la roine mère par ses menées ; lesquelles menaces estoyent d’autant plus remarquées , que l’on estimoit qu’ils voulussent petit à petit réduire le peuple en telle servitude et captivité comme dessous le Turc, ainsi qu’ils avoyent essayé de faire dès le vivant du roy Henry.

Finalement, après avoir longuement attendu l'assemblée desestats, etsceu que ceux de Guyse avoyent persuadé au roy qu'il n’avoit plus grands ennemis que ceux qui parloyent de les convoquer, toutes sortes de gens de la France s'animèrent contre lesdicts de Guyse, voire lors mesmes qu'ils s’estimoyent estre appuyés sur fermes fondemens, et que tout leur viendroit à souhait. Adonc on commenca à disputer et mettre en avant qu'ils n’estoyent légitimes magistrats, mais plustost tyrans et usurpateurs, d'autant qu'ils avoyent renversé tout l’ordre anciennement estably et changé le bel estat de France et des Francois à une cruelle servitude et tyrannie, laquelle devoit d’autantmoins estre supportée qu'ils estoyent estrangers, auxquels nulle subjection n’estoit deue.

Ils se fondoyent sur la loy salique, establie

et inviolablement gardée dès le commencement de ceste monarchie par le commun accord et consentement des estats, ayant de tout temps a“coustumé de pourvoir de gouverneurs aux rois mineurs, comme il avoit esté practiqué à l'endroit de Charles-le-Sinple, Philippe-le-premier, le roy Sainct-Louys, Charles sixiesme, qui ne fut mis hors de la tutelle de ses oncles que par privilége et ordonnance des estats, encores qu'il fust aagé de 22 ans, et disoyent que de plus fresche mémoire, l’an 1484, l'assemblée des estats s’estoit tenue à Tours, en laquelle, selon leur authoritésuprême, surmontant toutes les difficultés qui se présentoyent de la part des princes et de la dame de Beaujeu, tante du roy (laquelle se vantoit d'avoir par testament la garde du roy Charles huictiesme, lors mineur d’ans, et l'administration du royaume pendant son bas aage ), ils donnèrent au roy des conseillers avec la manière de leur gouvernement et administration ; limitant la charge de ladicte dame, et celle des princes et du conseil. Quant à ce qu’on alléguoit ordinairement que tel estoit le plaisir du roy, ils disoyent qu’on n'y devoit avoir aucun esgard, estant chose notoire que ce seroit contre tout droict que le pupille se peust luy-mesme constituer tuteurs, ou que le mineur se donnast soy-mesme un curateur à sa volonté. Que si cela estoit observé entre personnes privées, à plus forte raison devoit-il avoir lieu en un roy, veu qu’en sa personne il estoit question du bien commun et de la tranquillité publique ; joinct que les rois de France en avoyent tousjours ainsi usé, et qu’en tels aages ils avoyent recogneu de leur bon gré les loix et statuts de leurs pays, de peur que la monarchie, qui porte le nom de très-chrestienne, ne fust abastardie ou changée en quelque estats de tyrannie, joinct que si le roy avoit quelquesfois tenu ce langage, c’estoit seulement a la persuasion desdicts de Guyse,quile tenoyent tellement assiégé que nul ne pouvoit avoir accès à luy, sinon par leur congé et en leur pré: sence,à quoy mesmesestoit appliquée l'ancienne devise du cardinal, savoir est un lierre enlacant la pyramide, qui estoit la devise du feu roy, comme s'il eust voulu effrontément et tout ouvertement triompher de la France, qui fut cause que quelques gens d’esprit tournèrent son nom, qui estoit Charles de Lorraine, en quatre sortes, à limitation des Grecs, qui ap-

pellent ceste façon de faire anagrammatisme, c’est-à-dire transposition de lettres, et se trouvèrent toutes ces sentences si convenables à ce dont estoit question, qu'il sembloit que ce fussent comme prophéties. à savoir : Raclé as l'or de Henri. — Hardi larron se cèle. — Renard lasche le roi.—Il cherru l'asne doré. Ils disoyent davantage que toutes ces raisons cessantes, lesdicts de Guyse estoyent incapables d’un tel gouvernement. Car quant au cardinal, sa charge ecclésiastique l’en privoit, puisqu'il n’estoit responsable devant un juge séculier, pour laquelle raison le roy Jean, pourveu de bon conseil, avoit osté les sceaux à messire Jehan des Dormans, son chancelier, devenu cardinal ; et encores aujourd’hui, en la seigneurie de Venise et autres républiques bien policées, les cardinaux n’estoyent receus au conseil. Que si on alléguoit là-dessus les cardinaux d’Amboise et du Prat, oultre ce que cela estoit advenu sous la majorité du roy auquel il auroit ainsi pleu, l'expérience avoit monstré, surtout au dernier de ces deux, combien cela estoit pernicieux; comme dès le temps de Charles sixiesme, la France l’avoit jà essayé, n'ayant esté possible d’amener à raison le cardinal d’Amiens, qui s’estoit retiré à Rome avec ses thrésors. Mais que le roy Louys onziesme et le roy Henry huictiesme, d'Angleterre, avoyent esté plus saiges à la fin, l’un se saisissant du cardinal Balme et l’autre du cardinal 4’Yorck. Et sans faire plus ancienne recherche, l'exemple du cardinal moyne de Transylvanie, ayant assujetti au Turc ce royaume-là, estoit tout notoire, et estoit fort à craindre que ceux de Guyse nese voulussentemparer de la couronne, attendu que dès le temps de Henry ils avoyent bien csté outrecuidés jusques-là de dire que le royaume appartenoit à la maison de Lorraine, comme issue de la race de Charlemagne, sur laquelle Hugues-Capet l’avoit usurpée ; en quoy toutesfois ils mentoyent avec leurs historiographes attiltrés, estant chosetrop vérifiée que Charles, dernier de la race de Charlemagne, et duc de Lorraine qu’il avoit soustraite à son frère, la relevant de l'empire, estoit mort avec ses deux seuls enfans prisonniers à Orléans, et le royaume, pour le forfait que dessus, avoit esté transporté par les estats à Hue- Capet, issu, comme l’on estime, de la maison de Saxe. Or, est-il ainsi que par toutes loix

celuy qui s’est ingéré à quelque tutelle ou curatelle en doit estre forelos comme suspect, et beaucoup plus encore celuy qui prétend quelque action sur les biens de pupille ou mineur. Au moyen de quoy lesdicts de Guyse estoyent du tout incapables du gouvernement de France (quand mesmes ce poinct notable d’estrangers cesseroit), puisque ils prétendoyent y avoir droict comme estant de la race de Charlemagne; et où ils voudroyent desguiser cela de peur d’encourir le crime de lèze-majesté, toutesfois ils ne pouvoyent nier d’avoir manifestement querellé et prétendu, comme encoresils font à faulx tiltre, le comté de Provence, le duché d’Anjou et autres membres de la couronne de France ; ce qui avoit esté formellement empesché par le connestable, au commencement du règne de Henry, et depuis consécutivement autant de fois qu'ils avoyent mis ce faict en avant, estant chose trop notoire que le duché d’Anjou estoit réuni à la couronne pour le moins par la nature d’apennage, et le comté de Provence acquis par donation du roy René, ennemi de la maison de Vandemont, dont ceux-ci sont issus, et ce à cause de la prison pour sortir de laquelle il avoit esté contrainet y marier son héritière. Sur cela estoyent mis en avant les exemples de ceux qui, sous couleur de tutelle ou curatelle, avoyent autrefois usurpé meschamment les royaumes et principautés, comme Tarquin-le-Superbe et autres. Nommément, on alléguoit une histoire récitée par Tite-Live en son vingt-et-quatriesme livre, pour ce qu'elle avoit grande convenance avec le cas qui s’offroit. À savoir d'un Andronodorus délaissé par Hiéro, roy de Sicile, avec quatorze autres personnes, pour gouverner Hiérosme, son petit-fils, àgé de quinze ans; lequel Andronodorus, voulant s'emparer du royaume, persuada à ce jeune prince de déchasser arrière de soy les autres quatorze gouverneurs establis par son ayeul, comme s’il eust esté de soy-mesme assez suffisant pour gouverner seul son royaume. Ce que ayant faict Hiérosme, Andronodorus, qui estoit demouré seul auprès de luy parce qu'il estoit son oncle (comme aussi ceux de Guyse se nommoyent oncles du roy ), tascha d’opprimer ce jeune prince pour occuper le royaume, en quoy toutesfois il fut empesché par la noblesse du pays. On mettoit aussi en avant que ceux de

Guyse entretenoyent le pape et la religion, non pour aucune bonne dévotion ni affection qu’ils yeussent, mais sculement pour le grand gain et prouffict qui leur en revenoit,etqu’ilsen espéroyent à l’advenir.Car,oultreccqu’ilss’estoyent merveilleusement enrichis du crucifix, tenant à trois ou quatre cent mille livres de revenu en l'Église, craignant la ruine de ce siége, sinon qu il fust gardé à force d'armes, ils s'attendoyent, en le maintenant violentement, d’en recevoir les guerdons qu’eut Pépin, fils de Charles-Martel, prédécesseur de Charlemagne, et par ce moyen s'approprier le royaume de France, sous ombre de ce qu'ils se disent estre issus de la race de ceux qui ont tant faictdebien à ce siége romain. On remémoroit aussi les effects lamentables de leur ambition, d’autant que l'un se voulant faire pape, et l’autre ayant desjà englouti, par espérance, le royaume de Naples, ils avoyent fait rompre la trefve tant honorable et advantageuse pour la France, et mené une bonne partic des forces du roy en Italie sous couleur de secourir le siége romain, dont estoit ensuyvie la perte de la journée Sainct-Laurent, ayant mis le royaume en tel hazard que pour le rachepter il avoit fallu rendre toutes les conquestes du feu roy Francoisle-Grand, et rongner le royaume d’une bonne partie d’iceluy. Et pour la fin n’estoit oublié le changement qu'ils faisoyent de toutes choses, outre les exactions et toutes sortes d’imposts grandement accreusdepuisleurgouvernement, au lieu de rendre compte de tant de finances maniées par eux, dès le règne du feu roy.

Ces choses et plusieurs telles autres cstoyent proposées et débatues ordinairement ès compaignies, pendant que ceux de Guyse, ayant faict absenter de la cour tous ceux qui n’estoyent de leur faction, possédoyent paisiblement le roy et le royaume. Mais ces bruicts apportèrent après eux de merveilleuses conséquences, ct firent lever laureille à beaucoup de grands et nobles personnages, voire mesmes aux plus taciturnes et paisibles, et qui avoyent quicté toutes affaires publiques ct particulières pour demourer cois en leurs maisons; ceux-là, dis-je, estovent comme réveillés d'un profond sommeil, pour penser au salut public, et à ne tomber ès mains des personnes qu’on tenoit comme vrayes harpics, esponges et sangsues.

Cependant le roy, pourmené cà et là par eux,

SOUS FRANÇOIS Il.

commenca en un instant de croistre à veuc d'œil, en sorte qu’en peu de temps d'enfant il se monstroit homme parfaict; ce qui leur vint grandement à plaisir, estimant que par la corpulence on le jugeroit plus capable de pouvoir administrer son royaume sans un Conseil ordonné, et que par là ils le manicroyent à souhaïit. Mais comme nul plaisir humain ne vient sans estre suivi de tristesse et sollicitude, ce prince mal sain, et qui dès son enfance avoit monstré de grandes indispositions pour n'avoir craché ny mouché, sorty d'une longue fièvre quarte, avoit un visage blafart et bouffi; lequel tira adonc sur la haute couleur, comme aussi se formoit une corruption en l’une de ses aureilles, qui faisoit l'office du nez, lequel il avoit furt camus. Toutes ces choses donnèrent grand pensement et crainctce à la roinesa mère, en sorte que les médecins plus suffisans furent par elle assemblés à Fontainchleau, qui luy conseillèrent de le mener passer lhyver à Bloys, tant pour estre ceste contrée au meilleur et plus gracicux air de tout le royaume, que pour y avoir ledict scigneur esté nourry dès le berceau ; là où aussi on luy pourroit appliquer certains médicamens précieux, en attendant qu'à la primevère on luy préparast des bains aromatiques ct propres à sa maladie. On dit que de ce pas quelques médecins, faicts de la main de ceux de Guyse, les advertirent secrettement de pourveoir à leurs affaires, d'autant que ce prince n'estoit pour la faire longue. Et davantage qu'ils ne se devoyent attendre que la roine leur niepce eust aucuns enfans, s'ils ne venoyent d’autres que de luy, tant pour les causes susdictes que pour ce qu'il avoit les parties géncratives du tout constipées et empeschées, sans faire aucune action ; toutes{ois, ils pensoyent qu'il pourroit bien vivre encore deux ou trois ans, s’il ne luy survenoit autre nouvel accident, lequel on empescheroit par le moyen des préservatifs à luy ordonnés.

Quoy que ce soit, ils se résolurent dès-lors de se maintenir à quelque prix que ce fust, et de n’oublier nul moven que le temps offriroit, se faisant forts que. cestuy-ci leur faillant, ses frères encores plus jeunes leur serviroyent tousjours de mesme appuy, pourveu que la roine mère demourast en son degré, comme elle de son costé y regardoit encores de plus près. Pour à quoy parvenir, tout ainsi qu’ils avoyent mal

mené le parlement de Paris, vivant Henry, et entièrement harassé ceux qui n’estoyent faicis de leur main, aussi commencérent-ils à en praticquer les principaux et plus anciens par promesses et présens de bénéfices (desquels ils avoyent l'entière disposition ), en sorte que plusieurs d’iceux esblouis de leur authorité, et considérant le danger où ils se mettoyent en leur résistant, veu qu'il ne leur apparoissoit aucun autre moyen de s’avancer, ny aussi de les délivrer de danger, et d'autre costé alléchés de biens et grandeurs, s’enclinèrent tellement de ceste part, que s’estant jettés dans leurs filets, ils s’y trouvèrent comme en un labyrinthe. Ayant doncques franchi le sault, et s’estant voués et consacrés à leur service, c’estoit à qui mieux leur complairoit. Le semblable advint de la pluspart des gens de guerre ct autres courtisans : Car Comme plusieurs d’iccux cerchent volontiers leur profictet honneur particulier plustost que le bien publie, ils ployèrent si bien au vent d'où venoit la faveur, qu’il ne restoit qu'à commander pour obéir promptement. Et combien que les uns et les autres cognussent par suffisantes conjectures que le but auquel tendoit ceste maison estoit tout autre que celuy qu’on leur figuroit, si est-ce qu'abreuvés de vaine espérance, et pour s’entretenir en une imaginée prospérité comme gens snyvrés, chascun se précipitoit en ce gouffre. Mais surtout le cardinal, ayant plusieurs cordes en son arc, se savoit tellement transformer en toutes facons, qu'il est impossible de croire comme il se contrefaisoit en appropriant masqu’s à son visage. Car avec une grande ruse il attiroit chascun, en sorte que d’eux-mesmes et à son clin-d'œil, ils entreprenoyent ou bien conseilloyent ce qu'il n’eust osé luy-mesme desgorger de son estomac. Et sitost qu’il avoit barre sur quelqu'un, comme les Francois sont prompts à se présenter, il les savoit tellement “arrester court qu'ils n’eussent peu reculer puis après sans encourir un extresme péril. Mais entre tous stratagèmes, deux choses luy estoyent singulièrement recommandées : à savoir de tellement s’avancer qu'il jouast à boulle veue, et d’avoir l'amitié des ecclésiastiques pour s’aider de leur bien, ct du peuple qui tenoit la religion romaine de ses ancestres, pour en avoir secours volontaire, sans lequel rien de tous ses desscings ne pouvoit avoir force ne vigucur. Et d'autant

qu’il cognoissoit les uns avaricieux ct les autres superstitieux, il usoit d'autant de façons comme il les cognoissoit d’humeurs diverses. Rien doncques n’estoit cspargné de sa part pour faire croire que ceux de la religion estoyent non seulement ennemis du repos public, mais aussi de la personne du roy et de son estat. Pour sonder de quelle affection on estoit envers le roy, il déploroit quelquesfois la misère et condition pitoyable du temps, et regrettoit l’indisposition du roy, alléguani la crainte qu’il avoit que son règne fust trop court pour chastier les hérétiques, et qu'après luy il survinst un autre règne qui leur laschast la bride. Sur quoy chascun disoit qu’il falloit, toutes choses cessantes, les exterminer, ce pendant que les choses y estoyent disposées, et avant qu'ils eussent pris plus longue racine. Lors voyant que cela s'ac-

cordoit assez bien à son souhait, ses passions

aussi le transportoyent plus oultre, en insistant

sur la maladie du prince, laquelle il remarquoit malicieusement de contagion de ladrerie. Partant ne fut-il question aux siens que de semer des bruicts pour'rendre le roy et toute sa maison odieuse. Et de vray, c’est chose certaine que de là sortit premièrement le bruit que le roy alloit à Bloys se faire médeciner, à cause des teinctures de son visage. Et comme la curiosité des Francois estoit d’enquérir profondément quoy et comment cela s’entendoit, ceux de ceste faction voyant combien cela leur pouvoit servir avec le reste de leurs préparatifs, disoyent en grand secret à l'aureille que pour vrayle roy estoit entaché de lèpre, pour laquelle guérir il falloit le baigner au sang des petits enfans, et que desjà commission cstoit expédice à certains personnages d’aller prendre les plus beaux et les plus sains qu’on pourroit trouver depuis quatre jusques à six ans. Et comme volontiers mauvaises nouvelles courent plus viste que les bonnes et certaines, ce faulx blasme esmeut tellement le peuple, mesmes à l’entour de la rivière de Loyre et de vingt lieues à la ronde de la cour, que c'estoit pitié de voir aller et venir les pères et mères cachant et enfermant leurs enfans cà et là où ils pensoyent avoir meilleure seureté. Et de vray ceci ne fut sans occasion, car certains rustres suyvans la cour se transportèrent par les bourgades cet villages, les uns demandant par les maisons particulières le nombre de leurs enfans qu’ils mettoyent par es-

cript; les autres, feignant ignorer ce quelespre- | promettoit à celuy qui les décéleroit, encores miers avoyent faict, s’enquéroyent s’il estoit | qu’il eust esté des complices et coulpables,

venu gens pour enregistrer leurs enfans, disant qu’ils se devoyent bien garder de les bailler, car c'estoit pour baigner le roy en leur sang. Et par ces moyens prenoyent argent des pères et des mères, comme leur ayant fait un très grand plaisir et digne de grande récompense. Le roy arrivé à Bloys sceut ces nouvelles qui le troublèrent grandement, et sa mére aussi, qui s'appercevoit de je ne scay quoy outrepassant leurs communs desseings. Mais le cardinal qui ne donnoit aucune relasche à ceux de la religion (pour les tenir hors d’haleine), affermoit ce blasme estre provenu de leur part, à fin de rendre le roy odieux à son peuple, comme ils cerchoyent à luy oster la couronne pour la transporter à quelqu'un de leur suyte.De quoy lediert seigneur conceut un tel ennuy que dès-lors il se rendit ennemi mortel des évangéliques, n'ayant plus grand plaisir qu’à s’enquérir des moyens de les exterminer du tout. Par ainsi, d'autant que les peines sembloyent n’estre assez exprimées par les édicts précédens, il en fut faict un autre, &u commencement de novembre, contre les assemblées qui continuoyent plus que jamais de jour et de nuict. En quoy ils disoyent non seulement l'usage de l’Église Romaine estre vilainement prophané, mais aussi qu'il s’y semoit et divulguoit plusieurs vilains infâmes et injurieu x propos contre Sa Majesté, et pour inciter le peuple à mutinerie et sédition. Partant estoitildict que toutes personnes qui fcroyent conventicules et assemblées illicites pour le faict de la religion ou autre cause, et ceux qui s’y trouveroyent seroyent punis du supplice de mort, sans aucune espérance de modération de peine, et les maisons rasées et démolies, sans pouvoir jamais estre rebasties. Et d'autant que la ville de Paris estoit sur toutes autres recommandée, et que les juges y avoyent plus de dévotion au cardinal, oultre le grand profict qu’ils faisoyent en ces poursuytes, autres lettres-patentes du treiziesme de novembre furent d'abondant décernées à ceux du Chastelet, contenant les mesmes blasmes semés contre le roy (comme ils disoyent) par les hérétiques. Parquoy leur estoit mandé faire crier par la ville que ceux qui auroyent cognoissance de ces assemblées les allassent révéler à justice dans certain temps, s’ils ne vouloyent encourir mesme peine. On XVIS s1Ècce, La PI. et La PI,

avecques le pardon et impunité du faict, cent escus pour loyer. Et à fin que tels délateurs fussent gardés de violence et oppression, ledict sieur Îles prenoït en sa sauve-garde. Suyvant lesquelles lettres publiées le vingtiesme dudict mois, la persécution recommenca plus grande qu'auparavant, si que nul de tous ceux qui estoyent tant soit peu suspects n'osoyent monstrer le nez qu'il ne fust happé par la diligence de Russanges et David, lesquels, accompaignés de plusieurs sergens, raudoyent sans cesse par la ville ; mais ayant eu le vent qu’on les menaçoit, ou bien la mauvaise conscience les ayant espouvantés, ils en advertirent le cardinal, lequel le fit trouver très mauvais au roy, si que lettres-patentes du quatorziesme de novembre leur furent envoyées pour informer et punir à mort ceux qui se trouveroyent avoir donné quelque faveur, conseil et support aux sacramentaires et entachés d'autre crime d'hérésie, et qui usoyent de menaces ou intimidations contre les juges, leurs ministres et ceux qu’on vouloit produire à tesmoings.

Environ ce mesme temps, à scavoir le 18 décembre, Antoine Minard, “-ésident au parlement de Paris, l’un des g->.nds supposts de ceux de Guyse, fut tué d’ur, coup de pistole un soir, comme il retournoic du palais en sa maison, et ce par gens incogneus. Et quelque diligence qu’on pust faire l’on ne sceut jamais scavoir d’où cela cstoit venu. Les uns disoyent que c’estoit pour paillardise, d'autant qu’il y estoit du tout adonné, et qu’il ne craignoit de séduire toutes les dames et damoïiselles qui avoyent des procès devant luy, contrainctes de se prostituer à ce taureau bannier si elles ne vouloyent perdre leurs causes. Les autres, que c’estoit par quelquesdésespérés desquels il avoit vendu le droict, comme il estoit en réputation de juge du tout inique, et d’avoir destruit une infinité de grosses maisons par ses desguisemens et praticques. Les autres maintenoyent que c’estoyent les luthériens, parce qu’il donnoit toutes les instructions et mémoires à ceux de Guyse pour les molester, et qu’il leur révéloit les secrets de la cour, combien qu’il eust autresfois faict profession de leur doctrine. Entre les autres appréhendés sur le champ par souspecon, Îe bastard du feu cardinal de Meudon, oncle de la

dame d’'Estampes, fut pris prisonnier, d'autant que peu auparavant il s’estoit plainct que Mipard avoit fait donner le bien de son père au Cardinal de Lorraine, et s’estoit fait exécuteur de son testament sans luy avoir rien réservé; mais il prouva son alibi. Ils avertirent aussi le roy par un nommé des Croisettes, substitut du procureur général, qu'il y avoit un certain Escossois, se disant parent de la roine, et surnommé Stuard comme elle, auquel soubs ombre qu’il alloit visiter les prisonniers pour la religion, ils imposèrent qu’il avoit voulu mettre le feu dedans la ville de Paris pour délivrer les prisonniers. Ce qu’entendu par la dicte dame, laquelle il réclamoit en aide, elle le désavoua pour complaire à ses oncles, qui fut cause de le fâire durement traiter et tourmenter par gehennes. Mais on ne sceut rien tirer de luy. Ces nouvelles ainsi venues à la cour, le cardinal en fut grandement intimidé, et encores plus quand au mesme instant, ou peu après, On tua un nommé Julian Fermé, à quatre ou cinq lieues de Chambourg, où lors estoit le roy, lequel alloit porter force mémoires pour faire procès aux plus grands princes et seigneurs du royaume, et autres gens riches et opulens qui favorisovent ceste ‘octrine, et craignoit grandement le cardinal “von ne le traictast de mesmes. Toutesfois il ne se deporta pour cela de ses entreprinses; ains, despité et fasché d’avoir perdu ce bon serviteur et ses mémoires, il essaya de rendre ceux de la religion tant plus odieux, les accusant d’en avoir esté les meurtriers. Et de faict, l'apparence estoit grande que plusicurs de la religion, comme il avoit esté prédict à la roine mère, se faschoyent de la patience chrestienne et évangélique, n’obéissant rien moins en cela qu'à leurs ministres. Ramerant donc en jeu ces blasmes susdicts de la maladie du roy, desquels luy-mesme estoit authceur, et espérant que par subornations ou autrement on pourroit trouver quelque chose contre eux, il fit décerner commissions aux maistres des requestes, et mesme aux juges prochains qu'il savoit estre à sa dévotion, pour en informer diligemment. Il leur estoit aussi mandé de faire publier à son de trompe, ct par affiches aux temples et lieux publics, que toutes personnes qui sauroyent ceux qui avoyent

semé de tels bruicts l’allassent révéler aux | commissaires, sur peine de crime de lèze-ma-

jesté. Que si aucun se présentoit, ores qu'il fust des complices et coulpables, oultre le pardon, loyer estoit promis de trois cents écus. Aux personnes privées estoit donné puissance de prendre au corps ceux qui avoyént tenu tels propos, et les mener au plus prochain juge, lequel, toutes choses cessantes, devoit leur faire procès, et iceluy envoyer au privé conseil. Et où les captures ne se pourroyent faire, on vouloit qu'ils fussent poursuyvis, et qu’on criast après eux : au boutefeu ! au traistre! jusqu’à ce qu'ils fussent venues au lieu qu’on pouvoit sonner le tocquesain, et alors que chascun s’employast de les prendre, s’il ne vouloit encourir la mesme punition, et où il y auroit défense, estoit permis de les tuer. Or, combien que ceux de la religion fussent très mal voulus, et qu’on rejettast sur eux la faute de toutes mésaventures et malheurs, ce néantmoins il ne se trouva aucune preuve contre eux, dont le cardinal fut très marry, taxant les juges deles avoir espargnés, et avoir prins argent : toute laquelle procédure fut trouvée estrange de beaucoup de personnes de bon jugement, d'autant que ce bruict, au grand diffame du roy, eust peu se vé- . rifier accortement, ou bien estre enseveli plus secrettement, que le publier ainsi solennellement au veu et sceu des Espagnols, qui atten-

doyent le partement de la roine leur maistresse,

ot sœur dudict sieur roy.

Finalement, un de ces garnemens s’estant rencontré auprès de Loches, le juge du lieu l'ayant pris prisonnier, saisi d’une commission qu'il maintenoit estre expédiée en la chancellerie et signée d’un des secrétaires d’estat, il fut mené à Bloys, où il fut recogneu comme ayant familièrement fréquenté en la maison du cardinal de Lorraine, et iceluy servi d’espion, et comme ayant donné des nouvelles inventions de surcharger le peuple, ainsi que la cour est coustumièrement farcie de telles gens.

Somme, plusieurs le pensoyent estre domestique de ceste maison. Par son procès il confessa avoir exigé et rançonné du peuple, en vertu de ceste commission, douze ou quinze cens écus ; mais ce malheureux estant mené au supplice pour estre décapité, demoura si ferme et opiniastre que jusques à la fin il maintint la commission estre vraye, et avoir iccile prinse par commandement du cardinal, comme aussi il disoit en avoir faict délivrer à plusicurs autres

courtisans et gens de sa maison. Cela fut cause de mettre en doute et dispute ce qui auparavant n'estoit tenu que pour fable et pur mensonge, comme à la vérité tout cela seroit digne d'estre supprimé, sinon que les estrangers en voulussent faire mémoire, et rapporter les choses autrement qu’elles ne sont passées, à cause du grand bruict qui en fut semé partout par la ruse desdessus dicts. Ce faict aussi estoit trouvé du tout ridicule par les médecins et chirurgiens, voire des empyriques et triacleurs mesmes. Voylà en somme quelle fut l’issue de ces faux bruicts, qui furent semés, comme nous avonsdict, et à double cautelle: l’un pour petit à petit desgouster les Francois de l'amour naturel qu’ils portent à leurs rois, pour estre le roy, comme ils vouloyent faire croire, entaché de telle contagion, et par ce moyen les préparer à nouveau changement; et l’autre, pour rendre tellement odieux ceux de la religion envers le roy, que par son moyen ils fussent du tout exterminés, à fin que cela racléils ne trouvassent aucune résistance à exécuter leurs desseings.

Il a esté fait mention de l’arrest donné contre du Bourg, lequel estant divulgué, ceux de l'église de Paris meirent toutes peines possibles de luy sauver la vie. Premièrement ils sommèrent la roine mère de promesse : mais ayant eu froide response, ils se retirèrent devers Otton Henry, comte palatin et premier électeur de l'Empire, qui aussitost envoya ses ambassadeurs le demander au roy, pour s’en servir en son université à Heydelberg. De quoy le cardipal adverty de la cause de leur venue, despité extrêmement de la mort de son bon ami Minard, escrivit qu’on le fist mourir incontinent et avant leur arrivée, à fin que le roy n’en fust davantage importuné. Et quand plus il estoit prié de faire superséder l'exécution, tant plus se monstroit-il difficile, puisque l’on avoit eu recours aux Alemands hérétiques, lesquels aussi il espéroit chastier à leur tour. Ceux de Guyse donnèrent les moyens et adresses pour faire l'exécution seurement, et en la maniere qui sera tantost déclarée.

Cependantestant advertis qu’onles menacoit, lettres-patentes furent publiées narratives des défenses précédentes du port des pistoles et kscquebuttes, qui néantmoins avoyent esté si mal observées qu’il se commettoit journelle-

|} went de grands et exécrables meurtres, pour

lesquels empescher sembloit laugmentation des peines estre le meilleur remède. Il estoit donc défenda de par le roy à toutes personnes, fussent gentilshommes de sa maison, de ses ordonnances, officiers, domestiques, archers de ses gardes, gardes des forests, gens de justice, de finances, marchands et autres quelconques, ne porter aucunes pistoles, fust par les chemins ou dans les villes, sur peine de la vie, encores que ils n’en eussent tiré, voire et sans espérance de grace, de modération de peine, la confiscation départie moitié au roy, moitié à l’'accusateur; toutes permissions, privilèges et congés révoqués ; enjoinct à tous subjectset personnes privées de faire les captures sans s’arrester à aucun congé ct les mener au plus prochain juge : que pour les saisir on criast : au traistre! au boute-feu! qu'a ce cry chascun fust tenu de les suivre jusqu’à ce qu'ils fussent appréhendés; que pour ce faire les paysans laissassent leurs besongnes, sonnassent le tosquesain, sur la mesme peine de la vic; et aux juges commandement d’inviolablement garder ceste ordonnance, sur peine de privation d'office. Et à ce que ces patentes fussent plus estroictement recommandées, y estoyent adjoustées lettres du cachet du roy, avec menaces, à fin d’y avoir de plus près l'œil. Voilà comme le cardinal et son frère pensèrent avoir bien pourveu aux entreprinses qui se brassoyent contre eux.

Nous avons cy-devant fait mention du jugement à la mort donné contre du bourg, et comme l'exécution avoit esté différée jusques à nouveau mandement du roy. Or, n'estoit-il point en la prison sans beaucoup souffrir, car on le tenoit bien estroictement en la Bastille, et n’avoit point le traictement que requéroit son estat; ains quelquesfois estoit là au pain et a l’eaue. La communication de tous ses amis luy estoitinterdicte, tellement qu'il ne pouvoit estre secouru ni soulagé; et quelquesfois, pour souspecon qu’on avoit qu’il se faisoit entreprinse pour le délivrer par le bris des prisons, on le restraignoit en une cage, en laquelle il avoit tous les malaises, comme on peut penser. Ce nonobstantil se réjouissoit tousjours et glorifioit Dieu, ores empoignant son luth pour luy chanter psalmes, ores le louant de sa voix. Plusieurs taschovyent de le destourner : mais ils y perdi-

rent leur peine, estant repoulsés d’une grande ; et que les embusches fussent inutiles (si aucunes y en avoit), les juges délégués firent dres-

constance ; car il remonstroit tousjours l’équité de sa cause, et qu'il n'estoit détenu que pour la confession de nostre Seigneur Jésus-Christ ; et pourtant ne falloit qu’il fust si lasche et desloyal que de faire chose aucune pour rachepter sa vicet la bonne grâce des hommes, au déshonneur de Jésus-Christ et au péril de son ame. Mesmes son affection estoit telle, qu'il dressoit une requeste au parlement avec une confession ample de sa foy, et la présenta de peur qu'ils ne fussent assez satisfaicts de ses responses.

Ses frères, advertis du commandement du Cardinal, luy firent savoir comme à force d’eseus ils avoyent obtenu du pape des bulles pour le quart appel, le priant de s’en aider ; car elles estoyent si expresses et fulminantes qu’il seroit, en vertu d’icelles, mené à Rome , et lors on le délivreroit aisément par les chemins: autrement c'estoit faict de Lluy. Ce qu’il refusa, et asseure-l’on qu'il ne se resjouit jamais tant que quand il sceut sa fin approcher, et qu’en détestant la papauté, il déploroit les moyens par luy tenus pour prolonger sa vie, ce qu’il monstra ouvertement le 20 de novembre à ceux qui le dégradèrent des ordres /°diacre et sous-diacre ; Car au sortir ils estoyenr nerveilleusement estonnés de ses remonstrances.

Estant après ces cérémonies remené à la conciergerie du palais , on fit courir le bruict qu’il s’estoit desdict,et qu’à ceste cause l’on avoit envoyé au roy pour obtenir sa grace; mais ce bruict se faisoit expressément pour rendre inutiles les entreprinses qu'on craignoit estre faictes pour sa délivrance. Or,la coustume ancienne du parlement estoit qu'aux quatre festes annuelles, qu’on appelle , on réservoit à mort les plus grands malfaicteurs , voleurs , brigans ou parricides, à fin que la punition fust plus mémorable. Mais depuis trente ou quarante ans que la persécution fust esmeue contre les luthériens, ce sort escheut sur les plus doctes et renommés d’entre eux, comme estant leur fermeté blasmée plus que les meschancetés des pires garnemens du monde. Par ainsi du Bourg fut réservé à Noël. Le samedy donc de devant

ceste feste , que l’on comptoit le 21 de décem- :

bre, on assembla 400 hommes de pied et 200 de cheval, et plus, tous armés à blanc. Et à ce qu’on ne peust scavoir où se fcroit l'exécution,

ser des potences, et mener du bois par tous les carrefours de Paris pour ce accoustumés. Et en cest esquippage, le vingt-troisiesme de décembre du Bourg fut mené en Saint-Jean en Grève, et là bruslé et son corps réduit en cendres. Il n’est possible de descrire la constance et fermeté de ce personnage ; car elle estoit admirable sur tous ceux qui ont souffert pour ceste querelle. Bref, sa magnanimité surmonta la violence de ses ennemis, quelque grande qu’elle fust. Car ceux qui voyoyent sa contenance, depuis que son arrest luy fust prononcé, racontoyent merveilles de ses propos ct grandes sentences. Et combien que l’on fust observé de près, si est-ce que plusieurs disoyent hault et clair, qu'il ne pouvoit se faire que ce personnage ne fust conduict de l'esprit de Dieu, l’estimant très heureux de ce qu’il mouroit si constamment pour maintenir la vérité, et que le salut de sa patrie et l’honneur de la justice luy avoyent esté plus précieux que sa propre vie.

Après du Bourg furent menés à la mort plusieurs autres pour mesme raison, qui furent aussi bruslés, à savoir : André Coiffier en la ville de Dampmartin ; Jean Isabeau, menuisier, natif de Bar et pris à Tours, et là exécuté à la mort ; et Jean Judet à Paris, le tout par arrest de la cour du parlement de Paris.

Or, sice personnage notable estoit plaint des gens doctes et d’estat , la populace de Paris au contraire se monstroit tant plus envenimée contre les évangéliques ; car comme elle est composée de toutes nations , et de nature mutine, les sorbonistes et autres moynes leur servoyent de souflets par leurs prédications, pour les enflamber contre ceste doctrine, disant que les sectateurs d'icelle estoyent gens sans Dieu et sans religion, et les chargeant des crimes cydessus allégués, ce qui mettoit ceste populace en telle rage et forcénerie contre eux, que souvent il y en avoit du peuple qui servoyent de bourreaux, en les ostant à l’exécuteur de justice pour accroistre leurs tourmens, comme ils eussent faict en la personne de du Bourg, sans ct que les gens armés retinrent leur furie.

En ce mesme temps ils inventèrent plusieurs manières de descouvrir les évangéliques. Car oultre leur facon accoustumée d'accabler ceux qui ne s’agcnouillovent devant les presbtres por-

tant l’hostie ou corpus Domun qu'ils appellent, | Chascun donc fut contraint de penser a son par-

on érigea par tous les coings des rues des images de la vierge Marie, comme aussi elles estoyent eslevées au-dessus des portes des meilleurs catholiques romains, devant lesquelles se disoyent ordinairement des saluts et autres oraisons accoustumées en telles dévotions. Que s’il se rencontroit quelque passant qui n’ostast le bonnet, aussi soudain estoit-il assailli par certains hommes qui estoyent aux aguets dans les maisons prochaines. Ils firent aussi des boites ct espargnemailles, où ils contraignoyent les passans de mettre argent pour les cierges et luminaires; que si on en faisoit la moindre difficulté du monde, on estoit chargé de coups. Ils alloyent pareillement de maison en autre quester argent pour semblables services, et chanter messes à ces nouvelles images, et frayer aux procès des luthériens : à quoy si on leur contredisoit tant peu que ce fust, il n’y alloit que de la vie et saccagement des maisons, dont s’ensuyvirent plusieurs meurtres, qui néantmoins quelquesfois retournoyent sur les testes des assaillans. Car certains garnemens , inquiétés de leurs debtes, suyvoyent leurs créditeurs, et les trouvant aux rues esgarées,n’avoyent plustost crié : au luthérien! au christaudin! qu’ils ne fussent non seulement quictes de leurs debtes, mais le plus souvent revestus des dépouilles de leurs créanciers.

Ces façons de faire ouvertement tyranniques, les menaces desquelles à ceste occasion on usoit envers les plus grands du royaume, le reculement des princes et grands seigneurs,le mespris des estats du royaume , la corruption des principaux de la justice rangée à la dévotion des nouveaux gouverneurs,les finances du royaume départies par leur commandement, et à qui bon leur sembloit, comme aussi tous les offices et bénéfices , bref leur gouvernement violent, et de soy-mesme illégitime, esmeut de merveilleuses haines contre eux, et fit que plusieurs seigneurs se resveillèrent comme d’un profond sommeil. Voire et d'autant plus qu’ils considéroyent les rois François et Henry n'avoir jamais voulu attenter en la personne des gens d’estat, se contentant de battre le chien devant le loup, et qu’on faisoit tout le contraire alors ; qu’on devoit ( pour le moins à cause de la multitude) user de remèdes moins corrosifs, et n’ouvrir la porte à un million de séditions.

ticulier;et ne pouvant plus porter une telle oppression, commencèrent plusieurs à se rallier ensemble, pour regarder à quelque juste défense, pour remettre sus l’ancien et légitime gouvernement du royaume. Ce qu’estant proposé aux jurisconsultes et gens de renom de France et d'Alemagne, comme aussi aux plus doctes théologiens, ilse trouva que l’on se pouvoit legitimement opposer au gouvernement usurpé par ceux de Guyse,et prendre les armes à un besoin pour repousser leur violence, pourveu que les princes du sang, qui sont nés en tel cas légitimes magistrats, ou l’un d’eux le voulust entreprendre, surtout à la requeste des estats de France, ou de la plus saine part d’iceux. Car d'en advertir le roy et son conseil, c’estoit s'adresser aux adversaires mesmes , veu que le roy, outre sa minorité et son peu de sens, leur estoit mesme asservi,de sorte qu'il n’y avoit ordre de tenir ce chemin pour leur faire procès par la voye ordinaire. Il estoit doncques nécessairo de se saisir de leurs personnes comment que ce fust , et puis d’assembler les estats pour leur faire rendre compte de leur administration.

Ceci , dis-je, arresté d’un commun consentement, il se trouva trois sortes de gens à manier ceste affaire : les uns meus d’un droit zèle de servir à Dieu, à leur prince et patrie ; autres meus d’ambition et convoiteux de changement; et autres encore esguillonnés d'appétit de vengeance, pour les outrages receus de ceux de Guyse, tant en leurs personnes qu’en leurs parens et alliés ; de sorte qu’il ne se faut point esmerveiller s’il y eut de la confusion et si l’issue en fut tragique.

Cela mis en avant, Louys de Bourbon, prince vrayment généreux entre tous les princes du sang, appelé le prince de Condé, estant sollicité d'entendre à ces affaires pour empescher la ruine du roy et de tout l’estat, après y avoir longuement et meurement pensé, comme la conséquence du faict le requéroit, donna premièrement commission à certains personnages de preud'hommie bien approuvée, de s’enquérir secrettement , et toutesfois bien et exactement, des charges imposées à ceux de Guyse, pour puis après regarder à ce qui se pouvoit et devoit faire en bonne conscience, pour le bien de Sa Majesté et du public. L'information faicte, il se trouva par le tesmoignage de gens notables

et qualifiés, iceux estre chargés de plusieurs crimes de lèze-majesté, ensemble d’une infinité de pilleries, larrecins et concussions, non seulement des deniers du roy, mais de ses particuliers subjects. Entre autres choses notables, on l’asseuroit estre bien vérifié, et par gens qui leur avoyent esté comme domestiques , qu'ils vouloyent s'emparer du royaume, et faire mourir tous les princes du sang, jusques à ceux qui seroyent au berceau, si tost qu'ils auroyent exterminé tous ceux qu’ils appelloyent hérétiques, qu’ils savoyent leur estre fort contraires pour les raisons cy-dessus alléguées. Et pour haster ceste affaire, scachant que le roy estoit de peu de jours, pendant lesquels ils ne vouloyent leur demourer un seul ennemy vivant, ils tascheroyent de parvenir à leurs desseings : ce qu'ils estimoyent leur estre aisé, veu qu'ils avoyent la justice, l'argent, les villes fortes, les gens de guerre en main et l'amitié du peuple, pour s’estre ainsi virilement portés contre ces hérétiques.

Ces informations veues et rapportées au conseil du prince, attendu que le roy, pour son jeune aage, ne pouvoit cognoistre le tort à luy faict et à toute la France, et encore moins y donner ordre, estant enveloppé de ses ennemis, il ne fut question que d’adviser les moyens de se saisir de la personne de François, duc de Guyse, et de Charles, cardinal de Lorraine, son frère, pour puis après leur faire procès par les estats; mais la difficulté se trouva à qui attacheroit la sonnette, car toutes personnes de bon jugement trouvoyent cela grandement hazardeux, attendu leur grandeur et authorité. Par ainsi nul d’eux encore qu'ils fussent courageux, ne vouloit l’entreprendre, d'autant qu’en cas de faillir a l’exécution, il n’y alloit que de la perte de la vie et des biens. Finalement, après plusieurs advis et délibérations, se présenta un baron de Périgord, gentilhomme d’ancienne maison, nommé Godefroy de Barry, seigneur de la Renaudie, se faisant nommer La Forest : cest homme estoit doué de fort bon entendement, et pour un procès longuement demené en plusieurs parlemens entre luy et du Tillet, greflier du parlement de Paris, finalement, y estant entrevenue une accusation de faulseté, par arrest du parlement de Dijon, avoit esté fort mal traicté avec ignominie et réduict aux prisons ; desquelles ayant trouvé moyen de sor-

tir fort habilement, s’estoit retiré sur les terres de Berne, en Suisse, et depuis ayant obtenu lettres de révision pour faire apparoir du tort à luy faict, et mesmes estant par icelles rétably en ses biens et honneurs, estoit lors retourné en France pour pour veoir à l’entérinement de de ses lettres, et au reste de ses affaires. Ces choses estant cogneues, aprèsqu'ileut fait deuement apparoir de son rétablissement, la compaignie le jugea propre à manier ceste affaire sous l’authorité dudit sieur prince, lequel postposant toutes choses au devoir qu’il avoit à sa patrie, à sa majesté et à son sang, voyant ce personnage affectionné de mesmes, [uy donna pouvoir de comparoir en son nom où il appartiendroit, pour adviser à ce qui estoit de faire en telle nécessité ; et luy promit iceluy sieur prince de se trouver sur le lieu de l'exécution de ladite capture, pour la favoriser en ce qu'il pourroit, pourveu que rien ne fust dit, entreprins ne fait en sorte quelconque contre Dieu, contre le roy, messieurs ses frères, les princes, ny l’estat; pource que faisant autrement, il s’opposeroit le premier à ce qui s’y diroit, entreprendroit ou feroit au contraire.

Ainsi doncques la Renaudie se trouvant authorisé, sous ceste condition, fit si grande et extresme diligence, qu’en peu de jours il assembla en la ville de Nantes, et le premier de février, un bon nombre de noblesse et du tiers-estat de toutes les provinces de la France, lesquels il prétendoit avoir légitimement assemblés, en sorte qu’ils seroyent advoués d’avoir représenté et faict le corps de tous les estats de France, en si extresme nécessité et urgente affaire.

La raison pour laquelle il choisit ce lieu pour parlementer, fut qu'oultre ce que Nantes est une ville située aux extrémités du royaume, le parlement de Bretaigne qui se tenoit lors leur donneroit couleur, et empescheroit que leur entreprinse ne fust découverte, parce qu’ils feignoyent y poursuivre des procès ; et de faict ils s’y portèrent si discrettement, que chascun faisoit porter après soy à ses valets des sacs à la mode des plaideurs. Que s'ils se rencontroyent par les rues, c’estoit sans se saluer, ne faire cognoissance ailleurs qu’en leur conseil.

En ceste assemblée, après: avoir invoqué le nom de Dieu, la Renaudie proposa bien au long l’estat des affaires du royaume, non seulement pour le faict de la conscience de olu-

sieurs, mais surtout sur le maniement de l’estat tel qu'il a esté dict cy-dessus, mis entre les mains d’estrangers, qui s’estoyent de leur propre mouvement ingérés à ceste Charge, sans y estre appelés selon les anciennes ordonnances, remosstra le danger qui en pouvoit advenir, et qui estoit prochain, pour avoir ceux de Guyse conjuré à la ruine du rov, de messieurs ses frères, des princes du sang et de tous les seigneurs du royaume qui n’estovent de leur party. Bref, après leur avoir allégué le changement par eux faict de toutes choses, et les décisions des gens doctes, sur les informations de ce faictes, il les pria de déclarer rondement leur advis de ce qui estoit à faire, et cas advenant qu'il se présentast un prince du sang, ou un gentilhomme duement authorisé de luy, s'ils voudroyent donner aide à se saisir de ces tyrans, à fin d’assembler les états-géneraux pour leur estre fait procès, et au reste pourveoir au roy de conseil durant son bas aage, suivant l’ordre en tel cas accoustusmé.

Sur ce, plusieurs ayant opiné, et trouvé la chose saincte, juste et grandement nécessaire, il y en eut un qui, après avoir approuvé l’entreprinse et grandement loué les auteurs d’icelle, déclara qu'il luy sembloit, avant que de donner sa parolle et promesse, estre requis que chascun jurast et promist à Dieu solennellement de ne rien entreprendre contre l’authorité du roy ny de l’estat de France; protestant de sa part que, s’il s'en pouvoit appercevoir, mesmes quand ce viendroit sur le poinct de l'exécution de l’entre-

prinse, qu’il en advertiroit le roy, et se feroit plusiost tuer à ses pieds que de souffrir aucune chose estre attentée à son préjudice.

Ceste remonstrance trouvée raisonnable, on commença de recueillir les voix, et lors chascun jura de ne rien entreprendre qu’au profict et advantage de leur roy et naturel seigneur. Parquoy le premier article de cest accord, recueilli par le secrétaire ordonné en cest acte, fut touché en ces propres mots :

« Protestation faicte par le chef et tous ceux du conseil, de n’attenter aucune chose contre la majesté du roy, princes du sang, ny estat légitime du royaume. »

Après que l'assistance y eut donné son consentement, on advisa des moyens, du temps de l'exécution, du nombre des hommes, quels capitaines conduiroyent les troupes, et quelles

mme ma ee

personnes assisteroyent au chef, ou son lieutenant, par l’advis desquels ou de la pluspart se conduiroit l’entreprinse de prendre les susdicts de Guyse, laquelle il ne seroit loisible d’outrepasser; bien la manière et le temps selon l’occurrence et la nécessité des lieux seroyent remis à la discrétion de ceux qui se trouveroyent sur les licux, ayant la charge de l'exécution.

La Renaudie ayant le serment de tous, et réciproquement presté le sien, déclara le prince duquel il avoit charge, et aussi leur monstra son pouvoir, lequel veu, ils luy firent bailler pour conseil certains personnages de toutes les provinces. En ce conseil il fut arresté que le dixiesme de mars on exécuteroit l'entreprinse en la ville de Bloys, où l'on présupposoit le roy devoir estre encore de séjour. Que l'on prendroit cinq cens gentilshommes de toutes les provinces pour accompaigner le chef, et se saisir des personnes du duc de Guyse et du cardinal de Lorraine, son frère, desquels seroyent conducteurs le baron de Castelnau, pour les troupes de Gascogne; le capitaine Mazères, pour Béarn; du Mesnil, pour Périgord et Limousin: de Maillé Brezé, pour Poictou et Xaintonge; de la Chesnaye, pour Anjou; de Chiray, pour Chastelleraud et les environs; le capitaine Saincte-Marie, pour Normandie; le Capitaine Cocqueville, pour Picardie; N. pour Champaigne, Brie et l’Isle-de-France; et le capitaine Chasteauneuf, pour Provence et Languedoc.

Il fut aussi advisé qu'au mesme temps se trouverovent ès principales villes du royaume des gentilshommes qui tiendroyent la main à ce que le peuple ne s’esmeust que bien à poinct, comme aussi on empescheroit que ceux de Guyse n’eussent aucun secours ny aide de ceux qu’ils avoyent eslevés en dignité, ny semblablement qu'ils se peussent aider des forces et des deniers de France, le passage desquels leur seroit empesché.

Pareillement fut conclud que ces deux de Guyse pris, s’il y avoit résistance, on fourniroit des gens et argent, en sorte que la force demoureroit au chef jusques à ce qu'il eust faict établir un gouvernement légitime, et que les tyrans fussent punis par justice, pour servir d'exemple à la postérité, et par ce moyen remettre la France en son ancienne splendeur.

Ce faict, chascun s’en retourna préparer sa charge, comme aussi la Renaudie vint trouver le prince sur la fin de février, et luy ayant faict entendre la conclusion ainsi prinse, alla donner ordre à lever gens, et s’esquipper d’armes et de chevaux : en quoy il usa d’une diligence presque incroyable, tellement qu'il ne demoura rien de sa part.

Il a esté veu cy-devant comme le roy de Navarre s’estoit retiré pour faire ses préparatifs à recevoir en ses pays et gouvernement Elizabeth , roine des Espagnes, laquelle luy avoit esté baillée en charge pour la conduire avec le cardinal de Bourbon son frère, et le prince de la Roche-sur-Yon, sur les limites et frontières de France et Espagne , où il la déli vreroit au roy son mari, ou à ses députés, suivant le traicté de la paix. Reste maintenant à poursuivre le voyage, lequel on pensoit estre remis à la primevère, à l’occasion de lhyver qui estoit prochain, et de la difficulté des chemins à travers les montaignes aspres et fascheuses. Toutesfois les nouvelles venues, elle partit de Bloys au commencement de décembre, et la conduisirent le roy son frère et la roine sa mère jusques à Chastelleraud et Poictiers, d'où elle poursuyvit son chemin avec les cardinal de Bourbon, prince de la Roche-sur- Yon et autres grands seigneurs droict en Gascogne. Le roy de Navarre luy vint au-devant à Bourdeaux, et l'ayant magnifiquement recue et traictée par ses pays, la conduisit bien avant dedans son royaume, et jusques aux confins d’iceluy, occupés par l'Espagnol. Il avoit esté accordé entre ledit seigneur et le cardinal de Burgos et le duc de l’Infantesque, députés pour recevoir icelle dame, qu’elle leur seroit rendue le premier jour de janvier, au lieu dict le Pignon, qui est sur le sommet des montaignes ; mais les neiges et le soudain changement firent arrester les dames au monastère de Roncevaux, à une lieue par decà. Joinct qu’il sembla au roy de Navarre qu'il avoit passé assez avant sans qu’il fallust qu’il hazardast plus outre sa personne. Par quoy il envoya devers lesdicts seigneurs députés qui estoyent à Espinal, distant de deux petites lieues francoises, pour leur faire savoir son arrivée, et le désir qu’il avoit d'accomplir le traicté de paix pour ce regard. Mais, comme ceste nation est pleine de cérémonies ou singeries, quatre ou cinq jours se

passèrent à débattre en quel lieu et en quelle facon se feroit ceste réception, qu'ils vouloyent à toutes forces estre faicte à mi-cheminles uns des autres, et fut aussi longuement disputé qui tiendroit le premier et principal lieu d'honneur et dignité. À quoy le roy de Navarre, qui se sentoit premier prince de la principale et plus illustre maison de la chrestienté, et qui oultre ce portoit le tiltre de roy, refusa de céder. Finalement, après plusieurs allées et venues, voici ce qui advint. A l’entrée du logis de Roncevaux y a une grande salle, laquelle fut parée de la tapisserie de dueil que le roy de Navarre portoit du roy Henry. L'on mit au lieu le plus éminent un dais, sous lequel le cardinal de Bourbon, accompaigné de, plusieurs chevaliers de l'ordre et seigneurs, outre ses évesques et protonotaires, et trois cens gentilshommes du roy de Navarre. Luy, voyant les Espagnols approcher, leur alla au-devant jusques à la porte de la salle, et, les caresses faictes selon la coustume, il les conduisit sous le dais, là où, après quelques propos communs, l'Espagnol feit entendre ce qui les menoit.A doncquesle cardinal de Bourbon, ayant leu leur pouvoir, les conduisit en une salle où estoit la roine et le reste de la compaignie. A l’aller, le cardinal de Burgos, prenant la main droicte de celuy de Bourbon, le meit au milieu de luy et du duc de l’Infantesque, ce qui ne fut sans un modeste refus pour l'antiquité du chapeau, de facon quesurces offres le duc, se retirant de leur rang, marcha devant eux. La salle haute de la roine estoit de pareille grandeur que la basse. Au bout d’icelle on avoit fait dresser un parquet de quatre ou cinq toises en quarré, dedans lequel, sous un poesle de veloux cramoisy enrichi d'orfévrerie et broderie d’or, ladicte dame seoyt sur une chaire de pareille estoffe, et à sa main droicte estoit le roy de Navarre assis dans une chaire, et plus bas, sur un escabeau, le prince de la Roche-sur-Yon. De l’autre costé estoyent la damoiselle de Bourbon, fille du duc de Montpensier, et la dame de Rieux auprès, et un peu plus arrière la dame de Clermont et toutes les dames et damoiselles de la roine, chacune selon leur ordre et la dignité de leurs maisons.

Au derrière de la chaire de la roine se tenoit dom Lopez de Gusman, maistre de salle du roy d’Espagne, lequel ayant la teste nue, advertis-

soit lad'cte dame des noms de ceux qui entroyent.

Au-devant desdits députés marchoyent les chevaliers et gentilshommes espagnols, les principaux desquels estant entrés l’un après l’autre dans le parquet, et ayant mis les genouils en terre, ladicte dame leur bailla la main. Le roy de Navarre et le prince de la Roche-sur-Yon, appercevant les cardinaux, se levèrent debout. Mais la roine demeura assise jusques à ce que, approchant le duc de l’Infantesque pour luy baiser les mains, elle se leva pour le recevoir, comme en semblable elle receut fort humainement le cardinal de Burgos, la harangue duquel fut pleine d’offrés de service et obéissance. À sa response on cogneut en elle non seulement une courtoisie francçoise selon sa grandeur et magnificence, mais aussi une dextérité d'esprit qui faisoit paroistre sa bonne nourriture. De là ils retournèrent devers le roy de Navarre, duquel, après avoir receu grandes caresses et honnestetés, ils requirent de luy la délivrance de leur dame et maistresse, suyvant le pouvoir qu'ils . avoyent monstré au cardinal de Bourbon son frère. Sa response fut (comme pour certain il n'avoit faulte d'esprit ni de langage) qu’il le tenoit pour veu, et que ayant prins de la maison du plus grand et magnanime roy du monde ceste princesse, pour estre rendue entre les maios d’un des plus illustres rois de la terre, libéralement ct volontiers il la leur remettoit ; comme de sa part il les cognoissoit capables et bien choisis par leur prince pour une telle charge, ne faisant doubte qu'ils ne s’en acquictassent dignement, au contentement de luy et d'elle. À ceste occasion, il s’en deschargeoit sur eux, et en la livrant leur recommanda sa personne et sa santé. Quant à ses vertus, il ne leur en feroit aucune commémoration, pour ce qu’elle-mesme en rendroit aux effects si suffisant tesmoignage, qu'ils jugeroyent n'’estre jamais entré en Espagne un plus grand ornement de vertu, honneur et chasteté. Le roy de Navarre ayañt achevé, les Espagnols receurent son propos avec démonstration de très grand aise et contentement, s’estimans heureux d’avoir une si vertueuse princesse, à laquelle ils rendroyent tel honneur, fidélité et obeissance, que chascun auroit occasion de contentement.

Sur ce, et à l'instant le roy de Navarre ajousta qu'encores que par le traicté de paix, et par le