DE L’ESTAT DE FRANCE SOUS FRANÇOIS II

les créatures, ne craignant rien plus une mauvaise conscience qu'un juste gouvernement.

Quant aux ecclésiastiques, les plus grands brusleurs leur estoyentles pilliers de la foy. Le surplus, qui est le tiers estat qu’on appelle, estoit tellement matté, qu’il n'avoit ny sentiment ny mouvement. Tous ceux-cy estoyent attendant, comme pauvres esclaves, entre les mains de qui ils tomberoyent, tant pour la jeunesse du roy, n'ayant encores atteint dix-sept ans et qui ne promettoit rien de soy à l’advenir, que pour estre du tout abolie l’authorité des estats, qui sur-tout en telles occurrences avoient accoustumé de pourvoir aux affaires. Or y avoit-il deux bandes principales en la cour : l’une de ceux qu’on appeloit connestablistes, l’autre de ceux de Guyse. Car quant aux princes du sang, auxquels il attouchoit principalement de resiablir l’ordre accoustumé, ils estovent si lasches qu’ils n’avoyent esgard ni au public ni à leur particulier. La roine mère, italienne, florentine, et de la race de Médicis, et qui plus est, ayant depuis vingt-deux ans eu tout loisir de considérer les humeurs et facons de toutes ces gens, regardoit ce jeu, et sceut si bien empoigner l'occasion, qu’elle gaigna finalement la partie, par les moyens que je diray. Quant à Anne de Montmorency, connestable, encore que il n’y eust homme au monde à qui elle fust tant redevable, comme à celuy lequel seul proprement avoit moyenné son mariage, et depuis empesché que, sous prétexte de sa stérilité, elle ne fust répudiée, si désiroit-clle qu'il fust reculé, scachant qu'il estoit cequ'ilestoit, à savoir premier officier de la couronne, homme entendu plus qu'homme de ce monde ès affaires du royaume, et tellement hautain que jamais il ne la souffriroit monter jusques où elle prétendoit. Elle estoit aussi advertie qu’incontinent après la blesseure du roy, il avoit envoyé vers Henry de Bourbon, roy de Navarre, comme premier prince du sang, pour le solliciter de venir en cour tenir le degré qui lui appartenoit, durant le bas aage du roy, faisant en cela un acte d’un vray François et d'homme de bien, combien qu’il suit vraygsemblable qu’il avoit aussi esgard à son particulier. Le moyen dele chasser gisoit à se rendre assez forte pour luy faire peur, et puis à se haster de se mettre la première en possession. Pour ce faire, considérant que c’estoit une chose nouvelle en France, que de voi

une roine veuve, et sur {out estrangère, entreprendre le principal gouvernement du royaume de son authorité privée, en quoy elle pourroit avoir de grands empeschemens, si elle avoit en teste toutes ces deux bandes; elle résolut premièrement d’en mettre l’une de son costé, à scavoir ceux de Guyse, qu’elle s’asseuroit de manier à son appétit, comme ceux qui luy seroyent non moins redevables que si elle les avoit ressuscités du tombeau, les avançant si haut alors qu’ils faisoyent leur compte d’estre du tout abattus. Davantage, elle jugcoit sagement qu'à toutesaventures, s’il advenoit mescontentement ou trouble aucun pour cela qu’elle entreprenoit, Ja coulpeseroit toujours plutost rejettée sur eux que sur elle. Et si les cognoissoit finalement si audacieux, sur-tout en la nécessité où ils estoyent réduits, qu’il n’y avoit rien qu'ils n’entreprinssent, à son adveu, ainsi qu’elle l’avoit résolu ; aussi luy fut il aisé de mettre le tout en exécution, ayant le roy son fils à leur dévotion, marié à la roine d’Ecosse, niepce de ceux de Guyse, s’appellant haut et clair les oncles du roy. Et pour couvrir le reculement du connestable, elle print une couleur fort propre, à scavoir qu'il avoit dict quelque temps auparavant au roy, comme en se raillant, qu’il s’esbahissoit qu'il n’avoit enfant qui luy resemblast aucunement, hors mis sa fille bastarde avouée, et mariéc au mareschal de Montmorency, fils aisné dudict connestable; ce qu’elle faisoit semblant de prendre fort à cueur, comme s’il l’eust voulu taxer de mauvais gouvernement de sa personne. Elle n’avisa aussi moins dextrement à donner ordre que le mariage de madame Marguerite, sœur du roy, avec le duc de Savoye, nonobstant le misérable estat où le roy estoit, se parachevast, afin qu'il ne restast aucune occasion de trouble par dehors, qui luy donnast empeschement au dedans. Et fut faict ce mariage dans la chapelle des Tournelles, sans solennité aucune. Davantage, pour mieux encore s’assurer de tous les potentats d'Italie, il ne fut oublié de promettre de faire tout ce qui seroit possible pour l’extermination des hérétiques. Et quant au roi de Navarre, sans lequel il n’estoit à présumer que les autres princes du sang entreprissent rien, outre ce qu’elle et ceux de Guyse cognoissoyent trop son naturel pour le craindre, elle avoit praticqué tellement ses plus favoris, et sur tout d’Escars et l'évesque de

Mende , que rien ne se pouvoit bastir en son conseil, dont elle ne fust advertie mieux et devant que luy-mesme.

Ces choses ainsi projettées et dressées quasi en un instant (comme tout espritambitieux est ententif à toutes occasions, et Dieu se faisoit dès lors une entrée à ses justes jugemens, dont nous ne voyons encore la fin), le roy Henry n’eust plutost la bouche close, que Francois duc de Guise, et Charles cardinal de Lorraine son frère, s'estant saisis de la personne du roy, et de messieurs ses frères, les menèrent au Louvre, se laissant aussi aisément conduire les deux roines, en délaissant à la garde du corps les princes du sang, les connestable, mareschaux et admiral de France, avec plusieurs chevaliers de l'Ordre ct grands seigneurs, qui n’estoyent de leur retenue. Là, ils délibérèrent dès lors de façonner le roy à leur mode, sans permettre qu'aucun approchast de sa personne, et encores moins luy parlast, sinon en la présence de l’un d’eux, avec si bonne garde qu’ils ne le perdoient de veue. Et à fin de donner couleur à ce nouveau changement et maniement d’affaires qu’ils vouloyent introduire, comme si leur intention estoit de remettre toutes choses en bon estat, ils rappellèrent soudainement le chancelier Olivier (homme réputé de très grande preud'hommie, et a bonne enseigne, si elle eust duré jusques à la fin), qui avoit esté chassé à l’occasion de Diane de Poitiers. Car ils savoyent qu'il estoit grandement souhaité des gens de bien en ceste charge, et que s'ils estoyent motifs de son retour, il seroit d'autant plus obligé à ployer l’eschine sous eux et à leur complaire, en recognoissance de cebienfait ; en quoy ils ne furent trompés.

Olivier arrivé, comme si ce fust pour luy gratifier, Diane fut chassée, et luy fit-on rendre les clefs des cabinets du roy, ensemble ses précieuses bagues, qui furent mises en aussi bonne main, à scavoir de la nouvelle roine et du cardinalson oncle. Outre plus, la roine mère l’avoit tellement à contre-cœur, qu’elle luy vouloit bien faire pis, et la ruiner et despouiller du tout de ses grands thrésors et richesses, comme à jamais femme en France, de son mestier, n’en avoit tant amassé. Dès son jeune aage, elle racheta de son pucelage la vie du sieur de Sainct- Vallier son père, et depuis, par un malheur fatal de la France, estant en l’automne de son

aage, avoit possédéle roy Henry, tellement que de grande séneschalle elle devint duchesse de Valentinois de nom, et roine quand à l’authorité, au grand deshonneur du roy Henry etdommage de la France. Car elle avoit sucé le sang etles mouelles du peuple, ruiné une infinité de maisonspar confiscations, ettoutesautres voyes; eu du roy les escus à monceaux, vendu les offices et bénéfices, exigé et attrapé par ci et par là une infinité de biens ; et ce par le moyen et industrie de tous les plus meschans garnemens du monde, que pour ce elle entretenoit à son service, et lesquels elle récompensoitabondamment des plus beaux estats et offices du royaume, fust de judicature, des finances. ou autres. Toutesfois Olivier ne servoit que de couleur. Car la vraye cause du courroux de la roine estoit l'estrange traitement qu’elle avoit receu delle et à son occasion, luy ayant commedesrobé son mari par l’espace de tout son règne, au veu et au sceu de tous.

Si faut-il remarquer, en cest endroict, des choses fort estranges ; car, en premier lieu, la roine mère, quelque juste occasion qu’elle eust de monstrer l’effect de sa colère sur ceste vilaine, et par ce moyen acquérir juste louange et réputation, monstra que l’ambition surmontoit la jalousie en un esprit tel que le sien, et

pourtant aima mieux se contenter de médiocre vengeance, pour ne perdre le moyen de la maison de Guyse, seul escalier par lequel elle montoit, que poursuyvre ses vengeances jusques au bout. D’autre costé, ceux de Guyse, encore qu’elle leur eust servi de pont et corps et d'esprit, aimant mieux estre ingrats que perdre le vray moyen de leur grandeur, espérant aussi d'effacer tout le passé envers le peuple en se gouvernant ainsi, condescendirent aisément à la volonté de la roine. La duchesse de son costé, comme femme rusée s’il en fust-oncques, sceut bien se servir du moyen qu'elle s’estoit préparé de longue main, à scavoir du duc d’Aumale, l’un des frères de Guyse et son gendre, auquel elle remonstra que, combien qu’il fust oncle du roy, si est-ce que de long temps il ne pourroit avoir de luy soixante et dix ou quatre vingt mille livres de rente, qu’elle luy gardoit, et qui ne luy pouvoyent fuir après sa mort. -Considérez davantage (disoit-elle) que le car- Ginal et duc de Guyse vos frères sont de nature tant taquine ct avare qu’ils ne vous avanceront

jamais, et prendront plustost tout pour eux, comme vous avez veu par expérience qu’ils ont faict, jusques à contredire aux dons que le feu roy vous faisoit.» Ce qu'ayant gousté le duc d’Aumale, il feit aisément que la royne se contenta de la traicter plus doucement, moyenpant certain eschange du chasteau de Chenonceaux sur la rivière du Cher, près Amboise, qu’elle avoit eu du roy, à celuy de Chaumont sur Loyre, que ladicte dame luy achepta.

Jean Bertrand, garde des sceaux, fait de la main de ceste grande séneschalle, fut déferré du tout. Et d'autant qu’il avoit pris de nouveau le chapeau de cardinal, on s’aida de ceste occasion pour l’envoyer finir sesjours à Rome, ce qu’il ne peust empescher, quelque remonstrance qu’il feist faire de son aage et de sesservices, non seulement au roy, mais à la maison Guyse, de laquelle il s’estoit toujours rendu esclave, ce qu’il offroit continuer le reste de ses jours, s’employant mesme au procès de du Bourg (comme cy-aprèsilsera dict) de tout son pouvoir, pour gratifier au cardinal.

Quant àd’Avanson,conseiller du privé conseil, combien qu’il fust de Ja mesme facture, si fut-il de la retenue, tant à fin qu’on ne peust dire le conseil du feu roy avoir esté du tout changé, que pour recognoistre homme propre à tout cela à quoy qu'ils le voudroyent employer.

Toutesfois, ceste continuation estoit interprétée en diverses sortes par les clair-voyans, veu mesme que d’Avanson avoit descouvert au pape leur secret du voyage d'Italie, et empesché par ce moyen leursdesseings. Mais tous venoient à ce point, etcouroit le bruict commun qu'ils savoyent tant d’affaires les uns des autres qu'il n’estoit encore temps propre à ceux de Guise de le chasser du tout. Bien luy ostèrent-ils la superintendance des finances. Et davantage, cognoissant plusieurs personnages tant propres à remuer mesnage que difficilement ils en eussent peu dresser de semblables, ils les entrete : noyent et les employoyent aux plus difficiles charges.

Le mareschal Sainct-André venu de bas lieux, et demeuré sans appuy depuis la mort du roy, estant de sa part en grande détresse, pour avoir frappé de tous costés, et ne s'estre rangé qu’à demy avec ceux de Guise, lorsqu'ils estoyent les plus forts, employa tous moyens a les praticquer; et ce d'autant plus diligemment

qu’il craignoit que, son crédit perdu, il ne luy fallust desgorger la pluspart de soixante ou quatre-vingt mille livres de rente qu’il avoit tirées de plusieurs personnes, par moyens exquis et sous la faveur de son maistre, sans en avoir comme rien payé; et nommément des biens de ceux de la religion, sur lesquels il s’estoit tant plus volontiers rué, qu’il les cognoissoit eslongnés de pouvoir poursuivre leurs droicts. Il craignoit aussi d’estre poursuivy d’autres grandes sommes de deniers par luy empruntées, et lesquelles on n’avoit jusques alors osé répéter, à cause de sa faveur. Il feit donc remonstrer à ceux de Guyse les grandes terres qu'il possédoit, et qu’il n’avoit qu’une seule fille, laquelle s’il leur plaisoit donner à l’un des puisnés du duc de Guyse, il leur en bailleroit dès lors la possession, en mariage faisant, et n’en retiendroit que l’usufruict, lequel dureroit peu, parce qu'il s’en alloit mourant; que s’il survenoit autres enfans, ils seroyent pourveus en bénéfices. Ces offres estoyent faictes, moyennant qu’il fust maintenu par eux en ses estats et dignités; leur promettant, en ce faisant, user de si bon mesnage, qu'avec leur aide il s’acquitteroit aisément de ses plus liquides debtes, et supprimeroit les autres. Ce qui fut accepté par eux, etpartant fut-il rappelé et remis comme devant.

Il y a une coustume en France, que les rois estant parvenus à la couronne, les cours souveraines députent des plus apparens d’entre eux, pour aller gratifier le nouvel advénement ; et lors ils entendent à bouche à qui ils se devront adresser puis après pour les affaires. Suivant ceste coustume, les parlemens ayant envoyé ceux qu'ils jugeoyent devoir estre les plus agréables au roy, il leur fit entendre que ses deux oncles, le cardinal de Lorraine et le duc de Guyse, avoyent la charge entière de tout; et commanda que l’on s’addressast doresnavant à eux en tout ce qui concernoit son service, et du royaume ; et qu'on leur obéist comme à luymesme. Cela entendu par le connestable, qui

avoit reçeu ce mesme honneur du feu roy.

Henry, il fut esmeu de double passion, l’une de voir ses ennemis mortels colloqués en son lieu ; et l’autre de ce qu’ils s’estoyent emparés de l'exercice, qui appartenoit à ses estats de connestable et grand-maistre de France. Mais ce qui plus redoubla son ennuy, c’estoit que les

Espagnols et estrangers estoyent spectateurs de ce changement, de luy, dis-je, auquel ils avoyent eu auparavant toute addresse. En quoy apparut plus clair que le jour le peu de fermeté qui est en la faveur de la cour ; veu que ceste authorité, qui semble aucunes fois pouvoir faire trembler et le ciel et terre, est souvent changée en un moment. Toutesfois, ce vieil routier, accoustumé de long temps à diverses mutations, s'y porta si discrètement, qu’on s’appercevoit peu de son mescontentement, et trou\a moyen d’avoir honneur en ce qui luy estoit brassé pour son déshonneur. Car, voyant qu'on luy préparoit quelque chose pire, environ huict jours après la mort de Henry, ayant disné de grand matin, et appellé tous ses parens et gentilshommes en assez grand nombre, il alla au Louvre, sous couleur de vouloir rendre le cachet

du roy, pour surprendre le roy au disner, et

sentir sa conception naturelle et naïfve, avant

qu’il eust été autrement instruit. Mais ceux de Guyse, advertis de sa venue par gens qu’ils avoyent ordinairement aux guets, tant pour ouyr ses propos que pour remarquer ceux qui s’addresseroyent à luy, luy furent au-devant par derrière, en sorte qu’il fut frustré de son intention. Entré qu'il fut en salle, à l'issue du disner du roy, il usa de la mesme privauté dont il souloit user avec le père en propos ct devis familiers. Adonc ledit seigneur, environné des deux frères, ayant eu le signal du cardinal, se levant de sa chaire, print le connestable par la main, et le mena en sa chambre, suivi tant de ceux de Guyse que des enfans et neveux du connestable ; lequel ayant prins la parolle luy dict : «qu'après avoir pourveu à ce qui estoit requis pour les obsèques du feu roy, son bon seigneur et maistre, il n’avoit voulu faillir de luy venir faire la révérence, et en luy rendant le cachet qu’il avoit pleu audit feu roy lui baïller, par mesme moyen luy présenter ses enfans et neveux, à ce qu’il pleust à Sa Majesté les confirmer en leurs estats et charges, desquelles ils s'acquitteroient aussi fidèlement, comme ils avoyent fait par le passé; et quant à luy...» Sur ce mot, le roy l’arresta court, et luy dit « qu’il accordoit sa demande, principalement envers l’admiral de Chastillon, duquel il espéroit se servir. Et quant au reste, sachant le bon devoir et les grands services qu’il avoit faicts au feu roy son père, et la singulière amitié que lui por-

toit ledict seigneur, il le confirmoit aussi en ses estats, et vouloit qu’il jouist de ses pensions sa vie durant. Mais d'autant qu’il désiroit soulalager sa vieillesse, laquelle ne pourroit à l’avenir porter les peines et travaux de sa suite, il avoit parti en deux les principales charges de son royaume. Et ne cognoissant personnes tant capables ny si expérimentées à la conduite et maniement de ses affaires que ses oncles le cardinal et le duc de Guyse, et qu'il n’y avoit gens auxquels il se deust tant fier ny qu eussent plus de soin de la conservation de son estat et grandeur, il avoit baillé à l’un la charge des finances et celles d’estat, et à l’autre le commandement sur ce qui concernoit le faict de la guerre, pour sur le tout adviser et ordonner comme ils verroyent estre bon. Au reste, il le retenoit près sa personne et de son conseil, le priant l'en servir aussi fidèlement qu'il avoit toujours fait ses prédécesseurs. Que s'il se trouvoit lassé, ou mal disposé à sa suite, il pourroit aller s’esbattre chez luy, et quand il voudroit retourner, il seroit toujours le bien venu.» Le connestable le remercia très humblement de ce qu’il lui avoit pleu, non seulement lui accorder ses requestes si libéralement, mais aussi avoir tel soing de son vieil aage pour le r des pesantes et difficiles charges que

ke fa roy son père luy avoit commises. « Aussi estoy-je venu, disoit-il, de fait exprès vers Vostre Majesté, pour la supplier qu'ayant esgard a mon indisposition, elle m'en voulust entièrement descharger, et me permettre de me retirer en ma maison, pour finir le reste de mes jours en repos, et prier Dieu pour mon seigneur et maistre; considérez que mes plaies et vieux jours sont mal convenables avec les jeunes ans de Vostre Majesté, pour porter le travail des voyages qu'elle fera çà et là. Et quant à ce qu’il plaît à Vostre Majesté me retenir de son conseil, je la supplie aussi m’en excuser, d’autant que deux choses ne le me peuvent permettre : l'une, d’estre soumis à ceux auxquels j'ai toujours commandé; et l’autre, qu'estant plein de jours et quasi radotant, ce dict-on, mon conseil luy pourroit de peu ou rien servir. Je ne dis pas que s’il survenoit affaire où ma présence füt requise, je n’y employe et vie et bien avec celle de mes enfans, y estant doublement obligé comme à mon roy et naturel seigneur.» Ce faict, il alla voir la roine mere,

à laquelle il tint semblables propos qu’au roy.

. Mais sa response fut toute autre, comme l'on

dict, qu’il ne s’attendoit. Car elle luy reprocha le propos mentionné cy-dessus ; adjoustant que si elle faisoit son devoir, elle luy feroit trancher la teste, pour s’estre tant oublié de toucher à l’honneur d'elle et de ses enfans. Mais qu’elle avoit en si grande recommandation ce que le feu roy son seigneur et mary avoit aimé, que pour l’amour de luy elle oublicroit volonticrs son injure particulière; l’asscurant au reste de le maintenir, et qu’elle ne souffriroit aucun tort luy estre faict. Au surplus, son advis estoit qu'il ne méprisast les conditions que le roy luy avoit proposées, attendu qu’on ne le vouloit assujettir d’être ordinairement à la cour; mais pourroit quand bon lui sembicroit aller et venir. Le connestable ne demeura muct, maintenant l’accusation estre fausse; la suppliant au surplus de ne prester tellement les oreilles aux mesdisans qu’elle n’en réservast une pour ouyr l'accusé; ayant plustost esgard et souvenance de ses fidèles services faicts à elle et au royaume qu'à ses ennemis, qui ne cherchoyent que sa vie pour ses biens, lesquels toutesfois ne seroyent si aisés à luy oster qu’ils pensoyent, tant il s’estimoit homme de bien. Ainsi done, le connestable ( après avoir toutesfois, quelques jours après, conduict son maistre au tombeau) se retira en sa maison, mais avec telle suite que celle du roy sembloit petite auprès de ceste-cy, de quoy ceux de Guyse conceurent grande jalousie. Ce néantmoins, cela les garda pour lors de rien entreprendre contre celuy qu'ils savoyent avoir acquis tant d'amis durant sa prospérité, que mal aisément pourroyent-ils en avoir le dessus, sinon avec le temps.

Quant aux princes du sang, après que du commencement le roy leur eut monstré autant de bon visage que ceux de Guyse pensèrent estre propre, tant pour les emmieller que pour en acquérir quelque bonne réputation du peuple, ils ne furent non plus soufferts près sa personne. Car la roine ni ceux de Guyse, ne voulant avoir tels compagnons, trouvèrent moyen de les envoyer au loin, sous couleur de quelques honorables charges. Le prince de Condé fut envoyé en Flandres pour la confirmation de la paix, et pour entretenir amitié et alliance avec le roy d'Espagne. Et combien qu’il eust peu de moyen de despendre après si

longues guerres, si luy fallut-il entrer en nouvelle despense selon sa grandeur, sans estre aidé du roy que de mille escus. Après luy le prince de la Roche-sur-Yon y fut envoyé porter l'ordre du roy, et à son retour ordonné avec le cardinal de Bourbon pour conduire la sœur du roy en Espagne. Brief, ils escartèrent si bien çà et là les autres princes et seigneurs, que ils demeurèrent maistres tout seuls. Cela faict, il fut aisé à la roine ct à ses instrumens de venir à bout du demeurant. Car, quant aux parlemens, leur ancienne splendeur estoit desjà esvanouye peu à peu, depuis que les offices de judicature avoyent esté rendues vénales, et qu'il ne fut plus question de procéder par eslection, ny d’appeller les juges des provinces, et les fameux advocats réputés et cogneus amateurs de la république, au lieu desquels on y avoit fourré ceux qui a portoyent le plus d'argent, ou les solliciteurs des courtisans, et les advocats favoris des grands, qui en avoyent fait leurs juges. Ainsi estoit-il desjà advenu qu'avec ces vermines, les enfans des plus grands usuriers, avaricieux et exacteurs, avoyent rempli le nombre, et corrompu tout droict divin et humain; vendu par le menu ce qu’ils avoyent acheté en gros, ou eu pour récompense ; déclaré les secrets de la cour contre leur serment, et en somme tellement villené la justice, qu’elle se devoit plustost appeler une caverne de larrons, que l’orner de cest excellent et précieux nom de justice. Pourtant fut-il aisé à ceux de Guyse de ranger ces cours à leur dévotion, tenant les uns en bride, et remplissant les autres de très grandes espérances. Et de vray ceste toile avoit esté par eux tramée dès le vivant de Henry, en disposant de tous estats à leur plaisir, de sorte qu'il n’y avoit coing du royaume qui ne fust farci de leurs gens. Quant au conseil des affaires, de tout temps on n’y a appellé que ceux qu'on a voulu; et finalement, quant au conseil privé, après s’estre asseurés du chef, qui est le chancelier, la roine mère de sa part ne s’en donna grand’ peine, et voulut toutesfois nommément que le cardinal de Tournon y fust rappellé, duquel elle avoit telle opinion, qu’il luy sembloit les affaires ne pouvoir mal aller quand il s’en mesleroit ; ce que ceux de Guyse toutesfois eussent volontiers empesché. Mais quand ils se remirent devant les yeux l’ancienne inimitié de luy et du connestable, en sorte qu’ils

en Ce CO tt nn

estoyent incompatibles, ct le cognoissant ennemy mortel de ceux de la religion auxquels ils délibéroyent faire la guerre, ils trouvèrent bon qu’il fust incontinent révoqué de Rome, où il avoit esté comme relégué, en telle sorte toutesfois qu'ils luy feirent cognoistre que c’estoit par leur moyen, afin qu'il leur demeurast plus obligé, et que soubs sa couverture leurs menées fussent mieux conduictes.

Ayant ordonné du conseil du roy, et iceluy pourveu de gens desquels ils se fioyent, ils se meirent aussi à dresser les estats de sa maison (charge appartenant au grand-maistre). Et afin d'y colloquer leurs domestiques, ils ostèrent partie des officiers du feu roy, qui de tout temps estoyent continués de père en fils, et les cassèrent soubs ombre de bon mesnage ; comme aussi ils renvoyèrent partie des autres en leurs maisons avec demi-gages pour pension, combien que lestat nouveau des officiers domestiques qu'ils establissoyent excédast de beaucoup l’autre nombre, tant il y eut de nouveaux pourveus. Bref, il n’y demeura un seul connestabliste, horsmis ceux qui, à la première provision, s’estoyent allés ranger et offrir à leur service.

Les provinces du royaume et les villes de frontière furent aussi garnies des leurs, et ceux qui ne leur sembloyent propres, destitués ; et fut mandé à tous gouverneurs et chefs de guerre et des villes d’obéir au duc de Guyse comme au roy mesme. Les finances pareillement furent maniées par les plus favoris du cardinal, et furent advertis tous les parlemensqu'ilavoit la superintendance sur la politique. Somme, la souveraine authorité tomba ès mains de ces deux personnages pour disposer de toutes choses à leur plaisir; la roinc mère toutesfois, tenant tousjours la bride, à laquelle furent donnés les deniers provenans de la confermation des offices et privilèges des villes et communautés, ce qui ne fut toutesfois sans que ceux de Guyse eussent part au butin, combien que telles sommes ne se deussent exiger de droict, sinon le royaume eschéant en ligne collatérale. Mais pour adoucir un peu ceste exaction, les escus qu’on avoit payés du tempsdu roy Henry pour estre réduits ès coffres de Diane, furent changés en livres.

Ces choses se brassèrent et exécutèrent en partie à Paris, en partie à Sainct-Germain-en- Laye, par un accident survenu au cardinal, lequel sortant un grand matin de la maison de ?a

belle Romaine, courtisane renommée du temps

de Henry, logée en la cousture de Saincte-Ca-

the ñine, avoit failli d’estre maltraité par certains ruf jans, qui cherchent volontiers les chappes cheutes à l’entour de telles proyes. De quoy estonnée, sa saincteté, se persuadant et donnant à entendre que les hérétiques luy dressoyent des embusches, traina la cour à Sainct- Germain, et fut cause que la roine mère, ne voulat, quoy qu’ilen fust,abandonner le roy son fils tant soit peu, rompit la coustume auparavant inviolable, qui portoit que les roines, advenant le décès de leurs maris, ne départoyent de la chambre de quarante jours, el ne voyoyent clarté du soleilny de lune, que leur mary ne fût enterré. Tost après, estant despartis les estrangcrs, il fut faict édict défendant tout port d'armes, ‘et spécialement les pistoles et bastons à feu, sous grandes peines, révoquant toutes les permissions particulières et précédentes, octroyées à qui que ce fust, s’il n’avoit nouvelle confermation du roy, de sorte que ceux de Guyse et les leurs demeurèrent seuls armés. Davantage, ayant à suspects les habillemens qui couroyent alors, comme les manteaux longs et les chausses larges ( et de faict aussi estoyent-ils par trop excessifs, car le manteau alloit jusques sous le gras de la jambe, et sans manches, et les hauts üc chausses estoyent d’une aulne et demie de hrge, ou cinq quartiers), ilsmeirent en faict au conseil privé d’en défendre l'usage, d'autant que là-dessous se pouvoyent aisément cacher des armes. Et disoit-on que le cardinal avoit ceste matière d'autant plus à cueur, qu’unnécromancien luy avoit pronostiqué à Rome qu’il sroit tué d’un baston à feu par l’envie qu'on luy porteroit, et pour les ennemis qu'il feroit en France, estant eslevé au plus haut degré d'honneur. Ce qui le tenoit en gehenne et luy causoit grandes inquiétudes ( vray salaire de ceux qui vont aux devins), lors mesme que tout ployoit sous luy.

Parmi tant d’affaires, le cardinal dès le commencement, pour tenir promesse aux ducs d’Albe et de Savoye, avec lesquels la ruine de ceux de la religion estoit jurée, et pour s’appuyer sur le bras spirituel, se délibéra de poursuivre très instamment les prisonniers, et tous autres notés pour le faict de la religion. Et de faict, dès le 14 de juillet (quatre jours seulement après la mort de Henry), la commission des ju-