AU LECTEUR
«Tout ainsi que c’est chose bien certaine qu'il n’est rien advenu de long tempsen ce royaume plus mémorable et digne, dont la mémoire soit conservée à la posterité, que ce qui est advenu de nos jours, et depuis mesmes le commencement du roy Henry dernier; aussi n'est-il moins certain et véritable, que, d’en publier maintenant la vérité par escript, ce n’est chose qui du tout soit hors de péril et danger. L’autheur dece livre pour ceste cause a facilement esté induict de mettre la main à cest œuvre; mais de pouvoir estre persuadé de le mettre en lumiere, ça esté chose impossible, estant fiché sur ce poinct : qu’il n’est bon de dire la vérité en tout temps. Quoy voyant, et qu’il n’y avoit lieu à prière ne remonstrance quelconque, ne mesmes à quelque promesse et asseurance qu’on luy sceust faire, que son nom ne seroit sceu, je n’ay cessé, à fin que franchement et sans plus dissimuler je confesse le faict, jusques à ce que je luy en aye substraict tout ce qui m’a esté possible de luy en substraire, qui a esté ce seul volume, de trois, veus et leus par moy, avec si grand plaisir, que j’ay mis tout en oubly, pour, à quelque pris (comme lon dit) et par quelque moyen que ce peust estre, les pouvoir recouvrer et publier ! , craignant que l’autheur timide et craintif ne les voulust à la parfin du tout supprimer, estant fort esbranlé de ce costé, ou bien que autrement ils ne vinssent à estre esgarés et perdus. Ne m’ayant donc esté possible de pouvoir recouvrer que ce volume imparfaict, raturé et confus en plusieurs endroicts , pour les papiers et mémoires qui y estoyent adjoustés , je l’'ay tout aussi tost faict imprimer, avec telle diligenceet célérité, ou. pour mieux dire, précipitation, pressé d’un costé de la crainte d’estre surpris du maistre d’icelui, et d’autre, du désir que j’avois de faire participant un chascun de ce mien larrecin, estimant par là le rendre d’autant plus défensable, que oultre ce que le commencement et la fin y defaillent, la vérité est telle qu’il y a plusieurs faultes et omissions, & mesmes quelques retranchements à y faire, les harangues entre autres choses y estans couchées tout au long, contre l'intention
"(1) Cet avis est probablement de la Place lui-même et on volt qu'il y est question de trois volumes terminés.
dudict autheur, qui estoit de n’en faire sinon un
sommaire récit. Mais comment que ce soit, vous prendrez s’il vous plaist ce mien tel quel labeur,
et le désir que j’ay eu de profiter au public, en bonne ;
part, et ferez tant de la vostre, que celuy à qui mieux en est deu le gré et la recognoissance puisse sans aucune crainte, et en brief, vous faire luymesme jouyssant du fruict de tout ce qu’il en a faict, et continuc de faire encores par chascun jour, en son enlier. »
Outre la Paraphrase des Institutes que j'ai mentionnée plus haut, et le Commentaire de l'estat de la religion et république on a encore de lui :
