XVI: s1ècLe, La PI. et La PI
cela il en voulust faire aucunes brigues ny menées; quesion la luy vouloit bailler, ilnela vouldroit accepter; non qu'il y eust en luy aucune note qui l’en peust rendre indigne, ny qui luy donnast crainte de poursuyvre son droict. ains pour le désir qu’il avoit de demourer paisible en sa maison, à fin qu’on ne luy peust reprocher ny aux siens à l’advenir qu'il eust causé quelque trouble au royaume pendant le bas aage du roy et pour son ambition; et que partant il la quittoit et remettoit du tout entièrement à ladicte dame, mais ilseroitmarry qu’elle en eust seulement le tiltre, et qu’autres queles princes du sang en eussent l’effect et honneur, d'autant qu’à eux appartenoit le maniement des affaires du royaume pendant la minorité des rois. Et pour le regard de ceux de Guyse : qu’il avoit eu grande occasion de se plaindre d’eux et durude traictement qu’ilsavoyent faict faire à son frère ; toutesfois parce que ladicte dame affermoit cela n’estre provenu de leur part, il leur quittoit et remettoit aiséement toutes les injures passées, à fin qu'il ne semblast que meu d’appétit de vengeance il voulust mettre le royaume en trouble et division; et partant elle n’auroit pour son regard aucune peine de leur donner secours ny faveur, espérant, s’il avoit quelque chose à leur demander, de recourir à la justice, sans venir aux mains.
Voylà comme le roy de Navarre a dict depuis s’estre dépestré de ceste affaire ; mais tant y a que tropaiséement il quitta à la roinemèresa régence, et luyen bailla sa signature. Adoncques ladicte dame (on ne sçait si ce fut sans rire) luy promit à bouche qu'il seroit lieutenant du roy en France, et conduiroit les affaires dela guerre et recevroit les paquets, puis les renvoyeroit tout après les avoir ouverts et veus, et que rien ne seroit ordonné, sinon par son advis et des autres princes du sang, qui seroient autrement respectés à l’advenir. Après cela elle luy feit embrasser ses cousins de Guyse, et promettre mutuellement d'oublier toutes querelles passées; et dès lors commencèrent à s’entre-saluer et caresser, comme si tousjours ils eussent esté amis. Cequi fut expressement faict avant l’arrivée duconnestable et de ses nepveus, craignant ne pouvoir chevir de ce prince si aiséement, comme ils feirent.
Ce que j'ay dict cy-dessus des propos tenus par le roy au Navarroïis, fut un autre strata-
geme. Car ceux de Guyse, se voulant laver les mains de toutes choses passées, et les rejetter sur la puissance et volonté absolue de Sa Majesté (encores que ce fust un enfant qui n’eust le sens ny discrétion de pouvoir examiner ny entreprendre telles choses et de si grande importance), ils moyennèrent aiséement envers luy de le faire parler doucement et amiablement au roy de Navarre, luy déclairant que ceux de Guyse n’avoyent jamais rien entreprins contre luy et les siens, mais que de son propre mouvement, et contre leur advis, il avoit faict emprisonner le prince de Condé son frère; le priant d’ainsi le croire et d'effacer, pour l'amour de luy et de la roine sa mère, toute la mauvaise opinion qu'il pourroit avoir conceu d'eux. Ce qui leur servit grandement puis après. Car ayant tiré ceste confession de la bouchedu roy, ils nièrent puis après fort et ferme tout ce qu'on leur pouvoit rejetter, chargeant sur le dos de cest enfant deffunct,et voulant combattre tous ceux qui voudroyent dire qu'ils eussent rien entreprins de leur teste. En quoy ils estoyent soustenus et secondés de ladicte dame.
Cependant la maladie du roy alloit de mal en pis, et tous remèdes estant désespérés, les médecins et chirurgiens meirent en délibération dele trépanner; mais chascun estoit si estonné, que l’on n’en conclud rien ; ensorte que ledict seigneur demoura forclos de ce remède qu'on estimoit luy pouvoir servir. Et asseuroit-on que lesdicts médecins et chirurgiens n’estoyent esprins de moindre frayeur que celle qu'ils eurent à la mort de feu roy Henry dernier décédé ; d’où s’ensuy vit un proverbe : qu’il faisoit mauvais estre roy pour mourir.
Ceux de Guyse, craignant que l'accord fait avec le roy de Navarre fust seulement une paix fourrée, d'autant qu'il avoit esté amené à ce poinet comme par force,et voyant que les connestablistes et autres, qui auparavant n’osoyent monstrer le nez, arrivoyent à grandes troupes, entrèrent en grande crainte. Parquoy ils advertirent la roine mère que les conspirateurs contre la personne du roy et l’estat du royaume ayant entendu sa maladie et extrémité entroyent à troupes dans la ville ; ce qui n'estoit sans quelque entreprinse secrette et périlleuse, et que partant il y falloit promptement remédier, tenir les portes fermées, et envoyer quérir le plus de gens de guerre qu’on
pourroit pour se fortifier, jusques à ce quel’on y eust donné ordre. Sur-tout, ils la supplièrent qu’elle ne permist aucunement le prince de Condé estre délivré. Car oultre ce qui estoit en volonté de leur courir sus et à elle aussi, il y avoit danger qu'il ne brouillast les cartes à l'entrée des estats, ou durant iceux; et qu’à son ombre il se présentast quelque impudent huguenaud pour mettre tout le royaume en confusion et division ; ce qu’elle leur promit faire, quoy qu'il en deust advenir. Partant les gardes furent redoublées, et deffenses faictes sur peine de la vie, que nul, quel qu'il fust, parlast au prince de Condé, sans l’exprès congé de la roine, ou qu’il portast sa signature.
Le i4 décembre sur l'heure de midy, on tenoit le roy pour mort, combien qu’il n’expira qu’à cinq heures du soir. Mais quand ceux de Guyse cogneurent qu’il n’y avoit plus d’espérance, ils s’allèrent renfermer et barrer dans leurs logis, pleins de crainte et frayeur incroyable, d'où ils ne partirent d’un jour ou de deux, ct jusques à ce qu'ils eurent asseurance de la roine mere et du roy de Navarre, que rien ne leur seroit faict. Toutesfois il ne furent si mal advisés qu'’ilsne feissent dès leur sortie
porter en leur logis soixante ou quatre-vingts
mille livres qu'il y avoit de reste à l’espargne, en sorte que les finances du roy estoyent toutes espuisécs; mais nul ne s’y opposa ; ce qui fut encore trouvé plus estrange, et fit cognoistre clairement que cela ne se faisoit sans le consentement de la roine mère, qui vouloit maintenir son authorité par la leur.
Voylà en somme comme par la mort d’unroy enfant, tant de cordages furent rompus pour la seconde fois, après avoir esté si bien attelés, et commesi grandes et hautes entreprinses allèrent en fumée, lorsque toutes choses estoyent préparées pour l'exécution. Ce qui vint fort à propos pour le prince de Condé, car il n’avoit plus que six jours à vivre; etpareillement pour les autres princes et seigneurs qui devoyent estre traictés après sans nulle mercy, ni espargner grand ny petit ; lesquelles conspirations estoyent aucument cogneues vivant Francois, mais c’estoit en confus. Tant y a qu'il n’eust plustost la bouche close, que tout fut sceu, et par ceux mesmes qui les avoyent conduictes et maniées. Car considérant les grandes merveilles de Dieu, ils pe se peurent garder de descouvrir ce qu'ils en
sçavoyent, admirant la providence de Dieu qui a l'issue de toutes choses en sa main. Et à vray dire, si elles eussent sorty effect, elles apportoyent un merveilleux et estrange changement au monde, ayec une désolation si pitoyable, que le seul penser rendoit les hommes transis, pour n'avoir jamais entendu choses semblables. Car oultre la subversion entière de tous les estats, et la ruine des plus grandes et anciennes maisons qu’on devoit attaquer, fust pour cause de la religion ou pour avoir mal parlé du roy, et autres infinys moyens, la France devoit estre réduicte à la facon de vivre du Turc, à fin qu'il ne fust en la puissance d’aucune de s’eslever puis après contre la domination et tyrannie d’une femme et de ses deux garde-corps. Que si par importunité on pardonnoit à quelquesuns, c'estoit à condition de perpétuelle ignominie. Car s’ils estoyent trouvés sans leur masque et livrée, le peuple, avec impunité, les pouvoit massacrer et tuer. Et y avoit certain prix ordonné pour les meurtriers des proscripts, si quelqu'un fust eschappé. Bref, il ne restoit plus que la mort de ces deux princes, que les quatre armées ne commencassent à marcher pour exécuter leur desseing. Et avoit ce cardinal usé de tellediligence, qu’il n’y avoit coing au royaume, des habitans duquel il n’eust les noms et surnoms, s'ils estoyens de la religion ou gens de faction ct entreprinse, pour leur pouvoir nuyre, et ne s’estre rangés à leur dévotion. Ce qu’il avoit recouvré par le moyen des faulx frèreset serviteurs secrets qui alloyent ordinairement raudant çà et là pour sonder les cueurset volontés des hommes ; en sorteque tels truans esto yont les juges, et dressoyent les sentences de mort de tout le monde. Or, ce qui estoit très desplorable, ils avoyent délibéré entre eux d'animer tellement le peuple contre ces gens icy, et de haller les lévriers après ceux qu’ils avoyent enrollés au rang des trespassés, que le commun en debvoit estre le bourreau, pour relever les leurs de peine. Car ils estimoyent par là que si leurs serviteurs secrets n’avoyent faict leur devoir, ceux-cy cribleroyent le reste sans rien espargner. Et n'estoit pas question en ce faisant de dire : «je n’en suis pas», parce que les cordeliers,jacobins, jésuites, et autres prescheu.s atiltrés et départis par toutes les contrées, villes et bourgades, avoyent les yeux bandés en prononçant leurs sentences
SOUS FRANÇOIS Il.
par leur prédications: et avoit-on donné si bon
ordre que, là où ils avoyentesté départis et envoyés, ils ne cognoissoyent personne, ains se debvoyent conduire par l’addresse des curés, presbtres etmoynes'des lieux. Cestelibertéet licence qui se devoit ainsi donner au peuple, s’appelloit lascher la grande levriére, pour lemot du guet. Ainsi n’y avoit-il villeny village quise fust peu exempter de leur carnage; joinct que la susdicte profession de foy estoit une merveilleuse espreuve contre ceux de la religion. Car ceux qui tiennent fermement ce party ont pour résolu ceste sentence del’Escripture:«Quimeniera devant les hommes, je le nieray devant mon père qui est ès cieux. » Voylà en somme l’ordre qu'avoyent donné ceux de Guyse pour régler et compasser toute la France à leur guise, et comment elle fut interrompue.
Le roy d’Espaigne de sa part s’estoit tellement advancé selon le temps et la promesse qu’il avoit faicte à ceux de Guyse, que desjà cinq ou six mille hommes avoyent prins la route de Béarn, pour surprendre la roine à l’improviste, la mettre à mort avec ses enfans, etfaire pareil massacre tant de ses subjects que de ceux de la France, et en ce faisant arrester et rompre les forces de la Guyenne, qui avoyent esté préparées, comme dict a esté. Mais les nouvelles venues à l’Espagnol de la mort du roy, et que la roine de Navarreles avoit descouvertes, et s’estoit tellement fortifiée dedans ses places fortes que mal aiséement la pouvoit-on avoir sans long siége,nescachant quel ply prendroyent les affaires de France après ceste mutation et soubdain changement,et craignant d’avoir à dos par ceux mesmes qui les avoyent appelés dans le païs, entre lesquels Montluc estoit des premiers,soubs la promessedu comté d'Armaignac, ils se retirèrent sans rien exploicter ; joinct que les lettres qu’ils avoyent du roy pour le passage à travers Bayonne (qui est l’uné des principales forteresses et clefs du royaume), fust en grand ou petit nombre, et le mandement de leur ayder de vivres, artillerie, et munitions tant qu’ils en voudroyent, n’eussent eu aucune force ny vertuaprès la mort dudiet seigneur, quelquesexpresses etaccompaignées de menaces qu'elles fussent.
Entre tous les seigneurs qui Mooriient plus accortement ces menées et entreprinses, l’admiral fut des premiers, comme aussi de tous
“ndroicts elles abordoyent au roy de Navarre. Car la condition des courtisans qui se disent cheminer sur la roue de fortune, est de se ranger tousjours des plus forts; en sorte que tel avoit juré et promis de couper la gorge au Navarrois qui luy venoit faire pareilles offres contre ses ennemis de Guyse ; tel n’avoit daigné regarder le roy de Navarre, vivant le roy, qui se venoit présenter à luy la cordeau col,comme lon dict, pour luy crier mercy et se rendre son esclave, le voyant eslevé au plusbaut de la roue. Mais surtout ceux qui manioyent les plus secrettes affaires de ceux de Guyse, qui mangeoyent et beuvoyent à leurs tables, qui couchoyent en leurs chambres et cabinets, furent ceux qui donnèrent les plus certains advertissemens de toutes choses, comme estans les principaux instrumens desquelsonsedevoitservir et qui descouvrirent la ruse du cardinal à sesçavoir transformerselonles humeurs d’un chascun,nedéclairant aux uns que la moitié, et aux autres plus avant. Maisd’enrequérir ni demander justice ou raison, iln’en estoitnouvelles,estant déjà la roine mère tellement authorisée, que luy rapportant ce qu'elle sçcavoit mieux que nul autre, elle appeloit tous ces advertissemens fables et choses inventées pour ruiner ceux de Guyse, qu’elle déclaira vouloir maintenir contre tous leurs ennemis et mesdisans ; en quoy faisant elle ferma la bouche à toutes les preuves qui se présentoyent. Vray est qu’à ses plus privés amis elle confessoit toutes ces entreprinses estre très certaines et vrayes. « Mais quoy, disoit-elle ! ne voyez-vous pas qu’ils ont en main toutes les finances, tous les gens d’église à leur dévotion, qui ne leur manqueront de rien pour achever d'exécuter leurs desseings, si on les irrite, et qu'on les amène au désespoir, comme desjà je vois le duc de Guyse préparé à jouer à quitte ou double.» Mais elle nedisoit pas qu’elle les réservoit pour la promesse de luy faire avoir la *égence du royaume par force, si d’adventure ule ne la pouvoit obtenir de bonne volonté; et qu'elle avoit résolu d'entretenir deux ligues auprès du roy et d'elle, à fin qu’au milieu des différends qui naistroyent entre eux, elle régnast paisiblement, tenant la balance en main, pour en disposer ainsi qu'il luy sembleroit meilleur. Car elle avoit pour tout résolu, que les Francois ne la laisseroyent jamais jouyr du gouvernement du royaume, si elle rendoit les affaires,
tellement paisibles qu’il n’y eust plus de division et partialités entre les princeset seigneurs.
Voylà, dis-je, comme toutesces choses furent descouvertes. Ce que l’admiral ne feignoit publier par toutes les compaignies où il se trouvoit, je dis, de ce qui touchoit ceux de Guyse, sans user d'aucune dissimulation, louant et remerciant Dieu de la délivrance merveilleuse qu'il avoit faicte à sa pauvre Église, au temps que les hommes tenoyent toutes choses désespérées. Etde sa part, il y cognoissoit une si grande assistance de la bonté et miséricorde de Dieu, qu’il publieroit à jamais ses merveilles, de l’avoir arraché des poings de ses sanguinaires ennemis, lorsqu'ils pensoyent triompher de luy. Ce qu'estant rapporté à ceux de Guyse, ils n’en firent aucune instance, ains seulement interposèrent l’authorité de la roine mère, pour persuader le contraire à l’admiral ; mais il luy feit bien cognoistre par bons tesmoignages qu’il ne parloit en incertain, offrant de le vérifier, ensemble toutes les machinations et conspirations susdictes, s’il plaisoit à Sa Majesté faire ouverture à justice. Sur quoy ladicte dame ne voulant entrer, elle le pria de leur porter bon visage, et vivre en paix pour l’advenir, l’asseurant de donner bon ordre à toutes choses. Sa response fut : que de faire bonne mine à ceux qui avoyent poursuyvi sa mort, chargé son honneur et procuré ses biens avec la ruine de toute sa maison, parens et amis, il ne le pouvoit faire sansmonstrer un cueur double; ce qui estoit contraire à la profession de la religion, et indigne de tout homme de bien. Bien remettoit-il la vengeance à Dieu, qui la scauroit bien faire en son temps, puisque les hommes ne vouloyent administrer justice.
Il n’est jà besoing de nommer tous ceux qui avoyent conspiré contre les princes du sang et ce qui en despendoit. Car le discours cy-dessus démonstre assez qu’il n’y en avoit que trop de toutes qualités, qui conjurèrent avec ceux de Guyse contre leur patrie mesme ; desquels les uns retournèrent bientost à leur bon sens ; les autres voyant la lascheté du roy de Navarre, et comme la roine continuoit de maintenir ceux de Guyse, demourèrent avec les six frères de Guyse, comme les cardinaux de Tournon et d’Armaignac, le mareschal Sainct-André et de Brissac, Randan, Martigues, Cipierre, Montluc, la Motte Gondrin, Maugiron, Suze, la Brosse,
Sanzac, Savigny, et une infinité d’autres seigneurs et capitaines qui s’attendoyent d’estre grands, riches et opulens par les guerres civiles, «que ceux-cy, disoyent-ils, vouloyent introduire avec le changement de principauté ; » en quoy ils estoyent secondés et conseillés par la pluspart de ceux du privé conseil, créatures de ceux de Guyse.
Avant que nous venions à la fin de ce livre, il ne sera mal séant de déclairer comment se portèrent ceux de la maison de Guyse après la mort dudict Sieur.Car comme ainsi soit que, luy vivant. ils en eussent faict si bonne garde que nul n’en approchoit que par leur mercy, et que la coustume de tout temps observée en France après la mort des rois soit telle, que leurs favoris, et ceux qui ont conduict et manié leurs affaires, doyvent les accompaigner jusques au tombeau, et durant quarante jours qu’ils sont gardés et servis solennellement attendant leurs funérailles ; ayant doncques ceux de Guyse faict garder estroictement ceste cérémonie après le trespas de Henry, et le duc de Guyse y estant doublement attenu et obligé, pour, avec le souverain commandement, avoir eu l'estat de grand-maistre de France, qui y astreinct notamment ceux qui ont telle dignité; tant y a toutesfois que nuls de tous ceux de la maison de Guyse ne feirent cest honneur à leur roy et maistre, et mary de leur niepce, lequel vivant leur estoit tant cher; ains fut par leur conseil et advis envoyé jour et nuict jetter dans le tombeau de son père, sans autre solennité ny pompe funèbre. Dont advint un brocard : que le roy, ennemy mortel des huguenauds, n’avoit peu empescher d’estre enterré à la huguenaute.
Ce qui amena ceux de Guyse et leurs partisans à ce poinct fust l’assemblée des estats où ils vouloyent assister, pour crainte que lon décrétast quelque chose contre eux, et aussi queleur absence feist cognoistre à tout le monde la différence entre leur gouvernement furieux et illégitime, et celuy des princes du sang, du connestable de Montmorency, son aisné, et des trois frères de Chastillon ; et que par ce moyen la cause et racine de la contagion qui infectoit la république fust retranchée; chose qu'ils craigaoyent plus que la peste, voyans bien que s'ils n'y donnoyent ordre on recognoistroit en un
instant qu’ils estoyent la vraye cause et source du désordre. Mais surtout, ils avoyent à gouverner une femme, la fermeté de laquelle leur estoit grandement suspecte, ayant l’admiral auprès du roy son fils, auquel alors elle déféroit beaucoup, voire autant qu’elle s’en pouvoit servir pour adoucir les princes et les estats. Aussi cognoissoyent-ils sa nature. Ils se doubtoyent aussi qu’ils n’auroyent les talons plustost tournés de la cour ou du maniement des affaires, que l’on ne feist uneinfinité de plaintes, la vérification desquelles ne pourroit estre desniée par ladicte dame ny autres de leurs amis, attendu que le crime de lèze-majesté trottoit en campagne. Voylà, dis-je, en somme les oc
Casions qui meurent ceux de Guyse à quitter et renverser toutes bonnes loix et observations des funérailles accoustumées. Toutesfois, comme le cardinal scavoit dextrement couvrir tous les coups et les pallier de vraysemblables raisons, sitost qu’il entendoit les murmures des Parisiens sur ce faict non jamais ouy, il ne failloit de rejetter la pierre sur le roy de Navarre et les Chastillons disant qu’ils l’avoyent ainsi advisé au conseil, parce qu’il n'y avoit argent pour employer en cest œuvre pitoyable, combies que les quatre-vingt mille livres par eux retirées des deniers venus de Poictou y eussent esté plus que suffisantes. Mais le cardinal passa encores plus oultre, s’estant bien trouvé par son moyen des moynes et sorbonistes qui osèrent prescher assez clairement en la présence de ceux du parlement de Paris, et maintenir qu'il estoit en la puissance du peuple de procéder à nouvelleeslection d’un roy, advenant qu’il fusthérétique ou qu’il les supportast aucunement. Bref, ces messieurs meirent toute leur estude à rendre le roy et les princes du sang, odieux au veu et sceu de chascun, sans que aucun s’opposast pour lors à tels séditieux.
Tel fut le règne de Francois deuxiesme!, n'ayant eu que le nom de roy, en qui fut re.
marqué qu'il mourut dedans le dix-septiesme mois de son règne, le dix-septiesme jour de sa maladie, et la dix-septiesmeheure après minuict.
Durant ce règne, la France servit de théatre où furent jouées plusieurs terribles tragédies, que la postérité, à juste occasion admirera, et détestera tout ensemble.
e FIN DE L'ESTAT DE FRANCE SOUS FRANÇOIS II.
LE LIVRE DES MARCHANDS
OÙ
