XVI: siècs, La PI, et La PI

Ce procès-verbal portant ceste confession fut baillé au cardinal, qui s’asseura d’en faire bien son proffit, et d’avoir ses tesmoings tous prests pour prouver son faict qu'il maintenoit avoir esté déguisé par le prince. Par quoy il envoya tout soudain quérir ces personnages, et à fin qu'ils ne le desdissent, luy-mesme les interrogua en la présence du roy, et leur dict que sur le rapport par eux à luy faict en la ville d'Amboyse, de certains propos tenus par le prince de Condé contre Sa Majesté, et en la faveur de rebelles et séditieux qui s’estoyent eslevés contre ledict seigneur, il les avoit faict diligemment et fidèlement transcrire et de mot à mot par Robertet, à fin d’en rafreschir la mémoire quand besoing seroit. Il leur demanda dancques s’il n’en alloit pas ainsi, après que lecture en eust esté faicte en leur présence et séparéement. Et de peur qu’ils ne faillissent, ledict cardinal leur affermoit leurs compaignons l'avoir ainsi affermé au roy. Mais il ne peut tant faire que chascun ne déclairast ces propos avoir esté tenus tout autrement qu’on ne les avoit escripts, se conformant du tout avec les derniers tenus par le prince. Le cardinal au contraire les rudoyoit, et affermoit la vérité estre telle, et que la faulte venoit de ce que sur l’heure on ne les avoit faict signer leur déposition. A tant il les pria sur la fin d’y bien penser ; car il s’asseuroit sur sa vie qu'il leur en souviendroit. Au partir de là, on le vit et ses frères bien empeschés à bonneter et caresser ces seigneurs, et ne scait-on qu'ils dirent puis après, car le tout estoit bien secret. Voylà en somme tout l’ordre tenu à la confection du procès du prince de Condé, pour raison des entreprinses prétendues avoir esté par luy faictes contre Sa Majesté et l'estat. Car quant à la religion, il en estoit jà assez suffisamment atteinct et convaincu, en sorte qu'il y eut jugement donné contre luy, portant condamnation de mort. Et luy devoiton trancher la teste sur un eschaffaut, devant le logis du roy, à l'entrée des estats. Et affermel'on que ceste condamnation fut signée de tous ceux du privé conseil, excepté le chancelier et du Mortier qui reculoyent tousjours, en donnant toutesfois bonne espérance. Elle fut ainsi signée de plusieurs grands seigneurs, des dixhuict chevaliers de l'Ordre nouvellement faicts, et plusieurs autres qui se trouvèrent là pour s'offrir au service de ces gouverneurs, comme

aussi les présidens, maistres des requestes et : - conseillers du parlement pour ce mandés, sy soussignèrent très volontiers, et les envoyoit :

quérir le roy l’un après l’autre pour cest effect, sans aucunement mettre la matière en - délibération.

On récite une chose notable da comte de Sancerre, c’est que le cardinal se confiant de luy entre autres, luy envoya son secrétaire avec ceste sentence pour la signer, et luy remonstra que puisque tant de princes et seigoeurs l’avoyent jà faict avec le roy, il n’en devoit faire aucune difficulté. Toutesfois se sentant esmeu d’un acte si estrange, il alla soudainement trouver le roy, lequel ayant entendu qu'il n’avoit incontinent signé, luy monstra visage courroucé ; car il estoit tellement animé contre ce prince, qu’il en vouloit avoir la fin, quoy qu’il en fust. Le comte ayant nouveau commandement de Sa Majesté, se prinst à plorer, et le supplia très humblement luy vouloir commander tout ce qu'il luy plairoit pour son service, et qu'il luy obéyroit en toutes choses, tant que l’ame luy battroit au corps; mais de signer cela, ilne pourroit,et aimoit mieux qu’on buy feist trancher la teste à luy-mesme. Ce qui estonna fort ledict sieur, et regardant Île cardinal, sembloit qu’il eust bien voulu adviser quelque autre meilleur expédient. Mais le comte sorty de devant le roy, le cardinal rhabilla tout. et dict que ce comte estoit un vieil fol, et qu’il luy fcroit bien faire après luy avoir plus amplement déclairé le mérite de la cause. Ce qu'il prenoit sur luy.

Pendant que ces choses se faisoyent, la prineesse de Condé (femme accomplye en toutes sortes, s’il y en a eu de nostre temps) n’eust plustost esté advertye de la prinse de son seigneur et mary, qu’elle n’allast à Orléans. Mais on luy envoya faire deffense de par le roy, de ne passer oultre une maison où elle estoit arrivée ‘ en la Beausse, à dix ou douze lieues d'Orléans, ‘sur peine de rebellion, et d’estre atteincte et convaincue de crime de lèze-majesté. Toutesfois, ceste pauvre dame importuna la roine mère, qu’elle eut quelques jours après lettres d’elle pour venir à petite compaignie solliciter les affaires de son mary, ce qu’elle feit. Estant doncques arrivée à Orléans, elle recourut à tous ceux qu'elle estimoit amis ; mais on en feit moins

France. Le roy de Navarre mesmes n’osoit parleràelle, pour crainte qu'ilavoit de soy-mesme. Bref, il ne se présenta ny courtisan, ny citadin si hardy que de la saluer seulement, fust en public ou privé, tant elle estoit de près observée; ce qui luy feit juger que c’estoit faict du prince. Et à tant luy falloit trouver tous moyens dele voir une seule fois avant que mourir, et luy donner courage, puis que la tyrannie estoit ainsi rigoureusement exercée en son endroict, et qu’elle ne pouvoit autrement servir. Celà luy fust reffusé ; et ne peurent toutes ses importunes requestes envers la roine mère avoir aucun lieu. Ce nonobstant elle s’enhardit un jour d’entrer en la salle du roy, devant la majesté duquel elle se jetta à genouils, le suppliant très ardemment avec larmes et souspirs incroyables que tant seulement on luy monstrast une seule fois son seigneur et mary; non qu’elle voulust autrement parler à luy ou luy donner aucun signe, ains pour avoir cest heur de le voir encores une fois en sa vie. Mais tant s’en faut que pour ses gémissemens et pleurs ledict seigneur fust esmeu à pitié, que cela l’aigrit et anima davantage, voire jusques à luy reprocher que le prince estoit son plus grand et mortel ennemy, et que luy ayant voulu oster la vieavecleroyaume, il ne pouvoit de moins que de s’en venger. Sur cela, comme elle entroit en deffenses, et ne se lassoit d’importuner le roy, le cardinal (qui de sa part craignoit que Sa Majesté ne fust esmeue à pitié et compassion), voulant aussi monstrer son animosité, chassa ceste princesse fort Fudement, l’appellant importune et fascheuse, et disant que qui luy feroit droict, on la mettoit en un cul de fosse elle-mesme. Ceux qui virent son ennuy et passion, disoyent d’une commune voix que jamais n’en avoit esté veu ni ouy parler d’une telle. Car ceste pauvre dame affligeoit tellement son corps jour et nuict et sans cesse aueune, que plusieurs de ses ennemis mesmes en avoyent pitié, et en faisoyent récit ès privées compaignies.

Nous avons cy-dessus récité comme Bouchard, Chaneelier du roy de Navarre, fust envoyé prisonnier à Melun avec ceux que le mareschal Sainct-André avoit faict amener de Lyon ; mais nuls de tous ceux-là, ny luy, ne furent recollés, pi confrontés audict sieur prince. Et disoit-on que Bouchard avoit depuis pensé à sa cons-

de compte que de la moindre damoiselle de ! cience, et qu’il ne pourroit aucunement éviter

qu'on ne monstrast luy-mesme avoir esté au- : des princes, ayant eu l’advis de ses frères les

theur de toutes les choses passées, à l’occasion de quoy il s’estoit résolu de chanter autre langage, niant avoir rien escript. Et quant aux autres ils estoyent si fermes et asseurés (hors mis le gantier, lequel encoresne parloit que parouyr dire), que l’on ne s’efforça de les luy confronter, de peur que ceux-cy ne justifiassent le prince, et que les estats cogneussent l’iniquité des procédures, joinct que ceste princesse leur estoit une espine au pied ; car elle n’avoit faulte d’esprit, de langage, ny de courage, pour remonstrer l'injustice de laquelle on usoit en ceste cause, tellement que ceux de Guyse furent en quelque délibération de s’en deffaire quelques ours devant l'exécution du prince.

Pendant que ces choses se font à Orléans, le pape adverty de tout par les cardinaulx de Lorraine et de Tournon et voulant prévenir un danger qui pouvoit advenir en France à cause de l’assemblée des estats pour le faict de la religion, et de celle qui devoit suyvre après de la convocation des prélats, publia sa bulle le vingtiesme jour de novembre, contenant une déploration des misères de la chrestienté qui estoit ainsi peuplée de hérésies et divisions. Pour à quoy remédier, il alléguoit le devoir qu’avoyent faict ses prédécesseurs, comme Paul avoit ordonné le concile premièrement à Mantoue, et puis pour bonnes raisons transféré à Vicence, et de là à Trente, où il avoit esté commencé; puis après Jules son successeur l’avoit continué au mesme lieu, où avoyent esté faicts et concluds certains décrets. Et pource qu'aux prochains lieux d’Allemaigne s’estoyent esmeues plusieurs séditions et tumaltes, et qu’il y avoit jà cruelles guerres en Italie et en France, de rechef le concile avoit esté différé par l’industrie de l’ennemy du genre humain, pour frustrer l'Église d’un si grand proffit, voyant que du tout il ne le pouvoit oster. Or le pape ne pouvoit dire sans grande amertume d'esprit, de combien ce pendant les hérésies avoyent prins accroissement, force et vigueur, et combien la division estoit accreue pendant les guerres.

Mais puis que Dieu pitoyable et miséricordieux avoit pacifié les roys de la chrestienté, Sa Saincteté de son costé avoit espéré de mettre fin aux maux de l’Église par le concile. Par quoy pour oster la division et l’hérésie, corriger et réformer les mœurs, et entretenir la paix et union

cardinaux, et de ce adverty l’empereur et autres roys et princes, lesquels il avoit trouvés prests et appareilles, de l’authorité de Dieu, et des bénoists sainct Pierre et sainct Paul, desquels il tenoit la place, il ordonnoit le sacré et général concile estre recommencé le jour de la résurrection de nostre Seigneur, et sans délay, en la ville de Trente, admonestant ses frères les patriarches, archevesques, évesques, ses fils, les abbés et autres auxquels de droit commun, privilége ou ancienne coustume estoit permis de s’asseoir et donner sentence au concile. Et leur commandant en vertu de saincte obéyssance, du serment par eux à luy faict, et sur les peines sur ce ordonnées, de s’y trouver, s’ils n’avoyent empeschement légitime, duquel ils feissent apparoir. Après cela il prioit l’empereur et les autres roys et princes de s’y trouver ou d'y envoyer ambassadeurs, gens sages, graves et prudens, pour représenter la personne-deleurs maistres, et de donner ordre que les prélats de leurs pays y aillent en temps si nécessaire.

De sa part, il fera qu’auxdits prélats et autres allans et retournans dudict concile, ne sera faict ne donné aucun destourbier ou empeschement par les chemins, et ne laisseroit rien passer qui peust appartenir à faire une œuvre tant salutaire constituée par luy. Bref, il appelloit Dieu à tesmoing s’il cherchoit autre chose, et s’il se proposoit rien devant les yeux que l’honneur de Dieu, la réduction des ames esgarées de la foy, et le perpétuel salut et tranquillité de la chrestienté.

Voylà un des poincts par lesquels ceux de Guyse estimèrent avoir trouvé propre occasion d’empescher que les estats ne peussent rien déterminer pour le regard de la religion, sçachant que les cayers des députés estoyent chargés de demander estat paisible, comme il sera plus amplement déduict cy-après.

Les choses ainsi acheminées, on devoit bien passer plus avant; car l'intention estoit pour éviter toute vengeance, faire mourir sans aucune distinction tous ceux qui tenoyent le party des princes, de quelque religion qu'ils fussent. Et desjà le cardinal avoit usé de telle diligence que de chascune province on luy avoit apporté les noms et surnoms de ceux que ses espies savoyent estre tels : en sorte que les rolles en es-

| toyent jà tout dressés, pour les faire advouer

et approuver aux députés des trois estats, fust par amour ou par force, comme aussi ils s’asseuroyent d’estre authorisés quant aux parlemens de France, de la pluspart des conseillers et présidens, desquels ils avoyent suffisamment esprouvé la conscience, estant iceux premièrement ennemis mortels de ceux de la religion, et puis aussi de tous ceux qui demandoyent réformation de l’estat; estant persuadés que si ceux de la religion avoyent le dessus, ce seroit à eux à courir, tant pour rendre raison de leurs jugemens, que pour estre mis sur l’eschaffaut, à fin de corriger les abus dela justice, qui n’estoyent moindres que ceux de l’Église romaine, oultre la perte qui leur pouvoit revenir en laschant les grands et gros bénéfices que tenoyent eux et leurs enfans et custodi-nos, advenant une bonne réformation. Voylà pourquoy il ne leur fallut guëères bransler la bride pour leur faire jurer la mort de tous ceux de la religion et consentir à tous les desseings de ceux de Guyse, qui leur promettoyent monts et vaux.

Et à fin que ce ravage fust plustost achevé, faut noter qu'à l'issue des estats, les forces de France devoyent estre desparties en quatre, lesquelles marcheroyent tousjours à une journée ou deux près l’une de l’autre soubs la conduite des ducs d’Aumalle, mareschaulx Sainct-André, de Brissac et de Termes, qui avoyent jà tel et semblable pouvoir que celuy de Sainct-André cy-dessus déclairé, à fin que la France estant repurgée, on regardast avec les Espagnols, Italiens, Allemans et Suisses catholiques de faire le mesme en toute la chrestienté, ce disoit-on. Et ne fault doubter que tous ne désirassent la ruine de ceux qu’ils tiennent pour communs ennemis. Mais cela se fust monstré en effect, selon que la commodité de chascun eust porté; et n’y a doubte que la roine mère n’y eust eu plus petite part qu’elle ne présumoit.

La manière de fournir à ceste despense (disoit-on, pour donner à entendre qu’en tout cecy on ne cherchoit point son particulier, mais l’advancement ou plustost la sauveté de nostre mère saincte Église) estoit telle. On prenoit le revenu des bénéfices, qui monte presque les deux parts du royaume. Chascun cardinal ne devoit retenir (toutes bourdes quant à l’effect) jusques à l’entier accomplissement de l’entreprinse, que de quatre à cinq mille livres par an,

un évesque mille ou douze cens, un abbé trois ou quatre cens, un prieur cent à six-vingts livres, et ainsi des autres jusques à un chapelain de trente livres, qui retenoit seulement cent sols. Et à fin d’avoir plus prompts deniers, tout l'or et l'argent des reliquaires, avec les thrésors des temples et monastères, se prenoit, avec promesse toutesfois qu’ils seroyent puis après refaictsdes confiscations des hérétiques; moyens asseurés à ceux de Guyse, par les mains desquels tout eust passé en France, de maintenir contre tout le monde le royaume transporté en leur maison. Mais le meilleur estoit, que s'ils avoyent trop grand besoing de gens de guerre, le clergé devoit fournir de leurs valets, c’est-àdire, maquereaux, cuisiniers et autres, des plus habiles et dispos, voire jusques aux presbtres et moynes que le pape dispensoit pour prendre les armes; en quoy ils promettoyent faire merveilles, d'autant que leur conscience estoit troublée par ces hérétiques. Or, quant à la conclusion prinse d’exterminer tout le sang royal de la maison de Bourbon et tous leurs amis, cela ne vouloyent-ils faire tout à un coup, mais par le menu et petit à petit, à fin que l’on ne s’apperceust de leur encloueure, et que les François n’estimant ces exécutions estre la planche par eux dressée pour parvenir à la couronne, ne s’eslevassent contre eux. Le roy de Navarre donc devoit estre pour le commencement confiné au chasteau de Loches; le connestable ferré en la grosse tour de Bourges, avec tous ses enfans et nepveus. Les plus grands qui avoyent authorité devoyent estre prins; et les faisant mourir, se devoit tenir quelque petite formalité de justice, comme à celle du prince de Condé, qui devoit mener la danse le dixiesme de décembre, à l'entrée des estats, ainsi que j'’ay déclairé. Et d'autant que les prisons d'Orléans ne sembloyent assez grandes ny seures, ny semblablement celles de Loches, Bourges, et autres villes, pour contenir si grand nombre des enrollés de toutes qualités, on meit ouvriers en besongne de toutes parts, pour accoustrer les prisons, et en faire de neufves. Entre autres, la grosse tour de Sainct-Aignan fut grillée et fortifiée pour y mettre les principaux d'Orléans, etune autre auprès, pour l’admiral et ses frères, en sorte que ceste tour fut depuis appelée l’admiralle.

Sur ces entrefaictes, estant arrivés à la cour

{es mareschaux Sainct-André et de Brissac, qui estoyent des principaux de la retenue, on leur communiqua les desseings, à sçavoir à Sainct-André toute l'entreprinse, comme en estant bien capable, et au mareschal de Brissac, cela seulement qui servoit à la ruine de ceux de la religion ; car le reste luy estoit lors caché, jusqu’à ce que l’on eust plus grande preuve de sa fidélité envers ceux de Guyse, comme elle se manifesia puis après. Ceux-là trouvèrent très bon ce qui avoit esté conclud et arresté, sinon pour le regard du roy de Navarre. Car ils furent d’advis qu’on le devoit faire tuer, sans en faire plus longue garde, pour ce que demourant en vie, quelque confiné qu’il fust, c’estoit une ouverture et une occasion à ceux de la religion de s’eslever pour le rescourre. Et pourtant ne futil question sinon d’adviscr les plus propres moyens de s’en deffaire. Le premier moyen qu’on essa ya, fut de l’empoisonner à un disner, où il fut adverty de n’aller point. Le second, fut de le tuer un soir, partant de chez le roy, d’un coup de pistole, se couvrant de la querelle de monsieur de Nemours touchant le mariage prétendu entre luy et mademoiselle de Rohan, cousine-germaine de la roine de Navarre, auquel il ne s’accordoit, après luy avoir faict un enfant, disoit-on, sous promesse de mariage.

Mais pour ce coup ledict seigneur roy se trouva trop bien accompaigné. La tierce entreprinse fut estrange, et presque incroyable, si elle n’estoit trop bien tesmoignée par luy-mesme et par autres; comme aussi la roine de Navarre par le bien sçavoir, et sans jamais avoir esté contredicte, en escripvit à la roine mère, longtemps après le trespas de tous les deux roys. Il fut doncquesadvisé queleroy, auquel on avoit entièrement persuadé qu’aimant ceste race il perdroit la vie et son estat, feindroit d’estre malade (comme tost après il le fut à bon escient, et mortellement ) et n’ayant que sa robhe de nuict, et une dague à sa ceinture, envoyeroit quérir ledict seigneur en sa chambre, où il n’y devoit avoir que le sieur de Guyse, le cardinal de Lorraine et le mareschal de Sainct-André, et quelques-uns advertis de ce qu’ils avoyent à faire, et le roy prenant une querelle d’Allemaigne (comme on dict) contre ledict seigneur, luy devoit donner un coup de dague, et les autres l’achever. Cela fut conclud, après avoir esté débattu entre quelques particuliers, où

néantmoins il y eut de différentes opinions, ne pouvant quelques-uns consentir à une telle cruauté, que faire souiller la main de ce jeune roy dans son propre sang. Néantmoins l'ambition et envie de régner de ceux de Guyse leur feit eslire ce moyen.

La roine mère, et bonne mère pour ce coup, à laquelle ceux de Guyse ne communiquoyent de ees derniers desseings qu’autant qu'il leur plaisoit, en fut advertie par le roy mcsme, et feit ceste faveur audict roy de Navarre de le faire advertir par le moyen de madame la duchesse de Montpensier, après avoir en vain essayé en secret d’en divertir le roy, hors mis qu’il est à présumer, que la remonstrance que sa mère luy en feit servit bien à le retenir quand il fut question de l'exécution.

Suyvant donc ce malheureux conseil, le roy François envoya quérir ledict roy de Navarre, pour venir parler seul à luy en sa chambre, ou il estoit seul aussi, avec @œux de la conjuration seulement. Ledict roy fut adverty de n’y aller, et trouver quelque excuse ; ce qu'il feit la première fois. Il le renvoya quérir la seconde, en laquelle il fut encores conseillé de n’y aller, par un qui luy dict la vérité de leur délibération. À la fin poussé d’un cueur magnanime, et aussi que la pureté de sa conscience en cefaict l’empeschoit d'appréhender ceste mort, il se résolut d’y aller, et mener seulement quelques-uns avec luy, entre autres le capitaine Ranty, lieutenant de sa compaignie, gentilhomme en qui il se fioit, et qui avoit esté nourry d'enfance avec luy. Montant le degré de la chambre du roy, il trouva encores quelqu'un qui le voulut arrester, luy disant : « Sire où vous allez-vous perdre? » mais comme résolu qu’il estoit, il se tourna lors ( comme depuis tous deux l'ont souvent récité) vers le capitaine Ranty, disant : “Je m'en vais au lieu où l’on a conjuré ma mort, mais jamais peau ne fut vendue si chère que je leur vendray la mienne. S’il plaist à Dieu, il me sauvera ; mais je vous prie, par la fidélité que j'ay tousjours connue en vous de vostre bonne nourriture, et l’amitié que je vous ay portée, de me faire ce dernier service, que si je meurs, que vous recouvriez la chemise que j'ay sur moy, et la portiez toute sanglante à ma femme et à mon fils, et conjuriez madicte femme pour la grande amour qu’elle m'a tousjours portée, et par son devoir (puisque mon fils

n'est encores en aage de pouvoir venger ma

glante (comme si je meurs elle le fera) aux princes estrangers et chrestiens pour venger ma mort si cruelle et traistresse. » Et sur ces parolles il entra en la chambre duroy, etiincontinent le cardinal de Lorraine ferma la porte par dedans après luy. Adoncques le roy luy tint quelques rudes propos, auxquels il respondit avec tout devoir et révérence (regardant néantmoins ses ennemis d’un œil assez farouche). Bref, les uns et les autres, estant estonnés, par la volonté de Dieu, les choses se passèrent en parolles. Ce que voyant le duc de Guyse, et son frère le cardinal, retirés en une fenestre, ils s’en allèrent bien despités, usant de ces mots assez hauts, en sortant : « Voyla le plus poltron cueur qui fut jamais! » Il ne fault nullement doubter que la vertu de Dieu, qui bride la rage des meschans et tient en sa main le cueur des rois, ne sestendist sur l’un et sur l'autre; sur le roy, pour ne luy permettre estre parricide, commettant en son sang un si lasche tour; et sur le roy de Navarre aussi, pour luy faire paroistre qu’un seul cheveu de nostre teste ne peut tomber sans sa providence, quelques asseurances que puissent prendre les meschans de leurs conjurations. Ainsi pour lors eschappa le roy de Navarre, ce que voyant ces conjurateurs, et ce nonobstant persévérant en leurs meschantes volontés, leur dernière résolution fut que le roy iroit faire un petit voyage pour chasser à Chambourg et à Chenonceau, pen- ‘ dant que l’on nettoyeroit la ville d'Orléans et qu'on dresseroit les logis pour recevoir les députés des estats et tous Îles princes et grands seigneurs qui estoyent mandés s’y trouver.

Que ledict seigneur y mèneroit le Navarrois, et qu’en courant après quelque beste, on le tueroit, puis on feroit courir le bruit qu'il auroit esté meurtri d’un cerf, ou d’un sanglier.

Quant au connestable, ils luy vouloyent faire procès, et avoit jà esté plusieurs fois mandé à la cour, où il n’avoit voulu aller, comme sage mondain qu'il estoit, pour ne tomber à son escient ès griffes de ses ennemis, lesquels il scavoit pour certain avoir machiné sa mort et “basty des informations à leur mode, par les dépositions de la Sague, et telles que le temps le promettoit, en sorte qu’on s’attendoit bien de ruiner sa maison et la confisquer, et déjà com-

[1560] mission avoit esté expédiée pour prendre son

mort) qu’elle envoye ma chemise percée et san- ; fils Danville,

Et pource que les trois frères de Chastillon leur estoyent du tout insupportables, et qu'ils estimoyent n’y avoir en France aucuns seigneurs plus propres à empescher leurs desseings, et à lever et conduire gens pour s'opposer à eux, ils furent très aisés d’avoir trouvé une occasion tant propre, à scavoir, la profession et déclaration ouverte qu’ils avoyent faite à la roine de se vouloir ranger aux églises réformées du royaume, notamment l’admiral et d’Andelot son frère. Voicy done comme ils les devoyent traicter, n'ayant peu trouver sur eux aucune chose digne de répréhension, et faire le mesme à tous les autres chevaliers de l'Ordre qui avoyent favorisé tant soit peu ceste doctrine.

Le roy escripvit à tous les chevaliers de lOrdre absens, qu’il vouloit tenir un chapitre général de son ordre le jour de Noël suyvant , et entendoit que toutes excuses cessantes ils se trouvassent à la cour. Cependant le cardinal avoit fait dresser une confession de foy aux sorbonnistes, de tel style qu’il s’asseuroit que nul de tous ceux qui auroyent gousté la doctrine contraire n’y voudroyent aucunement consentir. Et c'estoit le piège où on les attendoit.

Le jour venu, Sa Majesté devoit présenter aux chevaliers en plein temple ceste confession, qui seroit signée de sa main, à fin qu'ils fissent le mesme , et jurassent tous de non-seulement la tenir et garder inviolablement , mais aussi de courir sus par toutes voyes à ceux qui y Contreviendroyent, sans espargner père, mère, femme, frères, sœurs, parens ni amis en quelque sorte et manière que ce fust. Que si aucun en faisoit le moindre reffus ou délay (car pour tout certain ils s’attendoyent que l’admiral et d’Andelot ne la voudroyent signer, ou à tout le moins demanderoyent jour d’advis et qu'elle leur fust communiquée ), alors Sa Majesté sans | autre inquisition , forme ny figure de procès, les devoit dégrader de l’Ordre et de tous estats, dignités et honneurs, et le lendemain lesenvoyer au feu brusler tous vifs. Ce mesme stratagesme fut dressé au cardinal de Chastillon, par une assemblée générale qu’ils devoyent faire le mesme jour de tous les cardinaux, pour signer ceste mesme confession de foy, scachant bien

| qu’il n’en feroit rien. Aussi en demandovyent-ils

la vie. Et ce faict, le roy devoit mander tous les princes et seigneurs du royaume pour leur faire signer ceste confession, et puis à tous ses gentilshommes et officiers domestiques.

Le chancelier avoit commandement de faire

le semblable envers tous les maistres des requestes, ceux de la justice, secrétaires et autres officiers suyvans la cour. La roine pensant alors que ce fust faict, et qu’il fast temps de descouvrir du tout son cueur, avoit prinsla charge de faire signer toutes les dames et damoiselles de la cour. Il estoit enjoinct à tous ceux qui avoyent des serviteurs, de faire le semblable, et que chascun respondroit des siens. La cour ainsi repurgée, on devoit envoyer à tous les parlemens, bailliages, seneschaulsées et autres “jurisdictions , pour faire pareille profession de foy, sur peine aux défaillans ou délayans d’estre bruslés sans autre forme ny figure de procès. Aussi appelloit le cardinal ceste confession la ratonière. Que s’il se trouvoit quelqu’on vray pénitent, ct qui appartint à quelque grand prince ou seigneur de la retenue, advenant qu'on luy pardonnast, il porteroit à jamais pour perpétuelle ignominie une robe de couleurs à La mode d'Espagne, la forme de laquelle se prenoit de l’inquisition, pour la pratiquer exactement. Bref, les choses estoyent tellement disposées, que pour descouvrir plus promptement les secrets de la religion qui fassent en France, chascun curé ou vicaire devoit aller par toutes les maisons de sa paroisse, accompagné de greffiers , notaires, et autres personnes publiques pour ce choisies et eslevées, à fin de recueillir les signatures, et en faire registres et dénombrement en chascune jurisdiction. Voylà donc les moyens par lesquels ceux de la religion devoyent estre infailliblement accablés. Et pour ce faire commissions nouvelles estoyent ordipairement expédiées à tous les capitaines et gentilshommes dévotionnés au parti de Guyse, pour lever gens de la qualité susdicte.

Nous avons récité, en traictant des guerres du duc de Savoye, comme les Vaudois eurent secours de ceux de Pragela ; ce qu’estant parvenu aux aureilles du duc, il en feit de grandes plaintes au roy, affermant que ses subjects n’eussent eu le courage de faire teste à ses gens, s'ils n’eussent esté secourus des Francois. Entre autres, il nommoit ceux de Pragela. Mais surtout, il estimoit ceste conduite avoir esté faicte par

Mouvans, et par les Provencaux fugitifs de teurs païs qui s’estoyent retirés, comme il disoit, audict Pragela. Maugiron de sa part, se trouvant à la cour, faisoit les choses grandes, et confermoit cest advertissement, se disant avoir grand crédit et authorité en Dauphiné, tant envers la noblesse qu’envers plusieurs siens amis, pout exécuter une bonne entreprinse sur ceux de Pragela, et se vantant de leur donner une bonne venue. D'autre part, il fit prière à ceux de Guyse de luy vouloir donner une bonne charge en l'armée qui se devoit lever pour aller à Genève, et icelle joindre avec les forces d'Italie, en quoy il espéroit leur faire de grands services, à cause des intelligences qu’il se disoit avoir de delà avec plusieurs gentilshommes et gens de guerre. Par quoy commission fut expédiée le 17 de novembre pour lever en Dauphiné dix ou douæe enseignes de gens de pied. Le prétexte estoit fondé sur ce que Sa Majesté avoit entendu que ceux de la vallée de Pragela, qui est aux confins dudict Dauphiné, continuant en leurs hérésies, faisoyent ordinairement prescher, et administroyent les sacremens à la mode de Genève. Et qui pis estoit, retiroyent et favorisoyent ceux de ceste mauvaise secte, et principalement aucuns des principaux chefs et autheurs de la dernière sédition et esmotion faicte auxdits païs et lieux circonvoisins. Au moyen de quoy, le roy, suyvant sa coustume et catholique intention, désiroit leur faire changer de facon de vivre ; sinon, les chastier selon leurs desmérites , leur ostant les chefs et prédicans. Ce pouvoir aussi portoit de faire levée de tel nombre de gens qu’il voudroit, et d’assembler secrettement ses amis avec la noblesse pour se transporter audict Pragela, y prendre les ministres, gentilshommes chefs et autheurs des sé. ditions et hérésies, pour les faire chastier par le parlement du Dauphiné. Et s’il trouvoit beaucoup de résistance, qu’il leur courut sus, et les taillast en pièces, se conduisant toutesfois par le sage et prudent advis de la Motte Gondrin, auquel il obéiroit comme à Sa Majesté mesme.

Or, combien que ceste commission fust ainsi causée, si est-ce qu'elle tendoit principalement à renforcer ke duc de Savoye et occuper le passage de Pragela , pour empescher que nul secours ne fust donné aux Vaudois des vallées d’'Angrogne et autres qu'on tenoit de si court, et lesquels on avoit conclud d’exterminer entie-

rement, pour sur le printemps faire de plus grandes et hautes entreprinses, et commencer par Genève. Et à fin que les choses fussent plus diligemmentconduictes, leroy escripvit à Bourdillon, son lieutenant général en Piedmond, de bailler toutes ses forces à Maugiron, pour exécuter l’entreprinse de Pragela, et les joindre avec celles de la Motte Gondrin. Ce que Bourdillon n’avoit aucunement à plaisir ; non pour aucune bonne affection qu’il portast à ceux de la religion, mais pour le danger de perdre toutes les villes qu’il avoit en charge. Car desjà on luy avoit osté les vieilles bandes, et luy en avoit-on baïillé des nouvelles peu aguerries, si qu'ilne pouvoit dormir avec eux de bon somme. Maintenant donc qu’on les luy vouloit oster, ou bien luy en laisser si petit nombre qu'ils ne seroyent pour résister au moindre exploict que le duc voudroit faire contre luy, il insistoit fort au contraire, et envoya remonstrer au roy les inconvéniens qui en pouvoyent survenir , luy remonstrant qu'il avoit assez d’autres moyens pour secourir le duc de Savoye sans desnuer ses villes. Joinct qu’il estoit assez empesché de prévenir et veiller sur les entreprinses d’ailleurs. Mais tout cela ne luy proffita rien , sinon d’acquérir la mauvaise grace de ceux de Guyse, qui luy mandèrent au nom de Sa Majesté, qu’il eust à obéir sur peine de rebellion , non-seulement en cela, maïs en tout ce qui luy seroit puis après commandé , sans plus insister au contraire. Car, disoit le roy, j’ay assez bon conseil près de moy, sans que j'aye besoing du vostre, sinon quand je vous en demanderay. Par ces façons de faire, on conjecturoit que ceux de Guyse avoyent promis au duc de Savoye de luy rendre non-seulement les quatre villes détenues par le traicté de la paix, mais aussi tout ce que le roy avoit delà les monts, à fin qu’ils le peussent tant mieux avoir à commandement par ce lien d'obligation. Car autrement savoit-il qu’il les recouvreroit malaiséement du roy, et qu’estant en bas aage son coiscil n’y consentiroit jamais. Le meilleur donc estoit de clore les yeux à tous les dangers et inconvéniens à ce que, cela advenant, la faute en fust rejettée sur ceux de la religion, pour avoir amené le roy à ceste nécessité de desgarnir ses villes, et partant les rendre du tout odieux au peuple.

Nous retournerons aux gens des trois estats, et monstrerons le reiglement qu’ils eurent de

ces gouverneurs. Car ceux de Guyse se souve- : nant parmi leurs violences, que les cayers des députés estoyent chargés de demander un estat paisible pour la religion, et plusieurs autres choses qui contrevenoyent directement à leurs desseings (encores que nul ne traictast proprement de leur gouvernement illégitime ), après avoir meurement considéré les histoires francoises, et esté advertis par leurs serviteurs de ceste ancienne authorité des estats de France, avec le poids de leurs demandeset conclusions, ils doubtèrent qu’ils ne meissent sous les pieds leurs affections particulières envers eux, pour reprendre les arres et suyvre la trace de leurs prédécesseurs, qui avoyent tousjours eu ceste bonne coustume d’oublier les partialités pour soigner au bien public, et à establir un asseuré gôuvernement, pendant le bas aage des rois, pour servir de bride aux amateurs de nouveautés. A ceste cause, ils se résolurent de bonne heurede , ce qu’ils auroyent à faire. Sentant donc approcher le 10 de décembre, et les députés des estats arriver à la file, deffenses itératives de par le roy learsont faictes sur peine de la vie, que nul d'eux fust si hardy de parler un'tout seul traict de la religion en l’assemblée et convocation que Sa Majesté feroit de ses estats généraux, d’autant qu'autrement il en avoit dispose. Sur cela, Dieu commenca dès lors de monstrer qu’il n’y a ruse ny violence qui puisse sortir effect contre luy ; car combien que ceux de Guyse eussent faict toute diligence d’avoir lesdicts députés à leur dévotion, et qu’ils s’asseurassent que la pluspart approuveroyent leurs desseings, ce néantmoins ceste deffense fit murmurer trop plus de gens qu’ils ne pensoyent, d’autant, disoyent-ils, que les lettres de la convocation des estats portent le contraire. Pour à quoy remédier ils attirèrent des personnages d’authorité, quidisoyent ne falloir trouver estrange si le roy avoit changé d’advis. Car, lors de sa résolution prinse d’assembler les estats, il n’estoit nouvelle qu'on voulust tenir le concile général , mais que maintenant que le pape lavoit publié, ce seroit luy faire un trop grand préjudice de rien mettre en avant touchant la réformation du clergé, attendu que l’on la devoit espérer bonne et universelle par ce sainct concile; et aussi que les prélats de France, qui s’assembleroyent au mois de janvier auroyent principalement ce soin de regarder aux choses nécessaires et par-

ticulières pour la religion , à fin de donner un bon réglement à la France sans empescher les deux autres estats, qui devoyent plustost regarder à trouver deniers au roy pour ses urgens affaires , et d’ayder de conseil à messieurs de Guyse, pour chastier les mutins et rebelles ; autrement qu'ils seroyent les mal venus, et seroit à craindre qu’on les amenast par force à ce point, s’ils ne se présentoyent de bonne et franche volonté. Mais que les choses gracieusement accordées estoyent les plus louables , et qu’ils obligeroyent, en ce faisant, ces bons princes de Guyse de leur bien vouloir, et remunérer ceux qui suyvroyent le plus exactement en cela l'intention de Sa Majesté, sans entrer plus avant en contention pour leurs authorités et préémminencCes. Sur-tout qu'ils se donnassent garde de mettre en avant ne s'ayder d’un seul argument qu’on peust estimer et recognoistre estre sorty des escrits des rebelles. Car cela estoit tant odieux à Sa Majesté que rien plus. Bref, on usoit de tous artifices possibles pour essayer d’avoir des estats, par amour, ce qu’ils s’asseuroyent d'obtenir par force, voulussent ou non. Et quant à ceux qu'on sçavoit estre entièrement gaignés ou pratiqués, on leur descouvroit quelque partie des entreprinses, à fin d'essayer à ranger les autres à ce poinct, leur proposant la vie ou la mort.

Sur ces entrefaictes', voicy arriver un paquet du comte de Villars, lieutenant au gouvernement du Languedoc en l’absence du connestable son beau-frère, par lequel iladvertissoit ceux de Guyse que les députés du païs de Languedoc pour se trouver aux estats généraux, estoyent hérétiques, et des plus affectionnés à leur religion, pour à laquelle donner liberté ils avoyent accepté ceste charge; de quoy il les avoit bien voulu advertir, à fin qu'ils advisassent d’y donner bon ordre, car c’estoyent gens d'esprit, de grande menée et conduicte. Il estoit bien marry qu'il n’avoit peu empescher leur eslection et partement, mais que la pluralité des voix l’avoit emporté, comme aussi la résolution prinse en l'assemblée particulière des estats du Languedoc, qui estoit de grande et périlleuse conséquence contre l’authorité de l’Église romaine, et à l’advénement de ceste nouvelle secte, qui s’estoit merveilleusement accrue et déclairée en Languedoc, plus cent fois qu’il n'eust peu estimer, voire à l’endroict des plus grands et de ceux qui avoyent entière autho-

XVIS sècre, La PI. et La PI.

rité envers le peuple pour les persuader et dissuader ce qu'ils voudroyent.

Ceste lettre ne fut plustost receue, que gens ne fussent expédiés pour aller au-devant de ces députés, à fin de les mettre en lieu où ils n’eussent jamais peu faire bien ny mal; mais n’estant rencontrés, ils arrivèrent a Orléans, où à leur descente de cheval se trouva gens qui leur dirent que le cardinal de Lorraine les demandoit. Ils prièrent qu’on les laissast descendre à l’hostellerie et se desbotter, ce qu’on leur reffusa ; ains furent estroictement gardés, leurs mémoires et instructions saisis et portés à ceux de Guyse, qui trouvèrent encores plus que ne leur avoit mandé le comte de Villars. Par quoy ces pauvres prisonniers furent aigrement et durement traictés pour intimider les autres, et battre le chien devant le lion, comme l’on dict; mais tout cela fut en vain, comme il se verra Cy-après. e

Le roy de Navarre, comme il a esté veu, pendant toutes ces expéditions, et depuis son arrivée en cour, estoit détenu en une merveilleuse crainte et frayeurs incroyables. Car d’un costé ses amis l’advertissoyent d'heure à beure des délibérations et conclusions prinses contre luy, en sorte qu'ils désespéroyent de sa sauveté. D’autre costé, les capitaines et soldats le sollicitoyent souventesfois de se sauver, d’autant que ses ennemis avoyent pratiqué aucuns d’eux, voire tiré leur promesse et serment pour le tuer sitost qu'ils en auroyent le signal. Or, soit qu'ils fussent menés de bonne affection, qu’ils cherchassent meilleure couleur et occasion d'exécuter ceste conspiration ou autrement, tant y a qu'on tenoit pour certain (considéré que telles gens de guerre estoyent tout dédiés et consacrés à la maison de Guyse, ayant receu de tous leurs estats honneurs et advancemens de ceste part) qu’ils cherchoyent de le tuer en fuyant, à fin de mieux colorer cest acte envers les estats, auxquels ils s’attendoyent de persuader aiséement que telle évasion l'acoulpoit du forfaict duquel il estoit souspecanné, ne cherchant d’eschapper la présence du roy que pour troubler le royaume et commencer nouvelles esmotions populaires, et que partant le plus court et le meilleur remède avoit esté de s’en dépestrer ainsi, avant qu'il eust causé tant de maux et calamités; combien toutesfois qu’on

eust désiré luy faire procès comme à son frère.

Mais Dieu retint ce prince, en sorte que, pour

chose qu’on luy peust persuader, il ne voulut |

abandonuer la ville, ny s’esloigner de son frère, avant que voir l'issue de ses affaires. Ce qui plus le grévoit, c’estoit de se voir mocqué, mesprisé et montré au doigt par les courtisans, sans que nul le daignast saluer, encores que partie d'iceux eussent receu tous leurs biens, estats et honneurs par son moyen, tant est muable et variable la condition des courtisans. Aussi, allant chez le roy, on le faisoit expressément valeter à la porte, sans laisser entrer plus de deux ou trois gentilshommes avec luy. ;

Nous avons veu cy-devant comme l’on avoit mandé tous les grands seigneurs du royaume pour se trouver à Orléans à l'assemblée des estats, les uns en intention qu'ils ne s'en retourneroyent jamais, les autres pour les tenir tellement en bride, que rien ne se peust remuer au préjudice de ceux de Guyse pendant leurs exploicts en ce lieu. Sur quoy je réciteray un acte notable de l’admiral. C’est qu’estant adverty par ses grands amis de la conclusion et résolution prinse contre luy et les siens, l'appareil dressé pour exterminer non seulement toute la maison de Bourbon, mais aussi tous les princes et seigneurs qui leur appartenoyent, et que l’on jugeoit pouvoir résister aux nouvelles entreprinses ; que desjà estoyent arrivés à Orléans trente ou quarante des plus experts bourreaux des villes circonvoisines ; qu’on les avoit habillés d’une mesme livrée et parure; que l’eschaffaut pour trancher la teste au prince de Condé (la femme duquel estoit sa niepce) s’en alloit ja dressé devant Le logis du roy ; que la délibération estoit de le faire ainsi mourir ignominieusement à l’entréc des estats, pour tant de plus les tenir en crainte et leur faire approuver la mort des autres, dont il estoit au nombre et des plus recommandés par ceux de Guyse, ennemis de ses vertus ; que l’on avoit accoustré une prison qui jà estoit consacrée à luy et ses frères; qu il n’y avoit doubte que l’on ne vist en bret la plus grande effusion de sang qui jamais fut veue et ouye en France. Bref, que desjà deffenses avoyent esté faictes aux habitans d'Orléans et tous autres (hors mis les gens de guerre qui seroyent de garde) de sortir de leurs maisons midy sonné, voire de regarder par leurs fenestres, sur peine d’y estre sur l’heure pendus et estranglés sans autre figure de pro-

cès ; et que le sac de la ville avoit esté accordé aux gens de guerre, laquelle seroït puis après démantelée et rendue village sans aucunes prééminences ny priviléges. Toutes ces choses, disje, ne peurent aucunement desmouvoir l’admiral d'entreprendre le voyage d'Orléans sans plus tarder, ny seulement attendre le connestable son oncle, après avoir eu les lettres da roy, auquel il délibéra faire entière confession de foy, remettant l'événement à Dieu.

Au partir de sa maison, il ne voulut dissimuler à sa femme le danger où il s’alloit envelopper sans en attendre aucune bonne issue pour son corps selon l’apparence humaine, dfsant toutesfois avoir telle confiance en Dieu, qu'il auroit pitié de sa pauvre Église et du royaume, exhortant ladicte dame, ensemble sa famille, de demourer constans en la doctrine de l'Evangile, où ils avoyent esté droictement enseignés, puisque Dieu leur avoit faict coguoistre que c’estoit la vraye et certaine pasture céleste, estimant ne pouvoir recevoir plus grand heur que de souffrir pour son sainct nom. Au reste, il enchargea très estroictement à ladicte dame, soit qu’elle entendist sa prison où sa mort, de ne laisser à poursuyvre sa Course, et de faire baptiser son enfant duquel elle estoit enceinte et preste d’accoucher, en l'Église réformée, et par les vrays ministres de la parolle de Dieu, et que plustost elle endurast la mort que de souffrir iceluy estre pollué aux superstitions de la papauté. Somme, il luy disoit que si elle demouroit ferme en ceste résolution, elle en devoit espérer bonne issue ; mesmement que Dieu avoit jà accoustumé de desployer ses merveilles lorsque les hommes avoyent perdu toute espérance de salut et de vie. Voylà quel fut son partement de sa maison. Estant arrivé à Orléans, encores que la roine mère luy eust faict le pareil accueil et réception que de coustume, si n’y demoura-t-il guères sans s’appercevoir de la mauvaise volonté de ceux de Guyse. De quoy fut à demy adverty par ladicte dame mesme, laquelle luy dict qu’elle estoit en grande peine pour luy, d’autant que le cardinal de Lorraine avoit delibéré de luy demander raison de sa foy en la présence du roy, le priant d’adviser à ce qu’il auroit à respondre, et à ne se mettre légèrement en danger. L’admiral ne se donna grand’ peine de cest advertissement,

| ains luy dict franchement qu’il ne demandoit

pas mieux, et qu'il espéroit que Dieu luy feroit la grace de la donner si bonne, que Sa Majesté en seroit contente, sans que le cardinal en peust emporter que honte. La roine ayant de rechef enquis l’admiral s’il auroit bien la hardiesse de ce faire, etentendu qu’ouy, elle-mesme le rapporta au cardinal qui en fut très aise, espérant avoir trouvé prompt moyen de luy faire procès ; et de ce pas alla au roy, et luy dict par mocquerie, devant ladicte dame sa mère, qu’il luy avoit ce jour-là acquis un des meilleurs serviteurs du monde, lequel, desvoyé de la foy, estoit prest à retourner au sein de saincte Église catholique romaine. La roine, dis-je, ayant faict entendre à l’'admiral ce qui estoit " passé, adjousta que le cardinal désirôdit qu’il y eust en la présence du roy cinq ou six docteurs de la Sorbonne, qui avoyent esté envoyés quérir expressément pour disputer contre les hérétiques pertinax. L’admiral luy dict qu'il n’entendoit point qu'ils y fassent quand il plairoit au roy que le cardinal l’interroguast devant Sa Majesté, non pour crainte qu’il eust d’eux, ny d’estre esbranlé par leurs argumens; mais qu’il sçavoit leur procédure estre telle que de condamner ceux de sa religion sans les convaincre autrement d’hérésie, ny rendre raison de leurs censures. Et ainsi advenant, il seroit aisé au eardinal de le faire déclairer pour hérétique, sans autre forme ny figure de procès, en sorte qu'il ne pourroit estre entendu en son bon droict. Mais s’il plaisoit au roy les ouyr tous deux seuls, il jugeroit aiséement lequel des deux seroit hérétique. Ce que ladicte dame dict que elle le trouvoit très bon, et promit d’ainsi le faire faire. Cecy advint pendant la maladie du roy, de laquelle il sera tantost parlé; mais comme elle rengregeoit, ce négoce fut interrompu et n’en fut depuis parlé, au moyen de ce que le cardinal insistoit que les théologiens y cstoyent nécessaires.

Les affaires ainsi disposées par ceux de Guyse, ils advisèrent qu'il estoit temps de commencer à exécuter leurs desseings; par quoy le bruit courust que le roy alloit à la chasse à Chambourg et à Chenonceau, à fin de nettoyer ce pendint les logis, faire place, et préparer ceux des députés des trois estats. Et de faict, la première chambre dudict sieur et son train furent envoyés devant pour desloger, le lundy dixicsme de rovembre ; de quoy on advertit le

roy de Navarre, à fin qu’il se préparast de sa part, lequel estant allé donner le bon jour au roy, le dimanche au matin, il luy demanda luy-mesme s’il ne vouloit pas luy faire compaignie à la chasse, attendant la venue des estats. À quoy il supplia Sa Majesté l’excuser ; car tout le monde trouveroit estrange de le voir aller à l’esbat, et laisser son frère prisonnier et captif. Partant il n’estoit déliliéré de jamais partir de là qu’il n’en vist une fin, suppliant ledict sieur y vouloir pourvoir et luy tenir promesse. Ce qu’entendu par ceux de Guyse, il eut commandement exprès dudict sieur de se tenir prest pour le ler emain matin. Sur le soir estant le roy à vespresaux Jacobins, il luy print un grand esvanouissement, qui fut cause qu’on l’emporta hastivement en sa chambre; et revenu de pasmoison commenca à se plaindre de la teste en la partie de laureille gauche, en laquelle il avoit eu de tout temps une fistule, en sorte que de la douleur la ficbvre le print. Voylà comme le voyage fut rompu à la bonne heure pour le Navarrois, son frère, et toute la France. Ce néantmoins ceux de Guyse ne laissèrent de diligenter leurs affaires, et furent durant ceste maladie expédiées plusieurs commissions aux capitaines de leur faction, pour aller lever gens en Provence, Guyenne, Gascogne, Normandie, Picardie, Champagne et Bourgongne, lesquels avoyent charge expresse de ne faire nul enroollement, si les soldats n’avoyent tesmoignages de leurs curés et vicaires d’estre catholiques, à ce que leur armée ne fust bigarrée. Et à fin d’avoir plustost gens, on les alléchoit de l'espérance de grands butins et richesses ; ce qui faisoit lever l’aureille à plusieurs garnemens, lesquels ne cherchoyent que changement et remuement de mesnage. Ces choses doncques furent tellement advancées que le mareschal de Termes, qui estoit, comme nous avons dict, de costé de Poictou et Saintonge, eut commandement de s’aller joindre à l'Espagnol qui prenoit la route de Bayonne, pour aller tous ensemble à Béarn. Le vicomte d’Orthez, qui commandoit lors en ladicte ville, eut Icttres du roy pour la remettre pour retraicte, si besoing estoit, entre les mains duroy d'Espagne, et laisser passer son armée par dedans les païs du Navarrois, racler sans espargner sa femme ny enfans. On devoit traicter de mesme Îles mai-

sons de tous les seigneurs et gentilshommes qui l’'avoyent accompaigné, et s’estoyent trouvés à la faction d’Amboyse. On dict aussi que Termes eut ceste charge, à fin d’estre esclairé plus près. Car c’estoit celuy des quatre auquel on se fioit le moins, en sorte qu'on luy mandoit, au jour la journée, ce qu’il avoit à faire. Mais la noblesse et ceux qui avoyent suyvi le roy de Navarre, ne voulant laisser la peau à si bon marché que luy et son frère, furent tellement persuadés par le sieur de Mesmy de Périgord et autres, que, mettant armes à dos, ils s’enroollèrent sept ou huict cens chevaux et cinq ou six mille hommes de pied assez bien armés et de bonne volonté, lesquels se devoyent assembler si tost que Termes auroit passé Limoges, pour l’enclaver entre deux rivières là prochaines.

Ceux qui ont veu la situation des lieux disent qu’indubitablement Termes eust eu à souffrir, s’iln’eust du tout esté deffaict ; mais voyci comment il évita ce danger. Les chefs de ceste entreprinse choisirent un d’entre eux, qui avoit grand accès à Limoges, où Termes estoit lors, pour aller espier le temps de son partement, pour exécuter leur entreprinse. Mais ce personnage, meu de je ne scay quelle affection, sans occasion aucune, s’alla présenter audict seigneur de Termes, et luy feit bien au long entendre le piége qu’on luy avoit dressé. Luy qui estoit vieil et rusé capitaine, estima du commencement que cest advertissement fust une ruse pour le garder de passer.

Car il ne pouvoit croire qu’en si peu de jours il fust possible d’assembler et armer tel nombre d'hommes. Mais quand l'espion eust obtenu de luy un de ses capitaines qui luy rapporta fidèlement puis après tous les appareils qui luy furent montrés, et la manière qu’on tenoit pour assembler les armes et les forces, il se souvint du traict qu’on luy avoit faict à Gravelines, de sorte qu’il ne se feit guères tirer l’aureille, ains se retira à Poictiers, d’où il n’eust plustost escript au roy ce qui se passoit, qu’il n’entendist la griefve maladie d’iceluy ; à raison de quoy il eust bien voulu retenir ses lettres, ne srachant quelle en seroit l'issue, et de peur d’encourir davantage l’indignation des princes, combien qu'auparavant en tous ses exploicts il se fust porté autant modestement que le temps permettoit. Car il pouvoit pis faire.

Ces nouvelles venues à la cour, avec le rengrégement de la maladie du roy, troublèrent grañdement la feste, et meirent ceux de Guyse en grande crainte, d'autant qu'ils n’estimoyrnt que, tenant ces deux princes, aucun osast entreprendre de s’eslever. Mais se sentant frustrés de leur espérance, et se doubtant qu’il y eust pareilles entreprinses ailleurs, ils conclurent qu’il falloit tuer le Navarrois, quoy qu’il en advint; car soit que le roy vescust ou mourust, ils ne prévoyoyent que mal et encombrier. Vivant, ils s’attendoyent d’estre empeschés par tous les endroicts du royaume; mourant, de recevoir tous la punition, et porter la peine par eux projettée sur tout le sang royal et les grands princes et seigneurs du royaume. Mais ceste résolution ne peut estre si secrette, estant maniée par trop de gens et peu secrets, que le Navarrois n’en fust adverty par une grande dame qui appartenoit aux uns et aux autres, laquelle le pFia de n’aller ce jour-là au conseil, et plustost faire le malade, et se mettre au lict pour y estre visité de peu de gens. Cela fust cause qu'il alla incontinent trouver la roine mère pour luy déclairer ce qu’il avoit entendu, ensemble toutes les autres embusches qui luy avoyent esté souvent dressées, contre la promesse et parolle du roy tant de fois réitérée, et sur laquelle se confiant, il n’avoit craint de s'aller rendre en leurs mains, et d’y mener son frère comme en sauvegarde, pour estre maintenus contre leurs ennemis et entendus en leurs deffenses, quittant en ce faisant tous les autres bons moyens qu’ils avoyent eu d’opprimer leurs ennemis, ou pour le moins de s’en deffendre. Maintenant il se voyoit frustré de toutes promesses, et n’avoit que des menaces et mauvais visage. Que si ceux de son gouvernement avoyent voulu entreprendre quelque chose mauvaise, il les désadvouoit, et vouloit mourir misérablement s’il se trouvoit qu’il y eust presté aucun consentement, ny qu’il en eust entendu aucune chose, sinon à l'heure mesme que le bruit en estoit semé par toute la cour. Ladicte dame, bien empeschée de mille sortes, eut refuge aux négatives, disant ne sçavoir que c’estoit, qu’elle n’en croyoit rien ; et que si elle s’en appercevoit elle y donneroit ordre. Voylà comme le Navarrois évada ce danger pour l'heure. Car on dict que la roine mère e1voya incontinent advertir les copspirateurs

demy-désespérés, qui attendoyent ce prince, ! tout le moins jusques à ce qu’il eust mis fin à

avec résolution de luy oster la vie, pour après faire le mesme à d’autres. Toutesfois aucuns

vouloyent passer oultre, s'ils n’eussent esté re- *

tenus par le cardinal de Tournon. disant que pe seroit besongner qu’à demy si on n’attendoit le connestable, ses enfans et nepveux qui devoyent arriver de jour à autre; car, disoit-il, si on les effarouche, ils ont moyen de prendre haleine, et feront plus d’empeschement que les princes. Ce pendant le Navarrois estoit en grande angoisse, n’a yant avec qui prendre con seil. Seulement il faisoit le jour bonne mine, et la nuict il se tenoit sur ses gardes, avec si peu de serviteurs qu’il avoit pour se deffendre, si on le venoit assaillir, et temporiser au combat jusqu’au jour sil pouvoit, à fin de faire cognoistre l’indignité de ses ennemis.

Quant à la maladie du roy, combien que quelque humeur fort puante fust distillée de son aureille, qu’il eust esté purgé et ventosé et que ceste descente fust retenue par fomentations, toutesfois la fiebvre ne laissa de luy redoubler avec grands douleurs, inquiétudes et resveries; qui fèirent que les médecins désespérant de sa santé, le duc de Guyse leur discit mille injures, et s'enquéroit souvent s'il estoit possible que par art de médecine ou autrement on peust sauver un roy, ou bien seulement luy prolonger la vie, voire à un roy qui estoit en la fleur de son aage. Bref, sa passion estoit si extresme que ne pouvant avoir des médecins et chirurgiens ceste asseurance seulement de le faire vivre jusqu'à Pasques prochaines, il leur reprochoit l’avoir eux-mesmes tué; qu'ils avoyent prins argent des hérétiques pour ce faire, et qu’il les feroit tous pendre ; ils estoyent larrons et abuseurs du peuple, et tiroyent les gages du roy sans luy servir d'autre chose que de luy abréger les jours. Ses angoisses et menaces estoyent tellement accompaignées de juremens et blasphèmes, que ils sembloyent plustost sortir d’un homme forcené, que d'aucun cerveau ny jugegement rassis.

Comme le duc de Guyse tentoit ces moyens, son frère le cardinal recourut aux voyages et vœux aux saincts et sainctes de paradis, et aux processions des presbtres et moynes, qui ne se monstrèrent paresseux, sur-tout à Paris, à exhorter les peuples par prédications, de prier Dieu de leur vouloir garder leur bon roy, à

son entreprinse encommencée, d’exterminer ces meschans hérétiques et ennemis de l’Église romaine, qui avoyent causé toutes les calamités qui estoyent de présent au monde; et ne leur faire ce préjudice de les frustrer de ce bon prince, comme il avoit faict de Henry, lorsqu'il avoit entreprins cest ouvrage tant sainct et bon. Et furent ordonnées et faictes processions générales, chascun catholique se mettant en bon estat, comme le jour de Pasques.

Le roy aussi voua à Dieu et à tous les saincts et sainctes de paradis, spécialement à Nostre- Dame-de-Cléry, comme ils appellent, que s’h leur plaisoit luy renvoyer santé, il ne cesseroit jamais tant qu'il eust entièrement repurgé le royaume de ces meschans hérétiques, et vouloit que Dieu le feist promptement mourir, si seule. ment il espargnoit femme, mère, frères, sœurs, parens, amis qui en seroyenttant fust peu souspeconnés, et que lors il prendroit volontiers la mort à gré. Mais pour toutes ces choses sa ma ladie ne diminuoit point, ains alloit chascunjour en empirant. Ce qui causa une tristesse mer veilleuse à tous ceux de Guyse, d'autant qu'ils se sentoyent surprins en toutes leurs délibérations, qui ne faudroyent d’aller au vent, si tost que la chance tourneroit. Toutesfois, comme gens courageux, ils tindrent leur rang jusques au bout et cherchèrent de moyenner envers la roine mère que l’on garderoit le corps après sa mort jusques à ce qu'ils eussent pourveu à leurs affaires, et faict authoriser leurs actions par les estats, à fin qu’on ne leur en peust rien deinander. Mais ceste mine fut incontinent esventée; car ii: y avoit trop de gens après pour espier quand il seroit expiré.

Nous avons veu cy-devant les procédures tenues contre le baillif d'Orléans que l’on vouloit faire tenir compaignie au prince de Condé. En quoy d’Avanson avoit fort avancé en besongne, et tant que possible luy fut. Mais la maladie du roy rompit tout, et à mesure que tel bruit augmentoit, le baillif aussi sur ces nouvelles commença de s’asseurer, tenant pour certain sa délivrance, en ce qu’il vit son commissaire mettre de l’eaue dans son vin, et changer de style, et les tesmoings qui luy estoyent présentés, moins asseurés et impudens qu'auparavant. Bref, pour son indisposition, il fut mis chez sa belle-mère.

Ila esté mention du vidame de Chartres et de son emprisonnement en la Bastille. Or, d'autnt qu'il sortoit d'une grande maladie, pour n’estre secouru ct traicté comme il estoit nécessaire, il recheut en un estat encores pire. Toutesfois, il ne peut avoir aucune liberté ny relasche, quelque peine que tous ses amis y prinssent, spécialement le connestable, qui tant de bouche que par lettres avoit souvent supplié le roy d’user du plus gracieux traictement envers iceluy, sans avoir esgard au dire de ses ennemis; mais que plustost il devoit se ramentevoir les grands services faicts par ses prédécesseurs et luy à la maison et couronne de France; en quoyilse pouvoit à bon droict et véritablement vanter avoir plus despendu que prince ny scigneur de France. Et combien que ses despenses et libéralités semblassent une prodigalité, et avoir esté quelquefois inutiles, si estoit-il asscuré que celles avoyent grandement servy envers les estrangers, pour leur faire admirer la grandeur de son prince, voyant un simple seigneur et gentilhomme tant magnifique. « C’estoit donc, disoit-il, un mauvais et pernicieux exemple, que, pour un sim: ple souspecon, on le confinast, et qu’il mourust misérablement prisonnier, par faulte de médicamens, qui ne furent oncques déniés aux plus grands ennemis de Sa Majesté. » Mais ces remonstrances n’eurent aucun lieu, sinon que le président de Thou, sentant approcher la fin de la vie du roy, advertit ceux de Guyse de l’extrémité de la maladie du vidame, le danger où luy et ses compaignons se mettoyent de luy reffuser le secours ordinaire, et qu’on le pouvoit bien consentir, veu qu’il s’en alloit mourir. À ceste cause il leur envoya lettres du roy pour l’eslargir en sa maison de la rue Sainct- Antoine, où il décéda incontinent. De quoy ceux de Guyse monstrèrent grand signe de resjouyssance. Car ils le connoissoyent si vaillant et courageux, et avoir tant de gens de guerre en main et à son commandement qu'ils ne pourroyent empescher que quelqu'un d’eux ne leur donnast quelque escorne. D’autre part, ceux des Églises réformées ayant cogneu ce qui leur estoit appresté pour leur dernière ruine cet désolation, publièrent aussi le jeusne entre eux, et se meirent en continuelles prières à ce qu’il pleust à Dieu retirer de dessus leurs dos sa

main courroucée et appesantie ; et par mesme !

moyen modérer et retenir la violence et rage des adversaires de ‘“vangile qui estoyent près la personne du roy; et que tout ainsi que par sa grande bonté et miséricorde il s’estoit tousjours monstré deffenseur de son Eglise, il l’avoit délivrée des mains de ses ennemis, lors : mesmes qu'il n’y avoit aucune espérance de secours humain ; aussi qu’il estendist sa puissance miraculeuse et admirable pour dissiper le conseil des conspirateurs, comme il avoit faict celuy d’Achitophel, donnant au roy, avec sa santé, un bon et sage ccaseil, par le moyen duquel ils peussent posséder leurs ames en patience. Et ainsi se remettoyent du tout en la bonne et sauvegarde de Dieu, scachant qu’il n’y avoit nul autre salutaire remède. Voylà comme les peuples francois, divisés en opinions, prioyent diversement, les uns pour l’effusion du sang, selon le zèle et enseignement où ils estoyent nourris; et les autres, au contraire, attendoyent de Dieu leur délivrance entière.

Sur ces entrefaictes, la roine mère voyant le roy son premier fils à l'extrémité, se proposa devant les veux les difficultés où elle entroit par ce nouveau changement advenu contre son espérance, et sur l’exécution de si hautes et difficiles entreprinses. Car, d’un costé, elle pensoit à l’iniquité et rude traictement dont on avoit usé à l’endroict des princes, et le mescontentement qu’ils devoyent avoir d'elle pour n’avoir tenu la main à leur faire rendre le lieu et rang qui leur appartenoit au maniement des affaires. Davantage, elle scavoit comme les plus grands seigneurs de France avoyent esté traictés, et la juste occasion qu’ils avoyent de ‘en revenger ; par quoy elle ne pouvoit appercevoir de ce costé-là qu’une grande playe sur son chef et le commencement d’une guerre civile. D’autre part, ceux de Guyse, qui avoyent son aureille et sa conscience, n’estoyent desgarnis de remonstrances et vives persuasions pour entretenir leur conseil, luy remettant devant les yeux Île danger où elle se précipiteroit, si elle se démettoit de son authorité, et si elle souffroit que les estats revinssent à leur souverain commandement, comme ils avoyen’ iousjours auparavant accoustumé en cas semblables. Car oultre le changement de la religion qu’ils vouloyent introduire au royaume (laquelle, à leur dire, attiroit après soy changement de princes, principautés et empires), ils

ne fauldroyent de venger la querelle de Bourbon.et à destruire la race de Valoys. « Et quand, disoyent-ils, toutes ces choses cesseroyent, si vous faut-il considérer le mauvais traictement qu'ont receu lesdicts princes; le mal que vous veulent le connestable et les siens, comme aussi tous ceux de la religion nouvelle; de telle sorte que si les décrets des estats avoyent lieu, au mieux qui vous en sceust advenir, sera de demourer sans authorité et sans pouvoir disposer d’un seul denier des finances du roy, duquel et de ses frères vous aurez simplement la garde pendant leur minorité, qui durera si long temps qu’ils auront bien le moyen d’exercer leurs vengeances, encores que pour un temps ils le dissimulassent; joinct qu’il vous sera bien grief d’estre contredicte d’un conseil tel qu’il seroit baillé au roy, et que de petits compaignons vinssent à manier les affaires sans vous respecter, comme ayant esté faicts de vostre main, et ne vous estant de rien obliges. Car vous devez estimer, si telles choses ont lieu, que vos affectionnés et loyaux serviteurs seront reculés du maniement des affaires. Et ce que nous disons n’est pas pour aucune envie que nous ayons de demeurer en cour, car le séjour et repos en nos maisons nous seroit plus agréable ; mais aussi nous demoureroit-il regret de ne vous pouvoir rendre le bien que nous avons receu de vous, et très humble service que nous devons au roy.» Sur ces remonstrances, elle jugea que le passé, si elle n’usoit d'autre style, luy osteroit toute espérance d'obtenir le gouvernement du royaume, sans lequel toutesfois il luy estoit impossible de subsister. Car, obtempérant à ceux de Guyse, eomme elle avoit faict, elle prévoyoit qu’elle gasteroit tout; les quittant aussi, elle se bazardoit par trop. Elle délibéra doncques dese comporter tellement qu'en se servant de la facilité du roy de Navarre (qu’elle s’asseuroit de gaigner aiséement, ke délivrant de la peine où il estoit avec son frère), et ne souffrant que ceux de Guyse fussent désarconnés, elle moyenneroit tellement les affaires, que parmy leurs différens, elle auroit les uns et les autres à sa dévotion, faisant poiser la balance çà et là ; en telle sorte toutesfois que tirant plustosi vers les catholiques, comme estant les plus forts, elle se fortifioit tousjours contre Ceux de la religion. Et de vray, ceux de Guyse, en telle desconvenue, luy faisoyent des

ouvertures d'avoir la régence, nonobstant les Joix et très anciennes constitutions du royaume, s’asseurant, s’il advenoit que les députés des trois estats (qui estoyent tous ou la pluspart de leurs amis, comme ils sasseuroyent) y voulus sent contredire, ils avoyent une armée toute preste pour les fleschir à leur volonté. Ils di soyent aussi que les princes n’estoyent opulens pour entreprendre au contraire, et qu'ils tenoyent gens de petit cueur. Que si elle se voyoit pressée, et vouloit dire le mot, ce seroit bientost faict d'eux, et de tous les autres qui pourroyent résister à sa volonté ; autrement, si elle esloignoit ses loyaux serviteurs et amis, le royaume alloit changer de maistre.

Ces choses considérées la feirent finalement conclure d’estre tout ou rien, d'employer la vie de tous ses amis avec la sienne contre ceux qui la voudroyent empescher, et le dict en tant de lieux qu’elle vouloit bien le roy de Navarre en estre adverty. Cela fut cause de le rendre encores plus craintif et timide qu’auparavant, se voyant parqué au milieu de ses ennemis, et que la roine se déclaroit à demy contre luy, alors qu’il espéroit qu'il y auroit entre eux deux un bon accord et convenance. Par quoy ileust voulu avoir quitté toutes charges et dignités, estre seulement asseuré d’avoir la vie sauve. Ce qu'ayant entendu ladicte dame, et sentant son fils tirer à la mort, elle envoya quérir le Navarrois, et luy manda qu’il la trouveroit en son cabinet, auquel. ainsi qu’il vouloit entrer il fut rencontré d’une dame, qui luy dict en l’aureille qu'il se gardast bien de rien reffuser à la roine de ce qu’on luy demanderoié, pour ce qu’autrement il estoit mort, ayant esté ainsi conclud. Là estoyent avec ladicte dame le cardinal de Lorraine, le duc de Guyse etun autre que je ne nommeray pour le présent.

Estant arrivé en ce cabinet, la roine cognoissant que c’estoit à ce coup qu'elle devoit tout cognoistre ce qu’elle en devoit espérer, usant d’une gravité telle que la nécessité le requéroit, luy feit de grandes remonstrances des entreprinses qu’elle disoit son frère et luy avoir faictes contre l’estat du roy son fils et du royaume, affermant le scavoir très bien, combien qu’on le désignast autrement. Partant ne devoit-i trouver estrange si ledict seigneur l’avoit ainsi prios à cueur. Car qui les eust voulu traicter à la rigueur, ils fussent pieça morts et pourris;

mais elle avoit tousjours porté telle amitié aux princes du sang qu’elle avoit mis peine de tout son pouvoir d’appaiser la colère dudict sieur roy son fils, en sorte qu’elle estoit fort diminuée quand il tomba malade; ce que luy-mesme avoit bien peu appercevoir par les propos qu’il luy avoit tenus depuis trois jours, quand il excusa ses oncles de Guyse, et afferma que nulles des procédures faictes contre son frère n’estoyent de leur advis ny consentement. Néantmoins elle voyoit que ceste déclaration n’avoit point amolli son cueur envers lesdicts sieurs de Guyse ses cousins, et craignoit que cela fust cause d'apporter cy-après des troubles au royaume. Car elle les cognoissoit de si grand cueur que malaiséement endureroyent-ils qu'on les voulust fascher sans se deffendre. Le Navarrois voulut entrer en quelques excuses de ses accusations; mais ladicte dame luy fermant la bouche dict qu’il luy eust esté mieux séant de prendre autre train et conseil, pour participer aux estats et honneurs du royaume, que par la voye qu’il avoit prinse. Et au reste, que s'il se sentoit grevé ou qu'il eust estimé les affaires n’estre bien conduictes, il devoit plustost le venir dire à bouche ou lescrire, que de se laisser transporter à l'appétit de certains esprits passionnés etturbulens qui ne demandoyent qu’à renverser toutes choses bien establyes, par ce qu’elles n’alloyent selon leur désir et affection. Et combien qu’elle eust juste occasion de s’en ressentir, et en faire plainte aux estats généraux,comme aussi à tous les princes et seigneurs du monde, pour faire cognoistre leur faute et en avoir raison, et que par là ils se fussent rendus indignes de toute administration, si estoit-elle tant affectionnée à la paix, et de voir le royaume desveloppé de tant de maux qui l’environnoyent qu’elle désiroit le tout estre ensevely, pourveu qu’il ne leur advinst à l’advenir de rien entreprendre de semblable. Aussi espéroit-elle les veiller de si près, que malaiséement pourroyent-ils exécuter leur mauvaise volonté. Voylà l’une des causes qui l'avoyent meue de l’envoyer quérir, à fin de luy descouvrir rondement son intention. L'autre estoit que, voyant le roy son fils à l'extrémité et prochain de la mort, elle sçavoit qu’il n’auroit faute de solliciteurs pour luy faire entreprendre le gouvernement et la régence du royaume, et de chercher tousles moyens de se

[1500] venger de ses cousins là présens ; ce qu’elle ne pourroit nullement souffrir. Car en premier lieu les régences du royaume avoyent esté abolies. Et quant au gouvernement du roy et du royaume, il luy appartenoit à aussi bon tiltre, n’estant en rien moindre que Blanche d’Espagne, mère du roy sainct Louys. Et quant à luy, il n'y pouvoîit venir pour les raisons susdictes. Car la playe de ses faultes et crimes estoit trop fraische, et y avoit danger que si elles estoyent bien débattues, pis ne luy en advint et à tous ses biens. Partant, elle vouloit, en effacant ceste note, que ledict seigneur luy quittast tout tel droict qu'il pouvoit prétendre à la régence et gouvernement du roy et du royaume, sans jamais en rien le quereller, requérir ni accepter. Et que si les estats le luy vouloyent bailler, il le remettroit entièrement à elle. Et à fin que cela demourast ferme et arresté entre eux, elle en vouloit avoir sa signature et escript de sa main. En après elle vouloit et entendoit qu'il se réconciliast avec ses cousins de Guyse, et effaçast l'opinion qu’on luy avoit imprimée, qu’ils devoyent cesser et vivre en paix, puisque les plus grands princes et seigneurs du royaume leur en monstroyent le chemin.

Le roy de Navarre, pour le nouvel advertissement qu'il avoit eu en entrant, n’insista nullement; ains au contraire accorda libéralement à ladicte dame et à ceux de Guyse tout ce qu’ils demandoyent sans autrement répliquer ni entrer en deffense : toutesfois au sortir de là, et plusieurs fois depuis il raconta ce qui luy advint lors ; et se disoit avoir mis toute peine envers ladicte dame pour s’excuser, alléguant que ce qu’on l’avoit ainsi persuadée n’estoyent que calomnies, et la suppliant très humblement de vouloir le tout produire en lumière, et luy faire faire procès, se submettant à justice, par laquelle il désiroit son innocence estre cogneue et jugée ; ce qu’il estimeroit au plus grand bien et honneur qu'on luy pourroit jamais faire. Il la remercia aussi de la bonne volonté qu'elle avoit tousjours portée envers luy et les autres princes du sang, la suppliant de vouloir continuer, et qu’elle les trouveroit tous autres que l’on ne les avoit despeints à l’endroict de Leurs Majestés, oultre leurs actions et déportemens du passé, qui avoyent assez suffisamment monstré combien on les devoit eslongner du souspe çon du crime de lèze-majesté, et d’avoir voule

entreprendrecontrel’estatduroyetduroyaume, sçachant que ce seroit à eux-mesmes qu'ils se prendroyent ; et que la ruine de ceste monarchie estoit tellement liée avec celle de leurs maisons, qu’il n’y avoit apparence aucune qu’on les deust charger de l’avoir procurée, non plus que la mort du roy, duquel ils n’avoyent receu que tout bien. Que s’il ne s’estoit plaint à elle des torts qu’on luy avoit faicts et procurés. Et contre les autres princes du sang, il avoit estimé n’en estre aucun besoing; car elle estoit trop sage et advisée pour estre advertie de son devoir. Aussi qu’il estoit si peu ambitieux et désireux de grandes charges ethonneurs, que c’eust esté folie à luy de faire instance des choses qui contrevenoyent le plus à son naturel, amateur de repos et de vivre en sa maison paisiblement, en ordonnant et disposant des affaires de ses subjects, en quoy il trouvoit assez d'exercice et contentement d’esprit, sans embrasser autres plus grandes charges. Davantage, il avoit veu les affaires tellement disposées, que son honneur le convioit-phustost à estre esloigné de la cour, qu’à s’y voir môcqué, mesprisé et mal voulu de son prince ét d’elle, né sé souciant bonnement par qui les âffaires du royaume fussent administrées, mais qu’elles allassent bien et qu'aucun inconvénient n’en advinst au roy, ny à ses subjects, lesquels néantmoins se plaignoyent du gouvernement d’adoncques, et de la demeure et reculement des princes du sang, qui laissoyent conduire les affaires à d’autres qu'eux. Toutesfois, il ne portoit nulle envie à ceux de Guyse pour ce regard ; et ne devoit ladicte dame craindre qu’on en esmeut aucune guerre civile; car s’il eust voulu prendre ce train, ce n’estoit son plus court d'aller se jetter aux liens de ses ennemis, comme il avoit faict soubs sa parolle et asseurance que le roy et elle luy avoyent donnée, laquelle tant s’en falloit qu’elle fust accomplie en tout ny en partie, que luy, qui avoit quelque petite liberté davantage que son frère, estoit en plus grands dangers, s’appercevant à chaque heure des embuscades qu’on luy préparoit, sans en donner aucune OCCasion.

Quant à la régence et gouvernement du royaume : qu'il n’estoit point ignorant du droict qu'il y avoit, comme estant le plus proche prince du sang. Mais que tant s'en falloit qu’il aspirast à ceste charge , que pour