COTES

maconnerie, sans quil y eust aucuns rempars et terreplains, ny autres fortifications selon les modernes inventions, pour soustenir et défendre une place longuement contre l’esmerveillable tempeste et furie de l'artillerie de maintenant. Toutefois, pour ne laisser du tout le chemin libre et ouvert à l’ennemy de entrer encore plus avant s’il ne trouvoit quelque arrest, M. de Sepois, qui en estoit gouverneur, avoit donné avis au roy qu'on bruslast la villette, si Von voyoit que le siége y vinst, pour ne laisser lieu à l’ennemy de s’y pouvoir loger; maisquant au chasteau, qu’on le pourroit tenir et garder pour quelques jours, cependant que l’on se fortifieroit en avant; car il estoit facile à juger qu'ayant pris Han, il ne planteroit là son but, ains ou passeroit plus oultre, ou se jetteroit à droite ou à gauche, et s’adresseroit tousjours aux lieux foibles et faciles à estre en bref occupés, pour ne perdre et mal employer la saison qui luy estoit propre. Ces choses estans sceues de M. de Nevers, de Laon envoya pour renfort

le seigneur de Helly, chevalier sage et bien

expérimenté, pour essayer d'y entrer, comme il feit, encore qu’il fust desjà enveloppé, ayant combattu et passé sur le ventre de quelques ennemis qui le vouloient retenir et empescher ; et, d'autre part, M. de Montmorency prit le chemin à Amiens avec sa compagnie et celle de M. le connestable son père, et les quatre mille Allemans que le roy avoit mandé à M. de Nevers luy envoyer, combien qu’en ceste ville d'Amiens fussent desja le vidasme d'icelle et les sieurs d’Auguessant et de Morvillier, avec leurs compagnies. Et à Soissons alla le prince de Condé avec une partie de sa cavallerie Jégère, départant le surplus le long des rivières pour en défendre les gués et passages aux ennemis, envoyant le baron de Clére à Noyon avec sa compagnie et une autre d’Escossois. Le roy, comme j’ay cy-dessus dit, avoit desjà pourveu à Compienne, envoyant oultre plus à Beauvais le seigneur de Marrivault, pour y recevoir et mettre dans la ville quelques compagnies de gens de pied françoises, desquelles il en devoit envoyer deux à Montdidier avec des farines et autres provisions. À Senlis aussi avoit esté envoyé le seigneur de Race. Quant à Chauny et Coussy d’un costé, l’on a veu cy-dessus comme elles estoient pourveues selon qu’elles le pou-

voient comporter, et que l’on estimoit qu’elles |

FRANÇOIS DE RABUTIN

pourroient tenir, comme aussi de l’autre part en estoit de Péronne, de Corbie et d'Amiens, comme aussi de toutes les autres places le long de la rivière de Somme. En ceste sorte, et au mieux qu'il avoit esté possible, l’on avoit garny les places circonvoisines de Han, afin que les ennemis, estans à ce siège, ne se peussent eslargir et escarter pour recognoistre et empiéter d'avantage destendue, aussi pour faire tousjours le gast devant eux, et les affamer en leur rompant et coupant les vivres.

En cest endroit, et pendant que le roy Philippes séjourna au siége de Han, il m’a semblé n’estre point trouvé mauvais, ny hors de propos, faire une brefve digression d’autres particularités et accidens advenus ès autres endroits de l’Europe, et toutesfois appartenans et provenans de ces guerres; d’autant ou qu’ils tendoient à un mesme effect, ou estoient prédictions et présages de troubles régnans, adversités présentes, et de l'issue qui en devoit succéder. L'on a peu veoir, et selon que l’ay descrit briefvement, les causes pourquoi M. de Guyse fut envoyé avec une armée en Italie; qui estoit, comme la plus commune opinion se publioit, pour le secours du pape, adonc réduit en fort estroite puissance. L'on a pu scavoir aussi les exploits et exécutions qu’y a fait ceste armée, et l’advantage et profits qui en sont revenus et réussis au roy et à son royaume, dont je n’ay fait aucune mention, pour estre mal certain de la vérité; aussi que l’occasion de la faulte, comme il est croyable, redonde entièrement et est rejettée par la voix publique sur les plus proches du conseil du pape et le mauvais ordre que trouva M. de Guyse à son arrivée en Italie ; dequoy pareillement je ne veux traiter aucune chose, et délibère m’en taire, délaissant à le déduire à ceux qui l’ont vu et le peuvent mieux sçavoir que moy, et reprendray ce que j’ay desjà dit. Leroy avoit mandé, incontinent après ceste routte de Sainct-Laurent , à M. de Guysé qu’il pacifiast de par delà, et accordast de toutes choses le plus advantageusement et sagement qu’il se confioit de luy, mesmement pour le repos du Sainct Père, pour, cela faict, se retirer de par deçà avec ses forces où il en avoit besoing. Ce prince incontinent le fit scavoir au pape, et luy donna à entendre la nécessité qui le rappelloit et révoquoit en France, et les af-

(1) La bataille de Saint-Quentiu.

faires qui environnoient le roy, qui estoient cause de luy faire supplier Sa Saincteté le licencier et permettre qu'il se peust retirer, après avoir toutefois compose et transigé à son profit de ses affaires, selon son bon adviset conseil. Le pape, adonc desjà désireux de terminer ceste guerre, de laquelle il savoit celle de par decà estre procédée, comme il cognoissoit évidemment, et laquelle il doutoit prendre fin par la ruine de l’un de ces grands princes, et finalement par la sienne, avec une confusion de l'estat ecclésiastique, et avec infinité de maux et dépopulation universelle, proposa plus qu’auparavant s’appointer avec le roy Philippes. Et dès lors, qui estoit le huictiesme de septembre en cest an, envoya les cardinaux Carlo Caraffe, Sainct-Fleur et Vitel, accompagnés de grands seigneurs romains et gentilshommes, avec bon nombre de cavallerie, devers le duc d’Albe, lieutenant général d'iceluy roy, qui estoit lors à Cavy, place assise en la campagne romanesque, assez près de Pilastrine, pour en conclure et résouldre une pacification amiable. Tous lesquels s'estant assemblés à Génassan, lieu assez proche de là, en peu de jours tombèrent d’accord; et, le mardy ensuyvant, qui estoit le quatorzième de ce mois, les susdits cardinaux retournèrent à Rome avec la paix entre le pape et le roy Philippes, à telles conditions que s’ensuit. Premièrement que, de la part du roy Philippes, le duc d’Albe fera les obéisssances et hommages qui seront convenablesà notre Sainct Père le pape, comme dévot fils, et signe d’obéissance et humilité, pour impétrer grace et pardon de luy ; aussi que le roy envoyera homme exprès vers nostre Sainct Père pour faire le semblable ; et que le pape, comme bon père et clément, le recevra et acceptera pour bon fils et obéissant, et du Sainct Siége apostolique, en le faisant participant des grâces communes aux autres princes chrestiens. Qu’iceluy Sainct Père renoncera à la ligue faite avec le très chrestien roy de France, et qu’il sera également pour l’advenir père commun et neutre. D’autre part, que le roy Philippes rendra désarmées sur le champ au Sainct Siége apostolique toutes les cités, villes, chasteaux et villages, assis en quelques païs que ce soit, qui auroient esté occupés depuis le commencement de ceste guerre jusqu'au jour ci-dessus déclaré. Que par mesme moyen l’on rendra, tant d’un costé que de

GUERRES DE BELGIQUE, LI1V. IX

l'autre, l'artillerie qui a esté prise ettransportée en ceste guerre, en quelque manière et lieu que ce soit; et que de la part, tant du Sainct Père comme du roy Philippes, on remettra à toutes communautés et personnes particulières, ceclésiastiques et séculières, de quelqueestat, degré, ou condition que ce soit, toutes contumaces et peines, tant spirituelles que temporelles, èsquelles ils pourroient avoir encouru à cause de ladite guerre, en leur faisant pardon et grace générale de leur rendre leurs estats, degrés, dignités, jurisdictions, forteresses, villes et chasteaux, offices, bénéfices, facultés et autres biens immeubles, desquels ils ont esté privés et despouillés ou empeschés en quelque manière que ce soit, pour occasion de Jadite guerre seulement, et non pour autre; en déclarant expressément que cest article n’y comprend point et n'apporte aucun support aux seigneurs Marc Antoine Colonne et Ascanio de La Cornia, ains resteroicnt aux contumaces où ils se trouvoient alors, et à la franche volonté et disposition du Sainct Père. Oultre plus, que Pallian seroit remis en l’estat qu'il se trouvoit, au selgneur Jean Bernardin Carbon, confédéré et approuvé des deux parties, lequel jureroit fidélité au Sainct Pèreet auroy Philippes d'observer toutes les conventions passées entre le cardinal Caraffe et le duc d’Albe, pour le service de leurs princes, et demeureroit à la garde dudit Pallian avec huict cens hommes de pied, les frais desquels se fourniroient par moitié. Adjoustant à tous ces articles trefves pour un certain temps, contenans passeport et saufconduit à M. de Guyse, et à tous les princes, seigneurs, gentilshommes, capitaines et généralement à tous soldats du party du roy très chrestien de sortir d'Italie et des pays appartenans au roy Philippes, tant sur terre que sur mer. Toutes ces conventions estant approuvées et accordées entre toutes les parties, le dimanche, dixneufviesme de ce mois, le duc d’Albe entra dans Rome, environ une heure de nuit, avec fort grandes démonstrations et signes de joie, tant par les salves de l'artillerie, qu'avec un nombre infini de fusées et autres allégresses que l’on a accoutumé faire, mesmement de par delà, à da bien venue et amiable réception de quelque grand prince, et en preuve et apparence de réjouissance. Le lundy ensuyvant l’on tint con. sistoire, où furent esleus et députés deux légats

pour traiter la paix universelle, l’un qui estoit le cardinal Trivolce, devers le très chrestien roy de France, et l’autre, qui estoit le cardinal Carlo Caraffe, vers le catholique roy Philippes.

En mesme temps que se traittoit ceste susdite paix, M. de Guyse estoit parti d'Italie pour s’acheminer de par decà, s’embarquant à Ostie dans les gallères et vaisseaux de France qui Pattendoient là, avec une partie des grands seigneurset capitaines, et quinze cens ou deux mille harquebuziers esleus. L'autre partie de l’armée, soubs la conduite de M. d’Aumalle, retourna par les terres du pape devers Bolongne et à Ferrare, et delà parles Grisonset les Suisses. Etainsi démembrée retourna ceste armée du voyage d'Italie.

En ces mesmes jours aussi advindrent de par delà estranges déluges et inondations de rivières à Rome et à Florence. Celuy de Rome advint ce mesme jour de Ja paix, quatorziesme de septembre; s’estant le Tybre, l’un des plus renommés fleuves de l’Europe, grandement enflé, comme s’il eust voulu menasser Rome de nonpareille ruine et démolition, croissant d'heure à autre, la nuict ensuivant commença à s’espandre par les plus prochains et bas lieux de Prato et les vignes qui sont à l’entour. Le lendemain s’estant eslargi et desbordé par la ville, et regorgeant par tous les conduits des rues et édifices, la crue se trouvoit encore en plusieurs licux de la ville de la haulteur d’un homme et davantage, principalement en la place d’Agone, à la Rotonde et à la Doane. Tant y a que ceste merveilleuse et espouvantable inondation ne donna pas loisir au peuple de se réjouir de ceste paix, ains le rendit encore plus triste, esbahi et désolé qu'auparavant; qui fait croire cela estre advenu comme un signe et advertissement de Dieu, ou pour les choses présentes, ou pour les futures, ou, à mieux dire, pour nous csmouvoir à conversion et amendement de nos péchés. Or, ceste creue et furie d’eau dura tout ce jour, et jusques à quatre ou cinq heures de nuict qu’elle commenca un peu à s’abbaisser et décroistre ; tellement que, le matin ensuivant, sur le poinct du jour, l’eau estoit desjà abaissée de plus d’une palme ; et ainsi, petit à petit décroissant, après midy chacun pouvoit aller facilement à ses affaires. Pour parler de la haulteur et de la crue, aucuns ont dit qu’en plusieurs endroits elle a passé la marque qui en fut faite à l’autre grand déluge qui

FRANÇOIS DE RABUTIN

advint l’an mil cinq cens trente. Les autres ont voulu dire qu’il s’en fallait bien d’une palme; sur quoy ils alléguoient beaucoup de raisons, entre autres que les caves qui ont esté faites et cherchées dans Rome, car elle est augmentée en édifices d’un tiers, auroient, en s’abreuvant, receu et englouti une grande partie de ces eaues. Aucuns ont jugé que le grand nombre des rucs neufves a esté cause de la creue; et les autres afferment que la terre, qui a estérehaulsée depuis ce temps-là, faisoit sembler l’eaue plus haulte qu’elle n’estoit. Mais quoy que ce soit, il fault croire par la commune opinion que ceste inondation a esté plus grande et impétueuse que la précédente, veu qu’en la ville d'Horta et Narni, et tous autres lieux où elle passa, elle délaissa un admirable abbatis et ruine, ayant emporté la moitié du pont Saincte- Marie, avec l'excellente chappelle que le pape Jules troisiesme y avoit fait édifier. Elle mina et remua certaines grosses pierres de marbre, et gros quartiers de pierre qui défendoient le pont du chasteau Sainct-Ange. Elle démolit et renversa une grande partie des bouleverts et bastions qu’on avoit fait édifier depuis un an joignant ce chasteau. Elle abbatit en ouitre Îa moitié du temple et la plupart des édifices du monastère Sainct-Barthélemy, qui est assis en l’isle Tyberine. A bref conclure, il n’y eut dans Rome rues, palais, ny édifices où cest impiteux orage d’eau eust passé, qui ne portast marque et tesmoignage du courroux et violence de cest élément irrité. Quant au déluge de Florence par le desbordement du fleuve d’Arno, l’on le jage encore avoir esté plus grand que celuy de Rome, et avec trop plus importantes et incomparables ruines et pertes, tant en démolitions d’édifices qu'en subversion et dépérissement d’or, d’argent, marchandises en toutes sortes de meubles, sans encore, qui est plus à plaindre, la mort et suffocation de plusieurs personnes. Il ruina en premier licu, et démolit ès plus entières partjes les couvents et monastères des pauvres filles de Saincte-Verdiane, des Récluses et de Saincte- Marie nouvelle. Il emporta les ponts de Rubaconde et de la Trinité; il abbatit quasi du tout et jusques à la prairie, et du costé de Sainct- Pol, le bourg d'Ognifanti; comme il feit du marché Neuf, où s'exerce lart et artifice de filer et tistre la soye; de sorte que tous les magasins et boutiques furent la pluspart dépéries et gas-

Li 57]

tées, qui estoit perte fort grande. Le palais du duc n’en fut exempt, et s’en trouva offensé en plusieurs endroits. Quant à la région circonvoisine, le grand chemin de Cazentin fut creusé et enfoncé de telle facon, qu’il ne se pouvoit plus racoustrer pour y passer ; et y mourut au bourg septante quatre personnes, emmenant les maisons entières à Pontasienne, et demourans abysmés Pereole et Sainct-Donin, et plusieurs autres édifices le long de ce fleuve Arno. Au surplus, pour parler de la marque où monta l’eaue sur la place de Saincte-Croix, elle excéda quatre bons doigts de creue le déluge et inondation qui advint à Florence en l'an mil trois cens quarante-sept, qui fait juger que celle moderne estoit fort grande, veu que la précédente estoit comme admirable et incroyable.

EH y avoit la haulteur d’une toise et demie à Saincte-Croix : par la rue Belline, quatre toises ou environ; vers Sainct-Ambroise et Sainct- Pierre Majeur, trois toises: joignant Monteoro, deux toises; à Castel, une toise et demie, et autant vers Nostre-Dame de l’Annunciade; par La rue de Servi, deux toises; du costé de Saincte- Marie de la Fleur, deux toises ou environ, et autant quasi à Sainct-Jan; aux palais des Autinori et Strossi, une toise; et ainsi consé-

ent à Saincte-Marie nouvelle, et par toute la ville de Florence. Or, pour faire évidente preuve que les esmerveillables et incogoeus miracles et faits prodigieux de Dieu Pomnipotent ne sont exécutés et démonstrés en un seul lieu, je pourrai encore icy adjouster qu’au mesme mois et presque jours semblables, advint de par decà un déluge en la bien antique ville de Nismes en Languedoc, toutefois différent des autres en ce que ce n’estoit par desbordemens et ingurgitations des fleuves et rivières, mais par un esclatement de nuées et ouvertures des portes célestes, comme les philosophes l'ont voulu appeler; lequel accident advint le neufviesme de septembre en cest an, avec tonnerres, coruscation, esclairs et fouldres sihorribles et espouvantables, que tout le peuple pensoit ce jour estre le dernier période de ce siècle. Persévérant ceste fureur céleste jusques après huict heures de nuict, il tomba une si merveilleuse abondance d’eaue, que ces misérables

GUERRES DE BELGIQUE, LIV. IX

me mm + — +

citoyens pensoient subitement eux avec toute :

. leur ville devoir estre engloutis et abysmés. Et combien qu’il ne fust de longue durée, comme

de douze ou quinze heures, si est-ce qu’il apporta un très grand dommage et intérest à ceste ville, laquelle en fut en plusieurs endroits et lieux, tant publics que privés, difformée et empirée, et le territoire circonvoisin fort dégasté et appauvri, d'autant que les champs et labourages en furent pervertis, encavés et creusés ou couverts de pierres et autres ruines, qu'un ravage d’eaues entraine et délaisse où sa force et violence cesse et diminue; et les oliviers. dont ceste province est grandement abondante, et qu'elle cultive soigneusement pour le grand émolument et profit qu’elle en tire des huilles, tous froissés et desrompus, et les vignes desracinées, arrachées et sablées, avec infinité d'autres dommages et calamités. Bref, l’on estimoit n’y avoir eu guères chose qui n’eust senti la pesanteur de la main de Dieu. Par ce déluge aussi furent descouvertes plusieurs antiquités cachées et ensevelies soubs terre, pour le moins depuis que les Goths mirent à sac ceste ville, mil cent ans sont passés, comme l’on le trouve, oultre le temps qu’elles pouvoient avoir esté faites auparavant, comme anciens sépulchres et monumens, grande quantité de médailles de bronze, et quelques unes d’or et d'argent ; grandes collonnes d’une pièce également proportionnées; testamens et épitaphes de pierre dure, escrits et gravés en lettres cancellates et romanesques. Se descouvrirent semblablement de beaux et riches pavés, et les plans de salles basses, chambres et portiques, desquels se trouvent encore des entablemens de marbre, porphyre et jaspe, marquetés à la mosaïque. Et davantage l’on a trouvé des fragmens de vases antiques, et quelques uns entiers, d’une terre rouge, si très fine et déliée, qu’elle mesme porte son vernis; lesquels les anciens faisoient apporter de Samos en Grèce, enrichis d'histoires ou ramages rustiques, fort plaisans et récréatifs à l'œil. Plusieurs autres singularités et choses rares y furent déterrées et mises en lumière, qui ont donné un grand esbahissement à ceux qui les ont veues, lesquelles scroient trop prolixes et longues à icy particulariser. L'on a voulu dire et affermer autres cités et lieux avoir esté frappés de semblables déluges, mesmement Venise et Rovergne, dont je ne feray descrip-

tion, pour n’en avoir rien sceu à la vérité, ny

leu par mémoire ; et me suffira dire que plu sicurs autres signes ont esté démonstrés et son

apparus ; comme de la comette de l’an précédent, des collonnes de feu, et en aucuns lieux une chasse de chiens abboyans en l'air; et en d'autres, hommes armés combattans, et les deux soleils rouges et enflammés, qui ont esté veus en Allemagne, sans que je parle de plusieurs portentes ! et monstrueux ouvrages de nature, produits en ce temps sur la terre. Tous lesquels siznes je ne puis juger estre autre chose que menasses et messages du couroux divin, nous adinonestant ou à volontaire recognoissance et amendement, ou à prochaine vengeance et punition de nos iniquités.

Puis que j'ay, le plus briefvement qu'il m'a été possible, discouru aucunes particularités et accidens advenus ès autres endroits, mesmement en Italie, pour démonsirer que si en une sorte nous estions affligés de par decà, les autres nations pareillement en autres variétés en ressentoient leur part, maintenant je retourneray au siège de Han, qui ne fut long, et où ne furent faites exécutions de grande importance, au moins dont j'aye esté adverty, et qui méritent grande longueur de propos ; car ayant le roy Philippes d'abordéa dressé une très furieuse et soudaine batterie contre ce petit Chasteau, où il n’y avoit, comme j'ay dit, aucuns remparts ny fortifications, et y estans toutes les murailles à sec, après avoir enduré quinze cens ou deux mille coups de canon, ayant fort grande et large bresche, tant à la grosse tour qu'à la courtine, luy fut rendu le douziesme jour de septembre.

Quand l’on vit que l'ennemy prenoit ce chemin, la diversité et abondance des doutes commença à croistre. Car s’estant advancé jusques là, sans trouver grand contredit ny résistance, estoit encore en pouvoir de poulser plus avant, et suivre le chemin de Compienne, et de là droit à Paris, ou, suivant la rivière de Somme, tourner à main droite devers la Picardie et le Boulonnois, ou, voltant à la gauche devers Coussy, Soissons et Laon, se retirer en Champagne.

Mesmement le roy en avoit eu divers advis et advertissemens, lesquels il avoit fait sçavoir à M. de Nevers; entre autres, que ce baron de Polleville®, duquel j'ay déjà parlé cy-dessus, au partir de Saverne, avoit esté mandé du roy Philippes de le venir trouver en son camp avec sa trouppe, qui pouvoit estre alors de vingt en-

4) Du latin portenñen, prodige. — (2) Polwiller.

FRANÇOIS DE RABUTIN

scignes d'Allemans , ct de douze à quinze cens

. chevaux, pour de là l'envoyer en Angleterre,

et qu'au demeurant la résolution dudit roy estoit, après avoir prins Han, de faire une grande cavalcande jusques à Compienne, et en passant brusler et ruiner Chauny et Noyon. L'autre advis estoit que le roy Philippes. les choses susdites exécutées, avoit délibéré de faire passer sadite armée entre La Fère et Laon, et de là suivre les brisées de Champagne jusques aux environs de Mésières, pour de là la licencier et rompre, et par ce moyen, ruinant les pays du roy, sauver les siens. Ainsi, encores que nos forces fussent si petites adonc et foibles, que toutes ensemble ne fussent à la moitié près suffisantes pour luy présenter teste, et nous opposer à ses entreprises , si falloit-il néantmoins luy faire paroistre et croire le contraire, ct luy donner à entendre qu'en quelque lieu qu’il s’addressast il trouveroit qui lui respondroit. Mais, ce qui advenoit le plus mal, c’estoit qu’il falloit de contrainte escarter et séparer nos troupes de loing, pour prévenir ces accidens douteux : tellement que, pour remédier à ce dernier advis il fut de besoing renvoyer M. de Jametz en Champagne avec sa compagnie, et pareillement M. d'Eschenetz avec la sienne ; et à M. de Jours, auquel, comme j'ay touché cy-dessus, avoit esté donné la commission de lever huîct enseignes de la légion de Champagne, dont auparavant il estoit colonnel, fat mandé de costoyer ceste frontière, et se jetter incontinent dans la première ville où il seroit adverti que ce Polleville se voudroit attaquer. Et d'autre part, pour fournir Soissons de soldats, estant l'une des plus belles villes, et en autant commode assiette qu'il en peult estre en toute ceste contrée, et le long du cours de ceste rivière d’Aisne, pour estre fortifiée selon que desjà elle est bien commencée et avancée, y fut envoyé M. d'Estrée, avec deux autres compagnies de gens de pied levées nouvellement, oultre celles qui y estoient auparavant, et quatre-vingts harquebusiers à cheval, soubs la charge du capitaine Faverolles. Et, pour remédier aux advenues de Compienne, le prince de Condé avoit du bord de decà ceste rivière d’Aisne estenda toute sa cavallerie légère, et avoit fait rompre tous les ponts et passages ; pour lequel mesme effect le roy avoit de rechef envoyé le sieurs de Charmazel et de Gondrin, estant au surplus la

ville de Compienne bien pourvue et munie de gens de guerre et toutes munitions pour arrester l'ennemy en sa première furie. Quant aux autres endroits, M. de Nevers ne voulut point encore bouger de Laon qu'il ne veist quelle addresse suivroit le roy Philippes après ce dernier exploit de Han, craignant surtout ce retour de Champagne.

Quant à la partie d'Amiens et de Picardie, M. de Montmorency y estoit, seigneur autant pourveu de sens et d’expérience qu’il en peut estre pour son aage, accompagné de tous ces vieux et sages chevaliers que j'ay ci-dessus nommés : et les villes de cette frontière estoient parfaitement garnies d'hommes et toutes autres choses nécessaires. Que si l'ennemy se fust voulu tourner à l’un de ces trois endroits, la résolution estoit prise, à mon jugement, qu’en bruslant au devant de luy le plat pays et ce qui ne luy pouvoit résister, luy laisser en front toutes les villes fortes, ausquelles s’addressant, c’estoit le moins qu’il y pourroit consumer de temps que de trois semaines ou un mois, dans lequel séjour certainement nos forces pouvoient estre sur pied, et lesquelles à réitérés et redoublés mandemens l’on faisoit haster et avancer, pour interrompre tous ces desseings et délibérations dont l’on se doutoit. Toutefois, apres la prise de Han, le roy Philippes, sans poulser son armée plus avant en campagne, s’arresta à poursuivre et continuer le commencement de la fortification de ceste place, l'améliorant néantmoins, et y adjoustant ce que peult estre y avoit esté oublié. Vray est que cependant, pour s’eslargir et accommoder deslieux circonvoisins qui luy pourroient servir, et estoient propres pour la faveur et appuy d’icelle, et qui, estans occupés de nous, lui seroient grandement nuisibles et suspects, les envoya saisir, la pluspart desquels il trouva desjà bruslés, et ruinés et abandonnés, pour ne les sentir tenables, ou pour n’y estre les nostres assez forts. L’une des premières entreprises qu'il fit fut cellede Noyon, dedans laquelle ville furent surprises les compagnies de chevaux légers du baron de Clere, et une autre d'Escossois, pensans des ennemis babillés de semblable parure que d’autres compagnies francoises, et lesquels ne portoient croix ny escharpes blanches ny rouges, que ce fussent amis et des leurs. Ainsi, trouvant les portes ouvertes, leur fut après fort facile de se

XVIs s1ÈcLe, La P!, et La PI,

GUERRES DE BELGIQUE, LIV. IX

rendre maistres de ceste ville: laquelle toutefois neleur apporta grand advantage, pour avoir esté déjà auparavant bruslée. Ils se saisirent aussi de Chauny, non, à mon advis, qu'ils eussent en délibération de le fortifier pour attendre le canon, pour estre en situation fort difficile et commandée de deux ou trois endroits, et subjecte à autres imperfections, ains en y logeant bonnes et fortes garnisons, pour de tant plus facilement faire la récolte des vendanges et . amas de vir, pour y avoir en ceste contrée un vignoble de grande estendue, ainsi que la saison estoit arrivée, et conséquemment tant pour la conduite de tous autres vivres qu’ils vouloient retirer en leurs places fortes, que pour y avoir une fort grande aisance des meilleurs moulins qui soient sur ceste rivière. En ceste sorte s’arrestèrent les ennemis aux fortifications de Sainct-Quentin et de Han, faisant cependant les garnisons des uns et des autres, courses ordinaires, destrousses et rencontres, selon que les occasions et cas fortuits les addonnoient, continuans en cest exercice et guerre guerroyable le surplus du mois de septembre et le commencement de celuy d'octobre ensuivant; et ne veux oublier qu’en ces entrefaites peu à peu l'armée du roy Philippes s’affoiblissoit journellement, tant pour le retour des Anglois que pour le département d’autres garnisons ; aussi que, comme j’ay dit cy-dessus, beaucoup d’Al-

| lemans, expirant le terme de leur service, se

retiroient à nostre party : et ce qu'ayant M. de Nevers fait scavoir au roy par le sieur de Montereuil , luy avoit mandé qu’il avoit fort aggréable, et que l’on en retirast le plus qu’il seroit possible : tellement que nos bandes d’Alle. mans, auparavant fort desfaites, se trouvèrent en peu de jours bien complettes, et du surplus l’on en dressa nouvelles compagnies. Et ne scay si sur cela, de ma seule opinion, j’oserois dire que ce mescontentement précédent et affoiblissement couvert, et non sceu de l’armée du roy Philippes, seroit cause qu'il n’auroit peu, ou auroit douté d'entreprendreet entrer plusavant: toutefois, requérant cest argument plus subtile et mieux advertie diffinition que la mienne, je n’en diray pas davantage pour ce coup. Tant y a que, pour la considération de ces choses, et que l’hyver s’approchoit, le roy redoubla toute diligence et solicitude de remettre ses forces ensemble, et redresser une autant belle et forte

armée que son ennemy l’eust peu avoir en l’as-

FRANÇOIS DE RABUTIN

saillant, afin d’avoir sa revenche sur luy. Et : pourtant de rechef fut envoyé au-devant des |

Suisses le sieur de Varassieux, pour haster ceux | Juy qu'il n’y a prince en tout le monde qui face

qui venoient de leur pays freschement, lesquels estoient desjà sur les marches des duchés de Bourgongne et de Champagne, et les sieurs de Mandosse et Bois-Rigault furent envoyés à Lyon au-devant des quatre mille qui venoient de Piedmont. Pareillement en ce temps, qui estoit environ la my-octobre, le sieur de Marolles, ordonné commissaire pour recevoir et conduire les Allemans nouveaux de Reifberg, manda qu'ils estoient arrivés à Issutille, sur les lisières de Champagne. Et de ailleurs, MM. de Guyse et d’Aumaille estoient en chemin de leur retour, que l'on espéroit estre en bref, selon que les nouvelles en estoient récentement arrivées, et lesquels encore se hastoient pour ne défaillir à la nécessité, Estans toutes ces choses rangées en telle disposition que l'ay cy-dessus narré, et mieux encore que ne pourrois exprimer, le roy manda à M. de Nevers se retirer à Compienne, où il avoit proposé recueillir son armée. Auquel lieu, incontinent que ce prince fut arrivé, s’employa à rendre ceste ville forte et défensable, adjoustant au naturel l’artifice, d'autant qu'il falloit qu'à la nécessité, et pour l'heure, elle servist de frontière à la France, faisant en premier lieu eslever deux fort larges et hautes plateformes, et autant belles qu’il en soit en tout ce royaume; l’une pour commander sur toute la planure qui est entre la forest et la ville, et l'autre sur tout le bas et le cours de la rivière et le long de la prairie, et au surplus départant toute diligence à remparer ceste ville, flanquer de bastions, cazes-mattes, terrasses, cavaliers et traverses; de sorte qu'y arrivant le siège, l'artillerie de l’ennemy y eust trouvé à manger et despendre pour un long temps. Avec tout cela feit desseigner et relever de trenchées l’enclosture d’un camp, si large et spacieuse, qu’une armée de cent mille hommes y'eust peu loger avec tous équippages et provisions, et aussi seurement que dans une ville, avec toutes aisances tant de la rivière que d’estendue.

Pendant que M.-de Nevers entendoit à fortifier la ville de Compienne, et y dresser le camp et l’enclore de trenchées, ne ‘délaissoit pourtant, selon qu'il avoit aocoustumé :d’en user à Laon, d'envoyer journellement voir et

recognoistre l’'ennemy, mais je dy de si près, qu’il faisoit peu souvent délibérations et sorties que ce prince incontinent ne le sceust. Aussi, sur ce propos veux-jc bien et puis affirmer de

plus grande despense ny meilleure récompense aux espions et à ceux qui luy font certains rapports que luy ; qui est cause qu’estant seurement adverty il ne met rien au danger, et n'entreprend guères de besongnes dont il ne vienne heureusement à fin. Mais, pour ne donner opinion à personne que je veuille blandir et flatter, je diray qu'entre autres entreprises que ce prince ayt fait a Compienne, estant un jour, dont je me suis records, adverty que la garnison de Chaulny, qui estoit fort grosse, de quatorze à quinze cens chevaux, ordinairement avoit accoustumé de sortir en campagne, et ne se contentoit seulement de venir voller et faire destrousses bien avant en païs, ains trouvans nos garnisons de Coussy et de Soissons, pour estre en plus gros nombre et les plus forts, les rembarroient jusques dans les bois proches dudit Coussy, sans qu'ils les o6assent attendre, proposa de leur dresser une cargue, et de s’y trouver si à poinct, qu’en une fois les récompenseroit pour toutes. Parquoy, pour mieux céler ceste conduicte, voulut aller à Soissons, soubs couleur d'aller voir dix-huit enseignes de Suisses qui y estoient arrivées ; duquel lieu manda incontinent à M. de Bordillon se trouver à certain jour et endroit en embuscade avec deux cens harquebusiers à pied et partie de ce qu’il avoit de cavallerie à La Fère; et luy d'autre costé avec deux cens hommes d'armes et les reitres, et le prince de Gondé avec sa cavallerie légère, à ce mesme jour se trouvèrent embusqués dans ces bois assez près de Chaulny, d’où fut envoyé le seigneur de Janliz{ avec sa compagnie de cavallerie, pour semondre ceste garnison à sortir comme elle faisoit précédemment, et pour es attirer à l’escarmouche, comme il feit fort bravement et hardiment. Et ne faillirent ceux qui estoient demeurés au nombre de trois à quatre cens chevaux et quelques Espagnols à pied à sortir, estimans que c’estoient sculement leurs voisins ordinaires qui les venoient voir, et se jugcoient assez forts pour les recevoir. Lesquels aussi feirent fort bien, comme pareillement le (1) François d'Nangest, seigneur de Genlis.

seigneur de Janliz sceut sagement et cautement les soustenir, prenant sa cargue de loing en les attirant, et essayant d’amencr au combat tout le surplus de ces douze ou quinze cens chevaux qui s’y estoient autrefois veus et qui coustumièrement en sortiroient, pour de tout cela à un coup faire desfaitte et routte, et en rendre la victoire plus glorieuse et belle, selon que tout le fait estoît seurement disposé et appareillé; mais de malheur ce jour mesme estoient partis pour aller à leur camp, où ils avoient esté mandés, et ne s’y trouva que ce nombre que j'ay dit cy-dessus ; tous lesquels soldats à la vérité démonstrèrent fort grand devoir et hardiesse à se bien défendre; ce néantmoins, se sentans foibles, ne s’esloignèrent par trop de leur fort. Ce qu’estant apperceu de M. de Nevers, et qu'ils venoient à l’escarmoucbe plus froidement qu'ils ne souloient, et autrement qu’on ne luy avoit fait entendre, commanda au comte de Barbise, qui estoit adonc chef des reitres, qu’il marchast et se monstrast avec ses troupes, et qu'il se meist en veue des ennemis; et d'autre part les chevaux légers se meirent et gaignèrent entre la ville et eux, de sorte qu'ils se trouvèrent enveloppés; où fut pris un capitaine albanois, chef de Îa vavallerie qui estoit demeurée dans Chauny, et le surplus de ses gens furent tués ou pris.

Et quant aux gens de pied espagnols qui Sestoient coulés le long d’une trenchée, se voyans enfermés et enclos de tous endroits, se jettèrent dans une petite maison à cent pas de la ville, laquelle ils percèrent pour se défendre à coups d’harquebusades, et y résistèrent si longuement qu'ils peurent, et tant que Île prince de Condé‘feit descendre à pied la compagnie d’harquébusiers du sieur d’Alligny pour les sssaillir; ce qu'ils feirent de ‘telle ardeur et promptitude, qu'ils les forcèrent et rendirent aux aboïs et en telle extrémité, que le capitaine, ne voulant mourir là dedans mïigérablement, sortit hors de ceste maison Tespée nue au poing et une ‘targe en l’autre bras, qui fut inconfinent saisi, estant le surplus de ses gens exécutés ou prisonniers; et ainsi qu’il requéroit et vouloit rendre sa foy, le capitaine Launay le vint tuer assez près du prince de Condé , lequel, comme prince de grand cueur, et ne voulant supporter cest oultrecuidé outrage en sa présence, en

GUERRES DE BELGIQUE, LIV. IX

| voulut d'autant récompenser le capitaine Lau-

pay, qui, pour éviter ceste fureur , allégua pour ses excuses que ce capitaine espagnol avoit blessé à mort le plus vaillant de ses soldats , et qu'il sçavoit de vray qu'il avoit fait fort mauvaise guerre aux François pr.

sonniers à la journée de Sainct-Laurent; sup pliant très humblement ce prince pour ces causes Îluy pardonner son impatiente et prompte cholère, comme il feit. En après M. de Nevers feit sonner la retraite, reprenant son ebemin à Soissons, et faisant marcher au pas et en ordonnance ses forces, sans aucune perte ny rencontre , Comme aussi feit M. de Bordillon à La Fère. Depuis l’on a sceu que l’allarme en fut donnée bien soudaine et eschauffée au camp des ennemis, qui n’estoit qu'à quatre lieues de là, tellement que ce jour, quand les nouvelles y arrivèrent, desbandèrent plus de quatre mifle chevaux pour se mettre à la suite des nostres ; mais ils n’y perdirent qne temps et peine, et y arrivèrent trop tard, combien que le lendemain, pensans que lon y retourneroit et qu'ils pourroient avoir leur revanche, s’y embusquèrent et y apprestèrent la bienvenue «et réception; mais ce fut en faute, et demeurèrent tousjours les frais sur eux ; car ce ne fut celle part que M. de Nevers les alla revoir, ains devers Noyon.

En telles et semblables courses et entreprises se passa la pluspart de ce mois d'octobre, pendant que les ennemis fortifioient Sainct-Quentin, Han et Le Castelet, où ils besongnoient à bras déployés, et en assiduité continuelle, voyans leur armée journellement affoiblir par diverses causes et accidens, et pareillement que limportune saison d'hyver approchoit fort, et doutans que l'armée de France, se trouvant forte et bien :tost complette, comme ils scavoient et voyoient à l'œil qu'elle s'engrossissoit ordinairement, de premier œuvre s’y addresseroit, où trouvant les ouvrages imparfaits, seroit aisé à recouvrer ce qu'avec grands frais auroit acquis et amélioré. Le roy Philippes dès lors, comme lon disoit, s’estoit retiré à Cambray et à Bruxelles, avec la pluspart des princes et grands seigneurs qui ont accoustumé de le suivre. Et le roy estoit aussi à Sainct-Germain-en-Laye, donnant ordre de remettre et renforcer son armée de tous équipages; laquelle adonc se faisoit fort grosse, et

multiplioit tous les jours, car la pluspart des Suisses cstoient arrivés, aussi estoient les bandes nouvelles d’Allemans; avec ce, l’on y avoit fait venir les autres vicilles compagnies qui estoient à Amiens. Et journellement s’y assembloient et venoient compagnies nouvelles de toutes les parts de ce royaume; tellement que l’on n’attendoit plus, pour la rendre du tout complette, que le secours qui retournoit d'Italie, que l’on faisoit séjourner en Bresse et Lyonnois, costoyant ce baron de Polleville duquel j'ay tant de fois parlé cy dessus. Et pource qu’il tombe à propos, et que le succès de ses entreprises, tout autre qu'il ne le se promettoit, advint en ceste mesme saison, j'en diray icy un petit mot: c’est qu'après qu'il eut son armée dressée, au nombre, comme l'on estimoit, de dix à douze mille hommes de pied, où il y avoit six mille corselets et de douze à quinze cens chevaux, passant par les montagnes de Vaulges et le comté de Ferette, et laissant le Bassigny, entra dans la Franche- Comté entre la comté de Montbéliard et Langres, ou messieurs les Comtois, soubs couleur qu'ils disoient y estre par luy contraincts, contre les promesses et pactions de leur neutralité, Iluy donnèrent passage, vivres et autres provisions de camp. Et de là vint descendre en la Bresse, espérant en peu de jours la saisir et s’en rendre maistre, par le moyen de certaines intelligences qu’il avoit avec quelques gentilshommes de ceste province, et autres de leurs voisins mal affectionnés envers le roy. Et d’abordée alla planter le siége devant Bourg, qui en est la principale ville, estimant la trouver despourvue de toutes choses de défense, et en bref luy estre rendue. Ce que toutes fois il ne trouva; car le seigneur de La Guiche, qui en est gouverneur, et le baron de Digoine, qui y estoit son lieutenant, estans advertis de sa venue, ou s’en doutans, y avoient desjà fait entrer la compagnie dudit seigneur de La Guiche et quelques autres compagnies de geus de pied. Et d'autre part l’on a peu voir cy dessus comme le seigneur d’Eschenets avec sa Compagnie le suivoit continuellement de près, comme aussi faisoit le seigneur de Jours avec ses huict enseignes de la légion de Champagne ; lesquels luy tindrent tousjours si pro- Chain voisinage, qu’aussitost que luy se trouvèrent près de Bourg, où ils entrèrent; en

quoy ils firent un fort grand devoir et service au roy et à la république; et ainsi se trouva frustré de sa première opinion. Pendant qu’il arrestoit et entreprenoit ce siége, l’armée du roy, qui retournoit de l'Italie, arriva tousjours à la file ; etestans desjà venus deux mille harquebusiers fort braves, et soldats esleus, conduicts par M. le vidasme de Chartres, furent conduicts et entrèrent dans ceste ville. Et d’ailleurs l’on y feit approcher couvertement, et sans faire bruit, quatre mille Suisses et trois mille lansquenets, estant toute la gendarmerie qui estoit arrivée et arrivoit journellement arrestée et logée ès environs de luy, tant en la Bresse que Lyonnois et Masconnois, en intention de luy faire sentir le payement de sa téméraire et mal fondée délibtration. Enfin, après qu'il eut par trois fois remué son camp devant ceste ville, se doutant, à mon advis, et prévoyant son danger advenir, le 16 de ce mois d'octobre, le seigneur d’Eschenets feit sortir de ceste ville, sur l'entrée de la nuict, cinquante harquebusiers pour aller recognoistre son camp, et la contenance et asseurance de ses gens. Lesquels harquebusiers ayans tué d'arrivée les sentinelles donnèrent, et eurent telle hardieese que d’enfoncer leurs corps de gardes, qu’ils massacrèrent en partie et tournérent l’autre en fuite, mettans en tel effroy tout le reste de leur armée, que dès l’heurc elle deslogea, et feit si grande diligence à marcher et se retirer, qu'avant que les nostres en sceussent Certaines nouvelles et feussent prests à les suivre, ils avoient desjà cheminé et passé quatre ou cinq grandes lieues sans regarder derrière eux, laissant plusieurs malades, vivres et meubles au lieu d’où ils départirent, et reprindrent le chemin de la Franche-Comté, d’où ils estoient venus. Bien tost après l’on sceut qu’ils se rompoient d'eux mesmes et abandonnoient ce baron de Polleville leur chef, pource qu’il ne leur avoit rien sceu tenir de ce qu'il leur avoit promis. Voilà l'issue et l’effect de l’armée du baron de Polleville, que le commun populaire appelloit le secours que le roi de Bohème envoyoit au roy Philippes, et d’autres, l’entreprise du duc de Savoye, après qu’il eut essayé de mutiner le peuple de Bresse et de Savoye, parmy lequel je peux hien dire qu'il y en avoit beaucoup de très mauvaise volonté envers le roy et la France, desquels les aucuns s’effor-

cèrent la démonstrer alors, et les autres la dissimulèrent.

Incontinent après la retraite de ce baron de Polleville, toutes ces forces qui estoient de pardelà prindrent le chemin, et se retirèrent à Compienne, où se faisoit le plus gros amas à l’assemblée générale de l’armée du roy; et estoit M. de Guyse desjà quelques jours de retour d'Italie, et arrivé à Sainct-Germain-en- Laye, où il vint trouver le roy ; lequel, après y avoir quelque temps séjourné, le feit son lieutenant général sur tout son royaume, et lPenvoya en ce lieu de Compienne pour dispo-

GUERRES DE BELGIQUE, LIV. 1x.

ser et commander sur toute son armée, retirant ricre Sa Majesté M. de Nevers, pour luy

| donner intermission et repos, après avoir sup-

porté toutes les fatigues et labeurs que l’homme peult soustenir et souffrir pour la tuition de ce royaume avec tant d'heur, moyennant la grace de Dieu, que sa prévoyance et magnanime constance, avec bien petites forces, a tousjours prévenu l'ennemi en ses délibérations, et a tenu soubs bride et en doute la prospérité de son pouvoir, dont pour le moins l'Éternel luy fera condigne rétribution, et la France luy sera à jamais redevable.