XVI: siècue, La PI. et La PI

GUERRES DE BELGIQUE, LIV. IX

: ral que ledit Lanfort commencoit à s’estonner;

de quoy toutefois il ne luy démonstroit aucun semblant, ains au contraire luy disoit que de son costé il s’asseuroit qu’il luy tiendroit promesse de gaigner tousjours le devant des ennemis. I[ commença à se plaindre de la grande peine qu’il supportoit, et luy demanda quelqu’un pour le soulager ; dont M. l’admiral fut fort aise, car il ne lui en osoit bailler auparavant, craignant qu’il pensast qu’il eust quelque défiance de luy. Oultre plus, il désiroit bien luy donner quelqu'un pour apprendre et retenir quelque chose de son industrie et science, encor qu’il ne se passast jour qu’il ne l’allast voir une fois pour le moins.

Le sieur de Sainct-Remy travailloit de son costé, et faisoit extresme diligence, mais il besongnoit en cinq ou six endroits; aussi estoit-il secouru des compagnies de gendarmes, au quartier desquelles il besongnoit, ayant ordinairement hommes auprès de luy qui solicitoient les ouvriers ; mais le pis estoit que tant plus la nécessité et l'affaire de ce siége alloit en avant, et moins M. l'admiral estoit secouru de ceux de la ville, principalement pour avoir gens pour remparer; et afin de leur donner crainte de refuser, et par mesme moyen affection de s’y employer, M. l'admiral feit faire une revue de ceux qui ne besongnoient point, et feit sortir à ceste fois cinq ou six cens personnes; lesquels, au veu de ceux de la ville, estoient assez mal traittés des ennemis, les asseurant qu'il en feroit autant de tous les autres qu'il cognoistroit ne vouloir besongner. Mais, quand il en eust fait escarteler et mourir en divers tourmens, aussi peu en eussent-ils fait, tant estoient défaillis de cueur, ou mal affectionnés à se fortifier et défendre.

Les ennemis arrivèrent devant Sainct-Quentin le second jour d’aoust ; et depuis ce jour là jusqu’au vingt et uniesme ils ne brassèrent autres œuvres que grotter et creuser trenchées, tant pour la seureté de leur artillerie que pour approcher et gaigner les fossés. Les assiégés cependant ne leur pouvoient donner grands empeschemens en faisant sorties sur eux, comme dict est, à raison du petit nombre d’hommes qui estoit la-dedans ; et toutes les sorties que M. l'admiral faisoit faire estoient seulement pour prendre langue, et afin d'estre advertis de ce qu’entreprenoient les ennemis, d'autant qu'il

doutoit qu'ils n’entamassent quelques mines nouvelles desquelles il ne peust avoir cognoissance. Ce jour, dès que la lueur commenca à poindre, ils saluèrent la ville en toute batterie; car ce qu’ils avoient tiré auparavant estoit de la plateforme du faubourg d'Isle, où ils voyoient besongner et contreminer ; et continuèrent tout le jour à canonner et recharger, non pas en un seul lieu, ne se passant guëres nuicts qu'ils pe remuassent leurs pièces de lieu à autre pour faire nouvelle batterie. Il est à presumer que Poccasion qui les féit tant différer estoit pour attendre que les entrées et mines qu'ils fouilloient et creusoient soubs terre pour gagner les fossés fussent parachevées; car, dès le premier ou deuxiesme jour, l’on eut cognoissance qu’ils commencoient à pescher et retirer la terre du fossé de leur costé, et bientost après ils y affustèrent et assirent des mantelets par dessoubs lesquelsils traversoient et entroient dansles fossés sans qu'on leur peust mal faire, pource qu’il n’y avoit aucuns flancs pour commander au fossé, et par où on les peust battre et recoguoistre; et toutes les pierres qu'on leur jettoit

.-- = - - ne les pouvoient endommager à cause de ces

mantelets sur lesquels elles couloient, et qui les arrestoient.

Ils commencèrent leur batterie à l'endroit du moulin à vent qui estoit près la porte Sainct- Jean; et entreprindrent depuis cest endroit jusques à la tour à l'eau avec une telle furie, qu’il ne demeura une seule tour qui ne fust fracassée et razée, et la meilleure partie de la courtine, ayant en batterie en divers endroits

de quarante à cinquante pièces.

Tous ceux qui estoient là dedans furent déceus et trompés en une chose ; c’est qu’ils pensoient la massonnerie des tours et des courtines

"beaucoup plus forte, et de meilleur ciment qu’elle n’estoit, estant le parement de grez, et Pespesseur des murailles fort large ; mais les matières estoient si mauvaises qu'aussitost que le dessus fut escartelé et entamé, tout le reste tomboit de luy mesme à gros monceaux et quartiers, dont il y eut beaucoup de gens tués et blessés des mattons et esclats de parapects.

Sur le trois ou quatriesme jour de leur batterie, ils passèrent dix ou douze pièces du costé du bourg d’Isle, et les logtrent dans l’abbaye,

FRANÇOIS DE RABUTIN

dont ils battoient la porte où le feu s’estoit mis |

aux pouldres, ainsi qu’on a veu cy-devant. Jus- :

ques à ce que les ennemis se fussent rendus maistres des fossés, le seigneur de Sainct-R em y persévéra en bonne espérance de faire quelque chose de bon; mais quand il les vit loges la dedans, il dit à M. l’admiral qu'il ne leur pouvoit plus mal faire, d'autant que ils avoient gaigné le dessus de luy ; réitérant plusieurs fois qu'il n’avoit jamais mis le pied en si mauvaise place, et qu’il y avoit long temps que il en avoit adverty le feu roy ; non que pour cela ce gentil seigneur fust estonné, et qu’il en parlast de pusilanimité, ains estoit plustost faschéet marry qu’il n’y trouvoit aucun remède, et tel qu’il l’eust souhaité, estant au surplus homme résolu et sage.

Depuis le premier jour de la batterie jusques à la fin, .messieurs l’admiral et Dandelot et le seigneur de Sainet-Remy alloient tous les soirs recognoistre les dommages et ouvertures que l'artillerie avoit faict; et le jour résolvoient avec les capitaines au quartier desquels l'affaire touchoit, de ce qu’ils avoient à exécuter

Aprés que la battcrie eut continué trois ou quatre jours, il advint et s’engendra un certain effroy entre ceux de la ville et les gens de gucrre mesmes, dont M. l’admiral eut cognoissance se pourmenant de nuict que l’on ne le voyoit point, qu'il contrefaisoit le sourd et Paveugle. Et, pour y remédier, il tint un langage commun et général à tous, en un lieu où estoient quasi tous les capitaines et plusieurs soldats; c’estoit que fermement avoit arresté et résolu en son esprit et vouloir de garder ceste place avec les hommes qu'il avoit, et que si on le voyoit varier ou tenir propos de composition, il leur permettoit qu’ils le jettassent comme lasche dans les fossés ; qu’au eas semblable s’il s’en trouvoit aucun d’eux qui luy en parlast autrement il ne luy en feroit pas moins. Et, pour ceste occasion ne se passoit jour que deux ou trois fois ne se pourmenast par les querticrs, et qu’en y passant ne demandast les opinions aux capitaines, leur conférant et communiquant ce qui se faisoit ès autres endroits. D'autre part, la première harangue qu'il leur avoit fait dès le premier jour qu’il entra dans la ville, estoit que chacun eust à l’advertir de ce qu’on jugeroit pouvoir servir à la conservation de la place.

La batterie des ennemis continua jusqu’au sixiesme jour, environ deux heures après midy,

ils se présentèrent aussi en plusieurs endroits dans les fossés jusques aux parapets, à la longueur des piques. A ceste heure là, le guet qui estoit dans le clocher de la grande église advertit M. ladmiral que de toutes parts il voyoit l’armée de l’ennemy se mettre en armes, et que plusieurs gens de pied s’acheminoient aux tranchées; ce qu’il fit savoir en tous les endroits et quartiers de la ville, à fin que chacun eust à se tenir sur ses gardes, estimant que ce mesme jour ils voulussent donner Passault ; et luy mesme alla à trois ou quatre ” des bresches les plus proches de luy pour voir Pordre qui y estoit tenu ; où il trouva chacun monstrant semblant de vouloir faire son devoir et se bien defendre. Le semblable entendit-il de tous les autres endroits où il avoit envoyé Les gentilhommes; qui fut cause qu’il s’en retourna fort content à la bresche qu’il gardoit, qui estoit celle où il estimoit les ennemis adresser et tourner leur principal effort, pource qu’ils s’estoient fort opiniastrés à battre cest endroit, et à n’y laisser aucune chose qui eust pu servir de flancs, mesmement que c’estoit vis-à-vis de l'entrée qu'ils avoient faite au fossé.

Comme ils estoient tous attendans lassault, les ennemis mirent le feu en trois mines, toutes lesquelles estoient soubs le rempart, dont les principales se trouvèrent aux quartiers de la compagnie de M. le daulphin. Mais le dommage ne fut pas si grand comme ils l’espéroient; et croy, à mon advis, que cela fut cause qu'ils ne donnèrent point l’assault ce jour là; aussi en après ne s’eschauffèrent trop aigrement, ains se contentèrent de venir recognoistre les bresches du costé de M. l’admiral, et de venir descendre dans le fossé que gardoit M. Dandelot.

Après que les ennemis se furent retirés, M. l’admiral alla visiter les dommages qu’avoient fait ces mines, et trouva que par ceste ouverture ne pouvoient recevoir, n’encourir grand danger, toutefois qu’il y falloit besongner : ce qu'il remit à quand il seroit nuict, pource qu'on n’y osoit toucher et s’y monstrer de jour, à cause de la veue qu’en avoit l'artillerie des ennemis.

Sur cela ne fault oublier que le feu s’estoit mis en des maisonnettes couvertes dechaulme, derrière les Jaropins, et, en moins de demie heure, il y en avoit vingt ou trente bruslées;

GUERRES DE BELGIQUE, LIV. IX

encor, de mauvaise fortune, le vent étoit fort grand ce jour là, et qui chassoit le feu et la flamme droict au cueür de la ville. À la clameur et au bruit de cest accident, M. l’admiral y accourut avec un ou deux gentilshommes seulement, n'ayant voulu souffrir que davantage d'hommes le suivissent : mesmement, les gens de guerre qu’il rencontroit en son chemin, il les renvoyoit en leurs quartiers, craignant que, soubs ceste occasion, les ennemis ne voulussent entreprendre de faire quelque effort, combien que pour l’heure il n’y en eust pas grande apparence. Sa présence ne servit pas de peu pour remédier à ce feu, pource que tous estoient tant estonnés qu'ils ne sçavoient que faire, ny à quel bout s’y prendre. M. l’admiral fit rompre deux ou trois maisons au devant, et fit en sorte que ce feu fut esteint e arresté.

Sur la minuict il s’en alla, comme de cous tume, pour veoir ce qu’on pouvoit exploicter en chacun endroit des bresches et de l’ouverture des mines, y en estant trois principales a@ quartier de M. le dauphin, sans celles que M. Dandelot son frère gardoit, et celle de la porte d'’Isle, où l’on travailloit fort toutes les nuicts. Il trouva que M. de Cusieux y avoit fort bien besongné ceste nuïict, car la compagnie de M. le dauphin estoit départie en deux, et le plus grand dommage qu'eussent fait les mines estoit advenu en cest endroit, où estoit ledit seigneur de Cusieux.

Un peu après le poinct du jour levé, le seigneur de Sainct-Remy alla trouver M. l’admiral pour luy dire que, retournant de la porte d'Isle, il n’avoit trouvé qu’on y eust fort travaillé; oultre plus, qu’il luy sembloit que les gens de guerre se refroidissoient de la besongne, et qu'ils trouvoient difficile tout ce qu'on lcur proposoit; enfin, que leur contenance ne luy plaisoit point, luy conseillant d’aller jusques là; ce qu'il fit incontinent, et le mena avecques luy. En y allant il luy commença ee propos : «qu’il le plaignoît fort de la peine qu'il prenoit jour et nuict, voire si grande et insupportable qu'il ne luy sembloit qu'après on creust qu’il eust esté de si grande diligence, eu esgard à la débilité de la place, et pour le dé fault principal qui estoit d'hommes; le voulant advertir en oultre que de si peu qu'il y en avoit, la pluspart perdoit cueur pour se veoip -

trop foibles. » Ce propos fut un peu long, de sorte qu’il les peut tenir jusques à ce qu'ils arrivèrent à la porte d’Isle. Parquoy M. l’admiral à Pinstant ne luy en fit autre response, sinon qu'il luy dist qu’ils advisassent à ce qu'il alloit faire et besongner pour l'heure. A quoy il respondit qu’il l’avoit desjà monstré au capitaine Sallevert et aux capitaines de gens de pied qui y estoient. Et, après leur avoit fait monstrer de rechef, il fit dès lors mettre la main et commencer besongne. Il y eut bien quelque capitaine qui dit à M. l’admiral qu’aucuns des soldats se faschoient de l'artillerie qui les grevoit et endommageoit fort en besongnant ; ce néantmoins, y demeurant là pour quelque temps , et devisant avec eux, les sollicitoit et encourageoit de préposer la tuition et défense de l'honneur et de la vie à la crainte et défaillance de courage; de facon qu’au partir de là il luy sembla les laisser en bonne volonté.

Il print son adresse, au partir de là, eu quartier où estoit M. Dandelot son frère, pour luy dire qu’il seroit bon commettre quelqu'un pour commander en la compagnie du capitaine Sainct-André, à cause qu’il estoit malade et ne bougeoit de son logis. Son lieutenant aussi avoit esté fort blessé ceste nuïict, et son sergent tué; tellement qu’il ne s’y trouvoit homme de commandement qu'un jeune homme qui portoit son enseigne. Lequel sieur Dandelot luy fit response q'il avoit entendu comme le capitaine Sainct-André se portoit assez bien, et qu’il iroit passer en son logis, où ayant sceu qu'il n’y peust vacquer, y commettroit un autre. Et ainsi devisans ensemble, continuèrent leur chemin qui estoit commun à tous deux, pour aller où chacun d’eux tiroit etse vouloit rendre.

Après que M. Dandelot eut parlé au capitaine Sainct-André, pource qu'il commencoit à guérir et retourner en santé, il se fit porter en une chaire où estoit sa compagnie, pour y avoir plus d’authorité sur eux, et tirer plus d’obéissance d’eux que nul autre.

Ce jour, qui estoit le septiesme que les ennemis avoient commencé leur batterie, dès que la clarté le matin commenca à se monstrer, ils canonnèrent de plus grande furie, et à plus grand nombre de pièces qu’ils n’avoient accoustumé; de sorte qu’il estoit facile à juger ce joor là qu'ils vouloient faire quelque grand ef-

fort. Ce que voyant et considérant M. l'admi- |

FRANÇOIS DE RABUTIN

ral, il appella M. Dandelot son frère, et le setgneur de Sainct-Remy, et les retira à part ; et, s'adressant au seigneurde Sainct-Remy,le pria de luy dire son advis de son entreprise, et qu’il voyoit celles que les ennemis faisoient sur eux (mesmementdes mines), le requérant luy déclairer le moyen qu’ilauroit d’y remédier. Ils luy firent response qu’ils n’estoient à cette heure la à y penser, maisqu'ilsn”ytrouvoientun seulremède, pource que les ennemis estoient maistres des fossés, d’où ils pouvoient pied à pied gaigner le parapect, lequel n’avoit que cinq ou six pieds d’espesseur, et lequel ils leur lèveroient en moins de rien, demeurant le rempart si estroict, qu'il n’y euroit lieu pour eux retirer et couvrir, et aussi peu de moyens pour se retrancher par derrière, à cause que le rempart estoit si haut qu’il maistriseroit en beaucoup le retranchement ; adjoustant sur cela le seigneur de Sainct-Remy - que M. l’admiral se pouvoît encore souvenir de ce que peu auparavant Juy avoit dit, qu'il n’avoit en sa vie mis le pied en une plus mauvaise place. Quant aux contremines qu’il avoit commencé, il partoit à l’instant pour en faire fermer deux, et les tenir prestes pour y mettre le feu ; mais il craignoît

que l’une, qui estoit la principale, ne fist tomber le reste d’une tour, la ruine de laquelle peust servir d’eschelle à l’ennemy pourmonter, combien que, s’il y voyoit quelque danger, il n’en prendroit que ce qu’il en faudroit. Et, ces choses considérées, M. l’admiral dit qu’il voyoit que l’on luy pourroit imputer qu'il auroit eu bien peu de considération de mettre en hazard les forces qu'ilavoit, qui estoient des principales, comme de la gendarmerie,se voyant réduit en telle extrémité; ce qui eust bien servi à conserver autres places, voiretout leroyaume; mais qu'il avoit pensé une chose, à sçavoir : qu’il pouvoit juger qu'après la furieuse batterie qu'ils avoient redoublée, ils s’efforceroient de les emporter d’assault ; parquoy il se falloit préparer et délibérer se bien deffendre; que si

on les avoit bien frottés et battus la première

fois, après ils essayeroient de les avoir et matter à la longue. Et cela voyant, en parlementant,

ou par quelque autre expédient, il pourroit ad-

vertir et faire entendre ses nécessités au roy,

oultre ce qu’il gaigneroit autant de temps. La

conclusion de son propos fut que l’on pouvoit

ouyr les ennemis renforçer leur batterie, fat-

sant penser que ce jour ils desployeroient toutes leurs forces, et mettroient toutes choses au dernier poinct pour les combattre; nourtant il prioit un chacun se disposer à lesbien recevoir et repoulser ce premier coup ; et le Seigneur Dieu en après les conseilleroit du demourant qu’ils auroient à faire. Sur cela se départirent. et s’en alla chacun pour donner ordre à ses affaires.

Avant poursuivre plus oultre ce propos, il est bien requis déduire le nombre des bresches et ke nombre d'hommes qui y estoient pour les garder. La première estoit celle du capitaine Brueil, gouverneur de la ville, qui y avoit sa compagnie; la seconde, du capitaine Humes, Lieutenant de la compagnie des Escossois, du comte d’Arran où elle estoit, et en cest endroit je veux dire que M. l’admiral a tesmoigné en ce qu'il en a escrit qu’il ne veit point, tant que ce siége dura, chefs ny soldats qui s’employassent mieux ny plus volontairement que ceux de ceste compagnie, ne qui monstrassent visages plus asseurés ; la troisiesme, du sieur de Cuzieux avec une partie de la compagnie de M. le dauphin ; la quatriesme, du sieur de La Garde avec une partie de ladite compagnie. La compagnie du capitaine Sainct-André estoit départie en trois, à scavoir avec les capitaines Humes, Cuzieux et de La Garde. La cinquiesme estoit celle deM.l’admiral avec une partie de sa compagnie, et le capitaine Gourdes avec quelques harquebusiers. À la sixiesme y avoit une autre partie de la compagnie de M. l’admiral, et le capitaine Rambouillet. La septiesme, celle de M. de Jarnac, où estoit sa compagnie avec le capitaine Bue et ce qu’il pouvoit avoir de la sienne. A la buitiesme estoient les capitaines Forces, Ogier et Soleil, avec ce qu’ils pouvoient avoir de leurs soldats, et quatorze ou quinze hommes d’armes et archers, que M. l’admiral avoit donnés au sieur de Vaulpergue pour leur commander. À la neufviesme, M. Dandelot y estoit avec environ trente cinq hommes d’armes qui luy avoient esté baillés de toutes compagnies, et quelques gens de pied, harquebusiers de Saincte-Roman, lequel se faisoit bien apparoistre entre les autres. La dixiesme, du capitaine Lignières avec ce qu’il pouvoit avoir de sa compagnie. L’unziesme, le seigneur de Sallevert avec la compagnie de M. de La Fayette, et les capitaines La Barre et Hacqueville avec ce qu'ils pouvoient avoir de leurs compagnies. Et fault noter que

GUERRES DE BELGIQUE, LIV. IX

par toutes lesdites bresches il n’y avoit point huit cens hommes de guerre pour les deffendre, tant de pied que de cheval, bons et mauvais:

car M. l’admiral n’avoit point meslé ceux de la ville parmy eux, ains les avoit départi ès autres endroits, à fin que s'ils eussent esté assaillis à escalades ès endroits et lieux où l’on n’avoit point battu, ils eussent eu gens pour soustenir et en débouter l’ennemy.

Il y avoit eu précédemment beaucoup d'hommes tués et blessés, et autres malades, lesquels ne pouvoient faire aucun secours, non plus que s'ils eussent esté morts: mesmement à la bresche que gardoit M. l’admiral, le capitaine Gourdes y avoit du commencement plus de cinquante soldats des siens, comme ils furent nombrés ce matin, et l’après-disnée, quand ils furent assaillis, ne s’en trouva que dix-sept; encor y eut-il cinq de ceux-là tués en sentinelle avant que l’assault se donnast. Et fut contraint M. l’admiral mander à M. Dandelot son frère qu'il le secourust de quelque nombre des siens, combien qu’il luy faschast fort, le sachant estre en lieu où il en avoit fort bon besoing; si ne laissa-il pourtant de luy en envoyer ce qu’il peut.

Il à esté dit cy-dessus comme les enneinis redoublèrent le septiesme jour leursbatteries, ce qu’ils continuèrent jusques environ les deux heures après midy, qu’on les voyoit ce pendant dresser tous leurs préparatifs pour donner l'assault et de toutes parts. M. l’admiral alloit et envoyoit en tous endroits, à fin que chacun fust prest de les soustenir et repoulser. En fin, sans faire bruit et sans sonner tabourin, il veit trois enseignes au pied du parapet lors qu’il fit présenter un chacun pour combattre; mais ils ne les enfoncèrent point par cest endroit, et commencérent à couler, et à monter file à file à une tour qui avoit esté battue d'artillerie au coing du quartier du sieur de La Garde. Quand M. l’admiral veit qu’ils prenoient ce chemin, il fut fort aise, car ils y grimpoient et montoient fort malaisément, et si du lieu où il estoit il les voyoit un peu par le flanc, et leur donnoit le plus d'ennuy qu'il pouvoit avec trois harquebusiers qui luy restoient, pensans véritablement qu'il fust impossible les forcer par cest endroit. Finalement il veit ces enseignes qui montoient au hault de la tour et se jettoicnt en bas; mais il présumoit que ce fust dans une

| trenchée qui estoit devant le parapet, pour estre

plus à couvert, jusques à ce que l’on luy alla dire que les ennemis forcoient ceste bresche. Lors, se tournant devers ceux qui lenvironnoient, il leur dit qu’il la falloit secourir. Sur cela arrivant le sieur de Sarragosse, luy demanda où il vouloit aller et qu’il vouloit faire; auquel il respondit qu’il délibéroit aller aider et soustenir l'effort de ceste bresche que l'on . forçoit, à laquelle il falloit tous mourir ou en repoulser les ennemis ; et sur cela il commença à descendre du rempart. Et fault sçavoir qu’adonc il n’estoit pas loing de la tour par où les ennemis entrèrent ; mais il y avoit une longue traverse et haulte, qui empeschoit de veoir ce qu'on faisoit. Estant M. l’admiral descendu au bas du rempart, il veit tout ce quartier là abandonné, sazs que personne y fit teste. Et ne sçay d'où vint cest effroy, ne qui en fut l’autheur, si ce n’est qu’on n’avoit peu empescher la venue à l’ennemy, pour ne le pouvoir point descouvrir lorsqu'il vint à la bresche; de sorte qu'y arrivans les ennemis en abondance, et s’y appellans les uns les autres, il fut facile s’y faire maistres, n’y trouvans personne de résistance.

M. l'admiral, seulement accompagné de trois ou quatre, entre lesquels estoit un page, et y allant pour ramasser les troupes et faire teste aux adversaires, ne fut si tost là arrivé qu'il ne se veit enveloppé de tous costés. Cognoissant donc n’estre plus en sa puissance de remédier à ce désordre, estant desjà la ville pleine de soldats ennemis, y entrans les Allemans à grandes foulles, il fit ce qu’il peut pour tomber ès mains d’un Espagnol, comme il luy advint, aimant mieux en ce lieu attendre la commune et générale fortune, et tout succès bon ou mauvais, qu’en fuyant acquérir une honte et reproche. Celuy qui le print prisonnier, après l’avoir fait un peu reposer au pied du rempart, le vou- Jat emmener en leur camp, et le fit descendre par la bresche mesme qu’il gardoit, où il estoit seul ayant perdu toutes ses forces. De là le coula et fit entrer en l’une des mines qu'ils avoient faites pour gaigner le fossé, où il trouva à l'entrée le capitaine Alonce de Cazières, maistre de camp des vieilles bandes espagnoles ; auquel lieu survint incontinent le prince de Piedmont, qui commanda audit Cazières le mener en sa tente. Voila comme tout le fait du siége et de la prise de Sainct-Quentin s’est passé, et a esté déduit par un discours qui m'est

FRANÇOIS DE RABUTIN

tombé ès mains, et que l’on m’a asseuré avoir esté rédigé et mis par escrit par M. l’admiral mesme, et lequel j'ai mieux aimé suivre (comm prochain de la vérité) que me trouver en faulte. Maintenant il m'a semblé bon d'y adjouster, ce qu’au par-dessus j'en ay peu apprendre & scavoir; qui est que certainement à la brescha du faulxbourg d’Isle, où estoit M. de Jarnac, il y fut aussi bien et vaillamment combattu que l’on pourroit avoir jamais leu et veu’ estre faits de sorte que les ennemis par les autres endroitg estans entrés dans la ville, et qui desjà saccageoient et butinoient partout, les vindrent prendre et desfaire par derrière, avant qu’ils pensassent leur monstrer visage : tellement que, pour résolution, avec le défaut qui y estait d'hommes, il y eut de la main de Dieu voulant punir nos fautes. Les ennemis mesmes ont escrit que le premier assault fut donné à ce capitaine Cazières cy-dessus nommé, et au colonel Lazare, colonel de quinze cens Allemans, qui y furent presque tous tués et desfaits. Le second fut assigné au capitaine Navarret ave les Espagnols, et au comte de Meigue avec les Wallons. Le troisiesme au capitaine Julian Romerou, avec trois enseignes d'Espagnols et deux mille Anglais; lequel tombant du hault de la bresche se rompit une jambe. Le quatriesme au Capitaine Carrondelet, avec trois enseignes de Bourguignons, qui y eut une main emportée.

Enfin fut cette belle et riche ville de Sainct- Quentin conquise et prisele vingt-septiesme jour d'aoust mil cinq cens cinquante sept, en laquelle ils trouvèrent de grands butins et richesses, pour estre icelle ville un magasin de diverses marchandises qui se transportoient ès bas pays, et qui estoient aussi de ces lieux apportées pour le commerce et trafique de pardeca, sans y comprendre encore plusieurs bons prisonniers qu'ils y recouvrèrent, tant de ceux de la ville que des chefs et capitaines qui y estoient entrés pour la défendre. Quant à en nommer de ceux de la ville, il m'est fort difficile, pour en avoir bien peu de cognoissance. Quant aux gens de guerre, je pourray mettre icy les noms de ceux dont j'ay esté adverti, tant de ceux qui y sont morts que faits prisonniers. M. l’admiral, comme principal chef, ainsi que l'on a peu voir cy-devant, fut emmené prisonnier ; toutefois depuis a esté quelque bruit qu'il fut au hazard de se sauver par la conduite

d’un Espagnol; mais n’estant ce mystère bien dressé et entendu, il fut reserré, et l'Espagnol pendu et estranglé. M. Dandelot y fut pris aussi; mais, se resentant encore du mauvais traitement qu’il avoit receu d’eux en sa prison d'Italie, aima mieux adventurer sa vie que retomber une autre fois en ceste captivité et misère; de façon que, luy aidant la grace de Dieu, il se coula par dessoubs les bords d’une tente, et de nuict, après avoir sondé divers guëés et passages dans le marets, trouva moyen de sortir de leurs guets et gardes, et se sauva à Han. M. de Jarnac y demeura prisonnier, aussi firent les seigneurs de Sainct-Remy, de Ilumes, de La Garde, de Cuzieux, de Moulins, les capitaines Breuil de Bretagne, de Rambouillet, Saincte-Roman, Sainct-André, Lignières et Soleil. Ceux-cy y furent tués; et y moururent, comme l’on m'a dit, le fils du seigneur de La Fayette, le capitaine Sallevert, enseigne de la compagnie dudit sieur de La Fayette. les capitaines Ogier, Vicques, La Barre, L’Estang et Gourdes. Plusieurs autres y ont esté tués ou faits prisonniers, les noms desquels me sont incognus, et ne les ay peu scavoir pour leur faire part de quelque mémoire de leur vertu : toutefois j'ai opinion que quelqu'un cy-après en pourra encore mieux escrire que moy, qui ne les laissera en oubly, et suppléera mon défault en ce que je pourrois avoir obmis.

Durant le temps de toutes les exécutions cydevant déclarées, M. de Nevers n’estoit bougé de Laon, attendant d'y recueillir et amasser toutes les forces du roy, et pour pourvoir aux autres entreprises que d’ailleurs les ennemis pouvoicnt mettre sus, et surtout de fournir et munir les villes circonvoisines de Sainct-Quentin, non seulement de soldats, selon qu'ils luy estoient envoyés et y arrivoient, mais aussi de toutes autres commodités et provisions, afin qu'ils pussent par courses d’autant plus affoiblir et rompre l’ennemy, en luy coupant les vivres, et massacrant les soldats aux fourrages, et s’asseurassent et tinssent forts de bonne heure s’ils estoicnt assiégés, prévoyant mesmement l’obstinée continuation des ennemis au siége de ceste ville, laquelle il doutoit à la longuc estre prise et emportée, ne pouvant estre de luy en autre sorte secourue. Dont il ne fault douter qu’en son esprit il ne supportast un fort grand ct triste regret, ainsi que son visage

GUERRES DE BELGIQUE, L1V. IX

et ses gestes le faisoient paroistre. Et pourtant d'heure à autre advertissoit le roy de tout ce qu’il scavoit, et luy estoit rapporté estre advenu dedans et dehors ce siége : tellement que, le jour de la prise de ceste ville, le roy luv faisoit response à ce qu’il luy avoit escrit , s’il advenoit que l'ennemy emportast Sainct-Quentin, qu’ilauroit à faire lui avoit mandé que le mieux de sa charge et de son faict seroit de pourvoir Guyse, La Fère et Péronne, sans oublier Corbie, où il escriroit au sieur de Villebon se retirer, et faire si diligemment travailler au remplissement du boulevert et rehaulsement du retrenchement, que bientost ils se retrouvassent en leur perfection. Oultre plus, il l’advertissoit derechef que, selon qu’illuy mandoit par le sieur de Sansac, si Sainct- Quentin tenoit, qu’ils dressassent une forme de camp à Han, pour retrencher encor plus estroittement les vivres aux ennemis, et là où ils le prendroient que, retirant des places qu'il avoit laissé derrière toutes les garnisons, il les suivist à la queue et envoyast les lansquenets qu’il avoit à Soissons, Villiers-Cotterets et Dommartin, pour se retirer la part où il seroit; et quant aux Francois, que, lesdites quatre places pourvues, il les départist à Laon et à Coussy, avec quelques bons chefs, luy laissant le surplus de la charge de pourvoir à Compienne, où, oultre les quatre compagnies qu’il y avoit ordonnées des capitaines Certeau et Fontaines, il se délibéroit d'y envoyer encor celles du capitaine Buchet, et une autre du capitaine Antoine de Novion. Or, quant à cccamp dontil est fait cy-dessus mention devoir estre dressé à Han, est à scavoir que, deux ou trois jours précédemment, entre autres mémoires que le roy avoitenvoyés à ceprince, luy enchargeoïit et l’advertissoit qu’il entendoit fortifier un camp à Han, où se devoient trouver, pour le considérer et entreprendre avecques luy, les seigneurs de Sansac, d’Estrée et de Villebon, et autres expérimentés capitaines, suivant ce que M. le mareschal Sainct-André en avoit desjà fait désigner pour la fortification du camp, qui un peu auparavant y estoit. Et d'autant qu’en ceste entreprise l’on craignoit que les ennemis, se mettans entre ledit Han et les vivres, et empeschassent ceste entreprise, et contraignissent ceux qui seroient là-dedans de venir à la ba-

taille, lon avoit pourveu d’avoir cinq cens

muis de bled en farines, que le sicur de Chaulne,

gouverneur de Corbie, prestoit au roy, pour la nourriture des forces qui entreroient dedans, suffisans pour un long-temps à vingt-cinq ou trente mille bouches, oultre laquelle quantité de farines, on en avoit encores autres quatre cens muis. Toutefois ces délibérations n’eurent aucun effect, et fut autre changement d’advis par la prise de Sainct Quentin, plus soudaine et plutost advenue que l’on n’espéroit; Car, incontinent après, M. de Nevers n'avoit autres choses aux oreilles qu’advertissemens des gouverneurs et chefs des places des environs, que l’ennemy tournoit devers eux, se plaignans de leurs défaults et nécessités, et demandans secours, ou d'hommes, de vivres, de pouldres, ou de quelques autres munitions : de sorte que lon ne scavoit ausquels premièrement entendre, et là où estoit le plus proche et urgent besoing. M. de Bordillon, qui estoit à La Fère, encore que ce prince eust mis gens dans ceste place autant qu’il luy avoit esté possible, et l’eust munie au mieux que le moyen s'estoit peu recouvrer, Ce néanmoins, craignant la longueur du siége, et ne voulant attendre l’extresme nécessité, vouloit en avoir plus que moins, et demanda à M. de Nevers secours de vivres et de gens. Parquoy fut commandé au président Bourgeois, que le roy avoit envoyé à Laon pour estre commissaire général des vivres, de luy envoyer des munitions qui estoient dans ceste ville de Laon, tant de farines que de vins; et d’un mesme train luy furent envoyées une ou deux des vieilles corupagnies de gens de pied qui estoient venues nouvellement de Metz. Au comte de Sancerre, qui estoit à Guyse, se plaignant d'avoir faute d'hommes, pour avoir esté ceste place accrue d’une nouvelle fortification, disant que, par la revue qu’il avoit faite de ses gens, ne se trouvoit avoir que deux mil et trois ou quatre cens hommes de pied, où il estoit nécessaire de plus de trois mil cinq cens, fallut encore luy renvoyer autres quatre des vieilles compagnies, lesquelles aussi estoient venues de Mets. Le capitaine La Motte Rouge, gouverneur de la Capelle, envoya aussi advertissement à ce prince, comme par ses espions il avoit sceu que les ennemis, après la prise de Sainct-Quentin, délibéroient aller assiéger Guyse ou La Capeile, et pource qu’il estoit besoing le secourir de gens. Ainsi, encore que M. de Ne-

vers eust bien fort peu de compagnies de gen :

FRANCOIS DE RABUTIN

de pied auprès de sa personne, et toutes celles qui y estoient eslans encore nouvelles, si fut il force luy en envoyer deux des capitaines Fouquault et Brumes. M. d’Humières, gouverneur de Péronne, d'autre part disant avoir entendu pour vray qu’au partir de Sainct-Quentin Îles ennemis tiroient droit vers luy, demandoit encore plus grand nombre d'hommes qu'il n’avoit; combien que sa ville fust desjà pourvue de soldats en la sorte que j'ay dit cy-devant, Pon y renvoya les compagnies du capitaine Vezigues. Certainement il y avoit de grandes opinions et conjectures que les ennemis s’addresseroient à ceste ville, pour beaucoup de causes; entre autres, pour de tant plus renforcer Sainct-Quentin, et la tenir en seureté, estans ces deux villes voisines l’une de l’autre, et pour estre maistres d’une grande partie de la rivière de Somme, qui leur serviroit comme d’une barrière. Mesmement M. de Bordillon avoit mandé à M. de Nevers qu’il avoit sceu de l'enseigne de M. l'admiral, estant prisonnier au camp de l'ennemy, qu'ils pourparloient desjà de tirer là, ayans esté advertis, par un Italien et un soldat du capitaine Vicques, de l'endroit où ils la devoient battre, qui estoit depuis la porte de Bourgongne jusques à une tour qui est pendente, et depuis le chasteau jusques à un flanc où le terrouer et le rempart ne valloient rien; pour ces causes estoit bien requis y pourvoir à temps et heure. Et en cela se peult voir si ce prince avoit guères de repos, sans que je fasse ici plus ample narration d’infinité d’autres fatigues où sa personne et son esprit estoient incessamment tendus, que je laisseray à descrire à ceux qui l’ont peu voir comme moy.

Or, le roy Philippes avec son armée estoit tousjours campé à l’entour de Sainct Quentin, sans qu'on peust scavoir, à la vérité, ce que de nouveau il vouloit attenter. Seulement, après que ceste pauvre ville eust esté d’un bout à autre fouillée et saccagée, et vuide de tant de biens qui y estoient, commencèrent à la fortifier. Toutefois depuis, sur la fin de ce mois d’aoust, M. de Lordillon advertit M. de Nevers comme son espion luy avoit rapporté que les ennemis avoient tiré de leurs trenchées devant Sainct-Quentin quelques pièces d’artillerie, et estoit le bruit par tout leur camp que c’estoit pour aller assiéger Le Castellet. Ce qui fut trouvé véritable; car, peu de jours après,

l'on sceut que pour vray il estoit enveloppé, et

Brabanson), chef de ce siège, estoit campé avec mil ou douze cens chevaux le long du marets et devers l’ahbaye de Sainct-Martin. Au-dessus de luy estoient logés trois régimens d’Allemans, à sçavoir : Monichuissen avec dix enseignes, et plus haut, sur le chemin de Sainct-Quentin, un autre régiment de Porisvanholf de sept enseignes, où se faisoit une batterie de quatre pièces. Plus haut encore, entre les chemins de Sainct-Quentin et de Cambray, s’estendoit un autre régiment de Claes Holstat de sept enseignes; et là estoit la plus grosse batterie de vingt et une pièces, qui tiroient aux deux bouleverts et à la courtine, avec une furieuse et admirable tempeste, comme les nouvelles cou roient parmy nous, et aussi que le tonnerre en retentissement en estoit le plus souvent entendu. Dedans estoit gouverneur, comme j'ay desjà dit, le baron deSolignac, gentilhomme duquel la valeur et bonne opinion que chacun avoit de luy faisoit croire qu’il ne rendroit ceste place qu’à l’extrémité, et esprouveroit le dernier danger avant que succomber de son honneur ; mesmement tant de braves entreprises qu’il avoit exécutées sur les ennemis durant le siége de Sainct-Quentin (entre autres avoit destroussé quelque argent qu’on apportoit à leur camp), luy redoubloient une fort grande et louable réputation. De quoy s’asseurant M. de Nevers, et luy estant confermée ceste confidence par les advertissements que le baron de Solignac luy mandoit de garder ceste place tant longuement que le Seigneur Dieu luy presteroit la grace, et jusques au dernier souspir de sa vie, en donna advis au roy, dont Sa Majesté eut grand espoir et contentement. Et ce que confirma la response que sur cela en feit M. le cardinal de Lorraine, escrivant à ce prince que le sieur de Ricourt, cousin et parent du baron de Solignac, avoit asseuré le roy et luy que ledit de Solignac mourroit plustost dans Le Castellet, que le rendre sans extrémité irrémédiable. Ceste espérance, que pour le moins il tiendroit quinze jours ou trois sepmaines, faisoit faire toute diligence d’amasser et rassembler les forces que le roy proposoit mettre sus de nouveau ; de sorte que Sa Majesté avoit mandé et fait response à M. de Nevers qu'il s’asseurast que dans ce temps-là il auroit auprès de luy une XVI" s1ècee, La PI. et La PI.

GUERRES DE BELGIQUE, LIV. 1X

. autant belle armée quela première pour empesque le comte d'Aramberg (autrement dit le |

cher que l’ennemy n’entrast en pays. Et de faict, c’est chose certaine que l’on faisoit haster à grandes journées le secours des Suisses, et les bandes nouvelles d’Allemans que les colonels Reichroch et Reïfberg amenoïent. Pareillement l'on avoit sceu que M. de Guyse s’achemineroit bientost de par-decà, et, d’autre part, journellement arrivoient à l’entour de Laon quelques compagnies de cavallerie et fanterie, estans toutesles autres places bien pourvues, y ayant ce prince mis un tel et si bon ordre, qu'elles estoient hors de doute, ainsi que chacun le sçait. Mais tout le rebours de tout ce qu'on proposoit advint; car dès le six ou septiesme de septembre, sur le soir, vindrent autres advertissemens de M. de Bordillon, comme Le Castellet estoit rendu; ce que M. de Nevers ne vouloit croire aucunement, pour autant que ce jour mesme le baron de Solignac luy avoit de rechef mandé qu'il n’estoit encore prest à se rendre, et qu’il délibéroit y mourir ou y faire un si grand service au roy qu’il en auroit à jamais mémoire. Et encore que les rapports redoublassent, si en demeura il toujours en doute, et ne luy pouvoit tomber en l’entendement, jusques à ce que toute la nuict il envoya recognoistre et scavoir la vérité; et fut trouvé qu’il estoit ainsi, et que davantage, comme l’on rapporta, s'estoit rendu à bien petite occasion, veu qu’il n’y avoit autre bresche raisonnable pour donner l'assault, lequel, pour le moins, il devoit endurer, estant place de marque, encore qu’elle soit petite, autant deffensable qu’il en soit sur ceste frontière, autant bien pourveue de munitions (comme l’on dit que M. d’Estrée l’asseura) qu'il estoit possible. Ainsi ceste reddition, si soudaine et au despourvu, fut trouvée fort estrange de chacun, veu l’espérance précédente, et que l’on n'avoit point ouy plaindre ceux qui estoient là-dedans d'aucun défaut.

Pour ce mescontentement ct souspecon, estant iceluy baron de Solignac depuis à Paris, le roy le feit arrester prisonnier ; lequel, se voulant justifier, a allégué, sur ceste si soudaine reddition de la place qu’il avoit en garde, les causes cy-après déclarées, à scavoir; qu'il avoit esté frustré du secours par luy requis et nécessaire à la conservation de sa place, qui estoit de deux mille hommes de garde, comme le seigneur d’Estrée, auparavant gouverneur, attendant le

siége, les avoit autrefois eus. Davantage, qu'ayans trouvé Îles ennemis ce chasteau sans fossé du costé que ils commencèrent leur principale batterie, et un bastion demeuré bas et à revestir, exploitèrent tellement que les soldats ordinaires à la garde de ce bastion furent bientost contraincts l’abandonner, pour la grande quantité de bricque et terrain qui, de la courtine neufve, les endommageoit et tomhoit ordinairement sur eux, estant si furieuse et violentela batterie, qu’en peud’heuresellefeit vuye et chemin pour monter à cheval sur ledit bastion, estant facile pour venir de là à la bresche ; laquelle, combien que elle ne fust de tout suffisante, s’aggrandissoit dans deux vollées de canon, et s’estendoit de six vingts pas ou plus, s’inclinant et courbant desjà le mur en ceste longueur, et le terrain ouvert d’un pas en largcur, et de la longueur d’une picque en profond. Ce que voyans les soldats, qui ne se trouvoient là-dedans en nombre de trois cents, ny la moitié d'eux en force et santé, prindrent tel et si grand estonnement et désespoir de résister, que, pour quelques remontrances que leur sceussent faire leurs capitaines avec offre de mourir avecques eux des premiers, ne les peurent asseurer et remettre en volonté de combattre et attendre l’assault. Réservé quelques gentilshommes et vieux soldats qui se présentèrent à toute fortune et s’offrirent à tout devoir, les autres prindrent résolution de quitter là tout, abandonnans la bresche, et déclarérent ouvertement au gouverneur qu'ils ne combattroient aucunement, ne cognoissans, comme ils alléguoient, moyen n’y apparence aucune de pouvoir résister et garder ceste place, ny faire un seul service au roy ; et pourtant qu'il valoit mieux réserver leurs vies à un autre qui seroit de plus grande importance. Qui fut un autant plus grand desplaisir et crèvecueur audit gouverneur et autres capitaines, que plus de réputation ils avoient acquis, tant ès guerres précédentes que freschement aux saillies de ceste place sur les ennemis, et jusques à renverser de leurs gabions et leur faire abandonner leurs trenchées. Durant le siége du Castellet, le quatricsme de septembre, M. de Bordillon advertit M. de Nevers qu'il avoit sceu que le roy Fhilippes ne deslogeroit d’auprès de Sainct-Quentin, jusques après avoir veu qu’il adviendroit du siége du Castellet, se-

lon qu’il l’avoit peu apprendre de quelques soldats qui avoient esté pris ce jour là à Vandeuil, lesquels luy avoient asseuré que la batterie devant le Castellet commencoit le lendemain.

Ces soldats-là faisoient escorte à leurs fourrageurs, desquels en avoient esté tués plus de quarante en ce lieu, et en furent emmenés foret chevaux par ceux de la compagnie du comte de Villars, que M. de Bordillon y avoit envoyé, avec quelque nombre d’harquebusiers à cheval de la compagnie du capitaine Lamenaz, qu'il faisoit soustenir par deux ou trois cens harquebusiers à picd le long du marets. La compagnie de chevaux-légers du prince de Condé et une d’Escossois, estans en embuscade près du grand Essigny, feirent rencontre de quelques gens de pied qui venoient à l’escorte des fourrageurs, desquels environ vingt furent exéeutés et mis en pièces; et, sans leurs gens de cheval qui leur vindrent à secours, estans iceux gens de pied bien cinq cens, on eust fait carnage de tout cela.

Après la reddition du Castellet, M. de Nevers eut quelque opinion que les ennemis tournassent à Guyse, ayant pris ce chasteau pour s’asseurer de ce qui estoit à leur dos, et pour aussi rendre le chemin de Sainct - Quentin à leur camp libre et sans danger, afin que de l'un à l’autre on peust envoyer tout secours. Toutefois, se tenant fort bien asseuré du comte de Sancerre, vaillant chevalier s’il en est point au monde, et que la place estoit seurement pourveue et munie d'autant vaillans capitaines et soldats qu’il estoit possible les eslire, et généralement de toutesles autres provisions et munitions de guerre, il en avoit un grand repos et contentement en son esprit, s’asseurant que s'ils s’y adressoient ils trouveroient de la besongne taillée pour un long séjour ; et cependant luyresteroit toujours le loisir de recouvrer gens, et si pourroit de plus en plus fortifier les autres places circonvoisines, et finalement se présenteroit quelque propre occasion pour leur appareiller une strette qui leur feroit sentir combien seroit dangereux en pays d’ennemy s’estendre et eslargir. Toutefois il n’advint rien de ce que ce prince en espéroit ; Car, peu de jours après la prise de ce chasteau, les ennemis, sans passer plus oultre, prévoyans, à mon advis, autant clairementquenousleursintérestsetadvantage, se retirèrent à Fonssomme, où jà estoit campé

GUERRES DE BELGIQUE, LIV. IX

le roy Philippes avec l’autre partie de l’armée. : feissent quelques raffles et destrousses impro-

Et estoient là, a mon jugement, sur le poinct de la délibération de ce qu’en après ils auroient à poursuivre; aussi que l'on disoit que le roy Philippes attendoit response de l’advertissement qu'il avoit envoyé en Espagne à l’empereur Charles son père, pour le resjouir de sa prospérité, le suppliant en outre luy commander et ordonner de ce qu’en après auroit à entreprendre. Il est facile à juger que, selon leurs mutations et diversités d'entreprises, il falloit aussi que M. de Nevers changeast et accommodast les siennes ; car alors ils estoient les plus forts, et nos forces encore si naissantes et petites, que c’estoit tout ce qu'on pouvoit faire que ruiner pays au-devant d'eux et à l’entour, où l’on scavoit qu’ils se vouloient eslargir et estendre, et au surplus fournir les villesoù l’on cralgnoit qu'ils délibérassent s’attaquer pour temporiser et les amener ou jusques à l'hiver, ou les faire consommer temps en si petits exploits, que l’on peust cependant réunir nouvelles forces pour aller au-devant d’eux. Or desjà en ce temps commencoit à s’engendrer entre eux un mutinement, mesme entre les Allemans et les Espagnols, tant pour le sac et butin de Sainct-Quentin, que pour les prisonniers de la journée de Sainet-Laurent ; de sorte qu’on disoit parmy nous que le roy Philippes et le duc de Savoye, se voulans vendiquer et dire leurs les princes et grands seigneurs de France prisonniers, desquels la rançon excèderoit certaine somme limitée, et les voulans retirer et avoir presque comme de force des mains des princes et grands seigneurs d'Allemagne qui estoient en ce camp, les mutinèrent tellement, qu’ils délibéroient se départir et s’en aller expirant le serment de leur service ; ce que estant sceu de nous, estoient practiqués et retenus au nostre, et dès-lors peu à peu àla files’y en retiroit. Aveo cela les Anglois ayans esté fort maltraitfés en ce voyage, aussi qu'ils avoient sceu comme les Escossois remuoient mesnage en leur pays, et leur faisoient une forte guerre, avoient desjà demandé congé, et s'en vouloient retourner : toutefois, pour remédier à toutes surprises qui peuvent advenir soubs la crédence de telles nouvelles et bruits appostés, l’on ne délaissoit à pourvoir à toutes choses; mesmement pour la doute qu’on eust peu avoir que ces Anglois, en eux retournant, ne

vistes, l’on contremanda M. de Senarpont, lequel auparavant l’on vouloit retirer de pardecà, pour se mettre dans Abbeville, de ne bouger de son gouvernement de Boulongne et de Montereuil, pour tenir ceste contrée en asseurance, au lieu duquel y fut commandé M. de Sansac avec sa compagnie et celle de feu M. d’Anguien.

Ayant le roy Philippes pour quelques jours campé à Fonssomme, tant, à mon jugement, pour les causes précédentes que pour estre certainement adverty de nos forces et des empeschemens qu'il trouveroit, ou que luy pourrions donner s’il entroit avant en pays, prit dernière résolution d’aller assiéger Han, où feit prendre le chemin à son armée, scachant la situation de ceste place fort commode à estre fortifiée, de laquelle un commencement estoit desjà pro- Aitté et desseigné, et toutefois si imparfaict et délaissé, qu'il ne pourroit faire grande résistance : et, s’asseurant l'obtenir en peu de temps, proposoit, en parachevant la fortification, la rendre l’une des plus belles places de guerre qui se peust veoir sur toute la frontière, et qui seroit comme le secours et appuy de la ville de Sainct-Quentin, qu'il délibéroit aussi rendre inexpugnable, pour avoir de ses Pays-Bas les stances et journées raisonnables de retraittes pour entrer et sortir dans le royaume de France quand bon luy sembleroit. Or, pour dire un mot de la situation de Han, elle est entièrement plaine et descouverte, sans qu’il y ayt rien qui luy commande; flanquée d’un costé de la rivière de Somme, et de l’autre d’un marets d'estendue, en certains endroits, de plus de cinq cens pas, Sans que il y ayt que bien peu de plaine et terrouer sec pour y arriver. Il y a la villette et le chasteau. La villette, en l’estat qu’elle estoit pour lors, ne pouvoit tenir en sorte que ce fust ; et combien qu'il y eust quelques fondemens et sorties de bouleverts, si est-ce qu'ils estoient si peu apparans et mal défensables qu’il n’en falloit faire aucun estat. Le chasteau estoit d’assez bonne apparence, et se représentoit assez furieux, selon les anciennes fortifications, ayant la forme quarrée, flanqué de quatre gros bouleverts ronds, avec une grosse tour quarrée et massive de large espesseur, servant de plateforme aux courtines qui luy estoient alliées, et commandant en tout et partout ce chasteau : mais Le tout estoit à sec de pierres et